Ka Nupepa Kuokoa, Volume XVIII, Number 3, 18 January 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ka Au Okoa

I Huila

No ka Makahiki. $2  Fono Mahina $1

Dala Kuike ka Rula

IANUARI 18, 1879.

Na Misiona.

 

Osaka, ma Iapana.  He mea hou malaila. He kula kaikamahine hanai.  Akahi no a kulu ia.  He mau Iapana hoahana, he kane me kana wahine na poo.  Ua kokua ia e na misinari.  Na ka ekalesia Iapana i kokou i ke kala, e like me ka hiki.  Ua 30 kaikamahine a oi aku ma ia kula.  Makemake nui lakou i ka naauao.  Ua ao ia ma na buke hoonaauao, ma ka himeni, a ma ka hana lima. A holo no ka liana.

 

Kobe ma Iapana.  Nui na koa malaila mamua.  He kaua kuloko mamua aku nei Ua hoopauia nae ia kaua. A ua maluhia hoi ka aina.  Aka, no ka loaa ole o na hana kaua i na koa, ua hele ka nui o na koa i ka huna kupono i ko lakou ike.  Ua hemahema a hawawa i na hana lima, hana mahi ai, hana kalepa.  Nolaila, aole i oluolu k anui i ko lakou kulana.  Ke ao ia nei nae lakou ma na kula, a ma ka ke Akua olelo e na misionari.  He poe koikoi no lakou, he poe akamai.  Malia paha, e huli oui ana lakou ma keia hope aku, a lilo i poe koa no Iesu.

 

He kula kaikamahine maikai malaila, 54 haumana. He mau hoahanau ekalesia kekahi.  Holo pono ka hana.  He mea mana keia maluna o na makua.  Ua palapala na makua i ko laua kaikamahine ma ia kula, e olelo ana, e makana ana laua i wahi lole komo nani ia ia ma ia mau la.  Pane nae ke kaikamahine, ua lawa @@ i ka lole.  Ko’u makemake nui e heluhelu olua i ka baibala, a e aloha ia Iesu ka mea e ola’i.  A eia ke pani no ka lole, i mau dala no’u i mea kokua i ke kuai ana i wahi aina e ku ai ko makou luakini.

 

He hoomanakii ka makuakane.  Mahalo nae oia i ke noi ana a kana kaikamahine Ak@ nui oia i kona manao, e kuai i mea ona nona no kekahi ahaaina hoomanakii olaila.

 

Kekohi kaikamahine hoi, ua hoi i kona home e hoomaha.  Hoowalewale ikaika loa na kini hoahanau e hoomanakii.  Wiwo ole nae oia i ka hoole.  A paipai oia ia lakou e haalele i ku hoomanakii, a e hoomana ia Iehova, a e imi i ke ola mau. A ua huli mai no kekahi.

 

Kina Akua.  Nui ka wi, ka pilikia ka make malila no ka wi no.  Nui hoi ke aloha o na misionari i na pake.  Nui ke kokua no kahi e mai.  Ma ke kauwahi, ua loaa 9,000 dala maoli no ka poe aloha mi.  na misionari na puuku nana e mahele aku i keia mau dala iwaena o ka poe pilikia nui, i mea kuai i na mea ai a lole e pono ai.  Lawe ia keia mau dala 9,000 ma na kaa elua ma na alanui a hiki i na wahi pilikia.

 

Nui ka olioli a me ke aloha o na pake i na misionari, no ko lakou hoopakele ana ia lakou i ka make a ka wi.  Akahi no a wehe nui ia na puka o na hale o na pake e hookipa i na haole.  Hookipa lakou i na misionari, a kapa ia lakou Pastor. Kahu, kahu hanai.

 

Nui na kauhale i hookipa olioli i na mionari.  Hoomakaukau e lakou i wahi e haiolelo n@,@ kakau maluna iho. “Ka hale pule o Iesu.”

 

Naaupo kekahi poe, e like me na kanaka o Lukaoina.  Oih. 14: 11-13. Hoomana i na misionari.  Papa aku nae na misionary, olelo, e hoomana ia Iehova ke Akua oiaio, aole ia makou, he mau kanaka wale no makou.

