Ka Nupepa Kuokoa, Volume XVIII, Number 7, 15 February 1879 — Page 3
| This text was transcribed by: | Malialani Cabaniss |
| This work is dedicated to: | Hawaiinuiakea School of Hawaiian Knowledge |
Ka Nupepa Kuokoa
KE KILOHANA POOKELA NO KA LAHUI HAWAII.
LIHILIHI ka ka elima keneta aku no ka I-a. Lipina mai ka elima keneta aku no ka i-a.
Halekuai Hou!
CALIFORNIA ONE PRICE BAZAR
Waiwai hou! Kumukuai hou!
He mau mahina i hala ae nei o ke kali ana ua loaa ia maua mai na KUAI KUDALA NUI A NA ILAMUKU, NA POE KALEPA NUI i poho i Ba@@@@@@@ a me ka na LUNA HOOPONOPONO WAIWAI KUAI.
MAI PARISI, LADANA, NU IOKA A ME PILADELEPIA MAI, NA ANO
Paikini maikai hou loa o na Keonimana!
I AKAHI NO A HIKI I HAWAII NEI.
Parisa, Ladana. EIA NA KUMUKUAI: Nu Ioka, Piladelepia.
E HELUHELU A NOONOO!!!
Na A-i-kala Lilina ano heu...20 keneta pakahi
Na Palule keokeo alu Lilina...$1 25 pakahi
Na Palule hapa Lilina ano hou, 83 keneta pakahi
Na Palule Papamu hou...$1 00 pakahi
Na Palule Kalakua ano hou loa, 75 keneta pakahi
Na Lolewawae i umi ii ili ia...73 keneta pakahi
Na Kakini kane o na ano a pau, 12 1/2 keneta pakahi wale no
Na Palemai kane o na ano a pau, 63 keneta pakahi
Na Ho a me na Lei A-i Kilika, 25 keneta pakahi
Na Hainaka Lilina, mai ka 12 1/2 keneta pakahi aku
Pela me na Kakini o na ano like ole i hala ia i ke KILIKA HULUHULU a AMARINO o na Wahina, Kane, Keiki--MA KE KUMUKUAI HAAHAA LOA!!
Ua manao e wehe i ke kuai ana ʻ u i kela mahina aku nei, aka ua kali iki i loaa mai ma ka mokuahi "Zealandia." na ano Lihilihi hou loa, maneanea, a lahilahi, mai Farani a me Geremania mai.
He nani okoa no hoi na Lole Keokeo Pike, na Kanele Huluhulu, a me na Lopi Huluhulu o na ano a pau
Eia pu no hoi na Kaliki ano hou, na Mikilima ili, na Mamalu, na A-i-kala lihilihi, na A-i-kala pihapiha, na Lei A-i Kilika, na Kihei Huluhulu paina hou, na Lakeke lima ole, na Lole Keokeo Keiki, a me na Lole paa o na Wahine.--MA KE KUAI HAAHAA LOA!
E KAU ANA KA WALI O NA HALEKUAI PII,
Aka, e piha olioli ana ka lehulehu Maanei no hoi e loaa ai na WALALA hou loa, a me na AILA LAUOHO o na ano a pau--keu ka puia. E kuai ia aku ana na Waiwai a pau ME KA HAAHAA LOA.
MA KA POAONO, DEKEMABA 7,
Ma ka Halekuai ʻCalifornia One Price Bazar.'
HELU 68 ALANUI PAPU @@@@@@@@@@@
ENA
Lede a me na Keonimana!
--o ka--
MAKANI APAAPAA O KOHALA.
E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua
HALEKUAI MA KAIOPIHI!
Malaila no e loaa ai ia oukou keia mau Waiwai Maikai malalo iho nei:
NA PAPALE WAHINE HULU NANI HOU LOA E PULELO AI I KA MAKANI.
Ina no hoi e kau mai i ko poo, aohe i kana mai ua mea o ka Pulelo o na Lipina a me ka luhe maewa o ka Hulu i ke oho makani, nana aku no hoi, hele kela a "Kau ka Iwa he la makani," i ka ua mea o ka Nani Lua Ole, oia no oe la o ka
HULU MAMO GULA LELOLELO O KA IU O GOMOHERA.
NA KIHEI KUWELU.
