Ka Nupepa Kuokoa, Volume XVIII, Number 9, 1 March 1879 — Page 2

Page PDF (2.10 MB)

Ma ke Kauoha.

                Ua hookohu ia na keonimana malalo iho i mau agena no ka haawi ana i na palapala a e mare. Ianuari, 17, 1879, H. W. Pukalo Kawaihau, Kauai. Feb. 21, 1879, Robert W. Wilcox, Honuaula, Maui, Feb. 21, J. Kaaukai, Hilo, Akua, Hawaii
SAM'L G. WILDER, Kuhina Kalaiaina.
Keena Kalaiaina, Feb. 24, 1879.
900 4t

            Ma keia ke hoolaha ia aku nei i na mea a pau no lakou na palapala hoolimalima aina aupuni; e hookaa ia mai na uku hoolimalima ma ke keena kalaiaina ma honolulu. a ma keia ke hoolaha ia'ku nei. o ka pauku iloko o na palapala hoolimalima aina aupuni e pili ana no ke oki ana o na laau, e hooko pololei ia 'na mahope aku o ka la 22 o Feb. 1879.
 SAM'L G. WILDER, Kuhina Kalaiaina.
900 4T

                Ma keia ke hoolaha ia 'ku nei. o na komisiona a pau i paa ia i kela me keia maloko o keia mau mokupuni ma ke ano he poe agena no na aina aupuni ua hoopau ia i keia la 22 o Feberuari 1879. a ke kauoha ia'ku nei ua poe agena ia a pau, e hoihoi mai i ko lakou mau hoike helu, a me na palapala a pau e pili ana i na aina aupuni i ke Keena Kalaiaina.
 SAM'L G. WILDER, Kuhina Kalaiaina.
900 4T

            E kuai ia'ku ana ma ke kudala akea ka hoolimalima o ka aina o Kamamalu, Kauai, no na makahiki he iwakalua ke hiki aku i ka la 29 o Maraki 1879, i ka hora 12 o ke awakea ma ke alo o aliiolani hale, maluna aku o ka $300 no ka makahiki ke kumukuai, e hookaa mau ia i kela a me keia eono mahina.
 SAM'L G. WILDER, Kuhina Kalaiaina.
900 4T

            Ua hookohu ia aku i keia la o John A. Hassinger, Esq. kakauolelo no ka Papa Ola, ma kahi o Chas. T. Gulick i waiho mai.
SAM'L G. WILDER, Kuhina Kalaiaina.
Keena Kalaiaina, Feb. 17, 1879. 899 4T.

            Ua hookohu ia aku i keia la o John S. Smithies, Esq. i kakauolelo no ka Papa Hoopae Lima hana, ma kahi o Chas. T. Gulick i waiho mai.
 SAM'L G. WILDER, Kuhina Kalaiaina.
Keena Kalaiaina, Feb. 17, 1879. 899 4t

            Ua hookohu ia aku i keia la o Charles Anney, Esq, i Luna Alanui no ka apana o Wailuku, mokupuni o Maui, ma kahi o E. W. Kapohaku i waiho mai.
 SAM'L G. WILDER, Kuhina Kalaiaina.
Keena Kalaiaina, Feb. 17, 1879 899 4t

            Ma keia la hoolaha ia aku nei o ka pa Aupuni, ma Nuu, ua hoonee ia aku a i kona wahi mua i ku ai ma Mokulau, Kaupo. Hana, MAUI
 SAM'L G. WILDER. Kuhina Kalaiaina.
Keena Kalaiaina, Feb. 11, l879. 899 4t

            Ua hookohu ia aku keia la o Mr. C. Minecke, i Luna Hooiaio palapala no ka apana o Kau, mokupuni o Hawaii. THOMAS BROWN, Luna Hooiaio Kope Hooiaoia: SAM'L G. WILDER,
Kuhina Kalaiaina. Keena Hooiaio Kope, Feb. 10. 1879. 899 4t

            Ua hookohuia aku o Mr. Godfrey Brown i keia la, i Hope Luna Kakau Kope no ke Aupuni Hawaii, a he Luna Hooiaio no hoi ma kahi o Chas T. Gulick i waiho mai.
THOMAS BROWN. Luna Hooiaio Palapala.
Keena Hooiaio, Honolulu, Feb. 1, 1879.
Aponoia: SAM'L G. WILDER,
893 tf Kuhina Kalaiaina..

            KE kauoha ia aku nei, o na hoololi, ua hanaia mamuli o na rula a me na hooponopono ana maluna o na kaa hoolimalima lawe ohua i laikini ia.
            O na palapala kaa hou me na uku pakahi i hoakakaia, he 121/2 keneta a me ka 25 keneta e hoopuka ia ana maloko ae o ke Keena o ke Kakauolelo a ke Kuhina Kalaiaina, a e lawe ia ua mau palapala kaa nei, e like me na uku i hoakakaia e na hookele o kela a me keia o ua mau kaa laikiniia nei, a e loaa aku ana no na dala maoli ia lakou, ke hoihoiia mai ua mau palapala kaa nei ma ke Keena o ke Kakauolelo a ke Kuhina Kalaiaina.
SAM'L G. WILDER Kuhina Kalaiaina.
Keena Kalaiaina. Honolulu, Fe b. 6, 1879. 897 1m

KEENA AINA.
Oihana Kalaiaina.
NA KOINA.

PALAPALA Sili.Nui...............................$5.00
Kope Palapala Sila Nui. ....................... 2.50
Kope Palapala aina Hoona Kuleana, ina aole e oi uku mamua o Eha Apana....................................1.60
Kope Palapala o na Hoona Kuleana, ina e oi aku mamua o Eha Apana, e hoohalike ia.
Kii Aina e like me ka mea mau...............1.00
Kii Aina, ina he nui loa ae, e like me ka manao o ke Kakauolelo.
Na Kope o na Palapala hooko...................1.60
Palapala Hooiaio a ke Kuhina..................1.00
Na Palapala Hooiaio, Kanalima Keneta no 100 huaolelo, i kulike ai ine ka Pauku 44 o ke Kanawai Kivila.
SAM'L G. WI LDER,
Kuhina Kalaiaina. Honolulu, Iulai 10, 1878. 897 2m 904.

OIHANA HOONAAUAO.

                Iloko o ka hoolaha i na Luna a Kula, a me na Kumu Kula Aupuni, no ku manawa kula, a me ka manawa hoomaha o na kula Aupuni ; ma kahi o ka mahele elua o ka makahiki, e olelo ana—" E hoomaka ke kula ana i ka Poakahi eha o ka malama o Aperla," malaila e hookomo ai—Poakahi ekolu o ka malama o Aperila. D. D. BALDWIN.
Kahu Kula Nui. 980 4T

KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1 Dala Kuike ka Rula

MA RAKI 1. 1879.