 

I ka puka ana o na misionari ma kekahi heiau, nana aku la lakou, oia hoi he puu kii hoomana.  Ua hoohuia na kii he nui wale ma ka paila hookahi, me ka olelo e waiho ana pela a pau i ka popopo. Ua hoola@@@’ ku ia heiau na Iehova.

 

HOLOPONO KA HANA MISIONARI MA KINA AKAU.

 

Berazila ma Amerika Hema. Na wahine me na kaikamahini olaila.  He poe kupono no lakou i ka hoonaauao ia, me ka hookiekie ia. Ua akamai iki no kekahi ma ka olelo Farani, ma ka paani ana ma na piano. Aka, ua hoike ko lakou ike. Aole launa nui lakou me na kane.  Ano hono pio lakou ma na hale.  Aole i hoolakoia i na buke, i na nupepa e naauao ai.

 

Kukuikahi na kaikamahine i noho ma na kula ke loua na makahiki he 12. Lawe ia ku ka nui iwaho o na kula i poe hana ma ka hale.

 

He poe kaiohika loa na wahine. Kue lakou i ke aoia o na keiki ma ma kula euanelio.  Nolaila, aole holo ka pono io ma Berazila.- Missionary Herald.

 

God Speed the Right.

Colonized Singer, No. 133, p. 114

1

Naue aku i ka lani;

O Iesu pu,

Paio, paio, a hookani,

O Iesu pu,

Paio, paio, me ka ikaika

Me ka hoomaikai ia’e la

2

Pule, pule, mau ka pule;

O Iesu pu,

A ko ole, mau ke noi

Kaua, kaua a haule

Me na koa kaua maoli,

O Iesu pu. O Iesu pu

3

Mai pauaho, mai okupe,

O Iesu pu

Mai makau a hoi hope

O Iesu pu,

Naue aku a pii pii la,

A mao e lanakila

O Iesu pu. O Iesu pu

                             Hawaii

 

 

Haawina Kula Sabati

HELU 5. SABATI FEB. 2, 1879

KUMUHANA

Ka Heluhelu ana i ke kanawai. Pauku Baibala Neh. 8; 1-8

 

@oakoakoaia mai la ka ahakanaka a pau e like me ke kanaka hookahi ma kahi akea ma ke alo o ka puka wai; a olelo aku la lakou ia Ezera i ke kakauolelo e lawe mai i ka buke o ke kanawai o Mose, ka mea a Iehova i kauoha mai ai i ka Iseraela.

 

2  A lawe mai la Ezera ke hakuna i ke kanawai imua o ka ahakanaka o na kane a me na wahine a me na mea a pau i hiki ia lakou ke lohe a e manao iho, i ka la mua o ka malama ehiku.

 

3  Heluhelu iho la oia iloko olaila ma ke alo o kahi akea e kupono ana i ka puka wai, mai ka wanaao a hiki i ke awakea, imua o na kane a me na wahine, a me ka poe i hiki la lakou ke noonoo; a me ka buke no o ke kanawai na pepeiao o ka ahakanaka a pau.

 

4  Ku ae la o Ezera ke kakauolelo ma ka awai laau, ka mea a lakou i kukulu ai no keia hana; a kup u ae ia me ia o Matitia a me Sema a me Anaia a me Uria a me Hilekia a me Maaseia ma kona lima aku; a ma kona lima hema, o Pedaia, a me Misaela, a me Malekia, a me Hasuma a me Hasebadana, Zekaria, Mesulama.

 

5  Wehe ae la o Ezera i ka buke imua o na maka o ka ahakanaka a pau; (no ka mea, maluna ae no ia o ka ahakanaka a pau;) a i kona wehe ana, ku ae la ka ahakanaka a pau iluna:

 

6  A hoomaikai aku la o Ezera ia Iehova i ke Akua nui: a pane mai la ka ahakanaka a pau, Amene, Amene, me ka hapai ana i ko lakou mau lima iluna; a kulou iho la lakou, a hoomana aku la ia Iehova ilalo no ko lakou alo ma ka honua.

