Ka Nupepa Kuokoa, Volume XVII, Number 32, 10 August 1878 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

 

@uokoa me ke Au Okoa

 

I HUIIA.

 

No ka Makahiki, $2.    Eono Mahina, $1

 

Dala Kuike ka Rula.

 

AUGATE 10, 1878.

 

HOOLAHA EUANELIO.

 

E halawai ana ka Ahahui Euanelio o Hawaii Hikina ma ka Poalua elua o Sept. 1978. Hora 1 p.m. Ke kono ia aku nei na kahu a me na elele e eleu ae. Ma ke kauoha,

            J. N. Kamoku.

Kakauolelo Puula, Puna, Iulai 29, 1878.

            871 5t.

 

Jesus Loves even me.

 

                        Colonial Singer, No. 212.

                        1

Oli noau i ka Haku Iesu,

            Oli hauoli a mahalo pu

Kona aloha i ko keia ao,

Kona manao, a aloha mai ia’u.

Cho.    Hauoli au, aloha Iesu,

            Aloha Iesu,

            Aloha Iesu,

Hauoli au, aloha Iesu,

Aloha Iesu la ia’u.

                        2

Oli no au i ka Haku Iesu,

Kii mai no oia ke auwana au,

Kii no a apo a kai maikai no

            Ma ke aloha, aloha mai ia’u.

Cho.    Hauoli au, aloha Iesu, &c.

                        3

I leo no’u, a i mele maikai,

I lira gula e hookaui ai

I ke aloha o kuu nei Iesu,

            Kona manao, a aloha mai ia’u.

Cho.    Hauoli au, aloha Iesu, &c. .

                        Hawaii.

 

@aa@ina @ola Sabati.

 

HELU SABATI AUG. 25, 1878:

 

KUMUHANA:

Ka hoalauna o na lawehala. Pauku Baibala. Luk. 7; 40-50.

 

40 A olelo mai la o Iesu, i mai la ia ia, E Simona, he wahi olelo ka’u ia oe. I aku la oia, E ke Kumu, e olelo mai no.

41 O kekahi kanaka elua ana mea aie; elima haneri denari ka aie a kekahi, a kanalima hoi a kekahi.

42 Aole a laua mea e hookaa aku ai, kala wale aku la oia ia laua. E hai mai hoi oe, owai hoi ko laua mea i aloha nui mai ia ia?

43 Hai aku la o Simona, i aku la, Ke manao nei au, o ka mea nana ka aie nui ana i ka@ wale ai. I mai la oia ia ia, Ua pono kou nanao.

44 A haliu ae la ia i ka wahine, i mai la oia ia Simona, Ke ike nei anei oe i keia wahine? Ua komo mai nei au iloko o kou hale, aole hoi oe i haawi mai i wai no ko’u mau wawae; aka, ua hoopulu iho keia wahine i ko’u mau wawae me ka waimake, a ua holoi iho hoi me ka lauoho o kona poo.

45 Aole oe i honi mai ia’u; aka, o keia wahine, mai ko’u komo ana mai, aole ia i hooki i ka honi ana i ko’u mau wawae.

46 Aole oe i poni mai i kuu po me ka aiia; aka, ua poni mai keia wahine i ko’u mau wawae me ka mea poni.

47 Nolaila hoi, ke olelo aku nei au ia oe, O na hewa ona he nui loa, ua pau ia i ke kalaia; no ka mea, i nui ai kona aloha; aka, o ka mea ia ia ka mea uuku i kalaia, @a ke aloha uuku.

48 I mai la ia i ka wahine, Ua kalaia na hewa ou.

49 A o ka pae e noho pu ana, i iho la lakou iloko o lakou iho, Owai keia e kala nei i ka hala?

50 I mai la oia i ka wahine, Ua ola oe i kou manaoio ana; e hele aku oe me ka pomaikai.

Pauku Guia. “Ua hoolauna oia nei me ka poe hewa.” Luka 15; 2.

