Ka Nupepa Kuokoa, Volume XVIII, Number 17, 26 April 1879 — Page 2

Page PDF (1.93 MB)

Ma ke Kauoha.

                KEENA O KE KIAAINA O HAWAII, HILO, APR. 10, 1879. Ua hookohuia ka Hon. F. S. Lyman i keia la i Kakauolelo na ke Kiaaina o Hawaii. LIKELIKE. 907 3t

            UA hookohu ia aku o Mr. Henry Marben i keia la i Komisina no na Pae Aina ma ka Apana o Waialua, mokupuni o Oahu ma kahi o C. W. Collins i waiho mai.
SAM'L G. WILDER, Kuhina Kalaiaina
Keena Kalaiaina, Mar. 11, 1879. 902 tf

            UA hookohu ia aku o Thomas Mills i keia la i luna Pa Aupuni no ka Apana o Kaupo, ma ka mokupuni o Maui.
JNO. O. DOMINIS, Kiaaina o Maui.
Lahaina, Jan. 30, 1879. 902 tf

            Ua hookohuia aku o Mr. Godfrey Brown i keia la, i Hope Luna Kakau Kope no ke Aupuni Hawaii, a he Luna Hooiaio no hoi ma kahi o Chas T. Gulick i waiho mai.
THOMAS BROWN, Luna Hooiaio Palapala
Keena Hooiaio, Honolulu, Feb. 1, 1879.
Aponoia SAM'L G. WILDER,
898 tf Kuhina Kalaiaina.

            ILOKO o keia mau pule e hele nei ke kalai manao nei kekahi poe iloko o na nupepa haole o ke kaona nei maluna o ka ninau e pili ana no ka hoopae ana i na lima hana mai na aina e mai. UA hoopuka iho nei o Kapena Loke he mau helu manao iloko o ka Nupepa Kalepa a iloko no hoi o ke Gazette e hoike ana i kona manao he pono ke kii ia na paahana ma Inia ; no ka mea, he nui loa kanaka ma ia aina, a ke kii ia nei e lawe i na aina e i poe paahana a e loaa ana no hoi lakou no ka uku haahaa loa, e like me elima a eono paha dala no ka mahina. A ke manao nei o Kapena Loke he lahui ano like ia me ko Hawaii, a he kupono no hoi ke hoohui ia ko lakou koko me ke koko Hawaii no ka hooulu lahui. Aka, o ka manao o kekahi poe e ae, aohe pono ke kii ia ko Inia lahui; no ka mea he lahui ia i haahaa loa ko lakou kulana ; ua make i ka wi, a ua onawaliwalia na kino a ua laha iwaena o lakou na mai ino i ike ole ia iwaena o kakou i keia wa, a malia o lilo paha ko lakou hele nui ana mai i kumu e lawe pu ia mai ai a hoolaha ia maanei; oia ka noonoo o kekahi poe.
            O keia ninau e pili ana no ka hoopae i na lima hana o na aina e mai, he mea nui keia i ka lahui kamaaina kahiko o keia pae aina, a he mea ku pono ke noonoo akahele ia mamua o ka hooholo pupuahulu ana i kekahi mea, a mahope mihi iho me ka walania. O ko Kipikona manao, he pono ke hoopae ia mai na poe o na lahui e ae a lau kanaka keia mau moku, aole nae oia i koi no ka poe o ka lahui hookahi wale no. Ma kona noonoo he mea pono ke kii ia kanaka o kela a me keia lahui, e like me ka hiki kupono i ka Papa Hoopae Limahana. O ka mea nui nae ana e koi nei, oia ka lawe pu mai i na wahine me na kane, aole o kane wale no e like me na kau i hala ae nei. O Kapena Loke a me Kipikona na mea i kamailio nui iloko o na nupepa haole o kakou no keia ninau e noonoo ia nei.
            Ke manao nei makou he mea pono i ka lahui Hawaii ke noonoo akahele i keia ulia e kau mai nei maluna o ko lakou aouli no keia mua aku. Ua manao ia he 10,000 kanaka oo ke hui ia me ka poe opio i kupono ke lawelawe i ka hana iloko o keia lahui, e noho wale ana i keia wa, he poe palaualelo a hoopilimeaai mahope o na makua me na makamaka ; aka, e loaa no ia lakou ka uku mahina mai ka umikumamakolu dala a hiki i ka iwakalua dala, ke oluolu lakou e imi i hana no lakou iho. Aka, aole lakou makemake i ka hana.
            A ke olelo nei ka poe nona na hana nui e kii i na paahana i na aina e, oiai eia no keia poe kupono i ka hana he 10,000, a oi aku paha ko lakou heluna ! he aha ka hope o keia? Eia no, aia a piha ka aina i na paahana o na aina e, alaila, e nele ana ka poe Hawaii i ka hana, no ka mea ua lilo na hana ia hai. Mamuli nele keia poe he 10,000 a keu i kahi ola. O na makua a lakou e hoopilimeaai nei, e make ana; a o na kumu loaa e ae a lakou e hilinai nei no kahi ola me ka hana ole, e pau ana. A o ko lakou pilikia ka hopena. A i ka wa e loohia ai ka pilikia e ukali ana mahope o ka palaualelo, alaila, ua paa mua na hana i ka poe e ae, a ua haule ino no hoi na uku hoolimalima a i ke kulana haahaa. Nolaila, e aho ke komo ana i ka hana i keia wa no ka uku he umikumamakolu dala a maluna aku no hoi o ka mahina mamua o ka hoopalaleha wale ana a hiki mai na la o ka nele mahope, o ka nele no ia.