                MALOKO o na nupepa Ame rika i ike ai makou i ke kamailio nui ia o ke Aupuni Repubalika o Farani. Ua mahalo nui ia kela aupuni i keia wa, no ke kupaa maluna o kona kulana aupuni repubalika ; no ka mea, i ka wa i hoao ai ia lahui e kukulu i aupuni no lakou iho maluna o ia kahua, he nui ka poe i wanana mua no ko lakou helelei ana. Ua olelo ia o ka lahui Farani, he lahui kupaa ole, he loli wale, he hikiwawe me ka pupuahulu., a no ia ano ua manao ia aole i lawa ia lakou'ke ahonui e hiki ai ke hoopaa iho a hoomau aku no hoi i ke aupuni repubalika, oiai ua ike ia oia ano aupuni he pono i na lahui i lawa like i ka ike a me ke ahonui a me ke akahele. Iloko iho nei o na makahiki ehiku ua holo pono ia ano aupuni ma Farani imua o na kumu keakea he nui wale.
            O ko lakou Peresidena mua, he kanaka ia i makemake ole i ke ano aupuni repuba-lika, a ua ake nui oia e hoohiolo, a e hoihoi ae i ke ano o ke aupuni e like me mamua. Ma keia manao ua kokua ia no oia e ka Hale Ahaolelo Senate ; me he mea la ua ohumu lakou e hoopau i ka repubalika, a e hoohoka i ka makemake o na makaainana. Aka, aole i hiki ia manao. Ua noho malie na makaainana me ke ahonui, a hiki i ko lakou manawa e hana ai, alaila ua pulumi aku lakou i na keakea a pau. A i keia wa ma ka nana ana i na hiohiona ai ke aupuni repubalika o Farani, ua hele a oni paa maluna o kona kahua. A o ka mea hilu loa, oia ka hana ia o keia me ka maluhia, me ka hookahe ole ia o ke koko. O ka lanakila ana keia iwaena o ka lehulehu.
            Iloko iho nei o keia mau pule pokole ua waiho aku ka Peresidena oia Ma c. Mahon, i kana oihana ; he Peresidena kue ia i ke au-puai repubalika ; a na koho hou ia he-Persidena i kulike me na makemake o na ma-kaainana. O Gambetta oia kekahi o na haole kaulana loa o Farani i keia wa, oia paha ka oi. A ua manao ia no hoi no kona alakai akahele a naauao i ka hale Ahaolelo eia ke kumu o ka lanakila loa aoa o ke au-puni repubalika me ka maluhia.
            Ua manao ia no hoi oia kekahi o aa Pe-re sidena o ke aupuni ma keia hope aku.

            MA ke ku ana mai o ka moku mikionari Hoku Ao i ka Poakolu nei ua loaa mai na lono no ke kihapai mi sionari, kahi a na ekalesia Hawaii e hoouna nei i na kumu ma na Paeaina o Maikonisia. He maikai no na lono i loaa mai e pili ana no ke ola o na kumu a me ka helo mua o ka lakou hana.
            Ma keia pule ae e hoolaha aku ai makou i kekahi mau le ta mai na kumu mai. He ekolu misionari i hoi mai nei; o Rev. R. Maka me kana wahine, a me Mrs. Sturges kekahi o na makua haole. He umikumamalima a oi na makahiki o ko Maka noho ana ma ia paeaina me ka hoi ole mai i koaa aina makuahine, akahi no a hoi. He hoomana-wanui ana keia a ko kakou poe kumu ma ia mau aina i ike ole ia e kakou ka poe e noho oluolu loa nei ma ka aina kulaiwi.
            Maloko o kekahi leia i palapala ia e Rev. W. B. Kapu, ua hai mai oia i ka holopono o ka hana ma kona kihapai, oia ka mokupuni o Tapiteuea.
            Mai ka 800 a hiki i ke 900 kanaka ka nui o kona mau anaina pule i na U Sa-bati. He 300 ka huina o na haumana Kula Sabati, a he nui ka poe e imi nei i ka malamalama. Ua lohe mai makou i ka mahalo nui ia o ke Kapena Bray e na kumu no kona oluolu. O kekahi mea hou maikai no hoi a makou i lohe ai, oia ka huli ana i ka pono o kekahi mau mea iwaena o na luina o ka moku ma kona huli hoi ana mai nei.
            O keia mau kihapai o Maikonisia, ua haawi ia mai no na ekalesia Hawaii e hana, a he kumu hoeueu no hoi no ko kakou poe ekalesia. O ka poe ma Maikonisia i hoohuli ia e ko kakou poe kumu, me he mea la he poe pokii lakou no ka lahui Hawaii, Eia no kekahi poe o lakou ia nei ma nu mahiko kahi i lawelawe ai, a he mea pono loa ke alakai ia lakou e ko Hawaii nei poe ma na hana pono wale no. O ka malamalama i loaa ia lakou, no Hawaii aku ia malamalama, a i na i ko lakou hele kino ana mai ia nei e ike ana he pouli na hana a kakou, aole anei e lilo ia i mea keakea i ka holo mua ana o ka hana a na kumu ma Maikonisia, a he mea no hoi e hoowahawaha ia ai ka aina makuahine?

KE KANAWAI,
HELU 27.

                Ua hai aku ka mea kakau kanawai ma ka Helu 26 he mau hemahema ma ka unuhi ana a ma ka hooponopono ana i ke kanawai no ka moekolohe, ma ka olelo Hawaii. Eia mai kona manao, a na ka poe heluhelu e huli a nana pono. aia he oiaio kuna.
            Ma ka Pauku 4, Mok. 13 o ke kanawai Hoopai Karaima o ka M. H. 1869 aoao 22, penei ka olelo—" 4. (E like me ke kanawai e hoololi ana i keia i hoololiia ma ka la 14, o Feberuaii, 1859.) O ka moe pu ana o ke kane i mare ia a i mare ole ia paha, me kekahi wahine aole nae he wahine mare na-na, he moekolohe no ia o laua ; a o ka moe pu ana o kekahi kane i mare ia me kekahi wahine, me ka wahine i mare ole i ke kane, he moekolohe ia no laua. "
            Aka, i na i nana ia ke kanawai o ka la 14, o Feberuari 1859 (aoao 313 o ke konawai Ki-vila) e ikea auanei, aole i hoolei la ma keia wahi, aka, ua hoololi ia ka hakina hope o ka pauku 4 o ka mok. 13, ma kahi wale no o ka hoopai.
            A he hemahema hou, no ka mea, i na i nana i ua pauku 4'la iloko ke kanawai Hoopai Karaima kahiko o ka M. H. 1850, (aoao 17) penei ka heluhelu ana, a o keia ka pololei ; " O ka moe o ke kane ma re, a o ke kane mare ole paha, me ka wahine mare, aole nae o kana wahine ponoi, a o ka moe ana o ke kane mare me ka wahine mare ole ia, he moekolohe no ia no kela no keia." Ma ka pauku 4 ma ka aoao 22 o ke Kanawai Hoopai Karaima hou, (1869) ua haule ka huaolelo mare mahope o ka huaolelo wahine ma ka lalani 3.
            Eia hou kekahi hemahema ; heaha la ke kumu o ka hookomo ana i na huaolelo mahope mai.—"O ka mea moekolohe e hoouku ia no oia i na dala he kanakolu, a i ole ke dala, e hoopaahaoia oia ma ka hana oo-lea a hala na malama eha."
            Ua komo hewa keia mau lalani mai ke kanawai o ka la 14 o Feb. 1859—a ua make keia kanawai. Ua hoopauia e ke kanawai ma ka aoao 5, o na kanawai o ka M. H. 1866—no ka mea, ma ke kanawai o 1866 ua hoano e ia ka hoopai o ka moekolohe.
            Ua manao ka mea kakau o ka huaolelo adultery, oia ka moekolohe o ka poe i mare ia, a i na he hookahi mea i mare ia iloko oia hewa, a o ka forni cation oia ka moekolohe o ka poe i mare ole ia.
            He pohihihi ole keia i ka poe heluhelu haole, no ka mea, he inoa okoa ko ka hewa moekolohe o ka poe i mare ia a me ka moekolohe o ka poe i mare ole ia.
            O ka hoopai o keia mau hewa a i elua, aia no iloko o na pauku 5 a me 6.—(aoao 22). a he moakaka loa.
            Ma ka pauku 5, ua hai ia i na kupono ka mare ana ma ke kanawai, o na poe i hoopai ia no ka moekolohe o ka poe i mare ole ia, alaila, aole no e kau ia ka hoopai. Ua manao ka mea e kakau nei, aole keia he mea e uku ole ai laua i na koina o ka Aha. O ka hoopai wale no ka i hookuuia, a ua luhi ka Aha no laua. nolalia e uku no ina koina. Mamua o ka M.H. 1876, he nui ka pilikia ma na hoopii no ka moekolohe, mamuli o hiki ole o ka hooiaio i ka mare. no ka loaa ole o na hoike, a me ke kahunapule paha nana i mare; Nolaila, ma ia makahiki, 1876, iloko o ka Mokuna XL i kapaia. " He kanawai e hooponopono ai i ka hana, a me ka lawelawe ana ma na hihia karaima, ua hookomo ia i wahi pauku e hoopau ana ia hemahema, oia ka pauku 61 oia mokuna ma ka olelo haole, aka, ma ke pai ana o na kanawai o 1976 ma ka olelo Hawaii, ua haule ia pauku, a me ka pauku 60 pa kekahi."
            Ua lohe wale au ua hooponopono ka Ahaolelo o 1878 i keia haole ana, aka, aole i paiia iloko o na kanawai o 1878!
            O ke ano nui o keia pauku i haule, penei, i na aole i lawa ka hooiaio ana no ka mare, aole ia he mea e hookuu ai i na mea i hoopii ia, aka e hooholo ka Aha, a ke Jure paha, ma ka moekolohe o ka poe i mare ole ia. Aole i pau

