Ka Nupepa Kuokoa, Volume XVIII, Number 8, 22 February 1879 — Page 3
| This text was transcribed by: | Paty Constantino_mexico |
| This work is dedicated to: | Melvin Kahokuloa Lantaka |
Ka Nupepa Kuokoa
KE KILOHANA POOKELA NO KA LAHUI HAWAII.
LIHILIHI mai ka elima keneta aku no ka I-a.
LIPINE MAI KA ELIMA KENETA AKU NO KA I.A.
LIHILIHI mai ka elima keneta aku no ka I-a.
LIPINE MAI KA ELIMA KENETA AKU NO KA I.A.
Halekuai Hou!!
CALIFORNIA ONE PRICE BAZAR
Waiwai hou! Kumukuai hou!
He mau mahina i hala ae nei o ke kali ana ua loaa ia maua mai na KUAI KUDALA NUI A NA ILAMOKU. NA POE KALEPA NUI i poho (Banekorupa), a me ka na LUNA HOOPONOPONO WAIWAI KUAI.
MAI PARISA, LADANA, NU IOKA A ME PILADELEPIA MAI, NA ANO
Paikini maikai hou loa o na Keonimana!
I AKAHI NO A HIKI I HAWAII NEI.
Parisa, Ladana. EIA NA KUMUKUAI: Nu Ioka, Piladelepia.
E HELUHELU A NOONOO!!!
Na A-i-kala Lilina ano hou....20 kenera pakahi
Na lolewawae i umii ili ia .....73 keneta pakahi
Na Palule keokeo alu Lilina .......$1 25 pakahi
Na kakini kane o na ano a pau, 12 1/2 keneta pakahi wale no.
Na Palule hapa Lilina ano hoc, $5 keneta pakahi
Na Palule Papamu hoc ........... $1 00 pakahi
Na Palemai kane o na ano a pau. 63 keneta pakahi
Na Palule Kalakoa ano hou loa, 73 keneta pakahi
Na lio a me na Lei A-i Kilika, 25 keneta pakahi
Na Hainaka Lilina. mai ka 12 1/2 keneta pakahi aku
Pela me na Kakini o na ano like ole i hana ia i ke KILIKA HULUHULU a MARINO o na Wahine, Kane, Keiki, - MA KE KUMUKUAI HAAHAA LOA!!
Ua manao maua e wehe i ke kuai ana'ku i kela mahina aku nei, aka ua kali iki i loaa mai ma ka mokuahi “Zealandia,” na ano Lihilihi hou loa, manoanoa, a lahilahi, mai Farani a me Geremania mai.
He nani okoa no hoi na Lole Keokeo Pike, na Kawele Huluhulu, a me na Lopi Huluhulu o na ano a pau.
Eia pu no hoi na Kaliki ano hou, na Mikilima ili, ea Mamalu, na Aelekala lihilihi, na A+i+kala pihapiha, na Lei A-i Kilika, na Kihei Huluhulu paina hou, na Lakeke lima ole, na Lole Keokeo Keiki, a me na Lole paa o na Wahine. – MA KE KUAI HAAHAA LOA!
E KAU ANA KA WELI O NA HALEKUAI PII.
Aka, e piha olioli ana ka lehulehu. Maanei no hoi e loaa ai na WAI+ALA hou loa, a me na AILA LAUOHO o na ano a pau.- keu ka puia. K kuai ia aku ana na Waiwai a pau ME KA HAAHAA LOA.
MA KA POAONO, DEKEMABA 7,
Ma ka Halekuai ‘California One Price Bazar,’
HELU 68 ALANUI PAPU. DEC7-888-3m
E NA
Lede a me na Keonimana!
• - o ka –
MAKANI APAAPAA O KOHALA.
E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua
HALEKUAI MA KAIOPIHI!
Malaila no e loaa ai ia oukou keia mau Waiwai Maikai malalo iho nei:
NA PAPALE WAHINE HULU NANI HOU LOA E PULELO AI I KA MAKANI.
