Ka Nupepa Kuokoa, Volume XVI, Number 35, 1 September 1877 — Page 4
| This text was transcribed by: | Arnold Hori |
| This work is dedicated to: | Sachie (Teraoka) Hori of Kaimuki Avenue |
Ka Nupepa Kuokoa
KE KILOHANA POOKELA NO KA LAHUI HAWAII.
WORK IN MY VINEYARD.
Crown of Glory p 80.
1
No kealia ke ku wale
Me ka hana ole e ?
Na makua, me na keiki,
Hai mai me ka pololei.
Ohe mea hoolimalima,
Ohe hana kamalii.
Ku e ku a naowe aka
I ko Iesu pa maikai,
Cho.-Hea Iesu, hea olu,
Hele i kou pa maikai,
Mahi, kanu, a kipulu,
Na'u oukou e uku ae.
2
No ke aha ke ku wale
Mai ke ao la e po ae?
Nui no na hana hiki
I na pokii ke hana'e
Ku a hele i ke kula,
Alakai i na pokii;
Hele i ke kula aupuni
Me ke kula Sabati.
Cho.--Hea Iesu, hea olu,&c.
3
Hapai i ka poe hina
Me ka lima e kai ai
I ka poe palupalu,
Hoona i ka poe uwe;
Hoohauoli i na hoa,
E kokua wale ae
I ka poe ike ole
I loaa ke akamai.
Cho.--Hea Iesu, hea olu, &c.
4
Ole make e ku wale.
Lawe a hookala o
I na pahi, i na koi,
Okioki a paipai.
Oki i na lala ino,
Kinai i na hewa ou;
A maluna komo oe
I ka mala pua mau.
Cho.--Hea Iesu, hea olu, &c.
HAWAII
HAAWINA KULA SABATI.
HELU12--SABATI, SEP. 16.
KUMUHANA.--Ka mana o ka olelo.
PAUKU BAIBALA.--Oihaua 19:17--28.
17 Ua ikea iho la keia e na Iudaio apau, a nie ua Helene, e noho ana ma Epeso. A kau mai ka makau maluna o lakou a pau, a ua hoonuiia ka inoa o ka Haku Iesu.
18 He nui na mea o ka poe manaoio i hele mai, a hai mi, a hoike mai i ka lakou mau hana.
19 A he nui ua mea o ka poe i hana kilokilo, i lawe mai i ka lakou mau buke, a puhi iho la i ke ahi imua o kanaka a pau; a helu lakou i ke kumukuai o ua mau buko la ke kuaiia, he kanalima tausani hapalua.
20 Pela i ulu ai me ka mana ka olelo a ka Haku, a lanakila iho la.
21 A pau keia mau mea i ka hanaia, manao iho la o Paulo ma ka uhaue, e kashele ma Makedonia a me Akaia, alaila, e hele i Ierusalema, i ae la. A hiki au ilaiila, ma ia hope aku, pouo ia'u ke ike ia Roma.
22 Hoouna aku la ia ma Makedonia i kekahi mau hoalawehana ona elua, o Timoteo laua me Eraseto; a noho iho la ia ma Asia a liuliu.
23 Ia manawa, aole okana mai ka pioloke no keia aoao
24 No ka mea, he kanaka, o Demeterio ka inoa, he kahuna hana kala e hana ana i na luakini kala no Diana, a nui loa iho la ka waiwai i loaa mai i ka poe paahana
25 Hoakoakoa ae la oia ia lakou, a me ka poe paahaua ma na mea me ia, i aku la, E na kanaka, ua ike no oukou, no keia hana i loaa mai ai ka kakou waiwai.
26 Ua ike no hoi oukou, a ua lohe, aole ma Epeso wale no, aka, ma Asia a pau o Paulo nei i hooikaika aku ai a i hoohuli i kanaka, ho nui loa, me ka i ana ae, aole akua na mea i hanaia e na lima.
