Ka Nupepa Kuokoa, Volume XVIII, Number 14, 5 April 1879 — Page 3
E NA
Lede a me na Keonimana!
o ka
MAKANI APAAPAA O KOHALA .
E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Malaila no e loaa ai ia oukou keia mau Waiwai Maikai malalo iho nei: NA PAPAle WAHINE HULU NANI HOU LOA E PULELO AI I KA MAKANI. Ina no hoi e kau mai i ko poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a " Kau ka Iwa he Ia makani," i ka ua mea o ka Nani Lua Ole, o'u no oe la o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae, ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai ; ina no hoi oe e Hoani ne ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NA KALAKOA. Eia no hoi na Lole Kalakoa ke ahu mokaki mai nei o na ano he nui wale. Na Pahu. A pela no hoi me na Pahu Pake, i hele kelu a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liilii, a me na waiwai e ae he nui wale. he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, Nov. 9, 1878. 885 tf
Kahikina Nui!
Helu 62 Alanui Papu.
$50,000 ka Heluna o na Lole Nani, a me na Lole " Aulii " Maikai, na Lole Kane, na Kamaa Puki, na Kamaa Haahaa, a me na mea nani e ae he lehulehu wale. E KUAI IA AKO ANA ME KA EMI IHO MALALO o KE KUMU LILO. Ua hoonee ae nei o Magnin i na mea nani, a me na mea maikai a pau o Kona Hale Kuai ma ke Alanui Nuuanu ma na lumi maemae o Kahikina Nui. Ke Ualo aku nei ia i na mea a pau, e kipa ae malaila, a e loaa no na mea " Hoohie," a Hoonani no na la " Kulaia," o kakou o hiki mai : NA LEDE, A ME NA KEONIMANA, Hele mai nui ! Hele mai pau loa! E kuai hooemi aku ana nu i na mea a pau mamua o ko'u kaawale ana aku ; no Europa i keia " Kupulau " ae. O ka mea e kuai mai a oi aku mamua o na kauna elua ka heluna, alaila e manuahi ia aku na mea nani no na kane me ua wahine. 890 tf S. MAGNIN.
KAUKA T.P. TISDALE.
HOMEOPA TIKA.
AIA kona keena a me kona wahi noho ma ke alanui Beri tania, mawaena o ka halepuke o Kaukeano a me ka pa o ka Moiwahine Ema. E hamama ana ke keena mai ka hora 8 a hiki i ka hora 10 am., a mai ka hora 1 a hiki i ka hora 3 pm. a me ka hora 6 a hiki i ka hora 9 o ke ahiahi. Honolulu, Nov. 12, 1878. 883 tf
Na Wa ti a me na Nani Hoo-hiluhilu.
KE hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM, Na KAULA GULA, Na KAULA DALA. Me ua Wati Nui Amerika i kupono no ke kau-hale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha. He 25 keneta wale no ke aniani poi o ka wali. Aia kona halekuai ma ke alanui Nuuanu, ma o mai o kahi o Hollister & Co. 893 6ma.
E Kuai ia Ana,
HE 1,000 Hipa a me 8,000 Kao o ka Hui Hanai Kao o Kaupulehu ma Kona, Hawaii. E ninau ia H.Cooper (Kupa) o Kailua. 858 tf A. S. CLEGHORN & GO.,
E IKE auanei na mea a pau: owau o John Kalaniula ke keiki ponoi a John Kowelo o Wainiha, Kauai i make. Ke papa aku nei au i ka poe a pau e noho la maluna o kuu aina kuleana e waiho la ma Wainiha, Kauai, nona na palena i hoakaka ia ma ka Palapala Sila Nui Helu 11,063, aole o lakou kuleana e lawe a e hana paha ma ke ano e pepehi i ka inoa o kuu makuakane i make me ka manao e lilo ua aina la ia la- kou. O ka mea kue i keia e hoopii no au ia lakou ma ko kanawai o ka aina.
903 4t* JOHN KALANIULA KOWELO.
Hoolaha a na Hope Hooponopono Waiwai .
O NA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Ai o Wailuku, he mea i Banekerupa. Ma keia ke hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, & i ole ia ia T. W. Everette ma Wailuku. Maui.