Ina no hoi e kau mai i ko poo, aohe i kana mai ua mea o ka Pulelo o na Lipine a me ka lohe maewa o ka Hulu i ke oho makani, nana aku no hoi, hele kela a “Kau ka Iwa he la makani,” i ka ua mea o ka Nani Lua Ole, oia no oe la o ka
HULU MAMO GULA LELOLELO O KA IU O GOMOHERA.
NA KIHEI KUWELU.
O keia mau Kihei, aohe i laha ma na Halekuai e ae, ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ne ana i ka Aluna Ahiahi.
Nolaila, ke kau leo aka nei maua ia oukou, ano wale no ka wa kupono e loaa ai keia mau Kihei Nani ia oukou
NA LEI A-I HIPUU KIKEPA O NA KEONIMANA E LINOHAU AI.
Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu.
Na Kamaa Hila Aulii a Mikioi o na Kane, Wahine a me na Kamalii.
O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai.
NA WAIALA MOANI ALA LOA.
Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona.
NA KALAKOA.
Eia no hoi na Lole Kalakoa ke ahu mokaki mai nei o na ano he nui wale.
Na Pahu.
A pela nohoi me na Pahu Pake, i hele kela a panio lua o waho i ka waniki.
Na Moena.
Eia no hoi ia maua na Moena Pake, oia no oe la o ka Pawehe o Niihau ka panio
Na Pa, Bola., &.c.
A eia no hoi ma ko maua Halekuai nei na Pa, Bola, Ipukukui, o ke nui a me ka liiii, a me na waiwai e ae he nei wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU.
Kaiopihi, Kohala, Hawaii, Nov. 9, 1878. 885 tf
______________
Kahikina Nui!
Helu 62 Aaluni Papu
____
$50,000 ka Heluna o na Lole Nani, a me na Lole "Aulii" Maikai, na Lole Kane,
na Kamaa Puki, na Kamaa Haa-haa, a me na mea nani e ae he lehulehu wale.
E KUALIA AME ANA ME NA EMI HIO MALALO O KE KUNE LILO.
Ua hoouee ae nei o Magnin i na mea nani, a me na mea maikai a pau o Kona Hale Kuaima ke Alanui Nuuanu ma na lumi
maemae o Kahikina Nui. Ke Ualo aku nei ia i na mea a pau, e kipa ae malalio, a e leaa no na mea "Hoohue," a Hoonani no
na la "Kulaia," o kakou o hiki mai:
NA LEDE , A ME KA KEONIMANA,
Hele mai nui! Heke mai pau loa! e kuai hooemi aku ana au i na mea a pau
mamua o ko'u kaawale ana aku; no Europa i keia "Kupulau" ae.
O ka mea e kuai mai a oi aku mamua o na kauna elua ka heluna, alaila e anuahi ia
aku na mea nani no na kane me na wahine.
890 tf S. MAGNIN.
KAUKA T. P. TISDALE.
HOMEOPATIKA.
Aia kona keena a me kona wahi noho ma ke alanui Beritania, mawaena o ka halepule o Kaukeano a me ka pa o ka Moiwahine Ema. E hamama ana ke koena mai ka hora 5 a hiki i ka hora 10 am., a mai ka hora 1 a hiki i ka hora 3 pm. a me ka hora 6 a hiki i ka hora 9 o ke ahiahi.
Honolulu, Nov. 12, 1878. 885 tf
Na Wati a me na Nani Hoohiluhilu.
Ke hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na
WATI WALTHAM,Na KAULA GULA, Na KAULA DALA.
Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa.Mea Hana Wati a me na Mea Gula.He Maliu no oia i na kauoha.He 23 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co.893 6ms.
He 25 keneta wale no ke aniani poio ka wati.
Aia kona halekuai ma ke alanui Nuuanu, ma o mai o kahi o Hollister & Co. 893 6ms.
_____________
Ma ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o Akeona (pake) no Hilo, Hawaii i make. Ua heluhelu ia a ua waihola ka palapala noi a A. S. Cleghorn & Co., e noi ana e hoonoho la kekahi mea kupono i lanahooponopono nona waiwai o Akona, (pake), no Hilo, Hawaii i make. Nolaila, ke kaeoha ia ahu nei na kanaka a pau ke pili, o ka Poalima ola ka la 23 o Feberuari, 1879, ma ka hora 10 o kakahiaka, ma ka hale hookolukolu ma Hila, ola ka la a me kahii kohola no ka hoolohe ana i ua noi ka a me na mea kue ke hoike la.
