Ka Nupepa Kuokoa, Volume XVIII, Number 16, 19 April 1879 — Page 1
Ka
Nupepa Kuokoa:
KE KILOHANA POOKELA NO KA LAHUI
BUKE XVIII. HELU 16. POAONO, APERILA 19, 1879. NA HELU A PAU 907.
KA NUPEPA
Kuokoa me ke Au Okoa
I HUIIA.
KA
LIO KEOKEO
O KA
WAOAKUA!
KE K ANAKA OPIO PUUWAI WIWO OLE
KE PUKONAKONA O KONA MAU
LA, AO KA OI HOPO OLE
O KONA MAU ENEMI. MOKUNA XXVI—KA HOPENA.
A E wahi a Uilama Balaunu, oia no ko ka-kou mea i lohe ai aole kanaka.
Peia io paha wahi a Kelekona, aka ! pe-hea ka waki e ke nei, ina aole kanaka aole e kani wale mai ana ka waki.
Hala ae la kekahi mau hora, ahu wale ae la ka papa hele o ka moku a pau loa o hope, nolaila, kuni iho la lakou nei i kekahi kukui a iho iho la ilalo, iloko o ka moku e huli ai. Huli lakou nei ma na rumi a pau loa ma-hope o ka moku aole nae mea i lona ia la-kou, a hele aku la lakou nei mawaena o ka moku me ka ipu kukui, kahea aku la o Ke-lekona, aole anei he kanaka o loko nei ?
Iaia i kahea ai, lohe lakou i kekahi leo nawaliwali i ka pane ana ae, ae he kanaka no, ma ka inoa o ke Akua e kokua mai.
Ia manawa lele ae la o Kelekona ma kahi i lohe ai lakou i keia leo, a ike aku la o Ke-lekona ia Alama me ka wahine a ke kapena. Ia manawa olelo mai la o Alama ia lakou, o ka wahine a ke kapena ua make, elua ae nei hora mai kona make a hiki mai la oukou ; mai ka make ana o kana kane, ko-na nawaliwali ana a hiki i keia la make iho la ia.
Olelo hou mai la o Alama, mahope o kuu hookuu ana aku i ka waapa, hoohuli hou na powa i ka moku e huli hou aku ia oe, a no ka loaa ole ana, hoohuli hou ia ka ihu o ka moku i ka hema, a hiki i ka wa i paa loa ai ka moku i ka hau.
I ka paa loa ana o ka moku i ka hau, olelo ae la o Keoni e haalele lakou i ka mo-ku, a ua olelo nui mai la, lakou ia maua, ina e makemake maua e hele pu me lakou e hele no, a ina e manao maua e noho iluna o o ka moku e noho no, a nolaila manao ma-ua, e aho no ka noho mamua o ko maua hele pu ana me lakou.
I ka wa i loaa aku ai o Alama ia Kele-kona ma, o ka walu ia o ko laua la o ka paa ana iloko o ka hau manoanoa.
I ka loaa ana o Alama ma ia lakou nei, hoomaka lakou nei e hoi aku i ka moku; hele nae lakou nei a hala na la elima, ma-nao lakou ua kokoke ma kahi e ike ai i ka moku o lakou.
Ma kekahi la, ua pii aku kekahi o lakou iluna o kekahi puu hau a nana i ka moku, aole nae i ike iki ia.
Noho iho la lakou nei malaila a hoomaha, a ma ia hope iho, lohe lakou nei i ke kani ana o kekahi pu, a mahope ike aku la lakou nei i ke kino o ka moku, i ka hoea ana mai mawaena o kekahi mau hau nui.
I ka ike ana o ke kapena ia lakou nei, hookuu koke ia elua waapa a holo mai la a pili ma ka aoao o ka hau a lakou e noho ana.
Ia manawa hele mai la ke kapena a lalau i ka lima o Kelekona, me ka i ana mai, ke ike nei au, ua pomaikai ko oukou hele ana, ua loaa mai la ka wahine a oukou i huli aku nei.
I mai la ke kapena o ke kolu keia o ko makou la i manao ai e hoi mai ana oukou, ua ki mau ia ma na la a pau kekahi pu i lohe oukou.