            MOOLELO AHAHUI EUANELIO.—Ua loaa mai ia makou na moolelo o na Ahahui Euanelio o Hawaii Hikina a me Komohana a me ka ahahui kula Sabati o ka mokupuni o Oahu nei, a e hoopuka ia aku ana ma keia pule ae.

            KA MOIWAHINE KAPIOLANI.—Ma ka leta a H. Kaumauma ia makou, ua holo aku ka Moiwahine no Kaanapali a me Honokohau, a mahope o ka hoohala ana i kekahi mau hora ma ia wahi, ua huli hoi mai la no ka Malu Ulu o Lele. He maikai no kona ola kino.

            PUHI HALE.—Ma ka Poaono o ka pule i hala, ma ka apana o Lahaina, ua puhi ae la kekahi kanaka opiopio i kona hale i ke ahi, o Kaohie kona inoa; o ke kumu o kona puhi ana, ua uluhia ia oia e ke daimonio o ke kiaha, (waiona); a iloko o ka wa e a ia ana ka hale e ke ahi, ua hoopuka ae oia e lawe i ke ola o kana wahine, oiai oia e lupea ia ana e ka waiona iluna o ka lepo, pela ka le ta a Jno. Puhee ia makou.

            KU I KA PU.—Ma ka auina la o ka Poalua iho nei, oiai kekahi keiki a ka Ilamuku W. C. Parke e milimili ana i kekahi pu raifela, ua kani ka pu, a ku aku la ka poka mai kona aoao a holo pahia loa ae la a hala ma ke kua, a malaila i ili ai; o kahi nae i waiho ai o ka poka, aole i ike ia. Ke waiho nei ka mea i lohia i keia ulia ma kahi moe, me ka manaolana o ka mea lapaau, aole e pilikia ana. O ka makou e puana ae nei, he kumu ao kela no na mea a pau, aole e lawelawe a milimili hemahema i na mea oia ano, a laa ka pilikia la.

KE KII MAKANA.