27 No ia mea, aole ka kakou oihana wale no ke aneane lilo i mea ole ; aka, o ka heiau o keia akua nui o Diana kekahi, e hoowahawahhaia, a kokoke e pau i ke kahulua ka nani o ka mea i hoomanaia'i e ko Asia a pau, a me ko ke ao nei.
28 A lohe ao la lakou, piha iho la lakou i ka huhu, wawa aku la, i ae la, Nani ka mana o Diana o ko Epeso.
Pauku Gula. "No ka mea, he ikaika, he mana hoi ko ka olelo a ke Akua, he oi nui kona mamua o ko ka pahikaua oi loa." Heb. 4:12
Mele.--Himeni 341. 7 Lee.
1
Luuluu kuwili no
Ka haipule ma ke ao;
Naue nae a paio pu
Ma ka mana o Iesu.
2
Nauwe aku, nauwe mau
Mai nei aku i ke ao;
Paio a hoomaka e,
Hou hou i ka enemi.
Pule, e hoikeia mai ka mana o ka ke Akua olelo maanei, ma o ma ka huli nui ana o kanaka, o kamalii.
Na Ninau a na Kumu.
Haalele kakou ia Penlo e hana ana i na hana mana, e mahiki ana i na daimanio ma ka inoa o Iesu. A ikeia keia hana ma na a Paulo hoao kekahi poe Iudaio i kapaia he poe kuewa mahiki daimonio, e hoohalike me Paulo. He mau keiki ehiku a Sekeua, he kahuna Iudaio anaana, kilokilo. He kanaka i uluhia i na daimonio., Hoao lakou e mahiki i ke daimonio ma ka hea ana i ka inoa o Iesu. Manaole nae ia kahea ana. Ua ike ke daimonio he poe hoopunipuni lakou nei, nolaila, lele ke kanaka daimonio maluna o na mao keiki nei ehiku, a hana ino, a pakele mahunehune lakou i ka make. mok. 19:13-16.
P 17-20. A ikeia keia mau hana mana a Paulo i hana'i. a me keia hana ino a na daimonio, a me make kela poe ehiku heaha ka i kau mai maluna o na Iudaio me na Helene ma Epeso? A na ahaia hoi ka inoa o Iesu? Heaba hoi ka hana a kekahi poe kilokilo i hana'i i maopopo na hui io mai lakou mamuli o Iesu! Na buke, aole he mau buke maoli e like me ko kakou mau buke. He mau apana pepa ili, he mau owili, ua kakauia na hua kilokilo, he 12, me ke kuhikuhi aua i na hana e hana'i i mahiki ia na uhane ino, a i hoolaia na mai. He mau hana apuka, a hoopunipuni. Ua ahaia ia mau buke? Heaha ka oui o ko lakou poho? 50,000 apana dala. Ina he sekela Iudaio ka apana dala hookahi, alaila he hapalua ia, oia hoi 25,000 dala. Aka, ma ka noonoo ana o kekahi poe, he 17 keneta ka i komo iloko o ka apana dala hookahi. Ina pela, 8,500 dala ka nui oia poho. Ko lakou ola no keia. Aka, aole lakou i minamina i keia poho. Ua minamina lakou i ko lakou uhane. O ka haalele i keia mau hana hoopunipuni, a hahai mamuli o Iesu me ka hana maiki, oia wale no ka mea e ola'i ka uhane. O ko lakou haalele i keia man hana lapuwale, a hapai i ke kea, a hahai ia Iesu, ka mana nui o ka olelo a ke Akua i haiia'ku e Pauo ma.
P 21, 22. A pau ia mau hana maluna iho, e manao ana Paulo e kaahele mahea? ahiki aku i hea? He mau ekalesia anei ma Makedonia a ma Akaia? E hele ana oia i Ierusalema no keaha? mok. 18:21 Ua ike anei oia ia Roma? Ae, ma ke ano nae o ka paahao. Owai ka i hoouna e ia'ku i Makedonia? Pehea hoi o Paulo?
