Ka Nupepa Kuokoa, Volume XVII, Number 24, 15 June 1878 — Page 1
| This text was transcribed by: | Diane Poche |
| This work is dedicated to: | Langues Tirees Translation |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XVII. HELU 24.} POAONO, IUNE 15, 1878. {NA HELU A PAU 863.
KA NUPEPA
Kuokoa me ke Au Okoa
I HUIIA.
NA OLELO HOOLAHA :---O na Olelo Hoolaha he 10 laina kakau lima, he Hookahi Dala no ka puka mua ana: elua puka ana, he $1.50 ; no hookahi mahina, he $2.00.
NA KANIKAU A ME NA MELE:---He 4 Keneta ka uku no ka ialani hookahi, ua like me $1.00 no 25 lalani.
HOOLAHA MAU :---E hoomamao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.
E hoomanao e na lehulehu, aole e hoopukaia kekahi Olelo Hoolaha, Kanikau a me ke Mele, ke ole e hookaa mua ia mai ka uku.
KA
NANEA EEHIA
O KA HIWAHIWA OPIO
BABELA
KA MAMO MAKAHIAPO O NA
PUHAKA ALII NANI
ABEONA A ME MARIADANE,
KA WIWO LUA OLE NANA I KAILI
HAAHEO KA HULU MAMO GULE LELOLELO
MAKAMAE O KA IU O
GOMOHERA:
---KA---
OPUU ROSELANI OPIO I AHAI MAKAHEHI
IA MALUNA O NA KUAHIWI, MAWAENA
O NA AWAWA, MALALO O NA LAU
LAAU, A HOEA I NA WAOAKUA,
EKE KUPUA O KA WAO
ALINOE-LUSIANA:
O KE KUKULU HIKINA LOA
O KA ILIHONUA NEI.
MOKUNA 1---HELU 8.
E HOOMANAO kakou e na makamaka, ke hele nei o Babela ma, ma ka huakai imi i ka mea ona i hoouna ia ai e imi, a oiai ma ia huakai, ua halawai mau lakou me na hookui ia mai, aka, ua pale wale ia ae no ia mau hookui a pau, no ka mae, ua lakou me ka ikaika a me ka makaukau, a me ka mana nui o ka luahine kupua, ka mea hoi e ukali nei ia Babela ma kana mau huakai a pau.
He mau la mahope iho o ko lakou nei haalele ana iho i ka aina hope loa a lakou nei i kipa aku ai, ui pae aku la lakou nei maluna o kekahi wahi mokupuni uuku palahalaha. haule aku la lakou a moe iho la maluna o ka neone no ke ano maluhiluhi, oiai ko lakou moku e lana malie ana malalo o ka lulu o na pali. Ia lakou e nanea ana, ua hoopuiwa ia ae la lakou me ke kahaha nui i ka haule makawalu ana iho o kekahi mau ano pua pana ooi, e houhou ana i ko lakou mau ili me ka welenia. Puoho ae la kela a me keia a alawa ae la iluna, kahi hoi a keia mea hoeha ili i helelei mai ai, a ike ae la lakou i ka paapu o ka lewa maluna pono o lakou me kekahi ano manu kupaianaha, e hoohelelei mai ana i ko lakou mau hulu pana ooi maluna o lakou. Nui ko lakou eha no keia mea, a ua hiki ole ke pale ae i ka pilikia, a oiai lakou e holo ana ma o a maanei, e imi ana i wahi e nalo ai, ua komo hou mai la ka mana o ka luahine iloko o Babela, a kauoha iho la iaia e hele aku a ninau i ke kii mamua o ka ihu o ka moku. Me ka hauoli nui o Babela i holo aku ai a ninau aku la i ke kii.
"E ke kaikamahine nani a kilakila, ua oi aku ko makou makemake nui i kau mau kuhikuhi ana i keia manawa manmua ae o na manawa a pau mamua aku nei. Ua aneane makou e loohia ia e kekahi pilikia nui, mamuli o ka hooleilei ana mai a kekahi auna manu nui wale i na hulu oi maluna o makou, a ua aneane puni ko makou mau kino me na palapu o ke ehaeha. e hai mai kou aloha a me kou lokomaikai, pehea la makou e pale ae ai i keia pilikia?"
