Ka Nupepa Kuokoa, Volume XVI, Number 46, 17 November 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

WHEN THE MIST SHALL PASS

AWAY.

 

Crown of Glory, p. 126

 

1

A puni mai na ao,

A puali kuu naau,

He lama nae mao,

He lama alohi mau,

A pa mailoko mai

He leo maikai e,

He wa pokole ae,

A hee ka pouli ae.

Cho.--Aia a hee ka pouli nei,

Me na aka uli e,

Komo au la i ke awa

Ma o aku o ke kai.

Komo au --------

la i ke awa,

Komo au-------

la i ke awa,

Komo au la i ke awa,

Ma o aku o ke kai.

 

2

A pouli maluna'e,

A ane po ka la,

He luna mana nae,

A nana au e paa,

A kai malie ae,

A paipai kuu Iesu,

"Kuu keiki makamae,

E pau ae kou makau."

Cho.--Aia hee ka pouli nei, &e.

 

3

A kau na aka po,

He mau kukuna lai

Ke kau maluna o'u

Mai kela ao maikai,

Kahi e hee loa'i

Na aka po apau,

A poha nani mai

Kolaila lama mau.

Cho.--Aia hee ka pouli nei, &e.

HAWAII.

 

HAAWINA KULA SABATI.

 

HELU 9, SABATI, DEK. 2, 1877

PAUKU BAIBALA. Oih. 27:33-44.

KUMUHANA.- Ka hoopakeleia 'na.

 

            33 A kokoke ae la i ke ao, koi ae la o paulo ia lakou a pau,e ai i ka aui ae la.  Eia ka la umikumamaha o ko oukou hookeai ana, ua noho oukou me ka lalau ole i ka ai.

            34 No ia mea, ke nonoi aku nei au ia oukou, e lalau i ka ai; no kamea, o ko oukou mea ola ia.  No ka mea, aole e haule kekahi mau lauoho o ko oukou mau poo.

            35 A i olelo ana pela, lalau iho la ia i ka barena, hoomaikai aku la i ke Akua imua o lakou a pau; a wawahi ae la ai iho la.

            36 Alaila, olioli iho la lakou apau,a o lakou kekahi i lalau i ka ai.

            37 A o na uhane a pau, maluna o ka moku, elua o makou haneri a me kanahikukumamaono kanaka.

            38 A maona ae la lakou i ka ai, hoomama iho la lakou i ka moku, a hoolei iho la i ka hua palaoa iloko o ke kai.

            39 A ao ae la, aole lakou i ike ia aina; kaunana nae lakou i kekahi kaikuono me ke kahakai.  Manao iho la lakou, ina e hiki, e hookomo i ka moku ilaila.

            40 Ooki iho la lakou ina heleuma, a waiho i ho la i ke kai,a wehe iho la i na kaula o ka hoe@, a huki ka pea nui i ka makani, a holo i uka.

            41 Ika iho la lakou ilalo i kahi wili au, ili iho la ka moku, a paa iho la ka ihu, aole loa i hemo, nahaha iho la ka hope i ka ikaika o na ale.

            42 Manao iho la ka poe koa e pepehi i ka poe paahao, o au aku kekahi o lakou a pakele.

            43 Makemake iho la ka lunahaneri e hoola ia Paulo, hoole aku la i ko lakou manao; kena aku la i ka poe hiki ke au, o lakou ke lele mua a hiki iuka:

            44 A o ke koena, ma na papa kahi, a ma na mea o ka moku kahi; a pela lakou a pau i pekele ai a hiki i ka aina.

            Pauku Gula. " A hoopae oia ia lakou ma ke awa a lakou e makemake ai." Hal 107: 30.

            Hoopaanaau p. 33-37.

            Topika. Ka hoopakele ia an amai ka pilikia mai.

            1 Mai ka pilikia o ka pololi p. 33-38.

            2 Mai ka pilikia o ka pepehi ia p. 42-43.

            3 Mai ka pilikia o ka make iloko o ke kai. p. 39, 41, 43-44.

            Mele. Him. 108-Leo.