M. GREEN, T.C. ACHONG.
Na Hope Hooponopono Waiwai o ka waiwai o C. Ai he Banekerupa. 895 tf
HOOLAHA PAPA.
E IKE auanei na kanaka a pau loa. Owau o ka mea nona ka inoa malalo iho, ma keia ke hookapu aku nei au, a ke papa nei i na kanaka a pau aole e komo hewa aole hoi e lawe aku i na puaa bipi a me na lio i kuni ia a i kuni ole ia pa- ha ; ua manu o na ano a pau, aole hoi e oki i na laau o na aina i hoike ia malalo iho, a e waiho la ma Hamakua, moku-puni o Hawaii, ola hoi keia. Opihilala, Kaalaea, Hauola, Pa-auilo, Koholalele, Kainehe, Kaawikiwiki, Kaao, Kekualele, Kukaiau, a me Manowaikohao. O ka poe kue i keia olelo papa, e hoopii ia lakou ma ke kanawai. CHAS. NOTTEY, 900 6m Mar. l,
KE papa ia aku nei na kanaka a pau aole e komohewa a lawe wale a hoopoino i na mea ulu, a kukulu wale a hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe oa ka pono o pilikia auanei.
JAMES MAKEE & CO. Waihee, Maui, Sept. 7, 1878. 876 6m
MA ka waiwai o Kaiaiole k, o Honolulu Oahu i make me ke kauoha, ke koi ia aku nei na mea a pau ana i aie ai e hele mi imua o'u a me ka poe i aie iaia e hele mai e hookaa ia'u, ao ka poe e paa ana i kekahi mau waiwai o ka mea make e hoihoi koke mai, a e loaa no au ma Kamakela Honolulu, ma kela a me keia Poaono. J. KEKEA k,
Hooilina a hooko kauoha ma ka waiwai o Kaiaiole. 903 3t*
MAI keia manawa mahope aku nei. Ke papa ia'ku nei na kanaka a pau, mai hookuu a hooholo i ka lakou mau holoholona maluna o na aina o ke Alii ka Mea Kiekie Ku ta Keelikolani e waiho ia ma ka mokupuni o Molokai, mai Kapaakea a hiki i Kaluakoi, me ka ae like ole mamua me ko'u hope R. W. Meyer. A ina e kue kekahi i keia olelo papa, alaila, e hoopii ia no ma ke kanawai.
SIMON K. KAAI, Agena o ke Alii R. Keelikolani 903 4t
Hoolaha a ka Lunahooponopono Waiwai.
MA ka waiwai o Rosalie Gilliland o Honolulu, mokupuni o Oahu i make. Ua hookohu pono ia mai ka mea nona ka inoa malalo iho, i lunahooponopono waiwai no ka waiwai o Rosalie Gilliland o Honolulu i make, a ma keia, ke hoike ia aku nei i na mea a pau he mau koina ko lakou no ka waiwai i olelo ia, e hoike mai imua o'u me na palapala hooiaio pu mai, ma ko'u keena hana ma alanui Kalepa ma Honolulu, ma ka mokupuni o Oahu i olelo ia, iloko o na malama eono mai ka la aku e puka ai keia olelo hoolaha, a i ole e loa ia aku lakou.
E. S. CUNHA. 902 4t*
E IKE na kanaka a pau ma keia hoolaha, o maua na mea nona na inoa malalo iho, mamuli o ke kauoha a ka Aha Kiekie o ko Hawaii Pae Aina ia maua ; i mau Luanhoopono-pono no ka waiwai o Pi Lulana o Honolulu i make, a nolaila ke kauoha ia aku nei ka poe a Lulana, i aie aku ai a me ka poe i aie mai ia Lulana e hoike mai ia maua iloko o na mahina eono mai keia la aku.
Wm. KEAWEMAHI (k) A. KEPA (w). Kamanuwai, Honolulu, Mar. 19, 1879. 904 4t*
Hoolaha a ka Lunahooponopono Waiwai.