Holo lakou nei a kau iluna o ka moku, hoohuli ia ae la ka ihu i ka akau, a hala kekahi mau pule pau ko lakou ike ana i ka hau, a puka aku la lakou nei ma ka aoao akau o Lae Hao.
Holo lakou nei me ka malie maikai o ka makani a hala hou kekahi mau pule, komo ana lakou nei iloko o ke awa ku moku o Nu Ioka.
Hala he pule hookahi mahope o ko lakou nei ku ana ma ke awa, hoohui ia o Alama a me Kelekona ma ka hui hanohano o ka beri-ta mare.
Mahope o ko laua mare ana loaa iho la ka Kelekona hana he kupakako no kekahi hale kuai nui, a mahope kukulu ia i kekahi hale nani no laue, a hanau mai la o Alama i na keiki a nui na laua.
Ua kuai o Kelekona i kekahi lio, a ma-lalo o ke ao ana a Alama, ua makaukau na keiki a laua i ka holo lio ana.
Ma na po loloa o ka hooilo, oiai e ino ana mawaho o ka hale, i ke anu me ka ua a me ka makani, noho laua me na keiki ma kahi o ke ahi mehana, a hahai aku la o Alama i kona noho ana ma ka Waoakua o Amerika Hema a me ka moolelo o ka Lio Keokeo.
Ano, e ua makamaka ke haawi aku nei au i ke aloha ia oukou a pau, a ke hooma-ha nei au i ka maka kila no keia moolelo. Ua pau me ka welina aloha nui.
G. L. KIM BALL.
Kona, Hawaii.
Na mea Hou o Kipahulu, Maui.
Aia o Kipahulu mawaena o Hina a me Kaupo, a he elua mile a oi a emi mai paha kona palahalaha, ino ma ke kaha pololei Nolaila ka olelo ia ana no ka makani ; hanau ka makani nui i Kipahulu, kanaka makua i Kaupo, poohina i Kahikinui, make 'ku i Honuaula ; a no oonei na kanaka kaulana i ka ikaika i ka hoe waa, oia o Laa a me Kaipoakeawe, a he aina oluolu no o ka noho ana.
No ka la. Ua nui ka wela o ka la mai Feberuari a i Malaki, ahi awela ke kula ke nana aku, a poino na mea kanu, a i ka pule hope o Maraki, ua kulu iho he mau wahi paka ua kilihune wale no.
Ke pahola nei keia ano mai hou me ka ikaika, a o ka poe palupalu i loaa i keia ano mai, ua hikiwawe ka make, a o ka poe i kii koke aku i ka laau i ka makua Rev. Bone-pake, ua hoopauia ka pilikia. A he mahalo ko ka lehulehu nona, no kona ahonui ma o kona lawelawe mikioi ana ma ia hana, aole o keia apana wale no kai hoopomaikai ia, o ka hikina nei no a pau, a ke uhola aku nei ko makou mahalo piha i ka Papa Ola pu kahi, no ka hoouna ia ana mai o na laau lapaau ma kona lima.
No na Kauka kaahele mai Wailuku mai. Ua lohe ole ia ka hele ana mai a na kauka kaahele ma keia mau apana, e waiho a mai ana ma na kauhale, i ka manao ia e ka poe i ike i ka hele ae ma ke alanui, he mau haole makaikai la, i lohe ia mai ka hana mai Hana mai, eia ka he mau kauka ; i iho la au, ina paha he mau kauka no ka poe mai e waiho ana iloko o ka hale hele mai e ninau a i ole hoi, hookaulua iki iho hoi, i lohe ia aku eia ae ke kauka, alaila, loaa hoi ka laau kupono e hoopau iu ai keia ano mai hou a me na ano mai e ae ; oiai e waiho a mai ana he makuahine no'u a he kupuna, a ua make aku ko'u kupuna, a ina paha i loaa i ka laua laau, ina paha ua ola, eia ka he mau kauka o ka poe mai i loaa ia laua i ke alanui ; nolaila, pili pono iho la ia wahi mele a ka poe i hala aku penei : " Hele kikaha ae la ka na Ohopukoa o Waialoha e ; ' a pela aku. A me ia wahi olelo kahiko penei : " He ala iki ko kahuna, mai noho a hookolo, " pela paha i kaulua ole iho ai laua a i ole ia, no ka wela ino paha o ka la oia mau la a laua i hele mai ai, nolaila, aia ka pono o ka hoea i Koolau, loaa aku na ea maikai o na pali hauliuli.