                No ka makemake nui ia o ke Kii a makou i haawi ai i makana no ka poe hookaa mua i na DALA ELUA no ka NUPEPA KUOKOA no 1879, ua pau loa i ka lawe ia ua mau makana 'la, a ua koe kekahi poe aole i lawa. No ia kumu, a i kumu hoi e hiki ai ke pahola ia aku keia pomaikai a lawa pono ka makemake o na mea a pau, ua kauoha hou makou e hooili ia mai ona mau kii o ka MOIWAHINE O Enelani, e like ke ano me na mea i loaa mua mai nei. E hiki mai ana keia mau Makana iloko o keia mau pule ae. Ke manaolana nei makou mamua ae o ka la 30 o June e ike ia'i. Nolaila hoi, i kumu e loaa aku ai ka pomaikai i ko makou poe makamaka lawe i ke KUOKOA i nele i keia wa i ka Makana, e like me ko makou noi ia mai, ke hoakea ae nei makou i ka manawa e hookaa ai na dala elua no ka Makana, a o na mea a pau e hookaa ana i na DALA ELUA no KA NUPEPA KUOKOA no 1879 mamua ae o ka la 30 o June e loaa no ia lakou keia KII MAKANA MAIKAI.

KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula.

APE RILA 26, 1879.

IKE ALII MA ALIIOLANI HALE.

                MA ka Poakahi o keia pule mahope iho o ka ike ana o ke Kapena o ka moku kaua Perusia Prinz Adalbert me ke Kanikela Geremania i na Kuhina o ka Moi, ua haalele aku ka Mea Kiekie ke Keiki Alii Henry o Perusia i ua moku nei, a holo mai iuka nei malalo o ke kani ana o na pu aloha he 21 mai ka Batari aku o Puowaina.
            Ma ka uapo ua hoohalawai ia ke Keiki Alii me Colonela W. F. Allen me ka haawi pu ia'ku e na hoohanohano alii mai kekahi mahele aku o ka Hawaiian Guards. Ua kau aku ke Keiki Alii maluna o ke kaa Moi i ukali ia e na alii moku manuwa, a holo no Aliiolani Hale. Ma ka puka o Aliiolani Hale, ua hookipa ia ke Keiki Alii e Ka Lunakanawai Kiekie me Ka Mea Hanohano ke Kuhina o ko na aina e, na laua ia i alakai a i ka puka e komo ai i ka rumi hookipa nui, malaila ua apo ia mai oia e ka Moi, a nana i alakai a iluna o kahi i hoomakaukau mua ia.
            Alaila pane aku la ke Keiki Alii imua o ka Moi me keia mau huolelo; " Ke hoomanao nei au no na manao mawaena o Hawaii a me Geremania, he oluolu loa; a ua hauoli loa au i ka loaa ana o keia wa kupono e ike ai ia oe e ke Alii, a me kou Aupuni.
            O ka hooko ia ana o kekahi kuikahi no ke Kalepa a me ke aloha o na aupuni elua, he mea ia i hiki ke hoomaopopo ia e ko ana, a he manao lana ko'u e lawa pono ana na mea i makemake ia.
            Me na manao maikai oiaio nou e Ke Alii a no kou ohana alii i hele mai nei au e ike. "Alaila pane aku la ka Moi penei : " Ke makemake nei au e ke Alii e hoike aku imua ou i ko'u mau hoomaikai oiaio ana no kou hiki pono ana mai, me ka hookipa ia oe iloko o ko'u Aupuni, a he hauoli ko'u i ka waiho ana aku imua ou a me na alii o ka moku o ke Alii Imperial, ka moku kaua Prinz Adalbert, na hookipa aloha a ka lahui. "
            A pau ia, hoike aku la ke Keiki Alii i ka Moi i Ka Barona Von Seckendooff kahu o ke Keiki Alii Henry o Perusia; Kapena Mac Lean, Kapena o na aumoku manuwa Geremania a Kapena no hoi o ka moku kaua Prinz Adalbert na alii o ka moku, a me J. C. Galade ke Kanikela Geremania o Honolulu.
            Alaila, hoike aku la ke Kuhina o ko na Aina e imua o ke Keiki Alii i ka Lunakanawai Kiekie; ka Hon. A. S. Cleghorn; na Kuhina; ka Peresidena o ka Ahaolelo; ka Hon. H. A. P. Carter, Elele o ka Moi i ke alo alii o Geremania, a me kekahi poe alii e ae.
            Mahope o ka hoohala ana i kekahi mau minute ma na kuka oluolu ana, alakai aku la ka Moi i ke Keiki Alii i ka rumi hookipa o ka Moiwahine, oiai ua kaawale aku oia i kahi e, a na ka Hooilina Moi i lawelawe ma ka hookipa ana. Hoike aku la ka Moi i ke Keiki Alii i ka Mea Kiekie ke Alii Liliuokalani, ka Hooilina Moi, a me ka mea kiekie ke Alii Likelike, alaila, alakai aku la i kona wahi e noho ai. Mahope iho o ke kamailio oluolu ana o ke Keiki Alii me ke alii Liliuokalani, iho mai la ia mai luna mai o kona wahi i noho ai, a ho ike ia aku la na wahine hanohano o ke alo alii, e Colonela C. P. Iaukea, a ua lulu lima oia me lakou. O na wahine o ke alo alii i ike i keia hookipa ana, oia ke alii Likelike, Hon. Mr s. Pauahi Bishop, Miss Harris. Mrs. Wilder, Mrs. Kapena, Mrs. Preston, Mrs. McCully, Mrs. J. M. Smith, Mrs. H. A. P. Carter, Mrs. Col. Allen, Mrs. Hoffman, Mrs. Major Gulick.
            Ma ka ho ra 2 o ka auina la o ia la no, ua holo aku ka Moi e ike i ke Keiki Alii maluna o ka moku manuwa Prinz Adalbert, a i kona hoi ana mai iuka nei ua pakui ia mai la na hoomaikai ana me ke kani ana o na pu aloha o ka manuwa.