O kei mau Kihei, aohe i laha ma na Halekuai e ae, ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi.
Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou
NA LEI A-I HIPUU KIKEPA O NA KEONIMANA E LINOHAU AI.
Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu.
Na Kamaa Hila Aulii a Mikioi o na Kane, Wahine a me na Kamalii.
O keia na Kamaa Hila Aulii Helu Ekahi a maua i lawe mai ai no oukou e na Lede a me na Keoniana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no ae la, o ka Leo o ke Kolohala i ka po Lai.
NA WAIALA MOANI ALA LOA.
Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona.
NA KALAKOA.
Eia no hoi na Lole Kalakoa ke ahu mokaki mai nei o na ano he nui wale.
Na Pahu.
A pela no hoi me na Pahu Pake, i hele kela a panio lua o waho i ka waniki.
Na Moena.
Eia no hoi ia maua na Moena Pake, oia no oe la o ka Pawehe o Niihau ka panio
Na Pa, Bola, &c.
A eia no hoi ma ko maua Halekuai nei na Pa, Bola, Ipukukui, o ke nui a me ka liilii, a me na waiwai e ae he nui wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, Nov. 9, 1878. 885 tf
Kahikina Nui!
Helu 62 Aaluni Papu.
$50,000 ka Heluna o na Lole Nani, a me na Lole "Aulii" Maikai, na Lole Kane, na Kamaa Puki, na Kamaa Haahaa, a me na mea nani e ae he lehulehu wale.
E KUAI IA AKU ANA ME KA EMI IHO MALALO O KE KUMU LILO.
Ua hoonee ae nei o Magnin i na mea nani, a me na mea maikai a pau o Kona Hale Kuai ma ke Alanui Nuuanu ma na lumi maemae o Kahikina Nui. Ke Ualo aku nei ia i na mea a pau, e kipa ae malaila, a e loaa no na mea "Hoohie," a Hoonani no na la "Kulaia," o kakou o hiki mai:
NA LEDE, A ME NA KEONIMANA,
Hele mai nui! Hele mai pau loa! E kuai hooemi aku ana au i na mea a pau mamua o koʻu kaawale ana aku; no Europa i keia "Kupulau" ae. O ka mea e kuai mai a oi aku mamua o na kaun@ elua ka heluna, alaila e manuahi ia aku na mea nani no na kane me na wahine.
890 tf S. MAGNIN.
KAUKA T.P. TISDALE
HOMEOPATIKA.
Aia kona keena a me kona wahi noho ma ke alanui Beritania, mawaena o ka halepule o Kaukeano a me ka pa e ka Moiwahie Ema. E hamama ana ke keena mai ka hora 8 a hiki i ka hora 10 am a mai ka hora 1 a hiki i ka hora 3 pm a me ka hora 6 a hiki i ka hora 9 o ke ahiahi.
Honolulu, Nov. 12, 1878. 885 tf
E ike auanei na kanaka a pau, owau o ka mea nona ka inoa malalo iho, a ma keia ke papa a ke hookapu ia aku nei ke komohewa ana o na kanaka a lawe paha i na puaa, na pipi i kuni ia a kuni ole ia, na manu hoi o na ano a pau, a me ke oki ana i na laau o keia mau aina, e waiho la ma Hamakua, mokupuni o Hawaii, oia hoi o Opihilala. Kakaalaea, Hauola, Paauilo, Koholalele, Kamihe, Kukaiau, Kaao, Kekualele, Kaawikiniki a me Manowaikohao.
CHAS. NOTLEY.
Hamakua, Hawaii, Dek. 30, 1878. 893 4t
Na Wati a me na Nani Hoohiluhilu.
Ke hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na
WATI WALTHAM,
Na KAULA GULA, Na KAULA DALA.
Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa.
Mea Hana Wati a me na Mea Gula.
He Maliu no oia i na kauoha.
He 23 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co.
893 6ma.
OLELO HOOLAHA.
OLELO HOOLAHA.
Ua @@@ ka Ai@@ Haako Kahahelaakua Ii ka @@ @@ o "Hana@@" a me ke kala i pili pu, ma Waipio, Kua, a ke hookapu nei na maa wahi, a o Sam. Kewaho ka luna nana e malama.
A.F. JUDD, Kahu no Airine.
