Ka Nupepa Kuokoa, Volume XVI, Number 18, 5 May 1877 — Page 3

KA NUPEPA KUOKOA, ME KE AU OKOA I HUIIA.

 

manao ai, me ka pupuahulu ole e hookahe aku i ko oukou mau koko, aka ano, ua lele kamoku ia mai nei ka hanohano o Ros@a, a ua hooiaia mai au, ua ike no oukou i ka mea e hana aku ai. Na ke Akua e alakai ia oukou. Ke lana nei ko'u manao e halawai oukou me na pomaikai. Aloha oukou a hou nui hou mai."
            Sana Petereboro, Apr 24 – Ua hoikeia aku ka olelo kukala a ka Emepera i mua o na Puali koa a me na makaainana, i keia la. Eia kana: iloko o ka noonoo ana no ka hoole ia ana mai o ka papa kuhikuhi hana i waihoia aku ai a me ka hoole paakiki o ke Suletana o Tureke i ka noonoo maikai ana a Europa i waiho aku ai, ano ua hiki mai ka manawa a Rusia e hana kaokoa ai.
            Ma ka la inehinei, ua hoouna aku o Rusia i ka lono kukuala kaua i na mana e ae o Europa.
            Sana Petereboro, Apr. 24 – Eia malalo iho nei ka olelo kukala kaua holookoa a ka Emepera Alekanidero:
            "E ko makou mau makaainana hoopono a aloha, e ike oukou i na pomaikai nui a kakou i luakahi pu ai no na makaainana Karistiano i hookaumaha kuapaanui ia ma Tureke. O ko kakou makemake ka ka Lahui holokooa o Rusia i manao ai, e hapai ae a e hookaulike i ke kulana o na Karistiano ma ka anemoku o Bilkaua, a ka lahui i ku ai me ka makaukau e hapai i na mohai, ano ua hiki mai ka manawa.
            O ke kahe ana o na koko a me ke alunu wale ia ana o na waiwai o ko kakou mau makaainana karistiano ua lilo ia he mea nui loa ia kakou, a o ko kakou noho alii holookoa ua paulele nui maluna iho o ia mana.
            O na hopena awahia i loaa i ko Herezgovina, Bosania a me Bulgaria, ke nune nei ia iloko o kakou me ka ehahea. O ko kakou manao hookahi wale no mamua o na mea e ae apau, oia ke kaikai ana i ka noho kau like ana o na Karistiano ma ka Hikina, ma ka hooponopono kukakuka maikai ana, a i kulike ai hoi me ka makemake na mana nui e ae o Europa, ko ka kakou mau makamaka a mau aupuni launa like. No na makahiki aenae elua i kono aku ai kakou i ke Suletana o Tureke e hookomo i keia mau hooponopono no iloko o kona noho hoomalu aupuni ana ma na okana aina o Bosinia, Herezgovina a me Bulgaria mai ka na Luna Aupuni kuloko hookaumaha ana, aole nae maliu ia mai. O keia mau hooikaika ana me ke kokua pu ia mae e na mana nui e ae o Europa, aole i holo pono kona hopena i makemakeia ai. Ua kupaa iho ke Suletana o Tureke maluna o kona hoole mua me ka ae ole mai i na hoopaa ana kupono ae na makaainana Karistiano, a nolaila, hoole mai la imuao ka aha uwao i noho ai ma Konatinopela. No ka makemake nui e hiki no keia manao ke hoohuli mai i ke Suletana ma kekahi ano e ae, ua waiho aku kakou i keia kumu hana i na aha kuhina e ae, e waeia ona papa kuhikuhi hana e ano like aku ana me ko ka Aha uwao e ma Konatinopela; me ke kono pu aku ia Tureke e maliu mai i keia hana lahui, oiai ua hoemi ikiia mai na koi ana; aka o ko kakou manaolana, aole i hookoia. Aole oia i hookaulua i keia manao lokahi o Europa Karistiano, a aole hoi i okakuu mai i na olelo oia papa kuhikuhi hana. Me keia mau hooikaika nui ana i hooikaikaikaia me ka hiki ole i kona hopena kupono, ua konoia mai kakou e hapai i kekahi hana oolea ia Tureke, me ka manao, e hahai pu ana ko kakou lokahi a me ka hanohano ia kakou.
            Mamuli o keia hoole ana a ke Suletana, ua waiho o Tureke iaia iho malalo o ka ikaika o na mea kaua. Me ka manao maopopo i ka pono o ka kakou kumu, me ka waiho ana ia kakou a pau malalo o ka lokomaikai o ke Akua Mana Loa, ke hoike aku nei imua o ko makou mau makamaka aloha, ua hiki mai ka manawa e puana ae ai i na huaolelo no ka hooko ana i na mea i ikeia mamua, a Rusia holookoa e puana mai ai me ka lokahi. Ua hoike aku makou mamua, no ko kakou hana kuokoa, ke ike makou i ka mea pono e hana'i, ke noiia mai ka hanohano o Rusia e hana pela.
            I ka hoopau ana, ke poni aku nei makou i na hoomaikai ana a ke Akua maluna o ko kakou mau puali kane, a ua kauoha makou ia lakou, e hele aku a komo iloko o Tureke, maluna aku o kona mau palena a me ko kakou – Aledanekero."
            Ua komo ae he 50,000 na koa o Rusia ma ka palena o Roumania. O ka hapalua o keia mau koa he kau lio, a o kekahi, he poe hele wawae. O ke Duke Nui Nicholas ke Aliikaua nui.

            MAKE I KA AINA MALIHINI. – Ma ka la 20 o Feberuari, ua haalele mai o Kuahu i keia noho ana, ua kai alupe ia aku la ma keia aoao o ka muliwai eleele, kahi hiki  ole ia kakou apau ke paa aku. Ma ka makahiki 1864 paha kona hiki ana mai maanei, ma ke ano lima hana no Port Gamable nei, ua noho na makahiki 12, he hoa ikaika i ka hana lima; o ke puni ahi kana hana a haalele honua iho nei ia makou kona mau hoa o keia wahi. Ua nui no ka imi ana i laau i na kauka, aole nae he loaa mai o ka oluolu. O kona one hanau o Kaupo Maui, aia no paha kona Papa i Pauoa Honolulu, o Kiki, ke ole nae e pehia mai au e na manao kuhiewa o'u.
            "Aloha oe i haalele mai,
            I kou mau hoa o keia wahi,
            O ka u o ka waimaka
            Ka makou e haawi aku."
Port Gamable, Saw Mill.

 

Pau i ke ahi.