 

1

Iehova ke Akua mau,

He mana weliweli kou;

Ka la, me na makani pu,

Hoolohe i ka leo ou

 

2

E ala kue mai ke kai,

Na ale, e popoi pu;

Kau no kou lima, papa mai,

Pau koke ae, a malu no.

Pule no ka poe pilikia ma na moana,

ma na aina, iwena o ka poe hoomanakii.

 

Na Ninau a na Kumu.

 

            A pau ka olelo hoolana a Paulo, hooholo a ka moku a hiki i ka po umikumamaha mai ka hoomaka ana o ka ino.  Aia lakou ma ke kai o Aeria, kekahi hapa ia o ke Aole e haule kekahi lauoho o ke poo, he huaolelo mau ia, ke ano keia, aole loa e make kekahi o lakou.  Nawai i hoike pela ia Paulo? Heaha ka Iesu olelo no na lauoho ma Mat 10, 30? Nawai ihelu? Ia Paulo i lalau ai i ka ai, heaha kana hana mua? Imua owai? Me wai oia i hoohalike ai? Me kai waenahonua ma ka o Italia.  Ma ke aumoe, ua manao na luina, ua kokoke lakou i ka aina. A pela io no ma ke ana ana i ka hohonu o ke kai.  A i ole lakou e ili ma na pohaku, hoolei lakou i mau heluma eha ilalo i paa ka mokku.  I ka hoomakaukau ana o na luina e mahuka, hai aku Paulo i ka lunahaneri, me ka olelo, ina aole lakou e noho ana ma ka moku, aole hiki ke hoolaia.  A oki koke na koa i na kaula o ka waapa a na luina i manao ai e mahuka aku a lilo aku ia.

            P. 33-38. Ka hoopakele ia 'na mai ka pilikia o ka pololi.  A kokoke ao, heaha ka Paulo i koi aku ai i ka poe makemake? E hia la i hooke ai ai lakou?  Ua ai paha, aole i ai me ke ano mau.  No ke aha lakou e ai ai?  Heaha kana olelo hoolana? he la, he mea nui Paulo ma ia moku.  A makaukau lakou e ai. heaha ka hana mua?  Ua ai anei lakou? me ke aha? no ke aha ka olioli? Pehea ka nui o lakou? A maona lakou, heaha ka hana i mama ka moku?  Heaha ka oukou hana i mama ko oukou moku? E hoolei i ka ukana, i ka hewa, i ka lealea me ka minamina ole, e like me lakou.  Aole lakou i minamina i ka  huita.  He mea naku ka waiwai; he ma nui ke ola kino, ke ola uhane. Heaha ka ai no ka uhane? Ioane 6:35.

            P. 42-43 Ka hoopakeleia mai ka pilikia o ka pepehiia. Heaha ka mano o na koa no na paahao? E pepehi ia lakou no ke aha? Ina au a mahuka loa lakou, heaha ka hope o na kiai? Na wai i hoole ia manao? no ke aha? Manao ka lunahaneri, o paulo kamea nui ma ka moku.  He paahao nae oia, Ina pepehi a oia, pau loa paha lakou i ka make. Heluehelu.. Halelu 91; 7-9 Maluhia ka poe haipule.

            P 39-41, 43, 44--Ka hoopakeleia mai ka pilikia mai o ka make ma ke kai.  A ao ae, ike ole lakou i ke aha? He aina no ka i ikeia, aole nae i akaka kona inoa. ua ikeia he kaikuono uuku, a he kahakai haahaa no.  A manao lakou e aha i ka moku?  heaha hoi ka hana i na heleuma, i na kaula o ka hoeuli, a  i ka pea nui, a aha ka moku?  ika i-hea? a aha iho la? Pehea ka ihu? Pehea hoi ka hope? A kena ka lunahaneri e aha ka poe hiki? Ma ka lele a au i pakele ai kekahi poe; Ma ke aha i pekele ai ke koena? Pau loa anei lakou i ka hiki oia iuka? Pehea nae ka moku? Ko anei ka Paulo olelo? Heluhelu. Isaia 43;2.

            Mele. Mele hou. 8--7. Leo.