            NA UWEPA WANANA EHIKU.—No ke kowa ole o ko kakou elele i keia pule, e komo ai ma kona wahi i kamaaina mau, nolaila, aole e puka aku ana i keia pule, aia i keia pule ae.

            KA MOKUKAUA GE EREMANIA PRINZ ADALBERT.—Ma ka auina la Poaono o ka pule i hala, ua hekau ino la ka moku kaua Geremani " Prinz Adalbert " ma ka nuku o Mamala, me kana ukana Alii maluna o kona oneki, oia Ka Mea Kiekie ke Keiki Alii HENErE, keiki a ka Hooilina Moi o Geremania, a moopuna hoi a ka Moiwahine Victoria o Beritania Nui. Mahope iho o ke ku iki ana o ka moku ma ka nuku o ke
awa, ua haawi mai la oia i kona mau pu aloha aina, a pela i panai pu ia aku ai e ka Ba tari o Puowaina.

            KA ULIA POINO MA PUOWAINA—Ma ka Poaono i hala, i ka wa a na elemakule pukuniahi e kiola ana i ko lakou mau leo i kuwa aloha no ka Hoilina Moi o Geremanie, oia ka wa i loohia ai kekahi ulia poino i kekahi o na koa nana e hoohana ana ua mau elemakule la, ma ka wela ana o kona maka a me kona mau lima i ka pauda ; o ke kumu i loaa ai keia poino, pela ka lono i hai ia mai ia makou, ua ninini ke kanaka mahope o ka pu, i ke kiwi pauda iloko o ke kapuahi no ke kani ole o ka pu, a o ka wa no ia i holapu ae ai ke ahi a pau iho la kona mau maka. Ua hai ia mai makou, aole he pilikia loa o ka mea i poino, a e loaa ana no iaia ka palekana mai na palapu ae no kekahi mau la. Nolaila, e makaala loa oukou e ka poe e lawelawa ana ma keia mea o ke ki pu kuniahi, a laa ka poino no ka hemahema o ka lawelawe ana.