P 23-2@. Ka pioloke nui ma Epeso. Heaha keia pioloke? Heaha ke kumu? Nawai i hoala? Heaha ka oihana a Demeterio ? Heaha keia mau luakini dala no Diana? Owai Diana? Diana, he akua wahine kaulana oia. Ka umikumamalua ia o na akua nui, kona inoa ma ka lani o Luna, oia hoi ka mahina, kona inoa ma ka honua, o Diana, kona inoa ma ka po, o Hekate. Ua nui nae na inoa ona Paapu wale kona mau manamana waiu, me he la ka makuahine hanai ia o na lahui he nui. Ua hoomanaia ma Aigupita, ma Asia Uu ku, a ma na wahi he nui wale. Kona wahi noho kaulana loa, o Epeso ia. Aia no ma Epeso kona luakini nui. Aia iloko he kii nui nona. O Demeterio ma ka lakou hana keia, e hana i mau luakini dala liilii me na kii liilii o Diana maloko, a kuai aku i na kanakka hoomana Diana. Ma ia oihana ko lakou ola ko lakou waiwai. Ma ka huli nui ana o na kanaka, ua emi loa ke kuai ana i keia mau kii. A manao Demeterio ma, ina e mau ana Paulo malaila me kana ao ana, e hio ana ka lakou hana i mea ole. Heaha kana olelo hoonaukiuki, a hookonokono i na kanaka e kue aku ia Paulo ma? p 26, 27. A pau kana olelo uwauwa na kanaka pehea? Nani ka mana o Diana? Minamina ka i kona nani? He heiau nui loa no ko Diana 220 makahiki ka hana ana a paa pono. Ua kukuluia ka hana ana a paa pono. Ua kukuluia ka heiau mua 590 makahiki mamua aku o ka heiau mua 590 makahiki mamua aku o ka hiki ana mai o Iesu. Ua puhiia i ke ahi a lilo i mea ole loa 260 makahiki mahope o ka hiki ana mai o Iesu. Meia i hoohalike ia'i na heiau kii o Hawaii. Na ka mana o ka ke Akua olelo e hoopau i na kii i na heiau ki a pau loa a puni ka honua.
Mele.--Him 491. Leo. Maui.
1
Hamau! he leo e,
Mai ua aina o ke kai;
Ke pa-e oli nei,
He nu hou maikai ae,
Ua hiki mai ka lubile,
Ua pau na kii akua nei.
Na Ninau a ke Kahu.
Na makua. No keaha ka hana ino ana a kela kanaka mea uhane ino i kela mau keiki ehiku? Pono anei i ka poe lapaau hoomana nana ke lawe i ka Ba bala a hoo puka i kekahi mau pauku i mea e mahiki ai i ka uhane ino, a e hoopau ai i ka mai? Aole paha Heaha ka pauku gula? Ma keaha i ike ia'i ka mana o ka ke Akua olelo ma keia haawina? O keia poe kilokilo i puhi i ke ahi i ka lakou mau buke apuka a poho he mau kausani dala, na hana lakou e like me ke aba? Luk 14:33. Mat 19:29. I na haalele ole kakou i na mea a pau no Iesu, pehea? Owai ka i minamina i kona waiwai a haalele ole?
Na keiki. Heaha na mea a oukou i mi namina ai, a ane hiki ole ke haalele no Iesu? Na lealea, kekahi mau mea hoopani i ke kino, na gula pepeiao, na apo gula lima, ka baka, ipu baka, kika. Ina makemake oukou e ola, pehea e hiki ai? Mahea ko oukou manao nui, kuko nui, oli nui? Pehea ke loaa ko keia ao a pau a lilo aku ka uhane?
Ke kula a pau. Heaha ke kumu o ka huhu o Demeterio ma? Heaha ke kumu o ka huhu o kekahi poe haole i na misionari, a i ka poe pono io? Hiki anei i na waiwai o keia ao ke hoola i ka uhane?
