Ka Nupepa Kuokoa, Volume XVIII, Number 15, 12 April 1879 — Page 1
KA
NUPEPA KUOKOA:
KE KILOHANA POOKELA NO KA LAHUI HAWAII
BUKE XVIII. HELU 15. POAONO, APERILA 12, 1879 NA HELU A PAU 906.
KA NUPEPA
Kuokoa me ke Okoa
I HUIIA.
NA OLELO HOOLAHA —O na Olelo Hoolaha he 10 laina kakau lima, he Hookahi Dala no ka puka mua ana: elua puka ana, he $1.50 ;
no hookahi mahina, he $2.00.
NA KANIKAU A ME NA MELE :—He 10 Keneta ka uku no ka lalani hookahi, ua like me $1.00 no 10 lalani.
HOOLAHA MAU :— E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.
E hoomanao e na lehulehu, aole e hoopukaia kekahi Olelo Hoolaha, Kanikau a me ke Mele, ke ole e hookaa mua ia mai ka uku.
KA LIO KEOKEO
O KA
WAOAKUA!
KE KANAKA OPIO PUUWAI WIWO OLE,
KE PUKONAKONA O KONA MAU
LA, A O KA OI HOPO OLE
O KONA MAU ENEMI. MOKUNA XXIV— HELU 26.
IA manawa, oki hou keia i kekahi apana hau hou, a haule mai la iloko o ka wai, ike aku la keia he puka, a uiuiki mai la ka malamalama o ka la iloko o ua lua nei.
Puka aku la keia mawaho o ua lua make nei ona, a kau aku la iluna o ka hau, nana keia i ka puu hau e ku ana ma kona aoao, a ike iho la keia o ka puu keia i kanu ola ia ai oia.
I kona puku anu iwaho, huli keia a nana no kona mau hoa, me kona manao e huli mai ana lakou iaia. Aole nae oia i ike iki i kekahi o lakou, a nolaila, manao iho la keia ua haalele lakou iaia a ua hoi nui i ka moku.
Ku keia a hele uku ma kahi ana i haalele iho ai ia lakou, a i nana io aku ko ia nei hana, ua pau io lakou la i ka hele.
Pa aku la keia iluna o kekahi puu hau a nana aku la ma o a maanei, a mahope ike aku la keia i ua poe hoahele nei ona i ka hoea ana aku mawaena o kekahi puu hau nui a i kahi malaelae.
Iho iho la keia ilalo a hoomaka e hahai aku mahope o lakou, aole no nae i upu iho pili aku la keia mahope o lakou a hui pu nui hou iho la.
Ninau mai la kona mau hoahele iaia i kona wahi i nalowale ai, ua manao lakou ua make oia, aka, hoike aku la keia i kona moolelo piha mai ka mua a i ka hope, a i ka lohe ana o kona mau hoa, he mea e ko lakou kahaha nui ; nolaila, ho-a iho la lakou i ke ahi a noho iho la keia olala iaia iho me kona mau lole pulu, a loaa iaia ka mehana, hanai mai la lakou iaia a maona, a i ka pau ana o ka ia nei paina ona, liuliu iho la lakou no ka huli hou ana ia Alama a me ka wahine a ke kapena.
Aole nae i loihi ko lakou nei hele ana, alawa aku la o Kelekona ihope a ike aku la i ka poe powa e ku mai ana maluna o ke kiekiena o kekahi puu hau nui.
Ia wa huli hou lakou nei ihope, a hele 'ku la mawaena o na puu hau a hiki malalo o ka puu hau a ua poe powa nei e kau nui ana.
I ka hiki ana o lakou nei malalo o ua puu hau nei me ka ike ole mai o na powa, mahele iho la o Kelekona ia lakou iho i ekolu mahele, i pii aku ai lakou ma kela a me keia aoao o ka puu, a hiki ole i na powa ke mahuka.
O na sela malalo oia nei, ua lawa like i ka pu a pau loa, aka, o na powa, he kakaikahi ka lakou mau mea eha.
