Ka Nupepa Kuokoa, Volume XVII, Number 25, 22 June 1878 — Page 4
| This text was transcribed by: | Jan Pappas |
| This work is dedicated to: | Jon Yasuda |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
I HUHA.
No ka Makahiki. $2. Eono Mahina, $1.
Dala Kuike ka Rula.
JUNE 22, 1878.
OLELO HOOLAHA.
O ka Hoike Makahiki o ke Kula Kaikamahine no ka Mokupuni o Hawaii, ma ka ia 25, Poa@ no ia o lune ae nei, iloko o ka Luakini o Iole. I lohe na makamaka a pau
MAKA KAUOHA.
Kohala Akau, Hawaii.
Sweet By and By.
Colonial Singer, No. 219.
1
Ma o ae la he aina laelae,
A ke hoea mai la ano.
A malaila Iesu i hana’i
I mau home maikai no kakau.
Cho.1: Ma o ae-----ma o ae------
Hui pu ma ia aina laelae------
Ma o ae------ma o ae------
Hui pu ma ia aina laelae.:------
2
Ma o ae ma ia aina laelae,
Kani mau la na mele maikai.
Pau e pau la ka lohe ana’e
I na leo haalou a uwe.
Cho. Ma o ae, &c.
3
I ka Haku aulii maluna’e
Ka hoonani hosana a mau,
No ko ia la aloha maikai,
A no kona mau nani a pau.
Cho. Ma o ae, &c.
4
Ma ia aina laelae e maha’i,
A e hui a oli pu no.
Pau na luhi, na auwana nei,
A loaa la na lei nani mau.
Cho. Ma o ae, &c.
5
Hui pu, mele pu, alii pu
Ma o ae ma ia aina laelae,
Maha no, pomaikai me Iesu,
Malu mau ma ke ao mao ae.
Cho. Ma o ae, &c.
HAWAII
Kaawina Kula Sabati.
HELU 1 SABATI IULAI 7, 1878.
KUMUHANA:
Ka hanau ana o Iesu. Pauku Baibala. Lu-
ka, 2; 8-20.
Hapaha ekolu 1878.
8 Aia i kela aina he mau kahuhipa e noho ana i ke kula, a e kiai ana i ka lakou mau poe hipa i ka po.
9 Aia hoi ! Kau mai la ka anela o ka Haku io lakou la, a hoomalamalama mai la ka nani o ka Haku ia lakou a puni, a makau loa iho la lakou.
10 A olelo mai la ka anela ia lakou, Mai makau oukou, no ka mea, eia hoi, ke hai aku nei au ia oukou i ka mea maikai, e olioli nui ai e lilo ana no na kanaka a pau.
11 No ka mea, i keia la i hanau ai, ma ke kulanakauhale o Davida, he Ola no oukou, oia ka Mesia ka Haku.
12 Eia hoi ka hoailona no oukou, e loaa auanei ia oukou ke keiki ua wahiia i ke kapa keiki, e moe ana ma kahi hanai holoholona.
13 A emo ole mai ka lehulehu o ka puali o ka lani me ua anela la, e hoolea ana i ke Akua, e olelo ana,
14 E hoonaniia ke Akua ma na lani kiekie loa, a he malu hoi ma ka honua; he aloha no i kanaka.
15 Eia hoi kekahi, a hoi aku la na anela i ka lani, mai o lakou aku, olelo iho la ua mau kanaka kiai hipa la kekahi i kekahi, Ea, e haele kakou i Betelehema e ike aku hoi ia mea a ka Haku i hoike mai nei ia kakou.
16 Haele wikiwiki lakou, a ike iho la ia Maria, a me Iosepa, a me ke keiki, e moe ana ia ma kahi hanai holoholona.
17 A ike lakou hoolaha aku la lakou i ka olelo i haiia mai ia lakou no ia keiki.
18 A o ka poe i lohe a pau, mahalo iho la lakou no na mea i haiia aku ia lakou e ka poe kahuhipa.
19 Kaohi iho la o Maria ia mau mea a pau me ka hoomanao iho iloko o kona naau.
20 A hoi mai la na kahuhipa, me ka hoonani a me ka hoolea i ke Akua no ia mau mea a pau a lakou i lohe ai a i ike ai hoi, e like me ka mea i haiia mai ia lakou.