Ina hoopihaia keia poe aina i ka poe mahi ko a nui loa na dala i loaa mailoko mai o ka mahi ko ana heaha ka pomaikai ke lilo ia mea e make ai ka uhane no ka haalele i ke Akua a hoomana i ka Mamona? Heaha ka mea e pau ai ka nani o ka hoomanakii?
Mele.--Him. 491, 8. Leo.
4
E pua na kii, me na heiau,
E pau ua mohai naaupo,
Iehova ke Akua mau,
Iesu ka mohai na oukou.
5
Hoomana, e na aina a pau,
I ke Akna ola mau,
Hahai mamuli o Iesu,
I pii oukou a noho pu.
Pule i hoohioloia na hoomanakii a pua ma ka mana o ka Iesu olelo.
Haawina no Sept 23. Oih 20.-17--32.
He
IWAKALUA TAUSANI LEGUE
MALALO O KE KAI!
--NA MEA--
KUPANAHA O KA MOANA!
KE ALA O KA MEA HUNA,
-- A O KA MEA --
POHIHIHI O KA 1866!
MAHELE II.
MOKUNA XIII.
KA MAUNA HAU PAA LANA.
O KA IHU hope loa o ka Nautilo i ike ma kela mokuna i hala aku nei, oia hoi ka hema, o kona ihu no ia e holo nei me ka pakika launa ole, me ka uhai anai ka merediana kanalima. Nalu iho la au me ko'u mau hoa, me ka i ana, E holo loa ana paha makou i ka pole hema ? Aka hoi, mamuli o ka hoomaopopo ana, he nui ka hao malaila, ua kuia hou ia mai la ko makou manao koho wale, i ka makemake o Kapena Nimo.
Eia no hoi kekahi mea e maopopo ai, aole ona manao e holo ilaila, O ka la 13 o Maraki ma ka poai anu hema, ua like ia me ka la 13 o Sepatemaba ma na aina ma ka akau.
Ma ka la 14 o Maraki, ike aku la au i na apana hau paa e lana hele mai ana, a o ka latitu 55˚ hoi ia. Laua malie iho Ia ka Nautilo ma ka ilikai. O ka Nede Lana hana ia wa, o ka lawaia, a ua maa no hoi oia i na mauno hau paa e lewa hele ana ma ka ilikai, aka hoi, ia maua me Kosila, he mea kaumaha loa ia. Me ko makou kokoke loa ana aku i ka hema, pela ka mahuahua loa ana mai o na moku hau e nee pu mai ana i ka ilikai.
I ka hiki ana o makou ma ke degere lonitu 60, pau ka ike ana aku i kahi kaawale iki e komo aku ai ka Nautilo ; aka, ma ka nui makaala o Kapena Nimo, ua loaa no kahi hakahaka iki, a malaila ka olio ana aku o ka Nautilo, a komo aku la ma ua kikee ana hakahaka o na moku haupaa nui kiekie me he mauna la.
O ka ea ma keia wahi, ua kaumahe, ke hele la a ekolu degere, malalo o ka ole o ka mea ana anu a wela hoi. O na hulu bea a me na hulu sila, ko makou mau aahu ; a pela makou i mehana iki ai. O loko loa o ka moku, he mehana iki no ia wahi i ka mea hana uwila, aka, no ka pakela anu loa, nolaila, ua lilo ia mehana i mea ole. No keia mea, ua hooemi iho o Kapena Nimo i ka moku, i mau iwilei malalo o ka ilikai, i pale iki ia aku ai ka maeele a ke anu.
I na mahina mua nae o makou elua ma keia mau latitu, he ao wale no, a ma kekahi welau, he pouli wale no a eono malama.