Manao nui. Ka manaoio ka mea e ola’i. Ka wehewehe ana.

Mea hoakaka. E mau no ke kula e ana a na kumu me na papa. Nana kahu e haawi i na himeni me ua pule, a e ninau i na papa ma na mea nui iloko o ka haawina me na manao pili.)

P. 40. Elua mea. Iesu, Simona. Owai keia Simona? He Parisaio oia. Aole akaka kona kulanakauhale. Ma Iuda paha. Ma Galilaia paha. Aole akaka kana oihana. He kanaka waiwai paha. He kanaka mai paha, a ua hoola ia e Iesu. Nolaila paha kana hana ana i ahaaina, a kono ia Iesu e ai pu me ia. Ua ae Iesu e ai pu. Aole nae o laua pu wale no ma ia ahaaina. He poe e ae kekahi. I ka lakou ai pu ana komo kekahi wahine. Aole akaka kona inoa. He wahine lawehala nae mamua. Ua loohia paha oia i ka mai no koua hewa, a ua hoola ia paha oia e Iesu. I akaka kona mihi me kona aloha ia Iesu, noho oia ilalo a uwe nui, a hoopulu i ko Iesu mau wawae me na kulu waimaka, a kaa maloo me kona lauoho, a honi i ko Iesu mau wawae, a pooi ia ia me ka mea poni, mea kumu kuai nui paha. Aia mahea ka hana like? lo. 12; 2, 3. Mareko. 14; 3. Hoohalahala @ae Simona. Haohao loa iloko ona ko Iesu ae ana e launa pu keia wahine hewa me ia. No kona ike ole paha i kona ano; no keaha la? Ua ike Iesu i ka manao hoohalahala iloko o ka naau o Simona. Nolaila, hoopuku oia i keia olelo nane.

P. 41. He kanaka waiwai paha keia. Ehia mea i aie ia ia? Pehea ka nui o ka aie a kekahi, a kekahi? 500 denari=$75.50 denari=7.50. Iesu keia haku. Keia wahine @ mea i aie 500 denari, Simona ka mea ia aie 50 denari. Nui loa na hewa o ka wahine ma kona, manao, nai loa ke aloha o Iesu. Uuku ka hewa o Simona ma kona manao, uuku hoi kona aloha ia Iesu.

P. 42. Ilihune na mea aie elua, aole waiwai e hookaa ai i na aie. Pehea ua nei i ko laua mau aie? Heaha ka Iesu ninau ia Simona?

P. 43 Pehea Simona i pane ai? A aha mai Iesu? Ua akaka a@ei keia olelo nane ia Simona?

P. 44-46. Ko Iesu hoopili ana i keia olelo nane i ka wahine me Simona. Heaha ka Iesu ninau ia Simona? Ua ike no he wahine hewa, a ua huhu oia no kona komo ana iloko o kona hale, a ane huhu ia Iesu no kona hoolauna ana me ka wahine. Ma ke aha Iesu i hoohilahila ai ia Simona? Komo Iesu i kona hale ma kona kono ana. He mea mau ma ia aina ka holoi i na wawae o na hoa ai. Aoie nae Simona i holoi i na wawae o Iesu kona hoa ai. Aka, o ka wahine, ua aha oia i ko Iesu mau wawae? Heaha ka wai holoi? Heaha ke kawele ka a maloo? He mea mau hoi ka honi aloha i ka poe i hookipa ia. Pehea Simona? Pehea ka wahine? Owai hoi o laua ka i poni ia Iesu? Me keaha hoi? Oi loa, ea, ke aloha o ka wahine.