Olelo aku la o Kelekona, mai ki aku oukou i na powa ina e ae mai ana lakou e haawi pio mai.
Ia manawa hoomaka aku la lakou nei e pii aku iluna o ua puu hau nei, a ia manawa akahi no a ike mai na powa ia lakou nei e pii aku ana.
Auwe! Pilikia kakou wahi a Keoni, a eia wale no e hakaka no kakou a hiki i ka wa e pau ai kakou i ka make, no ka mea, ina e haawi pio aku kakou, e li ia ana kakou e like me na ilio.
Pau ka olelo ana o Keoni, a ia wa, ki koke mai la ia i kekahi sela o Kelekona e pii ana iluna o ua puu nei a na powa e kau ana, aka, aole nae i ku ua sela nei.
I ke kau ana o ko Kelekona mahele iluna, huro ae la lakou, ia wa i hapai like ae ai na powa i ka lakou mau pu a kau mai la ia lakou nei, aka, ike mai la lakou ia Kelekona, he mea e ke ano e o ko lakou manao, ku malie iho la lakou, aole hiki ia lakou ke haawi mai i ka elele ahailono ole o ka make, no ka mea, ua maopopo ia lakou ua kanu ola aku lakou ia Kelekona iloko o a hau, a eia ka i keia wa ke ku hou nei oia imua o ko lakou alo ua ola hou.
I mai la o Keoni, mai makau kakou, o ka io Amerika no keia ua ola hou mai nei, ka, o kahi ana i hemo mai ai, oia ka mea kupanaha loa, a nolaila e o'u mau hoa, mai pihoihoi a makau nona, aole oia imua o kakou ma ke ano kino wailua, aka, ma kona ano kanaka ; ua pakele oia mai ka luakupapau mai, aole nae oia e hoi ola aku i kona mau kini mai ka pakele ana mai ka waha aku o ka pu a me ka poka, e inu koke na ka oi o keia pahi i kona koko, a e haehae liilii ia kona io a puunaue like ia na na bea o ka hau a me na ia o ka moana, nolaila, imua kakou ano a lanakila.
Aka, mamua o ke ki ana o na powa i ka lakou mau pu, ua kau ke kolu o ka mahele iluna a ki koke aku la i na powa, a haule aku la eono powa a make loa.
O na powa i koe, holo aku la ma ka aoao o ua puu nei no ka imi ana i puuhonua no lakou e pakele ai, aka, aole he malumalu e ikaika ai lakou, nolaila, ua noi aku o Kelekona e haawi pio mai lakou.
Aka, pane mai la ko lakou alakai, aole makou e ae ana i kau, a huli ae la ia a nana ae la i kona mau hoahele i koe, aia lakou e ku olohelohe wale ana, aole mea e hana aku ai.
Ia wa, ninau aku la o Kelekona ia Keoni, aia ihea na wahine, ua make anei a ke ola nei paha ? e hai mai oe ia makou.
Aole au e hai iki aku ia oe, wahi a ke alakai o na powa. Ia manawa, lele aku la o Kelekona a me na sela e hopu i ka poe powa, aka, lele aku la na powa mailuna aku o ka puu hau a haule nui iho la ilalo ma kekahi aoao a pau nui i ka make me ka ahailono ole.
MOKUNA XXV.
I ka pau ana o na powa i ka make, lawe ae la o Kelekona me na sela i na pu a ua poe powa nei, a hoomaka aku la e hele hou e huli ia Alama me ka wahine a ke kapena,
Nui no na mile a lakou i hele ai iloko oia la me ka loaa ole o na wahine, a nolaila, i aku la o Kelekona i kona mau hoa, e hoomaha kakou.
Hiamoe iho la lokou nei, aka, o Kelekona oia no ka mea hiamoe loa no ka nui o kona luhi a me ka moe ole mamua aku.
I kona ala ana ae, hai mai la na sela iaia i ko lakou ike hou ana i ka mea ano e me he moku la a lakou i ike mua ai, aka, i keia manawa ua kokoke loa.