No ka Mahiko. Ke hooulu ae nei na eka ko a Thos. Kalaka no ka hoomakaukau ana i mau pulapula e hoopuni ai i na wahi i lilo iaia ; a ke eku nei ka ihu o ka palau ma o ke alakai ana la a D. W. Wahinenui, ke keiki o ka ua Ukiukiu o Makawao a me ka ua Apuakea o Hana ua lani haahaa.
Na Kumu Waiwai. O na kumu waiwai o nei apana, o ka awa, paka, uala, kalo. Mai keia mau mea ulu mai, ua paa na hale laau, a ke aneane aku nei e 20 hale laau ma keia mau kumu waiwai.
Na Halekuai Lole. Elua halekuai lole e kukulu ia nei, no G. Correa pukiki a me Keoni haole. (Grunwald.) A mahope makou e ike ai i ka holo pono o ka laua hana, a me ko laua mea pakika a pahee o na mea kuai.
Pakele ke Ola. Elua mau kanaka i hele e kuu i ka laua upena i ke kaheka kai nui o Punahoa, he aholehole ka ia a laua i kuu ai, ua piha pu ka upena i ka ia, a he elua ia e i hei, he uhu a he kala. Aia i ka pai ana a laua i ka upena, ua hukia pu ia laua i kahi kupikipikio o ke kai, ua paupauaho laua a haalele i ka upena me ka ia, a hooikaika ae la kekahi o laua i ka mea e piholo iho ana, a pomaikai ka pae iuka, mihi iho la laua i ko laua make. O ka upena hoi, ua lilo loa i kahi hohonu hiki ole ia laua ke kii a luu.
A i kekuhi la ae, kii ia e huli ka upena, ua loaa aku ua nahaehae, e paa ana he 11 aholehole me i kahi kala. O ka inoa o nei mau kanaka, o Kaaiakala a me Keoni, a o Poepoe ka mea nana i luu ka upena i loaa'i.
Hanauna nui. Ua hanau ia na Kaikaai wahine me ke kane mua hookahi kaikamahine o Nana wahine, noho iho ia Kivini Pu-puhi hapa Borabora, hanau na laua he 13 keiki, make hookahi, ke ola nei he 12. Ma-re hou o Kaikaai w i ke kane hou, oia o Wahinemaikai, hanau na laua elima keiki, eha i paa i ka mare ia hookahi i koe.
A ina e huiia keia hanauna mai na ma-kua, na keiki, na hunona a me na moopuna, ua hiki aku ka heluna i ke 36, a ke ola akoakoa nei ma keia awawa.
He Le ta mai ka Papa Ola mai. No ka makou noi e hoounaia mai na laau lapaau ma ka lima o Rev. Bonepake ko makou mea haawi laau. A ua pane ia mai e ke kakau-olelo o ka Papa Ola, e hoouna ia mai ana e like me ke kauoha imua o ua Papa la. Nolaila, eia ke kauoha ia oukou e ka poe i loaa i na ano mai a pau, e kii koke ae i ka laau i ko kakou kauka, mai noho a kakali ke loaa i ka pilikia, oiai, eia ka lokomaikai o ke aupuni la ia kakou, me kahi kenikeni ole i ka laau a me ke kauka. A e hoomanao e ka apana o Hana i keia kahea.
A. PUAALOA.
Kipahulu, Maui. Ape rila 8, 1879.
Ma ke Kauoha.
Keena Aina, Oihana Kalaiaina
Honolulu, Maraki 19, 1879.
UA makaukau no ka hoopuka aku na Palapala Sila Nui e waiho nei ma ke Keena Kalaiaina o na Aina malalo nei : SAM'L. G. WILDER, Kuhina Kalaiaina.