P. 47. O na hewa he nui loa o keia wahine oia kona mau aie ia Iesu, aole hiki ia ia hookaa ia mau aie, aohe mea nana e kala i kona mau hewa Iesu Kristo wale no. Ua mihi no oia a makemake no e hoomaopopo ia, ua kaia ia kona mau hewa. Nolailai, ke hai aku nei Iesu, ua kala ia kona mau hewa he nui loa. Nolaila hoi pono ia ia ke aloha nui ia’u. A me ia hoi kona aloha: Kou aloha nae, uuku ia, no ka mea, uuku kou hewa ma ko’u manao ke kala ia. Akaka anei ua mihi Simona, a ua kala ia kona hewa? Ane like paha ia me ka Parisaio ma Luka 18; 10-14. A like ka wahine me ka luna auhau malaila. Heluhelu owai ka i hoopono ia, ka Parisaio anei? ka luna auhau paha? Simona anei? Keia wahine hewa paha? Ma keaha e hoonui ia’i ke aloha?

P. 48, 49. Heaha ka Iesu olelo hoomaha i ka wahine? Makea kekahi olelo like? Mat. 9; 2. Pehea hoi na kanaka maloko o ko lakou naau? He olelo hanalua, hoomaloka paha ia me ia ma Mat. 9; 3.

P. 50. He ola aha keia o ka wahine? he ola kino paha kekahi; me he la, ua mai mamua, a ua hoola ia. A he ola no ka uhane paha kekahi. Ma keaha ke ola ana? A he ola? A hookuu Iesu i ka wahine me ka olelo aha? Me ke ao aku paha kekahi, mai hana hewa hou. Owai ka Elisai i hookuu ai me ia? 2 Na’Lii. 5; 19. Hai mai i kekahi mau hana aloha a Iesu, a me kekahi poe i hoola ia ma ka manaoio. Mat. 8; 2, 3. 6; 7, 13. 9; 2, 6. 18; 20, 21, 22, 27-30. 11; 28. 15; 22-28. Ioane. 5; 5-9. 8; 10, 11. 9; 6,7. 11; 23, 27, 35, 43-45. Nui na hana aloha a Iesu, a me ka poe i ola ma ka manaoio. Mahea kekahi mau hoohalahala a na Parisaio? Mat. 9; 10-13. 15; 1-2. Luk. 15; 1,2.

            Na manao pili. 1. He poe hewa kakou a pau. Nui wale na hewa na aie. 2. Ua hele mai Iesu e hoola i ka poe hewa. 3. Ma ka mihi a ma ka manaoio ka hoola ia ana e Iesu. 4. O ka poe i hana hewa nui a mihi a kala ia pono ia lakou ke hoonui i ko lakou aloha ia Iesu. Oia wale no ka mea i hiki ke kala i ka hewa. 5 E hele me ka pomaikai ka poe i kala ia. Mai hana hewa hou. 6 E imi i ka poe hewa, e launa pu i hiki ke ao, ke paipai, ke hoohuli, ke hoola.

            Haawina no Sept. 1, Luka 10:17-24.

 

MOOLELO O KA

 

AHAOLELO O 1878.

 

[Koena mai ka Aoao Ekahi mai.]

Heluhelu mai ka luna hoomalu o ke komite wae i waihoia’ku ai ka bila kanawai a Hon. Kauai. E hoemi ana i ka auhau lio i hapalua dala, ke hoike aku nei ka hapanui o ke komite, e hoopanee loa i ka bila.

            Ma ke noi, ua aponoia ka hoike a ka hapanui o ke komite.

            Eia ka mea kupanaha, me ka ike no o ka hapa uuku o ke komite, ua aponoia ka hoike a ka hapanui. Hao mai ana ka hapa uuku i ka heluhelu i kana hoike, i loa no a pau, o ka lele aku la no ia hoike ma ka puka aniani. Hu ae la ka aka?

            Ma ke noi a ke Kuhina waiwai, ua haapaiia na hana o ka la.

Na Hana o Ka La.

            Heluhelu alua ana o ka bila haawina iloko o ke komite o ka hale.

            Ke’lii Martin ma ka noho.

 

Oihana Koa.

