Ka Nupepa Kuokoa, Volume XVI, Number 48, 1 December 1877 — Page 3
| This text was transcribed by: | Shaun Kamakea-young |
| This work is dedicated to: | Hawaiʻinuiākea School of Hawaiian Knowledge |
Ka Nupepa Kuokoa
KE KILOHANA POOKELA NO KA LAHUI HAWAII.
kahi o ka 1841 me Canton, a mahope mai, ma ke kuikahi me Nanking i ka 1842.]
Ua aeia anei na moku a pau e puka aku ma Konatinopela me ke keakea ola ia, a i ole o ko na Rusia wale no paha kai keakea ia? HUAA.
[Ua ae ia na moku a pau e puka a komo mai ma ke kowa o Bosborus a me Dardanelles, me ke keakea ole ia, koe wale no na moku kana. Aole i ae ia kekahi moku kana e puka aku iwaho i kekahi manawa me ka loaa ole o ka ae mai ke Suletana mai.]
Ua lawe pio ia anei o Ilamuku Makemahone e na Geremania ma ke kana i Sedana? Aole anei ia i pakele aku me kekahi hana o kona puali a komo iloko o Belegiuma? Ua parola ia anei oia aole e komo hou i ka puali kaua a Farani i ka wa e kaua ana e ke aupuni o Belegiuma? Ma kou hoike ana mai i keia mau ninau e hoopau ia ai ka pohihihi. MAKAAINANA.
[Mahope o ka lawe pio ia ana o Sedana, ua hoehaia o Makemahone ma ke kahua kaua, a ua ae ia oia e noho ma ka parola maloko o kekahi wahi kauhale o Belegiuma a hiki i ka loaa ana iaia o ka ikaika o ke kino, ia wa ua hoihoi ia aku oia i Wiesbaden, malaila oia i noho ai a hiki i ka hana ia ana o ke kuikahi o ka maluhia i Feb. 1877.]
E Mr. Lunahooponopono, e oluolu oe e hoike mai ia makou i ke kulana o ka Ahahui Opiopio Imi Pono Karistiano o Kawaiahao, ua ake nui makou e ike. 1 Ke ku nei anei oia e like me kona kukuluia ana i kinohi? 2 Ke noho nei no anei na hoa kahiko i komo maloko o ia pa? 3 Ua loaa anei ke kuee mawaena o na lala o ua Ahahui la? 4 No ke aha ke kumu? 5 Ua komo mai anei na makua a uwao no lakou? 6 Ua hookuikahiia anei ko lakou manao a lokahi hou? 7 A heaha la na inoa o na lala i kapa ai no lakou iho? NA HOA OPIO.
Kou, Nov. 3, 1877.
[E ke hoa opio, o kau mau ninau a pau e waiho mai nei na makou e hai aku i na haina, he mea pohihihi no ia i ka hoike aku, aka, ma ka mea hiki, malaila makou e hai aku ai. 1 Ae, ke noho nei no. 2 Aole, ua waiho mai kekahi poe, a ke noho nei kekahi. 3 Ae, ua mokuahana lakou a hiki i keia la. 4 No ka lawe ana mai o kekahi o lakou i Kumukanawai no ua Ahahui la, maluna iho o ke Kumukanawai a lakou i imi like ai, oia ka Pono; a no ka lokahi like ole o na hoa, ua ulu ka haunaele a mokuahana. 5 Ae, ua noho ka ahaluna a noonoo a hooholo lakou, e pono na ke Kahu e imi i mea e kuikahi hou ai ka noho ana o ka Ahahui, oia hoi ka haalele ana o na aoao a elua i ko lakou mau manao iho; aka nae, aole i hookoia. 6 Aole; ua mokuahana aole i kuikahi hou a hiki i keia la. 7 O na inoa a makou i lohe wale ai, ua kapaia kekahi aoao he Democarata, a he Repubalika kokahi.]
Ka la hanau o ka Moi, Nov. 16 1877
ma ka Lai Ulu o Lele
Na hora o ka wanaao--Mahope iho o ka iho ana aku o ka luahine o ka po. (Mahina) a he pouli ka mea i haawiia mai, aia hoi lohe ia aku la, he mau leo kani uheuhene lua i ka wehena o ka pili o ke ao, a me ka leo kani ukaka o ke Gita a ke keiki Elia, me na leo kani nunulu e kuhi ana au o ka bipi la a Analu, eia ka, o ka akahi hapaha o ka "Lihauanu Club"
Kakahiaka poniponi--Mamua ae o ke kiei ana mai o na kukuna wela o ka la, ua ike ia aku la na kuahiwi, me he kanaka ohule la, e waiho wale mai ana, aohe kau ia e ke ao, i ka la i kiekie iki ae ai, 2 kapuai paha, ia wa, ike ia aku la ka lunakanawai Hoomalu e hulei mai ana maluna o ka lio keokeo, me na opuu pua Pikake no a me Panaewa, me he mau opuu hiki kakahiaka la.
Halawai ma Wainee--Ma ka hiki pono ana ae o ka manamana kuhikuhi hora o ka Wati i ka hora 10 a.m. ua lohe ia aku la ka leo o ka Bele o wainee e kani kuike mai ana, ia wa no, ua naue ae na Lede me na keonimana ma ka luakini e lohe i ka haiolelo a ke Kiaaina, a ma kona lokomaikai, ua kono aku la ia ia Kipikona e haiolelo mai ma na mea e piliana no ka la hanau o ka Moi, a ua kamailio mai oia ma kahi mea i hiki iaia, ua ku no i ka ii i ka papa holui ka puuwai mamua ae nae o ka haiolelo ana, ua haawi mai la ka papa himeni ina leo kani kupinai, i ka hoolohe aku a na pepei ao, me he la, he leo la no ka manu haole ke kani i kikiko'u i ka liko o ka lehua, mahope o ka pau ana o na haiolelo, ua haawi hou mai la ka papa himeni i na leo uhe-uhene lua i ke kulu awakea, i ka pau ana o ka himeni, hai hou mai la ke Kiaaina i kona mahalo no ka poe i naue aku e hoolohe a ua kauoha pu mai la oia i ke anina a pau, mai ke nui a ka liilii e naue aku ma kona home ma Leiaulani e kamau pu ai me ia i na kohi kelekele o ka opelu a me na mea ai e ae, me kaio o ka bibi.
Ma ka hale aupuni--Ma ka hora 11 AM ua haiamu ae na wahi kauna haole e lule lima pu meia, ma kona ano, he maku no keia mau mokupuni, Maui, Molokai, a me Lanai a manuahi wale mai o Kahoolawe, ka aina o na hipa mahope o ka pau ana o kona luakaha ana me na haole, ia wa hoi i kipa aku ai na Hawaii Ponoi, e hui aloha pu me ia, a ua haawi mai la oia i kona aloha ma ka lulu lima pu ana, a mahope iho o ka lulu lima ana, ua onou ia mai la imua o ke alo he mau pa i hoopiha ia i ka mea ono Geremania, a he mau kiaha wai huihui, ua lalau aku na hoa me ka lima hoomikioi.