1 Maluhia na haipule

Ma na aina, ma na kai;

Ma na pilikia nui,

Iesu ko lakou kiai.

Ili nahaha ka moku,

Hiki i ka aina nae,

Lakou me na hoaholo,

Malu pu a pomaikai.

Na ninau a na Kahu.

            Ka poe opio.  Hai mai i ekolu mau mea i hana ia i ola ka poe maluna o keia moku?  1 Hoopaa ia ka moku i na kaula.  2 Hoolei ia ka ukana iloko o ke kai.  3 Hoopaa i na luina i ka moku, i ole lakou e mahuka.

            Na ui.  Hai mai i na mea elua i hoopakele ia i ka make ma o Paulo la. Huli ikaika i loaa. Loaa ke ola. Kokua kekahi haumana naauao. Hiki ole anei? Ina pela, e hoopanee a i kela Sabati.

            Na makua.  Owai kai hoopakeleia i ka make ma ka wai mamua loa? a ma keaha hoi? Heaha kai oleloia no ka lauoho a me ka aahu o namea ekolu i hooleiia iloko o ka imu i wela i ke ahi? Owai kai hoolei i kekahi kaula iloko o ka lua liona? a nawai i hoopaa i ka waha o na liona? Owai kai hoopakeleia i kahale paahao ma ka hoolohe ana i ka leo o ka Anela? Nawai i hoopakele ia Paulo i ka haehae liilii ia? Nawai kakou e  hoopakele i ka make mauloa?

            Na keiki. E hia la i noho ai keia poe ma ka moku me ka ai ole?  No keaha ka ai ole?  Nawai i paiapai ia lakou e ai?  He mea aha ka ai?  Owai kai ai mua? me ke aha mamua?  Hoomaikai anei oukou i ke Akua mamua o ka oukou ai ana?  Pehea ka Iesu hana mamua o ka ai ana?  E hia kausani a Iesu i hanai ai me kahi ia uuku?

            Nohea mai ka ai?  Nawai i hanai i na manu?  a ia oukou hoi?  Nawai i helu i na lauoho o ke poo? no keaha?  Hiki anei ia oukou ke helu i na lauoho o ke poo hookahi?  No keaha hiki ole?  Hiki anei ke helu i na hok? a ina hune one o ke kahakai?  Heaha la i oi ae mamua o na lauoho? Na hewa paha.  Hoolei ka poe o ka moku i ka ukana, i na eke palaoa iloko o ke kai,  i mama ka moku, i ola lakou; heaha ka oukou e hoolei aku ai i mama, a i ola oukou? Hai mai Heb 12:1.

            Ke kula apau.  Hai mai i na mea apau i hanaia i mea hiki ola'i i ka aina lakou apau o keia moku.  Elua mea i manaoia hana, a ina ua hookoia aole lakou i ola, heaha ia mau mea? Hai mai i kekahi mau lunahaneri e ae i olelo maikaiia.  Huli ikaika.  Loaa ole ea--Hoopanee a i kela pule.

            Na manao pili. 1  He mea nui ka haipule hookahi i kekahi manawa, Noa, Aberahama, Iosepa, Mose, Iosua, Debora, Samuela, Esetera, Daniela, Paulo.

            2 Loaa ka pomaikai, ka maluhia i ka poe hewa i kekahi manawa no ka nohopu ana o ka poe pono me lakou.

            3 Mai minaina i na hewa, i na waiwai, i na lealea o ke ao nei.  E hoolei aku i loaa ke ola.

            4 E hoopii i ka moku ia Iesu, o lele iwaho a make.

            5 mai pepehi i ka poe pono, oiai lakou ka poe e pono ai ka aina, me ka poe hewa.

            6 E pau ana na moku apau o keia ao i ka nahaha, e ola nae ka poe hoopili aku ia Iesu ma kona kokua lokomaikai mai.

            Mele--Him. 377. Homeward bound.

1

Eia na hoa ke holo ae nei

Ia home mau, home mau;

Ma ka moana huhu e kaa e

Ia home mau, home mau;

Pii mai na  ale, a ooloku,

Luli ka moku io a io,

Paa i ka luna a holo ae no

Ia home mau, home mau

            Me ka pauku eha.

