Ka Nupepa Kuokoa, Volume XVII, Number 47, 23 November 1878 — Page 3
OLELO HOOLAHA,
Castle a me Hatch.
O Kakela Opio a me F.M. Hatch, ua hui laua ma ka lawelawe ana i ka ohana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ina na hana pili i ka hooponopono waiwai, me ka imi ana i na Palapala Sila Aina ka hana ana i na Palapala Kuai, Hoolimalima a me ka Hoale Dala ana.
W.R. CASTLE. Luna Hooiaia Kope.
Keena Hana, maluna ae o ka Halekuai o Dillingham & Co. Helu 37, Alanui Papa. 3 6ms
ALFRED S. HARTWELL,
[HAKAWELA.]
LOIO a he KOKUA ma ke KANAWAI! Aia kona Keena Oihana maluna ae o ka Hale Baneko Hou o Bihopi ma. 867 tf
CECIL BROWN.
LOIO A HE KOKUA MA KE KANAWAI
Ahe agena no ka Hooiaio ana i na Palapala no ka Mokupuni o Oahu. Helu 8. Alanui Kaahumanu Honolulu. H.P.A. 2y
S.B. DOLE,
He loio a he.kokua me na KANAKA! ma ke Kanawai. E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni. Keena hana ma Alanui Papa, maluna ae o ka Hale Kuai o Likikini. Honolulu, Oahu. Januari 19, 1878. 3 ly
RICHARD F. BICKERTON,
[PEKETONA.]
LOIO a he KOKUA ma ke KANAWAI!
E HELE ANA OIA IMUA O NA AHA HOOKOLOKOLO a pau o keia Aupuni ma na ano hihia a pau, ina paha ma Oaho nei, a ma na Mokupuni e ae.
Ua makaukau mau oia i ka hana ana i na Palapala pili kanawai o kela a me keia ano.
Ua hiki no hoi iaia ke hoale dala aku ma ka moraki ana ina aina, ma ka ukupanee haahaa loa.
K hanaia na hana me ka hikiwawe a ma ka uku haahaa.
Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 1y
S. W. MAHELONA
HE LOIO! HE KOKUA A HE PALE ma ke Kanawai.
Ua makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee.
876 3m
JNO. LOTA KAULUKOU.
LOIO A HE KOKUA.
Ua makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Au puni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m
DAVID K. MALEKA.
Loio a he Kokua ma ke Kanawai.
Ua makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 ly oc26
EDWARD KEKOA.
LOIO ! LOIO ! LOIO !
He Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. 882 1y oc26.
J. KAPOHAKIMOHEWA.
He Loio a he Kokua.
No na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa. 883 6m no2
S.M.P. KALEO.
He Loio, he Kokua, a he Pale ma ke Kanawai.
No ka Aha Hoomalu o Wailuku, Maui. E loaa no au ma Waiehu, a i ole ma ka Hale Hookolokolo ma Wailuku. 884 ly no9
P. NUI.
LOIO! LOIO!!
O ka Ua Ukiukiu o Makawao, Maui.
Ua makaukau oia e kokua i na mea a pau e helo aku ana i ona ia, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16
HENRY N. KAHULU
Loio a he Kokua ma ke Kanawai.
Ua makaukau no au e lawelawe i na hana a pau ina ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16
ASA KAULIA.
Loio a he Kokua ma ke Kanawai.
Ua makaukau au e lawelawe i na haua a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31; a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly no16
I ko'u manawa e kaawale aku ai mai keia Aupuni aku, ua koho aku au i kuu hunona oia o Fred. H. Heyselden i luna nana e nana i ke kula o Lanai, a pela no hoi me ko'u mau waiwai a pau a me na pono ma Lahaina.
WALTER M. GIBSON.
Honolulu, Aug, 5. 1878. 871 tf
O Mr. A.W. CARTER, ka mea i noho pokale ma ka makou hana, ke papa loa ia aki nei, aole e ohi a kikoo i kekahi dala, a lawelawe i ka hana ma ko makou inoa.
A.S. CLEGHORN & CO. Nowemaba 5, 1878. 885 1y no16
Amara ! Amara ! Amara !
