Ka Nupepa Kuokoa, Volume XVII, Number 32, 10 August 1878 — Page 3
| This text was transcribed by: | Maile Puahala |
| This work is dedicated to: | Kamehameha Schools |
Ka Nupepa Kuokoa
KE KILOHANA POOKELA NO KA LAHUI HAWAII.
Olelo Hoolaha
Ko Bihopa Ma
Banako Malama Dala!
E malama no makua i ke Dala o la.
Bishop & Co.
Olelo Hoolaha
O na ka haku la inoa malako nei, e Laweiawe ala ake. Malama Dala. Na lakou no na pulapua.
Lee W. Smith … Koka Kauai
Everett … Maui
I. B. … Kohala, Hawaii
Severeance … Hilo, Hawaii
Bishop & Co.
Aina Kuai A Hoolimalima
He Nui Anei Kou Makemake i na Mekini Humuhumu Lole?
Kakela A Me Kuke.
Mekini a Wheeler a me Wilson, $50 ke kumukuai o ka ka Mekini a SInger, na ke $50 pakahi, a me ke ano
Mekini a Wilcox me Gibbs, na ke $30 a hiki i ke $50 ke kumukini. i mea a pau ai ko oukou kanalua e na Makamaka na ke kupono o keia mau ano Mekini, e moe mai i na ke kuihe ole, a e ike no oukou.
862 tf
Ale ka Wai ke Ike aku - I keaha la hoi?
I na Waiwai Nani ano Hou loa hoi paha o ka Halekuai o Goo Kim. Nana aku no hoi oe. "Hoonuanua i Apua a Kalamaula."
Halekuai Pa. Ke Owaka Nei Me Ka Panio
Na Waihooluu o na Pa, Okuu Halekuai Hou ma ke Alanui Nuuanu. I ka hoonee ia ae nei ka Halekuai Pa e pili pu ana me ka Halekuai o Goo Kim, ma ke aianui Nuuanu, aia ma ka puka elua o ka Halekuai ma ke kihi o ka alanui Chaplain, makai iho o ka pa o ka Moiwahine Ema. Ke hoika ia aho nei i ka lehulehu, eia maloko oia Halekuai e loaa ai ia oukou na waiwai malalo iho:
Na Pa Nui a Liilii
Na Pa Huewai Leop
Na PIka Wai, nui a Liilii
Na Kiaha, o na ano waihooluu a pau
Na Bola, o kela me keia ano
Na Ipukukui Hele Po.
Na Ipukukui Kau Hale
Na Ipukukui Aila Mahu
Na Ipohao o na ano a pau.
Na Ipo Ti
Na Ipo Waiho Waihau
Na Pa Waiholoi Maka, nui a lulu o na ano a pau loa, me na waiwai e ae he nui hiki ole ke hoe pau aku.
Ke kahea ia aku nei no ka lehulehu e hele mai no oukou e ike maka, a e wae no oukou ihe, a e kuai aku no au ia oukou me ke kamakuai make pono loa mammua o ko na Halekuai Pa e aku o ko kakou kulanakauhale alii nei. Sam-wo-chung.
Honolulu Iulai 24, 1878
Olelo Hoolaha
Kuai a ka Ilamaku.
Alfred S. Harwell, [Hakawela.] Loio a he Kokua me ke Kanawai! Aia kona Keena Oihana maluna ae o ka Hale Baneko Hou o BIhopa ma.
Castle a me Hatch.
O kakela opio a me F. M. Hatch ua hui lana ma ke lawelawe ana i ka oihana Lolo. Ua hiki ia laua ke ko imua o na Aha a pau, mai ka Aha Hoomalu a hele i mua. Hoolimalima, a me ka Hoale Dala ana. W. R. Castle, Luna Hoolalo Kope. Koena Hapa ma Alanai Kalepa, Hoolalo, 3 puka manae aku o Alanui Papa.
Na Kauka
T.P. Tisdale a me C. L. Tisdale.
Homeopathists.
Hale Oihana a me kahi noho aia make alanui Beritania, mawaena o ka Luakini o Kaukeano a me ka pa hale o Kaleleonalani. E loaa no kekahi kaukao maua ma ke keena oihana i na wa a pau. O na poe a pau e makemake ana ia maua, e mikiala no mau ame ke kauloa oie i ke ao a me ka po. T. P. Tisdale. Honolulu, Mar. 28, 1878.