 

7  A o Iesua, a me Bani, a me Serebia, lamina, Akuba, Sabetai, Hodia, Maaseia, Kelita, Azaria, Iozabada, Hanana, Pelaia, a me na Levi, hoakaka aku la lakou i ka ahakanaka i ke kanawai; aia hoi ka ahakanaka ma ko lakou wahi.

 

8  Heluhelu iho la lakou ma ka buke o ke kanawai o ke Akua me ka pololei, hoakakaku no i ke ano, a hoomoakaka hoi i ka heluhelu ana.

 

Paul@u Gula. “O ka wehewehe ana i kau olelo, oia ka i hoomalamalama mai; hoonaauao mai no ia i ka poe hupo.” Hal. 119;130.

 

Mele. Lei Alii, aoao 9. “Haina Pololei.”

Puli i mahuahua ka heluhelu ana i ka baibala.

 

Ka Wehewehe a Ninau ana

 

Hoomau no na enemi i ko lakou kue a keakea ana ia Nehemia ma i ole e paa ka pa o Ierusalema.  Imi no lakou ma ka hoopunipuni, a ma ka hooweliweli, e hooki i ka hana.  A kokua kekahi poe Iudaio ma keia keakea ana.  He poe Iuda Isekariota lakou e imi ana e kumakaia ia Nehemia iloko o ka lima o na enemi, i make paha oia.

 

Aka, aole i hoolohe Nehemia i na olelo hoopunipuni, hooweliweli a na enemi.  Hoomau no oia me na Iduaio oia no i ka hanu a paa pono ka pa o Irusalema.  Heluhelu Mok. 6; 1-16.

 

He mau hana hooponopono hoi ka Nehemia, no ka hookaumahaia o na Iudaio e na luna. Nana Mok. 5; 1-13.

 

Mok. 8; P.1. Mahea i hoakoakoa ia’i ka ahakanaka? E like me keaha? Mahea ka puka wai? Ma ka hikina o ka luakini, he wahi laula.  Heaha ka lakou olelo ia Ezera? Akahi no a hoea ka inoa o Ezera ma Nehemia.  Me he la ua hoi aku oia mamua i Peresia, kana hana mua malaila.  A i ka paa ana o ka pa o Ierusalema ua hoi mai oia i Ierusalema.  Heaha ka buke kanawai o Mose? Ku Penetetaka ka inoa nui, oia hoi na buke elima a Mose i kakau ai.  He buke owili paha.

 

P.2. Pehea hoi Ezera i hana ai? Owai ka poe kupono ke hoolohe? Na kamalii anei kekahi? Ka manawa hea ia? He la aha ka la mua o ka malama 7? Oihiki. 23; 23-25. Ezera 3; 1-2. Nolaila, ehia kumu no ko lakou akoakoa ana ma ka la mua o ka malama 7? Owai ka inoa oia malama?

 

P. 3. Pehea ka l@ihi o ko Ezera heluhelu ana ma ka buke kanawai? He halawai loihi e! Aole anei lakou i paupauaho? Mahea ko lakou mau pepeiao? Mahea ko oukou mau pepeiao ke heluhelu ia ka Baibala?

 

P.4. ma keaha i ku ai Ezera e heluhelu Akahi anaei a loaa ia inoa awai ma ka Baibala? 2 Oih. Lii 6: 13.  Ehia no kokua i kupu? Ehia ma ka lima akau?  Ehia ma ka lima hema? Heaha ka lakou hana?

 

P. 5. I ko Ezera whe ana i ka buke kanawai pehea ka ahakanaka a pau? No ke aha ke ku ana iluna?

 

P. 6. Heaha ka Ezera hana mua? A pane na kanaka pehea? Me keaha i na lima? Pehea hoi ko lakou hoomana ana ia Iehova?

 

P. 7, 8. Owai kekahi poe i kokua ia Ezera i ka wehewehe a me ka hoomoakaka ana i ke kanawai?  Nui wale na kanaka, a noho no ma ko lakou wahi.  Ua mahele ia paha lakou i mau aha okoa, a na keia mau kokua i heluhelu a wehewehe i ke kanawai i kela a i keia aha apana.

