Ka Nupepa Kuokoa, Volume XVI, Number 20, 19 May 1877 — Page 4
| This text was transcribed by: | Gracelyn M T Lorenzo |
| This work is dedicated to: | Kanohola Kainoa Ku-Kauhi Lorenzo |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA, ME KE AU OKOA I HUIIA.
SPRING ECHOES.
Mocking Bird p 100.
1
Ke meʻe nei na maou e,
Tra la la, Tra la la,
A elle lea io ia nei,
Tra la la la la.
Alaʻe, @,
Lelele oli oe.
Hu ae kuu oli Pomaikai
Na keia la laelae
O o @ manu nei,
Tra la la, Tra la la,
Na manu o ke kau lealae,
Tra la la la la la la.
2
Maluna lilo o na puu,
Tra la la, Tra la la.
Ke mele mai na manu hoo,
Tra la la la la.
Alaʻe, alaʻe,
Lelele oli ae,
Hu ae kou oli pomaikai
Ma keia lalaelae.
Ki ki na manu hou,
Tra la la, Tra la la,
Hoao e lele, hiua no,
Tra la la la la la la.
3
Ke ove nei na kahawai,
Tra la la, Tra la la,
A kahe a kuolo ae,
Tra la la la la,
Alaʻe alaʻe,
Lelele oli ae;
Hu ae kou oli pomaikai
Ma keia la laolae
E owe ae a mau,
Tra la la, Tra la la,
Ua oli lea kuu @
Tra la la la la la la.
4
Ke kani oei na hele e,
Tra la la, Tra la la,
A oli lei na polii,
Tra la la la la,
Alaʻe alaʻe,
Lelele oli ae,
Hu ae kuu oli pomaikai,
Ma keia la lael e,
E kaoi nome e,
Tra la la, Tra la la,
He kaui hone oli nei,
Tra la la la la la la.
HAWAII.
CHILDRENʻS HOSANNA.
The Reward p 58.
1
Mele nani na pokii,
Hosana ia Iesu;
A hoolea i ke Lii,
Hosanan ia Iesu;
Kani o, Hosana,
Kani hou, Hosana,
Hapai i ke Akua man
Mai nei ae a i ke ao,
Hosana ia Iesu.
2
Aloha ia na pokii,
Hosana ia Iesu,
Lohe ia ke himeni,
Hosana ia Iesu;
Ha mau ea, Hosana,
Kani lea, Hosana;
Oli ko ka lani e
Ke hookani kamalii,
Hosana ia Iesu.
3
Hai, hauoli na pokii,
Hosana ia Iesu,
A hoonani i ke Lii,
Hosana ia Iesu,
Ola e, Hosana,
Mau ke Lii, Hosana,
Lanakila naui e
Ko Davida mamo nei,
Hosana ia Iesu.
4
Aia pau koonei o ae,
Hosana ia Iesu,
Poha hou la malunaʻe,
Hosana ia Iesu,
Kani hou, Hosana,
Kaui mau, Hosana,
Nani haleluia mau,
Lanakila kamahao,
Hosana ia Iesu.
Hawaii.
OAAWINA KULA SABATI.
HELU 10. SABATI, IUNE. 3.
KUMU HANA.--Ke kanikau ana o Amosa.
PAUKU BAIBALA--AMOSA 5:1--15.
EHOOLOHE oukou i keia olelo, aʻu e hapai aku nei no oukou, Oia hoi, he Kauikau, e ka hale o ka Iseraela.
2 Ua hauleʻ aole e aia hou ae, ke kaikamahine papaa o ka Iseraels: Ua Kulaina oia maluna o kona aina iho: Aohe mea mana ia e hoala.
3 No ka mea, ke olelo mai nei o Iehova ka Haku, penei: O ko ke kulanakauhale i hele patausani aku, e koe mai no he haneri; A o ka mea i hele pahaneri aku, e koe mai no he umi, no ka hale o ka Iseraela.