Ke Hoolaha ia aku nei mai keia la aku ua wehela ka pili o Mr. H. J. Agnew me ka Hui o Dilinahanma ma, aole hoi he mana lala no ke kakau ana i ka inoa o ka Hui, a me ke lawelawe ana i kekahi hana e ae o ua Hui nei. Honolulu, Maraki 20, 1878. B. F. DIllingham, S. N. Castle, na Kahu Waiwai no C. E. Castle a me kona mau keiki oo ole elua, - Ma o W. R. Castle kona lolo.
S. B. Dole, He loilo a he kokua no na kanaka ma ke Kanawai. E hiki no laila ke lawe i na hihia o keia a me keia ano imua o na Ahahookolokolo a pau o keia Aupuni. Keena hana ma Alanui Papa, maluna ae o ka Halekuai o LIkikini. Honolulu, Oahu, Januari 19, 1878.
Mokuaihi hou no Koolau, Oahu! Ke hoika aku nei Mukou i ua Kauaka maoli o Koolau, Oahu ke kapilila nei ma Kapalakiko he Mokuahi hou no kakou. A ke manao nei makou, e kaapuni mau ua Mokuahi la ia Koolau i kela a me keia malama, a e kuai aku no makou ma ke Dala Kuike i 1,000 Ahui Maia i kela a me keia holo ana. Ma ka malama ae nei o Iulai e hiki mai ai ua Mokuahi la, a e hoolooia ma ua ala holo moku ia. WIlder & Co. (Waila Ma.)
Cecil Brown. Loio a he kokua ma ke kanawai. A he agena uo ka Hoolalo ana i na Palapala no ko Mokupuni o Oahu. Helu 8. Alanui Kaahuman. Honolulu H. P. A. 2y
E Kuai ia Ana. He 1,000 Hipa a me 8,000 Kao o ka Hui Hauai Kao o Kaupulehu ma Kona, Hawaii. E ninau ia H. Cooper (Kupa) o Kailua. S58 H. A. S. Cleghorn & Co.,
Ke Makemake nei au i keiki malama Pa. A. F. Judd, (Alapaki.) Honolulu, Iune 14, 1878 863 tf.
Wai! Wai!
O na poe a pau no ka piula maio ka Oihana Wai o Honolulu, ko lakou pomaikai wai hoomau mea kanu a wahi e ae paha, ke hoolahala aku nei na hona e hoomau ai mai keia la aku a hiki i ka wa e hoolaha hou ia aku ai, ooia keia, mai ka hona o kakahiaka a hiki i ka S A. M. wale no.
Ua kanohala na Makai, e hoike mai i na poe kue i keia kauoha i a o ka mea e loaa aua ua kue i keia mau rula, e nele no eia i ka wai. R. LIshman, Luna o ka Oihana Wai, Aponola e J. Mott Smith, Kuhina Kalaiana. Keeua Oihana Wai o Honoluu, Mar 21, 1878.
E. Strehz, (Ailuene.)
Malaila e loaa ai na ano laau a pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papa a me Hotele, ma Monikahaae. (845 ly)
Nuhou! Nuhou
Ua hookohu pono mai na mea nona na inoa malalo, i mau agena ola no ka Hui Hana Kaa Cortland, o Cortlnad Nu Ioka. Eia no hoi ma ko makou nei Keena, he papa kuhikuhi maopopo o na kaa ukana, na kaa holoholo lea ka a pela aku, i hiki ke wae a ka makemake, a he haahaa loa no hoi ke kumukuai, a ua mahalo nui keia mau ano kaa a pauk no ka mikioi, ka nani a me ka paa maoli no o ka hanala ana. He agena no hoi ko ua Hui nei ma Canada, ma Wale Hema Hou a me kekahi mau aina e ae no hoi kahi, i lawe nuila aku ai ua mau kaa nei ma ke ano waiwai kalepa.
E hiki no ia oukou e na makamaka ke hele mai ma ka makou halekuai, e ike i na papa kkuhikuhi a me ka makou mau kumukuai no ua mau kaa nei, e waiho mai i na kauoha la makou me ka hoomakaulii pu hoi i ka oukou mau okeni, a Hoko o na mahina ekollu wale no mai ka la aku e loaa mai ai o ka oukou mau kauoha, e loaa no ua mau ano kaa nani ia ia oukou. Dilinihama Ma. Helu 95 &97, Alanui Moi, Honolulu, Oahu S53 tf.
Papa Kuhikuhi Manawa Holo o ka MOkuahi Hawaii. LIkelike! Kapena, Shepherd.