 

Mele. “ Puai mau loa. “ Lei Alii. Aoao 10.

 

Na Ninau Hoi Hope

Heaha ke kumu hana? Heaha ka pauku gula? Oiai e hana ana Nehemia ma, ma ka pa o Ierusalema, ua imi na enemi eaha i ka hana? Ma keaha ka imi ana? Owai kai hui pu? He mau Iudaio uha lakou? Lanakila anei na enemi? Owai kai lanakila? Ma keaha? Heaha kekahi hana hooponopono a Nehemia?

 

Heahea ke kumu o ka hoakoakoa ia ana o @a Iudaio? Mahea? Me keaha? Koho lakou ia wai e heluhelu i ka buke kanawai? Heaha Ezera? I kona heluhelu ana, owai kai hoolohe? O na kamalii anei kekahi? Pehea ka loihi o ka heluhelu ana? Ehia kokua o Ezera? No keaha i apoe kokua? Heluhelu mai i ka pauku 5 me ke 6. Hoolohe pono anei lakou a pau?

 

Heaha keia buke kanawai? Owai ka i heluhelu mua ia buke, a kakau hoi? Mawaena o na mauna hea i heluhelu ia’i ia buke kanawai mamua loa aku? Nawai na pomaikai? Nawai hoi na poino?  A ua aha na kanaka?  No keaha i ili mai ai no poino he nui wale malua iho o na Iudaio mohope iho? No keaha i pau ai ka luakini mua, me Ierusalema, a lawe pio ia ka lakou i Babulona; a noho pio ilaila ehia makahiki?

 

Heaha na pilikia e hiki mai ana maluna o oukou ke hoolohe ole, a malama ole i ka ke Akua olelo?

 

Ma keaha oukou e hoohalike ai me keia poe Iudaio i noi aku ia Ezera e heluhelu i ka buke kanawai?

 

Ma keaha e hoohalike ai na paahana me Nehemia ma ke ala mai ka poe keakea?

 

Na wai e hookahuli i na manao ino o na enemi? Ma keaha hoi?

 

Mele. “Mele Oli.” Lei Alii aoao 11.

 

Pule i ala ka makemake nui e heluhelu. E hoolohe i ka ke Akua olelo.

 

Haawina no Feb. 9. Neh. 13; 15-22.

 

 

Ka Moolelo o ka Uwea Telegara

Pa a me kekahi Kanaka Naaupo.

 

Ma Amerika, aia ma ke kulanakauhale o Kaleponi, e noho ana kekahi mau makua he kaikikane nae ka laua aia i ke kula ma Piladelepia, ua noho kaawale lakou no hookahi makahiki me ka hapa, o ke kumu i kaawale ai, ua hoouna ia ke keiki i ke kula a i kekahi manawa, waiho mai la ke kumu he olelo kauoha i na haumana, elua pule i koe, alaila, e hoike nui ana ko kakou kula, nolaila, e pono oukou e na haumana, e aahu mai i na kahiko maemae no ia la; nolaila, no keia leo kauoha a ke kumu, manao iho la keia keiki e hele aku i ka mea nana e malama ana i ka uwea olelo, a kauoha aku la ia i kona makuakane e noho ana ma Kaleponi. “E ko’u papa aloha nui, e oluolu oe e hoouna mai i kuka paina hou a me ona lole wawae paina a me ona paa kamaa buti hou, no ka mea e hoike nui ana ko makou kula.”