Kokua Oihana Koa    -   53,560

Noi o Kaai, e hooholoia haawina.

-             -  mai o Keau   -   26,860

-             -   Dominis    -     60,000

-             -    Kanealii     -    25,000

-             - Hanuna      -     45,397,50

Ma ka noi a Hon. Keau, ua kakauia na ae me na hoole, no ka haawina o na koa he $60,000.

            Ma ka ninau ana, ua hooholoia ke $60,000.

            Eia ka poe kokua i keia hanwi@a, na’lii Dominis, Waila, Kapena, Kaai, Preston, Bihopa, Kanoa, Kapena Roke, Kamika, Kahanu, Ake, na Hons. Malo, Kupau, Kaanaana, J. A. Kaukau, Kamauoha, Kapahu, Kauai, Kupihea, he 19 ka huina.

            Eia kapoe hoole, ke’lii Kaeo, na Hons. Keau, Paniani, Moanauli, Jr Kaoliko, Kaiaikawaha, Mahoe, Pilipo, Aholo, Kipikona, Hanuna, Nawahi, Kealawaa, A. Kaukau, Palohau, Nakaleka, he 16 ka huina.

Koena O Na Haawina Oihana Kalalaina.

            No ka lawe leta e like me ka ke komite 9,336. hooholoia.

 

            Noi mai ke Kuhika Kalaiaina, e hookomo maanei. No na hale hoomala ohua eemoku 5,000, hooholoia.

            Noi ke Kuhina Kolaiaina, no na Kauka kahele, he 6000.

            Noi mai o Hanuoa, e hoopanee loa.

            Hookoloia    -    6000

            Noi mai o Aholo, no ke Kauka noho mau ma Lahaino - - - - 2000

            Noi mai o Nawahi, e hoopanee loa, mahope o ke kamailio ana o na hoa no keia noi, aohe mea i hooholoia.

            Ma ke noi a Hon. Pilipe, ua hoopanee ka hale a noho hou i ka la apopo hora 10 am.

            La Hana 64, Iulai 20, 1878.

Na Hoike o Na Komite.

            Ma ka noi kapaeia na rula.

            Heluhelu mai o Hon. Moanauli he palapala hoopii no Honolulu, o noi mai ana e malamaia ko lakou mau pono wai; haawiia i ke komite hookolokolo.

            Heluhelu mai o Hon. Kipikona i ka hoike a ka hapa nui o ke komite waiwai, e pili ana i ka bila kanawai e hoololi ai i ka mokona 41 o na kanawai o 1876.

            Ua manao ka hapa nui o ke komite, e hoopanee loa i ka bila.

            Heluhelu mai no hoi o Hon. Malo i ka hoike a ka hapa uuku o ke komite waiwai no ia bila hookahi.

            Ma ke noi a Hon. Pekekona, ua aponoia ka hoike a ka hapa nui o ke komite.

            Heluhelu hou mai o Hon. Kipikona i ka hoike a ka hapa nui o ke komite waiwai, no ka palapala hoopii e pili ana i ke alanui Kula. Ua manao ka hapa nui o ke komite e hoopanee loa.

            Heluhelu mai o Hon. Malo i ka hoike a ka hapa uuku o ke komite e pili ana ia noi hookahi no. Ua manao ka hapa uuku o ke komite e hooholo.

            Ma ke noi, ua aponoia ka hoike a ka hapa uuku o ke komite.

            Ma ke kapaeia ana o na rula, ua heluhelu mai ka Loio Kuhina he bila kanawai e papa ana aole e ku loio kekahi mea imua o na aha apana, a me hoomalu me ka laikini ae ole.

            Ma ke noi a Hon. Kipikona, ua hoopanee ka hale a noho hou i ka Poakahi hora 10 o kakahiaka.

            La Hana 65, Iulai 22, 1878.

Na Hoike O Na Komite.