Poalua Aug. 13, born 5 pm … Hilo
Poakahi Aug. 19, born 5 pm … Kawaihae
Poalima Aug. 23, born 5 pm … Nawiliwili
Poakahi Aug. 26, born 5 pm … Kaapuni ia Hawaii
No ke ake nui e hoopomaikaila ka lehulehu kaahele, ua hooloa ae nei ua on a e LIkelike i ka Papa Hoike Manawai o ia Mokuahi e like me maluna.
Aole aie no na uku ohua?
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ua pali, akana a palolo paha, ko ole e kakaula ke kaa ana mai. E hookaaia ka uku ohana i ka wa e noho aku ai. WIlder & Co.
Moolelo o ke kau
Ahaolelo o 1878
La hana 67, Iulai 24, 1878.
Na hoike o na Komite.
Heluhelu mai ka luna hoomalu o ke komite waiwai i ka lakou hoike no ka olelo hooholo i wiaho ia mai e Hon. Kakela, e pili ana i ka oku ana aku i na dala 1,936.91 i ka poe i auhau papalua ia malalo o ke kanawai o 1876.
NO laila, ua manao ke komite, e hoopono i keia olelo hooholo, a e hookomoia ma ka hila haawina keia mau dala, a e hookaa ku i ka poe i auhau papaluaia.
Ma ke noi a Hon. Kamika, ua hoaponoia ka hoike a ke komite.
Ma ke noi ua kapaeia na rula, a heluhelu mai o Hon. Kakela he palapala hoopii na Theo Davis, e kauohaia ke Kuhina Kalaiaina e haawi i palapala SIla NOi no kona aina ma Maemae. Haawina i ke komite hookolokolo.
Ma ke kapae ia ana o na rula, ua heluhelu mai o Hon. Pilipa he palapala hoopii no Kona Hema mai, e hookaawaleia ma ke bila haawina i $2,000 no ka poe pilikia malaila i ka wi ; haawiia i ke komite waiwai.
Heluhelu mai ka luna hoomalu o ke komite wae, i waihoia aku ai na bila kanawai a Hon. J. Mott Smitt a me Hon. Pekekona, e pili ana i na alanui kaaahi.
Ua manao ke komite e waiho i keia mau bila a elua ma ka papa, a ke waiho aku nei ke komite he bila hou ma kahi o na bila i waiho mua ia mai.
Ma ke noi a ke Kuhina Waiwai, ua heluhelu ka bila a ke komite ma ke poo, a haawiia aku i ke komite hooponopono bila kanawi a waiho aku no ke pai.
Ma ke noi a Hon. Kamika, ua hapaiia na hana o ka la.
Na Hana o ka La.
Heluhelu alua ana o ka bila haawina iloko o ke komite o ka hale.
Hon. J. Kauai ma ka noho.
Koena Oihana Kalaiaina.
Uku kokua Kilauea Hou - 12000
Noi mai o Nakaleka e hooholo,
" " Hanuna - - 7200
" " A. Kaukau - - 6000
" " Keau e hoopanee loa.
Hora 12, hoomaha ke komite, halawai hou ke komite ma ka hora 1 auina la.
Oiai e noho ana ke komite o ka hale e noonoo no ka haawina kokua i ka mokuahi "Kilauhea Hou," ua ka mailio ikaika na hoa ma na aoao a elua no keia mea. A ma ke noi a Hon. Kupau, ua kakau ia na ae a me na hoole.
Ma ka ninau ana, ua hooleia ka haawi ana i haawina kokua no "Kilauea Hou." Eia ka poe hoole, na lii Kapena, Kaai, Loio, Kuhina, Kaeo, Rhodes, Moanauli, Martin, na Hons. Keau , Paniani, Moanaulu Jr. Kaoliko, Kipikona, Halstead, Hanauna, Nawahi Mahoe, Pekekona, Kamauoha, Pilipo, Kealawaa, A. Kaukau, Palohau, Kupihea, he 23 ka huina. Eia ka poe kokua, na lii Kamika, Kuihelnai, Ake, na Hons. Malo, Kupau, Kaiaikawaha, Aholo, J. A. Kaukau, Kamika, Kanealii, Kakela, Kapahu, Kauai, Nakaleka, he 14 huina.
Make noi a Hon. Paniani, ua hoopanee ka hale a noho hou i ka la apopo hora 10 o kakahiaka.
La hana 68, Iulai 25, 1878.
Na olelo hooholo me na Bila.