Ma na la 15 o Maraki, hiki makou ma ma ka latitu o na aina o Setelana me Okeni Hema. M Setelana, he nui loa na sila malaila, aka, mamuli o ka lukuia ana e na moku okohola o Beritania a me Amerika, ua neoneo loa ia mau holoholona, a he kakaikahi loa i keia wa
Ma ka hora 8 o ke kakahiaka o ke la 16 o Maraki, hala ia makou ka miridiana 55, me ke oki ana i na lihilihi o ka poai anu hema. Hoopuniia ae la makou e ka hau paa, kumu laoi. Ma kahi e ike ia aku ai he nakaka aoa o ka hau, malaila no hoi ka Nautilo e aloalo hele ai, malalo o ke alakai ana a Kapena Nimo, e hala loa ana makou iluna loa.
Ma ka nana aku i na mea o keia wahi, he ano e loa i ko na mea o na wani i hala ia makou, a sneace hiki ole ia'u ke wehewehe pono i ko'u mahalo i ka nani kelakela o keia aioa hou. A i ka nana aku i ka hau, he mea anoe loa ia ma keia wahi, a piha no hoi ka naau i ka hauoli, i ka ike aoa i keia wahi a me kona mau kahiko. E halulu mau ana keia wahi i ka hiolo o na pali hau ilalo. A. ma ko'u hoomaopopo iho, aole makou e hiki aoa ke hoi hou i hope, a ke hele loa aku hoi imua, aka, ma ka nui akamai o Kapena Nimo i ke alakai ana i ka moku, ua lilo ka hau i mea oweowe, i ka uhae pu ia e ka ihu kila o ka Nautilo. No keia hana a ua Kapena nei, i iho la au, Ua hele mua no paha oia nei ma keia mau kei, akahi okoa ka hele a palamimo wale no ka hookomo ana i ka moka Nautilo.
Ma ka la 16 o Maraki, komo kahohonu loa aku la makoukolu o ka hau, a ike ole ia ako he wai hakahaka kekahi. Nee mai la ka makani, aole o kana mai, haule mai la ke hau lelehona a uhi paapu iho la ia makou, a me ke kipikua e wawahi ia ai. O waho o ka Nautilo paapu i ka hau paa ; aka, aole i hoomaha ka hana a loko no ia mea, he uwila ke hoeuea ikaika, naoa e kue kela mea keia mea, mea paahana o ka Nautilo. No keia mea i iho la au, i moku pea me na kia a me na likioi ko makou, aole makou e hiki i keia wahi ; aka, o ka hana ia ana a nemonemo pu a me lako i ka hoeueu ikaika uwila, nolaila, ua hiki loa ia makou ke lanakila maluua o na makolukolu a me ka paakiki o ka hau. Nolaila, o ke ano moku wale no keia e hiki ai ke hele e imi honua. O ke ea o keia wahi ua kaumaha loa, aia ma ka degere 5 malalo o ka ole o ka mea ana anu a wela hoi.
Ma ka la 18 o Maraki, ike iho la makou, ua hiki makou ma kahi paa loa i ka hau e hiki ole ai ka ikaika kanaka ke hele imua, nolaila, ku malie iho la ka Nautilo me ka naue ole. Ma keia wahi i nana ai o Kap. Nimo ma ka ohe nana, ike iho la oia, eia makou ma ka lonitu 51 ˚, 30' a ma ke latitu 67 ˚, 39' hema. Hookahi wale no degere i koe ehele aku ai makou imua ; aka, oi loa ka paakiki o ka hau. Ma kekahi wahi 200 kapuai ke kiekie o ka hau, a emi mai no hoi ma kahi wahi. A huli ae la ae a nana mahope ma kahi a makou i holo mai ai, ua paa hou ae la i ka hau a kohu hiki ole ke hoi aku. A olelo iho la au, he keu keia a ke Kapena naaupo o ka holo ana mai nei i keia wahi, a pehea iho la la e hiki ai. Aia no nae ke Kepana ke nana la i ko makou kulana, a i mai la ia'u, penei:
"E M. Aronaka pehea la kou manao i keia mea?" I aku la au, " pehea auanei ua paa loa kakou i keia mea!"
"Ahe! pela kou manao e M. Aronaka?" i nanau hoohenehene mai ai o Kap. Nimo.