E KA NUPEPA KUOKOA, Aloha oe; -
            E oluolu maikai mai oe e hoikeike ae ma ke akea, i ike mai ai na lehulehu a pau i ka hana palena ole a ke ahi.
            Aia ma ka po o ka Poalima a ao ae Poaono oia ka la 20 o Aper. nei, pau iho la i ke ahi ka hale puhiko o Mr. E.G. Hitchcock ma, oiai he mau wahi pule wale no i puhi ia iho nei ke ko, a halawai e iho nei nae me keia poino a ke ahi, oiai hoi aole i a'oa'o e uamoa me ka @ wale; no laila, e malama pono i na hunahuna ahi e ka poe i koe, o like auanei me keia ka pahoehoe i Paukua.
            A ma keia Poakahi ae nae oia ka la 23 o keia malama no, e hoala ia ai ona hale puhiko hoo maluna no oia kahua mua i pau iho la i ke ahi, no ka manao ana e puhi hou aku i ke koena ko i puhi mua ia iho nei, me ka manao nae hoi e hoi ana ke poho ma ia puhi ana, e a ka hoi e pau e ana i ke ahi; eia nae hoi ka hana e hoi ai o na lilo, ke ole o loaa hou he poino e like me keia.
            A ma ia po no ua loohia iho la o Mr. E.G.H. i kekahi poino no, oia hoi ka wela ana o kona wawae i ke kopaa i hehee ai i ke ahi mamuli o kona hele ana'ku me ka mananao ole nae e poholo ana. eia nae komo e aku la kona wawae iloko oia pilikia. He mau wahi mea hou iho la no ia o kuaaina nei. Me ke aloha nui no.
S.K. MAKAIKAI.
Napali Hilo, Aperila 21, 1877.

 

I KA MEA KIEKIE RUTA KEELIKOLANI:

            O makou o na makaainana o ka Apa- o Wailuku, Mokupuni o Maui, ko Hawaii Pae Aina.
            Oiai hoi ua hiki mai ka lono kaumaha no ka hala ana o kou luhi, ka Mea Kiekie ke Keiki Alii William Pitt Leleiohoku, mai keia ole ana'ku; Nolaila.
            Hooholoia: - O makou o na makaainana ma o ke Komite'la, ke komo pu aku nei me oe a me ka Ohana Alii, iloko o ke kanikau piha ana, walohia, kumakena, a ehaeha no hoi – A na ke Akua e malama i kou ola e ke Alii Wahine.
H. Kuihelani    T.N. Birch
G E Richardsan           S M P Kaleo,
Chas. W Kenui            W K Makakoa,
Moses P Waiwaiole.

 

Hoolaha a ka Luna Hooponopono Waiwai

            OIAI ua hookohuia mai ka mea nona ka inoa malalo iho, i Lunahooponopono no ka waiwai o KEOKILELE w, o Hanalei, Kauai i make, ke hoolaha aku nei i ka poe a pau he mau koina ko lakou i ka waiwai o ka mea i make, e hoike koke mai i ka mea nona ka inoa malalo iho, iloko o na malama eono mai kela la aku, a i ole ia, e hoole loa ia; a o ka poe i aie mai iaia, e hookaa koke mai ia
DAVID MAKALIU,
Lunahooponopono Waiwai o Keokilele w.
Hanalei, Aperila 30, 1877. 805 4t* 808

 

            EIA iloko o ka Pa Aupuni i Heeia, Koolaupoko nei kekahi lio helehewa i laweia mai. Lio k. eleele, kiko keokeo ma ka lae, akahi wawae keokeo mahope uha hema i kuniia i ka hao, K me Le akau, cm hema. E kuai kudala ia ana ke hiki aku i ka la 12 o Mei nei, hora 12. P. Kahuhu
805 1t Luna Pa Aupuni o Heeia, Koolaupoko.

 

            Ua haule aku mai ko'u poli, ma ka la 25 o Aperila, mawaena o ka hale kuai awa o D Kahanu a me ka makeke kuai ia he Bila Banaeo nona na dala he 50.00. Ina ua loaa i kekahi mea, e hoihoi mai ma ke keena o ke Kuokoa, e loaa no he uku mai a'u aku. B K Kapahau.
Kaumakapili, Honolulu, Apr. 28, 1877 805 1t*

 

            OIAI, ua komohewa ae kekahi poe kanaka maluna o ka aina o AWALUA, Kohala, Hawaii, a ua hana iho i kekahi mau hana ino. No ia mea, ke papa ia aku nei na kanaka a pau e komohewa ana ma ua aina la, o hoopiiia auanei ma ke kanawai; a o na holoholona a pau e loaa aku ana ua komohewa, e hoopaaia lakou i ka pa Aupuni. W.R. CASTLE, Loio no Kahele w.
805 2ts 806

 

Hoolaha a ka Lunahooponopono Waiwai.

            OIAI, ua hookohuia mai ka mea nona ka inoa malalo iho, i Lunahooponopono waiwai, a he hooilina oiai no ka waiwai o UA k, i make, e D. McBryde, Lunakanawai Kaapuni o ka Apana Eha. Nolaila, ke kauohaia aku nei na kanaka a pau a ka mea make i aie aku ai, e hoike koke mai i ko lakou mau bila oiaio, iloko o na malama eono mai keia la aku; a o ka poe hoi i aie mai i ka mea i make, e hookaa koke mai ia'u ma Papaa ko'u wahi noho. Ina he waiwai o ka mea make e paa ia nei e kekahi, e hoihoi koke mai. J. KAI PU, Lunahooponopono Waiwai o Ua.
803 4t* 808

 

KUAI HOOMAU AKU.

            E hoomau ia'ku ana ke kuai kudala o na waiwai lako hale o Kanaina i ka Poakahi, e hoomaka ana mai ka hora 10 aku kakahiaka. Oia na moena lauhala a me na moena pawehe, na mea tini, na lako papaaina, na lako kala, na lole, na hoe waa, na lako hale a me na waiwai e ae. 805 1t

 

KUAI A KA LUNA HOOPONOPONO WAIWAI

            E kuai aku ana ka mea nona ka inoa malalo iho ma ke kudala, maluna o kahi i noho iho nei o E. Mikalemi, ma Kapalama-kai, Honolulu, Oahu, ke hiki aku i ka Poaha la 10 o Mei, ma ka hora 10 A.M., oia na lako hale o ka mea i make; oia na Noho, na Pakaukau, na Noho Uwai, na Pakaukau kakau, na Pahu Lole, na Ume waiho kapa, Na mea kau Mamalu, na Moe, na Uluna, he paa ili lio kauo kaa, 2 mau kaa huki imua, na lako pa, a me na heluna nui o na lako hale maikai a hoonani.
W.L. Wilcox,
18 2t Lunahooponopono Waiwai

 

OLELO HOOLAHA

            KE papa ia'ku nei na mea a pau aole e hele wale maluna o na Aina nona na inoa o Malaekahana a me Kahuku; a o na holoholona, lio, bipi, a me ka puaa e hele wale ana maluna o keia mau aina, e hana ia no e like me ke Kanawai. Ua PAPA LOA IA NA ILIO, aole e hookuu wale ia maluna o keia mau aina, a o ka poe e hele ae ana ma ke Alanui Aupuni me na ilio, ke ha ia'ku nei e hoopaa me ke kaula a hala na palena o kela mau aina.
J.A. HASSINGER.
Kahuku, Mei, 1, 1877r 18 5t

 

OLELO HOOLAHA.