Heluhelu mai o Hon. Kealawaa no ka manawa mua he bila kanawai e hoohana ai i na paahao ma ko lakou mau apana i hoopai ia'i.
Ma ke noi a Hon. Nakaleka, ua hoole ola ia ka bila, no ka mea, ua hana ia keia kanawai no na mokupuni eha wale no, aole no ke aupuni hoolookoa.
Heluhelu mai o Hon. Kapahu he olelo hooholo, e haawi i na pono wai, pono uwapo, a mea e ae paha no ka mokuahi Kilauea Hou, e like me ka haawin ana i ka mokuahi Likelike .
Ma ke noi a Hon. Malo, ua ninau ano ia ka olelo hooholo. Kamailio hope mai ka mea nana ka olelo hooholo.
Ma ke noi a ke Kuhina o ko na Aina e, ua kapae ia na rula i hiki hou ia ia ke hoakaka mai ma ka aoao o ke aupuni, ma na mea e pili ana i keia olelo hooholo, a me na olelo mai ka Luna Helu 1, mai o Honolulu nei.
Ma ke noi a Hon. Pilipo ua kakau ia na ae me na hoole no keia olelo hooholo.
Ma ka ninau ana, ua hoole ia ke noi e hoopanee loa i ka olelo hooholo he 21, ma ka hoole, he 16 ma ka ae.
Ma ke noi a ke Kuhina waiwai, ua kapae ia na rula.
Kamailio hou mai no oia ma ka aoao kue i ka olelo hooholo.
Ma ke kapae ia ana o na rula, hookomo mai ke Lii Kamika he hoololi i ka olelo hooholo, make kapae ana i na huaolelo. "A mea e ae," oiai e hoopaapaa ana na hoa hiki i ka hora 13, hoomaha ka hale, halawai hou ma ka hora 1 auina la.
Ma ke noi a ke Kuhina waiwai, ua ninau ano i ka hoololi o ka olelo hooholo, ma ka ninau ana, ua hoole ia ka hoololi.
Ma ka ninau ana i ka olelo hooholo, ua hoopanee loa ia ka olelo hooholo.
Ma ke noi, ua kapae i ana rula.
Hoolaha mai o Hon. Kakela i kona manao, e lawe mai ana oia he bila kanawai e hoololi ai i ke kanawai o 1874.
E pili ana i na mokuahi holo pili aina. Heluhelu mai o Hon. Hanuna he lole hooholo, e kapaeia ka haawina kokua i ka laina mokuahi o na aina e, oia hoi na dala $36,000, iloko o ka bila haawina.
Rula mai ka noho, aole e hiki ke noonoo ia keia olelo, aole ehiki ke noonoo ia keia olelo hooholo i keia manawai, oiai, ua hala na hora he 24, mahope o ka hooholo mua ana i ka haawina.
Ma ke noi ua hapaiia na hana o ka la.
Na hana o ka la.
Heluhelu akolu ana o ka bila kanawai e hololi ai i ka makona 16, o na kanawai o 1870, e pili ana i ke oki mare.
Hoololi mai o Hon. Kakela i ka bila.
Ma ke noi a Hon. Kamika, ua hoololoia ka hoololi, a ua hooholo loa ia ka bila e like me ia i hoololi ia. Ma ke noi ua kapena na rula.
Heluhelu akolu ana o ka bila kanawai, e hoololi ai i na piuka 3 a me 4 o ka mok. 79, o na kanawai kanaima.
Ma ke noi a ke Kuhina o ko na aina e, ua heluhelu ka bila ma ke poo.
Ma ke noi a Hon. Kamika, ua hooholo loa ia ka bila.
Heluhelu akolu ana o ka bila kanawai, e hoololi ai i na pauku 56 a me 59, o ke kanawai kinila.
Ma ke noi a ke Kuhina o ko na aina e, ua heluhelu ka bila ma ke poo, a hoohole loa ia.
Heluhelu akolu ana o ka bila kanawai, e hoololi ai i ka hookaa ana i ka auhau alanui ma ke dala wale no.
Ma ke noi a ke Kuhina o ko na aina e, ua heluheluia ka bila ma ke poo, a hooholo loa ia.
Heluhelu alua o ka bila kanawai, e hoololi ai i ka pauku 1, mokuna 59 o na kanawai hoopai karaima, e pili ana i ke ola o ka lehulehu. Ma ke noi a Hon. Kipikona, ua haawiia ka bila ma ke kakau poepoe, a e heluhelu akoluia ma ka Poaono Iulai 27.
