Ka Nupepa Kuokoa, Volume XVII, Number 23, 8 June 1878 — Page 3
| This text was transcribed by: | Shirley Werner |
| This work is dedicated to: | Werner Ohana |
EIA HOU NO,
NA WAIWAI HOU LOA !
Ma kela a me keia ku ana mai nei o na Moku mai na Aina E mai, a ina
aku no a hoea hou mai, a kamumu i ke awa o Kou nei !
-- o --
NA TABU HAO A ME NA BAKEKE HAO !
O na ano he nui loa a lehulehu wale !
Na Pa-pa ai a me na Ipu-ti aole i kaemai,
Na Aila Pena a me na Pena o na ano he lehulehu wale,
Na Vaniki e hoohinuhinu a hoolilelile ai i na kaa a me na pono hoonani
Hale i hele ai kela a anapa me he aniani kilohi la,
Na Hulu Baraki o na kaina a pau,
KA AILA MAHU AA NANI A MAIKAI LOA O KEIA AU NU HOU ! NU HOU !!
No na Ipukukui Mahu mai Bosetna mai nei.
Na Kaula o na Ano a pau,
(me he mea la aole paha ano kaula i koe aku i na aina e.)
Na Kamaa Hao me Kui Kakia,
(no na kapuai Lio.)
----
NA PALAU ! NA PALAU E !!
Eia no hoi ia makou na Palau Kila Kaulana ! wawahi Eka o Parisa, nana e
eku haulani aku na apaa lepo, o na aina i hele a konea ka lepo,
He nui no ia makou na Palau Moline me na Palau Kila Lio Kaukahi !
Na Palau Hao Mama mai ka $6.00 a hiki i ka $22.50 o ka mea hookahi !
Na Halo, na mea waele nahelehele. Na Ho Lio, maikai a paa loa.
Na Kaa Huila Barela, ikaika a hemohemo ole ;
Na Kua Bipi, na Lei Miula a me Lio,
Na Kaulahao Bipi, na kaulahao huki mua a peki hope,
Na Laau Kaa kaukahi a kau lua.
----
NA HO MAHIAI O BERITANIA A ME KO AMERIKA !
O NA ANO HE LEHULEHU WALE ! !
Na Koi Kipikua, na Kipikua a me na OO,
Na Kopalu o kela me keia ano,
Na O-manamana he huina lehulehu,
Na Kope Opala Kila, Hao, a me Laau, paa loa.
----
NA PAHI OI WINI OKI KO A ME OKI LAIKI,
NA MEA PAAHANA A KA POE KUKULU HALE HE NUI WALE.
Na Iho Kaa a me na Hao e Holuholu ni o na ano kaa a pau. Na lako hale he nui
loa, a me kekahi mau waiwai e helu aku a e manaka !
..........o..........
O keia mau waiwai a pau i hoike ia ne la, eia ke ahu lala kukui mai nei, ua hele ia la a ku ka paila.
a e hoopaki aku ana makou i ke kuai ana ma na kumukuai e waiolu like ai mawaena
o makou a me ka poe mea dala. Nolaila, e na makamaka, mai kikaha
loa ma ke alanui, aka he pono ke kipa hale a ninau, i ike
i na mea e hooko ia ai ko oukou makemake.
E manaolana nei no hoi makou e ku mai ana ka moku "MYSTIC BELL," me na waiwai hou, a
hui mai me keia e ku nei ka paila, hewa i ka wai.
DILLINGHAM & CO., (856 tf) (DILINAHAMA MA.)
KE HOOLAHAIA AKU NEI mai keia la aku ua weheia ka pili o Mr H. J. AGNEW me ka Hui o DILINAHAMA ma aole hoi he mana iaia no ke kakau ana i ka mae a ka Hui, a me ka lawelawe ana i kekahi hana e ae o ua Hui nei.
Honolulu, Maraki 20, 1878
R. F. DILLINGHAM,
S. N. CASTLE.
na Kahu Waiwai no C. E. Castle a me kona mau keiki no ole elua.--Na o W. R. Castle kona loio. 851 tf
S. B. DOLE,
HE LOIO A HE KOKUA me na KANAKA ma ke Kanawai. E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni.
Keena hana ma Alanui Papa, maluna ae o ka Halekuai o Likilini.
Honolulu, Oahu, Januari 19, 1876. 3 1y
MOKUAHI HOU NO KOOLAU, OAHU !