Honolulu, Sept. @, 1878. 876 4m
AINA KUAI A HOOLIMALIMA.
He Kanalima Kamama@@ eka aina ma Iwilei. Makai iho o ka Halepaahao He Loko I-a, Aina Kalo, Aina ka@ Paakai, aina kula a me ke kai. A me kekahi mau eka aina ma Peleula, he aina ka@@, aina kula a me ke kai. He @@@@ ke kuai ana. E ninai ia
J.H. CONEY (K@ni).
Honolulu. 865 tf
HOOLAHA A KA LUNAHOOPONOPONO WAIWAI.
Ua hookohu pono la ma ka mea ka loaa malalo iho ma ka la 17 o Okatoba, i lunahooponopono no ka waiwai o Charles H. Luscomb o Wailuku, Maui i make. Nolaila, ke kai ia aku nei na mea a pau he maa koina ko lakou no ka waiwai o ka mea i make, e hoike mai iloko o na malama eono mai keia la aku, o hooleia ka lakou mau koina. A o ka poe i aie a he mau waiwai paha no ka mea i make ma ko kakou lima e paa nei, e pono e uku a hoihoi koke mai, a ina he mau aie ko ka mea i make i kekahi mea a mau mea paha. e pono e hoike koke mai.
C.H. LUSCOMB.
Lunahooponopono Waiwai C.H. Luscomb i make.
Wailuku, Maui. 853 tf
OLELO HOOLAHA.
E manao ana o Mr. Claus Spreckles o Kaleponi, e hana i auwai nui ma ka mokupuni o Maui no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o kela auwai ma ka olelo aelike, a e uku ia aku no hoi no ka hana ma ka heluna o na kapuai kubita. a i ole ia ma ka heluna o na kapuai loa o ka auwai i eliia; ke noi ia ʻ ku nei lakou e ninau ia H. Schussler ma Haiku, Maui, a i ole ia William G. Irwin & Co. ma Honolulu, a e loaa ia lakou na hoakaka kupono.
CLAUS SPRECKLES
888 tf H. SCHUSSLER.
Hoolaha Papa.
Ke hoike ia aku nei na Aila Honua kupono ole, no lakou na kuhikuhi i hoike la malalo iho. Ua ike ia ka pilikia nui, ma ka lawelawe ia ana, oia hoi ma ka hoomaemae kupono ole ia ana; no lakou na mahu i emi iho malalo o hookahi haneri degere Faranaheita. O na mea a pau he mau aila ka lakou, ke papa ia aku nei ko lakou kuai ana, haawi ana a me ka hoolako ana i keia ano aila i na kanaka, me ka hoao ole ia mamua a ike ia ka pono.
O ka hoopai no ka mea kue i ke kanawai, aole e emi iho malalo o na dala he Kanalima, aole hoi e oi aku maluna o na dala he Elima Haneri, a i ole e hoopaahao ia ma ka hana oolea aole e oi aku mamua o ka makahiki hookahi.
Eia na Aila i Olelo ia.
O ka Aila KOMETA, e a ana me ke ana wela o na degere he 86 a hiki i ke 93. Faranaheita.
O ka Aila ALADINA, aneane e a ana ma na ana wela a pau.
O ka Aila ORIENATELA, e a ana ma na degere he 95.
O ka Aila DAYLIGHT, e a ana ma na degere he 91.
O ka Aila LUSTRE, e aneane a ana i na degere a pau.
O ka Aila a ka Hui EUREKA, e a ana i na degere he 84.
Kakauia i keia la 14 o Okatoba, 1878.
881 tf W.C. PARKE, Ilamuku,
PAPA KUHIKUHI MANAWA HOLO
---O KA---
MOKUMAHU HAWAII
"LIKELIKE"
KAPENA:::REYNOLD
Poalua Feb 18, hora 5 pm......Hilo
Poalua Feb 25, 5 pm......Kaapuni ia Hawaii
Poalua Mar 4, 5 pm......Hilo
Poalua Mar 11, 5 pm......Kaapuni ia Hawaii
Poalua Mar 18, 5 pm......Hilo
Poalua Mar 25, 5 pm......Kaapuni ia Hawaii
AOLE AIE NO NA UKU OHUA?
Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina..