Ua hio iho nei ia James H. Hauloa ka Amara kaulana ma ke kapili kapuai lio ana a me ka lapaau ana i na lio mai ka hale amara o James Taylor mauka iho o Hale Dole kahiko ma Ulakoheo a ke hoike aku nei ia i na kanaka a pau, ua makaukau oia e lawelawe i na mea a pau e pili ana i kana oihana me ke emi loa. Nolailla, e hele nui mai oukou e ka poe kaa hakihaki, lio eha o na wawae a mai e ae paha, a na'u e lapaau me ka eleu loa. Me ke akehele a mikioi loa e kapili ia ai ke kapuai hao o na lio. Honolulu, Nov. 6, 1878. 884 7ts
Owau o ka mea nona ka inoa malalo iho, ke hookapu loa aku nei au i kuu aina hoolimalima i loaa mai ia'u mai ka Papa Hoonaauao mai, oia ke Ahupuaa o Makawao, ma ka mokupuni o Maui aole e hookaa wale i na lio, pipi, hoki, kekake, hipa, kao a me ka puaa, maluna oia Ahupuaa o Makawao, ua kapa loa, aole e hookuu wale i na holoholona i olelo ia maluna. Ina o ka mea hookuu wale i kana mau holoholona me ke kuleana ole, e hopu ia no a e lawe ia i ka pa aupuni no ke komohewa. A pela no na ano kanaka a pau, aole e ku wale na mea a pau maluna o na Ahupuaa ia i oleloia maluna, a o ka mea hoolohe ole i keia mau olelo, e hana ia e like me ke kanawai o ka aina. E hoolohe i keia olelo. hoolaha o pilikia auanei.
T. AKANA LIILII.
Makawao, Maui, Oct l, 1878. 891 tf
OLELO HOOLAHA.
He Nui Anei Kou Makemake i na Mekini Humuhumu Lole?
Ina pela, alaila, e kipa mai no ma ia Halekuai o KAKELA A ME KUKE. A malaila oukou e ike ai a maikaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi. Ka MEKINI a SINGER, ma ke $50 pakahi, a me ke ano MEKINI a WILCOX me GIBBS, ma ke $30 a hiki i ke $50 ke kumukuai. I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862tf
ANO NO I LOAA MAI NEI!
Na Kaa Lio Holo Lealea! Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka. DILLINGHAM & Co., 876 tf
Na Agena kuai ma Hawaii nei.
Ke papa ia aku nei na kanaka a pau aole e komohewa a lawe wale hoopoino ina mea ulu, a kukala wale a hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe loa ka pono o pilikia auanei.
Waihee, Maui, Sept. 7, 1878. 876 6m
KO
WEST
MAU
HALE HANA KAA HOLO LEALEA!
Kaa Lawe Ukana, Kapili Kapuai Hao ME KA Hana Hou ana i na Kaa Nahaha. E loaa no i ka poe e makemake ana i na mea i hoikeia maluna ke hele ae ma Polelewa ma ewa iho o ka hale-kuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe. (876 3m)
E Kuai ia Ana.
He 1,000 Hipa a me 8,000 Kao o ka Hui Hana Kao o Kaupulehu ma Kona, Hawaii. E ninau ia H. Cooper (Kupa) o Kailua.
858 tf A.S.-CLEGHORN&CO.
NA HALEKUAI
KAHIKINA NUI!
MA
Alanui Papu, Helu 62
A ME
LILOIKAWAI!
MA
Alanui Nuuanu, Helu 21.