"E Babela ke alii e hiki mai ana!" wahi a ua kii nei, "E hele aku a malalo pono ae o lakou, a e kauoha aku ia lakou me ka oniu pu ana ae i kau pahikaua," "E nalo mai ka lewa aku malalo o ke kauoha a ka La."
Piha loa ae la keia me ka hauoli, a holo aku la a lalau iho la i kana pahikaua a oniu ae la me ka pane ana ae :
"Malalo o ke kauoha a ka La uani, ano a no ka manawa pau ole, e nalo oukou mai ka lewa aku!"
Ia manawa, lele kulou poo aku la kela a me keia manu a nalo aku la malalo o ka ilikai aleale hohonu o ka moana.
E hoomanao hou ae kakou e na makamaka maanei, o ka mana lua oie o kahi luahine, oia no keia.
Mahope iho o keia lanakila kamahao hou ana o Babela, he mau la wale no kai hala ae, aiai lakou e nanea ana ma ka ilikai o ua wahi mokupuni nei, ua ike aku la lakou i kekahi wahi moku uuku iki e hooiho mai ana io lakou nei, a i ka hoea ana mai, ike aku la lakou, he elua wale no mau kanaka o luna, a he mau keiki alii ui loa. He mau alii opio laua i hele huli mai no keia mea hookahi a lakou nei e h@ a no ka nui o na pilikia i hookui mai ia laua, ua haule pu a nalo ko laua mau manaolana, a piha laua me ka makau a me ka weliweli nui, hoi hope mai la, me ka manao e hoi aku i ko laua home.
(Aole i pau.)
HOOLELO O KE KAU
Ahaolelo o 1878.
LA HANA 28, Iune 5, 1878.
NA HOIKE O NA KOMITE.
Noi mai ka Hon. Kapahu ka Lunahoomalu o ke komite wae, i haawi ia'i ka bila, e hoemi ai i ka @hau lio ; e haawi hou aku i manawa hou, hooholo ia.
NA OLELO HOOHOLO ME NA BILA.
Heluhelu mai o Hon. J. A. Kaukau he olelo hooholo, e hookemo ia ma ka bila haawina o keia mau makahiki elua i $ 1,000. no ke alanui pali o Honolua, Konokohau, a a me Kahakuloa.
Noi mai no oia e waiho ia ma ka papa a noonoo pu me ka bila haawina.
Heluhelu mai o Hon. Moanauli, Jr. no ka manawa mua he bila kanawai e hooponopono ai i ka noho ana o na mai lepera ma Kalawao, Waikolu, Molokai, a me na wahi e ae ; haawi ia i ke komite hooponopono bila kanawai, a waiho ia malalo o na rula no ka heluhelu elua.
Heluhelu mai o Hon. Kanealii, he olelo hooholo e hookaawale ia ma ka bila haawina o keia kau i $5,000. no ka uwapo, a me ka hoe o Kahului.
Noi mai no oia e waiho ia ma ka papa a noonoo pu me ka bila haawina.
Hoolaha mai o Hon. Palohau he mau bila.
1 E pili ana i ka oihana wai o Honolulu nei. 2 He bila kanawai e hoololi ai i ka pauku 498, o ke Hanawai Kivila. 3 Bila e hoololi ai i ka pauku 1, mok. 27, o na kanawai o ka M. H. 1876. 4 He bila e hoololi ai i ka pauku 1, o ka mok. 55, o na kanawai o 1876.
Heluhelu mai o Hon. Kealawaa no ka manawa mua he bila kanawai e hoopau ai i ka mok. 14, o na kanawai 1874 ; haawi ia i ke komite hooponopono bila kanawai, a waiho ia malalo o na rula.
Hoolaha mai no oia i kona manao, e lawe mai ana oia he bila kanawai e pili ana i ka noho manuahi ana.
Hoolaha mai ka Hon. Kapahu i kona manao, e lawe mai ana oia he hoololi i ka mahele 2 o ka rula 38, o ka hale. Ma ke noi ua kapae ia na rula.