4 No ka mea, ke olelo mai ne o Iehova penei i ka hale o ka Iseraela, E imi oukou iaʻu a e ola oukou.
5 Aka, mai imi oukou i Betels, Aole hoi e komo i Gilegala, Aoʻe e hele aku i Beereseba; No ka mes, he oiaio e hele pio aku ko Gilegaʻa, A e lilo o Betela i mea ole.
6 E imi oukou ia Iehova, a e ola oukou; O lele mai ia me he ahi la, ma ka liale o Iosepa, A e hoopau aku ia, Aohe mea na na ia e kinai ma Betela.
7 E ka põe i hoolilo i ka olelo hoopono i mea awaawa, A hoolei i ka pono ma ka honua.
8 E imi i ka mea nana i hana ia Peleiade a me Oriona, A hoolilo i ka malu o ka make i malamalama, A hoopouli i ke ao a lilo i po: Ka mea e hoopii ana i na waio ka moana, A ninini iho ia lakou maluna o ka ili o ka honua: O Iehova kona inoa
9 O ka mea e lawe mai i ka make maluna o ka poe ikaika, A e hoohiki mai i ka luku maʻuna a kahi paa
10 Ke inani nei lakon i ka mea e ao ana ma ka pukapa, A hoowahawaha lakou i ka mea e olelo pono ana.
11 No ia mea, no ko oukou hehi ana maluna o ka ilihune, A ke lawenei oukou i ka ai makana mai ona aku la: Ua hana oukou i na hale pohaku i kalaiia, Aka, aole oukou e noho iloko o lakou; Ua kanu oukou i na pawaina @, Aka, aole oukou e inu i ka waina o lakou
12 No ka mea, ua ike au, he nui wale ko oukou lawehala ana, A me ko oukou mhu hewa nui: E hoopilikia ana i ka poe hoopono, e lawe ana i ka uku kipe, A e hookahuli ana i ka pono o ka poe ilihune ma ka pukapa.
13 No ia mea, e noho malie ka mea naauao i kela manawa; No ka mea, he manawa ino ia.
14 E imi oukou i ka maikai, aole i ka hewa, i ola oukou; A pela e mau ai o Ihova, ke Akua o na kaua me oukou, e like me ka oukou i olelo ai.
15 E inaina i ka hewa, a e aloha i ka maikai, A e hookupaa oukou i ka hoopono ma ka puka;a: Malia paha e aloha mai o Iehova, ke Akua o na kaua, i ke koena o ka Iosepa.
Pauku Gula. "Ina oe e imi aku ia ia, e loaa auauei oia ia oe, aka, i haalele oe ia ia, e kiola aku oia ia oe a mau loa aku."
I Oihk 28:9.
Mele.--Him. 484. 6--8. Leo.
1
Aloha kakou nei
Na aina naaupo,
Ke hevee nei e pule ae
I ola no lakou
5
E pule mau kakou,
E lokomaikai ae,
Kokua a makana no
I ko kakou waiwai.
Pule i na iana e, na kula Sabati olaila &c.
Na ninau a na Kumu.
He wahi elle loi mai 2 Na Lii 13:14-21 kahi o ka Haawina 9 a Amosa, aka, no ia manawa hookahi no ka wanana a Amosa. Nana mok. 1:1 me 2 Na Lii 14:27. Iereboama II me Uzia na lii, a o Amosa kekahi kaula. Ua lilo Iuda me ka Iseraela, ka Hema me ka Akau i ka hewa mok. 3--5. No ka hema o Amosa, no Tekoa, he kauhale paha ia, eono mile ma ka hema ae o Betelehema, he wahi a-a a panoa, kupono nae i ka hanai holoholona. He kahu holoholona hoi Amosa mamua, a kahea ke Akua ia ia e lilo i kaula a e hele a hai aku i na hewa o ka Iseraela me Iuda, a e paipai aku e mihi. O keia Haawina, he kanikau ia no ka Iseraela.