Ke hoike aku nei Makou i na Kanaka maoli o Koolau, Oahu, ke kapiliia nei ma Kapalakiko he
MOKUAHI HOU
No kakou. A ke manao nei makou, e kaapuni mea na Mokuahi la ia Koolau i kela a me keia malama, a e kuai aku ao makou ma ke Dala Kuike i 1,000 Ahui Maia i keia a me keia holo ana. Ma ka malama ae nei o Iulai e hiki mai ai ua Mokuaki la, a e hooholoia ma na holo moku la.
WILDER & CO. (WAILA MA.) 533 1m
CECIL BROWN.
LOIO A HE KOKUA MA KE KANAWAI
A HE AGENA no ka Hooiaio ana i na Palapala no ka Mokupuni o Oahu.
Helu 5, Alanui Kaahumanu. Honolulu H.P.A. ty
EIA KA NANI LA !
MA KA HALEKUAI MA HONOPUEO.
HEAHA WAHI A KAHI !
EIA na papale Waiokila wahine a me ko na kane a me kekaki mau ano papale e ae he nui wale ano hou. Na hainaka silika pulu lau gula, na hainaka na-u, na hainaka aku la, na hainaka oluolu a me na kaimaka ulaula pua nui nani a pea hoi. Na kihei huluhulu huihui ano hou loa. Na waiwai o kela a me keia ano, he nui wale a he emi loa ke kumukuai. E hele nui mai i ike pono. GOO KIM Ma.
Honopueo, Kohala, Hawaii, Apr. 18, 1878. 556 2ms
CASTLE A ME HATCH.
O KAKELA OPIO A ME F. M. HATCH, na hui laua ma ka lawlawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele liuna. A e lawelawe no hoi ma na hana pi i i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, ma Alanui Kalepa, Honolullu. 3 puka manae aku o Alanui Papa.
3 6ms
NA KAUKA
T. P. TISDALE A ME C. L. TISDALE.
HOMEOPATHISTS.
HALE OIHANA A ME KAHI NOHO AIA make alanui Beritania, mawaena o ka Luakini o Kaukeano a me ka pa hale o Kaleleona nui. E loaa no kekahi kaaka o mana ma ke keena oihana i a waa pau. O na poe a pau e makema ke ana la mana, e mikiala no mana me ke kaulua ole i ke ao a me ka po.
T. P. TISDALE.
Honolulu, Mar. 28, 1878. 858 tf
WAI! WAI!
O NA POE A PAU NO KA PIULA MAIO ka Oihana Wai o Honolulu, ko lakou pomaikai wai hooma-u mea kanu a wahi e ae paha, ke hoolahaia aku nei na hora e hoomau ai mai keia la aku a hiki i ka wa e hoolaha hou ia aku ai, oia keia, mai ka hora 8 o kakahiaka a hiki i ka 8 A. M. Wale no.
Ua kauohaia na Makai, e hoike mai i na poe kue i keia kauoha ; a o ka mea e loaa ana na kue i keia mau rula, e neie no ola i ka wai.
R. LISHMAN,
Luna o ka Oihana Wai.
Aponoia e J. Mott Smith, Kuhina Kalaiaina.
Keena Oihana Wai o Honolulu, Mar 21, 1878. 351 tf
E. STREHZ,
(AILUENE.)
MALAILA E LOAA AI NA ANO LAAU A pau ; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 1y)
NUHOU ! NUHOU
UA HOOKOHU pono mai na mea nona na inoa malalo, i mau agena oiaio no ka Hui Hana Kaa Cortland, o Cortland Nu Ioka. Eia hoi ma ko makou hui Keena, he papa kuhikuhi maopopo o kaa ukana, kaa holoholo leale a pela aku, i hiki ke wae a ke makemake, a he haahaa loa no hoi ke kumukuai a ua mahalo nuiia keia mau ano kaa a pau no ka mikioi, ka nani a me ka paa maoli no o ka hanaia ana. He agena no hoi ko ua Hui nei ma Canada, ma Wale Hema Hou a ma kekahi mau aina e ae no hoi kahi, i lawe nuiia aku ai ua mau kaa nei a ke ano waiwai kalepa.
E hiki no ia oukou e na makamaka ke hele mai na ko makou halekuai, e ike i na papa kuhikuhi a me ka makou mau kamakuai no ua mau kaa nei, e waiho mai i na kauoha ia makou me ka hoomaka@ pu hoi i ka oukou mau okenia iloko o na mahina ekolu wale no mai ka la aku e loaa mai ai o ka oukou mau kauoha, e loaa no na mea ano kaa nani la ia oukou.