Pauku Gula. p.11. Hoopaanaau.
Mele. Him. 77. Hamau ! he leo e, &c. p. 1, 2.
Pule hoomaikai no ka loaa ana o ka mea e ola ai.
Na Ninau a na Kumu.
No Kuro ka Haawina hope o kela hapaha, no kona hookuu a hoihoi ana i na pio i ko lakou aina hanau. He taipa (hoailona) Kuro no Iesu ke Lii e hanau ana e like ma ka wanana, i mea nana e hookuu i na pio o Satana, a e hoihoi aku ia lakou i ka aina maikai loa ma ka lani. Aia ka wanana mua no Iesu ma Kin. 3; 15. A hala 4004 mak. Ua hooko ia. Ke kumu o keia kali ana a loihi, ua akaka ia i ke Akua. Ua hoopaa e oia i ka manawa. A hiki ia manawa, ua hooko no oia. Heluhelu Gal 4; 4, 5. He manawa maluhia ia. Hokahi no aupuni nui a naauao, oia hoi ke aupuni o Roma, Kaesara Augusato ke’@i nui, hookahi olelo i olelo nui ia oia ka Helene. Ka ha keia o na aupuni nui ma ka moe uhane o Nebukaneza Dan. 2. 1 Babulona, 2 Peresia, 3 Helene, 4 Roma. Ka pohaku i kalai lima ole ia, a lilo i mauna nui nana i kui i ke aupuni eha a okaoka, ka lima ia o na aupuni, a o Iesu ke Lii oia aupuni. Me keia heawina ua kakau ia ka hanau ana o Iesu. Pono ke heluhelu ia Mat. 1; 18-25. 2; 1-11. Luk.1; 30 34. 2; 1-7.
P. 8. Owai ia aina ? Owai ke hi ? He mau aha ma ke kula ? E aha ana ma ka po?
P. 6. Heaha ka i kau io lakou la ? Heaha ka i hoopuni ia lakou ? A aha hoi na kahuhipa ?
P. 10. A aha mai ka anela ia lakou ? Heaha ka mea maikai i hai ia e ka anela ? He mea aha ia no kanaka a pau ?
P. 11. Owai keia e hanau ana ma ia la? Owai ke kulanakauhale o David ? Aia mahea ia ? No keaha i kapaia ke kulanakauhale o Davida? 1 Sam. 16; 1. Nolaila anei Iosepa me Maria? Mahea laua mamua o ka hanau ana o Iesu? No keaha ko laua hele ana i Betelehema? Heaha ka wanana no kahi e hanau ai ka Mesia ? Mika. 5; 2. Ehia mak. ia mamua o ka hooko ana? Ua ike anei Maria ia wanana, a nolaila kona hele pu ana me ke kane i Betelehema? Heaha keia keiki ? Nohea kona inoa Iesu? Mat. 1 ; 21. Nohea ka inoa Mesia ? No ko ke Akua poni ana ia ia i Alii nui Pookela loa.
P. 12. Heaha ka hoailona no kahi e loaa ai keia keiki? Hanau ia ka keia keiki alii nui ma kahi haahaa loa ! No keaha ? 2 Kor. 8; 9. Pil. 2; 7-11.
P. 13, 14. A emo ole, hoea mai he puali aha me ua anela la? E aha ana i ke Akua? A olelo e aha ia ke Akua ma ka lani ? Heaha hoi ma ka honua? Heaha i kanaka ? Heaha kea ano ? Ua aloha ke Akua i ke ao nei; ua haawi mai i ka mea e malu ai, e ola’i. Nolaila, e hoonani aku ko lalo, ko luna a pau i ke Akua.