Ua wehe hou ae nei au i ka Halekuai KAHIKINA NUI! E ku Haaheo nei ma ALANUI PAPU! A ke hamama mau nei no hoi na puka o LILOIKAWAI! MA KE ALANUI NUUANU! E loaa no i na keonimana kauaheahe a me na Lede maka palupalu, a me na Opio puuwai waipahe o ke Kapitala hanohano o Honolulu nei, a me ko na mokupuni e ae, na mea a lakou i anoi nui ai, ke kipa mua mai ma ko'u mau Halekuai. He kuai makepono i ike ole ia kona lua ma Honolulu nei, he hoopakika, hoopahee, a he manuahi nui hoi, no ka pono o ka poe ake i na nu paikini o kela me keia ano. E loaa no ma ko'u mau Halekuai. Mai ka 10—11 Ia Lepo Nalo $1.00 Mai ka 11 Ia Kalakoa $1.00 Kihei Huluhulu $1.00 Palule Huluhulu .75c Palule Keokeo .50c Iliwai no ka Holoku $3.00 Alapia no ka Holoku $4.00 Paa Lole Kane $5.00 Paa Lole Keiki $2.50
A me na lole e ae he nui wale o na ano wai hooluu like ole, e ahu mokaki mai nei ma ko'u mau Halekuai. A ua hiki hou mai nei no hoi na lole nuhou loa o kela a me keia ano, maluna o ka moku kalepa "Discovery;" nolaila. e kipa nui mai, i ike pono i ka hana io a ka ua noe, a me ka loku a ka ua Kipuupuu o Waimea. 875 3m S. MAGNIN.
OLELO HOOLAHA.
HOOLAHA A KA LUNAHOOPONOPONO WAIWAI.
Ua hookohu pono ia mai ka mea nana ka inoa malalo iho ma ka la 19 o Okatoba i hanahooponopono no ka waiwai o Charles H. Luscomb o Wailuku, Maui i make. Nolaila, ke hai ia aku nei na mea a pau he mau koina ko lakou no ka waiwai o ka mea i make e hoike e mai iloko o na malama eono mai keia la aku, o hooleia ka lakou mau koina. A o ka poe aie a he mau waiwai paha ko ka mea i make ma ka lakou lima e paa nei, e pono e uku a hoihoi koke mai, a ina he mau aie ko ka mea i make i kekahi mea a mau mea paha e pono e hoike koke mai.
H.A.LUSCOMB.
Lunahooponopono Waiwai o C.H. Luscomb i make. Wailuku, Maui. 883 tf
Hoolaha Papa.
Ke hoike ia aku nei na AILA HONUA kupono ole, no lakou na kuhikuhi i hoike ia malalo iho. Ua ike ia ka pilikia nui, ma ka lawelawe ia ana oia hoi ma ka hoomaemae kupono ole ia ana; a o lakou na mahu i emi iho malalo o hookahi haneri degere Faranaheita. O ka mea a pau he mau aila ka lakou, ke papa ia aku nei ko kakou kuai ana, haawi ana a me ka hoolako ka ana i keia ana aila i na kanaka, me ka hoao ole ia mamua a ike ia ka pono.
O ka hoopai no ka mea kue i ke kanawai, aole e emi iho malalo o na dala he Kanalima, aole hoi e oi aka maluna o na dala he Elima Haneri a i ole e hoopaahao ia ma ka hana oolea aole e oi aku mamua o ka makahiki hookahi.
Eia na Aila i Olelo ia.
O ka Aila KOMETA, e a ana ma ke ana wela o na degree he 86 a hiki i ke 93, Faranaheita. O ka Aha ALADIN A, aneane e a ana ma na ana wela a pau. O ka Aila ORIENATELA, e a ana ma na degere he 96. O ka Aila DAYLIGHT, e a ana ma na degere he 91. O ka Aila LUSTRE, e aneane a ana i na degere apau. O ka Aila a ka Hui EUREKA, e a ana i na degere he 84. Kakauia i keia la 14 o Okatoba, 1878.
831 tf W.C. PARKE, Ilamuku.
AHA Kiekie o ko Hawaii Pae Aina; Oahu, ss. Kau o Aperila, 1878. Apau (pake) k ka mea hoopii no ke oki mare, kue ia Waihoikaea w ka mea i hoopii ia Hoopii oki mare. Ma ka palapala hoopii i oleloia maluna no ke eki mare, ano ua kauohaia, o ka olelo hoololo e oki ana mai ka berita mare aku e hookomo ia ma ka moolelo o ka Aha, mamuli o ka aoao o Apau (pake) k no ke kumu o ka haalele me ka moekolohe o Waohoikaea w i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Pacific Commercial Advertiser a me ke Kuokoa i keia a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko na malama eono, ina he kumu ko lakou e hooko ole ia ai ia olelo hooholo a lilo i mea paa.