            Pule no na aina e no na Misionari, i pau na pilikia, i holo pono na hana &e.

            Haawina no Dek 9, Oih 28; 1-10

            Pauku Gula Rom 1;14

 

HAAWINA KULA SABATI

 

HELU 10 SABATI DEK. 9

KUMU HANA--Paulo ma Melita

PAUKU BAIBALA- Oih 28: 1-10.

A HOOPAKELEIA ae la, alaila, ike iho la lakou i ka mokupuni, ua kapaia o Melita.

            2 He mea e ka lokomaikai o ia poe kanaka e ia makou; no ka mea, hoaa iho la lakou i ahi, a hookipa mai la ia makou a pau, no ka ua e haule ana, a no ke ananu.

            3 Lapulapu iho o Paulo i puapua hoaa, a i kona kau ana ma ke ahi, puka mai la he moonihoawa mailoko mai o ka wela, a pipii iho la i kona lima.

            4 A ike mai la kela poe kanaka e i ua mea nihoawa la e kau ana i kona lima, i ae la lakou kekahi i kekahi, Oiaio no he kanaka pepehi kanaka keia, ua pekele no ia i ke kai, aka, o ka mea hoopai, aole ia i ae mai i kona ola.

            5 Nolaila lulu aku la ia i ua mea nihoawa la i loko o ke ahi, aole hoi i loaa iaia ka poino

            6 Kakali iho la lakou i kona pehu ana, a me ka hina ilalo a make koke; a loihi ko lakou kakali ana, aole hoi i ike ia e loaa ana i ka poino, huli hou ae la ko lakou manao, i ae la, He akua ka ia.

            7 Kokoke ma ia wahi ka aina o ka luna o ia moku, o Popelio kona inoa, nana no i kii mai ia makou, a hookipa maikai aku la i na la ekolu.

            8 E kaa ana ka makuakane o Popelio i ke kuni, a me ka hi koko.  Komo aku la o Paulo io na la, pule aku la. kau iho la i kona lima maluna ona, hoola aku la ia ia

            9 Nolaila hanaia ae la keia, o kekahi poe e i loohia i ka mai ma ia mokupuni, hele mai la lakou, a hoolaia iho la.

            10 Hoomahalo mai la lakou ia makou, me na mahaloia he nui; a holo makou, kau mai la lakou i na mea e pono ai.

           

            Pauku Gula. "He aie au na ka poe Helene, ame na kanaka hemahema, na ka poe i aoia, a me ka poe i ao ole ia." Rom. 1:14

            Na mahele. 1 Ka lokomaikai o na kamaaina. 

            2 Na manao elua no Paulo. p. 3-6.

            3 Na hana mana a Paulo. 7-9,

            4 Ka hope o ia mau hana. p, 10

            Mele. Mele hou. 8-7 Leo.

            E aloha, e hookipa

I na malihini e,

I ka poe pilikia

Ma ka aina, ma ke kai;

Oia ka ke Akua kauoha,

A, malaila e loaa ai,

Ko ke kino nei mau pono,

Ko ka uhane pomaikai.

            Pule i hoomauia ke aloha me ka hookipa ana.

 

Na Ninau a na Kumu.

            Ma kela pule, ua ike kakou i ka ili e nahaha ana o ka moku a  Paulo ma i holo ai, ame ka pae ola ana o lakou apau i uka.  Aole nae i maopopo ka inoa o ka aina kahi i pae ai.  Ua ike paha na kamaaina i keia moku, me kona ili ana, ame ka au ana o na luina ame ka pili ana o kekahi poe i na apana moku, a ua iho lakou i kahakai e nana a e kokua ia lakou, i keia poe malihi, a pilikia.