P. 15-17. A hoi aku na anela, pehea ke kamailio pu ana o no kahuhipa ? E hele ihea ? A e aha aku? Ua hana anei pela ? Ua loaa anei na makua me ke keiki e like me ke kuhikuhi ana o ka anela ? A loaa, heaha ka lakou i hoolaha aku ai ? A lohe oukou i kekahi nu hou maikai, heaha ka pono ?
P. 18-19. A lohe na kanaka i keia nu hou maikai, aha iho la lakou? Pehea nae Maria ?
P. 20. A hoi aku la na kahuhipa i ka lakou hana kiai hipa me keaha? Ua lohe hoi oukou i keia nu hou maikai no Iesu, e hoi oukou i ka oukou @au hana me keaha ?
Mele. Him. 79, Haka@u ! na leo kani. Pauku 1, 2, 3, 5.
Haawina no Iulai 14, Luka. 2; 40-52
Na Misiona.
Iloko iho nei o kela pule ua holo ko kakou moku Misiona HOKUAO no na Paeaina o Maikonisia. O Rev. W. B. Kapu a me G. Haina me kana wahine kai hoi aku nei no ko laua mau kihapai Misiona. Aohe mau kumu hou i holo aku ma keia huakai o ka moku. Ke pupu nei ka hana o ko kakou mau oihana kuwaho no ka lawa ole i na paahana e paa ni na kihipai. A pehea hoi na oihana ku loko ? O ka leo a makon e lohe pinepinei nei mai na kahu mai, oia no ka hakalia o ka holo ana o ka hana, a me kekahi mau kihapai he aneane hua ole no ka olelo a ka Haku. O kekahi paha o no hana a ka Ahahui Euanelio o keia makahiki e noonoo nui ai, oia ka hana kuloko o kakou a me na kumu e holo pono ai ia hana. Pehea e mikiala ai na kahu ekalesia ? A pehea e ola pono ai na kahu ekalesia ma ko lakou mau pono kino ? Oia no ninau elua e pili ana iloko o ko kakou hana Misiona kuloko. He make h@na ole ia ko kakou mau kihapai e noho nei. A, aole no hoi e hana ia’na keia mau kihapai ke ole e hanai pono ia na paahana. He kumuhana keia i ku pono ke noonoo nui ia e ka poe i aloha i ka hana a ka Haku ma keia Paeaina.
O kekahi ninau i hapai nui ia i keia wa iwaena o ko Amerika poe lawelawe ma na hana Misiona, oia ka ninau e pili ana no ke kukulu ana i na Misiona ma Aferika waena. He aina nui loa o Aferika, a he nui loa na lahui okoa e noho nei iwaena o ka aina i loaa ole i ka malamalama. O kahi o na kihapai Misionari i keia wa, e pili ana no ma na kapakai oia aina a ma ka aoao hema loa. Aka, o loko o ka aina, aole i ike nui ia. Ua makaikai a ua ike ia e kekahi poe haole kakaikahi loa, he aina nui a he momona ma na mea ulu a me no muliwai, a he nui loa na kanaka. Me he mea la, o kekahi hana nui a ka poe Aferika e no ia nei e Limaikaika ma a me na mea e ae ma keia hope aku, oia ka lawe i ka malamalama i na lehulehu e noho ike ole mai nei iloko o ka po o Aferika waena.
HOOMAAUIA.—Ua ike iho makou ma na pepa hope mai nei o ko na aina e i ka hoomaau ia o kekahi haumana i huli i ka pono ma Aigupita. He kanaka opio no ka hoomana Mahometa, ua loaa ia ia ka olelo a ke Akua, a i kona heluhelu ana ua hoohuliia oia i ka pono Kristiano; ua bapetiso ai a ua hoohui ia iloko o ka ekalesia, mai ia wa m@i kona hoomaauia. Ua wawahi ia kona hale, pepehi ia oia, aloe nae i make, hao ia kona wahi waiwai; a i kona hoao ana e kukulu i wahi pakakau kuai mea ai, alani, lemi a pela aku, ua wawahi ia ka pakaukau a ua kiola ia kona mau wahi pono a kauliilii. Ua hoopii oia i ke aupuni e malama ia kona mau pono, ao ka hope nae o ia, aole i lohe ia mai.