UA hookohu ia mai ka mea nona ka inoa malalo nei o ka mea hanohano F. S. Lyman, Lunakanawai Kaapuni Apa- na 3 o ko Hawaii Pae Aina, i luanhooponopono no ka waiwai o I. Kamai o Piihonua, Hilo i make aku nei. Nolaila, o ka poe a pau i aie i ka mea i make e hookaa koke mai, a me ka poe ana i aie aku ai e hoike koke mai i ka lakou mau bila aie kupono i hooiaio ia, maloko o na mahina eono mai keia la aku, o hoole ia; a ina ae mau waiwai kekahi o ka mea i make ma ka lima o kekahi mea, e hoihoi koke mai ia'u.
V. KAMUKAI
Lunahooponopono Waiwai o I. Kamai. Hilo, Mar. 7, 1879. 902 4t
WAHIE! WAHIE !!
Auhea ka poe
KAHU AI, a me ka poe PUHI PALAOA !
He mau PAILA WAHIE no ke kumukuai makepono! E ninau ia S. E. Timoteo ma ka pa o ke Kula Kahunapule, ma Kawaiahao. 902 tf
OLELO HOOLAHA.
Castle a me Hatch.
O KAKELA OPIO A ME F. M. HATCH, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Papu. 3 6ma
ALFRED S. HARTWELL,
[HAKAWELA.]
LOIO a he KOKUA ma ke KANAWAI!
Aia kona Keena Oihana maluna ae o ka Hale Baneko Hou o Bihopa ma. 867 tf
CECIL BROWN.
LOIO A HE KOKUA MA KE KANAWAI
A HE agena no ka Hooiaio ana i na Palapala no ka Mokupuni o Oahu. Helu 8. Alanui Kaahumanu Honolulu. H.P.A. 2y
S. B. DOLE,
HE LOIO A HE KOKUA no na KANAKA ma ke Kanawai. E hiki no laila ke lawe i na hihia o ke la a me keia ano imua o na Ahahookolokolo a pau i keia Aupuni. Keena hana ma Alanui Papu, maluna ae o ka Halekuai o Likikini.
Honolulu, Oahu, Januari 19, 1878. 3 ly
RICHARD F. BICKERTON,
[PEKETONA.]
LOIO a he KOKUA ma ke KANAWAI !
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, inoa paha ma Oahu nei, a ma na Mokupuni e ae. Ua makaukau mau oia i ka hana i na Palapala pili kanawai o kela a me keia ano. Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 ly
S.W. MAHELONA
HE LOIO! HE KOKUA A HE PALE
ma ke Kanawai.
UA makaukau au e lawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m
JNO. LOTA KAULUKOU
LOIO A HE KOKUA.
UA makemake au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m
DAVID K. MALEKA.
Loio a he Kokua ma ke Kanawai.
UA makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia po na kauoha mai na wahi a pau o ka mokupuni me ka hikiwawe loa. 882 ly oc26
EDWARD KEKOA.
HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 ly oc26
J. KAPOHAKIMOHEWA.
He Loio a he Kokua.
NO na Aha Hoomalu a me Apana o ka moku- puni o Maui. E loaa no au ma Makena, a e hooko ia na kauoha mai na wahi e ae o ka mokupuni mo ka eku a me ka hikiwawe loa. 883 6m no2
S. M. P. KALEO.
He Loio, he Kokua, a he Pale ma ke Kanawai.
NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 ly no9
P. NUI.
LOIO! LOIO!!
O ka Ua Ukiukiu o Makawao, Maui.
UA makaukau oia e kokua i ua mea a pau e hele aku ana i ona la, ma ua mea pili kana-wai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16
HEN RY N. KAHULU
Loio a he Kokua ma ke Kanawai.
UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16
A SA KAULIA.
Loio a he Kokua ma ke Kanawai.
UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alauui Papu, Helu 31 ; a e hooko ia na kauoha mai na wahi a pau o ka mokupuni me ka eleu a me ka hikiwawe.
885 ly no16
L. A. THURSTON.
LOIO!
WAILUKU, MAUI.
889 6m dec 14
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawai- hau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Wai-akalua, Koolau, Kauai. E makaala no au i na kauoha me ka eleu loa. 895 ly Jan. 25.