 

Nolaila, ia hiki ana aku o keia olelo ma kela aoao, kakau iho la ka mea e noho ana ma Kalepono i na olelo a pau a ua keiki nei ma kekahi apana pepa, a lawe aku la a haawi i ka leta i ka makuakane o ua keiki nei, ika wa ninau mai la ua makua nei, nawai keia leta? Hai aku la keia, na ko keiki mai nei.  Mai ia wai i hiki mai nei? Mai ka uwea telegarapa mai. Nolaila, wikiwiki iho la keia i ke kuai i na mea a pau i kauoha ia mai, a i ka loaa ana o na mea a pau, o ko ua nei lawe no hoi ia i na mea a pau a kau iluna o ka uwea telegarapa, me ko ia nei manao, na ka uwea telegarapa no la e lawe i keia ukana, e like la me ka hiki ana mai o ka olelo a ke keiki ma ka uwea, o keia nei huli hoi aku la no ia i ka hale, a i kekahi la ae hele hou aku la ua makuakane nei e nana i ka ukana ana i hoouka ai iluna o ka uwea, ia hiki ana aku, aia hoi a kau mai ana he kuka weluwelu a he paa kamaa buti nahaehae, a eia ka olelo a ua makuakane nei, he oiaio, ua hiki pono aku nei na mea a pau a’u i hoouna aku nei no kuu keiki no ka mea, ua hoouna mai nei i na wahi awelu kahiko ona, eia nae ka mea kupanaha, o ua mau mea la a pau, aole i hiki aku imua o ke keiki, no ka mea, ma ia po iho, ua miki ae la ke owau, a hoka wale iho la no o puehu; he keu no hoi keia a ka naaupo kiekie o ke ao nei, me kona manao paha na ka uwea e lawe, nolaila, e na makua o Hawaii nei, mai hoohalike ia oukou me keia naaupo kiekie o ke ao nei, me kona manao paha na ka uwea e lawe, nolaila, e na makua o Hawaii nei, mai hoohalike ia oukou mau keiki i na kula, aole make hoouna i ka hula me ka manao, aia iloko o na hokeo a u-li-u-li paha e loaa mai ai ke ola o ka noho ana. A e lawa i na nupepa Kuokoa me “ Ko Hawaii Pae Aina,” i mau aniani hoomalamalama ia kakou, aloha oukou.  Sam’L K. Kalaikini

 

 

Ka La karisimaka ma Kapaa Kauaiik

 

Ma na hora poniponi o ka wanaao Poakolu la 25 o Dekemabak oia ka wa i hoopuiwa ia ai o na mea a pau e hiolani ana ma na wahi moe e na keiki leo hone o Kawaihau, ua hoopuiwa ia ae au me ka’u lede e ka hoene, ka nonolo o na leo o ua mau keiki nei; na leo hoi i maa i ka hone ma no ipuka hale o Honolulu, a me ke alo Alii; a oiai no lakou e hone ana, pae ana ka leo o ka ona hale G. H. Dole ka luna nui o Kapaa nei, ma ke kono ana’ku ia lakou e kono iloko, a ma kekahi rumi nui o kona hale, ua haule iho la ua mau keiki nei iluna o na noho, a ua hoopiha ia ka haku hale a me makou a pau me na leo hoonanea mai ua Hui Kawaihau nei, a ua panai aku hoi ka haku hale ia lakou me na mea ono maiki, a me ka wai hui hoi e olu ai ka puu, ua phia hauoli makou no kekahi mau minute.  Haalele ka huakai i ko makou hale, a naue aku la ma kahi o ka ona mahiko o Kapaa nei, Col. Z. S. Spaulding ua loaa no i ua Hui nei he makana mai ia ia mai.

 

Naue loa ua huakai nei ma kahi o Lee Loy k ekeiki o Kina, malaila ua loaana makana maikai mai ia ia mai, a ua hoopiha ia no hoi kona hale me na leo mele maikai, a i laila hoi no i ike aku i ke kulukuluaumoe, a mauliawa kahi leo ke puana ae, a ilaila hookuu na hana hone o ka po.

 

 

Na Hana o R.F. Ao

Ua eieu ae ka luna nui o Kapaa nei ma ke kakala ana i lanai paina no ka lehulehu no ka hoomanao ana i ka la.  A ua kono ia ka lehulehu e naue mai e paina.  A ma ka hiki ana ae i ka hora paina, ua lehua mai la o waho o ka lanai ahaaina i na kanaka.  He nui loa na haole ma keia paina ana.  Eia kahi mea aka, o ka poe i maa iki i ka mikipoi ana hele pono ka lakou, o ka haole aole i maa, hele io a ianei na manamana.

