Ka Nupepa Kuokoa, Volume XVII, Number 29, 20 July 1878 — NO KA OPIUMA. [ARTICLE]

NO KA OPIUMA.

Ea ! auhea oukou e oʻu mau hoa makaainana, aole paha oukou i ike i keia mea ino he Opiuma, o keia mea he Opiuma, oia no ka luahi o Gehena, kahi e hoonee iho ai i keia lahui maikai, a pau na ili lualua i ka ' make, alaila noho mai na ili keokeo o na aupuni e i ka aina hanau o na kupuna o kakou. Pehea kakou e Hawaii Ponoi e hooholo naaupo nei i Laikini Opiuma hou? Iloko aku nei o kela mau makahiki i hala ae nei, ka wā e Laikini ia ana ua Opiuma nei, ua aneane e hiki i ka 500 a oi aku na kanaka Hawaii i make mailoko mai o ua Opiuma nei, a i ka pau ana o ua Laikini | nei, he elua wale no kanaka i make. Me ■ ko kakou ike aku no he mea ia e poino ai keia Lahui, eia nae, ke hooholo nei keia Ahaolelo Hanohano, i ua mea ino nei he Opiu - ma. Elua a ka lio, oia hoi na Rama a me ka Opiuma, na mea ino ma Hawaii nei.' Nolaila, e na lani, mai ae oe e kau kou pulima aloha lahui i keia mea ino he Opiuma. F K. | : !