O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopaikaiia ka lehulehu kaahele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa ʻ i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WILDER & CO.
DR. F. LESLIE MINER.
He Kauka Lapaau a me ke kokua ana i na wahine hanau keiki. Aia kona keena hana ma ka Hale Kuai Laau Lapaau o E. Strehz, ma ke kihi o na alanui Papu me Hotele.
881 1y
Kauka O.S. Cummings, M.D.
HOMEOPATIKA.
Oia ke Kauka i kamaaina mua ia oukou e na kanaka Hawaii ma ka inoa, "KULU WAI LIILII" Ua hoi mai nei oia, a e pahole hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm.G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano. 888 tf
KO
G. WEST
---MAU---
HALE HANA KAA HOLO LEALEA!
Kaa Lawe Ukana, Kapili Kapuai Hao,
---ME KA---
Hana Hou ana i na Kaa Nahaha.
E loaa no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Aihanou, mauka mai o ka Hale Duta. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe.
(876 3m)
He Nui Anei Kou Makemake i na Mekini Humuhumu Lole?
Ina pela, alaila, e kipa mai no ma ka Halekuai o KAKELA A ME KUKA.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER, ma ke $50 pakahi, a me ke ano MEKINI a WILCOX me GIBBS, ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho.
862 tf
E Kuai ia Ana.
He 1,000 Hipa a me 8,000 Kao o ka Hui Hanai Kao o Kaupulehu ma Kona, Hawaii. E ninau ia H. Cooper (Kupa) o Kailua.
838 tf A.S. CLEGHORN &CO.
Nuhou o ko na Aina e!
[Koena mai kela pula mai.]
Moolelo o ke kanaka Waiwai.
He mea kupanaha ke ike iho i ka moolelo o Setewata. oiai he kanaka kalepa ia iole hoi ma ke ano he kakauolelo. Mai ka oihana kalepa mai. ua kikoo aku la oia i ke keehina mua o ke ano he kumu ao maloko o kona wahi keena ouku e hamama ana i ke alanui akea, Broadway.
He mea keia e hoike ana i na mea a pau i ke ano kupanaha o ka moolelo o Setewata ka mea i hooikaika e loaa na mapuna wai nunui o ka noho na kuonoono a me ka waiwai. E nooinanao kakou, o ka makamua, oia na kona poe malihini ilihune ana me kona wahi ukana wale no he naauao.
Alaila, o ka lua oia kona wehe ana i wahi hale kula uuku nana, a mahope mai ke keiki alii oia no ka oihana kalepa, a o ka hope oia no ka hale kupapau o na mea kaua.
E hoomanao kakou i ke kanaka o oia ana maluna o ke kanakolu miliona dala i lawe i ke aumoe i loko o ke eke! E hoomanao iho hoi kakou no ka wahine kane make, oia no o Korenelia Clinch ke kaikamahine ilihune ka mea i mare me ke kanaka kalepa, a o ka mea i loaa iaia oia no ke kahiko ana iaia iho me na lole makamae i kinohinohi ia me ke daimana.
No ke aha la e ua ole nei ma Peru.
Aole ike ia e haule mai ana kekahi pakaua maluna o Peru. Ma na palena a pau o Peru, e pa mau ana ka makani hikina hema, a o na kapakai hoi keia ua hele a wela aohe i kana mai, oiai aohe ua nana e hooluolu. O ke kumu o keia no ka malaelae loa o ka aina aohe ulu laau iki.
O ka makani hikina hema mai ka moana Atelanika mai ka mea nana mua e hoaleale na wai o ke kapakai o Ajuila.
I na e kaahele ia aku ana ma ke komohana akau alaila, e halawai mai ana me na makani wela e puhi mai ana ma ka moana mai, a hiki loa aku i na kapakai o Berazila. Ma keia manawa ke uhi paa pu ia nei ka aina me na kehau huihui a puni keia mahele aina nui a pela no a hiki ma na kapa wai o ka muliwai Riodela Plata, a me na wahi e ae a pau ma ka hema o ka Amezona; a ma ka piko koi o na mauna Anede ua nele i ka uhi ia ana e ka hau, a ma ia kumu i hoonele ia ai na muliwai o Peru a me Kili i ka wai ole e hoomau ai i na mea kanu.