DILINAHAMA MA.
Helu 95 & 97, Alanui Moi, Honolulu, Oahu. 853 tf
MOOLELO O KE KAU AHAOLELO O 1878.
LA HANA 26, JUNE, 3, 1878.
NA PALAPALA HOOPII.
Heluhelu mai ka Hoa. Palohau ekolu palapala hoopii no Hanalei a me Anehola. I E hookaawaieia o Anahola a me Kapaa i apana hookolokolo okoa ; haawiia i ke komite hookolokolo.
2 E hookaawaleia o Hanakapiai i wahi e noho ai no na mai lepela o lakou, na lakou no e kukulu i na hale, a e malama ; hawiia i ke komite malama ola.
3 He palapala hoopii na kekahi poe mai lepela he 14 inoa. E noi mai ana, e haawiia i uku no J. Kahui, ka mea nana i lapaau ia lakou ; haawiia i ke komite malama ola.
Heluhelu mai o Hon. Halstead he palapala hoopii no Makawao, e hoopau i ka pauku 1 mokuna 44 o na kanawai o 1876.
Noi mai ka Hon. Halstead e waiho ma ka papa, a hiki i kawa ana e lawe mai ai ia Bila Kanawai ; hooholoia.
Heluhelu mai o Hon. Kealawaa he palapala hoopii no Koolaupoko, e hoohanaia na paahana ma na mahiko mai ka hora 7 a. m. a hiki i ka hora 5 p. m. haawiia i ke komite o na hana hou.
NA OLELO HOOHOLO ME NA BILA.
Heluhelu mai ka Hon. Keau he olelo hooholo, e kauohaia ka Papa Hoonaauao. E hoike mai i ka nui o na kula haole e kokua ia nei e ke aupuni.
Ma ke noi a ka Hon. Smith ; ua haawiia ka olelo hooholo i ke komite hoonaauao.
Heluhelu mai o Hon. Keau, no ka manawa mua he Bila Kanawai. E auhau ana i na Bibi, a me na Hipa ; haawiia i ke komite hooponopono Bila Kanawai, a waihoia malalo o na rula no ka heluhelu elua.
Heluhelu mai o Hon. Smith he olelo hooholo na keia hale e koho i komite, e hele e ninau aku i ka Luna Dute nui, ina ke lawe ia mai nei ka aila mahu ino iloko o keia aupuni ; hooholoia.
Eia na lala o ke komite, na Hons. Smith, Pilipo Moanauli, Kuhina Kalaiaina, a me Kauai. Ma ke noi a Hon. Smith, na haawiia i umi la a ke komite e hana'i, a hoike mai imua o ka hale.
Hoolaha mai o Hon. Kealawa i kona manao, e lawe mai ana oia he Bila Kanawai, e hoopau ai i ka mokuna 14, o na kanawai o 1874.
Hoolaha mai o Hon. Keau, i kona manao. E lawe mai ana oia he Bila Kanawai, e laikini ai i na halekuai puaa o Honolulu nei.
Hoolaha mai ka Hon. Malo i kona manae, e lawe mai, ana oia he Bila Kanawai. E hoomana ai i ke Kuhina Kalaiaina e koho i kekahi kanaka, e nana i ka aila mahu e komo mai ana iloko o keia aupuni.
Ma ke noi, ua kapaeia na rula. Heluhelu mai o Hon. Malo no ka manawa mua, he Bila Kanawai. E hoomana ai i ke Kuhina Kalaiaina, e koho i kekahi kanaka, e nana i ka aila mahu e komo mau ana iloko o keia aupuni.
Ma ke noi a ka Hon. Aholo ua kapae ia na rula, a ua haawi ia ka bila i ke komite wae i waiho ia aku ai ka olello hooholo a ka Luna Helu 1, o Wailuku.
Hoolaha mai o Hon. Palohau i kona manae, e lawe mai ana oia he bila kanawai, e hoololi oi i ka pauku 1 me ka 2, mok. 53, o na kanawai hoopai karaima. Ma ke noi, ua kapae ia na rula.
Heluhelu mai oia no ka manawa mua he bila kanawai, e hoololi ai i ka pauku 1 me ka 2 o ka mok. 35, o na kanawai hoopai karaima ; haawi ia ike komite hooponopono bila kanawai, a waiho ia malalo o na rula no ka heluhelu elua.