KA HALAWAI MISIONA.—Ma ka po la Sabati, Iune 9, ua malama ia he halawai Misionari ma Kaumakapili,, na Rev. T. Koana i hai i ka olelo ma Luka 10:37 “E hele oe a e hoohalike me ia.” Mahope o ka hai olelo, ua hoike mai o Rev. W. B. Kapu i kana mau olelo aloha hope imua o ke a@aina. Mahope oia hapai ia ka lulu dala no na oihana ku waho, a he $40 a oi kai loaa mai-
Leta a na Makamaka.
HANA IO HOU KA WELA.
A lua ae nei paha pule aoi, o ka hiki ikaika ana o ka la, ame ka pilikia i ka wai, o na kamaaina o Wailuku nei, o ka la paha ia la ; ke hele ala a noho pono i kaio o ke kanaka, ua aneane e like hou aku ana no me mamua. Ke lohe aku nei no wau i ka waiaau mai o na poe mahi-ai kalo, o ka Maluhekuawa nei. Ke holo nei na hana a ke keiki o ka Maluhekuawa, oia hoi o Wm. H. Bailey, Esq, ka ona nona keia wili ko, uleu no na keiki paa hana. O wau no me ka oiaio. C. H. Kane Opio.
Wailuku, Maui, Iune, 4 1878.
LA GRANGE, STANISLAN COUNTY.
Mei 17, 1878.
I KA REV. H. H. PAKEKA; Aloha oe:--
E ahonui mai oe ia’u, i ka lawe ana mai i kou inoa a hoopaa iho ma loko nei o keia apana pepa, no kekahi mea a’u i manao nui ai, e hoouna aku no kuu kaikaina, e noho la ma Kualoa Koolaupoko, oia hoi keia inoa, Mr. H. B. Kaaiahua. Ke hoouna aku ne@au ma ka Wells Farge, & Co. a nau ia e kii ae malaila ; a nau ka malama ana, a hiki i kona manawa e kii ae ai iou la, a nau ia e haawi aku ia ia.
Eia ua mea la a’u i manao ai e hoouna aku, he hookahi wahi pahu lole huinaha, aia maloko he mau pono kino, no kuu kaikaina a’u i hai ae la mamua.
Ke haawi aku nei au i ko’u aloha nou a me na makamaka a pau iloko o ka Haku Iesu Kristo. Na ka Haku kakou a pau e malama mai, a hiki aku i ka hoopena.
Owau no me ke ahoha, kau kauwa haahaa
H.B. KAILIKOLE:
O ka pahu waiwai i olelo ia maluna, aole i loaa mai ia makou.
Nuhou ma Olowalu.
E KA NUPEPA KUOKOA E; Aloha oe :--
E oluolu oe, Ma ka la 10 o Iune, A.D. 1878, hora 7 a oi o kakahiaka, ua pakele mahunahuna ke ola o kekahi mau kanaka ekolu, elua haole, a hookahi pake. E ia ko lakou mau inoa, Phillipps Milton, ka mea nona ka wili ko ma Olowalu nei, a me kaoa puhi ko Mc Dade, a me kekuhi paahana pake. Eia nae o ka pake ka mea i nui loa ka pilikia, no ka mea, ua hai ka@wawae akau, a puka ka iwi iwaho, ma kahi e kokoke ana i ke opuupuu, a polea ae la ka waha a pau pu me na niho i ka haihai. O P. Milton, a me Mc Dade, he wahi pohole iki ko laua ma ke kua. Aka nae, ma ka apua ke ola.
Eia ke kumu i loaa mai ai keia pilikia ; e huki ana lakou i kekahi holowaa hao iluna, nona ke kaumaha, aneane elua tona, aole nae o keia poe wale no i eha ke hana ana malaila, he nui loa lakou, eia nae o ka lakou wahi kai haule hou ilalo, i moku ke kaula i hoopaa ia ai. A oia ke kumu i loaa mai ai keia pilikia ; Ke hooki nei au maanei me ka mahalo i na keiki ulelehua kepau.