J. W. M. POOHEA.
He Loio a he Kokua ma ke Kanawai.
No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hoo-iaio Palapala Kepa no hoi no ia Apana. E hoo-kola na koi-i a ka makemake me ka eleu loa. E loaa no au ma ko'u home ponoi oia o "Kalau-onaona," ma Wawaia, a i ole ia, ma ka Hale-hookolokolo ma Pukoo. 895 ly Jan 25.
Nuhou o ko na Aina e
[Koena mai kela pule mai.]
Hoomakaukau na Zulu no ka lele kaua mai.
He 4,000 poe Zulu i lele kaua aku malu-na o na puali koa o Konela Wood, aka, ua kipaku ia aku na enemi me ka nui o ka poi-no a me ka make. He nui na hoouka ana mai a ka enemi maluna o ko Konela Pia-sona mau mahele koa, a ua hookuemi hope ia kekahi maa mahele mai ko lakou mau kulana mai, aka, o ke kulana ikaika o na puali i ku ai, aole ia i hoi hou aku i na ene-mi. Ke nee ia na puaii o ka enemi i Ekowe, kahi a Konela Piasona o na Beritania e hoolulu ai i kona mau koa, a ke manao wale ia nei, he kaua hahana ke hoouka ia ana, nolaila, ua emi hope aku o Konela Wood i Utereke e hoomalu a malama i ko laila ma luhia.
He le ta malu ke hoike ana, mai ke kia-aina ae o Kupero a i ka mea kakau o ka nupepa Manawa, e olelo ana ua leta la, he nui kona kaumaha no ka hopena o ka poino o ka lahui Zulu. Aia o Enelani iloko o na lumilumi ana o ka popilikia no ke ola a me ka make. O ka lahui Zulu he lahui puni koko a puni kaua o Aferika Hema, o ko lakou huina nui he 200,000, a ua hiki ke lawe ia mai i 40,000 i makaukau no ke kahua kaua iloko o ka wa pokole, a he he-luna nui a ikaika ka puali nana e hoopio ia lakou ; nolaila, ina e ala io mai ana he kaua, alaila, he hookahe koko nui ia. E olelo ana hoi he hoa'loha o ua kiaaina nei, o keia puali Zulu e hoomakaukau ia nei no ke kahua kaua, he oi aku o ka hana ino a me ka hoomainoino.
O ka lono hope i lohe ia mai, ke liuliu nei no Zulu e lele kaua mai me ko lakou mau puali a pau, a he nui ka pioloke a me ka pioo o na kamaaina a puni ka aina ; ke hoouna nei ke alii o ka poe Zulu i na elele i na okana aina e ae, me ke kauoha pu aku ia lakou, aole e haalele wale i ko lakou mau pono pili paa, a me ka luku aku i na ili keo-keo a-pau o Afe rika Hema. O kela a me keia ili keokeo, ua hoolako lakou ia lakou iho me na mea eha no ke pale aku i ko lakou mau home, malalo o ka hoomalu pu ana mai o na puali koa. Aole kanalua ana no ka lanakila e kau mai ana maluna o na puali o na Beretania, aka, o ka pili kaumaha, ke pahola nei mamua o ka hiki ana mai o na puali koa.
Aia na puali koa o Konela Piasona nona ka heluna he 1,200 he kanakolu mile iloko o ko ka enemi mau okana aina, aka, oiai lakou ma ia wahi, ua hoopuni ae ka enemi a puni lakou, aka, ua lawa ke ola o kona puali no ka ai no na mahina elua.
Ke Keiki Alii Lui Napoliona.
Ua lawe aku ka mokuahi Danube i ke Keiki Alii Imeperiela Napoliona a me kona mau ukalii no Aferika Hema, e hui pu aku me na puali kaua Beritania ma ke ano he koa. Maloko o kana leta ia Rouher, e hoike ana oia i kona manao ponoi iaia penei: " No ewalu makahiki i hala, ua lilo au he makamaka aloha no Enelani, a ua lawa ko'u hoonaauao ia ana ma kona mau kula koa. Ua hoopilipaa ia ko'u manao ma ke ano he hoa'loha na puali kaua o Beritania, no'u a e lawelawe pu iloko kana mau hana. O na ouli o ke kaua ma ka hema, he ano kaumaha ; aka, ke iini nui nei au e ukali pu aku no kona hopena. Aole e hiki ia'u ke umi i ke komo pu ana aku iloko o na pilikia a me na poino o koaa mau puali, oiai, he nui ko'u mau hoa'loha iwaena o lakou ; nolaila, e hoomaunauna ole ia ka manawa no'u no ka hoakaka ana no na popilikia o ke ao malamalama e paio aku nei i na hana ino. "
Mau koa hou no ka Hema.