Ma ke noi a Hon. Kamika, ua hapai ia na hana o ka la.
NA HANA O KA LA.
Heluhelu elua ana o ka bila kanawai, e kauoha ana i na Kuhina e hele kaapuni i na mokupuni, i elua manawa o ka makahiki.
Ninau mai ka Hon. Aholo, mai hea mai e uku ia'i na lilo o ko lakou hele ana.
Pane mai ka Hon. Kamika, mai loko mai no o na lilo i hookaawale ia, e like me na lilo o ka hele ana o na Lunakanawai Kiekie i na aha kaapuni.
Mahope o ka hoopaapaa ana ; ua hoopanee loa ia ka bila.
Heluhelu elua ana o ka bila kanawai, e hoololi ai i ka auhau alanui ma ka hana lima, a e uku ia ma ke dala wale no.
Ma ke noi a Hon. Kakela ; ua haawi ia ka bila i ke komite waiwai.
Heluhelu elua ana i ka bila kanawai, e hoololi ai i ka pauku 12, o ka mok. 86, o na kanawai hoopai karaima.
Ma ke noi a Hon. Bekekona ; ua haawi ia ka bila i ke komite hookolokolo.
Hora 12 a. m. hoomaha ka hale. Hora 1 p. m. noho hou ka hale.
Heluhelu elua ana o ka bila kanawai, e kau ai i kekahi dute maluna o ka waiwai o ka poe make.
Ma ke noi a Hon. Kipikona ; ua haawi ia ka bila no ka, heluhelu elua ana o ka bila kanawai, e hoololi ai i ka mok. 54 o na kanawai o ka 1876, e pili ana i ke kuai a me ka hoolimalima i na aina aupuni ma ke kudala.
Ma ke noi a ke Kuhina Kalaiaina, ua haawiia ka bila noke kakau poepoe, a e heluhelu ekolu ia ma ka Puakahi Iune 10.
Heluhelu elua ana i ka bila kanawai e hoopau ai i ka pauku 2 mokuna 53, o na kanawai hoopai karaima .
Ma ke noi a Hon. Kamika, ua haawi ia ka bila i ke komite hookolokolo.
Heluhelu elua ana o ka bila kanawai, e ae ai i na halekuai liilii i ka rama, e haawi i na kanaka a pau.
Noi o Hon. Keau, e kakau poepoe ia ka bila. Noi o Hon. Kamika, e hoopanee loa i ka bila. Noi o Hon. Kanealii, e kakauia na ae a me na hoole ; hooholoia.
Mahope o ka ninau ana, ua hoopanee loa ia ka bila. Eia ka poe ma ka ae e hoopanee, na Hons. Aholo, Kipikona, Kamika, Kanealii, Halstead, Nawabi, Maheoe, Kamauoha, Pilipo, Kealawaa, A. Kaukau, Kauai, Kupihea, hui me 7 alii he 20 ka huina. Poe ma ka hoole, na Hons. Malo, Keau, Paniani, Moanaulli, Kupau, Kaoliko, J. A. Kaukau, Palohau, hui me 2 alii he 10 ka nui.
Heluhelu elua ana o ka bila kanawai e hoopau ai i na pauku 1-6 o ka mokuna 57 o na kanawai hoopai karaima.
Ma ke noi a Hon. Kanealii, ua haawiia ka bila no ke kakau poepoe, a e heluhelu ekolu ia ma ka Poakahi Iune 10.
Heluhelu elua ana i ka bila kanawai e pili ana i ka mana kaulike o ka Aha Kiekie a me na Aha Kaapuni.
Noi mai ka Hon. Aholo, e haawiia keia bila i ke komite o ka Hale i keia la ; hooholoia. Ke lii Kipi ka luna hoomalu o ke komite.
Heluheluia ka bila a heluhelu pakahi ia na pauku. Mahope o ka hoopauia ana o ke komite, na hooholo loa ia ka bila.
Ma ke noi a Hon. Nawahi, ua aponoia ka koike a ke komite a e heluhelu ekolu ia ma ka Poakahi.
Ma ke noi a ke lii Kaai, ua kapaeia na rula.
Heluhelu waha mai ke lii Kaai he olelo hooholo, e unuhiia a e pai ia ka hoike a ke komite nana e huli nei i na buke o na Keena Oihana.
Hoololi mai ka Hon. Aholo, e hoike mai i ka Poakahi Iune 10.