F. S. LYMAN
Lunakanawai Kaapuni Apana Ekolu.
Hilo, Hawaii, Ianuari 14, 1879. 896 3
___________________
OLELO HOOLAHA.
_______________
LAHILAHI mai ka elima keneta aku no ka I-a.
LIPINE MAI KA ELIMA KENETA AKU NO KA I-A.
Castle a me Hatch.
O KAKELA OPlO A ME F. M. HATCH, ua hui loaa ma ka lawelawe ana i ka oihana Lono Ua hiki ke loaa ke ka imua o na Aha a pau, mai ka Aha Nolulu a hele ia. A e lawelawe no hoi ma na hana pili i ka hooponopono waiwai, no ka ina ana i na Palapala Sila Aina la hana ana i na Palapala Kuai. Hoolimalima, a me ka Hoike Dala ana.
W R CASTLE Luna Honolulu Kope.
Keena Hana, maluna o ka Halekuai o Dillingham & Co.
Helu 37, Alanui Papu 3-6m
ALFRED S. HARTWELL,
[HAKAWELA.]
LOIO a he KOKUA ma ke KANAWAI!
Aia kona Keena Oihana maluna ae o ka Hale Baneko Hou o Bihopa ma. 867 tf
CECIL BROWN.
LOIO A HE KOKUA MAKE KANAWAI!
A HE AGENA no ka Honolulu ana i na Palapala no ka Mokupuni o Oahu. Helu 8. Alanui Kaahumanu. Honolulu. H. P. A. 2y
S. B. DOLE,
He LOIO A HE KOKUA no na KANAKA ma ke Kanawai. He hiki no iaia ke lawe i na hihia o kela
a me keia ano imua o na Ahahookolokolo a paa o keia Aupuni.
Keena hana ma Alanui Papu, maluna ae o ka Halekuai o Likikini.
Honolulu. Oahu, Januari 19, 1878 3 1y
___________________
RICHARD F. BICKERTON,
(PEKETONA)
LOIO a he KOKUA ma ke KANAWAI!
E HELE ANA OIA IMUA O NA HOOKOLOKOLO a pau o keia Aupuni ma na ano hikia a pau, ina oaha ma Oahu nei, a ma na Mokupuni e ae.
Ua makaukau mau oia i ka hana ana i na Palapala pili kanawai o keia a me keia ano.
Ua hiki no hoi iaia ke hoaie dala aku toa ka moraki ana ina aina, ma ka ukupanee haahaa loa.
E hanaia na hapa me ka hikiwawi a ma ka uku haahaa.
Keena hana, Helu 23 Alanui Kalepa, elua puka ma o aku o ka hale kauka o Kauka Minuteole, S40 1y
_____________________
S. W. MAHELONA
HE LOIO! HE KOKUA A HE PALE ma ke Kanawai.
Ua makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m
_____________________
JNO. LOTA KAULUKOU.
LOIO A HE KOKUA.
Ua makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hei i kekahi manawa. 877 3m
____________________
DAVID K. MALEKA.
Loio a he Kokua ma ke Kanawai.
Ua makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 1y oe26
___________________
EDWARD KEKOA.
He Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae.
882 1y oe26
___________________
J. KAPOHAKIMOHEWA.
He Loio a he Kokua.
No na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa. 883 6m no2
___________________
S. M. P. KALEO.
He Loio, he Kokua, a he Pale make Kanawai.
No ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ana ka Hale Hookolokolo ma Wailuku. 884 1y no9
____________________
P. NUI.
Loio! Loio!!
O ka Ua Ukiukiu o Makawao, Maui.
Ua makaukau oia e kokua i na mea pili kanawai imua o ka Aha Apana a me ha Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole na Haiku. 885 1y no16
____________________
HENRY N. KAHULU
Loio a he Kokua ma ke Kanawai.