Heluhelu alua ana o ka bila kanawai, e hoololi ai i ka pauku 1424 o ke kanawai kivila. Ma ke noi a Hon. Kanealii, ua haawiia ka bila i ke komite wae, eia ke komite, Kanealii, Kaanaao, Bekekona, na'lii Kamika, a me Kuihelani.
Heluhelu alua ana o ka bila kanawai, e hoololi ai i ka puaku 1477, o ke kanawai kivila.
Ma ke noi a Hon. Aholo, ua haawiia ka bila i ke komite wae, i waiho ia aku ai ka bila, e hoololi ai i ka pauku 1424 o ke kanawai kivila.
Heluhelu alua ana o ka hoololi i manaoia no ka pauku 20, o ke kumu kanawai, e like me na olelo o ka pauku 80.
Ma ke noi a Hon. Kanealii, ua kokauia na ae me na hoole.
Ma ka ninau ana, ua hoopanee loa ia ka hoololi, eia ka poe makemake e hoopanee loa. Na Lii Dominis, Kipi, Waila, Kapena, Kaai, Preston, Kuihelani, ake, Bihopa, na Hons, Kupau, Aholo, Kipikona, J. A. Kaukau, Hanuna, Bekekona, Kakela, Kamauoha, Kauai, Palohau, Kupihea, he 21 ka huina.
Eia ka põe hoole i ka hoopanee, ke 'lii Moanauli, na Hons. Malo, Paniani, Moanauli Jr. Kaoliko, Kanealii, Nawahi, Mahoe, Kapahu, Kealawa, A. Kaukau, Nakaleka, he 12 ka huna. Nolaila, ua hiamoe kau a hooilo aku la ka hoololi i manaoia no ka pauku 20 o ke kumukanawai.
Heluhelu alua ana o ka hoololi i manaoia no ka pauku 61 o ke kumukanawai, e like me na hoakaka ana o ka pauku 80.
Ma ke noi a Hon. Aholo, ua kakauia na ae me na hoole, in a ka ninau ana. Ua hooopanee loa ia ka hoololi.
Eia ka põe kokua i ka hoopanee loa, na'lii Kuihelani, Moanaluli, na Hons. Malo, Paniani, Moanauli Jr. Kaoliko, Aholo, Kipikona, J. A. Kaukau, Kanealii, Hanuna, Nawahi, Mahoe, Kealawa, A. Kaukau, Kupihea, Kauai, Palohau, Nakaleka, he 19 ka huina.
Na'Lii Dominins, Kipi, Waila, Preston, Ake, Martin, na Hons. Bekekona, Kakela, Kamauoha Kapahu, he 12 ka huina o ka poe hoole.
Ma ke noi a Hon. Aholo, ua hoopanee ka hale a noho hou i ka la apopo hora 10 am.
Ka Haiolelo Pane a Peresidena
Hon. G. Rhodes imua o ka Ahaolelo, ma ka Poalua, Aug. 6, 1878.
Mamuli o ka waiho ia ana 'ku o kekahi olelo hooholo waha e W. O. Kamika. E haawi aku ana i ka mahalo, a me ka hoomaikai ika Peresidena no kona hoomalu pono ana i na hana o ka Ahaolelo.
Ua haawi mai la ka Peresidena i kana haiolelo malalo nei.
E na 'Lii a me na Lunamakaainana. Manao no wau, he mau hoa aloha pu no kakou a pau, ke haawi aku nei au i ko'u mahalo, a me kuu hoomaikai ia oukou, aka, aole nae i pau ka hapalua o na olelo maikai a'u i manao ai e hoopuka aku no keia olelo hooholo maikai a oukou i waiho mai nei.
Ua hoomaopopo au i ka hanhano nui a oukou i haawi mai ai ia'u, ma ko oukou kaikai ana'e ia'u ma ke kulana a'u e lawelawe nei, a o ka lua keia, aole no hoi au i manao, ia'u wale no i maikai ai ka kakou hana, aka, mamuli o ke ahonui pu o na hoa kekahi. Ua hoomanawanui pu na hoa kekahi i kekahi, pela no wau.
Ano, ke hoomaikai, aku nei au ia oukou me kuu puuwai holookoa.
O kau noi e Akamu e hookomo i kau olelo hoolaha, eia mai ke hele akula ; a o ka makou hoi, e hoouna mai oe i ka uku o ka hoolaha ana i $1.50 no ekolu puka ana.
