Ka Nupepa Kuokoa, Volume XVII, Number 45, 9 November 1878 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ka Au Okoa

I HUIIA

No ka Makahiki, $2.  Eono Mahina, $1.  Dala Kuike ka Rula

 

NOVEMABA 9, 1878.

The Farther Shore

Colonial Singer, No. 90.  p. 76.

1

Aia hala loredane,

A pae ma ia kahakai,

Pau ke kaua, mililani,

Pau loa ʻ e na enemi.

Pau na paio o ke ai;

Pau na nalu, malu mau.

2

Pau ka paio, kei ka maha!

Maha no a ole e!

Kali nae a pau na hana,

Me na luhi kino nei.

Aia pau konei luuluu

Maha no a oli pu.

3

Aia hiki I Kaneana,

A ku ma na puu omao,

Oli lea, a hosana!

Pau loa ae la na makau.

Ole loa he enemi!

Malu, maha maikai e.

4

Manaolana!  maluhia

Lakou nei na hoahanau!

Pau ka paio, lanakila

Ma ka ikaika o Iesu,

A, ma kona aupuni ea

Maha a pomaikai mau

                                    HAWAII.

 

Haawina Kula Sabati

HELU 8, SABATI NOV. 21, 1878.

KUMUHANA.

Ka hookahuli ia ʻ na o ka Oihana Iudaio.  Pauku Baibala.  Luka 21; 8-21.

            8 A olelo mai la ia, E malama o puni oukou; no ka mea, he nui ka poe e hele mai ana ma ko ʻ u inoa, e olelo ana, Owau no ia; a e kokoke mai nei ka manawa; mai hahai aku hoi oukou ia lakou.

            9 A i ka wa e lohe ai oukou i na kaua, a me ka haunaele ana, mai hopohopo oukou; no ka mea, aole e ole ka hiki e ana o ia mau mea; aka, aole kokoke mai ka pau ana,

            10 Olelo mai la oia ia lakou, Alaila e ku e mai kekahi lahuikanaka i kekahi lahuikanaka, a o kekahi aupuni i kekahi aupuni.

            11 E hiki mai ana no na olai ui i kela wahi a i keia wahi, a me na kau wi, a me na mai; a e ikeia ʻ ku hoi na mea makau a me na hoailona nui ma ka lani.

            12 Aka, mamua o ua mau mea la, e lalau ko lakou mau lima ia oukou, a e hoomaau lakou, a e haawi aku ia oukou i na halehalawai, a iloko o na halepaahao, a e kaiia ʻ ku oukou imua o na ʻ lii a me na kiaaina no ko ʻ u inoa.

            13 A e lilo ana ia mea no oukou i mea e hoike ai.

            14 Nolaila e waiho i keia iloko o ko oukou mau naau, aole e manao mua i ka oukou mea e olelo ai.

            15 No ka mea, e haawi aku au ia i waha no oukou a me ke akamai, aole e hiki i ko oukou poe enemi a pau ke hoopohala, aole hoi ke pale ae.

            16 A e kumakaiaia ʻ ku no hoi oukou e na makua, a me na hoahanau, a me na hanauna, a me na makamaka: a e pepehi mai lakou i kekahi poe o oukou a make.

            17 A e inaina ia mai oukou e na mea a pau no ko ʻ u inoa.

            18 Aole hoi e lilo ke oho hookahi o ko oukou poo.

            19 Me ke ahonui e malama ai oukou i ko oukou mau uhane.

            20 A i ka wa e ike ai oukou ia Ierusalema e hoopuniia e na kaua, alaila e ike oukou, ua kokoke mai kona neoneo ana.

            21 Alaila o ka poe ma Iudea e holo lakou i na mauna; a o ka poe maloko ona, e holo lakou mawaho; a o ka poe ma na aina, mai komo lakou iloko ona.

            Pauku Gula.  "A kokoke aku la ia, nana ae la i ke kulanakauhale, uwe iho la oia ia ia," Luka 19;14.

            Mele.  Him. 161.  "Mele ia Iesu la."  p. 1, 2, 3, 4.

            Pule no na haumana i kiai, i kupaa iwaena o na mea hoowalewale, hoomau.

Ka Wehewehe a Ninau ana.