Na ka Aha,
A. ROSA.
Hope Kakauolelo. Hanaia i keia la 6 o Aperila, 1878.
Honolulu, ss: Ke hoike alu nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena ke Kakauolelo o ka Aha Kiekie.
Hoike ia e ko'u lima a me ke Sila o ka Aha Kiekie ma
Honolulu, i keia la 26 o Okatoba, 1878.
JNO. E. BARNARD. Kakauolelo o ka Aha Kiekie.
883 6t
AHA Kiekie o ko Hawaii Pae Aina; Oahu, ss. Kau o Aperila, 1878. Kalehuaokona w ka mea hoopii no ke oki mare, kue ia Kaaihuenui k ka mea i hoopii ia Hoopii oki mare. Ma ka palapala hoopii i oleloia maluna no ke eki mare, ano ua kauohaia, o ka olelo hoololo e oki ana mai ka berita mare aku e hookomo ia ma ka moolelo o ka Aha, mamuli o ka aoao o Kalehuaokona w no ke kumu o ka haalele me ka moekolohe o Kaaihuenui k i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Pacific Commercial Advertiser a me ke Kuokoa i keia a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko na malama eono, ina he kumu ko lakou e hooko ole ia ai ia olelo hooholo a lilo i mea paa.
Na ka Aha,
A. ROSA.
Hope Kakauolelo. Hanaia i keia la 19 o Okatoba, 1878.
Honolulu, ss: Ke hoike alu nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena ke Kakauolelo o ka Aha Kiekie.
Hoike ia e ko'u lima a me ke Sila o ka Aha Kiekie ma
Honolulu, i keia la 26 o Okatoba, 1878.
JNO. E. BARNARD. Kakauolelo o ka Aha Kiekie.
883 6t
Aha Kiekie o ko Hawaii Pae Aina, Oahu,ss. Kau o Okatoba, 1878. Robert Brown k ka mea hoopii no ke oki mare, kue ia Kekua w ka mea i hoopii ia, hoopii oki mare. Ma ka palapala hoopii i oleloia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Robert Brown k no ke kumu o ka moekolohe o Kekua w i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono, o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, loa he kumu ko lakou e hooko ole ia ai ia olelo hooholo a lilo i mea paa.
Na ka Aha.
JNO. E. BARNARD,
Kakauolelo.
Hanaia i keia la 25 o Okatoba, 1878.
Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima a me ie Sila o ka Aha Kiekie ma Honolulu, i keia la 25'o Okatoba, 1878.
JNO. K. BARNARD, Kakauolelo o ka Aha Kiekie.
883 6t
KUAI.
E kuai ia ana hookahi eka kalo a oi aku ma Niolopa, e o-o ana i ka malama o Okatoba. 871 tf E ninau ia J. H. CONEY, (Koni.)
KAUKA T.P. TISDALE.
HOMEOPATIKA.
Aia kona keena a me kona wahi noho ma ke alanui Beritania, mawaena o ka halepule o Kaukeano a me ka pa o ka Moiwahine Ema. E hamama ana ke keena mai ka hora 8 a hiki i ka hora 10 am., a mai ka hora 1 a hiki i ka hora 3 pm a me ka hora 6 a hiki i ka hora 9 o ke ahiahi. Honolulu, Nov. 12.1878.
885 tf
PAPA KUHIKUHI MANAWA HOLO
o ka
MOKUAHI HAWAII
LIKELIKE!
KAPENA REYNOLD.
Poalua.Nov. 26,hora 5pm..............................Hilo
Poalua Dec. 3,hora 5pm................Kaapuni ia Hawaii
Poalua Dec. l0,hora 5pm............................Hilo
Poalua Dec. l7,hora 5pm................Kaapuni ia Hawaii
Poalua Dec. 24,hora 5pm............................Hilo
Poalua Dec. 31,hora 5pm...............Kaapuni ia Hawaii
AOLE AIE NO NA UKU OHUA!
Ke hoole ia aku nei ka aie no na uku ohua, a ke hoike a aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no kakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai a ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like e pili iluna o ka mokuahi i ka wa e pili mai ai i ka uapo, aia wale no a pau na ohua eepakeke ika lele.