Ahaaina ma Lieaulani, ma ka hora 12 ponoi o Nov. 16, ua haiamu ae na lehulehu a hamu pu i na kohi kelekele o ka bibi a me puaa i hoomakaukau ia e ke Kiaaina, a ma ia la, ua lokomaikai ae la oia, ua hana ia ka papaaina ma ke ano Hawaii, ua naue pu ae maila ka lunamakai, lunakanawai a me ka hapa kiaaina, a me na aulii o ke kaona, mahope iho o ka pau ana o ka hamu ana, ua haawi mai la na Boys o Lahainaluna he mau leo himeni, a mahope iho o ka lakou himeni ana, ua himeni mai la ke keiki o ka Rain-Nahua, i hui pu aku me ko ka Rain-Paupili.
Na leoalea o ka la--Ua hoomaka na lealea ma ka heihei he mau kamalii, hookahi puni o ka pa o Hale Aupuni, 2 Heihei kanaka makua, elua puni o ka pa o Hale Aupuni 3 Pii ma ke kaula o ka pahu hae. 4 Heihei waapa, ua hoomaka mai ko laua holo ana mawaho ae o Uhailio a aia no hoi ka eo i ka pae mua i ke one o ka uapo, aka, ia laua nae e holo like ana a mawaho pono ae o Hale Aupuni, ono paha ke kapena o kekahi waapa i ka papai, e paka mai ana i ka nalu, ua oki oe i hoohuli ia mai ka waha o ka waapa i alo, a ua poino iki nae ka waapa, no Lanai ka waapa i kahuli ai, ooia ka pau ana o na lealea oia la, a ke hooki nei au me ke aloha no ia oukou. SAM. K. KAIHUMUA.
Rain Paupili, Nov 20 1877.
E KA POE MAI!
E ka poe Pilikia!
E nana mai oukou i keia. Ua loaa hou mai ka
Laau Lapaau Kaulana!
No ka hoomaikai ana i ke koko, a me na mai a pau.
E hele mai a ike, aia ma kahi a A L KAMIKA Opio, Helu 44 Alanui Papu. 835 2ms 842
OIAI, ua hoonohoia mai au e ka Ahakaapunio Maui i Lunahooponopono Waiwai no ka waiwai o Kaohia k o Hamakuapoko, Maui i make aku nei. Nolaila, ke kauoha ia aku nei ka poe a pau i aie mai iaia, e hookaa koke mai ma kuu lima a me ka poe ana i aie aku ai, e hoike koke mai ia' me na bila aie oiaio. F HOOPII.
Lunahooponopono Waiwai.
Halehaku, Maui, Oct. 23, 1877. 835 4ts 838
E IKE auanei na mea a pau, owau o ka mea nona ka inoa malalo nei, ke hookapu aku nei au i kuu kuleana aina e waiho la ma Waimanalo, Koolaupoko, oia kela aina no Kawaihalau k i make kauoha ole, o Lonokio ma ka inoa; ke papa ia aku ka hookuu wale ana i na holoholona o kela a me keia ano a me ka lawelawe ana o kekahi kanaka a mau kanaka paha me ka loaa ole aku o ke kuleana mai a o aku. E hoolohe na mea a pau i keia, ohoopii ia lakou ma kanawai. LAHELA w.
Honolulu, Nov. 29, 1877. 835 4ts 838
O MAUA o na mea nona na inoa malalo nei, ke papa a ke hookapu loa aku nei i ke komo hewa ana o na holoholona a me na kanakamaluna o ko maua mau apana aina e waiho la ma ke Ahupuaa o Kaaawa, Koolauloa, ka apana aina o Newa i make ai i ka M H 1853, nona ka Palapala Sila Nui Helu 1324. NAMAKAELUA w.
KAIMIHAU k.
Kaaawa, Koolauloa, Dek 1, 1877 835 8ts 833
KE haiia aku nei ka lohe i na mea a pau loa, mai hoaie mai oukou i kuu wahine mare ia MRS KAOHEKANI MANUELA, o poho auanei oukou, a mai hookipa kekahi iaia, o hoopii ia ma ke kanawai, no ka mea, ua haalele mai kela ia'u, me ka manao paha ia'u he kane manuahi, aole au he kane manuahi. He nui na wa a'u i wawalo aku ai iaia, e hoi mai, he ole nae ko ia la maliu mai, aia keia i ka oni a ka oni a ka moku. MANUELA Pukiki.
Waiohinu, Kau, Hawaii, NOv. 18, 1877 835 4ts
E NOHO ANA KA PAPA HOOPII AUHAU o Koolaupoko, mokupuni o Oahu, ma ka Halehookolokolo ma Kaneohe, ma ka la 3 o Dekemaba, M H 1877. e hoolohe i na hoopii a pau i koe i ka helu ana a ka Luna Helu. Nolaila, ke kauoha ia'ku nei na poe a pau i loaa na kuleana hoopii, e lawe mua mai i ko lakou mau palapala i ka mea nona ka inoa malalo nei: a ke kauoha ia'ku nei hoi na poe hoopii a pau, e hele mai imua o ka Papa Auhau ma ka manawa i oleloia. JNL. LOTA KAUHUKOO.
Lunakanawai Apana o Koolaupono.
Honolulu, Nov. 17, 1877. 834 2ts 835
UA hookohu ponoia ka mea nona ka inoa malalo e ka mea hanohano Abr.Fornander, Lunakanawai Kaapuni o ka Apana Elua o ko Hawaii Pae Aina, i Lunahooponopono no ka waiwai Kekahili k i make, no Lahaina, Maui. Nolaila, o ka poe a pau a Kekahili i aie aku ai, a me ka poe i aie mai iaia, e hoike koke mai iloko o eono malama, a me ka poe e paa nei i na waiwai paa a me na waiwai lew. DAVID KAMAIOPILI.
834 3ts 836 Lunahooponopono Waiwai.
HE PALAPALA HOOIAIO WAIHONA Dala Helu 1128, ia Kimo Hauna, kakauia Nov. 20, 1876, no $400. Ua hoopaaia ka ukuia ana mai ma ka Baneko o Bihopa ma. 834 3ts 835
KAUKA RODGERS.