Ua makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole.
883 1y no16
____________________
ASA KAULIA.
Loio a he Kokua ma ke Kanawai.
Ua makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31: a e hooko ia na kauoha mai na wahi a pau o ka mokupuni me ka eleu a me ka hikiwawe.
883 1y no16
____________________
L. A. THURSTON.
LOIO!
WAILUKU, MAUI
889 6m dec 14
____________________
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa.
895 1y Jan. 25.
_____________________
J. W. M. POOHEA.
He Loio a he Kokua ma ke Kanawai.
No na kanaka @ pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kepa no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o "Kalauonaona," ma Wawaia, a i ole ia, ma ka Halehookolokolo ma Pukoo.
895 1y Jan 25.
_______________________
Ma ka Poaha iho nei, ua ike iho makou i ka hooloihi loa ia ana mai o kekahi welau o ka waea olelo mai ka Hale Aupuni mai a hiki i kahi o na keiki Hawaii kuai Buke. Wini a me Robikana o ka la o Honolulu. A ma ia hooloihi loa ia ana mai, ua loaa he lono mai ka Imuki mai a i ko loaa Hale kuai Buke ma na mea e pili ana i na moku.
_______________________
OLELO HOOLAHA.
_______________________
HOOLAHA A KA LUNAHOOPONOPONO WAIWAI.
UA hookohu popo ia mai ka mea nona ka inoa malalo iho ma ka la 19 o Okatoba, i lunahooponopono no ka waiwai o Charles H. Luscomb o Wailuku, Maui i make. Nolaila, ke hai ia aku nei na mea a paa he mau koina ko lakou no ka waiwai o ka mea i make e hoike mai iloko o na malama eono mai keia la aku, o hooleia ka lakou mau koina. A o ka poe aie a he maa waiwai paha ko ka mea i make ma ko lakou lima e paa nei, e pono e aku a hoihoi koke mai, a ina he mau aie ko ka mea i make i kekahi mea a mau mea paha e pono e hoike koke mai. H. A. LUSCOMB
Lonahooponopono Waiwai o C. H. Luscomb i make.
Wailuku, Maui. 893tf
_______________________
OLELO HOOLAHA.
E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na me kanu. O ka mea a mau mea paha e makemake ana e eli i elima hanery kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i oie ia ma ka heluna o na kapuai loa o ka auwai i eliia; ke noi ia ‘ku nei lakou e ninau ia H. Schussler ma Haiku, Maui, a i ole ia William G. Irwin & Co., ma Honolulu, a e loaa ia lakou na hoakaka kupono. CLAUS SPRECKLES. H. SCHUSSLER. 888 tf
________________________
Hoolaha Papa.
KE HOIKE la aku nei na AILA HONUA kupono ole, no lakou na kuhikuhi i hoike ia malalo iho. Ua ike ia ka pilikia nui, ma ke lawelawe ia ana, oia hoi ma ka hoomaemae kupono aie ia ana; a o lakou na mahu i emi iho malalo e hookahi haneri degere Faranheita. O na mea a pau he mae aila ka lakou. ke papa ia aku nei ko lakou kuai ana, haawi ana a me ka hoolako ana i keia ano aila i na kanaka, me ka hoao ole la mamua a ike ia ka pono.
O ka hoopai no ka mea kui i ke kanawai, aole e emi iho ole lo o na dala he Kanalima, aole hoi e oi ake maluna o ma dala he Elima Haneri, a i ole e hoopaahao ia ma ka hana oolea aole e oi aku mamua o ka maakah ki hookaki.
Eia na Aila i Olelo ia.
O ka Aila KOMETA, e a ana ma ke ana wela na degere he 85 a hiki i ke 93 Faranaheita.
O ka Aila ALADINA, aneane e a ana ma na ana wela a pau.
O ka Alia ORIENATELA, e a ana ma na degere he 95.
O ka Aila DAYLIGHT, e a ana ma na degere he 91.
O ka Aila LUSTER, e anane a ana i na degere a pau.
O ka Aila a ka Hui EUREKA, e a ana i na degere he 84.
