Ka Nupepa Kuokoa, Volume XVI, Number 22, 2 June 1877 — Ka wai kahe nui ma Hanalei. [ARTICLE]

Ka wai kahe nui ma Hanalei.

Ma ka la 16 o keia mahina. He ku a ua koikoi kai haule iho ma na Mauna uliuli o Hanalei. Aua ike ia aku ka pina pono o na awaawa i na wai e hiolo mai ana ma ke alo. na pali, a i ka puka ana mai o keia wai i kai, ua holapu ae la oia i na hele, a me na Aina koke i ka lihi kahawai, a ua paa pu kekahi mau aina i ka lepo, ke a a me na pauku laau. He nui no na waiwai i poho ma muli o keia pilikia ike mua ole ia. Eia na mea i lilo loa aku i ka wai, Puaa, Moa, Kao, Lio, a me kekahi mau waiwai e ae, he mau kaa Hoki kekahi, a he mau kaa hali ko kekahi, a me na hale. He nui ka poho o ka poe mahi Luki Aole i hoouluulu pono ia ka nui o keia poho, a kahi no a pili pono keia inoa ia Hanalei kaualoku o Hanalei, ka ua loku ia ke hele a la a noho pono na pohaku, a me na piha a iloko o na loi kalo. Aole oia wale he pali kekahi ua hioloia. Aneane piha ka Eka, i kahi a keia pali i hiolo ai i kona mau lepo. He mau lono kai lohe ia mai. Aia ma Anahola kekahi haawina o keia ulia poino. Me ka mahalo. R. PUUIKI. Hanalei Kauai Mei 19 1877.