            KA IKE ALII MA ALIIOLANI HALE.—Ma ka Poakahi iho nei, i ka wa i halawai ae ai na manamana o ka wati i ka lolo, ua hoike mai la ka Batari o Puowaina i ka lono hauoli; o ka wa ia i ike ia aku ai ke kaa Moi e hii mai ana i kana makana hanohano kiekie ma kona umauma, e kaalo ae ana ma ke alanui Moiwahine, a pii ma ke alanui Papu, huli i ka hikina pii ma ke alanui Moi no Aliiolani Hale, me Ka Mea Kiekie ke Keiki Alii Kale Henere Wiliama Albert me kona ukali a me Col. Allen, i ukali ia e ka Mekia Chas. T. Gulick a me Capt. Jas. Boyd, me na kahili mamua o ke Kaa Alii, i ukali ia e na aliimoku o ka moku kaua o ke Keiki Alii maluna o na kaa ; oiai na makaainana e hahai hele ana ma ka aoao o ke kaa, a e moe ana kaoo ma ka aoao o ke alahele me na leo huro i ko lakou mau waha. I ka hiki ana o ke kaa alii ma ka puka pa o Aliiolani Hale, ua haawi mai ia ka Puali Puhi Ohe Aupuni i ka mele lahui o Geremania, me na puali koa hoi e ku laina ana i ka lakou mau pu i ke alo, a me ka lehulehu i haiamu ae malaila me na leo huro; i ka hiki ana o ke kaa ma ka ipuka o Aliiolani Hale, ua lele iho la ke Keiki Alii a me kona ukali me Col. Allen, a hehi aku la na kapuai i ka paehumu waho loa o ka hale; i ukaliia aku e na alii moku, ua hookipa ia aku me ka eehia imua o ka Moi a me ka Hooilina Moi, a me kona kaikuahine Kiaaina, na Kuhina a me na Luna Aupuni; a mahope o ka luana pokole ana, ua huli hoi mai la ke Keiki Alii a kau iluna o ke kaa no ka moku.

            MA ke keena o ka Luna Kanawai Kaapuni, o ka Apana Elua o ko Hawaii Pae Aina. Ma ka waiwai o Keke k, no Kamalo, Molokai i make. Ua heluhelu ia a ua waiho ia ka palapala noi a J W Kalua, ka Lunahooponopono o ka waiwai o Keke k, no Kamalo, Molokai i make, e noi ana e hoapono ia kana moowaiwai a e hookuu ia mai ka oihana. Nolaila, ke kauoha ia aku nei na kanaka a pau ke pili, o ka Poakahi, oia ka la 19 o Mei 1879, ma ka hora 9 am ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua nonoi la, a me na mea kue ke hoike ia.
ABR. FORNANDER. Lunakanawai Kaapuni Apana 2, H P A.
Lahaina, Apr. 18 1879. 908, 3t.

            MA ke keena o ka Luna Kanawai Kaapuni o ka Apana Elua o ko Hawaii Pae Aina. Ma ka waiwai o J Kaea k no Kuiaha, Hamakualoa, Maui, i make. Ua heluhelu ia a ua waiho ia ka palapala noi a J Puiwa Kaea k, e noi ana e hoonoho ia ia i Lunahooponopono no ka waiwai o J Kaea k, no Kuiaha, Hamakualoa, i make. Nolaila, ke kauoha ia aku nei na kanaka a pau ke pili, o ka Poalua, oia ka la 27 o Mei 1879, ma ka hora 9 am ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
A BR. FORNANDER. Lunakanawai Kaapuni Apana 2, H P A.
Lahaina, Aperila 19 1879. 908, 3t.

            MA ke keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o Kalumaina k, no Wailuku, Maui, i make. Ua heluhelu ia a ua waiho ia ka palapala noi a Kamaka w, e noi ana e hooponopono ia ka waiwai o kana kane make, oia hoi o Kalumaina k, no Wailuku, Maui, i make aku, a e hoonoho ia i kahu no ke keiki oo ole. Nolaila ke kauoha ia aku nei na kanaka a pau, ke pili, o ka Poalua, oia ka la 27 o Mei, 1879, ma ka hora 10 a m, oia ka la a me kahi i koho ia no ka hoolohe ana i na nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2 H P A.
Lahaina, April 18, 1879. 908 3t

            MA ke keena o ka Lunakanawai Kaapuni o ka Apana Elua o ko Hawaii Pae A. Ma ka waiwai o Piipii k, a me Kukue k, no Honuaula, Maui, i make. Ua heluhelu ia a ua waiho ia ka palapala noi a Hapaiwaa k, e noi ana e hoonoho iaia i Lunahooponopono no ka waiwai o Piipii a me Kukue k, no Ulupalakua, Honuaula, i make. Nolaila ke kauoha ia aku nei na kanaka a pau i pili, o ka Poalua, oia ka la 27 o Mei, 1879, ma ka hora 11 a m, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2 H P A.
Lahaina, April 18, 1879. 908 3t