Ua hoonee aku oia i kona hale noho mai ke Ala Garden i ane a i ka hale o Kapena Kano, Hotele Hawaii puka komo ma Alanui Hotele, e pili ia me ka Hale Keaka. O ka hale Oihana, e like no mamua ma Monikahaae ma ka hale kauka o Allgene Strenz
Honolulu, Oct. 30, 1877
KE papa loa ia aku nei na mea a pau, aole e ki i na kipi a me ka hele wale ana maluna o na aina o Makahanaloa a me Pepekeo. C.AFONG (Apona)
Honolulu, Oct. 12, 1877 828 2m 833
E NAKEONIMANA hanohano a me na Lede maka palupalu o
"Kohala aina ua haaheo,"
ke poloaiia aku nei oukou, e lele auna like ae ma ko maua Halekuai Lole, ma Kaiopihi, malaila e loaa ai ia oukou na Alapia nani loa o na ano a pau, na Huluhipa hke ole o na ano; na Iliwai nani he lehulehu wale a me na ano lole no a pau; na kamaa, papale,walaia, a me kela ano keia ano no a pau a ka naau "e olu ai he wai ko lalo," e loaa no ia ma ko'u Halekuai, me ke kumukuai oluolu.
HAN SOME & AYAU (Aiau Ma).
Honolulu Sept 1, 1877 523 3m 833
F CRAWFORD MACDOWELL,
LOIO A ME KOKUA.
KEENA Hana- Kihi o na Alanui Papu a me Moi, ma Ewa iho o ka Halekuai o E O Hall ma.
823 1yr.
$5.00 Makana.
O KA mea a mau mea paha e loaa a hoihio mai i kualio kane uuku ano Alapia i kuniia i ka hao kuni me keia ke ano B ma kekahi o na uha hope i nalowale: e loaa no ka uu makana i oleloia maluna ke hoihoi mai ma ka Hotele Rama o J.S. @ K.C. IKUMATS.
832 3m 835
HOOLAHA HOOKOLOKOLO
AHA Hookolokolo Kaapuni Apana 1 Waimea SS: Kaa o Novemaba A D 1877. Kanekapolei (w) mea hoopii oki mare kue ia Kahue (k) mea ko @.
Ma ka hoopii oki mare malun, ua kauohaiai na @ ka pono o ka hoo@ wale ana: ka @ o ka mare ma ka aoao o Kanekapolei w, no ke kumu he haalele loa o Kahue k. Nolaila, e hoo@ ka p@ no ka mea hoopii mahope o la hala ana o na malama eono mai @ ka @ ka @ ke kuike ma na mea a pau i @ na mea a pau i @ @ @ no na @ e ae e hoike koe mai ana.
Ua kauohaia ka mea hoopii e @ kope @ o keia kauoha iloko o na @ a me ke Kuokoa no @ @, o ka @ mua ana iloko o hookahi malama mai keia la aku, a o ka poe a pau i @ @ o eono malama kakou e ikeia mai ai e hoike ka @ he kuai e hooholo @ a keia kauoha. Na ka @. F. SPENCER.
Kakauolelo Apana 1
Ikea: Waimea, Hawaii. Nov. 5, 1877. Ke hooia aku nei au o ke kope maluna ae, oia no ke kope mau o ka @ manawa ae nei. F. SPENCER.
835 @ 843 Kakauolelo 2
AHA Hookolokolo Kaapuni Apana 1, Waimea. SS: Kau o Novemaba A D 1877. J. SIEMSEN mea hoopii oki mare kue ia MARTHA SIEMSEN mea hoopiiia.
Ma ka hoopii oki mare maluna, ua kauohaia no kaa ka pomaikai a pau o J. Seimsen no ke kumu ae @he ua Martha Siemsen la, a hookoia mahope o ka pau ana o ia malama eono mai keia la aku, koe wale no ! he mau kumu e ae kekahi e puka mai ana no ke kue. Ua kauoha ia ka mea hoopii e hoolaha i ke kumu o keia kauoha maloko o na nupepa Hawaiian Gazette a me ke Kuokoa, no eono hebedoma o ka hoopuka mua ana maloko no ia o hookahi malama mai keia la aku, a o ka poe a pu i pili, ina he mau kumu kue ko lakou, e hoike mai @ o ia wa i kumu e ae ole ia ai. Na ka aha. F. SPENCER.
Kakauolelo 2 Apana 3.
Kakauia ma Waimea, Nov. 7, 1877.
Ke hoike aku nei au, o na olelo maluna ae oia no ke kope olalo o ka hihia maluna ae a e waiho nei ma ke keena o ke kakauolelo o ka Aha Hookolokolo Kaapuni Apana 3
F. SPENCER.
834 6t Kakauolelo 2
AHA Hookolokolo Kaapuni Apana 3, Waimea, SS: Kau o Novemaba, AD 1877, EMMA OLIVER w, mea hoopii oki mare kue ia RICHARD OLIVER k mea hoopiiia.
Ma ka hoopii oki mare maluna ua kauohaia ua kaa ka pono ma ka aoao o Emma Oliver, no ke kumu he moekolohe ame ka malama ole o ua Richard Oliver la, e hookoia mahope iho o ka pau ana o na malama eono mai keia la aku o ka hanaia ana o keia olelo hooholo e like me na olelo maloko nei, ke ole nae e ike ia ke kumu e ae oleia ai ia noi. A ua kauoha houia ka mea hoopii, e hoolaha i ke kope i hooiaioia o keia olelo kauoha ma na nupepa aupuni Gazette a me ke Kuokoa i eono hebedoma, o ka hoopuka mua ana maloko o hookahi malama mai ka la aku i hoopuka ia ai keia olelo kauoha, i inea e hiki ai i na mea a pau i pili ke hoike maloko o na malama eono, ina he kumu ko lakou e hooko oleia ai ia olelo hooholo a lilo i mea ole. Na ka Aha. F. SPENCER. Kakauolelo 2 Apana 3
Waimea, Nov 8, 1877.
Ke hooia'ku nei au, o na olelo maluna'e, oia no ke kope oiaio no ka hihia maluna e waiho nei ma ka buke o Kakauolelo o ka Aha Kaapuni Apana 3. F. SPENCER.
835 6ts 840 Kakauolelo 2
AHA Hookolokolo Kaapuni Apana 3. Waimea, SS: Kau o Novemaba, AD 1877. EMILY BURKE mea hoopii oki mare kue ia HENRY BURKE mea hoopiiia.
Ma ka hoopii oki mare maluna, ua kauohaia ua kaa ka pno ma ka aoao o Emily Burke, no ke kumu he malama ole a me ka moekolohe o ua Henry Burke la. e hookoia mahope iho o ka pau ana o na malama eono mai ka la aku o ka hanaia ana o kela hooholo, ke hana e like me na olelo maloko nei ke ole nae i ikeia ke kumu e ae oleia ai ia noi. A ua kauoha hou ia ka mea hoopii e hoolaha i ke kope i hooiaio ia o keia olelo hooholo ma na nupepa aupuni Gazette a me ke Kuokoa i eono hebedoma, o ka hoopuka mua ana maloko o hookahi malama, mai ka la aku i hoopuka ia ai kela kauoha, i mea e hiki ai i na mea a pau i pili ke hoike maloko o na malama eono, ina he kumu ko lakou i hooko ia ai ia olelo hooholo, a lilo i mea ole. Na ka Aha.