Mahope o ka ninau ana, ua hooholoia ka olelo hooholo me ka hoololi.
Ma ke noi a Hon. Kamika, na hoopanee ka halawai a noho hou i ka la apopo hora 10 kakahiaka.
LA HANA 27, JUNE 4, 1878.
NA PALAPALA HOOPII.
Heluhelu mai o Hon. Bickerton he palapala hoopii, no Hamakua Hawaii. E hookaawaleia i $5000, iloko o ka Bila Haawina o keia mau makahiki alua, no na alanui a me na alahaka oia apana.
Ma ke noi a Hon. Aholo. Ua waihoia ka palapala hoopii ma ka papa, a noonoo puia me ka Bila Haawina.
Heluhelu mai ka Hon. Smith he palapala hoopii na kekahi pake o Andrew, Sing See ka inoa. E hoopii mai ana i ka Hale Ahaolelo no ka hana ino ia o na pake ma Olowalu, Maui, a ua make elua pake.
Noi mai ka Hon. Aholo, e kapae ia na rula o ka heluhelu ana i na palapala hoopii ; hooholoia. Ma ke noi ua kapaeia na rula.
Heluhelu mai o Hon. Smith he olelo hooholo. E haawiia ka palapala hoopii a Andrew, Sing See, a e waihoia'ku i ka papa hoopae lima hana, a na ia papa e noonoo a waiho mai imua o keia hale iloko o na la he 10 ; hooholoia.
Heluhelu mai ka Hon. Keau he palapala hoopii no Honolulu. E hookuuia na mai lepela a pau ; haawiia i ke komite malama ola.
Heluhelu mai o Hon. Kanealii he palapala hoopii no Koolaupoko. Aole e biki i na haku hana o na mahiko ke kuai aku i na paahana i ko lakou wa e kuai aku ai i ka mahiko ia hai, me he waiwai kuai maoli la ; haawiia i ke komite hookolokolo.
Heluhelu mai o Hon. Kapahu he palapala hoopii no Kau. E nana ia ko lakou mau alanui i pani ia e na mahiko ; haawiia i ke komite o na hana hou.
Heluhelu mai o Hon. Kupau he palapala hoopii no Koolauloa. E hoopaa ia na lihi alanui aupuni me ka pa ; haawiia i ke komite o na hana hou.
NA HOIKE O NA KOMITE.
Heluhelu mai ka Luna Hoomalu o ke komite hooponopono Bila Kanawai, i na Bila i hooponopono ia.
1 He Bila Kanawai. E papa ana, aole e hoihoi ia na keiki a na pake i hanau me na wahine Hawaii i Kina.
2 He Bila Kanawai e hoololi ai i ka mokuna 32, o ke Kanawai Kivila.
3 He Bila kanawai ; e hoololi ai i ka pauku 1010, o ke Kanawai Kivila.
4 He Bila Kanawai, e hoololi ai i ka pauku 25, o ke kanawai. E hoopau ai i ka mokuna 10, o ke Kanawai Kivila.
5 He Bila Kanawai, e hooponopono ai i ka nui o na kane a me na wahine iloko o keia aupuni.
6 He Bila e hoololi ai i ka pauku 1028, o ke Kanawai Kivila.
7 He Bila Kanawai, e hoololi ai i ka pauku 487, a e hoopau ai i ka pauku 488, a me 489 o ke Kanawai Kivila.
Heluhelu mai ka Luna Hoomalu o ke komite 13, i ka lakou hoike e pili ana i na mai lepera ma Kalawao, ma ka olelo haole, a na ka Hon. Halstead i heluhelu mai ma ka olelo hawaii.
Waiho mai ka Luna Hoomalu o ke komite 13, i ka nui o na lilo a pau e pili ana i na hana a ka huakai a ke komite, oia hoi he $614.90.
Noi mai ke Kuhina Kalaiaina, e lawe mai ka hale i ka hoike a ke komite a me na hoike a kekahi poe mai ; a e haawiia aku no ke pai ; hooholoia.
Ma ke noi a Hon. Bikekona, ua aponoia na lilo o ka huakai a ke komite 13.
Hora 12. Hoomaha ka hale, hora 2 p.m. noho hou ka hale.
NA OLELO HOOHOLO ME NA BILA.
Hoolaha mai ka Hon. Bikekona i kona manao, e lawe mai ana oia he Bila Kanawai. E hoololi ai i ka pauku 359, o ke Kanawai Kivila. Ma ke noi, ua kapae ia na rula.