            Ua kakau ia kekahi mau mea o keia haawina ma Mataio 24; 1-16, ma Mareko 13; 1-14.  Pono ke nana a heluhelu ia mau pauku.

            Aia no Iesu ma Ierusalema.  Ka pau ana keia o kona noho ana malaila.  Mamua o kona komo ana, ua ku oia ma ka mauna o Oliveta me kana mau haumana.  I ka nana ana i ke kulanakauhale, uwe nui oia, a hoopuka i ka wanana.  A i kekahi la i puka mai ai Iesu iwahoo ka luakini, huli na haumana a kuhikuhi ia Iesu i ka nani o ka luakini, i @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ A hea?  Heaha ka hoailona no kou hiki ana mai e hoohiolo i ka luakini, a ia Ierusalema?  Heaha ka hoailana no ka pau ana o keia ao?  O ka manao o na Iudaio me na haumana a Iesu.  E paa ana ka luakini Ierusalema me ke ao nei a hiki mai ka Mesia.  He hookahuli nui ke hiki mai ka Mesia.  E hoano hou ia ʻ na na mea a pau.  E kukulu ana ka Mesia i kona aupuni, a lilo oia i alii no ke ao nei a pau; a o na Iudaio, lakou na punahele, na luna, ka poe hanohano.

            P. 8.  Pane Iesu i ka ninau ma ka p. 7 pehea?  E nui ana ka poe hea?  E olelo ana pehea?  Mai aha oukou?  Ua hookoia keia wanana.  He poe kaula wahahee, alakai hewa i kekahi poe.  Oih. 5; 36-37.  21; 38.  Aole anei he poe kaula wahahee i keia wa?  he poe alakai hewa i na kanaka, i na kamalii?  Mai hoolohe, mai hahai ia lakou.

            P. 9.  lua lohe lakou i na hana, i na haunaele, mai aha?  No keaha?  ua hookoia anei?

            P. 10, 11.  Pehea kekahi lahui i kekahi lahui?  kekahi aupuni i kekahi?  Heaha kekahi mau mea e hiki e mai ana?  Heaha na mea e ike ia ʻ na ma ka lani?  Ua hookoia no.  He olai nui, wi nui, mai nui.  He mau me kupanaha ma ka lani, he hoku nui, he hoku welowelo, he pahi kaua, he mau puali kaua, ua lohe ia he mau leo uwe.  He kanaka hoi i holoholo io ia nei, me ka hooho ana, Auwe Ierusalema!  Auwe ka luakini!  Auwe ka lahui kanaka!  Pela oia i hooho mau ai i ehiku makahiki.  A make oia i ka wa i puhi ia ʻ i Ierusalema me ka luakini i ke ahi.

            P. 12-13.  Mamua nae o ka pau ana o Ierusalema me ka luakini, e aha ia ʻ na kekahi poe o lakou?  Ua hookoia ma Oih. 4; 3. 5;18.  12;4.  16;24.  25;23.  E lilo ana ia i mea aha?  i mea hoike i ko lakou manaoio, ko lakou kupaa no Iesu.

            P. 14-18.  Heaha ke kauoha, ka mea i papa ia?  E haawi ia ʻ na keaha ia lakou?  Aole hiki i ka enemi e aha: Nana Oih. 6; 10.  E aha ia ʻ na lakou?  e wai?  Ua hooko ia anei?  A pehea?  Aole e aha kekahi lauoho?  Make no kekahi.  Aka, ola hou ma kela ao.

            P. 19.  Heaha ke kauoha?  Nana Mat. 24; 13.

            P. 20, 21.  Aia a ike lakou i ke eha?  Owai keia poe kaua?  Ko Roma poe koa malalo ae o Tito ka alihkaua.  Mak. 70.  37 makahiki mahope o ka wanana, komo o Tito me kona puali kaua iloko o Iudea.  Aia a ike lakou i keia puali kaua e naue mai ana, alaila, e maopopo ana, ua kokoke ka wa e pau ai Ierusalema me ka luakini.  He aha ke kauoha?  E holo i hea?  i aha?

            Mele.  Him. 201.  "E ka poe e pane ana."  p. 1, 3.

Na Ninau Hoi Hope.

