Ka Nupepa Kuokoa, Volume XVI, Number 33, 18 August 1877 — Page 4

 Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KE AU OKOA I HUIIA.

 

NOTHING TO PAY!

 

Gospel Singer. p 71.

1

Kei kuu aie! kei kuu uwe!

Aohe dala e hookaa ai.

Pa mai he leo, he mea uwao,

Iesu no ia i make no no'u.

Cho-Kei kou a e! ke paipai nei,

Ku, ku a hele mai, e awiwi.

Kaa hou alo, kaa ia Iesu,

Oia ka i make i panino nou.

2

Ke kau mai nei ke kanawai,

E make au e pono ai.

Pa mai he leo mai luna mai no,

He p@ni no kou, ua make Iesu.

Cho.-Kei kou aie! &c.

3

Kei kuu aie! ke make nei!

I hea la wau e holo ai?

Mana ka make! na wai e hookuu?

Pau kona mana, e pau ia Iesu.

Cho.-Kei kou aie! &c.

4

Pau kuu makau, no'u no Iesu,

Paulele au a oli pu.

Me ia no au la e hoopili ai,

Pau kuu aie! nani kuu pomaikai!

Cho-Kai kou aie! &c

HAWAII.

 

HAAWINA KULA SABATI.

 

HELU 10-SABATI, AUG. 2

KUMUHANA.-Paulo ma Torineto

PAUKU BAIBALA-Oihana 18:1-II.

A MAHOPE iho o keia mau mea, haalele iho la o Paulo ia Atenai, a hele ae la i Korineto.

2 A loaa ia ia kekahi Iudaio, o Akula kona inoa, i hanauia ma Poneto ia wa mua iho kona hiki ana mai, mai Italia mai, me kana wahine, o Perisekila, (no ka mea, ua kauoha aku la o Kelaudio i ka poe Iudaio a pau e haalele ia Roma,) a hele mai la io laua la.

3 A no ka like o kana oihana, noha ia me laua, a hana iho la; no ka mea, he poe humuhumu halelole lakou.

4 Kamailio ae la ia maloko o ka halehalawai, i na la Sabati a pau, e hoohuli i na Iudaio a me na Helene.

5 A hiki mai la o Sila laua me Timoteo, mai Makedonia mai, alaila ikaika loa o Paulo ma ka olelo, a hoike aku la i na Iudaio ia Iesu, oia no ka Mesia.

6 Kuee aku la lakou, olelo hoino mai la, alaila lulu iho la ia ikona kihei, i mai la ia lakou, Aia maluna o@ko oukou poo iho ko oukou koko; ua maemae au; ma keia hope aku e hele au i ko na aina e.

7 Hele aku la ia mai ia wahi aku, a kipa aku la i ka hale o kekahi kanaka, o Iouseto kona inoa, ua malama i ke Akua; ua pili no hoi kona hale ma ka halehalawai.

8 A o Kerisepo k@ luna o ka halehalawai, manaoio aku la ia i ka Haku me ko kona hale a pau. A I he ko Korineto he nui loa, a manaoio aku la, a bapetisoia iho la.

9 Olelo mai la ka Haku ia Paulo ma ka hihio i ka po. Mai makau oe, aka, e olelo aku, mai hoomumule:

10 No ka mea, owau pu kekahi me oe, aole hoi e lele kekahi ia oe e hana ino aku ia oe; no ka mea, na nui o'u poe kanaka maloko o keia kulanakauhale.

11 Noho iho la ia malaila, hookahi makahiki a me na malama keu eono, e ao ana ia lakou ma ka olelo a ke Akua.

Pauku Gula. "I ka hana mau ana, mai hoopalaleha i ikaika hoi oukou ma ka naau; e malama ana i ka Haku." Rom. 12:11.

Hoopaa naau p 9, 10.

Topika. Ka hana mau ana.

1 Ma ka hele ana p 1-3.

2 Ma ka hoike ana p 4-8.

3 Ma ke ao ana p 9-11.

Mele.-Mele hou. 8-9.

1

Ku a hele a kaapuni

Ma na wahi naaupo,

Imi i ka poe auwana,

A hoohali ia lakou.

Ku a hele i na aina,

I ka poe hoomanakii,

A hai aku i ka olelo,

A ao ae i na pokii.

Pule no na aina naaupo, no ka poe hoomana kii, &c.

Na ninau a na Kumu.