No ke aku nei e hoopomaikaiia ka lehulehu kaalele, ua hoololi ae nei na ona o Likelike i ka Papa Hoike Manawa oia Mokuahi e like me malama. Ma ka Hale Oihana e loaa'i na Palupalu.
Aole keena e hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WILDER & CO.
He leo Aloha no ka Nupepa Kuokoa
E KA NUPEPA KUOKOA E; Aloha oe:—
E oluolu oe e hookomo iho ma kahi kaawale o kou mau kolamu, i kela mau huaolelo e kau ae la maluna.
No ko'u aloha i ka NUPEPA KUOKOA, ka pua laha ole i waena o keia mau ailana. E like me ka moani o kekahi opuu rose i pua i ke ahiahi ka memele. A oia memele; ua holo loa aku ia memele ma na welau o ka Honua. O ka memele la o ke aha? Ka memele o ke ala o kona pua, a oia memele, oia ka'u e kuili hoomau nei.
Nolaila, ke kono aenei wau i ko lakou nei lokomaikai piha, e maliu mai i ka uwale aku a keia leo. Ke kokoke aku nei kakou ehoea i ka M. H. 1879 e hiki mai ana, nolaila; ke kono aenei wau i na keiki o ka uhu-ka'i o Makapuu. O makapuu i ka lae makani. "E ala e Waimanalo. "Na keiki o ka uhu-ka'i o Makapuu.
"Eia ka malihini;" Hiikapu a Keoloewa, e ala e hopu e kui lima, eia mai oia ke hele aku la i mua o oukou, a na oukou e kuilima aku ia ia. Auhea oukou e na keiki o Kailua; kahi o kuu aina i makaikai ai ina au i hala, ka mea nona ka olelo ia ana i ka lepo kaula na o Kawainui. " E aia," e hopu eia ka opuu rose, he inoa kaulana, KUOKOA.
O ke Kuokoa ana ia o kou aina ponoi iho, mamuli o ka hoihoi ia ana mai o ke Ea o kou aina, nolaila, e hoomanao oe i keia.
E Kaneohe. "E ala iluna," eia ke kama, ka hiwahiwa, ka nani, ka oi hookahi o keia mau Pae Aina, au hoi e kuwili iho ai i ka ono o kona mau huaai, e walea ai hoi i kona kino melemele, e ala, e hopu e na keonimana, a me na lede o kuu aina hanau; nona ke mele kaulana,"Kini Kailua, Mano Kaneohe," E ala e hopu e hoonuu, i ke kuhinia o kona kino waliwali; a me kona hanu pua rose.
"E Heeia i ke ko'a mokumoku." E ala; e hoopau ka hakalalu ana, e hopu; eia mai "Ke Kilohana Pookela o ka Lahui Hawaii," ke hele aku la, e ku a e hopu, "hopu no a paa," o lilo auanei i ka iole. Ahu ka hoka ia oe. Nolaila, e liuliu mua oe, no ka mea, kokoke loa e kiei mai o Makahiki hou. Nolaila, e wae mua oe ia oe iho a kaawale o elua dala no ka makahiki, aole no he kupili-
kii loa, nolaila, e hoomanao oe i keia.
Ka ua Apuakea,
Makai o Kii e,
Ke hoowaawaa ae la i Maelieli.
E Kahaluu i ka ua poai hala, eia mai ka ono ka hiwahiwa, ke kama, ka hanau kahi o keia mau Pae Aina. Eia mai oia ke hele aku la, a nau e hookipa iaia maloko; e hanai ai a hewa ae ka waha.
Nolaila, auhea oukou e na keiki oia aina ua kaulana; e hoomanao, eia mai ka mea o oukou e hai a malule ai i kona nani. a e ike ai oukou i ka "Moolelo o Babela," Ka Hiwahiwa i hanauia mai ka puhaka o Mariadane laua o Abeona, na puhaka alii, a i lawe aihue ia hoi e ke kupua o ka waoakua, malalo o na ululaau. Ka mea hoi nana i lawe ke kaikamahine ui nohenohea o Gomohera a me ka "Lio Keokeo o ka Waoakua.