No Iellalabad. Aia o Iellalabad ma kahi kokoke i Peshawur a hiki i ke Kapitala o ka Ameer.
Aia kona mau hale ke ku la ma kahi kahua palahalaha iki ma ka hema o ka muliwai Kaula a me he mea ala aia oia ma kahi he 200 kapuai ke kiekie mai ke kai mai; aia ma ka aoao komohana he wahi kiekie i oi iki aku kona kiekie he 5000 kapuai mai ke kai mai. A o ka poe hoi e noho ana ma ka aoao luna o ua awaawa la e lia mau ana ko lakou ili no ka nui loa o ke anu, a aole no hoi e ike ia ka mehana malaila a o ka poe hoi ma ka aoao lalo o ua awaawa e hooulu mau ia ana o na raiki a me na hua ai e ae he nui wale.
O Iellalbada no hoi oia no ka Papu kaua ma ke kiko waena o ke awaawa mawaena o ke Khryber a me Iugdluck a me ke ala mauna o Khoord Kabula. I kona wa i lawe pio ia ai i ke kaua o ka makahiki 1842, he 300 wale no hale ka nui a o ka nui o na kanaka ia manawa he 2000 wale no.
Ua hoopuni ia keia wahi e kekahi pa nui, aka, ua luku ia a wawahi ia e Generala Pollock mahope iho o na poino i loaa i kona poe kalepa hoopukapuka waiwai.
Mai ia manawa mai, he mea kanalua ke olelo ae ua ae oluollu loa lakou no ke komo ana o ko waho nei poe kalepa waiwai.
O keia wahi no hoi kahi i kukulu mua ia ai ka hale alii o Mogul ka mea i loaa mua ai o Delili ka mea i kapa ia e ko Europa oia ka Mogul nui.
Ka luku a ke ahi ma Nu Ioka.
Nu Ioka. Ma ka hora 10 o keia ahiahi ua hoomaka ka a ia ana o kekahi hale nui e ku ana ma ka aoao akau o ke alanui Grand e huli ala i na alani Broadway a me Crosby; ua hele huhu ae ka lalapa ana a ke ahi a pahole aku la ma na kauhale e ae he nui; a o ka Banako Pakipia kekahi i pau; a ke noke ia na kaawai i ke kinai Ma ia la hookahi no ua pau aku ka hale kuai lole hui o Haumberyer, Krauss me Lauer i ke ahi a o na lilo a pau o lakou no na waiwai ua hiki aku no ia i ka 1,500,000; dala he huina poho nui keia.
A o ka hale kuai hoi o Howard, Sanger &co, a o ke kumu lilo o lakou no ia mau mea ua hiki aku no ia i ka hapalua miliona dala, a o ka uku hoopaa he 300000 dala. A o ka lilo o Edwind Bates ma no ko lakou mau waiwai he 260000 dala; ka uku hoopaa he 235,000 dala.
Ua ike mua ia ke ahi e na luna makai ma ka hora 10 o ka po; a i ka wa i lohe ai na kaawai no keia pau ahi ua holo mai lakou me ka eleu; a ia lakou i hiki ai i kahi o ke ahi, ua uhi paa pu ia ka hale e ke ahi he hapalua hora mahope iho ua ahu wale na puka aniani o na hale a lilo i mea ole a e helelei ana hoi na apana aniani ma na alanui a ua like hoi ke kani me he pu kuni ahi la.
Ua ku laina ae hoi na makai no ke pale ana aku i ka puulu kanaka e manao ana e komo e lawe mai i na waiwai; a e hana ana hoi na kanaka kinai ahi me ka mana o ka lakou mau mea kinai ahi.
He ulia poino. Ua halawai o Generala Sigela me kekahi ulia poino ma kona wahi noho ma kona hehi ana iluna o ka hau a hina i lalo a hoki ia kona wawae.
Iuia Beritania. Eia na hoomana o na kanaka he 19,000,000 o laia Beritania malalo iho, peni: Ma ka hoomana Hinedu he 139,313,820 ma ka hoomana Sikha, he 1,174,436; ma ka hoomana Mahomeda, he 40,867,125: ma na hoomana Buddhists a me ka James, he 2,822,851: ma ka hoomana Karistiano he 897,682; ma na hoomana e ae he 5,417,304; a o na hoomana i ike ole @@ he 532,226. A o na puali koa hui o ka makuaina hui, he 300,000 koa.