OAHU.
Palapala
Sila Nui INOA. AINA
5592 Kaawa Elia Honolulu
4521 Kanekuapuu "
6655 Kalahookua "
6508 Keoni "
6677 Kaukoke "
5695 C. Kanaina no Lunalilo "
5656 Keo "
5708 Kailani "
5697 A. Keliiahonui "
5704 S. Kou "
5719 Paieie } no Poki "
Kekoi }
5723 Malihini "
6763 Kama "
5715 Piikoi "
699 Haliimaile "
2262 Koloa "
1915 Mahana "
2696 Kaiahua "
1638 Mauna "
5698 Kamaile "
5705 Honokaupu "
5600 Kaaumoana "
5669 Ehu "
5724 Naeole Waikiki "
2834 Kana "
3004 Haole "
6239 Naa "
6648 Nakai "
5717 Keaonui Kapalama "
2015 Nuuanu no Kanaina " "
5556 Halulu "
3501 Pali Kalihi "
3504 Naai " "
4447 Kapaku Kaaleo "
6640 Ehu Koolaupoko
6623 Nakahuna "
6624 Kuula "
6616 Haalou "
6602 Wana "
6596 Hooulu "
6589 Keope "
6549 Paikau "
6346 Piimoku "
5959 Kapakai "
3627 Papa "
3626 Naono "
3622 Kahunanui "
2931 Kaehukukona "
1260 Paioa no Mahu Kalihi, Oahu
1651 M. Kamakahonu Honolulu "
5620 Kaiakuaaina, Kahehuna "
5695 C. Kanaina, Haliimaile "
6950 Keliiokahonua, Kualoa "
6952 Kamaka " "
7057 Niau, Waipio "
2919 1/2 Kahoa Koolaupoko "
1652 Keaka " "
943 Kaluahinenui " "
6538 Nakahili Koolauloa "
6534 Opala no Kalinakuhi " "
6521 Peka " "
6481 Mahoe " "
6247 Kuapuhi " "
5472 Keawe " "
3516 Kalawaiamanu " "
334 Lokea " "
2899 Kaeuuhe Waialua
2883 Kaoo Waianae
6449 Kalaiku Ewa
6615 Kalou "
6606 Kaioe "
6557 Piikoi "
6494 Kupihea "
6428 " Kalauao "
6240 Kopoe "
4502 Namahana "
4148 Kekualiilii "
2863 Kahokuwelowelo "
2862 Ope "
1097 Manua "
818 Humehume "
803 Puou no Kapawa "
HAWAII.
5711 Kahikili, Hauhiula Hilo
6632 Lolo Waiakea "
6366 Ku Kahuku Kau
6480 Palau Kiao "
6622 Kaalo (Martin) " "
6487 Keliilawaia Moaula "
6568 Wahine Kekeekai "
6570 Kauwila "
6617 Poaeae Waiopua "
6619 Kapule "
6663 Kalua Niaole "
6591 Paahao Keaiwa "
6558 Napae Honuapo "
6592 Keliimokalii Waiohinu "
6780 Kanakanui " "
6782 Kaahui Wiliwilinui "
3151 Kahanu Hionoa "
6670 Helehewa Hilea "
6657 Kepewa " "
6084 Kaleohano Kaohe Kona
6604 Uilama "
6000 Kaukali Puapuaa "
6227 Kumuhea Kalama 2 "
6236 Kupo Kalama 1 "
3730 Poka " "
4351 Kaikuahine Hokukano "
5226 Kuahuia Hokukano 2 "
4735 Ukaka " "
3022 Kalua "
6180 Manini Keei l "
5940 Kekuanui Haukalua "
6010 Kamakai Pahoehoe 1 "
6014 Kaheananui " "
6011 Kena " "
6012 Kaikaina Pahoehoe 2 "
6015 Kaehu "
Palapala INOA AINA
Sila Nui
3833 Kapohaku Keopu 3 Kona
5241 Mikahaka Waiea "