P. 1--2. Heaha ke kauoha no keaha ke kanikau? Owai ke kaikamahine puupaa o ka Iseraela, o ka Iseraela no, ka mea i maikai a nani mamua a aloha ia, a hanai maikei ia. Pehea oia? Ua haule, ua haaleleia, @ nae i haalele loa ia. E koe iki ana kekahi.
P 3. Pehea na kulanakauhale i hele pakausani aku? a ie hele pahaneri aku? Hoi mai kekahi poe aoukou ea.
P 4. Heaha ke kauoha me ka olelo hoolana?
P 5. Heaha ka mea i papaia? Heaha ma Betela? ma Gilegala? ma Bereseba? He mau wahi hoomaua kii paha, he mau akua kii mana ole, hiki ole ke kokua, malaila?
P 6. E imi ia wai? a aha? E imi ia Iehova o aha mai oia? Ka hale o Iosepha, ka poe Iseraela ia. He akua aha ma Betela? hiki anei ia ke kinai i ke ahi o ke Akua?
P 7-8 Heaha ke ano ino o ka Iseraela? E imi lakou ia wai? Peleiade me Osiona, he mau huhui hoku, aia no ma kahi hookahi ma ka lani, kela huhui, he ii hoku, a o kela ia ekoulu kohu, me he ana iwilei. Nawai i hana ia mau huhui hoku? A hoolilo oia, i ka malu o ka make ia aha? i ke ao hoi, i aha? A aha hoi o Iehova i na wai o ka moana? Pehea ka hoopii ana, me ka ninini ana mai? La, mahu, ao, ua.
P 9. Keaha ka i laweia mai maluna o ka poe ikaika? a me kahi paa?
P 10. Inaina lakou ia wai? a hoowahawaha ia wai? E like me wai i keia wa?
P 11. Heaha kekahi mau hewa? me ka hoopai ana no ia mau hewa?
P 12. Pehea ko lakou mau hewa? heaha hoi kekahi oia mau hewa nui?
P 13. Pehea ka poe naauao ma ia wa ino? no keaha ka noho malie?
P 14-15. Hai paanaau mai i keia mau pauku, me ka pauku gula.
Mele--Him. 203, 11.--Leo.
1
Ile leo aloha e hea mai nei,
E holo, e holo i kahi maikai,
Ke kumu wai ola i wehea mai,
Ke koko o Kristo e ola mau ai.
5
Ke kau nei ka make, haalulu oukou,
Ka hookolokolo, ua kokoke no,
Ke ahí mau loa ke wela mai nei,
E holo ano la, i ola mau ai.
Na Ninau a ke Kahu.
Na makua. Owai ke kaula o kela Haawaina? Heaha ka hana kupanaha a kona mau iwi? owai ke kaula o keia Haawina? E ola ana anei Amosa i ka wa ia Elisai? Owai na lii o ka wa o Amosa? Nohea Amosa? Ua ka heaia oia e aha? Pili kana mau wanana i na aina hea? Kanikau oia nowai? Pehea Ieremia mok. 8:22. 9:1? Ua like anei Hawaii nei me ka Iseraela? Hai mai i kekahi mau hewa o Haawii nei. Heaha ko kakou pono no ia mau hewa? Nawai e hai aku i na hewa?
Na keiki Heaha ka oihana o Amosa mamua? Heaha ka oihana mua o Elisai? o Mose? o David? Ehia inoa o ko ke Akua poe kanaka ma keia Haawina? 1 Ka hale o ka Iseraela. 2 Ka wahine puupaa o ka Iseraela. 3. Ka hale o Iosepa. Heaha ka pauku gula? E imi e oukou i ke aha? Mat. 6:33. Pehea ka waiwai o keia ao? Pehea ka waiwai o ka lani? Mat. 6:19,20. Heaha ka hope o kela mau kanaka waiwai ma Luka 12:20. 16:23? Heaha ka oukou e imi nui nei? Iua imi ole oukou ia Iehova pehea?
Ke kula a pau. Owai na huhui hoku ma keia Haawina? owai ma Ioba 9:9. 38:31, 32? Ehia hoku ma Peleiade? Ehia ma Oriona? Owai kekahi mau hoku i akaka ia oukou? Nohea ka ua? Owai ka poe e hana mau ana me ka loaa ole nae?