S. KAUIHOU.
Olowalu, Maui, Iune 10, 1878.
Hoonipo i ka Malu o ke Ao.
E KA NUPEPA KUOKOA E; Aloha oe:--
Ka puuwai momi a ka manao e hialaai mau nei, me ko, u ike no hoi, i kou leo nahenahe, e uwalo hele nei ma na pe-a heke o na Ailana. A’u hoi e hoonipo mau aku nei ia oe, me ka li-a mau ana o kuu maka peni, e ulele mau aku ana imua ou, a nau hoi ia e kiani @e ma na pe-a heke o ko kaua aina kulaiwi, i eha ai hoi ka ili o na kupuna i ka Ihe lau meki, a paholehole hoi ka lae, i ka newa a ka poe ui. I ko,u ike mau ana i kou kino, e oniu hele ana ma na kualono, na alu kahawai. Na ale hanupanupa, e honehone mau ana hoi kou leo, i na pepeiao o ka poe e mililani ana ia oe, (poe lawe.) Me he leo la no ke Kahuli leo lea o kanahele.
“A like no a like, me ke kalukalu a o Puna.” Ka aina nona ka paia ala i ka hala, i na manu Oo kani kohakoha i ka uka i Olaa ; e lawe nui ae kakou i ka NUPEA KUOKOA ; e puili ma ka poli. I ho-a kuwili no ka moe o ka uka anu i Kukaniloko, oiai, ke kokoke mai nei ka hapa hope o ka makahiki 1878. Pela like mai kakou e lawe ai, e ka ua hoeha ili o Waiehu, me ka makani Kilioopu o Waihee. Na pali hauliuli o ke Koolau Oahu, e lawe kui lima pu ae kakou, i ka puloku puuwai nahenahe, ka NUPEPA KUOKOA. E welina auanei na keiki oniu, olapa o ka huila hao, me na keiki lawe iniki aka malie i na hua metela ka anoi, me ka L. H. ka mahalo piha. Owau no me ke aloha loku i ka puuwai.
J.L.K. KEALAKUHILIMA.
Laie, Maloo, Mei 24, 1878.
No ka Ia I I o Kanaiaupuni.
I ka Nupepa ke kaupu au kai o ka moana, me ka welina piha i kou Kapena, na keiki ulele hua kepau ; Good by ke aloha. Ma kou ahonui, e oluolu mai i ka makou kanae@ nae aloha ; no ko Kaneohe, Heeia, a pulele ae mawaho. Ka poe i kui lima pu mai me makou, ma ka hoohanohano makamae ana i ka la o Kanaiaupuni kaulana o ka Pakipita nei.
Mahalo piha i na Keonimana, na Lady, i awahua nonohua ole mai ia makou, ma ka haawi makana kulu koikoi kaukau lua ole mai i na keiki puu kani, o ka Band hone, o ka Hui Waipuna paihi o Laie-wai, no na ke kani ne-i, e hoonakulukulu naueue nei i na pali hauliuli o ke Koolau nei ; i na leo iho hoi o no ohe @uruta, ha@lulu na manu, puehu liilii i ka lewa ; aloha, aloha oukou.
M@muli o ko oukou aleu mahamaha, heah@ ana mai ia makou, peahi mai, kii mai, alualu mai panee mai i kai me ka i-a, kiola mai ina kenikeni imua o makou. No ko kakou hap@i hanohano ana ia ia me na mea kani. Eia ka makou puana ia oukou e na hoa o ka Puuwai Lokahi, aia na maka o ke aloha waipailani, o ka mea nona ka la maluna o oukou; a pela hoike Kahi Kolu@ na Lani kiekie loa. E ola, E ola mau oukou i ke Akua, a kau i ka pua aneane, ke ola ia a ka malama Haku.