He ole hoi ka lohe pepeiao wale ia hai, a me ke kii aku e nana. Nolaila, e aho ka hopu mai iaia, no keia makahiki ae e hiki mai ana.
E na keonimana o Kaalaea, eia mai "Ke Kilohana Poekela o ka Lahui Hawaii." ka nani, ka oi kelakela o keia mua aku, nolaila, e kuilima pu mai kakou, i ike i na mea ai ono loa, a me na mea ai o ko na Aina e mai; e ai ai oukou a ko'u ka puu i ka wai a kanaulu:
Nolaila, mai ku a nana wale, o hopu auanei oe i ka loli i ka i-a maka ole o kai. O lohe pepeiao auanei i ka Moolelo o Babela. Mai hoolike me ka puhi nana kee, ka ike mai, holo iloko o ka poopoo. Nolaila, e ala, e hopu i ka oi hookahi o keia mua aku.
E Waiahole nona ka olelo ia. "Hoi kalo paa i Waiahole." E ala iluna, e hopu i ka kakou hiwahiwa, ke kama a Kane ma laua o Kanaloa. E lalau mai iaia, e hiipoi, mai nana kee. Mai hoohalike me ka muhee i-a hololoa. E ku oe a hopu i keia mau lalani mele.
Akahi ka ono o kuu puu la
I ka Uhu maalo i kuu maka la.
Nolaila, o ka nani o na nani, oia ka'u e moni nei i kona momona:
E ala na lede a me na keonimana o Waikane, ke kokoke aku nei e kiei i keia makahiki ae, e lawe kakou i ka pua rose i mea kinohinohi no ko kakou mau paia. A i hoa kuwili no ko kakou mau home lai.
A pehea aku hoi o Hakipuu? ke noho nanea wale mai la no paha, eia mai ka kakou hiwahiwa ke hele aku la, no ka mea, aole oia i hoowahawaha i ka hele ana iloko o ka poe ilihune.
E hele ana oia mai kahi o ka poe hanohano, a hiki i kahi o ka poe ilihune. A komo aku iloko o na hale U'ki. Nolaila, e ala like mai kakou, e hopu i ka kakou milimili. Oia hoi KA NUPEPA KUOKOA maikai.
E ala! E ala!! E ala e Kualoa!!! Ka palena hoi o Koolaupoko, i ka lae o Kaoio. E hoomanao; o ko kakou "Kilohana Pookela," eia mai oia ke naue haaheo aku la ma ko oukou ipuka hale.
E heahea, e hookipa aloha pumehana iaia, e hanai ai, e hookuwili iaia, i ike i kona mau papaaina mea hou, a e hoolilo oukou iaia i hoa'loha kuili mau no oukou ina kau a kau.
A e hoomanao hoi, no kona wahi ola, aole no hoi he kaumaha loa, he elua dala. o kona wahi ola wale iho la no ia.
Me ke aloha no oukou a pau, a no ka poe i lokahi like mai i keia ko'u mahalo. Koe aku ka poe i huli ae ma kela aoao e nana kee mai nei.
E ala e Kaaawa ! E ala e Makaua !! Eia mai "Ke Kilohana Pookela,'' ke hoonaue loa aku la ma ko oukou mao ipuka hale, a na oukou hoi ia e wao no oukou iho. "E Kahana i ka makani ahiu." Aole no paha oe i poina iki i ko ianei inoa. Ua kamaaina no paha ia oukou, no ka mea, o ka 17 keia o kona mau makahiki o ke ola ana, a ke hele aku la oia i waena o oukou. Mai manao oukou, i ka wa i noho iho nei ka hookele mua o ka kakou hiwahiwa o keia mua aku, ko oukou mea ia e haalele ai, aole pela.
Mai manao oukou pela, aohe momona o ka kakou pepa ia manawa. Aka, o ka oi loa aku keia. Auhea oukou e na keiki o Punaluu, e kui lima pu mai kakou a e lawe like i ka kakou hiwahiwa.
A e hoomanao iho makou, o kona wahi kumu i alo aku nei i keia wahi loa. "E ala e Waiono. "E hopo i ka kakou nupepa. E ala e Puheemiki, a me Kapano. a me Haleaha, a me Papaakoko, e ku a e lokahi, i ka NUPEPA KUOKOA.