F. SPENCER. Kakauolelo 2 Apana 3.
Waimea. Nov 8, 1877.
Ke hooia aku au, o na olelo maluna ae, oia no ke kope oiaio no ka hihia maluna ae e waiho nei ma ke keena o ke Kakauolelo o ka Aha Kaapuni Apana 3. F. SPENCER,
845 6ts 840 Kakauolelo 2
AHA HOOKOLOKOLO o ko Hawaii Pae Aina, ma ka Hooponopono Waiwai. Ma ka waiwai o NICHOLAS GEORGE, i make, o Honolulu, a me na Kahu Malama o na Keiki Opiopio ua hooilina. Ma ke Keena, imua o ka Lunakanawai Judd. Olelo Kauoha no ka hooiaio ana i na buke helu, ka hookuu ana a me ka mahele ana i ka waiwai.
Ua heluhelu a ua waihoia mai ka palapala hoika a W C Jones a me G W C Jones, na Lunahooponopono o ka Palapala Kauoha hope loa a Nicholas George, i make, a he mau Kahu Malama o na hooilina, no Honolulu, e noi ana e aeia ia laua $8,000.51, a e hoopaaia ia laua $8,000.51, a e noi ana e nana la a e aponoia, a e hanaia i Kauoha o hookuu loa ia G W C Jones i oleloia, mai ka noho Luna hooko kauoha a me ke Kahu Malama, e hookoe ana ia W C Jones i oleloia, nana e hooko i namanao o ka palapala hooilina hope loa o ka mea i make i oleloia.
A ua kauohaia, o ka Poalima, oia ka la 26 o Dekemaba, 1877, i ka hora 10 AM, imua o ua Lunakanawai la i oleloia, ma ke Keena, ma ka Halehookolokolo, ma Honolulu. oia kahi a me ka manawa i oleloia no ka hoolohe ana ia noi a me ka hoike, a ua hiki i na mea a pau i pili e hele mai e hoike i na he kumu ko lakou, e hiki ole ai ke aeia keia noi. A o keia Olelo Kauoha ma ka Olelo Beritania a me ka Olele Hawaii, e hoopukaia ma ka Hawaiian Gazette a me Kuokoa, he mau nupepa i paiia a hoopukaia ma Honolulu, i ekolu hebedoma mamua koke iho o ka manawa i kohoia no ka hoolohe ana. Kakauia ma Honolulu, i ka la 20 o Novemaba, 1877. A. FRANCIS JUDD.
Ikea: Lunakanawai Aha Kiekie.
A Rosa, Kokua Kakauolelo. 834 3ts 836
AHA HOOKOLOKOLO Kiekie o ko Hawaii Pae Aina, ma ka hooponopono waiwai. Ma ka waiwai o LOKE w o Honolulu i make kauoha ole. Olelo kauoha e hoolaha aku no ke noi ana mai e koho i Lunahooponopono Waiwai. Imua o ka Lunakanawai Judd.
Ma ka heluhelu a me ka waiho ana mai o ka Palapal noi a Debora Keliiokaloa a me Hoaa Nakapalau o Honolulu, e hoike mai ana, o Loke w i oleloia, no Honolulu i olelo ia, ua make kauoha ole ma Molokai, ma ka la 26 o Sepatemaba, M H 1877 a e noi ana e haawiia ke Palapala Hookohu Lunahooponopono Waiwai ia Hoaa Nakapalau w.
Ua kauohaia, o ka Poalima, ka la 14 o Dekemaba, M H 1877, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a me ia wahi no e hele mai ai na mea a pau i pili, e hoike mai i ke kumu, ina he mau kumu oiaio ko lakou, e ae oleia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ka nupepa Kuokoa, ma Honolulu.
Kakauia ma Honolulu, ko Hawaii Pae Aina, Novemaba 22, M H 1877, A. FRANCIS JUDD.
Ikea: Luna kanawai o ka Aha Kiekie.
A. Rosa, Hope Kakauolelo. 834 3ts 856
MA ke Keena o ka Lunakanawai Kaapuni Apana Elua ko Hawaii Paeaina. Ma ka waiwai o MALU k a me KUAPAAw no Lahaina, Maui i make.
Ua heluheluia a ua waihoia ka palapala noi a Likua k. e noi ana e hooponoponoia ka waiwai o Malo k a me Kuapaa w no Lahaina, Maui, H P A i make, a e hooholoia ka waiwai i na hooilina. Nolaila, ke kauoha ia'ku nei na kanaka a pau ke pili o ka Poakahi oia ka la 3 o Dekemaba, 1877, ma ka hora 11 A M, ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANCER.
Lunakanawai Kaapuni Apana 2
Lahaina, NOv. 6, 1877 833 3ts 835
MAke Keena o ka Lunakanawai Kaapuni Apana Elua ko Hawaii Paeaina. Ma ka waiwai o KULE k no Lahaina, Maui i make.
Ua heluheluia a ua waihoia ka palapala noi a Loma e noi ana e hoonohoia i lunahooponopono no ka waiwai o Kule no Kanaulu, Lahaina, Maui, i make aku nei. Nolaila, ke kauoha ia'ku nei na kanaka a pau ke pili o ka Poakahi, oia ka la 3 o Dekemaba, 1877, ma ka hora 10 A M. ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la ame na mea kue ke hoikeia.
ABR. FORNANDER. Lunakanawai Kaapuni Apana 2
Lahaina, Nov. 6, 1877. 833 3ts 835
AHA Hookolokolo Kiekie o ko Hawaii Pae Aina. Ma ke keena, Ma ka waiwai o JACINTO DEAZ o Honolulu i make kauoha ole. Imua o ka Hon. A F Judd. He hoolaha no ke noi ana e hooponopono ka Moowaiwai, e hookuua no ka mahele ana i ka waiwai.
Ma ka heluhelu a me ka waiho ana mai o W C Parke, lunahooponopono waiwai i ka palapala noi a me ka Moowaiwai o Jacinto Deaz o Honolulu i make, e noi mai ana, e aponoia kana hoolilo ana ia $158.72 mailoko mai o $158.72 i loaa iaia, me ke noi mai e nana ia kona Moowaiwai a aponoia, alaila e maheleia ka waiwai e waiho nei iloko o kona lima i ka poe i kuleana ia waiwai, a e hookuu i amai oia a me kona poe hope mai ko laou noho ana ma ka hana.