            E IKE AUANEI NA ANO KANAKA A PAU ke hai ia'ku nei ka lono, ua kapu loa ka hookuu wale ana i na ano holoholona a pau maluna o kuu aina kuai, e waiho ia ma NUUANU, apana o Hilo-paliku, nona na eka he 35 a oi aku. O ka mea a mau mea e hookuu wale ana i ko lakou mau holoholona, a i loaa i kuu luna i D D Nawahine, e hooukuia ke poo hookahi $1.00. E lilo keia i kanawai paa loa. Mrs. Kamali.
Hilo, Hawaii, Apr. 18, 1877. (17 3t) 805 4t* 808

 

            KE HOIKEIA aku nei ka lohe i na mea a pau, o ka mea nona ka inoa malalo iho, ua hookohuia mai i Lunahooponopono no ka waiwai o ELIA k, no Wailua, Kauai i make; a ke kauohaia aku nei na poe a pau i aie mai i ka mea i make, e hookaa koke mai, a o ka poe he mau koina ka lakou, ina paha ma ka moraki a ano e ae, e hoike koke mai iloko o eono malama mai keia la aku, a i ole, e hoole loa ia. E. LINDEMANN, Lunahooponopono Waiwai.
Wailua, Kauai, Aper 23, 1877. 805 4ts 895

 

            O ka mea nona ka inoa malalo ae, ke hoolaha aku nei ma ke akea, ua lilo ia'u ke Ahupuaa o Makalawena, ma Kona Akau, Hawaii, ma ka hoolimalima, no na makahiki he nui. Nolaila, ke papa ia'ku nei na mea a pau, kanaka, haole, pake a mau ano kanaka e ae a pau, ua kapu ke komo kino ana a lawe nona iho i kekahi o na mea a pau e waihoia ana a e ulu ana ma ua aina la; a o na holoholona pipi, lio, hoki, miula, kao a mau holoholona e ae, aole e komo ma ua aina la, ua kapu loa. A o ka mea e kue ana i keia, e hoopii ia no ma ke kanawa. A pela no ma na mea o ke kai o ua aina la, e like no me ke kapu ana o na mea ma uka, aole hoi e kii ia, a lawe ia ka ke konohiki ia i lawe ai nona e like me ke kanawai, o ka leo. A o ka poe a mau poe e kue ana i keia, e hopu no kuu luna, oia o Mainae, a koi aku e uku mai i hookahi dala no kela a me keia hewa i hanaia. Mrs. H. Kealoha Harbottle.
Kapalama, Mei 1, 1877. 803 3t*

 

OLELO HOOLAHA.

 

HALE KUAI MEA AI!
...NO...
FRIEL & BUSH
(Ma ka Hale Mu, Alanui Papu)

Ke kono aku nei laua i na mea ohana a me ka poe e ae a pau e makemake ana e loaa
Na Lako Mea Ai Maikai!

ma na kumukuai makepono, e hele ae malaila, Eia no na mea ai:
Na Berena palupalu,
Na Berena wai soda, waina a me Graham,
Na Palaoa Graham a me na Huita,
Na Makale a me na Olepe,
Na Uha Puaa Hame,
Na Io Bipi paakai moa,
Na Ula iloko o na tini,
Na Waiubata Kaleponi,
Na Kele a me na Elelo Bipi moa,
Na Hone Kaleponi,
Na Waina maloo,
Na Kopaa keokeo Kaleponi,
Na Kope moa, na Ti lau,
Na Aila Puaa,
Na Elelo Hipa, a me ka Bipi,
Na Io Hipa Pelehu,
Na Huelo Bipi,
Na Hua Manu,
Na Kopaa Hawaii o na ano a pau,
Na Pia Lole, a me na lako Ai he nui wale aole e pau ke heluia
            E hoopihaia na kauoha o na Mokupuni e mai me ka hikiwawe, a e opeopeia me ka maikai.
            E kipa mua mai ma ko maua Hale.
FRIEL & BUSH.
805 2t

 

            OWAU o ka mea nona ka inoa malalo nei, ke papa aku nei au i ka poe mea Halekuai a pau iloko o keia Aupuni a me na ano waiwai e ae, mai hoaie i ka'u wahine mare o Nahuina Aiona kona inoa, oiai ua haalele mai nei ia'u ke kane mare me ke akaka ole o ke kumu.
AIONA (Pake).
Honokua, Kona Hema, Feb 27, 1877. 804 4t* 807

 

            KE hoikeia aku nei ka lohe i na mea a pau, ua hoopau ia o H. W ARMITAGE mai kona noho ma na ana ma kuu Halekuai ma Wailuku, mokupuni o Maui, a aole ona mana ohi dala ma ko'u helu, ma keia hope aku. O Mr. F B LEVI, oia ko'u Agena nana e malama i ko'u oihana malaila, a e ohi i na aie mai ka la 20 aku o Aperila 1877. (804 4t) S. MAGNIN.

 

Hoolaha a ka Luna Hooponopono Waiwai.

            E IKE auanei na kanaka a pau, oiai ua hookohuia mai ka mea nona ka inoa malalo iho, me ka palapala hooilina e pili ana, o John Avery Simmons, o Laupahoehoe, Hilo, Hawaii i make. Nolaila, o ka poe a pau i aie i ka mea i make, e hookaa koke mai lakou; a o ka poe a pau he mau koina ko lakou i ka mea i make, ina paha ua hoopaaia ma ka moraki a ano e ae paha, e hoike koke mai lakou iloko o eono malama, a i ole ia, e hoole loa ia. JOHN MAGUIRE, Lunahooponopono Waiwai o John A. Simmons.
Kohala, Hawaii. 804 4t* 807

 

            UA hoonohoia mai au e ka Mea Hanohano F S Lyman Lunakanawai Kaapuni Apana Ekolu o ko Hawaii Pae Aina, i Lunahooponopono no ka waiwai o NAUKANA 1, o Honuapo, Kau i make. Nolaila, ke kauoha aku nei au i ka poe ana i aie aku ai a me ka poe i aie mai iaia, e hoike mai i ka lakou koi ana, maloko o na malama eono mai keia la aku. E loaa au ma Waiohinu, Kau, Hawaii; a hala kela mau manawa, alaila, e hoole mau loa ia aku no na koi ana mahope aku. W. THOS. MARTIN, Lunahooponopono Waiwai.
Waiohinu, Aper 16, 1877. 804 4t 807

 