Ua hoolimalima aku ke aupuni o Beri- tania i ka mokuahi Anedo, e halihali aku i na puali koa hele wawae no ka Hema, a o keia ka 16 o na moku i hoolimalima ia no ka lawe ana i na puaii koa a me na mea ka. ua no Aferika.
Ke kaua Afeganitana.
E hoike ana ka lono mai Calakuta mai, ua ano pau ke kaua mawaena o Afeganitana a me Enelani; a ua hoike pu ia mai no hoi, ua make o Shere Ali ka Ameer o Afegani- tana ; e like me ka lono mua i lohe ia mai ai ia kakou, a o kana Keiki o Iakuba Kana, ua hoouna aku oia he elele noi kuikahi ia Haku Litona, ke Kiaaina o Inia.
Ua ike ia ka lahui Afeganitana he lahui akamai a maalea ma ka lakou mau hana me na malihini, ua hopu pio ia e lakou i ka makahiki 1842 na Be ritania, a luku ia he 26,000 kanaka.
Aole i komo loa aku na puali koa Be ritania iloko lilo o ka aina, no ka hiki ole aku ke nee imua no ke anu a me ka paa i ka hau, aia wale no ka hiki a hoi mai ka mehana.
He nui na lono e pili ana no ka make ana o ka Ameer, aka, UA hoike ia ae, ua haawi oia i ke kauoha ia Iaku ba Kana. Ua hoomaopopo pu ia no hoi, ua imi aku ka Ameer i puuhonua nona ma Tasakena, kahi o na okana aina o Rusia, a ilaila oia i mai loa ai a make iho la. O ka hoahanau o ka Ameer, he mahina i hala aku nei, i kona ike ana ua haule ka pono o Afeganitana, ua hele aku oia me kona puali a haawi pio aku imua o na Beritania.
I na ua hoouna aku o Iakuba Kana i kona manao e hoopau ana i ke kaua, alaila, e hooiaio mai ana o Haku Beaconfield i ko Inia mau palena maluna o na palena e noonoo ia ana, e like me ka mea i olelo wale ia, e hoohui aku i kekahi lihi aina nui o Afeganitana, Aka, e noho hoomalu no o Iakuba Kana ma ke ano he Keiki Alii ma ka inoa, aka, malalo no nae oia o na alakai ana o Beritania. Aole he mau kahoaka no Rusia, no ka hele ana mai e kokua i na Afeganitana, a me he la paha, ua waiho aku oia ia lakou e hana i na mea i kupono me ke aupuni o Inia. O ka lanakila i loaa ia Beritania maluna o Afeganitana he hoike ana ia i na moolelo kaua o Inia mawaena o na lahui o Europa a me na kamaaina. O na hoopaapaa a me na lili ana iwaena o na alakai kamaaina, ua hoakoakoa ia i kahi hooa oi aku mamua o na lanakila ma ke kahua kaua.
Lui Napoliona ma ke Kula Koa.