Ua kauohaia o ka Poalua, la 18 o Dekemaba, 1877, ma ka hora 10 kakahiaka, imua o ua Lunakanawai ia ma ke keena, ma ka Halehookolokolo ma Honolulu, oia ka manawa a me kahi e hooloheia ai ua noi la a me ka Moowaiwai, a o na kanaka a pau i pili, e hele mai lakou a e hoike mai hoi lua paha he kumu e ae oleia ai ua noi la, a e hoike mai hoi i ka mea kuleana i ka waiwai. A ua kauohaia e hoolaha i keia kauoha ma ka Olelo Hawaii ame ka Olelo Enelani. maloko o na nupepa ka Hawaiian Gazette ame ke Kuokoa, he mau nupepa i paiia a i hoolahaia ma Honolulu, no ekolu hebedoma mamua ae o ka manawa e hooloheia ai.
A. FRANCIS JUDD, Lunakanawai o ka Ahakiekie.
Ikea: JNO. E. BARNARD, Kakauolelo Ahakiekie.
Kakauia Honolulu, NOv. 13, 1877 833 3ts 875
AHA Kaapuni Apana Ekolu, o ko Hawaii Pae Aina ma ka hooponopono waiwai. Mokupuni o Hawaii, Hawaii Pae Aina, SS. Ma ka waiwai o JOHN KUKE, no Kohala, Hawaii i make. No ka mea, ua waihoia mai imua o ka AHa kekahi palapala, i oleloia, oia no ke kauoha hope loa o John Kuke, no Kohala, Hawaii, i make aku la, a me ka palapala hoopii e noi ana, e hooiaioia kela palapala kauoha a e hoopuka hoi ka palapala Lunahooko no Jas. Wright. ua waiho mai. Nolaila, ua kauohaia o ka Poalua, oia ka la 11 o Dekemaba M H 1877, ma ka hora 10 kakahiaka, ma ka rumi hookolokolo o ka Aha ma Kapaau, Kohala Akau, Hawaii, oia ka la me ka hora e hooiaioia'i ka palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha @ la, e hoolaha no ia mea no na pule ekolu, iloko o ka nupepa Kuokoa, he nupepa i paiia a i hoolahaia ma Honolulu.
Kakauia ma Kohala, Hawaii, H P A Oct. 20, 1877.
CHARLES F. HART.
839 3ts 833 Lunakanawai Kaapuni, Apana Ekolu.
KUAI HOPE LOA!
Kuai Hoopau Loa!
MA KA
Halekuai Lole Nui
O
A. S. CLEGHORN & Co.
AKE MA!
MA
Monikahaae!
O ka Poaono hope loa keia e kuai ai maloko o ka Halekuai Kahiko.
Nolaila, e kuai ia aku ana na Lole ma ka Hapalua o ke Kumukuai mua i keia
POAONO. DEKEMABA 1,
S. GRANT,
835 1t
Kopa Kukaepele
A
GLENN!
AOLE LUA NO KA HOOMAE
MAE I KA ILI!
He mea hoopau i na eha,
Na Ili Puupuu;
A he Hoomaemae i na mea ino;
A he Hoopau Lumatika;
A he Kopa Auau no hoi.
O keia Kopa ka oi aku o ka mea maikai waihoia mai imua o na kanaka.
Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili;
A ma ia holoi ana, o ka Hoopalupalu pu kekahi i ka Ili, a keia
LAAU HOOMAEMAE LUA OLE E HANA AI
O ka hoemi ana iho i namai o ka Ili,
a o ke pale aku i ka mai mai na
lole e na Mai Lele, oia keka-
hi. O na ohana a me na
poe makaikai, ina e
hoolako lakou
i keia
KOPA HOOMAEMAE LUA OLE,
Alaila, ua lanakila lakou.
He hoopau i kalehu o ke poo,
A he Kopa no hoi e kaohi mai ai i
ka lauoho mai ka hina ana.
Ua hooia nui mai na Kauka no ka maikai
o keia Kopa.
E loaa no ma kahi o
McINERNY
Kihi o na Alanui Papu a me Kalepa. 524 8m 833
OLELO HOOLAHA
E IKE auanei na kanaka a pau ke nana mai lakou. Owai o ka mea nona ia inoa malalo iho ke hookapu aku nei au i kuu Kuleana Aina @ e waiho la ma Kaalaau, Koolaupoko, Oahu. oia hoi ke kuleana o Mahi i kuai a e a@ me Kauhane a me Kaakaula w. Ke hai aku nei au ma ke akea ua kapu na mea ulu na mea hihia me na mea a pau e waiho ana maluna o ua aina la. ina e kii kekahi kanaka i na mea i oleloia maluna a loaa ia'u a me 2 hope, oia D@ o R @kiai e uku @ @ ina @ hewa ka @ @ @ @ e uku no $1.00 ma ke poo a o ka puaa, hipa, lio, @, pelehu a me na holoholona e ae, he 25 keneta no ke poo. E hoolohe ka pono, o @ auanei i ka po aupuni na holoholona e like ke kanawai. M KEA@WA.
Waiahole. OCt. 24, 1877. 831 @
E IKE auanei oukou e na ano kanaka a pau, owau, o ka mea nona ka inoa malalo nei, ke kauoha aku nei au i ka mea nona keia lio keokeo hao e like me keia e kii mai ma Laukehaa, Waialua, Oahu. No ka makepono aie o kekahi kau ai o ka hao. nolaila, ke hai aku nei no makou e like me ka hoolaha i haiia mai, a na mea no nona ka lio e hoomaopopo i kona hao kuni. O ke poho o ka mea nana e malama nei, a me kekahi mau lio e ae he $25. E kii mai ma ka la e puka ai, a pau ia la he 15: ina aole kii mai e laweia i ka pa aupuni. K@M@E
Laukehaa, Waialua, Okatoba 26, 1877. @ @ @
S. W. Mahelona!
LOIO! LOIO!
NO NA hoopii imua o na Aha ame na ano palapala a pau: e loaa no ma ku'u wahi mauka o Kawaiahao a ma ka Aha Hoomalu a me na Aha Kiekie ma Honolulu. E kokua no aui ka poe pilikia a ilihune, he maikai ka uku ana, a he emi ka uku panee no ka poe aie dala. 879 2m837
Kuai a ka Ilamuku.
Mamuli o ka mana o ka Olelo Hooholo i hoopukaia e ka Aha Kiekie no ka pono o Mokuehua, ka mea hoopiikue ia F S Keiki, ka mea pale, no ka $41.63. ua lawe mai au a e kuai ia'ku ana ma ke akea maluna o ka aina, i ka hora 12 o ke awakea Poakolu, la 28 o Novemaba, 1877. I na pono, ke kuleana a me na pomaikai a pau o Keiki, i keia apana aina e waiho ia ma Kalia, Waikiki, Oahu, nona ke 16-160 eka,a i hoikeia na palena ma ka Palapala Sila Nui Helu 3116. A ma ia manawa,a ma ia wahi no e kuai aku no au i na pono. kuleana a me na pomaikai o ua aina pale la ilokoo ka Hale Laau,e ku ai maluna iho o ka aina e pili koke la i ka aina maluna ae, aka, lua e hookaa mua ia mai na koina,na lilo a me ke koina o ka Aha mamua ae, alaila, e koe no. W C PARKE.