"E ala e Kaluanui. "E ala e Kapaka a me Makao.
Hookahi ka puuwai a ka makemake, e na lede o ke one wali o Hauula, a me Kaipapau, aku hoi. Hui pu mai me na keonimana o Laie-wai hui po aku hoi me Laiemaloo mai. E lokahi like kakou, e lawe i ke KUOKOA. "E hookipa iaia ma kahi kaawale o ko oukou maa home. E ala e Kahuku i ka waiu o Lewa i ka lae, o ka kakou pepa, eia mai ka nani o keia kau e hele aku nei. A na oukou ka hana; a nani ka pe ia oukou.
E ala e Waimea i ke kala koi. Eia mai ka hiwahiwa o keia mau pae moku, ke pulelo loa aku la ma kela aoao, a na oukoa ka hookipa iaia. Me ke aloha pumehana nona, e hookipa e hanai ai a hewa ka waha.
E ala e na keiki o ke ehu kai o Puaena. E liuliu mua oukou ia oukou iho, ke hookokoke aku nei kakou i na la e pau ai keia makahiki, a e wae mua oukou i ka pule mamua ae. A hiki mai ke makahiki 1879; alaila, ua makaukau mua. Aole hoi ka hoopaneenee, me ke aloha no oukou a pau. E ala e ka makani Kaiulu o Waianae, e ku a maloeloe, mai noho kukule, e hoomanao; ke kokoke mai nei na la.
Ua ike no oukou e ua manu hulu like ole o ka malu niu o Poka-i, i na kau i hala aenei. Na ia nei i alo aku na awaawa me na pua, na kualono, a me na kahawai uliuli. a puka i ko oukou mau home onaona, aole keia i-i ae he anu mamuli o ka oukou kau leo ana mai iaia i alo aku ai i keia kula loa. Nolaila, eia mai no ia ke alo hou aku la i nei kula loa. Ae hoomanao hoi oukou; e hanai wahi ai mai iaia, aole keia he ano mahaoi maoli. Aka he noi aku keia i ko oukou lokomaikai piha. I na no hoi aole oukou e hookipa ana iaia, aole no ia e paweo ana ; aka, o oukou paha ke paweo ana iaia. Nolaila, e hopu like kakou i ike i na mea nani o kona kino lahilahi.
E ala e Ewa i Kaiahamauleo, ke kokoke mai nei na la, a ke hoea aku nei i ka makahiki 1879 e hiki mai ana. Nolaila, e lokahi like pu mai kakou; e kapae iki ae kakou ia iala. a lawe like kakou iaia nei me ka maikai.
E ala. e Honolulu i Kauakukalahale, e na keiki o ke kaona; ke kokoke mai nei na la, nolaila, e wae moa kakou, o liuliu mua ; a e hookaawale mua i wali ai nana a hiki mai ua la ala, alaila, o kana wahi noia e ai ai. ua ola ia no hookahi makahiki ponoi. Elua hana i ana iaia i ka makahiki, a i na no hoi oe e hanai mua no i kinohi a pau ; alaila, ua hiki no iaia ke ola a pau ia makahiki okoa. Kupaianaha ea? kupaianaha io hoi paha. Aole paha he kanaka e like. pu aku me ia nei, pomakai kakou i na kakou e lokahi pu ana.
Nolaila, ke kau leo hou aku nei wau i na Liona o ka Hikini, puni mea hou nui wale.
E ala e Hawaii nui a Keawe e Maui o Kama, e Molokai nui a Hina, e Oahu o Kakuihewa, a me Kauai o Manokalanipo.
E liuliu kakou a e hoomanao me ke aloha pumehana iloko o ko oukou puuwai aloha, e hoomanao iho, o keia makahiki e hiki mai ana, ilaila kakou e ike aku ai i na ui oi kelakela.
Ke olelo nei wau me ka hopo ole, o keia ka nelu akahi o ka ui a me ka nani molaelae o kona oiwi ; alaila, ua hiki loa ia'u ke pai nona.
Maikai KUOKOA, hemolele i ka malie. Kupukelakela ke poo o KUOKOA i nei mau paemoku.