"Ae pela kou manao, oiai o ka hooilo keia, ka wa paakiki loa o ka hau no ka nui loaa o ke anu, a hiki ole i kou ikaika ke pale a ke huli aku i wahi hakahaka ma ka wawahi ane." ka ho ho! o oe aenei ka mea nana e hoole ka hiki ia'u ke hooholo loa i keia moku mamoa aku'o neia wahi, aole!aole loa! ke manao nei no au he hiki loa no ia'u, ke hooholo loa i ka Nautilo ma keia wahi aku i koe" ka pane kanaka a Kap. Nimo.
"Auwe! i ka hema loa?" Ae, he hiki loa ke hele a ka welelau loa," i pane mai ai o Kap. Nimo.
"O keia wahi au e i mai nei, ua ake nui ko ke ao nei e ike kino ; aka, ua alai ia mai lakou e ke anu, a pau i ka make kahi poe me ka ike ole i keia wehi. A ke i mai nei hoi oe, he hiki no ia oe ke hookele loa i ka Nautilo i laila. He mea kamahao loa ia ia'u, a i ka nana aku ua hiki moa no paha oe i laila? wahi a M. Aronaka.
"Aole an i hiki mua malaila; aka, o ko kakou hiki mua like keia," wahi Kap. Nimo, "Ke manaoio loa aku nei au i kau mau olelo a pau, a ke makemake loa nei au e hele kakou ahiki loa ia wahi. Ina e paa ana kakou i ka hau, alaila, e wawahi no kakou me ka ikaika a pau ; aka hoi, ina he wahi kiekie loa, alaila, e hana no kakou i mau eheu no ka Nautilo, i lele ai malune,"
I mai la o Kap. Nimo, "aole maluna, aka, malalo no e hele ai."
"Auwe, pehea e hiki ai, oiai ua hele loa ka hau paa a hala loa i ka papaku, a mahea e hiki aku 81?
I hou mai la o Kap. Nimo, ina, he hookahi kapuai o ka moku hau mawaho o ka ilikai, alaila, he ekolu kapuai malalo o ke kai, ina 300 kapuai maluna, 900 kapuai malalo o ke kai. Aka h@aha ka 900 kapuai i ka Nautilo He mea ole ia.
Ma ka hora eha o ke ahiahi, kauoha ae la o Kap. Nimo e pani i na puka. e hoomakaukau no kau luu ana iloko o ke kai. A makaukau, luo aku la ka Nautilo, no 400 anana ka hohonu malalo o ka ilikai.
Iloko o keia hohonu, hookahi a'u hana, o ka nana i na mea naui o lalo oia wahi I ko'a maluhiluhi ana, hoi aku la au e hooluolu. A no ke kuku loa ala ae la a hele aku la e ninau ia Kap. Nimo, i keia kamumu.
I mai la kela, o ka Nautilo e hookoiana i ka mokuhau.
A ninau hou aku la au "a pehea kakou e puka ai iluna, oiai, ua paa o luna i ka hau?
I mai la kela ia'u, "e hoopii kapakahi me ka holo launa ole, a ma keia hana ana e nohaha liilii ai ka hau o luna a puka no hoi kakou iluna o ka ilikai."
A pau ae la ko maoa kamailio ana, hoi aku la au e hiamoe. A ma ka hora 6 o ke kakahiaka o ka la 19 o Maraki, hele mai la o Kap. Nimo, a hoala mai la ia'u i ko'u puoho ana ae ua malamalama, a e lana ana makou i ke kai palahalaha o ka welau hema.
Hoolaha Lawe Moraki.