Honolulu, Oct. 28, 1877 Ilamuku.
E. T. Halolan.
LOIO!
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma a moraki ana i na aina, Ua hoomakaukau e no oia i na palapala aelike hoolimalima moraki a me na hooilina a he hiki iaia ke hoomaikai i na aina loaa ole na Palapala Sila Nui.
Hale Oihana. aie ma ka "Real Estate Exchange" Helu 31. Alanui Papu. Honolulu.. malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me ua uku ole 827 8m 839
Ua hookapu loa ia ke kula o kuu aina o Waiau, Ewa, Oahu, ua kapu loa ka hele wale ana o na holoholona o kela ame keia ano ma ke kula oia aina. A uakapu pu no hoi ka hele wale ana o na kanaka me ke kuleana ole maluna oia aina, a o ka mea hookui i keia. e hana noau e likeme ke kanawai o ka aina, e hoomakaia ke kapu oia aina mai kala e puka ai ma ka nupepa Kuokoa. AKI (pake.)
Waiau, Ewa, Oahu, Nov. 15, 1877. 833 2ms*
Owau o ka mea nona ka inoa malalo iho nei, ke hookapu loa aku nei au i na holoholona o na ano a apu. Aole e hele wale malunao kuu mau aina i hoikeia malalo nei. E uku ia no ka mea holoholona, elike me kanui o ke poino. A pela na ano kanaka a pau loa e komohewa ana maluna o keia mau aina e waiho ana ma Walehu i Maui. I O ke kuleana o Kailiula Helu 3437 o ka Palapala Sila Nui Helu 3373 o ka Palapala Sila Nui Helu 6441 Ili o ka Poinonui, 2 Ke kuleana o Pu, Helu 3373 o ka Palapala Sila Nui Helu 6910, Ma ia Ili hookahi no ma ka Poino. 3 Ke kuleana o Kaiwi Helu 2426 o ka Palapala Sila Nui Helu 6362 o ka Ili aina ma Holoikauai. Oiai au e noho ana ma ka mokupuni o Kakuhihewa nei, nolaila, mai keia la aku e puka ai keia hoolaha, ua hoonoho aku au ia J. Lani Manuela e malama i ko'u mau aina i ae ia ma ke kanawai, iaia ka mana hooponopono o ka poe a pau e pili ana i keia mau aina, koe nae ka hoolimalima a me ke kuai me au no ia. O ka mea kue mai i ko'u hope a me ko'u maluhia o ko'u pono oiaio iho, e hoopii koke ia no ma ke kanawai. Eia kahi, e kuai aku ana au i keia aina ma Holoikauai i ka mea e makemake mai ana e kuai pu me au. S. ANAPU.
Laniuma School Waikiki-kai Nov. 16, 1877. 833 3t
AHA HOOKOLOKOLO KAAPUNI Apana Ekolu o ko Hawaii Pae Aina, Ma ka Hooponopono Waiwai, Maka waiwai o PAHIHA k, i make kauoha ole, imua oka Lunakanawai Charles Frederick Hart.
Ma ka heluhelu a me ka waiho ana mai o ka palapala noi a Kauhaelole w, ka wahine mare o Pahiha k. e hoike mai ana o Pahiha k. no Kohala, Hawaii, ua make kauoha ole ma Kohala, Hawaii. ma ka la 15 o Iune M.H. 1861. a e noi ana e haawi ia ka palapala hookohu lunahooponopono waiwai ia Kauhaelole w. Ua kauohaia o ka Poalua, ka la 11 o Dekemaba M. H. 1877, ma ka hora 10 o hakahiaka, oia ka manawa i kohoia no ka hoolohe ana i ua noi la, imua o ua lunakanawai la, ma ke keena hookolokolo o keia Aha, ma Kapaau, Kohala, Hawaii, a ma ia manawa a ma la wahi no e hele mai ai namea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la, A o keia olelo kauoha e hoolahaia ma ka olelo Hawaii i ekolu pule ma ke Kuokoa, nupepa ma Honolulu.
Kakauia ma Kohala, Hawaii ko H P A. Oct. 20, 1877.
CHARLES F. HART.
830 3t Lunakanawai o ka Aha Kaapuni Apana Ekolu.
Aha Hookolokolo o ko Hawaii Pae Aina, Kau o Okatoba M. H. 1877. SS. KAMAKA k, ka mea hoopii oki mare, kue ia KAAHANUI w, ka mea hoopiiia. Hoopau loa.
Ma ka hihia hoopii oki mare maluna ae, ua kauohaia, ua kaa ka pono ma ka hooki ana i kamare, mamuli o ka aoao o Kamaka, ka mea hoopii, no ke kumu he moekolohe ko ua Kaahanui la, ka mea hoopiiiia, e hookoia mahope iho o ka pau ana o na malama eono. mai ka la aku i hooholoia ai keia olelo hooholo, ke hana e like me na olelo maloko nei. ke ole nae i ike ia na kumu kupono e hoole ia ai. A ua kauoha ia ka mea hoopii,e hoolaha i ke kopei hooiaioia o keia olelo kauoha ma na nupepa Hawaiian Gazette a me ke Kuokoa, i eono hebedoma, o ka hoopuka mua ana malokoo hookahi malama, mai ka la aku i hoopukaia ai keia olelo kauoha, i mea e hiki ai i na mea a pau i pili, ke hoikemaloko o na malama eono, ina he kumu kolakou e hooko ole ia ai ia olelo hooholo a lilo imea ole.
Jno. E.Barnard NA KA AHA.
Kakauolelo Aha Hookolokolo Kiekie.
Honolulu, Okatoba 23, 1877 833 618 832
Ke hooia aku nei au, o ke kope oiaio keia maluna ae no ka hihia maluna e waiho nei ma ka buke o ke Kakauolelo o ka Aha Hookolokolo Kiekie o ko Hawaii Pae Aina.
I hoike ma kuu lima kakau i keia la 24 o Oct 1877u.
Jno, E. Barnard, Kakauolelo Aha Kiekie.
AHA HOOKOLOKOLO KAAPUNI Apana Ekolu, ko Hawaii Pae Aina. Ma ka hooponopono waiwai, ma ka waiwai o G W D HALEMANU, o Waipio, Hawaii, i make, kauoha ole. Imua o ka Lunakanawai C. F. Har. Ma ka heluhelu a me ka waiho ana mai o ka palapala Noi a Joseph P. Mills, o Hamakua, Hawaii, e hoike mai ana o G W D Halemanu, no Waipio, Hawaii, ua make kauoha ole ma Hamakua, ma ka la 22 o Maraki M H 1877, e noi ana e haawiia ka Palapala Hookohu Lunahooponopono Waiwai ia D F Sanford. Ua kauoha ia o ka Poalua, ka la 4 o Dekemaba, M.H. 1877, ma ka hora 10 o kakahiaka, oia ka manawa i koho ia no ka hoolohe ana i ua noi la, imua o na lunakanawai la, ma ke Keena Hookolokolo o keia Aha, ma Waimea, Hawaii, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa nupepa ma Honolulu.