Ka Puali Kaua o Asia Waena.
Mawaena o na mea kupanaha ma ke kaua o Asia waena oia no ka ike ia ana o @@ keiki oia e hakilo ana i ke ano o ka lawelawe kaua ana o Europa.
O ko lakou kumu i hana ai pela, oia no ka ike ia ana o na hana a Abdul Samui, a me @@ i loaa ai ia ia he ano maamaalea ma ke ano kaua o Europa. A no kekahi mau makahiki i hala, ua lilo ia he lima akau ikaika o ka Ameer o Bakahara.
O ka nui o kona puali koa he 2,500 a maloko o laila he mau Rukini a me na kauwa Peresia (o ka papa haahaa loa o Bokaharieta.)
He kuka ekekei ko lakou e komo ai me ka lole wawae puhauhau a me ka papale ili hipa ma ko lakou poo, a e paa ana hoi me na pu kuupoohiwi a me na pahi loloa a me na kahei pupanapana ma ka pohaka.
O ka aahu piha hoi o ka Ipuali pukaa ane like no me ko kela aku la; aka, he eleele nae hoi ko lakou kuka; a ua loaa ia lakou ka ulu like, oia hoi ma ka eha dala a hiki i ka eono dala no ka malama hookahi.
O ka nui o ka puali kaua lio he 1300 a ua hoonoho ia lakou ma na wahi a pau o ke kulanakauhale ponoi iho o Bokahara.
I na e lanakila ana lakou ma ke kaua, alaila, aole e loaa ana ia lakou kekahi uku,
E ao mau ia ana no hoi na koa o ka puali pu kaa ma ka hoomaamaa ana ma ke kipu kuniahi ana oiai, o ka nui o na pu he 80 ka nui; he elua nae ano pu nui, oia hoi he ewalu paona a me 12 paona; a he kanalima o keia mau pu ua hoonohonoho ia ma ka puka o ka pa alii o ka Ameer.
Na mea kupanaha o Aferika.
I na oe e haalele ana ia Moporoso, alaila, e kau aku oe maluna o ka waa a holo aku no Makinda iloko o Utambi no ka hapalua la.
O keia mokupuni ua kapaia o Kabuggi.
He ekolu la au e holo aku ai mai keia mokupuni aku hiki aku oe i ka mokupuni o Karara a kau hou aku oe maluna o ka waa a holo aku no kekahi hapa la hiki aku i Ukonju, kahi o na poe ai kanaka.
Aia o M. Kinyaga ma kapalena o Kuanda a o kona loko wai o Muta Nzige a malaila oe e holo aku ai malna o ka waa hiki aku i Unproro, kahi o na "peke o ka luukea" ma ke kauwahi hoi ma ke komohana o M-Kinyaga i kapaia hoi oka Mpunda.
A ua kapa hoi kekahi poe o Batwa a i ole o Wotwa, no ka mea he elua kapuai wale no ke kiekie o keia ano kanaka.
A aia maloko o Miriambwo kekahi lahui kanaka liilii me na huelo.
O, Uitwa oia hoi o Batwa--a ia oia ma ka hema o Uzougora. Mai Batwa M-Kinyaga aku hoi he ekolu la au e hele ai alaila hiki.
Aia ma ke kauwahi o Wozawa e ike ia ai kekahi lahui kanaka hou, iloko o keia aina naele launa ole a ka Mana Lani i hana ai; o na pepeiao o keia ano kanaka he loloa loa; oia hoi mai kahi mau mai no hoi o ka pepeiao a hiki i na kapuai wawae; a i ka wa e moe ai, alaila o kekahi pepeiao ke hoolilo i halii, a o kekahi hoi i kapa e moe ai.
Nani ke kupanaha o ka ke Akua mau hana!
Hanau Nui.
Aia ma ka okana aina o Yuba, ua hanau mai ka wahine a Mr. Wells, he 2 keiki kane a ma 1 kaikamahine; o ke kaumaha o ke keiki hookahi he 8 paona.
Ke kai o Sargasso.