            P. 1-2. Ka lokomaikai o na kamaaina.  I ka ninau ana o na luina i ka inoa o ia aina, ua haiia mai, Owai?  Malama, ua ike e kekahi poe luina ia mokupuni.  A na na kamaaina paha i hoomaopopo loa.  Aia no Melita ma ke Kaiwaenahonua ma ka hema ae o Italia.  Maleta ka inoa i keia wa.  Kaulana ia mamua no ka nui o ka mele malaila.  Nolaila paha ka inoa Melita, 20 mile ka loa, 12 mile ka laula, 60 mila ma ka hema ae o Sicili.  He pohaku nui keia mokupuni.  Kona lepo, ua laweia mai Sicili mai.  No Roma ia moku mamua.  No Beritania i keia wa.  He poe kanaka e na kamaaina, aole he poe Roma, aole he poe Helene, no Pinike mai lakou.  Hai mai i ko lakou lokomaikai.  Heaha ka mea e haule ana? A heaha kekahi?  Hai mai Sol, 16:7.

            P. 3-6.  Na manao elua no Paulo.  Heaha ko laou manao mua no Paulo?  No ke aha ia manao, he pepehi kanaka, a he mahuka o Paulo? E aha ana Paulo a puka mai ia moonihoawa a pipili i kona lima?  Ua nahuia anei ko Paulo lima?  Pela paha, aole nae i pehu, aole hina o Paulo a make.  No ke aha?  Ka olelo ana a Iesu i hookoia? Mareko 16:18.  Luka 10:13. He kuhihewa ka manao mua no Paulo.  Heaha ka manao elua?  No ke aha ko lakou manao, he akua o Paulo?  He kuhi aha hoi ia manao?  Owai kekahi poe i kuhihewa mamua, he aku o Paulo? a no ke aha? Mok. 14;8-11 Hai mai Hal. 91;13

            P. 7-9 Na hana mana a Paulo.  Owai ka mea e noho kokoke ana? Popelio, ke kiaaina paha ia o ia moku.  Heaha kana lokomaikai ia Paulo ma?  He aha ka hana mana a Paulo i hana'i i ka makuakane o Popelio? Ma ia hana i hoihoi aku ai i ka lokomaikai o wai?  Pehea kekahi poe mai e ae?  Olioli paha Paulo no ka hiki e kokua i ka poe i kokua mai ia lakou.  Heaha ka olelo ma Iakobo 5;15?

            P. 10 Ka hope o keia mau hana mana. 1 Nui ka mahal oana o na kamaaina. 2 Nui na mea i haawi waleia mai i mea e pono ai Paulo ma ke holo hou aku.  Heaha ka Iesu olelo ma Mat. 5;7? Heaha ka Paulo olelo ma Heb. 13;2?  Ua like anei ko keia poe hookipa ana i ka poe malihini me ka hookipa ana i kekahi anela?  Owai mamua ka i hookipa peia?  Kin. 18;2 19;2

            Mele. Mele hou 8--Leo.

1

Aloha aku ia hai,

A e alohaia mai,

Kokua i na hune e.

A lapaau la i na mai.

2

Aloha a hookipa mai,

I na olulo o ke kai;

Na mea pololi o hanai,

A hai i ka olelo e ola'i.

Na Ninau a ke Kahu.

            Na makua.  Haalele kakou ia Paulo ma mahea ma kela pule?  Owai ka inoa o ia aina?  Aia ia mahea?  Heaha kona ano, kona nui, kona kaulana?  Nohea kona inoa?  Nohea mai kona lepo?  Nowai mamua?  Nowai i keia wa?  Heaha ke ano o na kamaaina? Ma ke aha i maopopo ai ko lakou lokomaikai?

            Na keiki.  Ia Paulo e kau ana i na mamala wahie ma ke ahi, heaha ka i puka mai i pipili i kona lima?  Heaha ke kuhihewa mua o na kamaaina no Paulo?  Ua eha a make anei Paulo?  No ke aha ka make ole?  Nawai e pale i na ino?  No ka make ole o Paulo, heaha ke kuhihewa hou o na kamaaina no Paulo?  Kuhihewa ia anei mamua he akua o Paulo?  Naaupo ea, na kanaka o Melita.  Pela anei na kanaka Hawaii?  Owai na moonihoawa e pipili ana i ko oukou mau lima?  Ka aihua, kui huhu i na hoa, ka ipu baka, ke kiaha rama.  E wiki e lulu aku, o nahuia a pehu a hina a make.