Ko Dala Nui. - Mai ka peni a J. Poliokeawe o Makapala, Kohala, makou i ike iho ai i ka dala nui ; o ke kiekie o ke ko he 4 kapuai, a ua kii kolohe ia e kekahi mau keiki eu hai, a ua koi ia ke poho, ua uku ia mai he 20 dala no ke ko hookahi. O ka mea nana keia ko oia no o Hale (Amala.)
Nuhou o ko na Aina e!
He nui na manao pioloke o na poo aupuni o Enelani no ke kuikahi o Tureke. He nuku wale no ka poe i loaa he mau manao maikai ko lakou e pili ana no keia mea. O Haku Harrington ke poo alakai aia oia iloko o ka hale ahaolelo o na makaainana, e ake ana oli e ike ia na palapala a me ke ano o ke keiki o Tureke. A in a e pau keia mau mea i ka hooponopono ia, alaila, ua hiki no ia lakou ke koho i ka mea a lakou i ike ai he pono.
Eia ka hoike a kekahi. Aole e manao ia ana e ola loihi ana keia kuikahi. A ua hoike ae hoi kekahi o ka Haku Bekanafila mau hana, oia no ka apuka ana i na pono o Pashas a me ka hana ino ia o ka lahui.
Ko Bekeonafila mahalo.
He nui na'lii a me na hala o ka hale ahaolelo makaainana i hele ae i Dorera i keia la no ka haawi aku i ka mahalo i ka mana nui o Berelina. Ua makana aku ka Meia a me na poe i ike kanawai a pau me na haiolello hauoli, a puka ae na puali hookahakaha, e pili ana no na mana aupuni, a e hele ae ana a hiki i ke alanui kaa-ahi (Charing Cross,) ma ka hora 4:45 a hui pu mai la o Haku Heneri Lennox no ka hookipa aloha.
Ua piha kuineki ae na paleha o Chanog Cross a me Trafalgar i na kanaka, a ua piha pu no hoi ma ka auau komohana a hiki i ka hale keokeo i na kanaka.
A o ka Hotele Charing Cross keia a me na hale ma kela a me keiak aoao o ke alanui a hiki i ke alanui Downing, ua hele a hihi pea i na have o kela a me keia ano. Nui no hoi na have Amerika e pulelo ana i ka makani ma ka hale mao mai o Charing Cross Hotele.
Ua nui na palapala ae i loaa ae i na kanaka no ke kao ana maluna o na kaa mahu e like me ka hiki, a ua hiki pau ae no hoi ka hui metopolitam, aohe nae he mau haiolelo i haawi ia, a o na kuhina i haule hope mai ka hale Aupuni, ua ike ia lakou ma ke kahua ma ke alo iho o ke alanui kaa mahu.
He nui na Poo Aupuni e ake ana e loaa on a palapala no lakou, i ike ia aku me ke kahua palahalaha mamua pono iho o ke alanui, a e hoomoakaka ana no ka hauoli nui o ka lahui, he elima haneri mau noho o ka Haku mua o na Akimalala i hoomakaukauia ma ka hale keokeo, a o ke alanui Downing hoi ua hookaawaleia no na hoa o ka Hale Ahaolelo alii. Mawaena o ke alanui Downing a me Charing Cross, oia lehulehu e ku makaukau ana no ka hookipa aloha ana.
Ua ku malie na mea u pau a hala na minute he 15 o ka hora 4, kaalo mai ana ke kaa lio o Huku Bekonafila. O kae alo iho keia ma ka aoao komohana o ke alanui, kahi e holo ana ke kaa lio, ua hele ia a piha kui, oiai hoi e ku Ialani ana na noho he lehulehu ma kekahi aoao o ke alanui me na uhi nani o na ano wai hooluu like ole ; a ma kekahi aoao hoi e popohe mai ana na pua o kela a me keia ano e hoopiha ana i ka lewa me ko lakou mau ea ala. A ua kahiko pu ia na hoi ke alo me na lei pua o na nani he nui, a ma ka ipuka e komo aku ai, ua hookuu welu ia me na have o na lahui i hoikeia iloko o ka Ahaolelo. Eia ka olelo i ka Nupepa Manawa.
Ua hookipa aloha ia o Haku Bekonafila e like me ke alii nui, me na hoohanohano hauoli nui i ike ia i keia au hou o Enelani.
Ua pahola aku kona kaulana, he kanaka Enelani naauao, a nolaila heaha ana la kono kulana, kupono e hoonoho ia'i.