O ke Kai o Sargasso, ua kamaaina paha kekahi mau luina Hawaii e hele i ka pepehi Kohola ma na Kai Anu o Alika.
Aia keia Kai ma ka Atelanika Akau, mawaena o 22 a me 36 degere ma ka latitu Akau, ma ka hema ke au ikaika o ke kaei wela, a ma ka aoao komohana a me ka akau ke kaikuono muliwai, a ma ka hikina ke au miki o Guinea e kahe ikaika ana i ka hema.
Ua hoike ae o Humbolt, he elua mau pae ana i ike ai, o kekahi aia ke moe la ma ke komohana o Fayal; a o kekahi ke kokoke ala i na mokupuni o Bahama.
A o ke kulana o na mea ulu ma keia mau pae akoakoa iloko o ka lipolipo o ka moana ua ano like no ia me ka like ole o na kau, a me ka pa liuwili ana o na makani.
Ka Telepone laau.
O ke telepone oi loa aku o ka maikai, oia no ke telepone laau, ua hoomaka mua ia e Wilard a me Cheney o Mikikana. A i ka hoao ia ana he oi loa aku o ka hikiwawe me ka olelo ana a puni ka honua. He nui loa ka leo me ka lohe moakaka lea loa o na mea e kamailio ia ana.
He wahi moolelo o na Inidini.
Eia kekahi lono mai Omaha mai e hoike ana no ka hiki ana aku o Mrs. Chas. Jones a me kana keiki o ka mokuaina o Wasinetona he mea hoi i pakele mai waena mai o na Inidini Yankton. Eia kona wahi moolelo, ia lakou he 12 ka nui i haalele iho ai ia Wasinetona ma ka Feberuari i hala, no ke awaawa pohaku (Valley Stone) ua hoopuni koke ia ae la lakou e na liaidini oiai, he mau la kakaikahi wale no ko lakou o ka hala ana o Fort Kearney. Ua pepehi ia kekahi o lakou nei a make, a o ka nui ua pau i ka lawe pio ia, a o Mrs. Jones a me kona keiki ua ike ole ia e na Inidini, no ka mea, ua pee laua; a ma ka imi ikaika ana mai a kekahi Inidini loaa mai la laua nei.
Ia wa lawe ia aku la laua nei a hiki imua o ke alii nona ka inoa Yanton, a hoonoho ia aku la ua wahine nei ma ke ano kauwa na ua alii nei, a o ke keiki hoi lawe ia aku la he wahi okoa; a o ka aahu o ua wahine nei ua wehe ia ae la a hookomo ia mai la na aahu o ke ano laidini a me na kakini.
I kekahi manawa, ua haalele wale ia no keia poe e na Inidini a hele aku la lakou no ka imi hou ana i kekahi poe pio ilikeokeo hou, a i ko lakou hoi ana mai ua aahu ia lakou me na aahu o na ilikeokeo a keia poe Inidini i lawe pio mai ai; a i ka hala ana o na malama elua, ua nee hele aku la lakou nei me ua poe Inidini nei a kokoke i kekahi wahi kauhale ma ka akau o Nebaraseka kahi hoi ia a na Inidini e makemake loa ai no ka inu rama a ona
A ma kahi po a ua poe Inidini nei i inu nui ai i ka rama a ona, ia wa ko Mrs. Jones holo malu ani me ke ake e pakele mai ka lima ae o keia poe hihiu o loko o na ululaau.
O na aahu no a na Inidini i hoaahu ai ia ia nei oia no ko ia nei kapa i hele ai.
Ua kaahele aku la keia ma ka Hema i ua po nei me ka hahai ana hoi malalo o ke alakai ana a na malamalama imoimo o na hoku o ka lewa, a e ai ana hoi oia i na lau nahele a me na hua maka o na laau, no kekahi ma malama me ko ia nei halawai pu ole no hoi me na pilikia e ae ma neia ala hele.
A ma kekahi la a ia nei e hele ana halawai aku la oia me kekahi kaa ukana o kekahi poe e makemake ana e hele a noho ma ka aoao akau o ua wahi ala, a mai a lakou i loaa mai ai ko ia nei lole.
A ma ka la hope o ka malama o Iune hiki aku la keia i ko ia nei home kahiko ma Iowa.