Ia oe e J. W. Pii opio, ko makou hoa opio puukani, me oe ka welina wai olu lani. Ka nana i opio mai i na pohaku eleku o Kauheleau. Ia oe e ka Madama Mrs. K. Moeloaa. Ka mea nana i puhene hiipoi ka la ku mai i ke aloha wai olu lai, i peue iho ai i na miki poi koiaweawe o Waikolu. E ola mnu oe i ke Akua a kani koo, a pala lauhala ; ke ola ka hoi ia a ke Akua. Ia oe e G. B. Palaualelo, no kou piha eleu mikiala ilihia palena ole, i ka hapuku pupuahulu hookipa aloha ana ia makou, me ke kaulua ole, a me kou hookina ana ia makou i na hua momona, nepunepu, anemonemo o ka manako, nona ka puana a ka moe, ko’u e ka puu. Eia ka makou uwalo ia oe, e naue e kikeke, ma ko makou mau home nei, ma Laie-wai, aia ilaila ka anoi, ka iini a ke aloha. Haliata, aloha oe ; Ia oe hoi e J. Kuamoo, ka mea nona ke aloha pohaku nui, ka mea nana i kipehi iho i ka ala pakui i ke poo o ka pahu, aloha mamalanoa oe;--la oe hoi e loane, ka mea kaulana, ka mea nana i maika mai ka ulu o Kahualoa, pa iho ka puna o ka ohe, uwe kapahi kela. I ka Lady Madama Mrs. Wahinealii, a me kou mau ui opio, nona ka nohea waianuhea ka welina piha. No ko oukou o mau ana mai i na pihi moni, ma ko makou mau papale. Ia lakou la ae hoi, me lakou nei iho, meiala aku, me oukou a pau loa, kapoe nana i moamoa mailani ae i ka la o Kanaiaupuni kaulana. Aloha waiopuopu oukou a pau, Ia oe e Kahiki ka ikini nui o Waiahole, ka mea nana i maa mai@ ka ala, a pa i ka lae o ka Hui Waipuna. Eia ka makou ia oe, imua a hanee na pali hauliuli.
Mai hoohalike ia oe me ka poe awahua, nonohua, e ka wili manu o’u lae oo nei o Keaahala, a me ka wahine ae hoi a Kanealii o Kaawa, ka ike mai - i ka pahu e haulani @ku peu aku ana, holokiki i ka pahoe o laua, a huki ino i ka hae ilalo, holo aku la i kuauna e hoopue nana kee mai ai, he pupue naia eu, o ka noho aia lokoino.
O ke aha la ka makou hala i paweo ai na maka ; o Kaaawa la hoi kela wahi, awaawa kane, me ka wahine.
NA KA BAND HUI WAIPUNA.
Laie-wai, Koolauloa Iune 14, 1878.
Aui e Koolaupoko.
E KA NUPEPA KUOKOA E ; Aloha oe :--
Ka pua Pikake aala paoa i na moku ; e hoope ana hoi ke onaona o ka Mokihana i ka ihu o ka lehulehu, e noho ana ma na kaei, a me na poai anu o Hawaii nei. Mai ka la aili kowelo ae i ka ili kai o Haehae, a palamimo iho hoi malalo o ka moku, i noho ia e ka wai huna a ka paoo. (Lehua.)
E oluolu iki mai kaua, e alawa ae i kekahi mau aui, o kekahi hapa o ke Koolauloa.
No Punaluu.
Ua nani maikai keia aina ke nana aku, ma ka paa pono ia ke kanu ia ka raiki, hookahi kalaina a ka like, o ka lau o luna, e luhe@u ana hoi i na hua. A na keiki o ka ani@a e hooikaika nei, a me na Keonimana no hoi o Hawaii nei. Aneane paha e kanalima ka nui o na eka, i paa pono i ka raiki, mai Punaluu a Kaluanui, ke ole hoi e awili pu ko’u koho aku me ke kuhihewa.
Ua wehe ae nei o Apana pake, he hale kuai hou. Ua hoau ia iho nei i ka la 1 o keia malama. Ua pau ka noho ana i ka hale kuai mua, elua hale kuai e ku nei ma ia wahi. I mea hookanaaho, no na iwaiwa kiani o na pali hauliuli, i ole hoi e pauloa ke aho i ka holo i Honolulu, e imi ai i na iini kuloko
NO HAUULA.