Nolaila ke hooki nei au maanei me ke kali aku no ua mau la ala e hiki mai ana; alaila, o ko'u makaukau koke no ia la.
Me ka lana o ko'u manao, owau ana no o kakou ka lawe mua. Aka hoi, i ikaika no hoi oukou ;eo hoi ia oukou nei makahiki ae. Nolaila, e wiki o eo auanei i ke keiki o na pali Koolau. " Ealu ka pule ia Hakalau." Me ka welina i na keiki o ka Hale Pai. J. W. AKONA.
Kaneohe Koolaupoko, Nov. 5, 1878.
NU HOU KULOKO.
MAU AINA KUAI.—Ma keia Poaono ae la 30 o keia malama, e kuai Kudala ia ai na apana aina he 26 o C. Kanaina ma ke alo iho o Aliiolani Hale.
HOOPANEE IA.—No ka piha loa o ko kakou pepa e puka aku nei i keia la, nolaila, ua hoopanee ia ka moolelo o ke Kau Jiure o Waimea Hawaii, a me kekahi mau itamu heluhelu e ae a keia pule ae hoopuka ia aku.
AHA MELE NUI.—E hoomanao e ka lehulehu puni mele, i ka olelo Hoolaha no ka Ahi Mele Nui e wehe ia'na ma ka hora 71/2 p.m. o keia Poaono ae la 30 o keia mahina ma, Kaumakapili. E naue oe ilaila ke nui me ka liilii.
KE KAAO O BABELA.—Ua minamina makou ke hoike aku imua o ko makou poe heluhelu, oiai, mamuli o ka loohia ia ana i ke onawaliwali mai o ka mea nana e kakau nei i ka nanea eehia o Babela, nolaila, aole e puka aku ana ma keia pule, ua hookaulua ia a ka wa kupono.
MOKU ILI.—Ma Nawiliwili, Kauai, ua ili i hola ka moku kuna Manuokawai, oiai, oia e hoopuka mai ana mai ke awa mai, a i-ka ia aku la oia e kekahi makani palauwili ma kai mai. Ua lohe ia mai nae hoi aohe poino i loaa.
WAAPA KAHULI.—Ma ka huakai aku nei a ka Mokuahi "Mokolii" ia Kauai oiai na Waapa elua e aloalo ana i ka ukana, ia manawa i kahuli ia ai a auau kai ana na Kolo. Aohe ola i poino.
NA HOA O KA AHA KIEKIE.—Ma ke ku ana mai a ka mokuahi Likelike ma ke kakahiaka Poaono o ka pule i hala; i huli hoi mai ai ka Hon. A. F. Judd mai kana huakai aku nei no ka malama ana i ke kau kiure ma Waimea Hawaii. Ua huli hoi pu mai me ka Loio Kuhina a me na hoa o ka papa Loio o Honolulu nei.
KA LA 28 O NOVEMABA.—O ka Poaha o keia pule ae e hiki mai ana, oia ka la 28 o NOV. ka la hoi i hoihoi ia mai ai kou Kuokoa ana e Hawaii mai na aupuni mai o Beritania Nui a me Farani. A nolaila, he mea pono i na Hawaii oiaio a pau ke hoike ae i ko lakou malama maikai ana ia la, e like me ke keiki Amerika e malama haaheo ana i ka la 4 o Iulai o kela me keia makahiki.
HANA ALOHA OLE.—Ua lohe pono mai makou, ma Waipio Ewa; ua hana aloha ole kekahi keiki i ke kino make o kona makuahine mamuli o kona kauo ana mai ka hale moe aku a hiki i ka lua e waiho ia'i ke kino lepo o kona mama aloha i hala. He keu ka hoomaewaewa a me ka lokoino. O ka inoa o oa wahine la o Mamaho.
MAI NA KULA SABATI MAI.—Ua loaa mai i ke Kahu Kula Sabati Nui o ka Pae Aina Hawaii na dala mai na Kula Sabati mai no lakou na inoa i hoike ia malalo nei penei. Kula Sabati o Kapaa Kauai $10. Wainee Lahaina $5. Honokohau Maui $6. Waikane Oahu $10. Huina $31