Heluhelu mai oia no ka manawa mua, he hoololi i ka mahele 2 o ka rula 38 o ka hale, mahope o ka noonoo ana ; ua hooholo ia ka hoololi o ka rula 38, o ka hale.
Heluhelu mai o Hon. Palohau he olelo hooholo, e kauoha ia ka makai o ka hale, e hoolako mai i mau mea ai no ka paina @ a na hoa o keia hale i kela a me keia la, e hoomaka ana mai keia la aku ; hoole ia.
Hoolaha mai o Hon. Kanealii i kona manao, e lawe mai ana oia he mau bila. 1 he bila e hoololi ai i na pauku 527, a me 530, o ke Kanawai Kivila. 2 Bila e hoololi ai i na pauku 1424 a me 1477 o ke Kanawai Kivila.
Heluhelu mai o Hon. Kaoliko he olelo hooholo, e koho ia i komite, i 3 lala oia komite e hui pu aku me ke komite nowelo wai, hoopanee loa ia.
Heluhelu mai o Hon. Kapehu he olelo hooholo, e kauoha ia ka Loio Kuhina e hoolaha aku ma ka nupepa haole a me ka Hawaii i keia mau ninau elua.
1 Aole anei he mana o na Lunakanawai apana, e haawi i ka bela no na hihia haalele hana?
2 He mana anei ko na haku hana e keakea i ka lawe ia ana o ka lakou mau kauwa i hoopai paahao ia, e hana ma kahi a ka hope makai nui i manao ai?
Mahope o ka noonoo ana, ua hooholoia ka olelo hooholo. Ma ke noi a Hon. palohau, ua hapaiia na hana o ka la.
NA HANA O KA LA.
Heluhelu alua ana i ka Bila Kanawai, e hoololi ai i ke kanawai. E hoopau ai i ka mokuna 10, o ke kanawai kivila, a e hooponopono ai i ka oihana ao palapala o ke aupuni. Ma ke noi a Hon. Bikekona, ua haawiia ka Bila i ke komite hoonaauao.
Heluhelu alua ana i ka Bila, e hoololi ai i ka kanawai. 198, o ke kanawai kivila. Ma ke noi a Hon. Kakela, ua haawiia ka Bila i ke komite kalepa
Heluhelu alua ana i ka Bila Kanawai. E papa ana i na pake, aole e hoihoi i na keiki a lakou i hanau me na wahine Hawaii i Kina. Ma ke noi a ke'Lii Kaai ; ua hoopanee loa ia ka Bila. hora 12, hoomaha ka hale.
Heluhelu alua ana i ka Bila Kanawai. E hoololi ai i ka pauku 1010, o ke kanawai kivila. Ma ke noi a ka Hon. Keau, ua haawiia ka Bila no ke kakau poepoe, a e heluhelu ekoluia ma ka Poakolu Iune 12.
Heluhelu alua ana i ka Bila Kanawai. E hoololi ai i ka pauku 25, o ke kanawai e hoopau ai i ka mokuna 10 o ke kanawai i aponoia ma ka la, 10, o Januari 1865. Ma ke noi a ke'Lii Ake, ua haawiia ka Bila i ke komite hoonaauao.
Heluhelu alua ana i ka Bila Kanawai, e hoololi ai i ka pauku a 87, a e hoopau ai i ka pauku 488, o ke kanawai i aponoia ma ka la 23, o Iulai, 1874, a me ka pauku 489, o ke kanawai kivila.
Ma ke noi a Hon. Castle, ua haawiia ka Bila i ke komite waiwai. Ma ke noi a ka Hon. Castle, ua kapaeia na rula.
Noi mai ka Hon. Castle, e haawiia ka hoike e pili ana i na kai lawaia i ke komite hookolokolo ; hooholoia. Ma noi a ke'Lii Ake, ua hoopanee ka halawai a noho hou i ka la apopo hora 10 a. m.
LA HANA 29, June, 6, 1878.
NA PALAPALA HOOPII.