Mele--Him. 228, 8--Leo.
1 I keia la e loaa mai
Ke ola me ka pomaikai,
Aka, in a e hoopanee
E po ka la a makeʻe
2 I keia la ke, ke heamainei
Ko Iesu leo paipa ei
Alaʻe oukou, e na pokii,
Ano la, ea, e huli mai.
Pule a hookuu aku
He Hoomanao.
Ma ka halawai ana o ka Papa Misiona Hawaii, maloko o keia kulanakauhale, i ka la 29 o Maraki, ua hooholoia neia mau olelo hooholo malalo iho nei:
No ka mea, o Rev. B. W. Paleka, no na makahiki he 44, he Misionari oia no ka Papa Amerika mawaena o na Mokupuni o ka Pakipika, he hao no ka Papa Misionari Hawaii mai ke kukulu mua ia ana, a no na makahkiki ekolu i hala he Peresidena no ke Kula Kahunapule malalo o na hooponopono ana a na Papa elua, ua hookaawaleiaʻku mai o kakou aku e ka Makua Aloha o ko ke ao, o ke komite kumau o na Misionari kuwaho, a Mr. Paleka hoi i noho Lunahoomalu ai no na makahiki lelhulehu i hala, ke waiho aku nei i neia mau olelo hooholo.
Akahi.--Ma ka make ana o ko kakou hoahanau, he poho nui kai ili mai maluna o kakou; no ka mea, iloko on a he hoaʻloha maikai, he lunaaoao akahele, he Misionari oiaio o ke kea, he Kahunapule iloko o ka maemae o ka pono, he Kumuao noeau no a Kahunapule a me na Misionari, he kanaka me na manao hookanaka, e hana ana iloko o na kau a mawaho o na kau no ka holomua o Ziona, a i ka manawa i ake nui loa ai e hoi aku me ke Akua, o kona makemake nui malunaʻe o na mea a pau, o ka hoonui iaʻku o ke aupuni o Kristo.
Alua.--Ma kona laweia ana aku, ke hoomaopopo nei kakou i ka lima o ka mea Maua Loa, Ka mea hana i na manawa a pau no ka pono, aole loa e hewa; a oiai kakou e u ana no ko kakou hoonele ia ana, ke kulou hoomaikai iho nei kakou imua o ka makemake o ka Mea Hemolele, e hoomaikai aku ana i ka Haku no ka hooloihi ia ana mai o na makahiki o ko kakou hoahanau mawaena o kakou, a no na kokua i haawi iaʻku iaia iloko o na kanalua a me na ulia, na pilikia a me ka ehaeha ana i kaalo ae ai a kahea ia mai la; a i ka hopena, no ka haawi ana mai iaia i ka lanakila, o ka haawi anaʻku ma kona waha, i na minute hope loa, na huaolelo a ka Haku, "Ua pau." A lawe aku la iaia e lei i ke kalaunu maloko o kekahi o na home lehulehu i hoomakaukau ia no ka poe oiaio a hiki i ka make.
Akolu.--Ma o ka lokomaikai o ka Haku, e hooi aku kakou i ko kakou kulana no keia Lokomaikai Hemolele, i makaukau loaʻi kakou no Kana hana a kakou e hanaʻku ai, e hooikaika ana e hoomau ia no hiona o na hana a ko kakou hoahanau i hala iloko o ka oiaio, i hiki mai ai ko kakou manawa, e hiki ia kakou ke olelo ae "ua hana au i ka hana Au i haawi mai ai iaʻu e hana," a e loaa hoi ia kakou ke kalaunu.
Aha.--Ke koto pu aku nei kakou me ka luuluu e u pu me ka ohana o ko kakou hoahanau Paleka iloko o keia hora o ke kaumaha, a e kaukai aku hoi ia lakou ma On a la, ka Mea hoi a ke kane a me ka wahine e hilinai aku i na manawa a pau, oiai, Oia ka Makua o ka mea makua ole, a o ke Kane hoi a ka wahine kanemake.