            KE papaia aku nei na kanaka a pau a me ko Kaneohe, me Kahaluu, aole e holo na waa maluna o na koa Hee o HEEIA, aole lawaia me na upena; aole e o Ula ma na po mahina. A i manao lakou e lawaia, mawaho o na kuaau nalu o Heeia, e holo na waa ma ka hohonu, ma kahi o na moku e hookomo'i. O ka poe e kue ana i keia a loaa i ka Luna, a i ka poe i ae ia ka i-a a ke konohiki, e hoopiiia no ma ke Kanawai. J. B. KELIIKANAKAOLE, Konohiki Aina.
Honolulu, Aper 27, 1877. 804 4t* 807

 

            E IKE mai na kanaka a pau loa i keia Olelo Hoolaha, ua lilo mai i ka mea nona ka inoa malalo nei, na apana alua elua ma ka hoolimalima, oia o MOLEI a me LUAIA, e waiho ana ma Kalihi-waena, apana o Honolulu, ke papa aku nei au i na holoholona a pau, lio, pipi, hoku, miula, puaa, aole e hookuu wale maluna o kuu mau aina, a ua hookapu aku no hoi au i na me a pau e ulu ana ma keia mau aina, a me ka poe e wawahi ana i ko makou mau pa aina. Ina e loaa kekahi kanaka a mau kanaka paha i kuu mau Luna, oia o Aki a me Aku, me laua no ka uku ana. E lilo keia i kanawai paa mai kona la e puka ai ma ke Kuokoa. LAMAPONA (Pake.)
Honolulu, Aper 26, 1877 804 3t* 806

 

KUAI O KA AINA MA KAU, HAWAII.

            I Kulike ai me ka Palapala Ae Kuai i hoopuakia e A. Francis Judd, kokua lunakanawai mua o ka Aha Kiekie, i na mea nona na inoa malalo iho, na kahu malama waiwai o Alexander George, Ellen George a me na keiki oo ole e ae a Nicholas George i make, i hoopukaia ma ka la 7 o Aperila, 1877, e kuai aku no laua ma ke kudala i ka mea koho kiekie no ke dala kuike, i ka Poaono, la 12 o mei, i ka hora 12 awakea, ma ka Hale Kuai o Meineck, ma Waiohinu, apana o Kau, mokupuni o Hawaii, i na pomaikai, na pono a me ke kuleana a pau o Nicholas George i make, iloko o keia kuelana aina nona na eka elua, e waiho ia mauka o ke alanui aupuni, ma ke Ahupuaa o Kawelo, apana a Kau, mokupuni o Hawaii, me na lako a pau a me ka hale laau a me na hana hou a pau maluna iho. O ka aina a me ka hale, e kuaiia ma ke kumukuai he $250 a pii aku. No na mea i koe, e ninau ia G.W.C. JONES,
W.C. JONES.
Na Kahu Malama Waiwai o Vlexander George a me kona mau pokii.
Honolulu, Aper. 24, 1877. 861 3ts

 

KUAI HOOEMI LOA!
MA KA HALE KUAI LOLE O C.C. AKINA,

e ku ia ma Kalopihi, Kohala, Hawaii, he mau Lole Hou loa, ka makana o ke Kuikahi Panai Like. Ua kupono no na lua o ka makani Apapaa o ua aina haaheo nei.
            He kamaaina no hoi i oluolu ia oukou nolaila, e kuai manuahi aku no au me ka emi malalo o ke kumu lilo. He mau lole nani loa, he Nu Paikini, no ke au o ka Moi Kalakaua. – O wau no o ko oukou makamaka oiaio.
863 6m* C.C. AKINA

 

            AHA Hookolokolo Kiekie o ko Hawaii Paeaina. Ma ka hooponopono waiwai. Ma ka waiwai o V F KAILIULI o Honolulu, i make kauoha ole. Imua o ka Lunakanawai A F Judd. Olelo kauoha, e hoo@ aku no ke noi ana mai, e koho i Lunahooponopono Waiwai.
            Ma ka heluhelu a me ka waiho ana o ka palapala noi a Kealohonua, o Honolulu, e hoike mai ana, o V F Kailiuli, no Honolulu, ua make kauoha ole ma Honolulu ma ka la 30 o Dekemaba M H 1876, a e noi ana, e haawiia ka palapala hookohu Lunahooponopono waiwai ia W R Castle.
            Ua kauohaia, o ka Poalima, ka la 26 o Mei M H 1877, oia ka manawa i kohoia no ka hoolohe ana i ua noi la, imua o ua Lunakanawai la, oia ke keena Hookolokolo o keia Aha ma Honolulu, a ma ia manawa, a ia waho no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi loa. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa me Au Okoa i huiia, nupepa ma Honolulu.
            Kakauia ma Honolulu, ko Hawaii P A Mei 3, 1877.
A. FRANCIS JUDD, Lunakanawai o ka Aha Kiekie.
Ikea: Jno. E Barnard. Kakauolelo. 816 4ts 867

 

            MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o J N KANEHOA, no Honokohau, Kaanapali, Maui i make.
            Ua heluheluia a ua waihoia ka palapala noi a J @ N@ke, e noi ana, e hoo@ ka palapala kauoha hope loa a J.V. Kanehoa, no Kaanapali, Maui, H.P.A., i make aku nei, a e hoopuka ia ka palapala hooko kauoha ia ia. Nolaila, ke kauohaia aku nei na kanaka a pau, ke ipili o ka Poalima, oia ka la 23 o Mei, 1877, ma ka hora 10 A M ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia. ABR. FORNANDER, Lunakanawai Kaapuni Apana Elua.
Lahina, Aper 28, 1877. 895 4ts 807

 

            AHA Hookolokolo Kiekie o ko Hawaii Paeaina. Ma ka hooponopono waiwai. Ma ka waiwai o KAMAKAKOA w. o Honolulu, i make kauoha ole. Imua o ka Lunakanawai A F Judd. Olelo kauoha, e hoo@ aku no ke noi ana mai, e koho i Lunahooponopono Waiwai.
            Ma ka heluhelu a me ka waiho ana o ka palapala noi a Keanu, o Honolulu, Oahu, e hoike mai ana, o Kamakakoa, no Honolulu, ua make kauoha ole ma Honolulu ma ka la o M H 1865 paha, a e noi ana, e haawiia ka palapala hookohu Lunahooponopono waiwai ia Keanu, ka mea hoopii. Ua kauohaia, o ka Poalima, ka la 22 o Mei M H 1877, oia ka manawa i kohoia no ka hoolohe ana i ua noi la, imua o ua Lunakanawai la, oia ke keena Hookolokolo o keia Aha ma Honolulu, a ma ia manawa, a ia waho no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi loa. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa me Au Okoa i huiia, nupepa ma Honolulu.
            Kakauia ma Honolulu, ko Hawaii P A, 27 o Aper 1877.
A. FRANCIS JUDD, Lunakanawai o ka Aha Kiekie.
Ikea: Jno. E Barnard. Kakauolelo. 816 4ts 867