 

I ka wa no hoi e ai ana, ua hoonanea ia ka lehulehu me na leo mele o na keiki Kawaihau, a me ke kani a ke gi@.  A pau ka paina ana, he mau heihei lio me ke kanaka, a eo ke kanaka a he holoholi lio no hoi, ua kohu kaona no ua Kapaa nei.

 

Me ke aloha i ka Luna Hooponopono a me ko’u mau ulele hua kepau.

                                                       D. Keaweamahi

                        Kapaa Kauai Januari 7, 1879

 

 

Make Waiohia.

Ma ka la 23 o Nov. o ka makahiki i hala ma Wailuku, Maui, ua pii o Kalaumano w. iuka o kuahiwi i ka iikmi laau lapaau, a hala hookahi la o kona noho ana ma kuahiwi, ua huli aku au a me Kaaoao a me kekahi poe mahope, a mamuli o ka hookolo ana i na meheu o kona wahi i hele ai, loaa aku la oia ia makou malalo o kekahi kumu waihi, ua hele a opili i ka ua no ka mea, he mau la ua ia ma Wailuku nei.  I ka hoihoi ia ana a hiki kauhale, aohe i liuliu iho mahope olaila, kaili ae la kona hanu hope loa. 

 

A no ka nui o ko’u aloha ia ia. Nolaila ua kahu iho wau i wahi kanikau aloha nona.

 

He kanikau aloha

Nou e Mrs. Kalaumano                  

Kuu wahine mai ka malu Hekuawa o Wailuku

E hai kapihe kanaka o Kaupo

Aloha ia wahi a kaua e luana ai

Me na keiki a kaua

Aloha ko leo i ka pane ana mai

Kuu wahine mai ka malu Lauinia

O Halehookipa

Kahi e luana ai o na kane me na wahine

Auwe! kuu wahine

Aole oe he wahine he makua nona lehulehu

Kuu wahine mai ka makani makai mai

He lei aloha na kuu kino e noho nei

Noho au umi i ko aloha

Aloha ke kula o Waikane

Kuu wahine mai ka hana hooluhi

A kaua e hele ai

Auwe! kuu wahine e

Kuu wahine mai ke kai nehe i ka ili kai

Kahi a kaua e hele ai

Aloha ke one o Kahului

Kahi a kaua e hele ai

Aloha o Kanaha me Mauoni

Auwe! kuu wahine e

Kuu wahine mai ke kai leo nui o Mana

Kahi a kaua e luana ai

Aloha ka piina ikiiki o Puukahi

A me ka ihona o Kapahi

Auwe! helu mai o papa

Aloha ino kuu kaikamahine

Kuu hoa hele o ua wahi nei

                          D. K. Hailua

 

Kanikau aloha

Keia nou no e Kalaumano

Uwe helu mai o Mololokai

Aloha ino no kuu aikane

Kuu makua o kahi makua ole

Kuu hoikeike o kahi ike ole ia

Kuu kamaaina o na pali Koolau

Aloha ia wahi a kaua e hele ai

Aloha kakipi ka piina ikiiki

Aloha hale haku i ka huikau ana lio

Hoomaha aku kaua o ka lai o Honopau

Kuu hoa mai ke kai kuehu la e Hunahunalau

Aloha ia wahi a kaua e hele ai

E nana ai kaua i ka lai o Hawinik

Auwe! kuu aikane kuu aikane no hoi e

Kuu aikane mai ke one kuehu e Kahului

Aloha ka piina loa lae makani palua

Hoomaha aku kaua i ka olu o Waikani

Aloha Halehookipa ka home a ke aloha i noho ai

Aloha ia wahi a kaua e noho ai

E nana ai kaua i ka lai o Waialeale

I ka huikau mai a na kanaka

I ka haki nua mai a na kaa

Aloha ka leo o ka pele i ke kani hone mai

Auwe kuu aikane kuu aikane hoi

 

 

LETA MAI KA PAE AINA MAI O GILIBATI.