[KAKAU IA .NO KE KUOKOA.]
Ke Kaua Nui ma ka Hikina.

                O na ao omamalu kaua ma Europa, ke kau nei no me ka mao ole ae. Mawaena o na hoouka kaua ana o keia poe aupuni, he ku i ka hoomainoino a me ka weliweli na hana.
            Iloko o ua hoouka kaua ana o na puali koa Beritania me na Ilikini hihiu o Afiganitana, iloko o na la i kaahope ae nei, a me ke kahua a Enelani i ku ai me ke kulana e ku ole ai ku hoonana ana aku iloko o na ululaau, na kula panoa, a me na puu awaawaa. Ua ku mai na Ilikini hihiu imua o na koa Beritania, me ke kulana e manao ole ia aku ai e lilo i ka enemi, aku, ua lele aku no ka Liona Beritania me ka eleu, a me ka wiwo ole ia lakou, me kona kulana ole e hiki ai ke pale ae i na mea make a ka enemi, ua hoouka aku lakou i ke kaua i ke ao a me ka po, me ka makaala ana i na wa a pau.
            Ua kaulana ke aupuni o Enelani no kena hoouka kaua ole me kekahi aupuni e ae malalo o ka la, ma kona mau kapa kahakai, oiai, ua hilinai aku oia ma ka ikaika o kona mau aumoku kaua he nui wale. Ke hele nei kona mau koa i ka hookahe koko ma kahi he mau haneri mile ka loihi mai kona kapa kahakai mai, e hooikaika ana iloko o ka inea, e alo ana hoi i na pilikia he nui wale, e komo kino ana hoi iloko o ka enaena o ka pau da maluna o ke kahua kaua, kahi a ko lakou mau manao e iini ana no ka lanakila o ko lakou aina, a iloko o keia la, eia no ka Liona Beritania ke hookahe nei i kona koko me na Zulu ahiu o Aferika.
            Ua nui no ka poino o na koa Beritania ma na lako kaua a me na koa, o ka poe Zulu nae ka oi aku o ka poino o ko lakou mau ola ma ke kahua mokomoko. Ua kahea koke ae ke aupuni o Enelani i kona mau olali, e ku me ka makaukau piha, a e maki aku ma ko lakou alahele e hakoakoa me na Zulu ahiu o A ferika. He mea kanalua ole paha na ka Liona Beritania na ahi enaena a ke kaua maluna o kona kua, e like me kana paani ana iho nei i na Ilikini hihiu o Afiganitana, i kona wa e hele malihini ana iloko o kela aina anu waoakua.

MAHANAHANA LOA KANA PULEHU.

E KA NUPEPA KUOKOA E; Aloha oe:—
            Aia ma ka pule i hala Feb. 5, i ike iho ai au maloko o na kolamu o ka pepa i kapa ia, ka Hiwahiwa a ka Lahui, oia " Ko Hawaii Pae Aina, " i ka manao ponoi mai ka waha mai o ka Hookele o ia pepa ma kahi o na mea hou kuloko, e pahenehene ana i ka mea i kaawale aku mai keia noho ana, a nona hoi na lauoho elua i hiki aku i ke kanikoo ana o na la o ke ola ana, me na huaolelo awahia a hilahila loa, i waiho ia mai imua o kona lahui ponoi, nana e lawe nei me ke kokua pu ana aku i ka hooholomua ana i ka oihana hoonaauao iwaena o kakou, nona ke poo o keia kukulu manao ana. Ma ka nana ana a ike i kela manao, ua hookahaha loa ia mai au, i ka lawe ana o ka hookele oia pepa i ka manao hoohilahila a lapuwale loa, i manao mahalo a hoomaikai i ka mea i make me ka lahui holookoa.—Ma ka imi ana i ka io maoli o kela mau olelo maluna ae aole ia e komo aku i ka lipolipo o ka hohonu o na mea huna, aka, he papau loa, a ka lahui holookoa e puana like mai ai ma ka haina hookahi, a e kanalua pu iho ai ko lakou mau noonoo no keia mau olelo pelapela a haumia iwaena o keia poai maemae ; a e hiki ole ai i ka maka o ka'u peni ke hoike ae i kona haina imua o ke akea ; aka, na ka lahui no e ike no ia mea.
            Aole au i poina i ke au o " Nuhou Hawaii " a me " Ko Hawaii Ponoi " e ola ana, ua lawe ia na Poo o na pepa imua o ka Aha Hookolokolo no ka hoopuka ana i na olelo haumia a me na manao pelapela i kupono ole imua o ka lehulehu, a ua haawi ia mai na olelo ao ia lakou e ka Loio Kuhina, aole e hana a hookomo hou ia ia mau ano manao ; aka, ke hoala a ke hoolaha nei no nae keia pepa ia mau manao haumia a pelapela, oiai hoi kona hookele ua ike a ua lohe i na oleloao mua, aka, ua hooku'i no nae, nolaila eia wale no ka leo hoaiai aku, e nana ae ke kanawai a ao ae i ka mea pepeiao kuli, e kapae loa i na huaolelo pelapela, a i ole, e hoouku da!a ia a hoopai paha no kona uhaki ana i ka mana kanawai. Owau iho no kou oiaio. W. J. MEA HELUHELU.
Honolulu, Feberuari 1879.

            HANA HOOMAINOINO.—Ma uka o Kunawai ua make kekahi kanaka o Paula ka inoa, ma ka Poakahi iho nei ua waihoia nae a ka Poakolu kanu ia, ua hai ia mai makou ua ino ua mea make la a ua pilikia ka poe e noho kokoke ana malaila. A ua lohe pono mai hoi makou, o ka lua i eli ia'i no ua mea make la, aole i hohonu kupono, a o kekahi mea i oi aku ka pilikia, ua kanu kokoke ia ma kahi o kekahi auwai e holo ana a e inu ia'na e ka lehulehu. Ke hoike aku nei makou i ko makou manao apono ole no keia hana ana, no ka mea, e lilo ana i kumu e ulu mai ai kekahi ano mai a pahola ae maiuiu o ko laila poe. Ua hoomakaukau ke aupuni i kahi kupono e waiho ai na heana mauka o Makiki, a no keaha la i hoihoi ole ia'i ilaila ? Ke ao aku nei makou i na makamaka ma Kunawai e hele e hoopii i ka Agena o ka Papa Ola.