 

            AHA Hookolokolo Kiekie o ko Hawaii Pae Aina. Kau o Aperila, A D 1877, ma ka Baneko, FREDRICK M. GREEN vs. ANNIE GREEN, he hihia hooki mare.
            Ma ka hihia hooki mare maluna ae, ke kauohaia nei, o ka hookaawale ana i ka mare, aia ma ka aoao o Fredrick M Green, ka mea hoopii, no ka moekolohe o ua Annie M. Green la, a e hooholo loa ia ke oki mahope o ka pau ana o na malama eono, mai ka la aku o keia hoolaha ana, ke hookoia na mea i makemakeia aia wale no a hoikeia mai kekahi mea kue.
            Ua kauohaia ka mea hoopii, e hoolaha i kope iloko o na nupepa Hawaiian Gazette a me ke Kuokoa, no eono hebedoma, a o ka hoopuka mua ana iloko o ka malama hookahi, mai ka wa aku o keia hooholoia ana, a o ka poe a pau i pili, iloko o eono malama e hele mai ae e hoike, ina paha he kumu e ae ole ia ai.
            Kakauia i keia la 5 o Aperila, 1877.
JNO. E BARNARD, Kakauolelo

Na ka Aha.
            Ke hoike aku nei au, o ke kope oiai keia maluna ae o ka olelo hooholo no ka hihia hooki mare i hoikeia maluna, e waiho nei ma ke keena o ke Kakauolelo o ka Aha.
            Hoikeia e ko'u lima i keia la 24 o Aperila 1877.
            Jno. E Barnard, Kakauolelo.
Na ka Aha, 804 6ts 810

 

            MA ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o MARIA II BROWN, no Hilo, Hawaii i make.
            Ua heluheluia a ua waihoia ka palapala noi a L. Severance, ka Lunahooponopono, e noi ana, e haawi aku iaia ka mana e kuai aku i na waiwai paa o Maria Ii Brown, no Hilo i make aku nei, i mea e hookaa ai na aie o ka mea i make, me na lilo o ka hooponopono ana, no ka lawa ole o na waiwai lewa no ia mea. Nolaila, ke kauohaia aku nei na kanaka a pau ke pili, o ka Poaha, oia ka la umi o Mei 1877, oia ka la a me kahi i kohoia no ka hoolohe ana i ua noi la a me na mea kue ke hoikeia. F S LYMAN, Lunakanawai Kaapuni Apana Ekolu.

 

            MA ke keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o KAUMIUMI k, no Onomea, Hilo, Hawaii i make.
            Ua heluheluia a ua waihoia ka palapala noi a Namamane w, me J H Pahio k, e noi ana e hooiaioia ka palapala kauoha hope loa o Kaumiumi k, no Onomea, Hilo i make, a e hoonohoia o J H Pahio ka Lunahooko no ia kauoha hope, i waiho pu ia mai nei me ko laua palapala noi. Nolaila, ke kauohaia aku nei na kanaka a pau ke pili, o ka Poaha, oia ka la umi o Mei, 1877, ma ka hora 9 kakahiaka, ma ka Halehookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoikia.
F.S. LYMAN, Lunakanawai Kaapuni Apana Ekolu.
Hilo, Aperila 10, 1877. 804 3ts 805

 

            AHA Hookolokolo Kaapuni Apana Ekolu o ko Hawaii Pae Aina. Ma ka hooponopono waiwai. Ma ka waiwai o MOELOA k, o Kohala Akau, Hawaii, i make kauoha ole. Imua o ka Lunakanawai C F Hart.
            Ma ka heluhelu a me ka waihoia ana mai o ka palapala noi a James Wight (Kauka), o Kohala, Hawaii, e hoike mai ana, o Moealoha, no Kohala A. Hawaii, ua make kauoha ole ma Kohala Akau Hawaii ma ka la 22 o Iulai M H 1874, a e noi ana, e haawiia ka Palapala Hookohu Lunahooponopono Waiwai ia Hookano.
            Ua kauohaia, o ka Poaono, ka la 29 o Mei, M H 1877, oia ka manawa i kohoia no ka hoolohe ana i ua noi la imua o ua Lunakanawai la, ma ke keena hookolokolo o keia Aha ma Kapaau, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo haole a me ka olelo Hawaii, i ekolu pule ma ka Gazette a me ke Kuokoa, nupepa ma Honolulu.
            Kakauia ma Kohala, Hawaii, ko H P A, Aper 12, 1877.
CHARLES F. HART, Lunakanawai Apana Ekolu.

803 3ts

 

            AHA Hookolokolo Kiekie o ko Hawaii Pae Aina, Ma ke Keena, ma na koina i ka hihia ALABAMA, o ka poe i make kauoha ole. Imua o ka Lunakanawai Judd.
            Ma ka heluhelu a me ka waiho ana mai o Alfred S. Hartwell a me William O. Smith, na Lunahooponopono Waiwai o ka hihia i ikeia ma ka inoa Alabama, e hoikeia aku nei malalo iho, a malaila e hoike mai ana, ua loaa mai ia laua he puu dala lehulehu o kekahi mau koina ma ka helu o ua Alabama nei, a o ke koena o na puu dala nui i loaa penei no ia:
Kainamoku.....$147.07

Paliau,.....147.03

Kumoanahulu.....123.66

Issaka.....129.41

Kekoa.....111.86

Kimokeole.....182.25

Kahananui.....$147.12

Keoni.....135.31

Namakaeha....115.31

Kekahea.....147.03

Honu....129.44

Hoaini.....132.38

Kanihelau.....132.33

            A ke noi nei laua, e nanaia a aponoia ko laua helu, a e hooholoia ka waiwai e waiho nei iloko o ko laua lima, i ka poe kuleana a e hookuu ia laua mai ko laua noho ana ma ia oihana.

            Ke kauohaia aku nei, o ka la 15 o Iune A D 1877, Poalima, i ka hora 10 A M, imua o ia Lunakanawai, ma ke keena ma ka Hale Hookolokolo ma Honolulu, oia ka manawa i kohoia no ka hoolohe ana i ua noi la a me ka nana ana mai ai ka poe a pau i pili, e hoike mai i na paha he kumu e ae ole ia ai, a e hoike mai, owai la ka mea i kuleana i ka waiwai. A ua kauohaia, e hoolaha i keia kauoha ma na olelo Enelani a me Hawaii, maloko o na nupepa Hawaiian Gazette a me Kuokoa, no ekolu hebedoma mamua ae o ka manawa e hoolohe ai i ke noi.
Kakauia ma Honolulu, H. A. P. i keia la 12 o Aperila 1877.
A. FRANCIS JUDD, Lunakanawai o ka Aha Kiekie.
IKEA: JNO. E. BARNARD 802 3t. – 564

 

            KE PAPAIA aku nei na mea a pau, aole e hookuu wale i na Bipi, Lio, Hoki, a Miula paha maluna o na aina o ka Hui mahi Raiki o Leouhap, na mea nona ka inoa malalo iho, ma Kailua, Oahu.
AHIN & AHNUK.
Honolulu, Aper 11, 1877. 804 4t* 807

 

Hoolaha i na hoa-aina

O KA WAIWAI O

Ka Moi Lunalilo i make.