Kakauia i keia la 14 o Okatoba, 1878.
851 tf W.C. PARKE, Ilamuku.
________________________
PAPA KUHIKUHI MANAWA HOLO
-------- O KA ----------
MOKUMAHU HAWAII
"LIKELIKE,"
KAPENA, : : : REYNOLD.
Poalua Feb 18, hora 5 pm ...............................Hilo
" 25 " ................................Kaapuni ia Hawaii
" Mar 4 " ................................Hilo
" 11 " ................................Kaapuni ia Hawaii
" 18 " ................................Hilo
" 25 " ................................Kaapuni ia Hawaii
AOLE AIE NO NA UKU OHUA?
Ke hoole ia aku nei ka aie no na uku ohua, a ke hoike ia aku nei i ke akea ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a na makamaka e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no lakou na ukana o keia a no e pono e hoailonaia me ka moakaka, a i ole e kalauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele ka@ na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake ui e hoopomaikaiia ka lehulehu kaahele, ua hoololi ae nei na ona e Olieklike i ka I'apa Hoike Manawa o ia Mokuahi e like me maluna.
Ma ka Hale Oihana e lona'i na Palapala.
Aole keena o hope e lilo, aia wale no a kaa mua mai ka uku oku. Aole e ili ka hewa no na puiki, ukana a puolo paha, ke ole e kakauia ka loaa ana mai. E @ okaaia ka uku ukana ka wa e noiia aku ai.
WILDER & CO.
_______________________
DR. F. LESLIE MINER.
He Kauka Lapaau a me ke kokua ana i na wahine hanau keiki. Aia kona keena hana ma ka Hale Kuai Laau Lapaau o E. Strehz, ma ke kihi o na alanui Papu me Hotele.
S81 1y
______________________
Kauka O. S. Cummings, M. D.
HOMEOPATIKA.
Oia ke Kauka i kamaaina mua ia oukou e na kanaka Hawaii ma ka inoa,
" KULU WAI LIILII"
Ua hoi mai nei oia, a e pahola hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano.
888 tf.
________________________
KO
G. WEST
------MAU-------
HALE HANA KAA HOLO LEALEA!
Kaa Lawe Ukana,
Kapili Kapuai Hao,
----MEKA-----
Hana Hou ana i na Kaa Nahaha.
E LOA a no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe.
(876 3m)
_________________________
He Nui Anei Kou Makemake i na
Mekini Humuhumu Lole?
Ina pela, alaila, e kipa mai no ma ka Halekuai
-----:o:-----
KAKELA A ME KUKE.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
make $50 pakahi, a me ke amo
MEKINI a WILCOX me GIBBS,
ma ke $30 a hiki i ke $50 ku kumukuai.
I mea e pau ai ko oukou kanaloa e na Makamaka no ke kupono o keia mau ano Mekini, e nane mai no me ke kuihe ole, a e ike no oukou iho. 862 tf
_____________________________
E Kuai ia Ana,
HE 1,000 Hipa a me 8,000 Kao o ka Hui Hanai Kao'o Kaupulehu ma Kona, Hawaii. Eninau ia H. Cooper (Kupa) o Kailua.
858 tf A. S. CLEGHORN & CO.
_____________________________
Nuhou o ko na Aina e!
_____________
[Koena mai kela pale nui.]
Ua kamailio ae o Generala Robeta o na koa Beretania mai o na lahui kanaka kamaaina e noho ana ma ke awaiwa o Kunama ma Piewar a me Ali Kheyi, e olelo ana, o na hoomalu ana o ka Ameer. ua haule ia malao a ua hehi ia na ka manawa pau ole; a nolaila, hookahi wale no mea e nana aku ai o na hoomalu ana a ka Emepera wahine e loia.
Ua mahelehele ia na puaii koa o Rosmelia Hikina a ua hoonoho ia ma kena mau palena no ke ano holo pono ole o na hana o ke kuakahi i hana ia ma Berelina.
Ua hoouna mai la ke aupuni Emepera o Kina i kona elele, e holo aku i Rukini a na hiki aku ma Petereboro no ka hooponopono ana i na kumu pionioni mawaena o Kina a me Rukini.