            HE NANE HOONANEA.— He 12 ka huina o na hoa o kau inoa a ko'u mau makua i kapa mai ai i ko'u la i hanau mai ai—O ko'u hua 1 2 3 4 5, aia wau i ke anu o ka waokele, a he llome aloha no'u na kuahiwi a me na Kualono, aka, e kipa ana wau ma ka hale o ka poe Hanohano mai na ahi n hiki loa aku imua o ka poe haahaa loa. Aole au e hoowahawaha ia, no ka mea, he mea nui au na lakou, milimili au na ka lani, na ke kuini a-e-kuahiwi o Hawaii nei. A o ko'u hua 6 7 S 9 10 11, a meka1* 12, o ka hapahope ia o kuu inoa.—I na e hoi ia mai 1 a hiki i ka 12, alaila, e loaa no kuu inoa holookoa,—O ko'u haa 89, aia wau iluna o na moku kahi i noho ai, ko'u 10 11, ua hanau ia mai au mai loko mai o kekahi olelo kaulana a mahalo nui ia o ke ao nei, ko'u holookoa, na ka haina o keia mau hua i hoike ia maluna e .hai pololei mai ia'u. Owai ko'u inoa ia oukou ? Huli ia mai au, o ka makemake o ka mea nana ka NANE, o ka hai mai i ki haina meka wehewehe pu mai i na mea pili i na hua i hoike ia maluna, a i ku no hoi i ka ninau a me ko'u makemake, alaila, o ka hoa hooipo o kuu wahi NANE aia i ka noe o Aipo, i ka lipo o Ala-kahi, i ku piko olu o Waialeale. Owau no.
J. W. H. I SAAC KIHE. Home-maluikeao. Keaukukuiula N. Kona, Jan. 31, 1879.

OLELO HOOLAHA

                MA ke Keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o Kuli k no Kauaula, Lahaina, Maui i make. Ua heluhelu ia a ua waiho ia ka palapala noi a John Richardson, ka lunahooponopono waiwai o Kuli k no Kauaula, Lahaina, Maui i make, e noi ana i hoapono ia kona Moo-waiwai e hookuu iaia mai ka oihana, a e hooholo ia ka waiwai i na hooilina. Nolaila, ua kauoha ia aku nei na kanaka a pau ke pili, o ka Poakahi oia ka la 24 o Maraki, 1879, ma ka hora 10 am ma ka Hale Hookolokolo ma Lahaina, oia ka la me kahi i koho ia no ka hoolohe ana i na nonoi ia a me na mea kue ke hoike ia.
ABR. FORNANDER,
Lunakanawai Kaapuni Apana 2 H. P. A.
Lahaina Feb. 18, 1879 900 3t

            MA ke Keena o ka Lunakanawai Kaapuni o ka Apana 3 o ko Hawaii Pae Aina. Ma ka waiwai o J. W. Kaulia no Waiohinu, Kau, Hawaii i make. Ua heluhelu ia a ua waiho ia ka palapala noi a L. R. Macomber, ka lunahooponopono o ka waiwai o J. W. Kaulia no Waiohinu, Kau, Hawaii i make, e noi ana i hoapono ia kona Moo-waiwai e hookuu ia ia mai ka oihana, a e hooholo ia ka waiwai i na hooilina. Nolaila, ua kauoha ia aku nei na kanaka a pau ke pili, o ka Poalua oia ka la 15 o Aperila, 1879, ma ka hora 9 am ma ka hale hookolokolo ma Waiohinu, Kau, oia ka la me kahi i koho ia no ka hoolohe ana i na noi ia, a me na mea kue ke hoike ia.
F. S. LYMAN,
Lunakanawai Kaapuni Apana 3 H. P. A.
Hilo Hawaii Feb. 29, 1879 900 3t

            MA ke Keena o ka Lunakanawai Kaapuni o ka Apana 3 o ko Hawaii Pae Aina. Ma ka waiwai o S. Kalaikoa, no Waiohinu, Kau, Hawaii i make. Ua heluhelu ia a ua waiho ia ka palapala noi a W. T. Martin, ka lunahooponopono o ka waiwai o S. Kalaikoa no Waiohinu, Kau, Hawaii i make, e noi ana i hoapono ia kona moowaiwai e hookuu ia ia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poalua oia ka la 15 o Aperila, 1879, ma ka hora 9 am ma ka hale hookolokolo ma Waiohinu, Kau, oia ka la me kahi i koho ia no ka hoolohe ana i na noi ia, a me na mea kue ke hoike ia.
F. S. LYMAN,
Lunakanawai Kaapuni Apana 3 H. P. A.
Hilo Hawaii Feb. 20, 1379 900 3t

            MA ke Keena o ka Lunakanawai Kaapani Apana 3 o ko Hawaii Pae Aina. Ma ka waiwai o S. Kupa. no Kiao, Kau, Hawaii, i make. Ua heluhelu ia a ua waiho ia ka palapala noi a W. T. Martin, ka lunahooponopono o ka waiwai o S. Kupa, no Kiao, Kau, Hawaii, i make. e noi ana e hoaponoia kona moowaiwai a e hookuu ia ia mai ka oihana, a e hooholo ia ka waiwai ina hooilina. Nolaila, ke kauoha ia aku nei na kanaka a pau ko pili, o ka Poalua eia ka la 15 o Ape rila, 1879, ma ka hora 9 am. ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i ua noi la, a me na mea kue ke hoike ia. F. S. LYMAN,
Lunakanawai Kaapuni Apana 3 H P A. Hilo. Hawaii, Feb. 20,1879. 900 3t

            MA ke Keena o ka Lunkanawai Kaapuni, Apana 3 o ko Hawaii Pue Aina. Ma ka waiwai o Waahila, no Ma-kaka, Kau, Hawaii, i make. Ua heluhelu ia a ua waiho ia ka palapala noi a J. Kauhane, ka lunahooponopono o ka waiwai o Waahila, k no Makaka. Kau, Hawaii, i make, e noi ana e hoapono ia na bila aie n ka me ai make, n e haawi ia ia ka mana e kuai aku ka waiwai paa, i mea e kaa ai na aie. Nolaila, ke kauoha la aku nei na kanaka a pau ke pili, o ka Poalua oia ka la 15 o Apenla, 1879, ma ka hora 9 am. ma ka hale hookolokolo ma Waiohinu, Kaa, oia ka la a me kahi i koho ia no ka hoolohe ana i ua noi la, a me na mea kue ke hoike ia.
F. S. LYMAN.
Lunakanawai Kaapuni Apana 3 H P A. Hilo, Hawaii, Feb. 20, 1879. 900 3t

            MA ke Keena o ka Lunakanawai Kaapuni Apana 3 o ko Hawaii Pae Aina, Ma ka waiwai o J. Boaza, no Waiohinu, KAU, Hawaii, i make. Ua heluhelu ia a ua waiho ia ka palapala noi a Kaumekekoi Boaza, w e noi ana e hoonoho ia oia i lunahooponopono no ka waiwai o J. Boaza, k no Waiohinu, Kau, Hawaii, i make. Nolaila, ke kauoha ia aku nei na kanaka a pau ke pili, o ka Poalua oia ka la 15 o Apenla, 1879, ma ka hora 9 am. ma ka hale hookolokolo ma Waiohinu, Kau, oia ka la me kahi i koho ia no ka hoolohe ana i ua noi ki a me na mea kue ke hoike ia.
F. S. LYMAN,
Lunakanawai Kaapuni Apana 3 H P A. Hilo, Hawaii. Feb. 20, 1879. OOO 3t