Aole loihi ka noho ana o Paulo ma Atenai, aole nui ka poe i huli mai, aole i ku kukuluia i ekalesia malaila. No ko na kanaka kanalua a hoopanee ana, ku no Paulo a haalele ia lakou, a hele aku i Korineto He kulanakauhale kaulana keia no Akaia ma Helene, he 45 mile ma ke komohana ae o Atenai. Ua kukuluia ma kahi mokupuni uuku. Ua kaulana ia no ka nui o na kanaka, no ka waiwai, a no ka hoomanakii me ona mau hoopili, ka noho uhauha, a huikau wale a moekolohe, o Venusa ko lakou akua, he akua wahine, he heiau nona ma Korineto; he akua kokua ia i ka moekolohe, he akua kii lapuwale no. Ua hele nae Paulo ilaila, a hai aku i ka Iesu olelo i na kanaka. Ua hoolana ke Akua i kona manao, e olelo ana, mai makau oe, Owau pu kekahi me oe; ua nui o'u poe kanaka iloko o keia kulanakauhale A pele io no, nui ka poe i hoolohe, a huli mai A ua kukuluia i ekalesia malaila; a he mau Episetole elua a Paulo i kakau ai na ia ekalesia.

P 1-3. Ka hele hou ana o Paulo. Mai hea aku oia i hele ai, a hiki i hea? Heaha Korineto? Aia mahea? Kaulana ia no keaha? Owai kona akua? Heaha kona ano? owai ka i loaa ia Paulo? Owai ka wahine a Akula? He mau Iudaio aha laua? Hanau ia mahea? Poneto, he aina ia ma ka hikina akau o Asia Uuku. Ua hele nae Akula ma i Italia, a noho paha ma Roma a i ole, ma kahi e kokoke ana i Roma. Ua haalele no nae laua ia Italia no keaha? owai Kelaudio? Kelaudio Kaisara keia. Ka Emepera o Roma. Hoomaka oia i kona alii ana ma ka mak. 41, a make ma ka mak. 54. Ua lohe paha oia he poe hoomana e na Iudaio a kue i ka hoomanakii, ka hoomana o ke aupuni o Roma He mau Iudaio no Akula me Perisekila, ua lilo nae i mau haumana na Iesu, a lilo hoi i mau kokua no Paulo Nana Roma 16:3, 4, 5.

1 Kor. 16:19. 2 Tim. 4:19. Ua hookakeia laua mai Italia aku, a hele i Korineto, a hookipa laua ia Paulo, no ka mea, ua like kona oihana lima me ko laua. Heaha ia oihana? Pehea ka Paulo hana no ke ola kino? Oih. 20:33, 34. 1 Kor. 4:12. 1 Tes. 2:9. 2 Tes. 3:8. Pono anei i na kahuna i keia wa ke hoohalike? Hoopaa naau. sol. 22:29.

P 4-8. Ka hoike mau ana.

Heaha ka Paulo hana ma na Sabati a pau ma na halehalawai? Owai ka i hiki mai a hui pu me Paulo? Mai hea mai laua? mok. 17:14, 15. Mai Beraia mai. A hui lana me paulo, ikaika loa Paulo i ka hoike pehea? Ae anei na Iudaio? I ko lakou hookuli, a kuee ana, heaha ka Paulo hana, a me kana olelo no lakou, a nona iho, a no kona hele ana i ko na aina 'e? Lulu i kona kihei, heaha ka Iesu kauoha ma Mat. 10:14? Heaha ka Paulo hana mamua? mok. 13:51. Ina make lakou no wai ka hewa? No Paulo anei? Ina make oukou, no wai ka hewa? no na kahuna anei? Haalele Paulo ia halehalawai a kipa ma ka hale owai? He kanaka aha o Iouseto?mahea hoi kona hale? He Iudaio paha oia ua lilo nae i haumana na Iesu. Owai hoi kekahi luna o ka halehalawai i manaoio me ko kona hale a pau? Pehea hoi ko Korineto poe he nui loa. Hoopaa naau Ieremia 1:7.

P 9-11. Ke ao mau ana Ma kekahi po, ma ka hihio, owai ka i olelo ia Paulo? Heaha hoi kana mau olelo hoolana? Heaha ka ke Akua olelo ia Ieremia mok. 1:8-19? Heaha ka Iesu olelo Mat. 10:28? Pehea ka loihi o ko Paulo noho ana ma Korineto? Hai mai 2 tim. 2:24, 25

Mele. Mele hou, 7-6. Leo Hosana kamalii

Ikaika no Akula,

Perisekila pu,

Ua luhi pu me Paulo,

Aole i makau.