Paina iho la lakou nei ma ia ahiahi a pau, hoomaka lakou nei e hele hou, a hala paha na mile he umi, ia manawa pau ko lakou nei hele ana ma ia po.
I ko lakou moe hou ana ma keia manawa, aole moe o Kelekona, a i ke kokoke ana i ke ao, ku oe la o Kelekona a hele aku la a pii iluna o kekahi puu hau e nana ai.
I kona kau ana iluna, ike aku la keia ma ka aoao hema aku ona, i keia mau mea elua ano like me he mau kia moku la, a nolaila, hele aku la keia a kokoke i kana wahi i ike ai i keia mau mea, a i ka hiki ana, ike aku la keia he mau kia moku io no kana mea i ike ai, o kekahi kia nae ua haki.
A nolaila, hoomaopopo iho la keia, ua loaa iaia ka moku, aka, eia ka mea kupanaha, aia la ihea na wahine, aole paha iloko o ka moku, a ina eia no iloko, ua make paha, no ka mea, aole paha e ola no ka paa loa o ka moku i ka hau paa a puni, he umi kapuai ka manoanoa o ka hau.
Hele aku la keia a kau pono maluna o ua moku nei, a ike aku la keia i kekahi wahi hakahaka uuku iloko o ka hau, nolaila, haliu iho la keia ilalo a kahea, a i kona hoopili ana i kona pepeiao i ka hakahaka, lohe keia i kekahi mea e koele ana ilalo lilo iloko o ua hau nei, a hoomaopopo keia o ka wa ti o ka moku kana mea e lohe nei, a ia manawa huli hoi aku la keia ma kahi o na sela, a i kona hiki ana, hai aku la keia ua loaa ka moku iaia.
Ia manawa huro nui mai la na sela a pau loa iaia.
Paina kakahiaka iho la lakou nei a pau, a ia manawa hoomaka lakou nei e hele, me na koi a me na kolopa, a me na kaula, ma kahi o ua moku nei, a i ko lakou hiki ana malaila, lele koke iho la kekahi mau sela a hoomaka e oki i ka hau paa.
Oki lakou nei a hala kekahi mau ho ra loihi, loaa ia lakou nei ka papahele o ka moku, a ia manawa kahea lakou nei me ka leo nui, a lohe lakou nei i kekahi leo mai lalo loa mai o ka moku.
I ka lohe ana o lakou nei i keia leo olelo o Kelekona, he leo wahine kela a kakou i lohe aku nei, me ka hoomau no nae o ke oki ana o na sela i ka hau.
Mahope kahea hou iho la lakou nei, a lohe hou no i ua leo nei, aka, olelo o Balaunu, aole kela he leo wahine, aka, he mea okoa no.
Mahope, mahuahua loa ka puka ia lakou nei, ike aku la lakou i ka pii ana mai o kekahi mea ano popoki mailalo mai a kau iluna o ka hau, a ike aku la lakou nei he holoholona i kapaia he Sila.
Aole i pau.
Ma ke Kauoha.
Keena Aina, Oihana Kalaiaina
Honolulu, Maraki 19, 1879.
UA makaukau no ka hoopuka aku na Palapala Sila Nui e waiho nei ma ke Keena Kalaiaina o na Aina malalo nei : SAM'L. G. WILDER, Kuhina Kalaiaina.
OAHU.