Tapiteuea Julai 10, 1878.

Aloha nui olua, Rev. H. Bingham, a me Mrs. Bingham

 

Eia no makou a pau ke ola maikai nei. Ua hiki mai o Hoku Ao ma Tapiteuea i ka la 27 o June, elua la maanei a ua holo aku la.

 

Ua hui makou me Kapu ma ka moku, a me Haina me kona ohana, ke Kapena hou o Hoku Ao a me kana wahine ka laua keiki, he Kapena maikai keia he oluolu, he kamalio pu me makou, pela no hoi kana wahine he oluolu, he haole hou wale no keia.

 

Ua hooili aku au i ka palapala noi a na elemakule o Tapiteua maluna o ka Hoku Ao, e ike oe ke hiki aku ia palapala noi i ka Moi i Lunakanawai no lakou, aia kahi ia J. U. Kawainui na ka Moi kekahi no ka nupepa kekahi. O ka’u mau leta a pau aia ma ka moku Hoku Ao.  O maua me ke aloha nui.                     H.B. Nalimu.

July 10, 1878

 

 

Eia mai ka Pololei.

Ma ka lulu dala mahinahou o ka ekalesia o Kawaiahao ma ke Sabati la 12 e Ianuari, A.D. 1879 i hala, ua hai aku au imua o ke anaina i akoakoa mai i ka huina, a no ka puahia, aole i pololei loa ia huina, nolaila, eia mai ka pololei.

 

Apana 1. $32 10 Apana 2. $30.55 Waikiki-kai, $6.00 Moiliili. $7.60 Palolo, $1.25 Manoa, $1.75 Makiki, $9.60 Kapalama, .75 Kunawai, $4.00 Maemae, $2.70 Pauoa, $5.00 Kaakopu@, $4.80 Maunakiekie, $2.00 Ma ka luakini iho, $3 50.

                                                                      Huina $111.60

                                                                      E.S. Timokeo.

Kakauolelo o ka Ekalesia o Kawaiahao.

 

 

A. McWayne.

Hale Kuai Laau Lapaau a me na Waiala o ka @@@ a paa, me ka SOPA ALA o ka ano he @@@ wale. Ma ke @@@@ o Ahanui Papa me Kaleipa $40 1y

 

 

DR. RODGERS,

-oia o-

KAUKA LOKEKE

Ua Hoo@@@ ae  @@@ i kona keena oihana mai ka hale ae o @@@@@ a M@@@@@@ a @@@@ o ka Hale ma. Hele 34 Alanui Papa

Ma keika hope e hoomakaukau ana ke Kauka i kona mau Laau poni a puunane aku i ka poe kii mai

 

O @@@@ @@@ @@@@, ana no ma ka pa o ka @@@@@ Hawaii, ma kahi i @@@mua ai                           $$31 tf

 

 

E. STREHZ

(AILUENE.)

MALAILA E LOAA AI NA ANO LAAU A pau: a me na wai hoomaemae o kela a me keia ano.  E hamana mau ana ka ipuka ma na po Poaano a pau.  Ma ke kihi o ala nui Papu a me Hotele, ma Monikalaae     ($45 1y)

 

 

E. O. HALL & SON.

(E. O. HOLO MA.)

Na mea kuai i na mea mahiai,

Na Lole , Na Pena, Na Aila, a me

Na ano Lako e ae a pau he lehulehu wale.

$46 Kihi o Ala nui Papu me Moi.  1y

 

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

-E LAA NA-

Ahinahina, Kalakoa,

            Keokeo, Leponalo,

                        Pena, Aila, Aniani,

NA MEA PIULA!

KOPA, AILA HONUA,

            AILA HOOMALOO

Kui kakia, Pukeke,

Tabu, Kaula, Noho Lio

Hulu Palaki, na Pulumi

-a he-

 

AGENA NO HOI NO NA MOKUPUNI O HAWAII NEI NO NA

Lainakini-nao

Lainakini Maoli,

Palule Kalakoa,

Alapia, Kelepa, Kilika,

            Na lole kupono  ka wawae

            Palule huluhulu

Na Lole Huluhulu

Na Lole no ka hoohehelo ana

Lipini, Lihilihi, &c.