            Ua kakau ia keia haawina ma na Euanalio ehia?  Ua kakau ia anei ma Ioane?  Heaha ke kumu o ko Iesu hoopuka ana i ka wanana no ka hoopau ia ʻ na o ka luakini me Ierusalema?  Heaha ka pauku gula?  Heaha na mea e hiki e mai ana mamua o ka hoopau ia ʻ na o ka luakini?  No keaha e hoopau ia ʻ i?  Nohea mai na koa e pau ai?  Owai ka alihikaua?  I ka mak. ehia i pau ai?

            Hai mai i kekahi mau mea kupanaha mamua iho o ka pau ana.

            Owai ka poe e pakele ana?  Heaha ka hoailona no ke kokoke ana mai o ka pau ana?  A ikeia ia hoailona heaha ka pono?  Ua hoopau ia ka luakini mua, no keaha?  Nawai i hoopau?  I ka mak. ehia mamua aku.

            He hoailona keia hoopau ia ʻ na o Ierusalema me ka luakini no keaha?  No ka la hope paha, ka la e pau ai ka honua i ke ahi, ka la hookolokolo nui.

            Heaha na kauoha ma Luka 21; 34-36.  Mat. 24; 42-44?  Ihea kakou e holo ai i pakele i ka make?  Owai ka poe e ola ana?

            Mele Him. 203.  "He leo aloha e hea mai nei," p. 1, 3, 5.

            Pule i ala a holo ano iloko o Iesu.

            Haawina no Dek. 1, Luka 22; 10-20.

 

Ka la Wanana, He La Maoli anei?  He Makahiki paha?

            Nui ke ano o ka hua olelo, la.  He la maoli kekahi, oia hoi he 24 hora, 12 hora ao, 12 hora po.  Aole nae i like ka loihi o na la maoli apau.  Ua like ole na hora ao, a me na hora po, e like me ka like ole o na latitu.

            Ma na wahi e pili ana i ka poai waena, oia hoi na wahi ma ke kaei wela, mawaena o ka latitu 22 degere ma ka akau o ka poai waena, me ka latitu 22 degere ma ka hema o ka poai waena, ane like ka loihi o na ao me na po.  He 12 hora ko kekahi i ko kekahi.  Oi iki, emi iki i kekahi manawa.

            Ma na kaei olu me na kaei anu, ma ka akau, a me ka hema o ka poai waena, like ole ka loihi o na ao me na po.  Ma na kaei anu, eono malama ka loihi o ke ao; a pela hoi ka loihi o ka po.  Ma na welau loa aole e napoo ka la a hala na malama eono.  Akaka ea, aole like na la maoli, loihi kekahi, pokole kekahi.

            Pela hoi ma ka baibala, aole like ke ano oia hua la, he la loihi kekahi, he la pokole kekahi.  He la maoli, kekahi, oia hoi he 24 @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

            Me keia, he 45 malama i hoonui ia me 30, ua like ia me 1260 makahiki.  Ma ke ano wanana, 30 la ma ka malama, 360 la ma ka makahiki.

            Ka aoao elua, oia ka aoao nui.  Malaila ka nui o ka poe wehewehe i na wanana, i ka loihi o ka manawa, mai ke kene@@ria mua a hikie i ke kenturia 16.  Ma ia keneturia ala mai ka aoao mua.

            Na ka ekalesia katolika i ho@la, a hooikaika ia aoao, oia hoi, o ka la wanana, he la maoli no ia.  Mau nae ka @@@ ka poe hoole pope ma ka aoao elua, a hiki i keia manawa.

            I mea kokua i ka aoao elua, ua uwe ia he mau pauku baibala.  Nahelu 14;34.  "E like me ka helu ana o na la a oukou i makaikai ai i ka aina, hookahi kan@a la; o kekahi la no ka makahiki hookahi, pela oukou e lawe ai i ko oukou hewa, hookahi kanaka makahiki."  Hookahi la ua li@ ia me ka makahiki hookahi.  Ezekiela @ 4-6.  Ka moe ana o Ezekiela ma ka ao @ hema 39 la, a ma kona aoao akau 40 la, @ hoailona ia no na makahiki 390, me na makahiki 40; hookahi la hookahi makahiki.

            Daniela 9; 24.  Na hebedoma @ 7 la ma ka hebedoma; hoonui ia me 70-@90 la oia hoi 490 makahiki ma ia manawa i make ka Mesia ma ke kea, ua hookoia ia ia.