            MA ke Keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Apo, (pake.) no Waiohinu, Kau, Hawali, i make. Ua heluhelu ii a ua waiho ia ka palapala noi a Kalua Apo w e noi ana e hoonoho ia o W. T. Martin i lunahooponopono no ka waiwai o Apo, (pake) no Waiohinu, Kau, Hawaii, i make. Nolaila, ke kauoha ia aku nei na kanaka a pau ke pili, o ka Poalua oia ka la 15 o Ape rila, 1879, ma ka hora 9 am. ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i ua noi la a me na mea kue ke hoike ia.
F. S. LYMAN,
Lunakanawai Kaapuni Anana 3 H P A. Hilo, Hawaii, Feb. 20,1879. 900 3t

            MA ke Keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kukalohe, no Kau, Hawaii, i make. Ua waiho ia a ua heluhelu ia ka palapala noi a Elemakule k e noi ana e hoonoho ia kekahi mea kupono, i lunahooponopono no ka waiwai o Kukalohe, k no Waiohinu, Kau, Hawaii, i make. Nolaila, ke kauoha ia aku nei na ka naka a pau ke pili, o ka Poalua oia ka la 15 o Aperila, 1879, ma ka hora 9 am. ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i aa noi la a me na mea kue ke hoike ia.
F. S. LYMAN,
Lunakanawai Kaapuni Apana 3 H P A. Hilo, Hawaii. Feb. 20,1879.  900 3t

            MA ke Keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kainaa Kekoi.no Okoa, Kona Hema, Hawaii, i make. Ua heluhelu ia a ua waiho ia ka palapala noi a W. T. Martin. ka lunahooponopono o ka waiwai o Kainaa Kekoi, no Okoa, Kona Hema, Hawaii, i make, e noi ana e hoapono ia kona moowaiwai a e hookuu ia ia mai ka oihana, a e hooholo ia ka waiwai i na hooilina. Nolaila, ke kauoha ia aku i.ci na kanaka a pau ke pili, o ka Poalua oia ka la 15 o Apenla, 1879, ma ka hora 9 kakahiaka, ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i ua noi la, a me na mea kue ke hoike ia.
F.S. LYMAN,
Lunakanawai Kaapuni Apana 3 H P A. Hilo, Hawaii, Feb. 29, 1879. 900 3t.

            MA ke Keena o ka Lunakanawai Kaapani Apana 3 o ko Hawaii Pae Aina. Ma ka waiwai o Keoho, no Kamaoa, Kau, Hawaii, i make. Ua waiho ia a ua heluhelu ia ka palapala noi a W. T. Martin, ka lunahooponopono o ka waiwai o Keoho, k no Kamaoa, Kau, Hawaii, i make, e noi ana e hoa. pono la kona moowaiwai a e hookuu ia ia mai ka oihana, a e hooholo ia ka waiwai ina hooilina. Nolaila, ke kauoha ia aka nei na kanaka a pau ke pili, o ka Poalua oia ka la 15 o Aperila, 1879, ma ka hora 9 am. ma ka hale hookolokolo ma Waiohinu, Kau, oia ka la a me kahi koho ia no ka hoolohe ana i ua noi ia a me na mea kae ke hoike ia.
F.S.LYMAN.
Lunakanawai Kaapuni Apana 3 ii P A. Hilo, Hawali. Feb. 20,1879 900 3t

            MA ke Keena o ka Lunakanawai Kaapuni Apana 3 o ko i "i Hawaii Pae Aina. Ma ka waiwai o S. Kaulia, no Hokukano, Kau, Hawaii, i make. Ua heluhelu ia a ua waihoia ka palapala noi a Pahiha ka hope lunahooponopono o ka waiwai o S. Kaulia, k no Hokukano, Kau, Hawaii, i make, e noi ana e hoaponoia ka moowaiwai a ka lunahooponopono, a e hookuu ia ia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kuaka a paa ke pili. o ka Poalua oia ka la 15 Aperila, 1879, ma ki hora 9 am. ma ka hale hookolokolo ma Waiohinu, Kan, oia ka la a me kahi i koho ia no ka hoolohe ana i na noi ia a me na mea kue ke hoike ia.
F. S. LYMAN.
Lunakanawai Kaapuni Apana 3 H P A. Hilo, Hawaii, Feb. 20, 1879. 900 3t.

                MA ke Keena o ka Lunakanawai Kaapani Apana 3 o ko Hawaii Pae Aina. Ma ka waiwai o V. Nawai, no Kaa-laiki, Kau, Hawaii, i make. Ua heluhelu ia a na waiho ia ka palapala noi a Kaaipuhi, w e noi ana e hoonoho ia oia i luna-hooponopono no ka waiwai o V. Nawai k no Kaalaiki, Kau, Hawaii, i make. Nolaila, ke kauoha ia aku nei na kanaka a pau ke pili, o ka Poalua oia ka la 15 o Aperila, 1879, ma ka hora 9 am. ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i na noi ia a me na mea kue ke hoike ia.
F. S. LYMAN,
Lunakanawai Kupani Apana 3 H P A. Hilo, Hawaii, Feb. 20,1879. 900 3 t

HOOLAHA PAPA.

                E IKE auanei na kanaka a pau loa Owau o ka mea nana ka inoa malalo iho, ma keia ka hookapu aku nei au, a ke papa nei i na kanaka a pau aole komo lewa aole hoi e la-we aku i na puaa hipi a me na lio i kuni ia a i kuni ole ia paha i na manu o na ano a pau, aole hoi e oki i na laau o na aina hoike ia malalo iho a e waiho ia ma Hamakua, moku-puni o Hawaii, oia hoi keia- Opihila, Kaalaea, Hauola, Pa-auilo, Koholalele, Kaineha Kaawikiwiki. Kaao, Kekualele Kakaiau, a me Manowaikohao. O ka poe kue i keia olelo papa, e hoopii ia lakou ma ke kanawai
CHAS. NOTTEY, 900 6m Mar.1.

            E IKE auanei na kanaka a pau, o kela a me keia ano ke nana mai lakou i keia olelo hoolaha. Owau o ka mea nona ka inoa malalo nei. ke papa aka nei au ia oukou e ka poe mea halekuai. mai hoaie mai oukou i kau wahine mare ia Kawai Helekulani, w no ka mea, ua haalele kumu ole mai keia ia'u. Ina oukou e hoaie ia ia e kaa no maluna oukou ko ou-kou poho. Eia kekahi, ke papa aku nei au i na ano kanaka a pau, ohana paha e kuu wahine, mai hookipa oukou ia ia ma ko oukou hale a ma kekahi ano e ae paha, o hoopii au ia oukou ma ke kanawai. E hoolohe o pilikia auanei.
J.D. PAINAPALA. Kaupakea, Feb 20, 1879- 930 4t

OLELO HOOLAHA.

Hoolaha Hoopai Moraki.

                Ma keia ke hoolaha ia aku nei, mamuli o kekahi mana kuai i hoike ia maloko o kekahi palapala moraki i kakau ia ma ka la 17 o Mei, 187 6, i hanaia e Lewis Richrds ia’u, C. S. Bartow, Lunahooiaio o ka Papa Kahu Waiwai o ka “Hawaiian Lodge No. 21 of Free and Accepted Masons” i kope ia ma ke Keena Kakau Kope o ke Aupuni ma Honolulu, ma ka Hale 47, ma na aoao 64 a me 65, a no ka mea ua uhaiia na olelo oia palapala moraki i olelo ia, a nolaila, o na aina a pau, na hale a me na waiwai e ae a pau i hoakaka ia iloko oia palapala moraki i olelo ia, e kuai kudala ia aku no mahope o ka wa i kau palena ia e ka pauku 1, Mokuna 33 o na kanawai o 1874. C.S. BARTOW
Lunahoomalu o ka Papa Kahu Waiwai o ka “Hawaiian Lodge No. 21.” 898 3t

OLELO HOOLAHA.