A malaila i loaa mai ai ia ia ke dala, a hoi hou aku la oia iwaena konu o Nebaraseka no kona ake nui e loaa kana keiki; aka, aole nae i hooko ia ia makemake ona a no ia nele, ua huli hoi hou mai la oia me ka loohia i ka mai mawaliwali ma ke kino no kona home.
A ia ia no hoi e kuoe hookahi ana ma ke alanui e hiki aku ai i kona home, halawai mai la me ia kekahi keiki opiopio; aka, o keia keika oia no ke keiki mai loko aku o kona puhaka i lawe pio ia ʻ i e na inidini, ka mea hoi i holo malu mai, mai kahi loihi mai me ka pilikia.
Ma ia hope iho pilikia loa iho la ua keiki nei no kela ano maloeloe no o na au ana i hele mai ai i ka loa.
Ka wahine Puhi Baka.
Mawaena o na lahui a pau o ke ao nei, o ka oi aku paha ka lahui Rukini a ke puhi paka.
Ke nana aku oe i na wahine a ike aku no oe i ke kau mai o ke kika ma ka waha.
Ua hiki loa ia lakou ke puhi mai i ke kika me he kane ala a oi aku paha; i na no e hele i ka holoholo ma ka alanui o ke kula nakauhale a pio paha ke kika; alaila, e noi aku ana no oia i ka mea e halawai mua mai ana me ia i ahi.
A i na e hele i ka holo kaa mahu e puhi ana no a pela no hoi maluna o na mokuahi.
Nolaila, he keu o Rukini a ke puhi paka nui wale.
He Honu ka Oiahan he mea Nee.
Pela iho la ke ano o ka oihana i hooili ia iho maluna o ka houa o ke kanaka, i na he kanaka waiwai a ilihune, oiai oia e malama mau ana i ka oihana no na manawa loihi me ka paewaewa ole, a na ka mea nana ka oihana e nana a e hakilo i ka mea ana i hooili iho ai i ka oihana, a e ike ana no oia i kana mau hana, i na no ka pono ole, alaila, e nee auanei ka oihana me he honu la. E like me ka nee ana o ke aikane honu a Keeaumoku, ia ia i hoaahu ai i ka ahuula me ka mahiole, a nee ka honu a luu iloko o ke kai, a puhalahio ana, alaila, kahea ae la oia, "hele lako aku la kuu aikane, ahuula me ka mahiole." Pela iho la ke ano o ka oihana e ike ia aku nei, i na he oihana haahaa a kiekie.
He elua wale no kumu e nee ai ka oihana me he honu la.
I. O ka malama maiau ole ia ka oihana.
II. O ka imi hala ia. O ka mea malama maiau i ka oihana. e ike ia no ia ma kona makaala a eleu, a me ka loihi no hoi o na la o ka noho ana me ka hoomanawanui, i na he oihana kii i o a ia nei ma na palena aina, e like me ka oihana laweleta, alaila, e kau mau auanei ka oihana ma kona hokua; aka, i na haalele wale ia, alaila, e nee auanei ka oihana me he honu la, o ka nee no ia mai na poo Aupuni a hala ilalo i na lopa.
II. O ka imi hala ia, oia ka nui o ka poe ake oihana , i na hoi ua loaa i kekahi kahi oihana, hole aku la ka mea Opukeemoa e hoopii wahahee ai, puni mai la ka Haku oihana, o ka nee iho la no ia o ka oihana me he honu la, a kau aku la maluna o Opukeemoa. Nolaila, i olelo ai ka poe kahiko, "he honu ka aina he mea nee, a pela hoi keia o ka oihana he mea nee;"
F.W. KAAWALOA.
Waianae, Feb. 5 1879.
NAUEUE O KOHALA.--I ka hora 4 me 6 minute o ka wanaao Poalima Feb. 7, ua hoonauene ia o Kohala e kekahi oiai no 8 sekona. Ke nau nei ka wili o Halawa i ka uwi i ka wai gula, (ko) a ke ohi nei na kamaaina i ka hua o ka pomaikai. Mahope iho o na la ua me ka makani, ua makana ia mai la ka malie molaelae maikai, a hoomaopopo aku la ka malihini i ka nani ihiihi a ka aina. Ke ulu mohaha nei ke ko mai kuahiwi a hoea i na pali kahakai. K.K.