Ka Nupepa Kuokoa, Volume XVI, Number 20, 19 May 1877 — He Hoomanao. [ARTICLE]

He Hoomanao.

Ma ka halawai ana o ka Papa Misiona Hawa'i, maloko o keia kulanakauhale, i ka la 29 o Maraki, na hooholoia neia mau olelo hooholo malalo iho nei : No ka mea, o Rev. B. W. Paleka, no na makahiki he 44, he Misionari oia no ka Papa Amerika mawaena o na Mokupuni o ka Pakipika, he hoa no ka Papa Misionari Hawaii mai ke kukulu mua ia ana, ano na makahiki ekolu i hala he Peresidena no ke Kula Kahunapule malalo o na hooponopono ana a na Papa elua, ua hookaawaleia'ku mai o kakou aku e ka Makua Aloha o ko ke ao, o ke komite kumau o na Misionari kuwaho, a Mr. Paleka hoi i noho Lunahoomalu ai no na makahiki lehulehu i hala, ke waiho aku nei i neia mau olelo hooholo.

Akahi.—Ma ka make ana o ko kakou hoahanau, he poho nui kai ili mai maluna o kakou; no ka mea, iloko ona he hoa'loha maikai, he lunaaoao akahele, he Misionari oiaio o ke kea. he Kahuoapule iloko oka maemae oka ponb, lie Kumuao noeau no na Kahunapule a me na Misionari, he kanaka me na manao hookanaka, e hana ana iloko o na kau a mawaho o na kau no ka holomua o Ziona, a i ka manawa i ake nui loa ai e hoi aku me ke Akua, o kona inakemake nui maluna'e o na mea a pau, o ka hoonui ia'ku o ke aupuni o Kristo.

Alua.—Ma kona laweia ana aku, ke hoomaopopo nei kakou i ka lima o ka mea Maua Loa, ka mea hana i na manawa a pau no ka pono, aole loa e hewa; a oiai kakou e u ana no ko kakou hoonele ia ana, ke kulou hoomaikai iho nei kakou imua o ka makemake o ka Mea Hemolele, ehooinaikai aku ana i ka Huku no ka hooloihi ia ana mai o na makahiki o ko kakou hoahanau mawaena o kakou, a no na kokua i haawi ia'ku iaia iloko o na kanalua a me na ulia, na pilikia a me ka ehaeha ana i kaalo ae ai a kahea ia mai la ; a i ka ho{>ena, no ka haawi ana mai iaia i ka lanakila, o ka haawi ana'ku ma kona waha, i na minute hope loa, na huaolelo aka Haku, "Ua pau." A lawe aku la iaia e lei i ke kalaunu maloko o kekahi ona home lehulehu i hoomakaukau ia no ka poe oiaio a hiki i ka inake. Akolu.—Ma o ka lokomaikai o ka Haku, e hooi aku kakou i ko kakou kulana no keia Lokomaikai Hemolele, i makaukau loa'i kakou no Kana hana a kakou e hana'ku ai, e hooikaika ana e hoomau ia na hiona o na hana a ko kakou hoahanau i hala iloko o ka oiaio, i hiki inai ai ko kakou manawa, e hiki ia kakou ke olelo ae "Ua hana au i ka hana An i haawi mai ai ia'u e hana," a e loaa hoi ia kakou ke kalaunu. Aha.—Ke komo pn aku nei kakou me ka luuluu e upu tne ka ohaaa o ko kakou hoahaoau Paleka iloko o keia bora o ke kaumaha, a e kaukai aku hoi ia lakou ma Ona la, ka Mea hoi a ke kaue a me ka wahine e hilinai aku i na manawa a pau, oiai, Oia ka Makua o ka mea uiakua ole, a o ke Kane hoi a ka wahine kanemake. Alima.—E hoike aku ke Kakauleia o keia Paj>a i ka ohana o ko kakoa hoahanau i hala i keia mau mea i hanaia. H. Bixgoam. M. Kuaea. J. F. POGUB.