Ua mau ka laua hana,

Ua hoomaauia no;

Ko laua ola kino,

Ua lilo no Iesu

E hoohalike, ea,

Me laua kakou nei,

E luhi, hana ikaika

No ko na aina e.

 

Na Ninau a ke Kahu.

 

Na makua. Korineto, heaha ia? kona ano mua? Owai ka i hele ilaila, e ao a hoohuli i na kanaka? Ua nui anei ka poe i huli mai? Ua kukuluia anei he ekalesia malaila? Ehia a Paulo episetole ia ekalesia?

Na keiki Hai mai i kekahi kane me kana wahine i hookipa a hana pu ma Paulo? Akula, Perisekila Hiki anei ia oukou ke kokua i na haumana a Iesu? Hai mai Mat. 10:40-42. Heaha kela mau pauku no akula ma ma rom. 16:34? Aole anei he pono ke haawi oukou i ko oukou ola no ke ao aku i na keiki ma na aina naaupo?

Ke kula a pau. I ka mak. ehia i alii ai Kelaudio? Heaha kana hana ino i na Iudaio? No keaha? Owai na mea elua i kipakuia a hele i Korineto? Heaha ka laua oihana? Owai ka i hana pu ma ia oihana hookahi? He mea mau anei i na mukua Iudaio ke ao i na keiki ma kekahi oihana hooikaika kono? Hilahila anei Paulo ke hana me kona mau lima i lawa kona ola kino? Heaha ka oihana kino o Iesu? Pehea na kahu ekalesia, hewa anei ke hana lima lakou i mea e lawa ai ko lakou ola kino? Pono anei ia lakou ke komo iloko o na hana, na mahiko, &c, i mea e waiwai ai lakou? Maluna o ke poo owai ka make o ka poe hoomaloka a hookuli? Heaha ka olelo a ka poe e kau ana ia Iesu ma ke kea? Mat. 27:25. Owai ka poe make ia lakou?

Ma keaha e hoohalike ai kakou me Akula ma? Heaha ka mea hoolana i ka manao o ka poe e hana ana no na aina e? Hai mai pauku 9,10. Hai like mai i ka pauku gula, a me na mahele ekolu.

 

Mele.-Mele hou, 7. Leo.

 

Lana lana ka manao,

Ole make e makau;

Hana, hana no Iesu.

Ko Iehova lima pu.

Nui, kini, lehu no

Ko na aina naaupo.

Mana nae ka uhane e,

Nana e hoohuli mai.

 

Pule no na aina e, no na misionari, a pela aku.

Haawina no Sept. 9. Oih 19:1-12.

 

Hehi maluhia.

 

E ka nupepa Kuokoa; Aloha oe:-

He wahi mea hou ka'u e hoouna aku nei ia oe, i ke kukini mama naoa e ahai akui ka lohe i ike mai ai na kini o kaua.

            Aia ma kahi o ke keiki lalawai o ka "Ua Lanipaina o Ulupalakua." mawaena o na kanaka maoli, a me na polapola, pake, kekahi mau anaina pepa piliwaiwai i na Sabati a pau, ke hana mau keia a na paahana o keia mahiko. A mai loko o keia poe paahana, ua hele aku kekahi poe i ka lawaia, ma ia la no, ua pii aku kekahi poe i ke kuahiwi i ke alualu pelehu, hipa, puaa, ma ia la no i hai ia ae la maluna aenei.

            Nolaila, ke ninau aku nei au auhea la ka mana o ke kanawai i hooholoia i na kau Ahaolelo i hala? Ua pau loa na la i ka hana la e keia poe.

            Nolaila ua hiki kino mai ka Lunakanawai iwaena o keia poe, ua loaa aku no e pepa ana, a maloko mai no o keia poe i ulu mai ai  hahakaka haunaele ma ka la Sabati. Ua hoopai mai kekahi poe oia ano i ka Lunakanawai, eia nae, aole i hanaia keia hewa, ua uhiuhi wale ia no aole hookolokolo.

            Auhea la ka Lunamakai a me na makai, ua hiamoe paha? Ua kau ke poo i ka uluna, o no-no i ka pukaainu ka malama.