Heluhelu mai ka Hon. Kupau ekolu mau palapala hoopii no Koolauloa mai, 1 E hoemiia ka auhau o ka poe mea keiki ole i hookahi dala ; haawiia i ke komite waiwai. 2 E kuai akea ia ka awa ; Haawiia i ke komite kalepa. 3 E ae ia na kuahiwi o na aina konohiki e hoolimalima me na kanaka i hookahi dala o ka makahiki ; haawiia i ke o na hana nou.
Heluhelu mai o Hon. Palohau he palapala hoopii na kekahi mau haole elua o Hanalei, e hanaia ke alanui o Kalihiwai, a na laua e uku i kekahi hapa o na lilo ; haawiia i ke komite o na hana hou.
NA HOIKE O NA KOMITE.
Heluhelu mai ka luna hoomalu o ke komite waiwai i ka lakou hoike o na bila malalo nei : 1 He bila e hoololi ai i na pauku 487 a me 488 o ke Kanawai Kivila. 2 he bila e hoololi ai i na pauku 173--179 a me 183 o ke Kanawai Kivila. 3 He bila kanawai e hoololi ai i ke kanawai aponoia i ka la 18 o Iulai, 1874. 4 He bila kanawai e hoololi ai i ke kanawai i aponia i ka la 23 o Augate, 1862.
Ua manao ke komite, o ka bila kanawai e hookaa ai i na auhau alanui, ma ke dala wale no, ua apono ke komite ia bila.
Ma ke noi a ke lii Kipi, ua aponia ka hoike a ke komiie.
Heluhelu mai ka luna hoomalu o ke komite hooponopono bila kanawai i na bila i hooponoponoia : 1 He bila e haawi ana i na haku hana e malama i na auhau o na paahana. 2 He bila kanawai e hoololi ai i ka pauku 1419 o ke Kanawai Kivila. 3 He bila e hoololi ai i ka pauku 1 mokuna 41 o na Kanawai Karaima. 4 He bila e hoeloli ai i ka pauku 1 mokuna 62 o ke Kanawai Karaima. 5 He bila e hoololi ai i ka pauku 350 o ke Kanawai Kivila. 6 He bila e auhau ana i na bipi a me na hipa. 7 He bila e hoololi ai i na pauku 1 & 2 o ka mokuna 53 o na Kanawai Hoopai Karaima.
NA OLELO HOOHOLO ME NA BILA.
Heluhelu mai o Hon. Palohau no ka manawa mua he bila kanawai e hoololi ai i ka pauku 498 o ke Kanawai Kivila ; haawiia i ke komite hooponopono bila kanawai, a waihoia malalo o na rula no ka heluhelu elua.
Heluhelu mai o Hon. Nawahi he olelo hooholo, e hookaawaleai ma ka bila haawina o keia mau kakahiki elua i $4,000 no ka uapo o Wailoa, ma Waiakea, Hilo, Hawaii.
Ma ke nei a Hon. Kamauoha, ua waihoia ma ka papa a noonoo pu ia me ka bila haawina.
Heluhelu mai o Hon. Kamauoha no ka manawa mua he bila kanawai, e hoololi ai i ka pauku 5 mokuna 39 o na kanawai o 1870 haawiia i ke komite hooponopono bila ka na wai a waihoia malalo o na rula no ka heluhelu elua.
Heluhelu mai o Hon. Mahoe no ka manawa mua he bila kanawai e pili ana i ka ili ana aka o ka waiwai paa a me lewa o na lii ho@ ole, no ka nohaolii ; mahope o ka hoopaapaa ana ua haawiia ka bila i ke komite hooponopono bila kanawai, a waiho ia malalo o na rula no ka heluhelu elua.
Heluhelu mai o Hon. Keau no ka manawa mua he bila kanawai e laikini ai i na hale kuai puaa o Honolulu nei. Ma ke noi a Hon. Nawahi, ua hoopanee ia ka bila.
Hora 12, hoomaha ka Hale, hora 1 noho hou ka Hale.
Heluhelu mai o Hon. Palohau no ka manawa mua he bila kanawai, e hoololi ai i ka pauku 1 mokuna 27 o na kanawai o 1876 ; haawiia i ke komite hooponopono bila kanawai, a waihoia malalo o na rula no ka heluhelu elua.