I ka wa o ke Keiki Alii Lui Napoliona ma ke kula koa o Enelani, a iloko o na hora kula, ua oi aku kona hoolohe a me ke akahai mamua o ka punahele a kekahi makua-hine, aka, mahope iho o ka pau ana o na hana ao o ka la, aole he opio o ka oihana koa i piha hauoli i na ano lealea i pau e like me ia. I kekahi keonimana opio nona ke kulana a me na makahiki i like me kona, i kapa ai iaia iho he mea hoonee kii, ua hana iho la a oia i ka lepo i hoowaliia a hookaawale iho la, nonoi aku la oia i ka oluolu o ke Keiki Alii e hoohee ia kona ano ma kona kulou ana ihe iloko o keia lepo; ua hoohakalia ole ia ka manao o ke Keiki Alii, aka, kukuli iho la oia ilalo a luu aku la i kona helehelena iloko o ka lepo i hoowaliia ; a no ka manao o ke keonimana hoohee kii, aole e loaa he kohu kupono no kona helehelena nolaila, lalau aku la ka mea hoohee kii ma ke kua o kona poo, a onou iho la iaia me ka ikaika ilalo, a i kona manao ana ua kohu aku la ko ; ke alii helehelena i ka lepo, hookuu ae la oia iaia me kona ano paupauaho, a me kona mau maka i oki loa i ka lepo; oiai ua makaukau keko ka palolo, i hoohee ia, nolaila, ua ninini ia aku iluna o ke ana o ka helehelena o ke Keiki Alii; ua akoakoa koke mai la kona mau hoa kula a me ka lehulehu e ike i na hana a ko lakou hoa hoohee kii; a i ka ma-kaukau ana no ka wehe ana ae i ka palolo, ua like ka helehelena o ke Keiki Alii me kekahi huewai ihiloa, no ka mea, ua kahe aku ka palolo ma kahi hakahaka o ka ihu o ke ana, a komo loa aku la ilalo o ka lepo no umi iniha ka loihi, a ua ano e loa ke nana aku. Ia wa ua aka ke anaina mai o a o, o ke Keiki Alii kekahi i komo pu ma ka aka-aka ana, a ua oi aku kona ano hauoli i ko na mea e ae a pau malaila ; aka, aole nae oia i ae e lumai hou iaia iho iloko o ka lepo, I no ka mea, ua manao oia, aole e loaa ana he kohu maikai no kona kii, a e hele loa aku ana i ke ino loa. Ua malama ia keia kii ma ke keena o ka hale oihana koa, me na olelo i kakau ia, " Ko Napoliona IV kii poo."
Ua loaa mai ia makou he nupepa, nona ka inoa Ka Paahana o ka Hema. a maloko olaila i ike iho ai makou, ua hoouna ia aku kekahi pahu nui o na mea kahiko o Hawaii nei a me ko na mokupuni malalo aku nei o kakou, no ka hoikeike nu ke kula o Hamp-ton i na mahina i hala aku nei. Ua nui ka mahalo ia o keia mau mea, e laa na akoakoa o na ano like ole o ko kakou mau kuaau, na pohaku pele o Kilauea a me ko Haleakala, na umeke, pohaku kui ai a me na mea like; a o ka mahalo a me ke'loha ka na haumana a me na kumu, o ke kula e pahola mai nei imua ou e Hawaii.
NU HOU KULOKO.
POALIMA MAIKAI.—O ka la inehinei, Apr. 4, oia kekahi o na la i hoomanao ia e ke-kahi poe, a ua kapaia o ka Poalima maikai.
HE PUA I MOHALA.—Ma ke kakahiaka o ka Poaha nei, ma Kahehuna, Honolulu, ua hanau mai he keikikane na T. S. Kalama a me Mahua.
LUNAMAKAI HOU.— Ua hauoli makou ke hoike aku, ua hookohu ia ko makou makamaka oiaio Asa Kaulia i Lunamakai no ka apana o Koolaupoko ma kahi o Levi Kelii-pio i kuu aku la ka luhi.
HOOKAULUA IA.—Ma ka Poakahi iho nei no ka nui loa o ka ino a me ka makani, nolaila, ua hookaulua ia ka holo ana o kekahi o ko kakou mau moku Kuna holo pili aina a ka wa kupono.
NA ALEMANAKA O 1879.—Ke kauoha ia aku nei na Luna o ka "Nupepa Kuokoa," i na he mau koena Alemanaka koe e waiho nei ma ko oukou mau lima i hoolilo ole ia. He mea pono e hooili mai ia makou ma Honolulu nei me ka hookaulua ole.
HAOLE MAKE.—Ma ke kakahiaka Poalua iho nei, ua loaa aku ke kino make o kekahi haole o Wm. Arkins ka inoa e waiho ana ma alanui Ho tele. He omaimai no oia iloko o na la i hala ae nei.