            I ka nana aku, aole keia Lunakanawai kuokoa no ka apana o Honoaula, no ka hui mahiko, ke pee nei malalo o na Oua mahiko, nolaila, aole e hiki iaia ke hana i kona mana kanawai.

            Ke hooki nei au i ka maka o ka'u peni, me ka mahalo i na ke kaulele hua kepau o ka Hale Pai. Me oukou ka welina o ko'u aloha, ke hoi nei ke keiki o ka aina papaa la o Honuaula, a me ke eha noe ua kau ka Naulu i Kina'oa.

Honuaula Aug. 8, 1877

 

Ua Kupono anei?

 

E KA NUPEPA KUOKOA E; aloha oe:

Eia ma ka apana o Puna Hawaii kekahi kumukula hana pono ole, he kanaka naauao, a ano karisiano'no hoi, a he makua no ka apana nei i kekahi mau makahiki. Aka i keia wa ke ike ia aku nei kana hana pono ole, oia keia, mai ka malama o Oct A.D. 1876, a hiki i keia malama Iulai, A.D. 1877. Ua malama hou oia i ka oihana kumukula a ma keia malama ana ua ike ia kona hana pono ole. Eia na hana pono ole.

1 Ua malama ole ia ka wa hoohana o na keiki.

2 Ua ao pono o'e ia na keiki, mai ka hoomana ana o ka noho kumu i ka wa i hai ia maluna a hiki i keia wa ua ao pono ole ia na haumana, penei e akaka ai. Buke Honua hou a ke Kahukula Nui i hooponopono iho nei, aohe ao ia, Himeni, aohe no he ao ia. O ke kumuo ke ao ole i keia mau @ nui o ka ike a me ka naauao, o ka hiki ole iaia e hooponopono ma ka puana ana i na hua haole o like me ka rula oia buke.

            Eia ka mea helu o ka neo maia mau lalo o ka ike, hooaoho no ka L. Kula. Eia ka oiaio, no ka like pu o ka neo o kumu me ka L. Kula, nolaila makemake ka L. Kula e hoemi i ka pii ana o ka makukau o na keiki.

            Ua malama ole ia ka wa hoohana o na keiki o ka wa hana o na keiki he mea nui ia, aka ia la nei no, aohe malama ponoia "He kumanuunuu kai nei haiia." Aohe hele pu i ka hana. O ka wa hana, mai ka wa aole i puka kali o kakahiaka nui a hiki i ka hora 8 a oi aku, pau ka hana, @ hora 8 kue i ke hanawai, a me na rula o ka Papa Hoonaauao a me ke Kahukula Nui i kauai.

            E like me ka malama o'e ia o ka wa hana, pela i malama o'e ia ai ka loaa a na keiki oiai ua nui ka poe hoohana i na keiki aka, o ka hua i loaa mai, uuku loa a i loko no oia uuku lawe no i ka piha; me ka hele pu ole me na keiki i ka hana.

            Eia kekahi mea @ loa aku, ma ka ma hele ana o ke dala, ua haawi ia mai ka poe paa i ka hana a ka poe hana ole, a o ka poe paa mau i ka hana haule loa ko lakou uku a o ka poe i hana ukoa loa, ua loaa ia lakou ka hapalua o ka uka. Na hou ea!

            He oni ke kaniuhu o na makua, no ka lakou mau keki, a pela pu no na keiki ke hau walaau nei lakou, me ka hoopuka i kela mamala olelo. Kumukula hana pono ole!

Kupono anei i na kanaka o keia ano e noho ma ka hana,? pono anei i ke kanaka ano kar@siano e hana i na hana pono o'e e like me keia, ka hoemi i ka @? Ua lawa au maanei, a malaila o owaka mai ka waha hoai puka nui aku. Me ka mahalo.

Puna Augate 2 1877. J.N. KIKAHA.

(O na palapala o keia ano he pono ke hoopii i ka Papa Kula Apana, aole i ka nupepa, no ka mea, aohe mana hoopau aku mai ia makou aku. L.H.)

 

Hale pau ahi ma Wailua.