            Hookahi la--hookahi makahiki.

            Hoikeana 2; 10.  Na la he 10, aole kupono ke kapaia ia mau la, he mau la ma@ pokole ia.  He hoomau loihi no ia malalo ae o kekahi alii o Roma.  10 makahiki ka loihi oia hoomau ana i na karistiano.  Hookahi la--hookahi makahiki.

            Aole i pau.

 

Leta mai Maikonisia mai.

            JELUJ, PAE AINA MAKALA, Sept. 23, 1878.

            Rev. H.H. Paleka.  Aloha oe:

            Ua loaa mai kau ia ʻ u o ka la 10 o Iune, 1878 nei, i ka la 21, o Aug. i ka Hoku Ao, i ku mai ia nei.  Ua hauoli iho au i ko mua halawai pu ana, oiai, he mau kawa i hala ʻ e nei.

            Ua akoakoa mai la na lala o keia Misiona, o Mr. Nawaa ma, o Mr. Kaaia ma, o Mr. Kekuewa ma, a o ka anela mai o Makia, Rev. R. Maka me kona kokoolua, a ma ka la 23 ae, holo aku la no Ebon, oiai, malaila ka Hui o ka Misiona, aole owau kekahi, ea pakeke pu me lakou.  No ke aha hoi?

            Ea?  He o-maimai ko ka ʻ u wahine mam@a ʻ ku, a he waiho a make ma ka la 19-20 a he mohala iki ana ae ma ke ku ana mai o Hoku Ao, a he lahilahi mau ke ola a hiki i ke aumoe hora 12 me na minute e pili koke mai ana o ka la 19 o Sept. a na ʻ u e kaualupe aku ke kino me na ehaeha waimaka, a me ke kaumaha pilihua.  O na hoa aloha o ʻ u a o kakou a pau Timokeo Kaehuaea a me Mrs. T. Kaehuaea, na hoa waimaka pu, a o na keiki hoi a maua na hoa ku-o i ka mea o ka ehaeha o ka naau, alaila, waimaka pu mai la ma keiki a ka Uhane i haawai mai ai na maua (kamaaina) ea?  I ka hoomanao ana ʻ e i ka aina hanau i ka lehulehu o na makua a o na hoa aloha olaila walanaia iho la.  I ke ala moana i na aina malihini kuahiwi ole, i na maka ahiu o na kamaaina, he kaumaha pilihui hoi i na keiki a maua, e lawe hele ai i ke kai.  Ea?  he haalulu ko ke kino.  Eia hou mai.

            He 55 la wale no i koe, alaila, piha iho la na makahiki he 20 o ko maua noho ana kane a wahine.  Aole na ʻ u e kaena, aka, na ka oiaio; He maluhia na la a pau o keia mau makahiki, o ka noho ana kane a wahine. He mea i maa mau i kuu Lahui, he mea malihini i ka ipuka hale o ka poe opio.  Eia hou mai.

            Ma keia mau M.K.  Ua halawai maua me na haawina makamae, oia hoi na keiki (Hooulu Lahui) eono keiki e noho nei elima ma ka aoao mau o na mea io, a me na mea koko, alaila 11 iho la, a pau ae la ia mau mea, alaila hoomaha aku la kuu Haku wahine mai keia mau mea kaumaha aku o keia ola ana.

            Eia hou mai.  Ma keia mau makahiki, he hapa uuku o ka manawa, ma ke one oiwi iho, a o ka hapa nui, ma na aina e nei.  A penei.  Ma ka Berita paa pono ole i ke kanaka ke wehe ae.  Nov. 12 1858, a hiki Iulai 19 1862, no na aina e nai, kokoke 4 makahiki mai Iulai 19 1862, a hiki i Nov. 7 1871, nee hou e ike i ka aina hanau, kokoke 9 makahiki no na aine e, Iune 9 1873, huli hou no na aina kuahiwi ole nei, a ma Nov. 7 1873, ua ku iho la na wawae i ka aina a maua i noho iho nei, a waiho aku la i ke kino i ka hale puanuanu, Sept. 19 1878, nei me ka walohia.