O keia ka aina i kaulana ma ke ano hoomana, ua nui na kanaka i hoomau ma ka pono, i ka wa o Rev. M. Kuaea, a he hoike kana i hana ai, e ku nei a hiki i keia la. Oia ka uhi ana i ke pili laau i ka Luakini o Hauula, o ka J. S. Emerson hoi o ke kapili ana i na paia pohaku o lalo, a ke ku nei keia Luakini me ka hiehie. Aole nae he hele nui o na kanaka ma ia Luakini. No ke kahu ole paha, ua pau pono o Hauula i na hale laau, e ku nei, ma ka hale nae o ke keiki lalawai S. K. Holokai, he pili maoli no maluna iho, he ano hoohaahaa no paha ia @na.
NO LAIE.
He ano kaona no o Laie, ke hoom@ nei no kahi wili ko o keia wahi, i ka wili @a i ke ko. He hoomau no hoi na halawai Sabati, ma ka Luakini o Pihanarose, i ke kakahiaka, ma ke ahiahi, ma na apaha ka halawai.
NO NA AHAHUI.
Elima Ahahui o keia wahi, a’u i hoakea aku ai, ma ka wa i hala. Oia hoi ; “ Hui opio Kaikamahine,” “Hui opio Keikikane,” “Hui Manawalea,” “Hui Hoopololei,” “Hui Hoola, a Hooulu Lahui.” I keia wa, ke ulu hou ae nei, eha Hui. Oia keia Hui Waipuna, Peresidena oia Hui S. Kaleohano, Kakauolelo Linekona. Nihonui, ka lakou hana, hookani band, mahiai, 3 la hana i ka pule. Hui Laulima, Peresidena, Palule, Kakauolelo Aukai, ka lakou hana mahiai.
Hui Hooikaika Kino, Kauai, Peresidena, Kanaau, Kakauolelo, ka lakou hana mahiai @hapalua o ka la, kiaipopo kekahi hapa, elima @ hana i ka pule. Hui Lihaupuaikawao, Peresidena Mrs. Mary. Kaiwihaona, Kakauolelo, Ruth L. Kubi, hope Peresidena, Mrs. R. Kaheana, hope Kakauolelo Mrs. Awana, ka lakou hana, humuhumu kihei apana.
He wahi mahalo ko’u i ka Hui Laulima, aia a hoomaka ka hana a kekahi, kalua mua oia i ka puaa, a hanai i na hoe hana, piha pono ka houpo lewalewa. A pela no ka Hui Lihaupuaikawao, e hoomau kakou ma na hana pono. “E mau ka ea o ka aina i ka pono.” J.L.K. KEALAKUHILIMA.
Laie-Maloo, Iune 3, 1878.
OLELO HOOLAHA.
RICHARD F. BICKERTON.
(PEKETONA.)
LOIO a he KOKUA ma ke KANAWAI:
E HELE ANA @IA IMUA O NA AHAHOOKOLOKOLO a p@u o @eia Aupuni ma na ano hihia a pau, ina paha ma Oahu @, a @ ma Mokupuni e @.
Ua mak@ mau oia i ka hana ano i na Palapala pili kamawai e kek@ a me @
Ua hiki no hoi @ia ke ho@ dala aka ma ka @ ana ina aina, @ ka ukupane@ haahau @.
E h@ k@kiwaw@ma @ uku h@h.
K@ hana, Beba 23 Alanui Kelepa, e@ paka ma o aku o ka hale kauka o Kaeka Minute@.
$40 ly
- MoWAYNE,
HALE KUAI LAAU LAPAAU, A ME NA WALALA o na ano a pau, @ na @OPA ALA o na ano @e nui wale. Ma ke kihi a Al@ Papa me Kalepa.
$40 ly
WM. O. SMITH,
LOIO.
WAILUKU, MAUI.