KE HOIKE ia aku nei ka lohe i na kanaka a pau i kulike ai me ka mana kuai i hookomoia iloko o ka moraki i hanaia i ka la 19 o Feberuari 1876, mawaena o Kaaumoa k. o ka aoao mua a me William McCandles, o ka aoao elua, i hoopaa ia ma ka buke Aupuni 45 o ke keena kakau kope o Honolulu, a ma na aoao 147 a me 148, i mea e loaa ai ka mana no ka hookaa ana ia Hookahi Haneri a me Kanalima Dala i aieia mai, no ka makahiki hookahi, a ma ka ukupanee he hookahi keneta a me ka hapaha keneta no ke dala hookahi o ka malama, a hiki i ka wa e hookaaia'i. O na William McCandles nei, ke manao nei oia e lawe i ka waiwai morakiia no ka hala ana o ka manawa i ae ia e ke kanawai, a e kuai aku ma ke kudala, ma Honoulu, no ka haihai ana o na olelo o ia moraki. O ua aina la, penei ka waiho ana: Oia ka apana aina e waiho nei ma Kapalama, Honolulu, nona na palena i kuhikuhiia ma ka Palapala Sila Nui Helu 853 a kuleana Helu 2073, i kakauia ma ka la 2 o Sepatemaba AD 1852, i haawiia ia Kauhiwa i make, a oia aina hookahi kai haawiia ia Kaaumoa k, mai a E Mikalemi mai, ma ka palapala hoolilo i kakauia ma ka a 4 o Dekemaba 1863, a i kopeia ma ka Buke 22 a ma na aoao 472 a me 473, ma ke keena kakau kope ma Honolulu, oia he 1 41-100 kaulahao..
Kakauia i keia la 13 o Augate A D 1877.
320 3@ R F BICKERTON, Lolo no W McCandles.
ANOAI I KA LEHULEHU,
E kipa mai a e nana,
i kumaka ai ka ike i na waiwai nani
i loaa mai nei iloko o na
La Kulaia iho nei.
Penei ke ano o ua mau waiwai la:
Na Wati a me na kaula Gula,
a na Lede a me na Keouimana !
NA KAUIA OPELA NA LEDE
NA KOMO GULA NANI O KELA A ME KEIA
ano o na Lede a me na Keonimaua !
NA KUPEE GULA.
NA LIPINE GULA
Na gula pepeiao o na wahine!
e oaka ai i na pepeiao, a e hulali ai
hoi na manamana lima, a e
kilipohe ai hoi na a-i.
Na komo humuhumu gula a me ke kala,
Na pini pulima gula wahine a kane,
Na lakela gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA
NA KAWELE holoi lima,
NA O DALA o kela a me keia ano,
a me na mea nani e ae no he aui wale.
E kuaiia aku ana no
ma ke komukuai haahaa loa i ko
na wahi e ae o ke taona nei.
UA MAKAUKAU NO HOINA
mea nani no kanaka makua
a me na kamalii
Na Kamaa Paa Loa,
e loaa no maanei e like me ka
makemake ; a ina e loaa
koke ka ino, he hiki
no ke hoihoi mai
M. McINERNY.
Kihi o na Alanui Papu a me Kalepa 34 3m 326
Lole Makepono ke Kuike!
E LOAA NO IA MA KAHI O
KAKELA ME KUKE,
----E LAA NA----
AHINAHINA,
KALAKOA,
KEOKEO,
LEPONALO
Pena, Aila, Aniani,
Na Mea Pinla,
Kopa, Aila Honus,
Aila Hoomaloo
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o
Hawaii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupouo i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea'ku
----A HE----
MAU MEA AI KAHI
Ka Palaoa, Kopas,
Raiki, Pia, Hoohu,
Paakai, Hoaala,
Pia Kulina &c.
----A HE----
LAAU LAPAAU KAULANA LOA
A Dr. JAYNES.
Laau Kuuo,
Laau Hoomaemae Koko,
Laau hoopao uaio,
Penikila, Huaale,
A me na Laau Hamo, a pela'ku
814 3m 826
E. T. Halolani.
LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e ao oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana. aie ma ka "Real Estate Exchange" Hele 31, Alanui Papu, Honolulu, malaila oia e loaa ai i na kanaka a pau i ina he mau ai ka kuai a hoolimalima ko lakou, a e hoopauia me na uku ole
815 6@
Papa ! Papa !