Hoolaha mai o Hon. Kapahu i kona manao, e lawe mai ana oia he bila kanawai e mahele ai i ka apana o Kau i elua apana hookolokolo okoa.
Ma ke noi a ke lii Kipi, ua hapaiia na hana o ka la.
NA HANA O KA LA.
Heluhelu elua ana o ka bila kanawai, e kau ai i kekahi dute maluna o ka waiwai o ka poe make.
Ma ke noi a Hon. Pekekona, ua haawiia ka bila i ke komite hookolokolo.
Heluhelu alua ana o ka bila kanawai e hoololi ai i ka mokuna 32 o ke Kanawai Kivila, oia hoi ka pauku 1455 o ke Kanawai Kivila.
Ma ke noi a ka Loio Kuhina, ua haawiia ka bila no ke kakau poepoe, a e heluhelu ekolu ia ma ka Poakolu Iune 12.
Ma ke noi, ua kapae ia na rula ; waiho mai ka Loio Kuhina i ka hoike e pili ana no na ninau elua ma ka olelo hooholo i waihoia mai e ka luna o Kau, ma ka la 5 o Iune, ke hoike nei : 1 He mana no ko na lunakanawai apana e haawi i ka Bela no kekahi mea i hoopai ia no ka haalele hana. 2 Aohe mana o na haku hana e keakea i ka lakou mau kauwa i hoopai paahaoia, ke makemake kekahi me e hoohana i ua kauwa la.
Ma ke noi a Hon. Pekek na, ua hoopanee ka halawai a noho hou i ka la apopo horo 10 a m.
LA HANA 30, Iune 7, 1878.
NA PALAPALA HOOPII.
Heluhelu mai o Hon. A. Kaukau elua mau palapala hoopii no Waimea mai, 1 E hoonohoia na Kiaaina o na mokupuni i mau luna alanui : haawiia i ke komite o na hana hou. 2 E ana hou ia na kuleana i ana mua ia e Mr. Pease ; haawiia i ke komite o na hana hou.
Heluhelu mai o Hon. Kaiaikawaha he palapala hoopii na Mrs. Kalama Kaopua, e pili ana i ka waiwai o kana kane i make ; haawiia i ke komite hookolokolu.
NA HOIKE O NA KOMITE.
Heluhelu mai ka luna hoemalu o ke komite malama ola, no na palapala hoopii eiwa mai na apana mai, e pili ana no ka hoihoi a hookaawale ana i na mai lepera i ko lakou mau home.
Ua manao ke komite e like me ke nonoi mai na apana mai, a ke noi nei ke komite, e waiho i keia mau palapala hoopii ma ka papa. Ma ke noi a ke Kuhina Waiwai, ua aponoia ka hoike a ke komite.
NA OLELO HOOHOLO ME NA BILA.
Heluhelu mai o Hon. Nawa@ he olelo hooholo, e hoike mai ke Kuhina Kalaiaina i na buke a pau e pili ana i ka Oihana Wai o Honolulu ; hooholoia.
Heluhelu mai o Hon. Kealawaa he olelo hooholo, e hookaawaleia ma ka bila haawina o keia Kau Ahaolelo i $104 no ka mea lawe leta o Puna.
Ma ke noi a Hon. Kanealii, ua @ ka olelo hooholo ma ka papa a noonoo pu ia me ka bila haawina.
Hoolaha mai o Hon. Palohau i kona manao, e lawe mai ana oia he bila kanawai e papa ana i na luna aupuni, aole e haawi i kekahi oihana i na lunamakaaina@ o keia mua aku.
Heluhelu mai hou mai no oia no ka manawa mua he bila kanawai, e hoololi ai i na pauku 191--193 o ke Kanawai Kivila ; haawiia i ke komite hooponopono bila kanawai, a waihoia malalo o na rula no ka heluhelu elua.
Heluhelu mai o Hon. Halstead he olelo hooholo, e kauohaia ke Peresidena o ka Papa Ola e hoike mai i ke kumu i hoopaaia'i o Zebilina Kahoalii i Kalawao ; hooholoia.
Hoolaha mai ke Kuhina Kalaiaina i kona manao, e lawe mai ana oia he bila e ae ana i ka hana ana i na alanui kaahao iloko o keia aupuni.