            OIAI ua hookohuia mai ka poe nona na inoa malalo, e na Lunakanawai o ka Aha Kiekie, i mau Kahu Waiwai, no ka waiwai o ka Moi Lunalilo i make, i kulike ai me na hooko ana a kana palapala hooilina, nolaila, ke hoike aku nei makou i na Hoaaina a me ka poe e noho hoolimalima nei maluna o na aina a pau o kona mau aina, a o na poe a pau e paa ana i kekahi waiwai, a e ohi ana paha i na uku hoolimalima, a e hoihoi mai makou i na hoolimalima i ohi ole ia, a e aie ana i ka waiwai o Lunalilo, mahope iho o ka la 12 o Maraki A D 1877, oia ka la ka make ana o ka Mea Kiekie C. Kanaina. A ke hoolaha pu aku nei makou, aohe mea i hoomanaia e ohi mai i na uku hoolimalima o kona mau waiwai, a ma ke ano paha he @ mai a makou aku, me ka makou mau palapala hoomana ole. Ke kauoha aku nei makou i ka poe a pau e paa nei i na hoolimalima, e hoike mai ia makou me ka hookaulua ole, me na palapala pu mai no ka hoomau ana aku i ka hoolimalimaia a me ka ole paha.

J. MOTT SMITH, E O HALL, S B DOLE.
Na kahu malama Waiwai o ka Moi Lunalilo i make.
Honolulu, Maraki 20, 1877. 789 3m 812

 

OLELO HOOLAHA.

 

HALE KUAI MANUAHI!

NO KONA

NO PUNA

NO KOOLAU,

NO NAPALI,

NO MANA!

Eia ma Koloa nei ka mea Hou ano e kupaianaha, a e naue nui mai oukou e na mamo a

MANOKALANIP!

a e ike i na mea maikai o kela a me keia ano ma ka
HALEKUAI O PENI!

Ua makaukau oia e kuai i

Na Lole o na ano a pau,

Na Papa o na ano a pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke Kane, ka Wahine a me ke keiki.
            Ke loaa mau mai nei keia mau mea ma keia moku kela moku, a no ka mea, ua hoopaeia mai ma Honolulu,
He au hou o ke Kuikahi!

Nolaila, e hiki ia'u ke haawi i keia mau pono ia oukou, ma ka kumukuai haahaa loa, i ike ole ia mamua aku nei.

E lulumi mai a hoao!

FRANK BINDT.
Koloa, Kauai, Aperila 14, 1877. 802tye

 

HOOLAHA A KA LUNA HOOPONOPONO WAIWAI.

            E KUAI AKU ana ka mea nona ka inoa malalo iho, ma ke kudala akea, ke hiki aku i ka POALUA, MEI 8, 1877 hora 12 awakea, mai ka Pa Pipi mai ma Lauhulu, Waialua, i na PIPI a me na LIO a pau e pili ana i ka waiwai o Ahki pake i make. H. G. CRABBE. Lunahooponopono o Ahki i make.
Honolulu, Apr. 10, 1877. 802 4t

 

Hoolaha a ka Lunahooponopono Waiwai.

            OIAI ua hookohuia mai ka mea nona ka inoa malalo iho, i Lunahooponopono no ka waiwai o S.M. Naukana o Waialua, Oahu i make, ke kahea ia aku nei ka poe a pau he mau koina ko lakou iloko o ka waiwai e hoike mai iloko o na mahina eono mai keia la aku, o hoole mau loa ia, a o ka poe i aie ia waiwai e hookaa koke mai.
Lunahooponopono Waiwai. SAMUEL PANIANI.
Honolulu, Apr. 11, 1877. 802 4t* 803

 

            E IKE auanei na mea a pau, owau ka mea nona ka inoa malalo iho, ke papa aku nei au i ka poe mea waiwai a mau hale kuai hoi, mai hoaie mai oukou i kuu wahine mare o Kapika, no ka mea, ua haalele kumuole mai oia ia'u, a me ka maua keiki uuku, a me ko maua wahi moe, ina o ka mea e kue ana i keia manao, laila, maluna no ona kona poho, aole loa au e hookaa ana ia mau aie. KAANAANA.
Moanalua, Apr. 14, 1877. 802 3t*

 

Ua makemake nuiia

ka aila Hua Koli e KAKELA ME KUKE MA, a na lakou e haawi i ke kumukuai kiekie. E waeia na hua koli a maemae.

Ianuari 26, 1877 791 3ms.

 

AKIU (PAKE.)

            E O'U makamaka, o ka "puuwai o ka Pakipika," Hawaii nei a me na makamaka ili puakea, ili hooluu, (pukikiki), a me na kanaka maoli heahea a me ko'u lahui hoi, na keiki o ka Aina Pua, na mahi ko, mahi laiki a me na poe mahi ai, o ka Mokupuni o Keawe, a me ko Maui o Kama, Molokai o Hina, Oahu nei o Kuihewa, a me Kauai o Mano, eia au ko oukou makamaka ua wehe ae au i hale Amara, alanui Moi, ma Polelewa a e loaa ana ia oukou ke imi mai, Helu 31, a e hoolako ia no ko oukou makemake o na mea hao lako mahiai, ke Kopala, Oo, Haro, a me na mea e ae, me ke kumukuai haahaa loa, a he hiki no ia'u ke hana hou i na kaa pipi nauaha, kaa lio, kaa kauwo lima, me ka uku oluolu loa, a me ka paa e like e like me ka'u palapala e hoopaa ai a aelike ai no ka manawa e oleloia ai. He hiki no ia'u ke kopili i na ano waapa o ka poe e makemake ana me ka uku emi loa me oluolu o na maka o na malihini, ke ike i ka'u hana, me ka mino aka, ke ike i ka'u hana, a ua kamaaina no ia oukou o ka'u hana mau o ka humuhumu kamaa buti, a hana noho lio no na kau i hala, a he hiki no ia'u ke hana i na hoala hakihaki a nahaehae me ka maikai a me ka uku emi loa. No ka mea ua hiki mai ka manawa pomaikai e aho nui, e mahi ai, a ina hoi e lako ole i na mea hana, oia no ma ko'u wahi e loaa ai. Ua holo ke Kuikahi Panailike, he waiwai ka hopena ke hoomanawanui oukou e o'u makamaka, ina e molowa a palaualelo, he neo ke loaa mai. Nolaila, e naue mai a halawai me a'u i maopopo a holo ka hana a na amara, kamana, kumeka a Akiu, a hookahi wale no Akiu, aohe Akiu e ae o keia kulanakauhale e lawelawe nei ma keia mau oihana. Nolaila e maliu mai i ko'u leo e hele mai e ike maka, he au pomaikai ko ko kakou Moi, i imi ai, a nona hoi ke kia hoomanao o ka "Hooulu Lahui." AKIU (Pake)
Honolulu. Mar. 15, 1877. 796 6ms* 849
            He kapili kapuai hao lio emi loa kekahi ma keia Hale Amara. E naue mai i ike maka.