                UA lilo ia Airine Haalou Kahalelauoko Ii ka loko i-a o “Hanaloa” a me ke kula i pili pu, ma Waipio, Ewa, a ke hookapu nei ia mau wahi, a o Sam Kiwaha ka luna nana e malama. A.F. JUD, Kahu no Airine.
Honolulu, Sept. 9, 1878, 876 6m

AINA KUAI A HOOLIMALIMA.

                HE Kanalima Kumamaono eka aina ma Iwilei. (Makai iho o ka Halepaahao.) He Loko I-a, Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia. J.H. CONEY, (Koni).
Honolulu, 863 tf

            MA ke Keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o Kanakahou k no Honuaula, Maui i make. Ua heluhelu ia a ua waiho ia ka palapala noi a Eila, e noi ana e hooponopono ia ka waiwai a Kanakahou k no Honuaula, Maui i make, a e hooholo ia in a hooilina. Nolaila, ke kauoha ia aku nein a kanaka a pau ke pili, o ka Poakolu oia ka la 12 o Maraki, 1879, ma ka hora 10 am. ma ka hale hookolokolo ma Ulupalakua, oia ka la a me kahi i kohoia no ka hoolohe ana i ua nonoi ia a me na mea kue ke hoike ia.
ABR. FORNANDER,
Lunakanawai Kaapuni Apana 2 H P A.
Lahaina, Feb. 8, 1879 898 3t

            KE hoolaha ia aku nei ma keia, ua loaa aku ia Antone J. Lopes he laikini no ka hanai Bipi a me na holoholona e ae i kuni ia me ka hao J x C ma ka aina o Honouliuli, Ewa, Oahu; a ua ae pu ia aku oia e lawelawe no ka hoohana ana i na kanaka ma ka hana a ke konohiki. Aole no hoi e ae ia na kanaka e ae e komohewa maluna o ka aina i olelo ia. A ina e loaa aku na Bipi a me na holoholona helehewa e ae maluna o ua aina la mahope aku o keia la, e hopu ia no a lawe ia i ka Pa Aupuni e like me ke Kanawai. A e kiia no hoi i ka pu na ilio hele wale a pau.
Kakau ia i keia ia 30 o Ianuari, 1879.
897 4t JAMES CAMPBELL, Konohiki.

            MA ke Keena o ka Lanakanawai Kaapuni A puia 2 o ko Hawaii Pae Aina Ma ka waiwai o Makoliku k no Kipahulu. Maui i make. Ua heluheluia a ua waiho ia ka palapala noi a Mose Ulunahele, e noi ana e hooiaioia ka palapala kauoha hope loa a Makoliku k no Kipahulu, Maui i make 'ku nei. Nolaila, ke kauoha ia nei na kanaka a pau ke pili, o ka Poalima oia ka la 14 o Maraki, 1879, ma ka hora 9 am ma ka hale kula o Mokulau, Kaupo, oia ka la a me kahi i koho ia no ka hoolohe ana i na nonoi ia a me ua mea kue ke hoike ia. ABR. FORNANDER, Lanakanawai Kaapuni Apana 2 H P A. Lahaina, Jan.30, l879. 897 8t

            E IKE IA ma keia ua kapu loa ka hookuu wale ana i na holoholona o kelu a me keia ano. maluna o kuu apana aina ma Kaauhuhu, Hamakua, Hawaii, o Pahoa ka inoa. A ua kapu pu hoi ke kii wale ana i na mea a pau maluna o ua apana aina la. E lilo keia i kanawai mai ka la e puka ai ma ka Nupepa Kuokoa a mau loa aku. A o ka mea kue i keia. e hoouku ia no e like me ka pono. a ua hoomana piha pu aku aa la Peter Poliahu, oia wahi no, i hope a i luna nana hoi, a o hoolohe na mea a pau iaia. SAM'L K. KAAIAI.
Lahaina. Jan. 17,1879. 893 -2m

Hoolaha a na Hope Hooponopono Waiwai.

                ONA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Aio Wailuku, he mea i Banekerupa. Ma keia ke hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T. W. Everett ma Wailuku, Maui. M. GREEN, T. C. ACHONG.
Na Hope Hooponopono W aiwai o ka waiwai o C. Ai he Banekerupa. 895 tf

            KE papa ia aku nei na kanaka a pau aole e komohewa a lawe wale a hoopoino i na mea ulu, a kukulu wale a hookuu wale paha l na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe oa ka pono o pilikia auanei.
JAMES MAKEE & CO. Waihee, Maui, Sept. 7,1878. 876 6m

            AHA Hookolokolo Kiekie o ko Hawaii Pae Alaa, ma ka hoo ponopono waiwai. Ma ka waiwai o Rosalie J. Gilli-land o Honolulu, wahine kane make, i make kauoha ole. Imua o ka Lunakanawai Judd. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Emanuel Cunha o Honolulu e hoike mai ana o Rosalie J. Gilland no Honolulu, he wahine kane make ua make kauoha ole ma Honolulu ma ka la 30 o lanuari 1879 a e noi ana e haawi ia ka palapala hookohu lunahooponopono waiwai iaia ma ke ano hunona na ka mea make. Ua kauoha ia o ka Poalua ka la 4 o Maraki, 1879, oia ka manawa i koho ia no ka hoolohe ana i ua noi ia imua o ua Lunakanawai la, ma ke keena hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ma he kumu oiaio ko lakou e ae ole ia ai ua noi la. A o keia olelo kauoha e hoolaha ia ma na olelo beretan.a a me Hawaii i ekolu pule ma ka Pacific Commercial Advertiser a me ke Kuokoa, he mau nupepa ma Honolulu.
Kakau ia ma Honolulu, ko Hawaii Pae Aina, Ianua ri 7, 1879.
A.FRANCIS JUDD,
Ikea Lunakanawai o ka Aha Kiekie.
A. Rosa, Hope Kakauolelo. 898 3t

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina &3. Ma ka waiwai o Kaiaiole k o Honolulu, Oahu i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 8 o Feberuari 1879, ua waihoia mai imua o ka Aha kekahi palapala i oleloia, oia no ke kauoha hope loa o Kaiaiole k o Honolulu, Oahu i make 'ku la, a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia J. Kekea k, ua waiho ia mai e J. Kekea. k. .Nolaila, ua kauoha ia o ka Poakahi oia ka la 3 o Maraki, 1879, ma ka hora umi am. ma ka Rumi Hookolokolo o ia Aha, ma Aliiolani Hale, ma Honolulu, Oahu, oia ka la me ka hora e hooiaio ia ai ia palapala kauoha. a e hoolohe hoi no ia uoi ana mai. a me ka poe a pau i pili e kue ana ia palapala kauoha, a me ka hoopuka anu i ka palapala luna hooko. A ua kauoha hou ia, e hoolaha no ia mea no na pule ekolu, iloko o ka Nupepa Kuokoa, he nupepa i pai ia a l hoolaha ia ma Honolulu. A ua kauoha hou ia, e hoopuka ia ia palapala kena no na hoike no ia palapala kauoha, a me na hooilina o ka mea make ma keia Pae Aina. e hele mai a e kue i kela palapala kauoha i ka wai oleloia.
Kakauia ma Honolulu, ko Hawaii Pae Aina, Feberuari 8, 1S79. CHAS. C. HARRIS
Ikea Lunakanawai Nai o ka Aha Kiekie.
A. Rosa, Hope Kakauolelo. 898 3t