Heluhelu mai o Hon. Moanauli he olelo hooholo, e lilo na hoa o keia Hale i komite e hele e nana a e makaikai i na hale aupuni, ma ka hora 3 p m o keia la, a ma ka la apopo kekahi ; hooholoia.
Hoolaha mai ka Hon. Malo i kona manao e lawe mai ana oia he bila kanawai e papa ana i na kanaka Hawaii, aole e Moraki a e kuai lilo aku i ko lakou mau aina i na haole.
Heluhelu hou mai no oia no ka manawa mua, he hoololi i manaoia no ka pauku 31 o ke Kumukanawai, e like me na hoakaka ana o ka pauku 80 o ke Kumukanawai.
Ma ke noi a Hon. Kapahu, ua hoopanee loa ia ka hoololi.
Hora 12 m hoomalia ka Hale. Hora 1 p m noho hou ka Hale.
Ma ke noi a Hon. Pekekona, ua hapaiia na hana o ka la.
NA HANA O KA LA.
Heluhelu alua ana o ka bila kanawai, e hoololi ai i na pauku 1 a me 2 o ka mokuna 53 o na kanawai hoopai karaima.
Ma ke noi a ka Hon. pekekona, ua haawiia ka bila i ke komite hookolokolo.
Heluhelu alua ana o ka bila kanawai, e auhau ai i na bipi a me na hipa.
Ma ke noi a Han. Kakela, ua haawiia ka bila i ke komite waiwai.
Heluhelu alua ana o ka bila kanawai, e hoololi ai i na pauku 350 o ke Kanawai Kivila.
Hoololi mai ka Hon. Pekekona, "O ke Kiaaina a me na hope o ka Makai Nui kekahi."
Ma ka ninau ana, ua haawiia ka bila no ke kakau poepoe e like me ia i hoololiia, a e heluhelu ekoluia ma ka Poakolu Iune 12.
Heluhelu alua ana o ka bila kanawai, e hoololi ai i na pauku 1 o ka mokuna 41 o na kanawai hoopai karaima.
Ma ke noi a Hon. Pekekona, ua haawina ka bila no ke kakau poepoe, a e heluhelu ekoluia ma ka Poakolu Iune 12.
Heluhelu elua ana o ka bila kanawai e hoololi ai i ka pauku 1419 o ke Kanawai Kivila.
Ma ke noi a ke lii Ake, ua haawiia ka bila i ke komite hookolokolo.
Heluhelu alua ana o ka bila kanawai e hoomana ana i na haku hana e malama i na auhau o ka poe paahana malalo o lakou.
Ma ke noi a ka Loio Kuhina, ua haawiia ka bila i ke komite hookolokolo.
Ma ke noi a ke lii Kaai, ua hoopanee ka halawai a noho hou i ka la apopo hora 10.
LA HANA 31, June 8, 1878.
NA HOIKE O NA KOMITE.
Heluhelu mai ka luna hoomalu o ke komite waiwai i ka lakou hoike no na bila malalo nei.
1 O ka bila kanawai e hoopau ana i ka mokuna 58 o na kanawai o 1876.
Ua manao ke komite e hoopauia ke dute ekolu hapaha keneta e kau nei maluna o ka waiwai paa a me lewa, a e auhauia e like me ke dute mua.
Ma ke noi a Hon. Pilipo, ua waihoia @ hoike ma ka papa, a hiki mai ka hoike a ke komite o na aina e.
2 O ka bila kanawai e laikini ai i na Hui Hoopaa Ola, Pauahi, Moraki &c.
Ua manao ke komite e hoopanee loa i ka bila.
Ma ke noi a Hon. Kapahu, ua hoopanee loa ia ka hoike a ke komite.
Heluhelu mai ka luna hoomalu o ke komite hooponopono bila kanawai i na bila i hooponoponoia.