----NO----
ALLEN A ME ROBINSON.
Ua wehe ae nei maua i
PA KUAI PAPA !
-- MA KA --
UWAPO o PAKAKA.
Na Papa Ulaula o na ano a pau
Na Papa Paina o na ano a pau
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena
NA KUI O NA ANO A PAU!
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale
---O NA AN A PAU---
E kuaiia ma ke
Kumukuai Haahaa Loa !
o keia Makake.
ALLEN & ROBINSON.
Honolulu, Aper 13, 1876. 814 3m 268
MAI KEIA LA A MAHOPE AKU NEI,
O KA UKU O KA
OHUA ONEKI O
NETI MERRILL,
Mai Honolulu aku a me ka hoi ana mai he
ELUA DALA!
E. D. CRANE. (Kapena.)
Mar. 16, 1877 798 6ms 824.
Eia ma ka Hale Kuai o Wini!
NA EA,
NA OMAU A-I.
NA KULA PEPEIAO
NA OMAU HAO BUKALO,
NA MEA ANO HOU A EMI,
Buke Pakeke Ili a me na Eke Dala
Na Lei Pilali,
Na Lei Eleele,
a me na mea e ae he uui wale.
E HAAWI MAKANA IA ana i kela a me kela mea i kuai a hiki i ka
ELUA DALA.
E hele mai, e nana 1 kela mau mea maikai, a @lo.
aa no e like me ka makemake.
Eia ma ka Hale Kuai o
756 2m WINI.
HALE KUAI MANUAHI!
NO KONA,
NO PUNA,
NO KOOLAU,
NO NAPALI,
NO MANA !
Eia ma Koloa nei ka mea Hou ano e kupaianaha, a e
naue nui mai oukou e na mamo a
MANOHALANIPO !
a e ike i na mea maikai o kela a me keia ano, ma ka
HALEKUAI O PENI!
Ua makaukau oia e kuai aku !
Na Lole o na ano a pau,
Na Papa o na ano a pau,
Na Lako kukulu hale,
Na mea hana kamana,
Na mea mahiai,
Na mea ai, mai na aina
e mai a me na mea a pau i makemakeia e ke
Kane, Ka Wahine a me ke keiki-
Ke loaa mau mai nei kela mau mea ma kela moku kela moku, a no ka mea, ua hoopaeia mai ma Honolulu,
He au hou o ke Kuikkahi!
Nolaila, e hiki ia'o ke haawi i keia mau
pono ia oukou, ma ka kumukuai
haahaa loa, i ike ole ia
mamua ako rei.
E lulumi mai a hoao!
FRANK BINDT.
Koloa, Kauai. Aperila 14, 1877. 302 2 yr @36
Kuai Haahaa Loa !
E KUAIIA aku no ma ke kumukua! haahaa, ma ka Hale Kuai o H. M. WINI.
Na Kula Pepeiao Ea a me na Kula kanikau, a me na kuia
e ne o kela a me kela ano
Na Lei Kanikau no hoi a me na Lei e ao no e linohau ai o na Lede opiopio, e kinikohu ai ke nana aku i ke kau mai luna. Na apo lima kanikau a me ua mea e ae a pau no ke kumukuai haahaa loa E wiki mai ! 816
KUAI HOOEMI LOA!
MA KA HALE MUAI LOLE O
C. C. AKINA,
e ku la ma Kalopihi, Kuoala, Hawaii, he mau Lule Hou loa. ka makana o ke Kuikahi Panai like. Ua kupono no na Iwa o ka makani Apapaa o ua aina haaheo nei.
He kamaaina no hoi olouolu la oukou. noiaila, e kuai manuahi aku no au nie ka em! maialo o ke kumu liio. He mau lole naui loa. he Nu Paikini, no keau o ka Moi Kalakaua.--Owau no o ko oukou makamaka oiaio,
802 6m@ 326 C. C. AKINA.