Alima.--E hoike aku ke Kakaulets o Keia Papa i ka ohana o ko kakou hoahanau i hala i keia mau mea i hanaia.
H. BINGHAM.
M. KUAEA.
J.F. PUGUE.
AOLE I PAU.
@ o keia poo i @ ae nei ka Lunahooponopono, o ka Nupepa "Ka Lihui Hawaii," e kue i ka haiolelo a ke @ o Kaumekapili, ma ka huaolelo, "Ua @ ka manaolana o ka Lahui." Ma ka make ana o Ke keiki Alii, me ka kaua aua i ka mea nana ia haioʻelo. "He oleloia a he hihio ua ka mea noonoo papen" E olelo ana hui, o ka manaolana i oleloia "ua nala" "oia ke akamai hookele aupuni o ke keiki Alii, ma na mea e holomua ai ka waʻwai a me ke ola o ke Lahui." Me ka olelo ʻaia no ke manaolana maluoa o ka Moi a me kana mau hookele aua." O ke manaolana i oleloia. "na hala," aoleia o ko ke Keiki Alu akmei a naauao ma ka hookele aupuni ana, a holomua ka waiwai a me ke ola o ka Lahui; eia wale no, u ka "Lalani Alii Hawaii ponoi" O ka mea nana i haiolelo "ua hala ka manaolana o ka Lahui," ma ka hala ana o ke Keiki Alii ua alakai ae oia, na hoi i ki Moi ka manaolana, i na e haawi mai ana na lani i ka ohana Alii ma o na la. A i ole ia, ua ala kai hou ae ka mea haiolelo, i ka manaolana ma o kona mau Kuahiae Alii, no ka mea, ke hele aku nei ka Lahui i ka hapa haole, hapa pike, hapa pukiki, hapa eleele a pela aku. E like me lesa ne Akua e he kanaka, kupono loa kona nono alikk ana. Aole i hooleia
O ke kapa aoa o ka Lunahooponopono o ka Nupepa "ka Lahui Hawaii," i ka mea nana i haiolelo "ua @ ka manaolaua," he oleloia a he hihio no ka mea noonoo papau. He kaena ia i kona akamai hohenu aka, eia ka ke Akua, "O ka mea kaena e ao ia o hiua, O @ olelo a ua Lunahoopopono nei o ka Nupepa Lahui Hawaii," Aia no ka manaolana maluna o ka Moi, a me kana mau hookele ana, he pai ana ia i ka Moi i manao ia mai he manaolana io kona maluna o ka Moi, oke wale. He hooaluia ana ia e hoaleale i ka wai u i lana malie, me he la e naipai aku aua i ka Moi e huhu aku oe ia i ala, "aole nae ia o ka puana a ka moe, eiae no i ka hilipea a ka manao kuhihewa, ua kue kela haiolelo i na haole Amerika, a Beritania paha. Ua lalau ia no ka lohe ole i kela haiolelo, a hoolohe wale i ke aoa a ka ilio. I na oia malaila, ina ua pulu e elo ia i na kilihau anu o na huiolelo hooluolu a hoolaulea o kela haiolelo, e hoomalielie ana i Hawaii ponoi no ka Noho Alii a me na haole. Akua, hookahi koko, a hookahi no Moi.
KAELELE-O-KEHUKAI.
Kanikau no Kalani Ka waihau.
He aloha o Kalani
I ka nalo ana iho;
Ua haalele mai,
I ka pili he makua.
He aloha kuu lei,
Lei o ke keiki;
Au iho nei au,
Aole hoi oe.
Kuu hoa pukui,
I mehana i kuu poli;
Kuu hoa o ka po,
Loloa o ka hooile.
He aloha ko leo,
I ka pane ana mai;ʻ
Auhea o @?
Kiina aku hoi.
Pehea hoi au,
E pono ai hoi;
Aohe aʻu pono,
Aia i ke kauka,
I ka hope kauka,
E lili mai ana.