Ua waiho oia i na Oihana Aupuni a pau a na
makaukau e lawelawe i ka Oihana
Loio me ke kuokoa. [840 6m
E. O. HALL & SON.
(E. O. HOLO MA.)
NA MEA KUAI I NA MEA MAHIAI.
Na Lole, Na Pena, Na Aila, a me
Na ano Luko e ae a pau he lehulehu wale.
846 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
---- E LAA NA ---
Ahinahina, Kalakoa,
Keokeo, Leponalo,
Pena, Aila, Aniani,
NA MEA PIULA !
KOPA, AILA HONUA,
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi.
---- A HE ----
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
---- A ME NA ----
Mikini Humuhumu MakeponoLoa !
---- A HE ----
MAU MEA AI KANI
Ka Palaoa, Kopaa,
Raiki, Pia, Heohu,
Paakai, Huaala,
Pia Kulina, &c.
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Hoopau Naio,
Penikila, Huaale,
A ME NA LAAU HAMO, A PELA’KU !
@27 3m 839
PAPA ! PAPA !
---- NO ----
ALLEN & ROBINSON
UA WEHE AE NEI MAUA I
PA KUAI PAPA
---- MA ----
KA UWAPO O PAKAKA !
Na Papa Ulaula o no ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me ma Aila Pena !
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KULULU HALE
O NA ANO A PAU !
E KUAILA MA KE
KE KUMUKUAI HAAHAA LOA
O keia Makeke.
ALLEN & ROBINSON.
Honolulu, Ian. 3, 1878 $40 3m
PAPA, PAPA
AIA MA KAHI O
LEWERS & DICKSON !
(O LUI MA.)
MA KE KAHUA KAHIKO MA
Alanui Papu a me Moi !
E LOAA AI NA
Papa Nouaiki !
o kela a me keia ano.
Na Papa Nani a Paa no ke Kukulu
ama i na Hale !
Na Pani Puka, Na Puka Aniani,
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui loa.
NA PILI O KA HALE
O NA ANO A PAU.
Na Pepa Hoonani, Na I’ena o na Wai a pau.
Na Kui mai ke Nui a ka Makalii,
Na Ami Puka, Na Ami Puka Aniani,
Na Ami o na’ano a pau,
Na Aila Pena, o kela me keia ano,
Na Aila Hoomaloo, he lehulehu wale,
Na Aila e ae o na ano a pau.
NA WAI VANIKI
---- A ME NA ----
WAI HOOHINUHINU NANI !
o na ono a pau loa.
NA BALAKI ANO NUI WALE!
A ke hai ia aku nei ka lono i na makamaka a
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
--NO KA—
UKU HAAHAA LOA !
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!!
A e lawa no hoi ko oukou makemake
me ka oluolu a me ka maikai !
845 tf
KOPA KUKAEPELE
--A—
GLENN !
AOLE LUA NO KA HOOMAE-
MAE I KA ILI !
He mea hoopau i na eha,
Na Ili Puupuu,
A he hoomaemae i na mea ino,
A he hoopau Lumatika,
A he kopa auau no hoi
O keia hopa ka oi aku o ka mea maika
I waihoia mai imua o kanaka.
Aole wale no ka Hoopau ana i ka Huehue
Ili Poha, Wela la, Luluaina, a me
na mea e ae o ka Ili;
A ma ia holoi ana, o ka hoopalupalu pu ke-
kahi i ka Ili, a keia
Laau Hoomaemae lua ole e hana ai.
O ka hoemi ana iho i na mai o ka Ili, a o
Ke pale aku i ka mai mai na lole e na
Mai Lele, oia kekahi. O na ohana
ame na poe makaikai, ina
e hoolako lakou
i keia
KOPA HOOMAEMAE LUA OLE!
ALAILA, UA LANAKILA LAKOU.
He hoopau i ka lehu o ke poo,
A he Kopa no hoi e kaohi mai ai
I ka lauoho mai ka hina ana.
Ua hooia nui mai na Kauka no ka maikai o
keia Kopa!
E loaa no ma kahi o
M. McINERNY.
@ o na Al@ Pap@ a @ Ka@ @40 @
-