Palapala
Sila Nui INOA. AINA
5592 Kaawa Elia Honolulu
4521 Kanekuapuu "
6655 Kalahookua "
6508 Keoni "
6677 Kaukoke "
5695 C. Kanaina no Lunalilo "
5656 Keo "
5708 Kailani "
5697 A. Keliiahonui "
5704 S. Kou "
5719 Paieie } no Poki "
Kekoi }
5723 Malihini "
6763 Kama "
5715 Piikoi "
699 Haliimaile "
2262 Koloa "
1915 Mahana "
2696 Kaiahua "
1638 Mauna "
5698 Kamaile "
5705 Honokaupu "
5600 Kaaumoana "
5669 Ehu "
5724 Naeole Waikiki "
2834 Kana "
3004 Haole "
6239 Naa "
6648 Nakai "
5717 Keaonui Kapalama "
2015 Nuuanu no Kanaina " "
5556 Halulu "
3501 Pali Kalihi "
3504 Naai " "
4447 Kapaku Kaaleo "
6640 Ehu Koolaupoko
6623 Nakahuna "
6624 Kuula "
6616 Haalou "
6602 Wana "
6596 Hooulu "
6589 Keope "
6549 Paikau "
6346 Piimoku "
5959 Kapakai "
3627 Papa "
3626 Naono "
3622 Kahunanui "
2931 Kaehukukona "
1260 Paioa no Mahu Kalihi, Oahu
1651 M. Kamakahonu Honolulu "
5620 Kaiakuaaina, Kahehuna "
5695 C. Kanaina, Haliimaile "
6950 Keliiokahonua, Kualoa "
6952 Kamaka " "
7057 Niau, Waipio "
2919 1/2 Kahoa Koolaupoko "
1652 Keaka " "
943 Kaluahinenui " "
6538 Nakahili Koolauloa "
6534 Opala no Kalinakuhi " "
6521 Peka " "
6481 Mahoe " "
6247 Kuapuhi " "
5472 Keawe " "
3516 Kalawaiamanu " "
334 Lokea " "
2899 Kaeuuhe Waialua
2883 Kaoo Waianae
6449 Kalaiku Ewa
6615 Kalou "
6606 Kaioe "
6557 Piikoi "
6494 Kupihea "
6428 " Kalauao "
6240 Kopoe "
4502 Namahana "
4148 Kekualiilii "
2863 Kahokuwelowelo "
2862 Ope "
1097 Manua "
818 Humehume "
803 Puou no Kapawa "
HAWAII.
5711 Kahikili, Hauhiula Hilo
6632 Lolo Waiakea "
6366 Ku Kahuku Kau
6480 Palau Kiao "
6622 Kaalo (Martin) " "
6487 Keliilawaia Moaula "
6568 Wahine Kekeekai "
6570 Kauwila "
6617 Poaeae Waiopua "
6619 Kapule "
6663 Kalua Niaole "
6591 Paahao Keaiwa "
6558 Napae Honuapo "
6592 Keliimokalii Waiohinu "
6780 Kanakanui " "
6782 Kaahui Wiliwilinui "
3151 Kahanu Hionoa "
6670 Helehewa Hilea "
6657 Kepewa " "
6084 Kaleohano Kaohe Kona
6604 Uilama "
6000 Kaukali Puapuaa "
6227 Kumuhea Kalama 2 "
6236 Kupo Kalama 1 "
3730 Poka " "
4351 Kaikuahine Hokukano "
5226 Kuahuia Hokukano 2 "
4735 Ukaka " "
3022 Kalua "
6180 Manini Keei l "
5940 Kekuanui Haukalua "
6010 Kamakai Pahoehoe 1 "
6014 Kaheananui " "
6011 Kena " "
6012 Kaikaina Pahoehoe 2 "
6015 Kaehu "
Palapala INOA AINA
Sila Nui
3833 Kapohaku Keopu 3 Kona
5241 Mikahaka Waiea "
6254 Makaike Keohea "
5939 Hoiau Kaukalua "
6612 Kaulia " "
6106 Kanewa Puaa 2 "
6316 Maka Honokua "
6319 Panee " "
6525 Hoopio " "
6524 Pulukaloi " "
6314 Kaaanui " "
6278 Kalima Kahului "
3325 Kumukahi Honaunau "
3889 Kaaumoana Okoe "
1360 Kupuna Hianaloli "
5478 Io ba Kawaaloa "
5479 Ilikanaloha Kawanui 2 "
5232 Kanakaole Kalahiki "
5236 Aupuni Honokohau nui "
5076 Kuula Honoino "
3677 Kama Kapua "
4349 Kapa " "
6706 Kaikuahine Honomalino "
3968 Ualoko Hokukano "
6655 Haumea Kukuiopae 1 "
6621 Kanapi Onouli "
6610 Kauhi Kanauene "
6599 Mana Honomalino "
6590 Kalamaia Keekee "
6588 Kahinalua Alika "
6502 H. Neki Manoa "
6472 Poopuu Keauhou 1 "
6815 Keohokuma Honuapo "
6469 Naihehau Kalopa Hamakua
6513 Kaluli Kukuihale "
6517 Kalaiheana Kawela "
6638 Kawilikopaa Waipio "
6666 Kaulumano " "
6671 Waiokalehua " "
6783 Namai " "
6703 Kaheenalu " "
6462 Puhi 1 Kaohe 1 Kona
6463 Kaolelo Kalama 2 "
4580 Hewahewa Hilo Hawaii
6080 Manienie Kau "
6081 Kamaualena " "
7067 Pakele Hamakua "
MAUI.