Lawea aku oe,
Mai kuu poli aku,
Noho iho hoi au
Me ke kaumaha mui,
Me ka luuluu hoi,
Hakukoi mailoko,
Ka mea o ke aloha,
He aloha ka maalo
Ka naue ana iho,
I ka malu o hai,
One o Kaakopua
Hoolai ka nohona.
Hoolale na pila
Na leo nahenahe,
O ua Lani nei,
Kaaluna ahiahi
I ka po mahina,
Komo aku i ka hale
I ka romi pahupahu,
Na hoa lealea,
Kani ai na ake,
Hoi ae i ka olu
Olu o Nooluiani
Hale hiolaui hei
A ua Lani nei
Moe aala mai
Auhea olua
Hoolaʻe ia aku
Na keiki hoi
Kukulu ia mai
Na hupa koloke
Koloke ia mai
O ka la ko luna
O Kalani ko lalo
A he ui ninau
Auhei Like
Lawea ia mai
Na lio pe-ha
I kau aku au
Ualai ka nohona
Kuupau e ka holo
Ma ke Alanui Ema.
KA AILA BALAKI A PINKHAMA!
He Mea
OLE KA WAI I KEIA AILA HAMO!
Palupalu Maikai na Ili Hooluu.
Ke noi haahaa iaʻku nei oukou, e hoao iho i keia
Aila Balaki, Hamohamo Palewai, Hoopalupalu Ili.
E kuai a e hoao i na Buti, Kamas. Ili Kaao kaa, a i na mea ili hooluu e ne paha i loaa ia oukou. Ua lana loa ka manae, in a oukou e hoao ana pela, e mahalo ana oukou, a hoomaikai aku auanei me ke kanalua ole Ina e hamo pinepine ia i keia
AILA BALAKI HOOPALUPALU ILI,
E mau no ka palupalu maikai o na ili, me ka nakaka ole. Aole hoi no ka wa ua wale no e pono ai keia Aila, aka, no ka wa la kekahi. He 50 keneta no ke tini.
Aila Inika Balaki Hoomau Ili a PINKHAM.
He mea maikai loa, i hanapaka maoliia no ka hoopalupalu ana i na ili kaa lio, na kaulawaha lio, na noho lio, a pela aku. E hoao oe----Kumukuai no ke kini 75 keneta.
Na Olelo Mahalo.
HILO, Nov. 5, 1875.
Ua hoao pono wau i na Aila Hamo Kamaa e ae, a ua hoeo pono no hoi i kak Aila Hamo Balaki a G. S. Pinkham; a na hiki iaʻu ke olelo me ke kanalua ole, o keia Aila ka helu akaʻhi, a me ka oi o ka maikai, o na Aila Balaki a pau aʻu i hoao ai.
A. O. FORBES
.
Ua hoao maua i na Aila Hamo Kamaa a G. S. Pinkham & Co., a ua oi aku ka maikai mamua o na Aila Hamo Kamaa mai na aina e mai.
R. A. LYMAN,
S. KIPI.
Hilo, Nov.. 10, 1875 Kiaaina o Hawaii.
HILO, Nov. 10, 1875
Ua hoao pinepine au i na Aila Hamo Kamaa a G. S. Pinkham & Co., a ua manao no au oia ka Aila Balaki Kamaa maikai mamua o na aila e ae aʻu i hoao ai mamua, a he oiaio keia.
C. K. HAPAI.
HILO; NOV. 10, 1875.
No koʻu ike oiaio loa o ka Aila Hamo Kamaa a G. S. Pinkham he Aila maikai loa no ka Hoowaliwali i ka ili. D.KAMAI.
Hanaia e G. S. PINKHAM & Co., ma Hilo, Hawaii.
E kuaiia aku no e BOLLES & co., Agena, ma Honolulu, 793 3m 815
ANOAI I KA LEHULEHU,
E kipa mai a e nana,
i kumaka ai ka ike i na waiwai nani i loaa mai ne iloko o na La Kulaia iho nei.