6254 Makaike Keohea "
5939 Hoiau Kaukalua "
6612 Kaulia " "
6106 Kanewa Puaa 2 "
6316 Maka Honokua "
6319 Panee " "
6525 Hoopio " "
6524 Pulukaloi " "
6314 Kaaanui " "
6278 Kalima Kahului "
3325 Kumukahi Honaunau "
3889 Kaaumoana Okoe "
1360 Kupuna Hianaloli "
5478 Io ba Kawaaloa "
5479 Ilikanaloha Kawanui 2 "
5232 Kanakaole Kalahiki "
5236 Aupuni Honokohau nui "
5076 Kuula Honoino "
3677 Kama Kapua "
4349 Kapa " "
6706 Kaikuahine Honomalino "
3968 Ualoko Hokukano "
6655 Haumea Kukuiopae 1 "
6621 Kanapi Onouli "
6610 Kauhi Kanauene "
6599 Mana Honomalino "
6590 Kalamaia Keekee "
6588 Kahinalua Alika "
6502 H. Neki Manoa "
6472 Poopuu Keauhou 1 "
6815 Keohokuma Honuapo "
6469 Naihehau Kalopa Hamakua
6513 Kaluli Kukuihale "
6517 Kalaiheana Kawela "
6638 Kawilikopaa Waipio "
6666 Kaulumano " "
6671 Waiokalehua " "
6783 Namai " "
6703 Kaheenalu " "
6462 Puhi 1 Kaohe 1 Kona
6463 Kaolelo Kalama 2 "
4580 Hewahewa Hilo Hawaii
6080 Manienie Kau "
6081 Kamaualena " "
7067 Pakele Hamakua "
MAUI.
3151 Kahoomakaulii Hana
3110 Poiuhane Haniakualo
3105 Palaualelo Kipahulu
3102 Kanenui Hana
3101 Kepaui Hamakua
6471 Keliipio Honokohau
5720 Kapapa Lahaina
5707 Apai "
5702 Peke "
5699 Kanaina no W. C. Lunalilo "
6611 Pohakunui Olowalu
6562 Mahoe Kalihi
6554 Kekona Kahakuloa
6719 Kauhi Halehaku
6618 Kahula Honuaula
6605 Makaia "
6601 Kamaka "
6597 Kainoa "
6581 Uluehoo "
6580 Kahukulani Kula
6576 Pohina Hamakua
6575 Pupuka Kula
6572 Kanakahou Honuaula
6571 Kahinu Kula
6566 Puhake Hana
6560 Poonui Kula
6556 Kekaulu Honuaula
6555 Kekuauli "
6533 Anehe "
6490 Kalama Kula
MOLOKAI.
6565 Kalamika Maunawai Ili o Ninihua
6553 Maalahia Ohia Ili o Pohakea
6527 Kula Mapulehu
6526 Hihia Makalii Kapualei
6507 Ohuaaiai Kalaupapa
6506 Nanamokueha Ahuli "
6489 Kane o Hau (Hooilina) Halawa
6485 Kuanea Mapulehu
LANAI.
6474 Haole Kaunolu
6492 Kanohohookahi Nihokela "
6512 Kawaihoa "
6669 Kaiwi "
6723 Ikeole Mahana
KAUAI.
3758 Moopuna Moloaa Koolau
3887 Makaola Anahola "
4838 Kualulo Pilaa "
5021 Oliver Chapin Wailua Puna
6307 Kuapiko Moolalaole Haena
6224 Moe "
6020 Iosia Kaumualii Wailua
6280 Lii Mahaulepu
6288 Kaukini Moloaa Koolau
6450 Namaielua Hanapepe
6548 Hailau Niumalu Puna
6631 Huluhuiu Anahola Koolau
6651 Paia " "
6695 Oohaoo " "
6701 Keikinui Wainiha
6704 Puahiki "
6770 Nahuina Waihiawa Kona
NA AINA AUPUNI KUAI.