AOHE UA.—Ma na leia lehulehu i loaa mai ia makou mai kekahi mau makamaka mai o na apana o Hilo, Kohala, a me na wahi e ae no hoi o ka mokupuni o Hawaii, aia ke pahola nui la ma ia mau wahi ka wela a me ka maloo. Aohe ua no na mahina elua ka loihi, a ina e mau ana ia pi likia, alaila, he kau pamaloo nui io ana keia.
MOKUAHI HOU O WAILA.—Ke hoike aku nei makou imua o ka lehulehu. O ka poe a pau e manao ana e hoouna mai i ka lakou inoa i manao ai no ka mokuahi hou o Waila e kapili ia 'la ma Kapalakiko. He mea pono ia lakou e hoouna pololei mai ma kona Hale Oihana ma ka Pa Kuai Papa ma ka huina, o na alanui Papu a me Moiwahine. ma Honolulu.
HAOLE KAHA KII.—Ma kela mokuahi aku nei. i hiki mai ai he haole kaha kii, i holo mai nei oia e kaha i ke kii o ko kakou lani Moi, a me ka poe e ae e makemake ana ; a e noho iki ana oia me kakou no ka manawa; ua kaulana keia haole ma keia hana, no ka noeau a me ke kulike o ka helehelena o ke kaha ana, nolaila, ano ka wa no oukou e na makamaka.
NA PALAPALA.—He lehulehu na palapala i loaa mai ia makou iloko o keia pule mai na makamaka mai. A ke hoike aku nei makou imua o na makamaka nana i hoouna mai ia mau palapala, ai oana akahele makou, i ua hooponopono ia hoi. A o kekahi o na kauoha iloko oia mau palapala. ua hooko aku nei makou, a o ke koena e hooko aku ana no makou mahope me ke kanalua ole.
KA MOKUAHI ALASKA.-~Ma ka Poalua iho nei i kipa mai ai ka mokuahi "Alaska" ma ke awa o Kou, no ka mea, ma ka la 6 o Ma raki i hala ae nei, ua haalele aku oia ia Kapalakiko no Yokohama, Kina, aka, ia ia e haulani ana ma ka moana, ua halawai oia me ka ino a poino kekahi wahi o kona kino, nolaila o'a i kipa mai ai io kakou nei e hooponopono hou i na wahi i pilikia. O kekahi keia o na mokuahi o ka laina hooholo mokuahi e holo nei mawaena o Kapalakiko a me Kina.
HE PEA(FAI R).— Ma ka Poaono oia ki la 19 o Aperila nei. a mamuli hoi o ka ae ana mai o H.P. Wood Esqr. E malama ia ana maloko o ka Halekula Hui o Halealoha ma Lahaina, Maui, he ahaaina i kapa ia he pea (fair). E noho kino ana ka Moiwahine Kapiolani malaila. O na loaa a pou e haawi ia ana no ke St. Croos School. E wehe ia ana na puka i ka hora 2 P.M. E eleu ae e na keiki o ka lai ulu aloha o Lele.
KULA BE RITANIA MA WAILUKU.—Mai ka peni mai a J. Haole o Wailuku, Maui, i ike ai makou, ua hoohui ia na Kula o Wailuku, Waikapu, a me Waiehu, ma Wailuku. A ke ao ia 'la i ka olelo Beritania ke ki e wehe ai i na pahu waiwai o keia au naauao. Aia ka hookele ana o keia Kula malalo o Mr Kinney a me kana wahine me ko laua mau kokua ; Imua e ko Wailuku opio ma ka ike olelo Beritania.
KE KANAWAI.—No ka pilikia o ko kakou. mea kakou Kanawai iloko o keia mau pule mamuli o kona hooikaika ana e kakau i kekahi mau manao e kokua ana ia kakou mai ke komo ana aku iloko o na lapaau ano naaupo ana ma na mea e pili ana i keia mai fiva e laha nei iwaena o kakou, nolaila. ua hoopanee ia ka helu 30 o ke Kanawaii a ka wa kupono. E hoomanawanui kakou.