Kakauia ma Kohala, Hawaii, ko H P A. 20 o Oct. 1877
CHARLES F HART, Lunakanawai K. Apana Ekolu.
830 3ts 832
HALE PAI KII O AHI.
EMI LOA NA KII!
MA ka Hale Pai Kii o Ahi, Helu 63, Alanui Nuuanu, Honolulu. O ka uku o ke kakini Kii Pepa mamua, he $3.00, a i keia manawa, ua hoemiia i ka $2.50. O ka uku o ke kii Aulani, he $3.00 mamua, ua hoemi loa la a i ka $2.00 wale no. Emi loa maoli a makepono! Aole like pu mamua. E wiki mai oukou. oiai ka manawa kupono a ka lia e upu nei. I keia manawa, hanaia no kii maikai loa!
Hale Kamana Nui!
AIA no maloko o keia Hale maluna ae, a ma ka Helu 69 Alanui Nuuanu, hanaia ai na pahu kupapau, na moe, na noho, na pakaukau, na pahu a me na aulani ku, na mamalu ame ia mea aku ia mea aku. E loaa no na pahu paina a me na pahu koa ma ke kumukuai oluolu a make pono loa, i ike ole ia mamua.
Hale Kumeka Kamaa!
MALALO o ka Hale Paikii ua hoaua okoaia he keena humuhumukamaa o kela ame keia ano a makemake e hiaiaai ai. E kipa mai a e ike oukou "I ka nani o Aipo." Malaila no e loaa ai na Pale Ili Noho Lio, no ke kumukkuai haahaa a ka launa ole mai. E kipa mai a e kuai o oukou iho.
Hale Hana Kika Puhi!
Ma ke Keena makai o ka Hale Kamana. Helu 59, Alanui Nuuanu, he wahi e hana pakala nei na lau paka, i mau kika puhi maikai loa. He mau pak a kika maikai. I kupono i ko na kanaka makemake, heona hoi ke pahi. E hole mai oukou e kuai i ike maka. E hoohihi ana oukou. (806 6m 831) AHI.
OLELO HOOLAHA
HOOLAHA!
O KA POE NONA NA INOA MALALO iho, he poe malama HALE INU KI a me KOPE ma Honolulu nei, ke hai aku nei makou mahope ae o ka la mua o Augate 1877, aole no e haawiia ke Kika Manuahi i ka poe lau Ki a Kope paha.
Akona @ Kwan Sway,
A, Nani @ Kirchway,
No@ai @ Hop Wo.
Honolulu, Iulai @ 1877 Nuang Chuck
E IKE auanei na kanaka a pau ma keia ua hookapu pono au maua ia Ka@ha k o Kaaawa Koolauloa i hina no ko maua mau kuleana aina a pau e waiho ana ma Kaaawa, Koolauloa, Oahu nei. Ke kauoha ia aku nei ka @ a pau e noho ana ma ia mau kuleana e hele me ka noho hou ole iho ma ia mau kuleana o hoopiiia ma ke kanawai, e hoolohe i keia o pilikia auanei.
J. MAKAILA a me KEEANOI
Kaneohe, Okatoba, 13, 1877 839 @ 833
HENEIKI KA AKA I KA OLU
OLU O KE AHA?
OLU O KE KUMUKUAI O NA LOLE HOU
o ka Halekuai o
GOO KIM!
MALUNA mai nei o ka mokuahi Hawaii "Likelike," a me ka mokuahi "Kulanakauhale o Nu Ioka." E hoomaka ana ke kuai manuahi ma keia Poaono, a pela mau aku ma na Poaono a pau. Nolaila, e hele nui mai oukou e o'u mau hoa maikai ma keia la, e wae a ka mea a ka iini e lia ai. kiola iho "i ka a@ a mau a@ paha o Kaualaau." a e loaa no na holoku poni uialia halila, a me na kalakoa hoi lua i ike oleia mamua ma Hawaii nei. ma pa@ huluhulu a me na Hiwai o kela a me keia nao "na kihei huluhlu nani loa akahi e ikeia. ua makaiena au uluulu, kakau loloa ulaula, hinahina, uliuli a me ka poni, na mamalu liilii, na lakeke keiki, a me na kaloka hopumehana o na kaikamahine liilii, a me na mea nani e ae he @ wale. E hele mai i ike i ka nani o Aipo.
GOO KIM.
Alanui Nuuanu, ma ka aoao
ma Ewa mai o ka hale polapola
CECIL BROWN,
Loio a he kokua ma ke Kanawai
A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu. Honolulu, H.P.A.
813 1y 867
WILLIAM R. CASTLE.
(Kakela Opio.)
Loio a me Luna Hooiaio.
MA NA ANO HANA PILI KANAWAI A pau, e lawelawe koke ia me ka hikiwawe. Na Palapala Sila ame na Palapala pili aina o na ano a pau, e hoomakaukau ia no, a he Notari Hooiaio Palapala a io lehulehu.
Keena hana. ma ke Alanui Kalepa, 2 hale ma ka hikina ke Alanui Papu. Honolulu. (827 3m 839)
UA Hookohuia mai au e D. McBryde, Lunakanawai e kuai aku i ka waiawai o D. KAUKAHA, penei:
1 mahele ilokoo o kaHui o Waniha.
1 " " Haena.
1 " " Moloaa.
1/2 Iloko o ke kuleana ma Hanalei.
1 Hale laau ma Hanalei.
1 : pili " "
C. BERTLEMANN.
828 6ts 833 Lunahooponopono Waiwai o D. Kaukaha
UA HAULE
Mawaena o ke Alanui Liliha a me ka Ilina Alii ma Maemae i ka la 7 o Novemaba he paiki lako humuhumu. Aia maloko o ua paiki la, he 2 hainaka keokeo a me 1 hainaka alika kae ulaula a me kekahi mau mea liilii eae. E ukuia ka makana kupono i ka mea e loaa ai a hoihoi mai i ke Keena Kuokoa. 933 tf
J.M. Davidson,
Loio a Kokua!
