Ka Nupepa Kuokoa, Volume XVII, Number 1, 5 January 1878 — Hoike o na Kula Aupuni o ka Apana o Makawao. [ARTICLE]

Hoike o na Kula Aupuni o ka Apana o Makawao.

Aloha oeE oluolu oe e hookomo iho : ma kahi o kou'kino holookoa i keia | wahi puolo. Hookahi nae a'u mea niinami- ' na, o ka pau pono ole ana mai o na kula i | ka la hoike. \ Ma ke kakahiaka poniponi o ka Poalima j la 21 o Dek. 1877, oia hoi ka la e hoike ai j na kula aupuni a psu o ka Apana o Miika-: wao, moi Huelo a hiki i Keokea, ua ike ia | aku na ao kae weluwelu e knalelewa ana ma na paia o ka lewa lani, e hai mai ana i ka puana, " Eleele Hilo e, panopano i ka ua." A ia manawa no i hamama mai ai na puka wai o Kulanihakoi, a hoohanini mai la i na pakaua o ka lewa, e hooma-u iho ana i ka lepo panoa i na makahiki i hala aku nei, a i ka makahakaha ana ae o ia mau pakaua ua hoomakaukau iho la au no ka pii ana aku e ike i na hana o ia la, me o'u mau hoahele. A i ka makaukau pono ana, ua naue aku la no ke ala hele. A i ko'u hiki ana aku i ka luakini hoike, ua kahaha ko'u manao i ka īke ana aku aolie nui o na wahi kanaka a aole no hoi i pau pono mai na kula. ' 0 ka nui o na kula i hiki mai, eha wale no; ke kula o Kamole, o William Punihele ke kumu; ke kula o Kuiaha, o B. W. Kepaa ke Immu; ke kula o Kakipi, o Joseph Kekahuna ke kumu ; a me ke kula o Huelo, 0 P. Kealakai ke kumu. A iko makou hiki ana aku, akahi no a hoomaka ka hoike, aua ike no i ka hoike ana, a oka hope loa o na kula o ka hoike ana, oia ke kula o Kuiaha, o B. W. Kepaa ke kumu ; a no ia kula ko'u mahalo loa, no ke akamai o na keilei liilii o ia hale kula i ka Helunaau, Heluhelu, Arimatika Kulanui, oiai o ka hapu nui o na keiki oia hale kuia, he kamalii liilii wale no. A mahope īho o na haawina kula he olelo kike na -Miss. Lilia Kamanu, me Miss Lahapa Kapunohu, no ka ua ka laua kamakamailio, A mahope iho ia, he ninau me na pane, no na mea e pili ana i ke Akua, na Miss. Elena Piohia, me Miss. Waikahe Paahao. Ua ulu no hoi laua. A o ka'u mea mahalo loa aku nae, o ka haiolelo; na Kikoo Kiko, none ke poo. 1 mua oukou e o'u mau hoa imi naauao. A o ka hope loa ia o na hana o ka la, a wahope iho na olelo a ka luna kula Mr. Kililika. A iloko nae o ka manawa e hoike ana e ua-ana no ka ua, a he mea e ko'u aloha aku 1 na k'eiki liilii e haukeke ona i ke anu. O ke kumu nui no paha ia ona kula e ae i hele ole mai ai, no ka nui loa o ka ua ia la, a aole no paha e hiki ke hoomanawa. nui mai iloko o ia ua,a pela io ko ko'u manao. ' Ua minamina au no ka pau pono ole ana mai o na kula. Pomaikai loa ke loaa hou ia'u k'ekahi manawa e hui pu ai me kula a pau loa e hoike ana i ka wa hookahi. E oki au maanei, ke lawe aku nei o Lehua ika la. Me ka Lunahooponopono ko'u mahalo, a me na keiki ulele hua metala ko'u welina. Henry Z. Kaipo. i Pauwela, Hamakualoa, Dek. 26, 1876.