Ko Shere Ali ano a me kaua hana.
Ua halawai mua au me Shere Ala ka Ameer hoi o Cabula i keia manawa, iloko o Maraki, 1869. Me he mea ala ua hiki aku paha kona mau makahiki i ke 50 ia manawa, o kona manaina, he ano nohenohea me ka maikai, a me ke ano o ke kulana koa.
Ua kamailio mai oia ia'u ma ke ana o ke ki naka manao neoneo maikai, a o kona mana ma kona ano alii he keu aku no o ka nui. Oiai oi e noho ana ma Peshawur, a pela no hoi ma Umballa, ua haawi mau ae oia i na kamakamailio ana mawaena ena a me ka o Europa, a me kekahi poe e ae ke hele aku imua ona me ka waipahe.
O ke kumu i loaa ai o keia ano hana kaulana ia ia, oia no kona naauao ma ka heluhelu a me ke kakau ma ka olelo Beritania; a ma ia mea ua hiki ia ia ke heluhelu i na buke moolelo kaulana o ke ao nei.
A aia pu no hoi me ia kekahi kakau olelo akamai i noho pu me ka poe Beritania a e noho paa ana hoi ma Cabula no ka unuhi ana i na mea ano waiwai a me na lono Keregarama mai loko mai o na nupepa o Inia.
A ma ko'u hoomaopopo aku, me he mea ala ua heluhelu pinepine oia i na moolelo o Napoliona ekolu, Petero ka Nui Alekanedero a me Alafereda ka nui.
A ma ke ano nui o kana mau hana, me he mea ala o na hana a Napoliona kana e lawelawe nei, aole hoi i ka Willinetona, he pookela loa oia ma ka noonoo.
"Ua ike au, he hihiu au"" wahi ana i kekahi la. "Aka, o na kanaka Eneliki nae he oi loa aku lakou o ke ino iloko o na makahiki he 300 i hala aku. A i kekahi manawa ua hiki no ia ia ke hooho ae penei." "He keu aku o ka makau nui ia o na Beritania mamua o na Rukini."
"Aole iloko o kekahi mea uuku," wahi a'u; alaila e lilo kakou a pau i poe hoa'loha i kekahi la , ae wahi ana, "ina aole o oukou makau i na Rukini alaila, mai hana mai oukou i ka mea oi loa aku o ka makau ia'u." a i kekahi manawa, ina oia e ike ana i na wahine ui o Beritania, alai e puana koke ae ana oia i keia mau huaolelo. "A! ke ike nei au he poe pulaina loa oukou i ka oukou mau wahine iloko o ko oukou mau hale." O kona kapa mau e komo ai he wahi palule ai pokole a me kahi kuka puapuamoa ekekei.
O ke keiki muli loa a ua Ameer nei oia o Abudullah Jan. he pipili mau loa eia i kona makuakane, a e hoike mai no kona nanaina he opio oia e loaa ana o kekahi pomaikai a he 12 ona mau makahiki iloko oia manawa. He hiki loa iaia ke heluhelu a me ke kakau ma ka olelo Peresia, a ua hoonaauao pu ia no hoi oia ma ka olelo Beritania. O ka Ameer hoi he hoopuka pinepine mau oia no kana keiki hiapo oia o Yakoob imua o ka poe e kauna ana me ia me ke kaena pu mai no hoi no ka oi o ka naauao o kana keiki ma ka olelo Beritania a me kona eleu ma ka oihana koa.
O ua Ameer nei hoi he hiki loa ia ia ke kamailio ma ka olelo Peresia, me he mea ala he kanaka Peresia oiaio oia, a ma kauhale hoi o Afegana a me na kanaka noho mauna ua hiki ia ia ke olelo ma ka olelo Pushtu; a he hiki pu no hoi iaia ke kamailio ma ka olelo o ko Hinedu me ka maopopo lea, a ua hiki no iaia ke ao i kona puali koa ma ke ano Beritania.