3151 Kahoomakaulii Hana
3110 Poiuhane Haniakualo
3105 Palaualelo Kipahulu
3102 Kanenui Hana
3101 Kepaui Hamakua
6471 Keliipio Honokohau
5720 Kapapa Lahaina
5707 Apai "
5702 Peke "
5699 Kanaina no W. C. Lunalilo "
6611 Pohakunui Olowalu
6562 Mahoe Kalihi
6554 Kekona Kahakuloa
6719 Kauhi Halehaku
6618 Kahula Honuaula
6605 Makaia "
6601 Kamaka "
6597 Kainoa "
6581 Uluehoo "
6580 Kahukulani Kula
6576 Pohina Hamakua
6575 Pupuka Kula
6572 Kanakahou Honuaula
6571 Kahinu Kula
6566 Puhake Hana
6560 Poonui Kula
6556 Kekaulu Honuaula
6555 Kekuauli "
6533 Anehe "
6490 Kalama Kula
MOLOKAI.
6565 Kalamika Maunawai Ili o Ninihua
6553 Maalahia Ohia Ili o Pohakea
6527 Kula Mapulehu
6526 Hihia Makalii Kapualei
6507 Ohuaaiai Kalaupapa
6506 Nanamokueha Ahuli "
6489 Kane o Hau (Hooilina) Halawa
6485 Kuanea Mapulehu
LANAI.
6474 Haole Kaunolu
6492 Kanohohookahi Nihokela "
6512 Kawaihoa "
6669 Kaiwi "
6723 Ikeole Mahana
KAUAI.
3758 Moopuna Moloaa Koolau
3887 Makaola Anahola "
4838 Kualulo Pilaa "
5021 Oliver Chapin Wailua Puna
6307 Kuapiko Moolalaole Haena
6224 Moe "
6020 Iosia Kaumualii Wailua
6280 Lii Mahaulepu
6288 Kaukini Moloaa Koolau
6450 Namaielua Hanapepe
6548 Hailau Niumalu Puna
6631 Huluhuiu Anahola Koolau
6651 Paia " "
6695 Oohaoo " "
6701 Keikinui Wainiha
6704 Puahiki "
6770 Nahuina Waihiawa Kona
NA AINA AUPUNI KUAI.
714 Kuohao Waimalu, Ewa, Oahu
971 Palanaiki Kaneohe "
1108 Paniani, Kouea, Hanapepe, Kauai
1151 Kanunu, Punaluu, " "
1260 Paioa no Mahu
2353 A. Kaaahu, Kihulahula,. Kailua O.,
2719 Kapau Kuwili, Honolulu, Oahu
2875 Kamehameha IV, Waikiki W., O.,
2906 Opumomona, Kailua, O.,
2981 C. L. Hopkins, Kuaiula, H., O.,
3040 Kamalama Kawaikapu Hawaii
3054 Kameki Okoe 1 & 2, Kona. "
3036 H. L Wana Waioli Kauai
3062 Piipali, Kawalo, Kau, Hawaii
3064 Kane Kalohe} Mukai, Hana Maui
a me Kaulani }
3073 1 Kainehe. Hamakua, Hawaii
5586 Kawelo, Kuwili, Honolulu Oahu
3089 Kekaha Kula, Maui
904 lm 907
OLELO HOOLAHA.