KA LAPAAU ANA.—Ma kekahi wahi o ka pepa o keia pule, ke hoopuka 'ku nei makou i kekahi manao malalo e ke poo, Ka lapaau ana, i kakau ia e kekahi o ko kakou makamaka i aloha ia kakou Hawaii. He ano like keia me na helu manao a makou e hoopuka mau nei malalo o ke poo. Na Kanawai o ke Ola Kino, ke nonoi ia aku nei ka oluolu o ko makou poe heluhelu, e heluhelu akahele i keia manao me ka noonoo, alaila, oia ka pono a me ke ola nou e Hawaii opio
MAKE HIKIWAWE LOA.—Ma ka la 14, o kela mahina ma Wainiha, Kauai, ua make hikiwawe loa o Z. Seta kekahi o na makamaka i kamaaina mau me makou, a he hoa hoi iloko o ka hale ao hookahi (Lahainaluna.) Mamua o kona make ana, ua hele oia i ka lawaia a i kona hoi ana mai i kauhale, halawai oia me kekahi leta mai ka Lunakanawai Jno. Kakina aku, i kona heluhelu ana a pau, o ka hehee mai la no ia a make loa. No kekahi mau makahiki i hala ae nei, ua lawelawe oia ma ka oihana Lunamakai no ka apana o Hanalei. Me ka ohana i hoonele ia i ka makua ole ko makou walohia.
KA MOKU KUNA "WAIOLI."—Ma ke ahiahi o ka Poakahi o keia pule no, ua haalele iho ka moku kuna "Waioli" ia Honolulu nei no Hana. Maui, aka, no ka hiki ole ia ia ke holo imua, no ka mea, ua kiekie mai na ale ahiu o ka moana maluna o ke kiekie o kona mau pea, nolaila, ua hoi mai oia a ku mawaho o ka nuku o Mamala. A ma ke kakahiaka o ka Poakolu iho nei, ua hoao hou aku oia e holo iloko o ka ino a nie ka huhu o na ale a hiki ma ka pali o Kaholo, loaa hou oia i ka poino i oi aku ma ka naha ana o hope a iloko o ke anu a me ka hoomanawanui o ka poe maluna o ka moku ma ka pauma ana i ka liu, ua hiki hou mai lakou i Honolulu nei ma ke kakahiaka Poaha nei. "Pomaikai ke ola na ke Akua."
HE MAU NANE HOONANEA.—Nane l Ehiku ka huina o ko'u mau hua, o ko'u hua 1,aia au iloko o ke kai a maluna o ka aina, o ko'u hua e 2, ua kau ia au i ka lani i ka opua hookiikii, o ko'u hua e 3. ua hooluhi ia au e na lahuikanaka a pau o ke ao nei, ko'u hua e 4 a me 6, pili au i kekahi mea oolea, ko'u hua e 5 me 7, ua hanau ia au mailoko mai o na lahuikanaka a pau o ka honua nei. Owai ko'u inoa ia oukou? A mailoko mai au owai i hanau ia mai ai? E imi oukou a loaa. J. K. KAHOLI.
Nane 2. Kuu wahi i-a, oki ia kona poo a me kona hiu a moku, alaila, e pau ana i ka ai ia e oukou, a he mea hoi i makaleho nui ia. Lawe hou au i kona hiu a hookuu iloko o ke kiowai, a mahope kiei hou aku au, aia hoi, ua kupu, na laha, ua kuakahi, ua kualua. E hai mai i ka inoa o kuu wahi ia. G.W.K. HOA.
EHA LOKO NIUA I KE ALOHA—Mamuli o ka pili loihi ana a ka nawaliwali; ua hukia okoa ia aku la e ka make, o Hezekia Naluai,
i ka la 23 a aku nei o Maraki, ma Halawa Molokai. He kanaka oia i kamaaina i ko Molokai a puni no ka, oluolu a me ke aloha. O ka oihana kamana a me ka mahiai, na hana i hoopihaia ai kona mau ia ikaika, a hiki wale i ka pouli hala ole ana mai a ka eha e hoomalule i ke kino. A eia mahope nei ona he ohana lehulehu me ka naau. walania i ke aloha nona.