A he mea kakau buke no hoi ua Ameer ala oia ka buke e pili ana ia Wahhabyism ma kona iona, aka, ua kakau hou ia a hooponopono ia hoi e Moulvie ma ka inoa o ka Ameer o Kabula, a ma kekahi ano ona he hiki ke hoomaopopo ia aku, he kanaka oia e hilinai ana ma na ano o na lawelawe ana a me na aahu o na Beritania, a me kona kamailio nui ma kekahi mau hora no na mea e pili wale ana no no ka noho'na lahui o ke aupui o Beritania. I kona wa i hele ai i loa i kekahi manawa ua kuai aku la oia i ke kapa piha o na'lii koa o Europa a me kekahi mau mea hoohiluhilu nona.
A ua hoike pu ae no hoi ia, o na kapa o na kanaka Europa i kapa ia no kona mau koa a o ke kapa Orienetele hoi i kapa ia no na wahine a me na kahunapule. I ka wa a Haku Mays i ninau aku ai ia ia no ka aahu o ka puali koa o na Hilona, ua olele mai ia he oi aku o ke kapa ku i ka hoomakaukau.
Na Alii i hele makaikai aku i Amerika.
Hoko o ke Keneturia aka nei i hala o ke lii mua nana i hehi na ae kai o Amerika, oia no ke kupunakane o Princeee Louise's. A o William IV. hoi, ka mea i kapa ia he Moi luina, ua hiki aku oia i Amerika iloko o ka makahiki 1782 maluna aku o kekahi o na moku kaua o ka Admirala Digby. A o Colonel Ogedena hoi o ka puali koa helu ekahi hoi o Na Ieresse ka mea i hoao aku e alualu mahope ia Wiliama Eba olai oia e huli hoi ana i Europa, me kona manao e hapu pio ia ia, aka, ua hoohoka ia mai oia. O kona kaikaina hoi ke Duke o Kent, ka makuakane hoi o ka Moiwahinei Victoria, ka mea i holo aku no Amerika a pae aku la ma Bosetona, a ia wa pokele iho, ua hele loa ae la ia a hiki i Kanada a hui aku la eia me kona puali koa, a lilo oia i kiaaina no Noveseketia a he alikai kiekie hoi no na puali koa i a kapa aku la oia i kekahi mokupuni ma kona inoa oia hoi ka mokupuni o ke keiki alii Edewada. (Prinec Edwads Island.) A he mau makahiki loihi mahope mai, ua lanakoi ae la hoi ka manao o na lii o Farani e holo makaikai aku ma na kapakai o ka Repubelika o Amerika.
I ka makahiki 1796, ua holo makaikai o Lui Pilipo a me kona mau kaikaina, a pae mua aku lakou ma Piladelapia, a kaahele aku la lakou maluna o ka aina, a mailaila aku i huli hoi aku ai lakou no Havana, a malaila aku ao'e lakou i holo ma ka moku ake aku e iae i ko lakou makuahine ma Sepania.
_____________________
I NA LUNA NUPEPA KUOKOA.
________
Ua makemake ia na Luna Nupepa Kuokoa a pau mai Hawaii a Kauai, i ka wa a oukou e hooili mai ai ia makou i na dala o ka poe lawe nupepa; e hoike pu mai i ka papa inoa o ka poe hookaa palua mamua ae o ka la 31 o Maraki i kulike ai me ka makou rula. A i hiki hoi ia makou ke hookaawale pono i na Kii Makana no ia poe.
________________
NU HOU KULOKO.
__________
LA HANAU O WASINETONA.- O keia la ka la hanau o Wasinetona, ka makua o ka Rebukalika nui o Amerika Hoipuia.
___________
MAKE EMOOLE.-Ma ke kakahiaka o ka la 21 o Feberuari ua make emoole o Keo Moku ma ka hale inu ti o ka pake ma ka huina o ke alanui Beritania me Nuuanu.
________
HE OPUU I MOHALA.- Ma ka Poaono aku nei i hala, Feb. 15, ma Kikihale, ua haawi ia mai la e ka mea Kiekie loa he kaikamahine na E. Lililehua a me Kaunuohua.
__________
HANAU.- Ma Kakaako Honolulu, Feb 14 1879, ua hanau mai na John Kaelemakule a me Susan Kaulaimahea, he kaikamahine o Keliipoaimoku ka inoa.