1 He bila kanawai e hooponopono ai i ka malama ana i na lepera.
2 He bila kanawai e hoololi ai i ka pauku 1 mokuna 27 o na kanawai o 1876.
3 He bila kanawai e pili ana i ka ili ana aku o na aina o na lii hooilina ole no ka nohoalii.
4 He bila kanawai e hoololi ai i ka pauku 5 mokuna 39 o na kanawai o 1870.
5 He bila kanawai e hoopau ai i ka mokuna 14 o na kanawai o 1874.
6 He bila kanawai e hoololi ai i ka pauku 498 o ke Kanawai Kivila.
NA OLELO HOOHOLO ME NA BILA.
Heluhelu mai ke Kuhina Kalaiaina he olelo hooholo, e haawi keia Hale i ka mana i ka Papa Hoopae Lima Hana, ma o ke Kuhina Kalaiaina la i $3,000 no na mea e pili ana i ke kii hou ana i mau paahana ma na mokupuni o ka Hema, a e hookomoia iloko o ka bila haawina o keia Kau.
Ma ke noi a Hon. Pilipo, ua waihoia ka olelo hooholo ma ka papa a hiki mai ka hoike a ke komite wae e pili ana no ia hana.
heluhelu mai o Hon. Kanealii he olelo hooholo, e kohoia i komite e hele e nana a e makaikai i na hale aupuni, e imi a e huli i na buke ma ka hora 1 o keia auina la. A e kauoha ia ka Makai o ka hale, e hoolako mai i mau kaa no na hoa a e ukuia na lilo noloko o na lilo i hookaawale ia no keia Kau Ahaolelo.
Hoololi mai ke Kuhina Waiwai, a waiho ae i na wahi i oleloia, "E huli i na buke."
Mahope o ka ninau ana, ua hooholoia ka olelo hooholo me ka hoololi.
Ma ke noi ua, kapae ia na rula.
Heluhelu mai o Hon. Pilipo he olelo hooholo, e koho hou ia e ka Peresidena o keia Hale, i elua mau lala hou no ke komite o na aina e.
Mahope o ka hoopaapaa rula ana, me ka hoohala ole ia o ka olelo hooholo, ua noi mai ke lii Kaai e hoopanee ka Hale a noho hou i ka Poakahi hora 10 a m ; hooholoia a hoopanee ka Hale.
MAIKAI KA HOI KA PAPA!
---A ME---
KA LAAU O KOU HALE
NO HEA LA!
KAI NO HOI NO KAHI O
WAILA KA!
Nana aku no hoi ia la
Ohi ka lo o ka Laau o Makawao
I ka ua mea hoi o ka nani
Na PAPA ! Na PAPA !
---A ME---
NA PONO KUKULU HALE
O NA ANO NO A PAU.
Aia ma ke kihi o na
ALANUI PAPU me MOIWAHINE !
HONOLULU
MALAILA E LOAA AI
E LIKE me ko MAKEMAKE
---NO KE---
KUMUKUAI MAKEPONO LOA
PAPA, PAPA, PAPA,
Na Papa, Huluhulu,
Na Papa Manoanoa,
Na Papa I kahiia,
Na Papa Kepa,
Papa Hole Keokeo,
Papa Hole Ulaula.
NA LAAU, NA LAAU !
Na Kua,
Na Kaola,
Na Aaho,
Na Molina,
Na Peapea,
Pine Huluhulu,
Pine i kahiia.
NA Papa a me na Laau Ulaula!
Pili ulaula,
Pili Keokeo,
Pani Puka,
Pani Puka Aniani,
Ipuka Aniani,
Puka Olepelepe.
PENA O NA ANO A PAU
Hulu Pena mai ka Liilii a ke Nui,
Aila Pena,
Aila Hoomaloo,
Waniti, Pate.
NA LAKO O KELA A ME KEIA ANO :
Na Ami Puka Hale.
Na ami Puka Pa.
ANIANI!
Pepa Hale a me na Lihilihi
E LOAA NO MALAILA.
PAAKAI HELU I O KAKAAKO me PUULOA
No ke DALA KUIKE, e loaa no na mea a pau i haiia ae la, no ke Komukaui Emi loa. O na kauoha a pau mai Hawaii a Niihau, e loaa 'ku ana ia lakou, e hooko koke ia no ia me ka lawe pono.
E Kipa Nui Ilaila, i ike i ka Olelo