            Ke kula apau.  Hai mai i ka pauku gula.  Heaha ka aie a Paulo i ko na kamaaina o Melita?  Ma ke aha oia i hookaa aku ai ia aie?  Ua aie hoi lakou i ka Paulo, ma ke aha lakou i hookaa ai i ko lakou aie ia Paulo?  Na aie aha ka i pono ke hookaa loa ia?  Ka aie aha ka i hiki ole ke hookaa 'ku a pau loa?  Hai mai i kekahi mau olelo baibala i hookoia ma keia Haawina Hoopunipuni anei kekahi olelo a ke Akua?  Hai mai i na moonihoawa iloko o ka waonahele i nahu i ka poe Iseraela, a pehu lakou a make.  No ke aha?  Owai ka i kapaia he poe moonihoawa ma Mat, 3;7, 12;34. 23;33?  Heaha ke kuhihewa o na kanaka o Melita?  Ma ke aha i like ai kekahi kuhihewa o na kanaka Hawaii?  Akaka anei he kanaka hewa kekahi, a pono ke hoopaiia no ka make no ka pilikia nui i loohia'i oia?  Pehea ke kuhihewa o na makamaka i Ioba?  Ua like Melita me ka mokupuni hea o Hawaii nei?  He pohaku wale no paha Hawaii nei mamua.  Nohea kona lepo?  Mahea ka ili ana o ka Halelana?  Mahea ka like me ka like ole o kela i imoku me keia ilimoku?  Ma ka hookipa ana i na malihini, owai ka i hookipaia a e hookipa ia'na i kekahi manawa?  E hookipa mau kakou ia wai iloko o ko kakou naau?

            Mele. Mele hou 8-7, Leo Bentley.

1

Ina make e hookipa

I kekahi anela,

I ka makamaka nui

Nana kakou e hoona.

2

Mau e mau ka hookipa 'na

Ina malihini e;

Mau ka hana maikai

Me Iesu la i kena'i.

            Pule no na olulo, no ka poe pilikia ma ka aina, ma ke kai, i kokuaia, hookipaia, malama pono ia.

            Haawina no Dek. 16. Oih. 28;16-31.

 

            Ua ike ia iho nei kekahi moolelo, no ka Hawaii ma ka noho Luna kanawai, ma ka Pepa Helu 44.  A i ka nana o ka poe i ike pono ia moolelo, aole i pololei.

            Ei ka moolelo, ma ka la 16 Oct A D 1877 ua hopuia na pake a hoopaaia ma ka hale paahao.  Ua oleloia ma ka palapala hopu ma ka la 18 hora 9 kakahiaka o Oct e hookolokolo ai.  Ahiki i na la la, a me ka hora i oleloia ua noho ka lunakanawai ma ka noho Hookolokolo, e kali i ka hiki mai o na aoao elua, ua hiki mai na mea Hoopii a me ko laua mau Hoike, aole hoi i hiki mai ka mea nana i Hoohiki i keia Hihia, aole no hoi he Hoike i hiki mai noia mea ua hooholo ua Luna kanawai nei, e hoopanee a hookani hapalua hora, mahope koke iho o ka hora 10 oia kakahiaka a ua hiki aku ka Aha i ka hora 10 a me ka hapalua, ua noho hou ka Aha, aole ke Lii nolaila ku mai Loio ma ka aoao pale, e noi mai e hookuu i na mea i hoopiiia, ua ninau ua lunakanawai nei i ke lii maikai i kona kauoha pono i na Hoike o ka aoao e ke lii i ko lakou hele mai i mua o ka Aha i ka manawa i oleloia ma ka Palapala Hopu; ua ku mai ke lii makai, a hoohiki mai i mua o ka Aha ua kauoha ponoi oia, e hle mai na hoike i keia la, awaiho mai ke lii makai i ka palapala HOpu i hooiaio ia ma ke kua, e olelo ana, (Ua hooko pono au i na olelo a pau o keia Palapala Hopu.)