 

Ma ka la Sabati iho nei, la 5 o Augate, ua holapu ae la na lima menemene ole o ke ahi, i ka hale noho o Malukukui, ke keiki lalawai o Wailua-uka, a ua nui ka poino ma kei apauahi ana; a eia mai kona moolelo piha malalo iho:

I ka Poaono iho, la 4, ua hiki aku la ka Moi me ka Hui Kawaihao malaila, e lawe mai i kekahi mau ukana o ka hale i wawahiia. A ma ka auina la, huhu iho la ka Moi no ka hoi aku i Kapaa. A mamua o ka hoi ana, ua ha ia aku ka olelo Alii, oiahoi, "Apopo, e hele ae olua i ka halawai ma Kapaa, oia hoi ka halawai o ka "Hui Houlu Lahui," a ua ae mai laua.

I ka la Sabati ae, a ma ke kakahiaka o ua la la, hele aku la o Malukukui e imi i kona lio, a o kona kokoolua hoi o Poohina, o a kekahi i hele e imi i kona lio, a ua loaa no kona, a o ko Malukukui, aole no i loaa kona. A mamuli o ka loaa ole ana o ka lio, ua maluhi a uiha maoli oia i ka imi ana i ka lio, a pau ae la mona manaolana no ka hele i ka halawai ma Kapaa ia kakahiaka, a haule aku la ia wa, a hoi aku la a hiamoe ma ka paka o ka hale, a lalau ae la i ka nupepa, a heluhelu iho la no kekahi manawa okole, a no ka hiki ana mai o ka makahiamoe, uhi iho la oia i ka nupepa ma kona make, a hiolani aku la me na moeuhane o ka pau ahi. O Poohina na hoi, ua hala aku la kela i ka halawai ma Kapaa.

I ua Malukukui nei e hiolani ana i ka lia a ka moe, haule iho la no hoi kana wahine e hiolani pu me ka moe popilikia. Aka nae, ia laua i makaukau ai e hiamoe iho ma ka puka o ua hale nei, aka hoi, o ka laua wahi moopuna uuku, ke hiamoe la no oia a he loihi nae kona hiamoe ana, a me he mea la, e aneane ana paha oia e puoho ae, a hiamoe iho la na kupuna, iloko o ka hiamoe naaupo.

            Ia laua la e hiamoe ana, puoho ae la ua wahi moopuna anei, a lalau ae la i ke ahi koe, a puka aku la ma ke kihi hikina o ka hale, a koe ae la oia i kekahi, a hoo@ni aku la i ke pili, a o ka hoomaka aku la no ia o ke ahi i kana hana, a no ae aku la na ma la aoao a h@ hiki iluna, a kokolo ae la maloko o ka lanai. O ua wahi keiki nei nae, ke nanea la oia i ka hoholo o ke ahi maloko o ka lanai, me ke kalele ae o na lima iluna o ka waa, a kapahe he malie ae la e nana i ke ahi e lapalapa la; aole no ona wala au, aole no hoi he wahi mea uwe iki, he nanea wale no.

I ka puni ana o ka hale i ke ahi, ua puoho ae la ke kupuna, a lohe i ka halulu o keia mea, i alawa ae ka hana, e lapalapa ana ke ahi. Iaia i puka mai ai, na puu ka @, a ma ka puka kahi a laua i moe ai, aole e hiki ke puka aku malaila, no ka mea, ua paa mai ia puka i ke ahi, a ma ka puka mahope i pakele ai laua me ua wahi keiki nei. A ia wa k@ke@ no, ua komo hou mai laua e hoopakele  i kekahi mau wahi ukana a ua loaa aka he mau wahi k@p@ @ahu, a he wahi umeke poi, a hookahi pepa dala (dala pepa) he $100.00 paha ka waiwai io, a oia wale, iho la no na wahi mea i pakele mahunehune mai.

Ua hoomaopopo ia ke poho o keia ohana, aia maluna @ o ka $8000,00. Ua pau aku he ekolu dala pepa, he mau upena hano, he haneri dala paha ka wa wai. he haneri a oi aku a emi mai paha kona kumukiai, a me na pono no hoi a pau, nolaila, ua nui ka poino o keia ohana.

I ka hiki ana mai o keia lono pilikia ma ka Halealii ma Kapaa, ua kaumaha loa ia ka poino ana o keia ohana; a na ia hale no hoi e hoolako mau mai i ka "Hui Kawaihau" i ka ai, i kela a me keia hebedome. Ua kakali i  i hai na Moi i ka ike ana i keia pilikia a ma ka Poakahi ae.