714 Kuohao Waimalu, Ewa, Oahu
971 Palanaiki Kaneohe "
1108 Paniani, Kouea, Hanapepe, Kauai
1151 Kanunu, Punaluu, " "
1260 Paioa no Mahu
2353 A. Kaaahu, Kihulahula,. Kailua O.,
2719 Kapau Kuwili, Honolulu, Oahu
2875 Kamehameha IV, Waikiki W., O.,
2906 Opumomona, Kailua, O.,
2981 C. L. Hopkins, Kuaiula, H., O.,
3040 Kamalama Kawaikapu Hawaii
3054 Kameki Okoe 1 & 2, Kona. "
3036 H. L Wana Waioli Kauai
3062 Piipali, Kawalo, Kau, Hawaii
3064 Kane Kalohe} Mukai, Hana Maui
a me Kaulani }
3073 1 Kainehe. Hamakua, Hawaii
5586 Kawelo, Kuwili, Honolulu Oahu
3089 Kekaha Kula, Maui
904 lm 907
OLELO HOOLAHA.
E. LILILEHUA.
Loio a he Kokua ma ke Kanawai!
IMUA o na Aha Apana a Hoomalu o ka mokupuni o Oahu. E hanaia me ka eleu loa. E loaa no au ma Wehekealaula, ma alanui Mau-nakea, a i ole ia, ma ka Hale Hookolokolo o ka Aha Hoomalu ma Honolulu. 898 ly
S. AUKAI.
LOIO ! LOIO ! !
UA ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu. 598 ly
He Nui Anei KOu Makemake i na
Mekini Humuhumu Lole ?
Ina pela, alaila, e kipa mai no ma ka Halekuai o KAKELA A ME KUKE. A malaila oukou e ike ai a makaikai i na ano MEKINI a WHEELE R a me WILSON. mai ke $40 a hiki i ke $50 ke kumukuai o ka mea hookahi. Ka MEKINI a SINGER, ma ke $50 pakahi, a me ke ano MEKINI a WILCOX me GIBBS, ma ke $30 a hiki i ke $50 ke kumukuai. I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf
Kauka O. S. Cummings, M. D,
HOMEOPA TIKA.
Oia ke Kauka i kamaaina mua ia oukou e na kanaka Hawaii ma ka inoa, " KULU WAI LIILII" Ua hoi mai nei oia, a e pahola hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano. 888 tf
ANO NO I LOAA MAI NEI!
Na Kaa Lio Holo Lealea! Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.
DILLINGHAM & Co.. 876 tf Na Agena kuai ma Hawaii nei.
KO BIHOPA MA
BANAKO MALAMA DALA !
E MALAMA NO MAUA I KE DALA O na kanaka maloko o ka Banako, penei: Ina hoomoe mai ke kanaka hookahi i na dala $300 a emi mai paha. alaila, e uku maua i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi, aole no hoi no ka hapa malama. Ina ohi koke oia i kana dala, aole i hala na malama ekolu aole ukupanee. Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai. Ma ke kikoo wale no a ka mea dala e haawi ai i kana, a o ka Buke kekahi ke laweia mai. Ma ka la mua o Sepatemeba i kela makahiki a i keia, e houluulu ai i ke dala, a e huipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee. Ina oi aku ke dala hoomoe mamua o $300, alaila, hooholo pu ka olelo. E weheia ka Hale Banako i na la hana a pau. 851 tf BISHOP & Co.
Ale ka Wai ke Ike Aku
I keaha la hoi?
I na Waiwai Nani ano Hou loa hoi paha o ka Halekuai o
GOO KIM.
Nana aku no hoi oe, "Hoonuanua i Apua a Kalamaula."