            A mahope o keia, ua hoike mai ka Lunakaawai i ka olelo Hooholo.

            E hoopanee keia haa a maopopo hora 9 kakahiaka i ike i ke kumu i hiki ole mai ai na hoike.  Ua loaa i na hoike ka ulia poino wale ma ke alanui i ko laua hele ana imua o ka aha Hookolokolo, a laila he kumu e noho ai ka aha Hookolokolo e Hookolokolo i ka hihia.  Aka, i na ua noho wale iho na hoike mamuli o ko laua manao ino me ka pilikia ole alaila hookau na mea i hoopii ia.

            Hoopanee ka aha apopo la 19 Oct hora 9 kakahiaka.

            Noho ka aha i ka manawa i oleloia, hiki mai na aoao elua, waiho mai ka aoao o ke lii i ka hihia i mua o ka aha, hoole ka Loio o ka aoao pale nonoi ka Loio e noho ka aha e nana i ke kumu i hiki ole mai ai na hoike i kala i nehinei, ae mai ka aha ninau ia na hoike i ke kumu i hiki ole mai ai, hai mai laua, ua manao laua o ka Poalima la 19 Oct. A.D. 1677.  Nolaila noho wale iho no laua aole o laua pilikia.

            Ao mai ka aha ia laua mamuli o ka olua hana, ua hoohemahema olua i ka hihia a ke lii a ua nui ko olua hewa, ua hoowahawaha olua i ka aha.  Eia kau olelo hooholo.  Ua hookuuia na pake.  A o  na hoike i hiki ole mai imua o ka aha ua hookuuia no laua aole i hoopaiia.

            Na ka mea i ike maka i mua o ka aha hookolokolo, ma Waioli.  Ma keia moolelo maluna ae, ua manao makou ka poe makaikai ua pono no ka Hawaii, ma ka noho Lunakanawai.

 

HALE PAIKII O AHI.

EMI LOA NA KII!

MA ka Hale Pai Kii o Ahi, Helu 63, Alanui Nuuanu, Honolulu.  O ka uku o ke kakini Kii Pepa mamua, he $3.00 a i keia manawa ua hoemiia i $2.50.  O ka uku o ke kii Aulani, he $3.00 mamua, ua hoemiloa ia a i ka $2.00 wale no.  Emi loa mai a makepono!  Aole like pu mamua. E wiki mai oukou, oiai ka manawa kupono a ka lia e upu nei.  I keia manawa, hanaia na kii maikai loa!

 

Hale Kamana Nui!

AIA no maloko o keia Hale maluna ae, a ma ka Helu 69,  Alanui Nuuanue hanaia ai na pahu kupapau, na moe, na noho, na pakaukau, na pahu ume me na aniani ku,  na mamalu a me ia me aku ia mea aku.  E loaa no na pahu paina a me na pahu koa ma ke kumukuai oluolu a makepono loa, i ike ole ia mamua.

Hale Kumeka Kamaa!

MALALO o ka Hale Pai Kii ua hoana okoaia he keena humuhumu kamaa o kela a me keia ano e ka makemake e hiaiaai ai.  E kipa mai a e ike oukou "i ka nani o Aipo."   Malaila no e loaa ai na Pale Ili Noho Lio, no ke kumukuai haahaa a ka launa ole mai.   E kipa mai a e kuai no oukou iho.

Hale Hana Kika Puhi!

Ma ke Keena, makai o ka Hale Kamana, Helu 69, Alanui Nuuanu, he wahi e hana pakaia nei na lau paka i mau kika puhi maikai loa.  He mau pak a kika maikai i kupono i ko na kanaka makemake, he ona hoi ke puhi.  E hele mai oukou e kuai i ike maka.  E hoohihi ana oukou         (806 6M 831)  AKI.

 

Lole Makepono ke Kuike!