Heluhelu mai ka Hon. Bikekona no ka manawa mua he Bila Kanawai. E hoololi ai i ka pauku 350, o ke kanawai kivila ; haawaiia i ke komite hooponopono Bila Kanawai, a waihoia malalo o na rula no ka heluhelu elua.
Hoolaha mai ka Hon. Moanauli i kona manao, e lawe mai ana oia he Bila Kanawai. E hoololi ai i ka pauku 1. mokukua 41, o na kanawai hoopai karaima. Ma ke noi ua kapae ia na rula.
Heluhelu mai ka Hon. Moanauli no ka manawa mua he Bila Kanawai. E hoololi ai i ka pauku 1. mokuna 41, o na kanawai hoopai karaima ; haawiia i ke komite hooponopono Bila Kanawai, a waiho ia malalo o na rula no ka heluhelu elua ana.
Heluhelu mai o Hon. Kanealii no ka manawa mua he bila kanawai, hoololi ai i ka pauku 1419 o ke Kanawai Kivila ; haawi ia i ke komite hooponopono bila kanawai a waiho ia malalo o na rula no ka heluhelu elua.
Hoolaha mai ka Hon. Palehau i kona manao, e lawe mai ana oia he bila kanawai, e hoololi ai ka pauku 1 mok. 62, o na kanawai hoopai karaima. Ma ke noi, ua kapae ia na rula.
Heluhelu mai oia no ka manawa mua he bila kanawai, hoololi ai i ka pauku 1, mok. 62 o na kanawai hoopai karaima. Ma ke noi a ka Hon. Aholo, ua kapae ia na rula, a heluhelu elua ia ka bila ma kona poo ; a haawi ia ka bila i ke komite malama ola.
Heluhelu mai no oia he olelo hooholo, e hookaawale ia na Poakahi, na Poakolu, na Poalima a pau ma keia hope aku i manawa e noonoo ia'i ka bila haawina e hoomaka ana ma ka Poakahi Iune 10 ; hooholo ia.
Noi mai ka Hon. Kamika, ke'Lii Kuihelani, ka Hon. aholo, e hookuu ia lakou no kekahi mau la, ua ae ia e hele.
Heluhelu mai ka Hon. Kauai no ka manawa mua he bila kanawai, e hoomana ana i na haku hana e malama i na auhau pilikino o ka poe paahana malalo o lakou ; haawi ia i ke komite hooponopono bila kanawai, a waiho ia malalo o na rula no ka heluhelu elua.
Heluhelu mai ka Hon. Palohau, he olelo hooholo, e koho i komite kuwaho i ekolu komite, ekolu lala o ke komite, e huli i ka nui o na dala e pili ana i ka oihana wai, iloko o na la eono, e kapa ia ua komite la, he komite nowelo wai e uku ia na lilo no loko mai o na lilo i hookawale ia no keia kau ahaolelo.
Hoololi mai ka Hon. Kapahu, e koho ia no ke komite mawaena o na hoa o keia hale; hooholo ia ka olelo hooholo me ka hoololi.
Heluhelu mai ka Hon. Kamika he olelo hooholo, e koho ia i komite wae e hele e nana pono i na paipu wai o Honolulu nei, a e imi pu aku i ka poe akamai i ka hoomoe ana i na paipu wai, a waiho mai i ka lakou hoike iloko o na la he 14. Ma ke noi a ka Hon. Nawahi, ua hoopanee loa ia ka olelo hooholo.
Kamailio mai ka Lunahoomalu o ke komite wae i koho ia no ka imi ana i ke ola o ka lehulehu, ua kokoke e pau na la ne 20, aole hoi i pau na hana a ia komite, nolaila. e haawi hou ia i 10 la i koe hoholo ia. Ma ke noi a Hon. Bekekona, ua hapai ia na hana o ka la.
NA HANA O KA LA.
Ma ke noi, ua kapae ia na rula, heluhelu m ai o Hon. Kupihea he olelo hooholo, e hookaawale ia iloko o ka bila haawina o keia mau makahiki elua, i $1,000. no kekahi mau awa o Molokai, no ke awa o Kamalo, Honomuni, a me Paualu.
Ma ke noi a Hon. Bekekona ; ua haawi ia ka olelo hooholo i ke komite'o na hana hou.
Heluhelu elua ana i ka bila kanawai, e laikini ai i na hui hoopaa ola, pau uhi, @.