OIA no hoi na Hainaki Silika Nunui Eleele a Ulaula, Pulu, Wai Gula a Wai Dala. NA Hainaka liilii Lei A-i. Na Mama-lu kane, wahine a me na Mamalu liilii kihi weluwelu o na kai-kamahine. Na uhi huihui nani nunui a liilii Na K ihei Sili-ka lau ma kaekae. Na Koloka kamalii nani a me na Koloka hoopumehana no na bebe. Na Huluhipa lau a me na lole huluhulu holoku o na wahine. Na Muumuu keokeo o na wahine lihilihi ma ke alo, a me na Palekoki Na Papale wahine Malina i hoopinanaia kekahi aoao, hele kela a kapakahi Manuia o Keokoi ka moku. Na Papale Waiokila aiai, a ke kau mai i ke poo, moa uakea lua kela ke pa iho ka la, a he nui wale na ano papale e ae i ike ole ia mamua. Na Hulu Eheu Ma-nu no na papale wahine, e kau ai ka iwa. Na Kalakoa hou loa, na Makalena a me na iole Iliwai, na Puuwai Gula a me na Gula Pepeiao o na wahine. Na Kamaa ano hou o na kane. wahine a me na kamalii, na Kuka Kanahai, na lole wawae a me na Palule o na ano he nui wale, a me na Pale Pakaukau
Na Hainaka Silika Hou loa o kela a ano waihooluu like ole nui a liilii, na Kalakoa Huluhipa ano hou loa, na Ma-kalena o keia a me keia ano, na Moena Pake, Ti Inu a me na mea hou e ae he nui wale na ano mai Kina mai. O keia mau waiwai, eia no ke aha mai nei o na ano hou loa wale no, a me kekahi mau waiwai e ae he nui loa i hiki ole ke helu papa aku. Ina aku no hoi a kapalulu hou mai, ma kela a me keia ku ana mai o ka mokuahi o na aina e. Nolaila e komo hale no e na hoa o ka ia o ka la, e wae i ko oukou mau i ini aole no hoi makou e niho iki, ke hele mai oukou e kuekaa
i na waiwai ma no ke kuai a nana wale no poha. E kaaiia aku no keia mau mea ma na kumukuai i haahai. MA na Paa-kahi a me na Poaono, oia na la e kuai hoopaki loa ia aku ai na mau waiwai nei. 858tf GOO KIM.
WAI HUI O KA HAU.
MA KA
MA ALANUI HOTELE!
NO
JNO. W. CROWELL, (Kolowela.)
E LOAA no i na keonimana a me na lede o keia kaona, kahi o hoomaalili ai i ka wela ikiiki o ka houpo, ka kipa aku ma ka hale loa wai hau huihui o Kalowela ma kahi i hoi-keia maluna, ma o aku o ka halekuai o Grant a me Hobertson ma Monikahaae, Honolulu. E naue ae malaila i ike pono. (876 3m)
MAIKAI KA HOI KA PAPA !
A ME
KA LAAU O KOU HALE! NO HEA LA ?
KAI NO HOI NO KAHI o WAILA MA!
Nana aku no hoi ia la Ohi ka Io o ka Laau o Makawao I ka na mea hoi o ka nani o Na PAPA ! Na PAPA !! A MENA PONO KUKULU HALE O NA ANO NO A PAU Aia ma ke kihi o na ALANUI PAPU me MOIWAHINE ! HONOLULU MALAILA E LOAA AI E LIKE me ka MAKEMAKE NO KE KUMUKUAI MAKEPONO LOA! PAPA, PAPA, PAPA. Na Papa Huluhulu, Na Papa Manoanoa, Na Papa i kahiia, Na Papa Kepa, Papa Hole Keokeo, Papa Hole Ulaula, NA LAAU, NA LAAU Na Kua, Na Kaola, Na Aeho, Na Moli Na Peapea, Pine Huluhulu, Pine i kahiia. NA Papa a me na Laau Ulaula! Pili ulaula, Pili Keokeo, Pani Puka, Pani Puka Aniani, Ipuka Aniani, Puka Olepelepe, PENA O NA ANO A PAU Hulu Pena mai ka Liilii a ke Nui, Aila Pena, Aila Hoomaloo, Waniti, Pate. NA LAKOOKELA A ME KEIA ANO! Na Ami Puka Hale. Na Ami Puka Pa ANIANI! Pepa Hale a me na Lihilihi E LOAA NO MALAILA. PAAKAI HELU 1 O KAKAAKO me PUULOA No ke DALA KUIKE, e loaa no na mea a pau i haiia ae la, no ke Kumukuai Emi loa. O na kauoha a pau mai Hawaii a Niihau, e loaa'ku ana ia lakou, e hooko koke ia no ia me ka lawa pono. E Kipa Nui i Ilaila, i ike i ka Oiaio 840 3ms