            Heluhelu mai ka luna hoomalu o ke komite waiwai i ka lakou hoike e pili ana i ka haawina kokua i ka laina mokuahi e holo nei mai Kaleponi mai, a me Kikane mai.

            Ke hoike aku nei ke komite, e hooholoia ka haawina he $48,000 ma ka bila haawina.

            Ma ke noi a Hon. Kipikona, ua waihoia ka hoike ma ka papa a noonoo pu me ka bila haawina.

            Heluhelu mai o Hon. Malo i ka hoike a ka hapa uuku o ke komite waiwai, no ka olelo hooholo a Hon. Kakela, no ka haawi ana i $12,000 i uku kokua i ka mokuahi “Kilauea Hou.”

            Ke hoike aku nei ka hapa uuku o ke komite, e haawiia i huawina, aka, ke waiho aku nei ka hapa uuku na ka hale no e noonoo no ia mea.

            Noi mai o Hon. Kakela, e waiho i ka hoike a ka hapa uuku a me ka hapa nui, a noonoo pu me ka bila haawina; hooholoia.

            Ma ke noi ua kapaeia na rula, a heluhelu mai o Hon. Kanealii he olelo hooholo, e haawi pakahiia na hoa me na kope o na kanawai pakahiia na hoa me na kope o na kanawai i hooholoia i keia kau; hooholoia.

            Ma ke noi a Hon. Keau, ua hapaiia na hana o ka la.

 

Na Hana O Ka La.

 

            Heluhelu aloa ana o ka bila haawina iloko o ke komite o ka hale.

Hon. J. Kauai ma ka noho.

Koena Oihana Kalaiaina.

            Noi o Aholo, no ke kauka noho mau ma Lahaina.   -   -   -   -   $2,000.

            Hoololi mai ke Kuhina Kalaiaina i 1,000 mawaho ae o na dala 6,000 o na kauka haahele.

            Hoololi mai o Kamika, e waiho a noonoo pu me ka bila haawina, a e hoomahuahua hou ae i keia haawina; hooholoia.

            Kela me keia lilo palapala, 12,000; hooholoia.

            Uku kokua Laina Mokuahi                 24,000.

            Noi mai ke Kuhina Kalaiaina              48,000.

            Hora 12, hoomaha ke komite, halawai hou ke komite ma ka hora 1 auina la.

            Noi mai ke ‘lii Kamika, e hooholo i ka haawina - - - - $24,000.

            Kokua mai ke Kuhina Waiwai, Pekekona i ka hooholo i $48,000; kue mai na Hons. Nawahi, Pilipo, Kaiaikawaha, a noi mai e hoopanee loa.

            Mahope o na kamailio ana o na hoa, ua nonoi mai o Hon. Pilipo, e kakau ia na ae a me na hoole no ka hoopanee loa; hooholoia.

            Ma ka ninau ana, ua hooleia ke noi e hoopanee loa, he 31 ma ka hoole loa, a 9 ma ka ae.

            Ma ke noi a Hon. Pilipo, ua kakauia na ae me na hoole no ka hooholo i $48,000.

            Ma ka ninau ana, ua hooleia ka haawi i $48,000; he 28 ma ka hoole, 13 ma ka ae.

            Noi hou mai ke Kuhina Kalaiaina e hookomo malaila i $36,000.

            Ma ke noi a ke Kuhina Kalaiaina, ua kakauia na ae a me na hoole no keia noi.

            Ma ka ninau ana, ua hooholo ia ka haawina i $36,000. Eia ka poe kokua i ka haawi pela, na ‘lii Kipi, Waila, Kaai, Kapena, Loio Kuhina, Kanoa, Kuihelani, Ake, Moanauli, Martin, na Hons. Malo, Paniani, Kupau, Kipikona, J. A. Kaukau, Halstead, Mahoe, Pekekona, Kamauoha, Kapahu, Kupihea, he 21 ka huina. Eia na hoole, na lii Dominis, Bihopa, Kaeo, Rhodes, Kamika, Kakela, ua Hons. Keau, Moanauli, Kaoliko, Kaiaikawaha, Aholo, Kamika, Kanealii, Hanuna, Nawahi, Pilipo, Kealawau, A. Kaukau, Nakaleka, he 19 ke huina.