 

Hoolaha a ka Lunahooponopono Waiwai.

            E KUAI KUDALA aku ana ka mea nona ka inoa malalo iho, ma kahi noho o ka Mea Kiekie C. Kanaina i make ma Haimoeipo, ma ke alanui Palace, Honolulu i ka Poakahi la 30 o Aperila, i ka hora 10 kakahiaka, na waiwai pilikino malalo iho, o ka waiwai o ka mea i make penei:

            NA LAKO HALE, na koki me na pale like ole, na noho paipai, na noho hooluolu, na noho ohe, &c., na pakaukau koa, na pakaukau mahala o luna, na pakaukau hooloihi &c., na aniani o na ano a pau, na mea waiho hoonani, na ipu aniani hoonani, na aniani hoolele aku, na moe koa, hiona, pela hulu, na uhi kilika a veleweta, na holowaa waiho lole koa a me ka laau rose, na pahu humuhumu, na pahu Iapana a Pake, na pahu papale, na pakaukau hana, na mea waiho omole pakaukau, na pakaukau rumi hookipa, na holowaa aoao waiho aniani, na kukulu buke, na moe hao, pela koke, na mea holoi maka, na pahu iliahi, koa a ano e ae, na peahi, na ipukuha, na eke lii kaahele, na ohe aniani liilii, na apa lole kilika, na pu kaupuoniwi, na pu panapana, na buke waiho kii, na lei a-i, na pahikaua, na kukaa moena, mea hoonui kii, na upena me ka aho he mau haneri umeke o na ano lehulehu.

            NA PONO ANIANI. – He mau pahi a me na O pake hou, na pono dala ame na ano e ae, na bola, na kawele &c. Kapuahi a me na pono, na ipu ti, na kukui a me na uhi.

            1 Lio kea, 1 Lio wahine, 2 paa lio haulaula, no ka holo hookahi a palua, 2 lilo e ae, 19 bipi hana, i kaa lawe ukana a ohua hou, i kaa kahiko oia ano, 1 kaa uuku, 2 paa ilikaa palua, 1 paa ili holo pakahi, na keehi noho, na noho lio, na kepa, na punuku a lii poo, &c.,  7 kaa bipi, 9 Lei bipi.

            2 waa, 2 heleuma, 20 moa wahine, a he lehulehu wale aku o na mea maikai a nani. W. C. PARKE, Lunahooponopono Waiwai

15 3t (502 3t 804)

 

            E ike auanei na kanaka a pau, o ka manao hai a me ka olelo papa a kuu kane mare, oia hoi o Mr. Kahuhu, o Keanae, Koolau, Maui, ana i waiho ae nei imua o ke akea ma ke "Kuokoa" o ka la 14 o Aperila nei, aohe oiaio. Ke hai nei kela, na'u ka ka haalele iaia, aole pela ka oiaio, o keia Kahuhu no e waiho ana i ka mai, a kokoke e uhi mai na huna lepo o ka ilihonua ia'u. Aole keia Kahuhu i malama iki ia'u iloko o ko'u wa pilikia, e like me ka olelo o ka Berita Mare o maua, no ka mea, ua hao aku la keia me ka wahine manuahi, "hao Koolau wahine pau na mea aloha, koe iho la au ka pua wahawaha i Wailua." A i ka nana ana'ku o'u i kuu kane ia Kahuhu iloko o ia manawa, ua like me Wili Ahiu, aole ike wale iho ia Maliu, i ka lawe huhuki a ka wai kau o Keanae. Eia hoi, ke papa nei kela ia'u, aole au e hele e aie, ke hai aku nei au, he mana hiki no ia'u ke hele e aie i na hale kuai ma ka inoa o kuu kane mare, oia o Mr. Kahuhu, oiai, ke paa nei no ko maua Berita Mare, a oiai n hoi, aole au i ahewaia ma ke kanawai o ka aina, no kekahi hana kolohe, aole loa, ke nunu nei au me ka malama i kuu kino nana; a no ke aha la ia i haalele mai ai ia'u i ke kaikamahine o ka aina Ualanihaahaa, aole na'u ka haalele, aka, na Kahuhu no, kuu kane mare, a no kona malama ole ia'u, nolaila, ua hai au me ko'u ohana, a na lakou e malama nei ia'u i keia manawa, aole na kuu kane mare. MARY KAHUHU.
Kapunahou, Oahu, Apr. 19, 1877. 803 3t*

 

NO KE KUAI!

KE KUNA KEONIANA

I makaukau me na mea a pau.

No ka hoomaopopo pono ana, e ninau ia

CHAS. LONG.

(795) [8 3ms.] (Kale Lona.)

 

CECIL BROWN,

Loio a he Kokua ma ke Kanawai

A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu. Honolulu, H.P.A. 783 1y

 

WILLIAM R. CASTLE.

(Kakela Opio.)

Loio a me Luna Hooiaio

            MA NA ANO HANA PILI KANAWAI A pau, e lawelawe koke ia me ka hikiwawe. Na Palapala Sila a me na Palapala pili aina o na ano a pau, e hoomakaukau ia no, a he Notari Hooiaio Palapala no ka lehulehu.

            Keena hana, ma ke kihi o Alanui Kaahumanu a me Kalepa, Honolulu. (786 1y)

 

            Ke kauohaia aku nei na kanaka a pau i aie mai ia'u, e uku aku lakou ia F.W. Bartels ma ka Hale Kuai Perusia, oia ka mea e malama ana ko'u Hale Kuai, a ua makaukau no hoi ia, e kuai au i na ano Lole a pau ma na Kumukuai Makepono Loa. C. MEINECK.
Waiohinu, Kau, H. Mar. 8, 1877. 799 2ms.

 

C.H. DICKEY (Kalekika).

LOIO!

MA HAIKU, MAUI.

            UA MAKAUKAU E HANA PALAPALA Kuai, Palapala Moraki ame na mea a pau e pili ana ma ka Oihana Loio. 786 1y 813

 

J.M. Davidson,
Loio a Kokua!

            HALE OIHANA, maluna ae o ka Hale Kuai Buke o Wini, ma ke keena i noho mua ia iho nei e J. W. Aukina. Ua makaukau oia e lawelawe i na hihia o kela a me keia ano, imua o na Aha Hookolokolo a pau o keia Aupuni. 784 1yr

 

Richard F. Bickerton.
[PEKEKONA].