E LOAA NO IA MA KAHI O

KAKELA ME KUKE,

E LAA NA

AHINAHINA,

KALAKOA,

KEOKEO,

LEPONALO

Pena, Aila, Aniani,

Na Mea Piula,

Kopa,, Aila Honua,

Aila Hoomaloo

Kui Kakia, Pakeke

Tabi, Kaula, Noho lio,

Hulu-balaki, na Pulumi

A he Agena no hoi no na Mokupuni o Hawaii nei no na

LAINAKINI-NAO,

LAINAKINI-MAOLI,

PALULE KALAKOA

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

A HE

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina &e.

A HE

LAAU LAPAAU KAULANA LOA

A Dr. JAYNES

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'u

827 3m 839

 

Papa! Papa!

NO

ALLEN A ME ROBINSON.

Ua wehe ae nei maua i

PA KUAI PAPA!

MA KA

UWAPO O PAKAKA.

Na Papa Ulaula o na ano a pau.

Na Papa Paina o na ano a pau.

            Na Pili Hale Ulaula.

            Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

            Na Pani Puka a me

            Na Pani Puka Aniani.

Na pani Puka a me

na Olepelepe.

 

Na lako kukulu Hale

O NA ANO A PAU

E kuaiia ma ke

Kumukuai Haahaa Loa!

o keia Makeke

ALLEN & ROBINSON

Honolulu, Aper 13, 1876.                   827 3m 839

 

HALE KUAI MANUAHI!

NO KONA,

NO PUNA,

NO KOOLAU,

NO NAPALI,

NO MANA!

Eia ma Koloa nei ka mea Hou ano e kuapaianaha, a e nane nui mai oukou e na mamo a

MANOKALANIPO!

a e ike i na mea maikai o kela a me keia ano, ma ka

HALEKUAI O PENI!

Ua makaukau oia e kuai aku i

Na Lole o na ano a pau,

Na Papa o na ano a pau,

Na Lako kukulu hale,

Na mea hana kamana,

Na mea mahiai,

Na mea ai, mai na aina

e mai a me na mea a pau i makemakeia e ke

Kane, ka Wahine, a me ke keiki.

            Ke loaa mau mai nei keia mau mea ma kela moku keia moku, a no ka mea, ua hoopaeia mai ma Honolulu.

He au hou o ke Kuikahi!

 

Nolaila, e hiki ia'u ke haawi i keia mau pono ia oukou, ma ka kumukuai haahaaloa, i ike ole ia mamua aku nei.

E lulumi mai a hoao!

FRANK BINDT.

Koloa, Kauai, Aperila 14, 1877                      802 1yr 853

 

Eia ma ka Hale Kuai o Wini!

NA EA,

NA OMAU AI,

NA KULA PEPEIAO

NA OMAU HAO BUKALO,

NA MEA ANO HOU A EMI,

Buke Pakeke Ili a me na Eke Dala

Na Lei Pilali,

Na Lei Eleele,

a me na mea e ae he nui wale.

            E HAAWI MAKANA IA ana i kela a me keia mea i kuai a hiki ka

ELUA DALA.

             E hele ma, e nana i keia mau mea maikai, a e loaa no e like me ka makemake.

Eia ma ka Hale Kuai o

756 2m                        WINI.

 

Kuai Haahaa Loa!

E KUAIIA aku no ma ke kumukuai haahaa, ma ka Hale Kuai o H.M.WINI,

Na Kula Pepeiao Ea ame na Kula kanikau, a me na kui e ae o kela a me keia ano.

Na Lei Kanikau no hoi a me na Lei e ae no e linohau ai o na Lede opiopio, e kinikohu ai ke nana aku i ke kau mai iluna.  Na apo lima kanikau a me na mea e ae a pau no ke kumukuai haahaa loa.  E wiki mai!                   816

 

NU HOU! NU HOU!

 

Kukaepele i Hanaia ma Honolulu nei!

E FREDRICK VEHLING!

 

He kukaepele maikai loa keia!

Ua like kona ano me ke Kukaepele o ko na Aina e.

AOLE E NELE KA AINA WA A PAU

E kokua kakou i na hana mikiala kuloko

o ko kakou aina hanau.

E hele mai e ike, a e kuaiia ma ka Hale

Kuai o             A.L KAMIKA

806 3M 831                 Helu 44, Alanui Papu.