            Ma ke noi a Hon. Pekekona, ua hoopau ia ke komite.

            Ma ke noi a ke Kuhina Waiwai, ua aponoia ka hoike a ke komite.

            Ma ke noi a ke Kuhina o na aina e, ua hoopanee ka hale a noho hou i ka la apopo hora 10 am.

La Hana 66, Poalua Iulai, 23, 1878.

Hoike O Na Komite

            Ma ke noi ua kapaeia na rula.

            Heluhelu mai o Hon. Malo, he palapala hoopii na kekahi makai o Honolulu nei. E noi mai ana e uku aku ia ia no kaua hana i $180.

            Ma ke noi a Hon. Pekekona, ua hapai ia ua hana o ka la.

Na Hana O Ka La

            Heluhelu akolu ana o ka bila kanawai, e hoopau ai i ka pauku 5 o ka mokuna 29, o na kanawai o ka makhiki 1872.

            Ma ke noi a Hon. Pekekona, ua hoopanee loa ia ka bila.

            Heluhelu akolu ana o ka bila kanawai, e hooponopono ai i ka lawe ana i na ohua a me na ukana maluna o na ano kaa a pau.

            Ma ke noi a ke Kuhina o ko na aina e,. Ua heluhelu ia ka bila ma ke poo, a ua hooholo loa ia.

            Heluhelu akolu ana o ka bila kanawai, e hoopono ai i ka hoopae ana mai i na ohua eemoku iloko o na awa o keia aupuni.

            Ma ke noi a Hon. Pekekona, ua hooholo loa ia ka bila.

            Heluhelu akolu o ka bila kanawai, e hoomalamalama ai i ke kulanakauhale o Honolulu nei me ka makani Aa (gas).

            Ma ke noi a Hon. Pikekona, ua kapae ia ka huaolelo “Kukui Uwila” ma ka pauku 1 a me 2, e hookomo malaila “Me na hana akamai, e ae.” A ua hooholo loa ia ka bila e like me ia i hoololi ia.

            Heluhelu akolu ana i ka bila kanawai, e hoololi ai i ka mokuna 16, o na kanawai o ka makahiki 1870. E pili ana i ka oki mare.

            Ma ke noi a ka loio Kahina, ua hoopanee ia ka noonoo ana i keia bila ma ka Poaha lulai 25.

            Heluhelu akolu ana i ka bila kanawai, e hoololi ai i ka mokuna 55, o na kanawai o ka makahiki 1876.

            Ma ke noi a Hon. Kakela, ua hooholo loa ia ka bila.

            Heluhelu akolu ana o ka bila kanawai, e hoololi ai i na pauku 3 me 4, mokuna 79, o ke kanawai hoopai Karaima, e pili ana i ka oihana aopalapala o ke aupuni.

            Ma ke noi a Hon. Nawahi, ua hoopaneeia ka noonoo ana a hiki mai ka mea nana ka bila.

            Heluhelu akolu ana o ka bila kanawai, e hoomalu ai i na aina ma Nuuanu mai ke komohewaia e na holoholona.

            Ma ke noi a ke Kuhina Kalai aina, ua hooholo loa ia ka bila.

            Heluhelu akolu ana o ka bila kanawai e hooponopono ai no ka hopu ana i na’Lii moku a me na luina o na moku e holo ana i na aina e, ke hoolohe ole lakou i na kauoha.

            Ma ke noi a Hon. Bekekona, ua hooholo loa ia ka bila.

            Heluhelu akolu ana o ka bila kanawai, e hoololi ai i ka pauku 646, o ke Kanawai Kivila.