LOIO!

            E KU LOIO no oia imua o na Aha Hookolokolo a pau ma keia mokupuni a ma na moku e ae, me na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
            Keena Oihana, ma Alanui Kalepa, Helu 23, ma ka hale maluna ae o Kauka Minuteole. 754 1y 806

 

KAUKA C. S. KITTREDGE.

            KE HOIKE aku nei oia imua o ka lehulehu, ua hoi mai nei oia mai Kaleponi a e noho ana ma Honolulu nei no ka lawelawe ana i ka oihana lapaau. O ka poe a pau e makemake ana i kana lapaau, e loaa no ma Alanui Nuuanu ma ka hale mauka iho o ka uapo o Peleula. 787 3ms*

 

ILI NOHO LIO!

            E LOAA no i na mea a pau na Ili e hanaia ai na Noho Italia, ma ke kuai liilii ana, ma ka Halekuai o Ake ma, ma ke Alanui Nuuanu. 804 4ts 866

 

            O KA MEA nona ka inoa malalo, e haalele ana i keia aupuni, ua hookohu aku ia Loo Ngwak, i Hope nona a nana e hooponopono no kona wa i kaawale aku mai kela Aupuni. APAI.

Honolulu, Aperila 15, 1877. 803 3t* 805

 

            OWAU o ka mea nona ka inoa malalo iho nei, ke papa a ke hookapu aku nei au i na mea a pau, mai hoaie a hookipa mai oukou i ka'u wahine mare ia Mrs. PUKILA AHOI, no ka mea, ua haalele mai oia ia'u a me ka maua mau keiki elua, a ua lawe aku hoi ka make i kekahi o laua, a ua koe hookahi au me ke keiki hookahi. Nolaila, o ka poe e hoaie ana iaia, aole au e hookaa ana, a ka poe hookipa iaia ma ke ano e ae, e hoopii no au ke kanawai. AHOI (Pake Makai).
Honolulu, Aper. 20, 1877. 893 3t* 803

 

            E IKE AUANEI na ano kanaka a pau, Owau o PELIKEKILA ka wahine mare a Ahoi (pake) e noho nei i ka Oihana a ke Aupuni. Ua haalele kumu ole mai oia ia'u, a ua kipaku ino mai no hoi me ke kumu ole, a ua olelo mai oia, aole e malama i kuu ole. Iloko aku nei o keia mau la aku nei, ua noho au me kekahi o ka maua keiki no ka loaa ana i ka mai, a ua lawe ka Mea nana i haawi mai i ka uhane, ma kahi o ko'u mau makua no ka pule hookahi, a ua loaa ia'u ka oluolu no ke kaumaha, i ke aloha he keiki, a ua hoi mai me kuu kane, a ua kipaku mai oia, aole au e noho hou me ia, a o kana mau hoolaha ma keia hope aku aole he oiaio. PELIKEKILA AHOI.
Puiwa, Apr. 20, 1877. 803 4t*

 

KUAI O KA AINA!

Ma Kona Hawaii.

POAHA, - - MEI la 9.

Hora 12 awakea,

            E KUAI aku no ka mea nona ka inoa malalo iho ma ke Kudala, ma kona Hale Kudala ma Honolulu, mamuli o ke kauoha a W L Green, Lunahooponopono Waiwai o Daniel Montgomery, o Kailua, Hawaii i make a holo hoi o Jane Jones, ka hooilina o ka waiwai, i na pono, ke kulana a me na pomaikai a pau o Daniel Montgomery, a @ ka hooilina iloko o kela aina a pau e waiho la ma Kailua, Kona, Hawaii, i ikeia ma ka inoa. Na Hale o Anaru, nona ka ili he 1 48-100 eka, me na hale a me na pono a pau maluna iho, i hoolimalima koke ia iho nei e G N Greenwell Esq., ma ka $240 o ka makahiki.
            A me kela Apana Aina i kapaia ma ka inoa Hianaloli 3, ma Kona, Hawaii, e waiho ia ma kahi he 2 ¼ mile mauka aku o ke alanui Aupuni o Kailua, nona na eka he 58 ka nui a oi aku a emi mai paha, e like me ka mea i hoike ia ma ka Palapala Sila Nui, Helu 980, me ka Hale laau maluna iho a me na mea a pau maluna iho. No na mea i koe, e ninau ia W. L. Green, a i ole ia E. P. ADAMS, Luna Kudala. 801

 

HE PAPA KUHIKUHI MANAWA HOLO

O KA

Mokuahi Hawaii

KILAUEA!

KAPENA MARCHANT!

Aperila 20 – Poakahi, 5 p.m......Kaapuni ia Hawaii

Mei 7 – Poakahi, 5 p.m.....Hilo

Mei 14 – Poakahi, 5 p.m......Kona

Mei 21 – Poakahi, 5 p.m......Hilo

Iune 1 – Poalima, 5 p.m......Nawiliwili

Ku ana ma Honolulu, i ke kakahiaka la Sabati.

Iune 4 – Poakahi, 5 p.m.....Kaapuni ia Hawaii

Iune 11 – Poakahi, 5 p.m.....Hilo

Iune 18 – Poakahi, 5 p.m......Kona

Iune 25 – Poakahi, 5 p.m.....Hilo

I KA HOLO ANA MA KONA, O HOOPULOA KA PALENA.

            Ma na huakai a pau a Kilauea e hoi mai ai mai Hawaii mai, aole e haalele ana ia Kawaihae a hiki i ka hora 10, a mahope iho paha; Makena, e like me ka hora i hoolahawahaia; Maalaea a hiki i ka hora 7 a.m. a mahope iho,

Uku Eemoku mai Honoulu aku.

A hiki i Kaunakakai pela maluna mai.....$5.00

" Lahaina " "......6.00

" Maalaea, " "......7.00

" Makena, " ".....8.00

" Mahukona " ".....10.00

" Kawaihae, " ".....10.00

" Kailua, " ".....10.00

" Kaawaloa, " ".....10.50

" Hilo, " ".....12.50

" Kau, " ".....13.50

Uku kaapuni ia Hawaii.....32.00

A hiki i na awa o Kauai.....@

Uku kaapuni ia Kauai.....12.00

Uku ohua Hawaii oneki....12.00

Aole aie no na uku ohua.

Ma ka Hale Oihana e loaa'i na palapala.

Aole keena o hope e lilo, aia wale no a kaa mua mai ka uku moku. Aole e ili ka hewa no na paiki ukana a puolo paha, ke ole e kakauia ka loaa @  mai.

            E hookaaia ka uku ukana i ka wa e noiia aku ai.

SAMUEL G. WILDER (Waila,) Agena

Keena ma ka Hale Kuai Papa o Waila ma, kihi o Alanui Papu a me Moiwahine. (7801 3m) 14 3ms