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o B. Lulana k i make. Olelo kauoha e kuho ana i la e hooiaio ai ka palapala kauoha a no ka hoolaha ana. No ka mea, ma ka la 13 o Feberuari 1879, ua waihoia mai imua o ka Aha, kekahi palapala i olelo ia, oia no ke kauoha hopo loa o B. Lulana k i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Wm. Keaweamahi ua waiho ia mai e Wm. Keaweamahi. Nolaila, ua kauohaia o ka Poalima oia ka la ehiku o Maraki 1879, ma ka hora 10 am, ma ka Rumi Hookolokolo o ia Aha. ma Aliiolani Hale ma Honolulu, oia ka la me ka hora e hooiaio ia ai ia palapala kauoha, a e hoolohe hoi no i a noi ana mai, a me ka poe a pau i pili, e kue ana ia palapala kauoha a me ka hoopuka ana i ka palapala luna hooko. A ua kauoha hou ia e hoolaha no ia mea no na pule ekolu iloko o ka nupepa Kuokoa he nupepa, i pai ia ai hoolaha ia ma Honolulu. A ua kauoha hou ia, e hoopuka ia ua palapala kena no na hoike no ia palapala kauoha, a me na hooilina o ka mea make, ma keia Pae Aina e hele mai a e kue i kela palapala kauoha i ka wa i oleloia.
Kakauia ma Honolulu, ko Hawaii Pae Aina. Feb. 13. 1879.
A.FRANCIS JUDD,
Ikea Lunakanawai o ka Aha Kiekie A. Rosa. Hope Kakauolelo. 808 3f

Hoolaha a na Lunahooponopono Waiwai.

                UA hookohoia mai na mea nona na inoa malalo nei i mau lunahooponopono no ka waiwai o Augus t Conradt o Hanalei, Kauai, H. 1. i make, nolaila, ma keia, ke kauoha ia 'ku nei na kanaka a pau i aie i ka waiwai a e paa nei paha, e uku koke mai; a o na kanako a pau he mau koina ko lakou i ka waiwai i oleloia, ke hoolaha ia aku nei, e hoike koke mai imua o na mea nona ka inoa malalo iho mamua ae o ka hala ana o na malama eono mai keia ia aku, o hoonele loa ia. MARY ANN CONRADT, FRANK BINDT.
Na Lunahooponopono Waiwai o ka waiwai e Augu st Con radt i make
Koloa, Kauai. Feb.8. 1879 898 4t

            MA ke Keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o S. P. Ahiong (pake) no Makawao, Maui i make. Ua heluhelu ia a na waiho ia ka palapala noi a J. D. Havekost ka lunahooponopooo o ka waiwai o S. P. A hiong (pake) no Makawao, Maui i make. e noi ana e hoapono ia kona moowaiwai a e hookuu ia mai ka oihana. Nolaila, ke kauoha ia aku nei na kanaka a pau ke pili, o ka Poakahi oia ka ia 10 o Malaki, 1879, ma ka ho-ra 10 am, ma ka hale hookolokolo ma Makawao, oia ka la a me kahi i koho ia no ka hoolohe ana i ua nonoi ia a me na mea kue ke hoike ia. ABR. FORNANDER,
Lanakanawai Kaapuni Apana 2 H P A. Lahaina.. Feb. 8,1879. 893 3t

            MA ke Keena o ka Lunakanawai Kaapuni A paaa 2 o ko Hawaii Pae Aina. Ma ka waiwai o Hikiau k no Hamakualoa, Maui i make. Ua heluheluia a ua waiho ia ka palapala noi a J. D, Ha vekost ka lunahooponopono o ka waiwai o Hikiau k no Hamakualoa. MAUI i make, e noi ana e hoapo-no ia kona moowaiwai a e hookuu ia ia mai ka oihana. Nolaila, ke kauoha ia aku nei na kanaka a pau ke pili. o ka Poa-kahi oia ka la 10 o Maraki, 1879, ma ka hora 10 am. ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi ia a me na mea kue ke hoikeia.
ABR. FORNANDER,
Lanakanawai Kaapuni Apana 2 H P A. Lahaina.. Feb. 8,1879. 893 3 t

HOOLAHA PAPA.

                O na kanaka a pau i loaa o komohewa ana a e lawe ana i na puaa makanahelehele, na palahu, na hua ai o kela a me keia ano, a e kipa ana ma ua ano e ae, maluna o na aina hanai holoholona o Kahuku, oia hoi o Malaekahana, Keana, Kahuku, Olo, Ulupehupehu. Punalau, Hanakoa, Opana, Pahipahialua, Waialee, Kaunonala, Paumalu, Pupukea, a me kekahi mahele o Waimea, mokupuni o Oahu, e hoopii ia no e like me ke Kanawai. E pepehi ia no na ilio a pau e loaa ana maluna o keia mau aina, a o na lio helehewa a pau, na pipi a me na puaa, e hoopaa ia no ma ka Pa Aupuni.
WM. R. BUCHANAN, Luna.
Aponoia: JAMES CAMPBELL, Konohiki
 Kahuku, Mokupuni o Oahu, Feb. 1, 1819. 899 tf

OLELO HOOLAHA.
Kuai a ka Ilamuku.

                Mamuli o ka pono o kekahi palapala i hoopuka ia e ka Aha Hookolokolo Kaapuni e kue ana ia J. Kupau, no $210 82. Ua loaa mai ia'u ka mana a me ka pono e kuai aku ma ka Poaono, oia ka la 22 o Maraki, A. D. 1879, ma ka hora 12 o ke awakea, ma ke alo iho o ka Hale Kudala o E. P. Adams, Esq.. i na pono a pau a me na pomaikai o J. Kupau i olelo ia, a me hookahi kaa lio lawe ohua, a me na ili kano. Aia wale no ke koe a hookaa mua ia mai na dala i olelo ia a me na lilo a pau
W. C. PARKE, 899 4T Ilamuku.

HOOLAHA A KA HOPE HOOKO KAUOHA.

                Ua loaa mai ia'u ka hookohoia mai ka Aha Hookolokolo Kiekie mai. i hope hooko kauoha no ka palapala hooilina hope loa a Kailua k o Honolulu i make, ma ka la 31 o Dekemaba, 1878, a o na mea a pau he mau koina ko lakou no ka waiwai o Kalua i olelo ia, e hoike mai lakou iloko o na maama eono mai keia la aku, e hoonele loa ia lakou.
LEIAU (w).
Honolulu, Feb. 15, 1879. 893 4t

E. LILILEHUA
Loio a he Kokua ma ke Kanawai!

                IMUA o na Aha Apana a Hoomalu o ka mokupuni o Oahu. E hanaia meka eleu loa. E loaa no au ma Wehekealaula, ma alanui Mau-nakea, a i ole ia, ma ka Hale Hookolokolo a ka Aha Hoomalu ma Honolulu. 898 1 y

S. AUKAI.
LOIO ! LOIO !

                UA ae ia mai oia e lawelawe ma ka Oihana L Loio imua o na Alia Kakau Ole o ka mokupuni o Oahu. 898 1y

            E IKE auanei na kanaka a pau, ua hoonoho ia mai ka mea nona ka inoa malalo iho e ka mea hanohano Abr. Fornan-der, Lunakanawai Kaapuni o ka Apana 2 i Lunahooponopono no ka waiwai o Kekua k o Lanai i make. nolaila, o ka poe i aie iaia a me ka poe ana i aie aku ai e hele mai imua o'u ilo ko o na mahina eono, o hoole mau loa ia.
D. KAHAULELIO
Lunahooponopono o ka waiwai o Kekua k o Lanai i make. Lahaina. Feb. 1, 1879, 897 4t

RAIKI ILI ! RAIKI ILI ! !