            Ma ke noi a Hon. Kamika, ua hooholo loa ia ka bila.

            Heluhelu aloa o ka bila kanawai, e hoololi ai i ka haawina 6, o ke Kanawai Kivila, oia hoi ka pauku 397, e pili ana i ka oihana leta.

            Ma ke noi o Hon. Kakela, ua heluhelu ia ka bila ma ke poo, a haawi ia i ke komite wae, eia ke komite, Kakela, Loio Kuhina, Kupau, Aholo, Kauai.

            Heluhelu alua ana o ka bila kanawai, e hoololi ai i na pauku 56 me 59, o ke Kana wai Kivila.

            Ma ke noi a ke ‘Lii Ake, ua haawi ia ke bila no ke kakau poepoe a e heluhelu akolu ia ma ka Poaha Julai 25.

            Hora 12, hoomaha ka hale, halawai hou ma ka hora 1, auina la.

            Heluhelu alua ana o ka bila kanawa, e hoololi ai i ka hookaa ana o ka auhau kino alanui ma ka hana, oia hoi na pauku 173 – 179, a me 183 o ke Kanawai Kivila a me ka mokuna 13, o na kanawai o 1874.

            Ma ke noi a ke Kuhina o ko na aina e, ua haawi ia ka bila no ke kakau poepoe, a e heluhelu akolu ia ma ka Poaha Iulai 25.

            Heluhelu alua ana o ka bila kanawai, e hoololi ai i ua pauku 483, a’me 484, o ke kanawai kivila, e pili ana i ka auhau waiwai paa me lewa.

            Ma ke noi a ke Kuhina o ko na aina e, ua haawi ia ka bila i ke komite wae, a waiho pu mai hoi ka Loio Kuhina kekahi ma ia komite, eia ke komite, Kuhina o ko na aina e, Loio Kuhina, Bihopa, Kakela, Aholo.

            Heluhelu alua ana o ka bila kanawai, e hoololi ai i ke kanawai i apono ia ma ka la 13 o Mei 1868, e hoomalu ai i ke ola me ka waiwai mai ka hoopoino ia e na mea pahupahu, koe ka Pauda.

            Ma ke noi a Hon. Kamika, ua haawi ia ka bila i ke komite hookolokolo.

            Heluhelu alua ana o ka bila kanawai, e huikala ai i ke Kuhina waiwai.

            Ma ke noi a ke ‘Lii Bihopa, ua haawi ia ka bila i ke komite hookolokolo.

            Ma ke noi ua kapae ia na rula.

            Heluhelu mai o Hon. Kamuoha, he olelo hooholo, o ka bila kanawai, e pili ana i na @o kea, e hoihoi hou aku ia ia.

            Ma ke noi a Hon. Kamika, ua hoopanee ia ka noonoo ana o ka olelo hooholo a ka la apopo.

            Ma ke noi a Hon. Nawahi, ua hoopanee ka hale a noho hou i ka la apopo hora 10 am.

 

OLELO HOOLAHA.

 

RICHARD F. BICKERTON,

[PEKETONA.]

LOIO a he KOKUA ma ke KANAWAI!

 

E HELE ANA OIA IMUA O NA AHAHOOKOLOKOLO a pau o keia Aupuni @

 

A. McWAYNE,

 

HALE KUAI LAAU LAPAAU A ME NA WAIALA @ Ma ke kihi o Alanui Papu me Kalepa.

 

WM. O. SMITH,

LOIO.

WAILUKU, MAUI.

Ua waiho oia i na Oihana Aupuni a pau a ua makaukau e lawelawe i ka Oihana

Loio me ke kuokoa.  @840 6m

 

E. O HALL & SON.

(E. O. HOLO MA.)

NA MEA KUAI I NA MEA MAHIAI,

            Na Lole, Na Pena, Na Aila, a me

Na ano Lako e ae a pau he lehulehu wale.