HALE Oihana, maluna ae o Hale Kuai Buke o Wini, ma ke keena i noho nina ia iho nei e J W Aukina. Uamakaukau oia e lawelawe i na hihia o kela a me keia ano, imua o na Aha Hookolokolo a pau o keia Aupuni. 784 1yr 836
E IKE AUANEI NA KANAKA A PAU O kela ano keia ano, owau o ka mea nona ka inoa malalo, ke hookapu aku nei au i na holoholona helehewa a pau, Lio Bipi, Hoki, Kekake, Kao, Puaa, a me ka Palahu, aole e hele wale maluna o kuu mau aina kuai ma Kakanoni, Kalihi, ame Papuaa, a pela no me na aina kuai e ae mauka Makole, Alenoho, Puolala a me kaaina kuleana Piiaola, e waiho la ma Kipahulu, Maui. A ina e hookuli a hookuu wale paha i ko lakou mau holoholona ma keia mau aina i haiia maluna, e uku ia no hookahi dala (1.00) no ke poo hookahi. A o ka luna a paniolo nana e hopuhopu i naholoholona, oia o Keahi, a eia ka mea mana maluna o keia mau aina a pau. Ma ke kai lawaia, ma waho aku o Koanui a hiki i ka poinanalu, ua haawi au i kamana a pau ia Mokoliku, a me ia e kamailio pu ai ka poe e makemake ana i ka lawaia, no ka uku dala, a i ole ia, ma ka mahele ia paha. JOHN R. KAMIO.
Kaumakapili, Oka. 25, 1877 830 4t 833
AUHEA oukou e na kanaka a me na kaikamahine maka palupalu o na Pali Koolau o Kauai, ke poloai ia kau nei, e naue mai e ike i ko oukou makamaka ma ko'u Halekuai, ma Kapaa, Kauai, malaila e loaa ai ia oukou na Lole Alapia maikai loa, like ole o na ano; na Huluhipa lehulehu o na ano ano apau; na kihei Sekokia maikai loa; na Lilina-ume-naau e olu ai ka manao: na Lole wawae he nui wale na ano; na Palule Lilina a me na ano helehulehu wale: na kalakoa pua nani ke ike aku; na kamaa kane a wahine: na papale kane a wahine: na wai ala hoope poli e olu ai ka puuwai ke ike aku, ua ulua mai a pau ianei, a ke kuaiia aku nei me ke kumukuai emi loa E kipa mai e ike maka i ko oukou makemake, mamua o ka hele ana i na wahi e ae. A.C. CONCHEE & Co.
Honolulu, Sept 1, 1877. 823 6ms
E IKE auanei na kanaka a pau loa o kela a me keia ano. ke hai ia''ku nei ka lohe ia oukou, ua kapu na Aina Lei Alii a me ko Maraea Boyd e waiho ana ma Kaneohe nei, oia o Waikalua-waho, Keaaiau, Kuanohe, Kenua ame Panahaha, aole e aiea ka hele ana o kekahi lio, bipi, hoki, puaa ma ua mau aina la, koe wale no na holoholona o na poe mea aina, aole nae e ae ia na lio,, bipi, hoki o na paniolo e hele ana i ka lakou hana e hele ma keia mau aina, o uku auanei e like me ke kanawai. Ua kapu na kai lawaia a pau loa o ua mau aina nei, aole e lawaia waleme kuu ae ole aole no e oki wale i na laau ma Wakalua. O ka poe a pau e kue ana i keia, e hoopii ia no ma ke kanawai. J. NAKIAUA. Luna Malama Aina,
Kaneohe, Oct 23, 1877. 830 3ts
E IKE auanei na ano kanaka a pau, owau o ka mea nona ka inoa malalo nei, ua kapu loa ka hele ana o na kanaka maluna o ka Aina Kai Lawaia ma Halawa, mokupuni o Oahu, ma ke ano lawaia, oia no hoi ka aina o Mrs. Kekeia, i hoolimalima e P. Nahaolelua kona luna hooponopono waiwai me Keahona, Kuailiahi, Kaulualoha, i ka la 7 o Iune, 1874, no ka manwa elima makahiki. I ka la 2 o Iune, 1877, ua hoolilo mai laua i ko laua kuleana maluna o ka aina no Keahona. A ma ka la 1 o Novemaba, 1877, ua kuai mai oia i ka manawa i koe o kona hoolimalima me ka mea nona ka inoa malalo nei. A mai keia la 'ku. ua kapu loa. O ka mea kue i keia a komohewa a paha, e hoopii ia no e like me ke kanawai, ke loaa ia'u a i ko'u hope ia Nuuanu, O ka lohe ke olu. S. PAALUHI.
Kalihi, Oahu, Nov. 1, 1877. 831 2ts*
Kuai a ka Ilamuku.
VALFEMAB KNUCKEN, mea hoopii kue ia G W Macy a me L Keliipio, na kahu malama waiwai o G W Macy Jr., he keiki oo ole, na mea pale.
Mamuli o ka mana o ka olelo hooholo i hoopukaia e ka Ahakiekie a me ke Kaulike o ko Hawaii Pae Aina, no ka pono o ka aoao hoopii, no ka puu dala he $822.23, nolaila, ma ka
POAONO, LA 1 O DEK.,1877,
I ka hora 12 awakea,
Maluna o ka aina, e kuai aku no au ma ke kudala, i na pono a pau. ke kuleana a me na pomaikai o ka aoao pale iloko o ka aina i morakiia, a e paala nei e ka aoao hoopii nona ka palena i hoikeia malalo iho, oia
KA AINA MA KAPALAMA,
Ma o ma o ka Halekula Hoopololei, oia no ka aina i hoike ia na palena ma ka Palapala Sila Nui Helu 100, a penei na palena:
E hoomaka ma ke kihi komohana, malaila mai i ku ai ke kulana ana aina mai Puowaina mai; a holo hema 71˚ 3/4 hiki (Mageneta) a me akau ma ka puka pa o ka Halekula Hoopololei, akau 62˚ kom. (Maganeta, alaila e holo na palena--
Akau 43˚ hik. 214.5 kap ma kuauna;
" 43˚ kom. 264 " ma kuauna;
" 41˚ kom. 317 " hiki i ke kae auwai;
Hema 41˚ kom. 116.2 " ma ka auwai;
" 38˚ hik. 168.9 " ma kuauna;
" 49˚ kom 74.68" ma kuauna;
" 41˚ hik. 414.5" a hiki i kahi i hoomaka mua ai, nona ka ili he 2.40-100 eka.
Me na pono, ke kuleana a me na pomaikai a pau o ka aoao pale-e waiho la maluna iho, aia wale no ke koe, a hookaa mua ia mai ke kumupaa, uku koala, na koina a me ko'u uku ku! i ku i ka hooholo like ana.
O keia aina e kuaiia aku nei, ua kupono loa ia no kekahi mea e makemake ana i @l@ ka@; no ka mea, o ua aina la, koe ka hale, na wai hoopaapaa ole.
E hookaaia ke dala i ka wa e lilo ai, a o na lilo o ka palapala, na ka mea e lilo ai ka aina.
W.C. PARKE. Ilamuku.
P.S. E ikeia ke kii o ka aina a me ka palapala moraki ma ke Keena o ka Ilamuku.
Honolulu, NOv. 3, 1877. 832 4ts