            Ua pau ka hana.  Pela no kakou, he manawa wale no, a e waiho kakou i koonei mau pono, i kawili pu ia me na luhi.  A he pomaikai ko ka poe hoomanawanui aku a hiki i ka hopena.

            Ua paio ae nei au i ka paio maemae, a ua kuu ih nei ka ʻ u mau mea kaua, Aloha oe.  Aloha ka Lahui okoa, mai ka noho ana Moi a ka lope.  Ua lawa o luhi oukou, aole au i waiho aku i ka moolelo a pau.  Owau iho kou hoa kauwa.

            D. KAPALI.

 

He Kanaenae Aloha.

E KA NUPEPA KUOKOA; Aloha oe:--

            E oluolu oe, a me kou Luna Hooponopono e @@@@@ iho ma kahi kaawale o @@@@@ ko kahu kakele olelo o ia @@@@@@@@@ olelo e kau ae nei @@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@@@@@@@@@@@@@@@ ma keia Honua.  Nolaila ia ʻ u he haalele iho ai ia oukou e o ʻ u mau hoa hoomanawanui o ka pono, aole au e poina iki ana i ka oukou mau hana, o kuu aloha ia oukou a pau e ko ʻ u mau hoa uhai a holo iloko o na hana a ka Haku.

            Aole no hoi no ko ʻ u hele ana e imi i na mea e pono ai keia noho ana, he mea ia na ʻ u e hoonele ai i ka hui pu ana me ko ke Akua poe kanaka ma kahi a ʻ u e hele aku nei.

            Aole au e poina iki ana i ke aloha i na hoa o kuu Papa Himeni a ʻ u i noho ai a kamaaina, a me ko kakou Alakai Alii, Ka mea Kiekie Ka Hooilina Alii, Lilia Kamakaeha.

            Aole no hoi au e poina iki ana i ka kakou Ogana maikai; ka mea e ku kilakila ana iloko o ko kakou Betela nani, a makou hoi e hoopuni ai ia ia me na leo u-nahe a me na leo halulu, o na keikikane, a me na leo liilii nahenahe o ka alto e ukali ana mahope o ke Soperano, a me ka leo hoi o ke Tenor e hone ana iwaena o ke kupinai o na leo e ae.

            Aole no hoi au e poina ana i na lima kaulele o ko kakou mau hookani Ogana; Ka mea Kiekie, Ka Hoolina Moi, Lilia Kamakaeha.  Mr. T. Atkinson, a me Mrs. Kapoli Kamakau, na mea nana e ume mai i na ki no lakou na leo kani ano e, ina i ka nui, a ina i ka nahenahe, ina i ke kani leo ohe, me na kaina wawae e lele ana io a ianei.

            Aole au e poina iki ana i ka huina nui o na Kula Sabati o Kawaiahao, mai Palolo i ka ua Lililehua, a i ke kiko ponoi iho o ke Taona, ua kaahele mau au me oukou i na la i au ae nei, ma ko oukou mau ipuka hale, (oia hoi ko kakou mau luakini,) a ua kamaaina mau kakou ma na Haawina, na HImeni maikai i mele ia e kakou, a ʻ u i poina ole ai i na leo kani o na keiki o Keoneula, a me ke Kula o Kamoiliili, a me na leo kani o na Ohe Keleawe o ke Kula Sabati a Mr. E. P. Adamu, a me na leo liilii nahenahe o ke Kula Sabati o na pokii o Kawaiahao, a me na leo honehone o na keiki o ka Hale koa i hui pu ia me ka hone a ka Waiolina, a me ke Gita, me kuu walohia ia mau hana maikai a oukou, ke nonoi aku nei au i ka oluolu o na Kumu Kula Sabati, a me na haumana, e hoomau aku oukou a oi loa ʻ ku i ko ka wa i hala, me ke noi pu aku i ka Haku e hoomau mai aole ka emi hope; "Nolaila moea imua a hopu i na wawae o ka Haku, oiai, aole ona hookae i ka elemakule a me ke kamalii liilii!!