846   Kihi o Alanui Papu me Moi     ly

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

            Keokeo, Leponalo,

                        Pena, AIla, Aniani,

HA MEA PIULA!

KOPA, AILA HONUA,

                        AILA HOOMALOO

 

            Kui Kakia, Pakeke,

            Tabu, Kaula, Noho Lio,

            Hulu Palaki, na Pulumi.

 

A HE

 

AGENA NO HOI NO NA MOKUPUNI O HAWAII NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

 

            Na lole kupono i ka wawae,

            Palule Huluhulu,

            Na Lole Huluhulu,

            Na Lole no ka hoohehelo ana

            Lipini, Lihilihi, &c.

LIPINE, LIHILIHI, &c.

A ME NA

Mikini Humuhumu MakeponoLoa!

A HE

MAU MEA AI KAHI

 

Ka Palaoa, Kopaa,

            Raiki, Pia, Hoohu,

                        Paakai, Huaala,

                                    Pia Kulina, &c.

 

A he Laau Lapaau Kaulana Loa

            A DR. JAYNES.

Laau Kunu,

            Laau Hoomaemae Koko,

                        Laau Hoopau Naio,

                                    Penikila, Huaale,

 

A ME NA LAAU HAMO, A PELA’KU!

            827 3m 839

 

PAPA! PAPA!

NO

ALLEN & ROBINSON

UA WEHE AE NEI MAUA 1

PA KUAI PAPA

MA

KA UWAPO O PAKAKA

 

Na Papa Ulaula o na ano a pau.

Na Papa Paina o na ano a pau.

            Na Pili Hale Ulaula.

            Na Pili Hale Keokeo.

Na Pepa Hoonani Hale,

Na Pepa Molina.

 

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

            NA PANI PUKA a me

            NA OLEPELEPE.

 

NA LAKO KUKULU HALE

ONA ANO A PAU!

E KUAILIA MA KE

KE KUMUKUAI HAAHAA LOA

O keia Makeke.

                        ALLEN & ROBINSON

Honolulu, Ian 1, 187@

 

PAPA, PAPA

AIA MA KAHIO

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi!

E LOAA AI NA

Papa Nouaiki!

O keia a me keia @

Na Papa Nani a Paa no ke Kukulu

ana i na Hale!

 

Na Pani Puka, Na Puka A@iana.

            Na Olepelepe, Na Peu, Na o@

                        Na P@pe Hele. Na Papa Ku.

                                    A me na Papa M@

 

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau.

            Na Kui mai ke Nui a ka Makalii.

                        Na Ami Puka, Na Ami Puka Aniani.

                                    Na Ami o na ano a pau.

                        Na Aila Pena, o kela me keia ano.

            Na Aila Hoomaloo, he lehulehu wale.

Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI

o na ano a pau lea.

NA BALAKI ANO NUI WALE!

A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

 

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai! E na Makamaka!!

A e lawa no hoi ko oukou makemake me ka oluolu a me ka maikai!

845 tf

 

KOPA KUKAEPELE

A

GLENN

AOLE LUA NO KA HOOMAEMAE I KA ILI!

 

He mea hoopau i na eha,

            Na Ili Puupuu,

                        A he hoomaemae i na mea ino,

                                    A he hoopau Lumatika,

                                                A he kopa auau no hoi

 

O keia kopa ka oi aku o ka mea maika

            I waihoia mai imua o kanaka.

 

Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili;

Ama ia holoi ana, o ka hoopalupalu pu kekahi i ka Ili, a keia

Laau Hoomaemae lua ole e hana ai.

 

O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana a me na poe makaikai, ina e hoolako lakou i keia

KOPA HOOMAEMAE LUA OLE!

ALAILA, UA LANAKILA LAKOU

 

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

 

Ua hooia nui mai na K@uka no ka maikai o keia Kopa!

E loaa no ma kahi o

                        M. McINERNY.

Kihi o na A@ Papu @ K@