E haawi ia ana he mau ahaaina hoohanohano e na kuhina ma kekahi hale nani, ma ka malama o Augate, aole i hoike ia mai ka manawa e haawi ia ai ka paina awakea.
Ua hiki ae na kaa lio o na poe hanohano, a ua haawi pakahi ia aku lakou me na leo huro hauoli mai ka lehulehu aku.
Hiki mai o Bekonafila.
Ua hiki ae o Haku Bekonafila me ka eleu ma ke alanui hao o Charing Cross, i ka hora 4:50 p. m.
Mahope i ho o ka lulu lima ana, ua kau pu aku la o Bekonafila ma Haku Salisbury a me kana wahine maluna o ke kaa, aia lakou e holo ana ma ke aoao komohana o ke alanui, ua hoomau ia mai la na leo huro a me ka hoolei ia mai i na pua lei a hiki i ke alanui Downing.
Na Hana a Enelani no Kuhero.
Ua kapa aku o Mr. Bring o ke keena kanikela o Baritania ia Kupero ma ka inoa o Beritania Nui.
Ua ike ia ka pilikia o ke Aupuni no ka hoomakaukau ana i na puali koa no ka hoouna i Kupero.
Ua hooike ia ne ma na pepa na hookou ia ana o kekahi mau kanaka i mau luna no ka oihana kaua a me na oihana e ae. A ke hoomakaukau nei o Gen. Garnet Woolsley no ka hoomoe ana i na alanui hao. A o kekahi no ke hoomoe ana i uwea olelo a hiki i Alekanderia, i loaa ai na kamailio kokoke ana me Enelani.
Eia ka ka Nupepa puka la : Ua ike ia ka mokupuni o Kupero, ke hoopuni ia nei me na puali koa uuku o Europa.
Lilo Enelani i mea malama ia Kerete.
Ua hoike i aae ke nee la iloko o Kerete na ninau a puni ka aina no ka lilo na Enelani e malama.
Manao pono ole Farani no ke Kuikahi o Tureke.
Ua hooinainaia ka manao uluku i loko o na makaainana o Farani no ka hana malu ana o Enelani i kuikahi me Tureke. Ka lili o Italia a me Farani.
Eia ka hoike a kekahi mea kakau mai Berelina mai.
Eia k amea hou o Italia a me Farani, o ka loheia o na leo o ka lehulehu e kamailio ana no ke kuikahi o Kupero, a no keia ua ku mai kekahi kuhina o Beritania a olelo mai in a ana ko Farani a me ko Auseturia manao no ke kaua, a lokahi like laua no ia mea ma ko laua ana lii no Tureke, alaila, aohe hopo iki o Beritania no ia mea. Aka me he mea la aole e hiki ana ia laua, pela io no aole e bila ana. Aka, he hiki no ia Enelani ke lawe mai i na hooponopono ana i na palina o Asia. A e pua hoi a ke Dedenela i wahi e hiki ai ke pale aka i na hana pono ole a ko Europa. A e lawe ana ia Augupita a hiki like ala wai o Sueka i mea e hoeha aku ai i na noonooo o Farani. Ke kau nui nei kona manao no Kupero.
Farani a me ke Kuikahi o Tureke.
Ma ke kumu hea a ma ke keen hea la ka Beritania a menao nei no Tureke, o ka noonoo o Farani no Kupero, aole i pono. Ua hooikaika ka elele o Farani imua o ka ahaolelo no ko lakou pono a me na pomaikai ma Kina a me Aikupika.
Nu Hou Kuloko.
E ike ia ma kekahi kulamu o ko makou pepa, ka Papa kuhikuhi o ka manawa holo o ka mokuahi o Capt. Heberon oia o "Kilauea Hou."
Hoohuila. - Ma ka la 21 o Iulai iho nei ua hoohui ia ae ma ke kaula gula o ka mare e Rev. J. Waiamau, o Kaluakini o Keauhou me Miss. K. Kalama o Kahaluu.
Make embolie. - Ma Puhau Hilo, make iho la o Mr. Kaaeholo he haai akoko kona mai i make ai, ka nui o kona mau ia ma keia ao he 61 makahiki, a ua waiho iho oia he mau keiki ma keia aoao o ka lua e paiauma aku ana nona aloha ino.
Ahaaina Palala. - Ua malama ae o D. Kekiokalani a me kana wahine, ma Kahana, he ahaaina no ka la hanau o ka laua kaikamahine hanai, a o na loaa he $200.
Ma ke awakea Poakahi iho nei, ua ku mai ka mokukaua Ruinkin Kreyser, i loko o na la holo he 12, mai Kapalakiko mai.