E LILILEHUA.
Loio a he Kokua ma ke Kanawai !
IMUA o na Aha Apana a Hoomalu o ka mokupuni o Oahu. E hanaia me ka eleu loa. E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu. 898 1y
S. AUKAI
LOIO ! LOIO ! !
UA ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu. 898 ly
He Nui Anei Kou Makemake i na Mekini Humuhumu Lole ?
Ina pela, alaila, e kipa mai no ma ka Halekuai
O
KAKELA A ME KUKE.
A malaila oukou e ike ai a makaikai i na ano MEKINI a WHEELE R a me WILSON, mai ke $40 a hiki i ke $50 ke kumukuai o ka mea hookahi. Ka MEKINI a SINGER, ma ke $50 pakahi, a me ke ano MEKINI a WILCOX me GIBBS, ma ke $30 a hiki i ke $50 ke kumukuai. I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf
Kauka O. S. Cummings, M. D.
HOMEOPATIKA.
Oia ke Kauka, i kamaaina mua ia oukou e na kanaka Hawaii ma ka inoa, " KULU WAI LIILII" Ua hoi mai nei oia, a e pahola hou mai ana oia i kona akamai lapaau ia kakou. Aia kona Ke \ena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano. 888 tf
ANO NO I LOAA MAI NEI
Na Kaa Lio Holo Lealea! Na Kai Lawe Ohua a me na kaa holo palua, mau mea. hoikeike aku, mai ka Hale Hana Kaa mai o ka Hui o Cortland ma Nu Ioka.
DILLINGHAM & Co., 876 tf' Na Agena kuai ma Hawaii nei.
KO BIHOPA MA
BANAKO MALAMA DALA!
E MALAMA NO MAUA I KE DALA O na kanaka maloko o ka Banako, penei: Ina hoomoe mai ke kanaka hookahi i na dala $700 a emi mai paha, alaila, e uku maua i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi, aole no hoi no ka hapa malama. Ina ohi koke oia i kana dala, aole i hala na malama ekolu aole ukupanee. Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai. Ma ke kikoo wale no a mea dala e haawi ai i kana, a o ka Buke kekahi ke laweia mai. Ma ka la mua o Sepatemeba i kela makahiki a i keia, e houluulu ai i ke dala, a e huipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee. Ina oi aku ke 'dala hoomoe mamua o $300, alaila, hooholo pu ka olelo. E weheia ka Hale Banako i na la hana a pau. 851 tf BISHOP & Co.
Ale ka Wai ke Ike Aku
I keaha la hoi ?
I na Waiwai Nani ano Hou loa hoi paha o ka Halekuai o
GOO KIM.
Nana aku no hoi oe, "Hoonuanua i Apua a Kalamaula."