                UA hiki no ia'u ke haawi i na kumukuai kiekie ma keia Makeke no na Laiki i wae ole ia ka ili. A e kuai aku no hoi au i ka OKA RAIKI, BARANI ! No na Puaa a me na Lio. &c. &c. &c. Na RAIKI nahaha ai a ka Moa. E kuai aku no Loi i ka Raiki me na poe a pau e hele mai ana, e like me ko lakou makemake ma ka HALE WILI RAIKI MAHU Ma Honolulu, M akai o Ainahou. 895 3m J. A. HOPPER..

            AHA Hookolokolo Kiekie o ko Hawaii Pae Aina, ma ka hooponopono waiwai. Mokupuni o Oahu, H. P. A. ss. Ma ka waiwai o Kalaeone k. i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea. ma ka la 17 o Feb, M H1879, ua waiho ia mai imua, o ka AhA kekahi palapala i olelo ia, oia no ke kauoha hope loa o Kalaeone i make aku la; a me ka palapala hoopii e noi ana e hooiaio ia kela palapala kauoha a e hoopuka, hoi ka palapala luna hooko ia K Coil Hobron, a ua waiho ia mai e E Coil Hobron. Nolaila, ua kauoha U o ka Poalua, oia ka la U o Maraki, M H 1879, ma ka hora 10 a m, ma ka rumi hookolokolo o ia aha, ma Aliiolani Hale ma Honolulu, oia ka la me ka hora, e hooiaio ia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke "Kuokoa," he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, e hele mai a e kue i kela palapala kauoha i ka wa i olelo ia.
Kakauia ma Honolulu, ko Hawaii Pae Aina, Feberuari 17, 1879. A. FRANCl S JUDD.
Lunakanawai o ka Aha Kiekie. Ikea: A. Rosa, Hope Kakauolelo. 899 8t

            AHA Hookolokolo Kiekie o ko Hawali Pae Aina, ma ka hooponopono waiwai. Ma ka waiwai o Henry Gordon o Waialua, Oahu i make kauoha ole. Imua o ka Lunakanawai McCully. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Rebert Halstead o Waialua. Oahu, e hoike mai ana o Henry Gordon o Waialua, Oahu, ua make kauoha ole ma Waialua, Oahu na ka la elima o Feberuari 1879, a ua waiho mai i kekahi mau waiwai me ka hana ole i palapala kauoha a e noi ana e haawi ia ka palapala hookohu lunahooponopono waiwai a palapala hookohu ka-hu malama waiwai o na keiki oo ole ia W. R. Castle. Ua kauoha ia o ka Poakolu ka la 5 o Maraki 1879, oia ka manawa i koho ia no ka hoolohe ana i ua noi ia imua o ua Lunakanawai la, ma ke keena hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi ia. A o keia olelo kauoha e hoolaha ia ma na olelo Hawali & Beretania i ekolu pule ma ka P. C. Ad-vertiser & Kuokoa he mau nupepa ma Honolulu. Kakauia ma Honolulu, ko Hawaii Pae Aina, Feb. 10, l879.
LAW RENCE McCULLY,
Ikea Lunakanawai o ka Aha Kiekie.
A. Rosa. Hope Kakauolelo. 898 3t

MAU AINA WAIWAI NUI MA KE KU DALA.

                Ma ke kauoha a A. J. Cartwright, Esq., ke kahu waiwai. E kuai kudala aku no au ma ke akea, ma ka Poaono, Maraki 15, ma ka hora 12 o ke awakea. ma ka rumi kudala i keia mau waiwai i hoikeia malalo iho, penei:
            Mahele 1—He hale me ka pa hale ma Kaumakapili, Honolulu. Oahu, ka ili he 294 anana kuea. Palapala sila nui hela 2,614 sila a ka poe hoona kuleana helu 68
            Mahele 2—Hale a me pa hale ma Kiki hale, Honolulu, Oahu.
            Mahele 3—Ka loko ia o Pahoaiki, a me ke kula ma Kaluaopulu, kona ili he 39 eka.
            Mahele 4—Ka aina kula o Kaailole me na puu one ma Kaluaopulu, Kalihi, Oahu, kona ili he 56 1-100 eka.
            Mahele 5—Ka aina o Kauhiakanamee l,he aina taro ma ka aina kula ua Kaluaopulu, Kalihi, Oahu. Kona ili he-1 75-100 eka.
            Mahele 6—Ka aina o Kauhiakanamee II. He aina mahi kalo ma Kaluaopulu, Kalihi, Honolulu, Oahu kona ili he 1 57-100 eka.
            Mahele 7— Ka aina o Kauhiakaiiaimee III. He aina mahi taro mi Kaluaopolu, Kahili, Oahu. Kona Hi he 2 10-100 eka.
            Mahele 8— Ka aina o Kauhiakanamee IV. He aina taro, ma Kalauaopulu, Kalihi, Oahu. Kona ili he 2 00-100 eka.
            He maikai na palapala sila. Na ka mea kuai mai e uku na lilo no ka hana ana i na palapala.
            No na mea ano nui e ninau ia Ce cil .Brown, Esq.
E. P. ADAMS, Luna Kudala.
Honolulu, Feb. 17,1879. 899 4t

            MA ke Keena o ka Lanakanawai Kaapooi Apana Elua, o ko Hawaii. Pae Aina. Ma ka waiwai o Joseph B. Hir st no Haiku, Maui, i make. Ua heluhelu ia, a ua waiho ia ka palapala noi a C. H. Alexander. e noi ana e hoopono ia ka palapala kauoha hope loa a J. B. Hirst no Haiku,Maui, i make, a e hoopiha ia ka palapala hookohu iaia a me Robert Mitchell i Luna hooko kauoha.
            Nolaila, ke kauoha ia aku nei na kanaka a pau ke pili, o ka Poakahi, oia ka la 10 o Ma raki. 1879, ma ka hora lla.m. ma ka hale hookolokolo ma Makawao, oia ka la a me kahi i koho ia no ka hoolohe ana i na nonoi ia a me na mea kue ke hoike ia.
ABR. FORNANDER,
Lunikanawai Kaapani Apana Elua, Lahaina. Feb. 11, 1879. 899 34*

Kuai a ka Ilamuku.

                MAMULI o ka pono „ kekahi palapala i hoopuka ia e ka Aha Hookolokolo Kiekie, no Weloula k, kue ia Puuo-waina k, Pooila w, a me Hoopii kana kane, no na dala he 740 35.100. Ua loaa mai ia'u ka pono no ke kuai aku ma ka Poaono, oia ka ia 29 o Maraki. A. D 1879, ma ka hora 12 o ke awakea, ma ke alo iho o Aliiolani Hale, i na pono a me na pomaikai a ka poe i hoopii ia i olelo ia, i kela apana aina a paa e waiho ala ma Wananalua, Hana, mokupuni o Maui no-na na eka he ehiku. Sila Nui Helu 3108, a me na kuhikuhi i hoike ia maloko o ka buke kope o ke Aupuni, Helu 31 ma ka aoao 315.
            O kekahi mahele o keia aina. aia no ma ke awa ko moku o Hana. A pela pu no hoi me keia apana aina ma Huelo Ha-makualoa, Maui, nona na eka he222. I hoike ia hoi ma ka buke 48, aoao 256. aia wale no ke koe o keia, a uku mua ia mai na dala i hoike ia a me na lilo e ae a pau.
W. C. PARKE, Ilamuku.
Honolulu, Feb. 21,1879. 899 5 t

ANO NO I LOAA MAI NEI

                Na Kaa Lio Holo Lealea! Na Kaa Lawe Ohua a me na kaa holo palua, niau mea hoikeike aku, mai ka Hale Hana Kaa mai o ka Hui o Cortland ma Nu Ioka. DILLIN GHAM & Co., 867 tf Na Agena kuai ma Hawaii nei.