            I kuu Papa Kula Sabati, ke hele nei au me ka hoomanao no oukou, a pela hoi oukou ia ʻ u; ke nonoi aku nei au ia oukou e hoomau aku a oi mamua o ko ka wa i aui aku,

            Ia ʻ u e hele nei, aole au e poina iki ana i ka leo ao o kuu makua i aloha nui loa ai, Rev. H.H. Paleka, oiai, ua puke pinepine ae mai kona waha mai na olelo ao he nui no ka hoeueu i ka poe opiopio, e imi i ka hana pono; a e ku iluna a hana iho i ka hana e waiho ia mai ana i mua ona; me kona paipai mau i ua poe opio nei; ma kona Awai eehia, a maloko o kana Nupepa; aohe wa e ae a ʻ u i ike ai i kona aloha i ka Lahui opiopio o Hawaii e like me ko keia wa; oiai no hoi ua unuhi pono ae oia i na dala mai kona pakeke ae, a makana ʻ u i ka poe e haawi ana i na noonoo no na Ninau ano nui ana i hoopuka ae nei; a he mea no hoi e ike ia ʻ ku ai na Ui o Hawaii e haawi ana i kona kino iloko o na hana, ma ka ike ana i na Kalai olelo ana o kela a me keia.

            A ma kuu lohe ana i kana mau kalai manao ana, ua noonoo nui au, he ao ana ia a ka Makua i ke keiki nolaila, ke ku nei au a haalele ia ia, a me kuu ekalesia i noho ai.  a me kuu mau hoa uhai a holo iloko o ka pono e noho nei iloko o ke Kula Kahunapule me ke aloha pau ole.

            Aole no hoi au e poina ana i ka Aha Luna o Kawaiahao; oiai au e kaawale aku ana no ka manawa a ʻ u i ike ole ai.

            Ia ʻ u e hele nei, aole au i nele i ke aloha i i na hoa kumu o ʻ u, a me na haumana kula mai Moanalua, a Wailupe, oiai ua kamaaina mau au me oukou iloko o na maka hiki i aneane 7, aole no hoi au e poina ana i na la piha kanaka o ko kakou mau la hoike kula ma Kamoiliili a ma Kawaiahao, me e kuu walohia ia oukou e o ʻ u mau hoa paaua o ka hoonaauao.

            A no ka leo mai Kauai mai, ua ae aku @ ia kono, a ma ka la 17 Oct. nei ua waiho aku la au i ka hana a kakoku i luhi ai.

            Ke kuilima nei au ia oukou a pau e ko ʻ u mau hoa iloko o ko ʻ u aloha.  A na ke Akua e malama ia oukou.  Me ke aloha,

            D. KEAWEAMAHI.

Honolulu, Nov. 4, 1878.

 

He Ku i ka Wa.

            Ninau kekahi wahine i ke kanaka ui, ma ka aoao anei oe o ka Haku?  Ma ka aoao piha o ke ao nei?  Pane mai la oia, he kanaka ku i ka wa au.  Makau oia ke olelo, ma ka ka Haku aoao au,  Hilahila hoi ke olelo, na ko ke ao nei au.

            Manao paha ua kanaka ui nei, e hiki ia ia ke malama i na Haku elua, i ke Akua a i ka Mamona.  Ua hoole nae Iesu, aole hiki ia oukou ke malama i na Haku elua.  Eia ke kauoha nui, e koho oukou i keia la i ka mea a oukou e malama ai.  A ke kau nei maluna o keia koho ana ke kulana ma kela ao, ke ola mau ke koho pono; ka make mau ke koho hewa.

            Mai kuhi kekahi, ua hiki ia ia ke ku i ka wa, ke ku mawaena o ka hewa a me ka pono, mawaena o Iesu me Satana, mawaena o ke ola me ka make, e manao ana, aole oia @ loko o ke aupuni o ke Akua, aole hoi ma @@@ Aia la oia ihea?  Elua wale no aoao.  @@@ wale no Haku.  O ka mea i ku ole @@@ ua kue oia ia ʻ u, wahi a Iesu.

            @@@ aole oe a Iesu, aole ma ka aoao o @@@ aia no oe ma ka aoao o ke diabalo.  @@@@@@@ ku i ka wa.

            @@@@@@@ oe me Iosua.  Owu me ko @@@@@@@@@@ no makou ia Iehova.

            A.

 

OLELO HOOLAHA.

 

A. MCWAYNE,

Hale kuai laau lapaau, a me na Waiala o na ano a pau, me na Sopa Ala o na ano he nui wale.  Ma ke kihi o Alanui Papu me Kalepa

840 1y

 

NA KAUKA

T.P. Tisdale a me C.L. Tisdale.