Ma ka Poakahi ae la 6, ua makaukau ua Moi, e holo aku la maluna o ka waapa, e ike i keia poino. I ka ike ana o na Moi, ua nui ko laua minamina, a ua kaumaha no hoi ka naau no keia pilikia, nolaila, ua manawalea aku @ he hookahi halelole, i mea kokua ia la@ no ka manuwa, a hiki i ka wa e paa ai ka hale. Ua manawalea hou aku na Moi mamuli ko laua lokomaikai, he hookahi hale laau, a na ke kumu@ o ka Hui Kawaihao e kapili i ua hale nei, oia no o Mr. Charles Tuner.

A ma ka lokomaikai mau o ka ohana i poino, ua haawi makana mai la lakou he mau loi ai a o ka uhu @ ino la no ia o na keikio Kawaihau i kekahi loi a pau, hele no hoi a piha ka waapa, a huli hoi aku la no Kapaa.

A oia ae la na mea i ikeia, no keia poino i lia mua ole ia, nola la, e na kupuna a me na makua, e malama loa oukou i na ahi koe, @ loaa auanei a ka p@k@ e like me kela, a ala mai kela mau huaolelo kaulana, oia hoi, "papau he ae ko ka hale"

Me ke aloha hoihoi i ka Lunahooponopono a me na keiki o ia poa@ hea. Aloha no. ISAAKA H LUNAPE.

Kalikolehua o Kapahi, Aug 11, 1877

 

HALE PAI KII O AHI.

 

EMI LOA NA KII!

 

Ma ka Hale Pai Kii o Ahi, Hela 61, Alanui Nuuanu, Honolulu.  O ka uku o ke kakini Kii Pepa mamua, he $3.00, a i keia manawa, ua hoemiia i $2.50.  O ka uku o ke kii Aniani. he $3.00 mamua, ua hoemi loa ia a i ka $2.00 wale no.  Emi loa maoii a makepono!  Aole like pu mamua.  E wiki mai oukou, oiai ka manawa kupono a ka lia e upu nei.  I keia maoawa, hanaia nakii maikai loa!

Hale Kamana Nui!

            AIA no maloko o keia Hale maluna ae, a ma ka Helu 69, Alanui Nooanu, e hanaia ai na pahu kupapau, na moe, na noho, na pakaukau, ua pahu ume me na aniani ku. na mamalu a me ia mea aku ia mea aku.  E loaa no na pahu paina a me na pahu koa ma ke kumukuai oluolu a  makepono loa, i ike ole ia mamua.

Hale Kumeka Kamaa!

            MALALO o ka Hale Pai Kii. ua hoana okoaia he keena humahuma kamaa o keia a me keia ano a ka makemake e hialaai ai.  E kipa mai a e ike oukou “I ka nani o Aipo.”  Malaila no e loaa ai na Pale Ili Noho Lio, no ke kumakuai haahaa a ka launa ole mai. E kipa mai a e kuai no oukou iho.

Hale Hana Kika Puhi!

            Ma ke Keena makai o ka Hale Kamana, Helu 69, Alanui Nuuanu, he wahi e hana pakala nei na lau paka, i mau kika puhi maikai loa.  He mau paka kika maikai i kupono i ko na kanaka makemake, he ona hoi ke puhi.  E hele mai oukou e kuai i ike maka.  E hoohihi ana ana oukou. AHI. (506 6m* 521)

 

Papa! Papa!

-NO-

ALLEN A ME ROBINSON.

 

Ua wehe ae nei maua i

PA KUAI PAPA1

-MA KA-

UWAPO o PAKAKA.

 

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniani.

Na Pani Puka a me

Na Olepelepe.

 

Na lako kukulu Hale

-O NA ANO A PAU-

E auaila ma ke

Kumukuai Haahaa Loa!

o keia Makeke.

ALLEN & ROBINSON.

Honolulu, Aper 13. 1876. 614 3m 268

 

MAI KEIA LA A MAHOPE AKU NEI,

O KA UKU O KA

OHUA ONEKI O

NETI MERRILL,

Mai Honolulu aku a me ka hoi ana mai he

ELUA DALA!

E. D. CRANE. (Kapena.)

Mar. 16, 1877 798 6ma 824.

 

NU HOU! NU HOU!

 

Kukaepele i Hanaia ma Honolulu nei!

E FREDRICK VEHLING!