Ma ke noi a Hon. Kamika ; ua haawi ia ka bila i ke komite waiwai.
Heluhelu elua ana i ka bila kanawai, e hoololi ai i ka pauku 573, o ke Kanawai Kivila.
Ma ke noi a ka Hon. Kamika ; haawi ia ka bila no ke kakau poepoe, a heluhelu ekolu ia ma ka Poakahi Iune 10.
Heluhelu elua ana o ka bila kanawai, e hoonoho ai i hookahi kanaka kupono ma kela, a ma keia apana e hooponopono ai no ka manawa hana, a me ka aie o ka poe paahana.
Ma ke noi a Hon. Bekekona ; ua haawi ia ke bila i ke komite hookolokolo.
Heluhelu elua o ka bila kanawai, e hoololi ai i ka pauku 3, me ka 4, o na kanawai o 1870, e hookuu akea ana i ka awa.
Ma ke noi a Hon. Kaanaana ; ua haawi ia no ke kakau poepoe, a e heluhelu ekolu ia ma ka Poakahi Iune 10.
Heluhelu elua ana o ka bila kanawai, e hoopau ai i na pauku 118, 119, a me 120, o ke Kanawai Kivila, a me ka hoololi i apono ia ma ka la 22, o Iune 1868.
Hoakaka mai ka mea nana ka bila i ke kumu o kona lawe ana mai i keia bila.
Kokua mai ka Luna o Puna i ka bila, aka, ma ka hoakaka ana nae ma ka aoao kue i ka bila, hemea hou ia.
Ma ke noi a Mohoe ; hoopanee loa ia ka bila. Ma ke noi a Hon. J. A. Kaukau. Ua hoopanee ka hale a noho hou i ka la apopo, hora 10 a. m.
HOIKE KULA.--E hoike ana ke kula hanai o Kawaiahao i ka Poakolu la 12 o Iune, ma ka Luakini o Kawaiahao. E hoomaka ana na hana i ka hora 10 a. m.
--Ma ka la 17 e hoike ai ke kula Misiona ma ka hale kula ma Manamana. A ma ia la no e hoike ai ke kula hanai o Haleiwa ma Waialoa.
--Ma kekahi kolamu e ike ai na makamaka i ka hoolaha no ka hoike o na kula aupuni o keia apana.
HOOLAHA KULA SABATI.
E halawai ana ka Aha Kula Sabati o ka Paeaina Hawaii i ka Poakolu, la 12 o lune, i ka hora 1 p. m., ma Kawaiahao. E makaala mai na lala mau a me na elele.
MA KE KAUOHA.
NU HOU KULOKO.
Ua loaa mai ia makou kau kauoha e M. Kealakaa o Lanai, a ua hookoia aku kou makemake.
O kau e Mose Kanalu o Laupahoehoe, Hilo, Hawaii, na loaa mai nei ia makou a ua hookoia aku kou make make.
Ua holopono na hana o ka fair a ka Moiwahine ma ka po Poaono o ka pule i hale. Ua lono mai makou he $2,000 a oi aku na loaa.
HOOPOLOLEI.--O na kokua i haawiia mai e ka Ekalesia o Lihue Kauai, no ka luakioni hou o Kauahaao, Waiohinu, Kau, Hawaii, he $32 60 aole he $25 elike me ka mea i puka aku i ka pule i hala.
NO MAIKONISIA.--Ma ka la 10 okeia mahina e haalele mai ai ka moku Misionari Hoku Ao, ia Honolulu nei no ka Paeaina o Maikonisia, malalo o kona Kapena hon I. Bray. Ma ka hora ekolu p. m. o ia la e malama ia ai he anaina haipule maluna o ka moku mamua ae o ka holo ana.
ILI A NAHAHA.--Ua hiki mainei ka lono no ka ili ana a nahaha o ka moku kuna hou o Reed a me Sisson, ma Konokaa, Hamakua Hawaii, a he nui na waiwai o kekahi poe i poho maluna ona. Ua laki loa nae aohe ola i poino.
Ma ke kakahiaka Poalua nei, ua hooleleia ke kii o ka Banako hou o Bihopa ma, e ka haole pai kii oia o Keiki. Aole no hoi e oele ekula ka hulali o ke kii o ua hale 'la elike no me kona hiona.