HOMEOPATHISTS.

Hale oihana a me kahi noho aia ma ke alanui Beritania, mawaena o ka Luakini o Kaakeano a me ka pa hale o Kalei@@@lani.  E loaa no kekahi kauka o mana ma ke keena oihana i ka wa a pau.  O na poe a pau e malama ke ano ia mana, e mikala no maua me ke kauna ole i ke ao a me ka po.

T.P. TISDALE.

Honolulu, Mar. 28, 1878.                                832 tf

 

E. STREHZ

(AILUENE.)

Malaila e loaa ai na ano laau a pau; a me na wai hoomaemae o kela a me keia ano.  E hamama mau ana ka ipuka ma na po Poaono a pau.  Ma ke kihi o alanui Papu a me Hotele, ma Monikahaae.

(845 1y)

 

E.O. HALL & SON.

(E.O. HOLO MA.)

Na mea kuai i na mea mahiai.  Na Lole, Na Pena, Na Aila, a me Na ano Lako e ae a pau he lehulehu wale.

846      Kihi o Alanui Papu me Moi.   1y

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

---E LAA NO---

Ahinahina, Kalakoa, Keokeo, Leponalo, Pena, Aila, Aniani,

NA MEA PIULA!

Kopa, Aila Honua, Aila Hoomaloo

Kui Kakia, Pakeke, Tabu, Kaula, Noho Lio, Hulu Palaki, na Pulumi.

--A HE--

AGENA NO HOI NO NA MOKUPUNI O HAWAII NEI NO NA

Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana, Lipini, Lihilihi, &c.

LIPINE, LIHILIHI, &C.

---A ME NA---

Mikini Humuhumu MakeponoLoa!

---A HE---

MAU MEA AI KAHI

Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c.

A he Laau Lapaau Kaulana Loa

A DR. JAYNES,

Laau Kunu, Laau Hoomaemae Koko, Laau Hoopau Naio, Panikala, Huaale,

A ME NA LAAU HAMO, A PELA ʻ KU!

827 3m 839

 

PAPA!  PAPA!

---NO---

ALLEN & ROBINSON

UA WEHE AE NEI MAUA I

PA KUAI PAPA

---MA---

KA UWAPO O PAKAKA

Na Papa Ulaula o na ano a pau.  Na Papa Paina o na ano a pau.  Na Pili Hale Ulaula.  Na Pili Hale Keokeo.  Na Pepa Hoonani Hale, Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKA a me NA PANI PUKA ANIANI.  NA PANI PUKA a me NA OLEPELEPE.

NA LAKO KUKULU HALE

O NA ANO A PAU!

E KUAIIA MA KE

KE KUMUKUAI HAAHAA LOA

O keia Makeke.

                                    ALLEN & ROBINSON.

Honolulu, Jan. 1, 1878                                                            840 3m

 

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHU A KAHIKO MA

Alanui Papu a me Moi!

E LOAA AI NA

Papa Nouaiki!

o kela a me keia ano.

Na Papa Nani a Paa no ke Kukulu ana i na Hale!

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa.

NA PILI O KA HALE O NA ANO A PAU.

Na Pepa Hoonani, Na Pena o na Wai a pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano, Na Aila Hoomaloo, he lehulehu wale.  Na Aila e ae o na ano a pau.

NA WAIVANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE!

A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

---NO KA---

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake me ka oluolu a me ka maikai!

845 tf

 

KOPA KUKAEPELE

---A---

GLENN!

AOLE LUA NO KA HOOMAEMAE I KA ILI!

He mea hoopau i na eha, Na Ili Puupuu, A he hoomaemae i na mea ino, A he hoopau Lumatika, A he kopa auau no hoi

O keia Kopa ka oi aku o ka mea maikai i waihoia mai imua o kanaka.

Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai.

O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi.  O na ohana ame na poe makaikai, ina e hoolako lakou i keia KOPA HOOMAEMAE LUA OLE !  Alaila, ua lanakilo lakou.

He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana.

Ua hooia nui mai na Kauka no ka maikai o keia Kopa!

E loaa no ma kahi o M. MCINERNY.

Kihi o na Alanui Papu me Kalepa.