Ka Nupepa Kuokoa, Volume XVI, Number 19, 12 May 1877 — Ka Hoalohaloha Alii a na Keiki o ka Hale Pai Palapala. [ARTICLE]

Ka Hoalohaloha Alii a na Keiki o ka Hale Pai Palapala.

I ke Alii ka Moi : E kri Makua, —Oiai, ma ka oluolu ana i ka manao o ka Moi o ua Moi, e lawe aku mai keia noho'na, Kou Pokii, ke Alii ka Hooilinao ka Noho Moi o kaPaeaina Hawaii, o William Pitt Leleiohoku Kalahoolewa, i ka aui ana'e o ka waena po o Aperila la 9, he iwakalua minute mamua'e o ka hora 1; A oiai, ma ka lawe ia ana'ku o Kona ea Alii iloko o ka opuu ana'e o na la e omaka'ku ai i ke kanakamakua ana, he kumu nui a hala oleia e hooi ia'ku ai na koni aloha ana a ka minamina pau ole Nona, mawaena o na oiwi o ka aina; A oiai hoi, mamuli o ka ulia ana o keia haawina kaumaha, ua lioonele ia mai la Kou Kino Moi a me ka Moiwahine nie ka Pokii ole; A oiai hoi, ua hoonele pu ia na Mea Kiekie na Aliiwaliine Liliuokalani a me Likelike me ke Kunane Pokii ole ; A oiai hoi, ua nele iho la kaMea Kiekie ka Makua Alii Keelikolani i kana lei aloha he Keiki; A oiai hoi, ma ka oluolu ana i ke Akua Mana Loa e lawe aku laia, ua hoonele ia iho la ke Aupuni a ine ka Lahui Hawaii i kekahi o na Kahua manaolana no ke au e panee ia mai ana; a e hoomailu mai ana hoi i ka heluna o na 'Lii Papa o ka aina i ininainina nuiia, a i koe kakaikahi hoi; A oiai hoi, raa keia laweia ana'ku o ke Alii Opio, he kumu ia e hoonele mai ai i ke Aupuni a me ka Lahui me Kona mau noonoo maikai a noeau, Kona makee aina, a me ke aloha makaainana ; a ma ia mea i hoilihune ia mai ai o Hawaii me na pomaikai a pau i haupuia mamuli 0 Kona kulana hookanaka a Alii; nolaila, E hooholoia :—Ke waiho a ke hookokoke aku nei na Hoa o ka Papa Pai o Hawaii nei, i ko lakou mau hoaloha'loha walohia o ke kumakena kaumaha imua Ou e ke Alii ka Moi, a me Kou ohana alii, e komo pn aku a e u pu me ko Oukou luuluu alii ana. E hoohoīoia :—Me ka naau haahaa a roe ka mihi, ke hoomaikai ae nei makou 1 ka Haku o ko ke ao nei, ka "Mea Nona na makemake e hookoia," a ke noi ae nei me na poo kulou, e «holaJmai Oia i Kona mau Eheu Hemolele o ka maluhia maluna o ka aina» a e ola loihi ka Moi o Hawaii, ka Hooiiina Moi, na alii a me na makaainana, a e hoomaalili ia na ikiiki wela o ke kaumaha u ana. 0 makou he mau heluoa makaainana Ponoi Ou e ka Moi, ma o ko makou Komite, JAMES AULD, JAME8 DUNCAN, Wm. H. TELL, WS. J. MAXWELL, KAHIKINA KELEKONA. Hanaia ma ke Keena Oihana Papa Pai o Hawaii, ma Honolulu. i keia la 21 o Aperila, M. H. 1877; a i ka Eha o na makahiki o ke au Nohoalii o Kalakaua L