Ma ke kakahiaka Poaono o ka pule i hala, ua holo aku ka Moi iluna o ka mokukaua Geremania Leipzig, a ua haawiia mai na kipu aloha ana laia. Ua hoohala Oia i kekahi mau hora maluna o ua mokukaua 'la, a huli hoi maila i ka honua nei.
He nui ka maloo ma Waimea Kauai no ka haule wahi paka ua ole malaila no ka makahiki a keu. Ma kekahi mau kula, ua neoneo loa na bipi, a ma kekahi mau kula hoi, ke make mau nei na holoholona. O ke kiekie keia o ka maloo i ike ia ma ia hapa o ka Aina.
Ma ka la 29 o ka malama i hala aku nei, ua ku mai ka moku kuna Storm Bird Kapena Jackson ma ko kakou nei awa, me na kanaka he 85 o na aina moana malalo aku nei o kakou i laweia mai nei i mau limahana. He 62 na kane a he 23 mau wahine a he poe kino ola maikai lakou a pau.
Ma ke ahiahi Sabati aku nei i hala ua haalele maila ka mokukaua Geremania Leipzig i ko kakou nei awa, a holo akula ma kona alamoana e hiki aku ai i lapana.
Ua loaa mai ka lono ia makou, ua haule koikoi iho na paka ua ma Hamakua i Hawaii, a pela no hoi ma kekahi mau kua aku nei o kakou. O ke akenui io no ia o keia mau la makapehu ua, o ko lakou iho makawalu mai e homa-u i ka ili honua panoa, a i hiki hoi a holopono ko kakou mau hana mahi ai.
NA IA KU.--Eia ma Waimea, Oahu, he nui loa na ia ku 1 ke Akule, 2 Weke, 3 Nehu, o ke kiekie aku nae o ka nui loa, oia ka Nuha, a ke lohe wale ia mai nei aia ma Kaiaka ke kahi he kupanaha aole mai mua mai akahi wale no, ke hoohikihiki nei na kaa lio, ku ke ahua hana ka haawe,
J. M. SIRITA.
HOOPANEE.--Ke hai houia aku nei, ua hoopaneeia ka huakai kaapuni ohi dala a ka elele. S. H. Haaheo no ka mokupuni o Hawaii no ko kakou Kilohana, a ma ka mokuahi o ka Poalua June 25.
I KEIA ahiahi Poaono e weheia ai ka Aha Mele Nui e ka Poali Prince's Own maloko o ka luakini o Kaumakapili, a o na pomaikai a pau no ka luakini hou oia ekalesia. Nolaila e ala e na makamaka, e hele i ike maka i na houhene a ia poe, a haawi hoi i ko oukou mau kokua no na hana maikai.
MAKE MA KE ALANUI.--Ma ka lokomaikai o ka Ilamuku oa ike iho makou maloko o na palapala mai Waianae mai, ua loaa ke kino make o kekahi wahine ma kahakai o Mailiili, Lualualei. Ua manaoia mai Ewa ae kona hele ana, a loaa i ka ulia poino ma ke ala kahi i make ai : Ua ike ia ka inoa Kamahine i kakauia me ka inika me kona lima hema.
NA HAIOLELO.--E haawi ana o Rev. Koana i ka haiolelo makahiki a ka Papa Hawaii no na oihana kuwaho, ma Kaumakapili, i ka po Sabati, June 9. A o rev. S. C. Luhiau no na oihaua kuloko, ma Kawaiahao, i ka po Sabati June 16. E lulu dala ana ke anaina mahope o ia mau haiolelo, a ke kono ia aku nei na mea a pau e hele ae me ka makaukau.
HE MAHALO PIHA.--Ano ke hoike aku nei au i ko'u mahalo piha, no na hookipa aloha oiaio ana i pahola ia mai imua o'u, o na luna nupepa, na kahu Ekalesia na hoa'loha a me na makamaka e ae o na Hono o Piilani, oiai ke kamahele ma ka huakai hele kaapuni ohi dala no ko kakou "Kilohana" ma na moku la o Kama. He malihini loa ko oukou kamahele ma ka hapa nui oia mokupuni, aka, ua loaa nae na makamaka oiaio a lehulehu wale, a ua aie nui au i ko lakou lokomaikai. A ke haawi pu aku nei hoi au i ka mahalo, no ka Hon. S. G. Waila, oiai na kona lokomaikai i makana wale mai no'u i kekahi keena hope o kona moku nani, mamuli o ka hana a'u i hele ai e hooko. Owau no o ka oukou kauwe haahaa. S. H. Haaheo.