 

He kukaepele maikai loa keia!

Ua like kona ano me ke Kukaepele o ko na Aina e.

AOLE E NELE KA AINA WA A PAU

E kokua kakou i na hana mikiala kuloko

o ko kakou  aina hanau.

E hele mai e ike, a e kuaiia ma ka Hale Kuai o A. L KAMIKA,

806 3m 831 Helu 44, Alanui Papu.

 

Eia ma ka Hale Kuai o Wini!

NA EA,

NA OMAU A-I,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea e ae he nui wale.

E HAAWI MAKANA IA ana i kela a me keia mea i kuai a hiki i ka

ELUA DALA.

E hele mai, e nana i keia mau mea maikai, a e loaa no e like me ka makemake.

Eia ma ka Hale Kuai o

756 2m WINI.

 

HALE KUAI MANUAHI!

 

NO KONA,

NO PUNA,

NO KOOLAU,

NO NAPALI,

NO MANA!

Eia ma Koloa nei ka mea Hou ano e kupaianaha, a e naue nui mai oukou e na mamo o

MANOKALANIPO!

a e ike i na mea maikai o kela a me keia ano, ma ka

HALEKUAI O PENI!

Ua makaukau ola e kuai aku i

Na Lole o na ano a pau,

Na Papa o na ano a pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kane, ka Wahine a me ke keiki-

Ke loaa mau mai nei keia mau mea ma kela moku kela moku, a no ka mea, ua hoopaeia mai ma Honolulu.

He au hou o ke Kuikahi!

Nolaila, e hiki ia'u ke haawi i keia mau

pono ia oukou, ma ka kumukuai

haahaa loa, i ike ole ia

mamua aku nei.

E lulumi mai a hoao!

FRANK BINDT.

Koloa. Kauai, Aperila 14. 1877. 802 1 yr 833

 

ANOAI I KA LEHULEHU.

 

E kipa mai a e nana,

i kumaka ai ka ike i na waiwai nani

i loaa mai nei iloko o na

La Kulaia iho nei.

 

Penei ke ano o ua mau waiwai la:

Na wati a me na kaula Gula,

a na Lede a me na Keonimana!

NA KAULA OPELE A NA LEDE

NA KOMO GULA NANAI O KELA A ME KEIA

ano o na Lede a me na Keonimana!

NA KUPEE GULA,

NA LIPINE GULA

Na gula pepeiao o na wahine!

e oaka ai i na pepeiao, a e hulali ai

hoi na manamana lima, a e

kilipohe ai h@ na a-i.

 

Na komo humuhumu gula a me ke kala,

Na pihi pulima gula wahine a kane,

Na laketa gula lei wahine nani,

Na komo daimana o na Lede.

 

Na kaula laketa,

Na pine omau kihei,

Na laketa aniani,

Na huka gula wahine.

NA LAKO HALE.

NA PUNA,

NA PAHI,

NA KIAHA, KALA,

NA APO KALA

NA KAWELE holoi lima,

NA O DALA o kela a me keia ano,

a me na mea nani e ae no he nui wale.

 

E kuaiia aku ana no

ma ke kumukuai haahaa loa i ko

na wahi e ae o ke taona nei.

 

UA MAKAUKAU NO HOINA

mea nani no kauaka makua

a me na kamalii.

Na Kamaa Paa Loa,

e loaa no maanei e like me ka

makemake; a ina e loaa

koke ka ino, he hiki

no ke hoihoi mai

M. McINERNY.

Kihi o na Alanui Papu a me Kalepa. 814 3m 32G

 

Lole Makepono ke Kuike!

E LOAA NO IA MA KAHI O

KAKELA ME KUKE,

-E LAA NA-

AHINAHINA,

KALAKOA,

KEOKEO,

LEPONALO

Pena, Aila, Aniani,

Na Mea Piula,

Kopa, Aila Honua,

Aila Hoomaloo

Kui Kakia, Pakeke,

Tabu, Kaula, Noho lio,

Hulu-palaki, na Pulumi.

A he Agena no hoi no na Mokupuni o Hawaii nei no na

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

-A HE-

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina &c-

-A HE-

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku

814 3m 826

 

E.T. Halolani.

LOLO!

EIA HE $20.000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

Hale Oihana, aie ma ka "Real Estate Exchange" Helu 31, Alanui Papu, Honolulu, malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me na uku ole 813 6m