Penei ke ano o ua mau waiwai la:
N Wati a me na kaula Gula,
a na Lede a me na Keonimana!
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimaua!
NA KUPEE GULA,
NA LIPINE GULA
Na gula pepeiao o na wahine!
e oaka ai i na pepeiao, a e hulali ai
hoi na manamana lima, a e
kilipohe ai hoi na a-i.
Na komo humuhumu gula a me ka kala,
Na pihi pulima gula wahine a kane,
Na laketa gula lei wahine nani,
Na komo daimana o na Lede,
Na Kaola laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA
NA KAWELE holoi ,ima,
NA O DALA o kela a me keai ano,
a me na mea nani e ae no he nui wale.
E Kuaiia aku ana no
ma ke kumukuai haahaa loa i ka na wahi e ae o ko
na wahi e ae o ke taona nei.
UA MAKAUKAU NO BOINA
mea nani no kanaka makua
a me na kamalii.
Na Kamaa Paa Loa,
e loaa no mane e like me ka
makemake; a in a e loaa
koke ke in a he hiki
no ke hoihoi mai
M. McINERNY.
Kihi o na Alanui Papu a me Kalepa. 793 3m 811
E.T. HALOLAHI.
LOIO!
EIA HE $20,00 E MAKEMAKE ANA E hoaie aku ma ke ukupanee haahaa loa ma je $200 aku a pii ae ma ka moraki ana i na aina, Ua hoomakaukau e no oia i na palapala aelike, hoolima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana aie ma ke "Real Estate Exchange" Helu 31, Alanui Papu. Honolulu, malaila oia e loaa ai i na kanaka a pau, in a he mai ai na kuai a hoolimalima ko lakou, ae hoopaaia me ka uku ole. 792 3m 815
Milo Kuai.
O ka põe makemake kuai MILO laau hana ipu paka, e hlele mai i ka Halekuai o KALE LONA, (Chas, Long).
Alaani Kalepa, Honolulu. 795 3ms.
MAI KEIA LA A MAHOPE AKU NEI.
O KA UHU O KA
OHUA ONEKI O
NETO MERRILLL.
Mai Elonoluia aku me ke hoi ana mani he
ELUA DALA!
E.D. CRANE. (Kapena)
Mar. 18 1877 798 6 ms.
Lole Makepono ke Kuike!
ELOAA NO IA MA KAHI O
KAKELA ME KUE,
E LAA NA
AHINAHINA,
KALAKOA,
KEOKEU,
LEPONALO
Pena, Aila, Aniani,
Na Mea Piula,
Kopa Aila Honua,
Alia Hoomaloo
Kui Kakai, Pakeke,
Tabu, Kaula, Noho lio,
Hulu-palaki, na Polomi.
A he Agena no hoi na Mokupuni o Ha waii nei no nai
LAINAKINI- NAO,
LAINAKINI -MAOLI,
PALULE KALAKOA,
ALAPIA, KELEPA, KILISA,
Na Loke kupono i ka wawae,
Palule Holoholo,
Na Lole Holoholo,
Na Lolre no kak hoohehelo ana
Lipine, lihilihi, a me ia meaʻku
A HE
MAU MEA AI KAHI
Ka Palaoa, Kopau,
Raiki, Pia, Houhu,
Pia Kolina &c
A HE
LAAU LAPAAU KAULANA LOA
A Dr. JAYNES.
Luau Kunu,
Laau Hoomaemaee Koko,
Laau hoopau naio,
Penikila, Huaale,
A me na Laau Hamo, a pelaʻku
788 3m 801
Papa! Papa!d
NO
ALLEN A ME ROBINSON.
Ua wehe ae nei maua i
PA KUAI PAPA!
MA KA
UWAPO o PAKAKA,
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na pili hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena!
NA KUI O NA ANO A PAU!
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale
O NA ANO A PAU
E kuaiia me ka
Kumukuai Haahaa Loa!
o keia Makeke.
ALLEN & ROBINSON.
Honolulu, Aper 13, 1876 788 3m 801