 

LIPINE, LIHILIHI, & c.

-a me na-

MIKINI HUMUHUMU MakeponoLoa!

-a he-

MAU MEA AI KAHI

Ka Palaoa, Kopaa

Raiki, Pia, Hoohu

Paakai, Hunala,

Pia Kulina, & c.

 

A he Laau Lapaau Kaulana Loa

A DR. JAYES.

 

Laau Kunu

Laalau Hoomaemae Koko

Laau Hoopau Naio

Penikila, Huaale,

A ME NA LAAU HAMO, A PELA’KU!

S27 3 m 839

 

 

PAPA! PAPA!

-NO-

ALLEN & ROBINSON

UA WEHE AE NEI MAUA 1

PA KUAI PAPA

-MA-

KA UWAPO O PAKAKA

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

Na Pena a me na Aila Pena!

NA KUI O NA ANO A PAU

NA PANI PUKA a me

NA PANI PUKA ANIANI

NA PANI PUKA a me

NA OLEPELEPE

 

NA LAKO KUKULU HALE

O NA ANO A PAU!

E KUAIA ME KE

KE KUMUKUAI HAAHAA LOA

O keia Makeke.

ALLEN & ROBINSON

Honolulu, l@@1, 1873                     S40 3m

 

 

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi!

E LOAA AI NA

Papa Nouaiki!

O kela a me keia ano.

Na Papa Nani a Paa no ke Kukulu

Ana i na Hale!

Na Pani Puka, Na Puka Aniani

Na Olepelepe, Na Peu, Na O-a

Na Papa Hele, Na Papa Ku

A me na Papa Moe nui Loa

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau

Na Kui mai ke Nui a ka Makalii,

Na Ami Puka, Na Ami Puka Aniani

Na Ami o na ano a pau

Na Aila Pena, O kela me keia ano

Na Aila Hoomalook He lehulehu wale

Na Aila e ae o na ano a pau

 

NA WAI VANAIKI

-A ME NA-

WAI HOOHINUHINU NANI!

O na ano a pau loa.

NA BALAKI ANO NUI WALE!

A ke hai ia aku nei ka lono i na makamaka a

Pau, ua makaukau keia maui makamaka

O oukou e hoolawa aku ma

Na mea a pau e pili ana

Ma ka laua oihana

-no ka-

UKU HAAHAA LOA!

E like me ka mea e holo ana mawaena o

LAUA a me ka MEA KUAI

E hele mai! E na Makamaka!!

A e lawa no hoi ko oukou makemake

Me ka olu olu a me ka maikai!

845tf

 

 

KOPA KUKAEPELE

-A-

GLENN!

AOLE LUA NO KA HOOMAEMAE I KA ILI!

He mea hoopau i na eha,

Na ili Puupuu,

A he hoomaemae i na mea ino,

A he hoopau Lumatika,

A he kopa auau no hoi

 

O keia Kopa ka oi aku o ka mea maikai

I waihoia mai imua o kanaka.

 

Aole wale no ka Hoopau ana i ka Huehu

Ili Poha, Wela la, Luluaina, a me

Na mea e ae o ka Ili;

A ma ia holoi ana, o ka hoopalupalu pu kekahi i ka Ili  a keia

Laau Hoomaemae lua ole e hana ai.

 

O ka hoemi ana iho i na mai o ka Ili, a o

Ke pale aku i ka mai mai na lole e na

Mai Lele, oia kekahi. O na ohana

A me na poe makaikai, i na

E hoolako lakou

I keia

KOPA, HOOMAEMAE LUA OLE!

ALAILA, UA LANAKILA LAKOU

 

He hoopau i ka lehu o ke poo

Ahe Kopa no hoi e kaohi mai ai

I ka lauoho mai ka hina ana,

 

Ua hooiu nui mai na Kauka no ka maikai o keia Kopa!

E loaa no ma kahi o

M. McINERNY.

@@@@@ na Alanui Papu me Kalepa