Oia no hoi na Hainaka Silika Nunui Eleele a Ulaula , Pulu, Wai Gula a Wai Dala. Na Hainaka liilii Lei A-i. Na Mamalu kane, wahine a me na Mamalu liilii kihi weluwelu o na kaikamahine. Na uhi huihui nani nunui a liilii. Na Kihei Silika lau ma kaekae. Na Koloka kamalii nani a me na Koloka hoopumehana no na bebe. Na Huluhipa lau a me na lole huluhulu holoku o na wahine. Na Muumuu keokeo o na wahine lihilihi ma ke alo, a me na Palekoki. Na Papale wahine Malina i hoopinanaia kekahi aoao, hele kela a kapakahi Manuia o Keokoi ka moku. Na Papale Waiokila aiai, a ke kau mai i ke poo, moa uakea loa kela ke pa iho ka la, a he nui wale na ano papale e ae i ike ole ia mamua. Na Hulu Eheu Manu no na papale wahine, e kau ai ka iwa. Na Kalakoa hou loa, na Makalena a me na lole Iliwai, na Puuwai Gula a me na Gula Pepeiao o na wahine. Na Kamaa ano hou o na kane, wahine a me na kamalii, na Kuka Kanahai, na lole wawae a me na Palule o na ano he nui wale, a me na Pale Pakaukau. Na Hainaka Silika Hou loa o kela a me keia ano waihooluu like ole, nui a liilii, na Kalakoa Huluhipa ano hou loa, na Makalena o kela a me keia ano, na Moena Pake, Ti Inu a me na mea hou e ae he nui wale na ano mai Kina mai. O keia mau waiwai, eia no ke ahu mai nei o na ano hou loa wale no, a me kekahi mau waiwai e ae he nui loa i hiki ole ke helu papa aku. Ina aku no hoi a kapalulu hou mai, ma kela a me keia ku ana mai o ka mokuahi o na aina e. Nolaila e komo hale no e na hoa o ka iu o ka la, e wae i ko oukou mau iini aole no hoi makou e uiha iki, ke hele mai oukou e kuekaa i na waiwai ina no ke kuai a nana wale no paha. E kuaiia aku no keia mau mea ma na kumukuai haahaa. Ma na Poakahi a me na Poaono, oia na la e kuai hoopaki loa ia aku ai ua mau waiwai nei. 858 tf GOO KIM.
"BONANZA"
MA ALANUI HOTELE!
NO
JNO. W. CROWELL, (Kolowela.)
E loaa no i na keonimana a me na lede o keia kaona, kahi e hoomaalii ai i ka wela ikiiki o ka houpo, ke kipa aku ma ka hale inu wai hau huihui o Kolowela ma kahi i hoi keia maluna, ma o aku o ka halekuai o Grant a me Robertson ma Monikahaae, Honolulu. E naue ae malaila i ike pono. (876 3m)
MAIKAI KA HOI KA PAPA
A ME
KA LAAU O KOU HA LE! NO HEA LA!
KAI NO HOI NO KAHI O Nana aku no hoi ia la Ohi ka Io o ka Laau o Makawao I ka ua mea hoi o ka nani o Na PAPA ! Na PAPA ! !
A ME NA PONO KUKULU HALE O NA ANO NO A PAU. Aia ma ke kihi o na ALANUI PAPU me MOIWAHINE! HONOLULU MALAILA E LOAA AI E LIKE me ka MAKEMAKE NO KE KUMUKUAI MAKEPONO LOA! PAPA, PAPA, PAPA, Na Papa Huluhulu, Na Papa Manoanoa, Na Papa i kahiia, Na Papa Kepa, Papa Hole Keokeo, Papa Hole Ulaula. NA LAAU, NA LAAU Na Kua, Na Kaola, Na Aaho, Na Moli Na Peapea, Pine Huluhulu, Pine i kahiia. NA Papa a me na Laau Ulaula! Pili ulaula, Pili Keokeo, Pani Puka, Pani Puka Aniani, Ipuka Aniani, Puka Olepelepe. PENA O NA ANO A PAU Hulu Pena mai ka Liilii a ke Nui, Aila Pena, Aila Hoomaloo, Wani ti, Pate. NA LAKO O KELA A ME KEIA ANO I Na Ami Puka Hale. Na Ami Puka Pa. ANIANI! Pepa Hale a me na Lihilihi E LOAA NO MALAILA. PAAKAI HELU 1 O K AK A A KO me PUULOA No ke DALA KUIKE, e loaa no na mea a pau i haiia ae la, no ke Kumukuai Emi loa. O na kauoha a pau mai Hawaii a Niihau, e loaa 'ku ana ia lakou, e hooko koke ia no ia me ka lawa pono. E Kipa Nui Ilaila, i ike i ka Oiaio 840 3ms