_________
MAU HONI HOU.- Ma ke ku ana mai a ka moku kiapa Ella mai Kapalakiko mai i ka Poakahi nei i loaa mai ai ia Kakela a me Kuke, na hoki he 38 i kupono no ka hana ma na pa mahiko.
______________
KA PAHU OLELO.- Ma keia po e haawi hou ia'i ke kamailio ana o keia pahu olelo oia hoi ka Phonograph, e Mr. Kholer maloko o ka Hale Keaka Hawaii. E naue ae no e na lehulehu i ike i ka mea kupaianaha.
______________
HE AHAAINA INU TI.- e malamaia ana he ahaaina inu ti maloko o ka Hale pule o Walakahauki ma Peleula i keia ahiahi e ka Papa himeni o Kawaiahao, no ka pomaikai o ka luakini o Kawaiahao; a e oluolu hoi ka lehulehu e nana ae ma kekahi olelo hoolaha e puka aku nei ma ko kakou pepa o keia la.
__________
UA HALA I KA HIKINA.- Ma ka holo ana aku nei a ka mokuahi Zealandia i ke ahiahi Poalua nei i kau aku ai o Mr. S. B. Dole, kekahi o ko kakou hoa aloha kamaaina, no ka Hikina, a malia paha e hala ana he mau malama iaia a huli hoi hou mai no e hehi i na one o Kakuhihewa.
______
HEWA KA AWA.- Mai ka peni lokomaikai mai a J. W. K. Paoaikeala o Honokane, Hawaii, i hoike mai ai i ka hakaka ana o kekahi mau kanaka no ka awa; oiai, ua mama like lakou a pau i ka wali, e kaili ae ana kekahi kanaka nona wale no, ia manawa, e hoomaka iho ana lakou e hakaka e ole e uwao ia pau ai. E na makamaka, e hoopau ia hana ino.
___________________
UA HIKI MAI.- Ma ke ku ana mai a ka mokuahi Zealandia i ke kakahiaka Poalua iho nei, i ike ai makou ia Robert Sterling Esq., a me kaua wahine; he haole keia i kamaaina mua ia Hawaii nei, a ua noho lawelawe no hoi ma na oihana aupuni i ke au o ka Moi Kamehameha elima; o kaua hana mua ia manawa he Luna no na hana Kuloko, a mahope mai he Kuhina Waiwai a hiki mai i ke au o Lunalilo.
______________
ILI KA MANA.- Ma ka Nupepa haole o ka Poakolu nei i ike iho ai makou i ka ili ana a nahaha o ka moku kuna Hawaii "Mana" o ke keiki lalawai Samuela Parker o Waimea, Hawaii. Ua loaa mua ia ka moku e ka makani inoino iaia e holo ae ana mai na mokupuni Line (Laina) a me Tamana mai ka la 11 o Dekemaba 1878 pela no a hiki i ka la 14, a hiki wale i kona ili ana a nahaha liilii ma ka hora 2 o ka wanaap o ka la 19 o Dekemaba, ma ka mokupuni o Funafuti. O kekahi keia o ko kakou mau moku i holo aku nei no ka lawe ana mai i na paahona, aole nae i holo pono ia huakai a kau e no i kapua. Ma na lono wale mai aole i panihakahaka ia ka moku.
_________________
HE LEO KAHEA.- E hoike ana na Kula Sabati o Kekaha,KonaAk.Hawaii, ma Puuanahulu, ke hiki aku i ka Poalima la 21 o Maraki 1879 hora 10 a. m. E komo pu ana hoi ka hale kula hou o na keiki ma ia la. Ke Kauoha ia aku nei na koa o na Kula Sabati, na makamaka karistiano, na hoahanau o ka pono, ame na keiki Papa o ua aina mauna 'la, e naue pu ae no me na hunahuna materia a ke aloha. E hiki pu ana ka Bina puhiohe o Kaukukuiula ma ia la. Me ke aloha
G. P. Kaonohimaka.
Kolaoa, N. Kona Feb 14 1879,