Ua holo aku. - Ma ka mokuahi no Kaleponi iho nei i holo aku ai kekahi o ko kakou poe kamaaina ; o S. B. Dole, P. C. Jones, Walakahauki makua, a me kekahi poe e ae ; he mau mahina paha e kaawale aku ai.
Kumu no Hilo. - Ua loaa hou iho nei he kumu no ke Kula hanai o Hilo, o Rev. W. B. Oleson, kona inoa, a e ku mai ana iloko o keia mau pule.
E hoomanao. - E hoomanao e na makamaka a e naue nui aku i ka Hale kuai helu 10 o Ino. T. Waterhouse, ma ke alanui Papu, e like me kana olelo hoolaha e puka aku nei ma ka Pepa o keia la, a e nana pu ae no hoi me na olelo hoolaha hou e ae.
E ko makou mau makamaka, e kali hoomanawanui oukou, a e kala mai ia makou no ka puka ole aku o ka kakou moolelo nanea, oiai, ke ake nei makou e pau na hana o ka Ahaolelo.
Paina aloha hope. - Ma ka hora 2 o ka auina la Poakahi Aug. 5. Ua oluolu Kuhina o ka Moi ka haawi ana i paina aloha hope no na lunamakaainana ma ka Hotele Hawaii, malaila pu ae ua Kanikela o na aupuni e, na lunakanawai o ka aha kiekie, ua inu aloha ia ke ola o ka Moi, na Kuhina a me ka Peresidena o ka ahaolelo.
Ke Alii ka moi. - Ma ke ahiahi Poalua nei Aug 6. Ua holo aku ke 'lii ka Moi no na mokupuni o lalo, maluna o ka mokuahi "Kilauea Hou" e na wele lau aheahe makani ana a me ke au koieie o Kaieiewaho me ka oluolu ia Kalani.
E hala ka oiaio a lau. - Eia ka oiaio no na mea e pili ana i ka moku kuna "Henrietta" i hoolaha ia maka Pae Aina o ka Poaono i hala. Ua haalele ka moku ia Honolulu nei i ka Poaono, ekolu kanaka maluna me na omole gini ewallu, hookahi omole i inu mua ia mamua o ka holo, ana a o na omole i inu ia ma ia hope iho aole i ike ia; ma ia po, kahuli ka moku mawaho ae o Puuloa, elua kanaka i pae i uka i kakahiaka la Sabati ; a i ka holo ana mai o ko uka poe a i ka moku, hookahi kanaka i loaa ia lakou ua hoa ia i ke kaula a paa iluna o ka moku, loaa no hoi hookahi omole gini i koe.
He mele Inoa no Niihau.
Nani hemolele ka uka a Malamanui.
He nui no au he hiapo na ka makemake,
Makemake au e ike i ka pua o ka rose-lani
He lani nui he hiwahiwa na ke aloha
Alohan au o ka liko pua o ka lehua
Elua no maua i ka makani he kaiaulu
Uluhua au i ke kani a ke makika
I ka hau'alaau i ka uka o Kaala
Aala onaona ka maile lauli o Kaihi
I ka hoohaili hookapeke ia e Kainuwai,
Waiwai kaokkoa ka'u i ka la nui,
He nui ka makua he milimili na pua a ka poe
Noenoe wahi ke ehu o ke kai i ke alo o Kilauea
I ka noiauia e ke kiu Wailehua
Hoomau no i ke kai o Kaieie,
E hana lealea ana i ke kula o Keawaula
Mau ka puu i ka wai a ke kehau,
I ka hana mikioi ia e ka ua naulu
Ulu kuu manao a ike i ka wai o Keaha
Kela wai haaheo iluna o ka lau,
E hoola ana i na kupe o Kawaihapai
Hapai he wahahee na Kaaiea,
E haanui olelo nei ia Nenelea,
Lea kaaka kahene i ke kula o Alau,
Lalahu ana i ke kaha o Mokulaia,
I ke koali hoomau ia e Keawenui,
I ka owala kini ia e Poloiea,
Ea mai koke me ke aeloa
Hau a lili i ke kula o ke Auau,
E au e wiki mai oe, e ka lipoa
E kuu i-a aala onaona i ka ehu-kai
Hookahi kuikui lauania e alo nei i ka wai o Kaiaka
He wahi aloha, no ka liko pua ohelo.
K.P., Keiki o ka Aina nona ka inoa, Niihau, Iulai 31, 1878.