            MA ke keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o Moses Kapike no Kuiha, Hamakualoa, Maui, i make. Ua heluhelu ia a ua waiho ia ka palapala noi a Joseph P. Kapihe, e noi ana e hoonoho ia ia i Luna Hooponopono no ka waiwai o Moses Kapihe, no Kuiha, Hamakualoa, Maui, i make. Nolaila., ke kauoha ia aku nei na kanaka a pau, ke pili, o ka Poalima, oia ka la 30 o Mei, 1879, ma ka hora 9 a m, ma ka Hale Hookolokolo ma Makawao, oia ka la a me kahi i koho ia no ka hoolohe ana i ua nonoi la, a me na mea kue ke hoike ia.
ABR. FORNANDE R, Lunakanawai Kaapuni Apana 2, H P A.
Lahaina, April 18, 1879. 908 3t

            MA ke keena o ka LunaKanawai Kaapuni o ka Apana Elua o ko Hawaii Pae Aina. Ma ka waiwai o J K Kaianaui no Waihee, Maui, i make. Ua heluhelu ia a na waiho ia ka palapala noi a Kaiku w, e noi ana e hoonoho iaia i Lunahooponopono no ka waiwai o J K Kaianui kana kane i make aku nei. Nolaila, ke kauoha ia aku nei na kanaka a pau i pili, o ka Poalua, oia ka la 27 o Mei, 1879, ma ka hora 2 p m, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2, H P A.
Lahaina, April 18, 1879. 908 3t

            MA ke keena o ka Luna Kanawai Kaapuni o ka Apana Elua o ko Hawaii Pae Aina. Ma ka waiwai o Akela pake no Wailuku i make. Ua heluhelu ia a ua waiho ia ka palapala noi a Ths. W. Everett, e noi ana e hoonoho ia i kekahi Lunahooponopono no ka waiwai o Akela pake no Wailuku, Maui, i make. Nolaila, ke kauoha ia aku nei na kanaka a pau ke pili, o ka Poakolu, oia ka la 28 o Mei 1879, ma ka hora 10 am, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
AB R. FORNANDER, Lunakanawai Kaapuni Apana 2 H P A.
Lahaina, Aperil 18, 1879 908 3t

OLELO HOOLAHA.

                E IKE auanei na kanaka a pau ma keia, o na olelo aelike e hana ia ana me ka'u wahine o Holokamanawa, e pili ana no ka mahiai ana a hana e ae paha maluna o ko maua aina ma Moanalua, Oahu, e lilo ana ia i mea ole, ke hoapo no ole ia e a'u. A o na mea a pau e komo ana ma ua mau aina la me ko'u ae ole, e hoopii ia ana ia no ke komohewa a me ke poho. M. ALEXANDER (Pukiki.) Kakauia ma Honolulu, Aperila 15, 1879. 907 2t

OLELO HOOLAHA

                OIAI ke makemake nei au e hoopaa i ko'u mau aina i ka pa, ma na Awawa o PALOLO a me MANOA, Nolaila, ke noi aku nei au i na mea a pau nona na aina e pili ana i ko'u ma ia mau awawa, e hele mai a e kuka pu me a'u no ia mea.
CHARLES LONO. Helu 5, alanui Kalepa 907 4t

HE AHA MELE NUI.

                E wehe ia ana he Aha Mele maloko o ka Luakini o Kawaiahao, ma ka PO POAONO, MEI 3, M. H. 1879, Malalo o ka hooponopono ana a me ke alakai ana a ke Alii ka Hooilina Moi Liliuokalani. E kuu aku ana imua o ia anaina ke KAHULI LEO LEA o ka Ua Tuahine o Manoa, MISS JULIAN WALANIKA. E hoike aku ana oia i ka ikaika o kona leo i oi pahiku ae i ko na au i hala. Ma ke ana ia ana o kona leo i keia wa, ua ike ia keia : Ma ka IKAIKA—He 9 degere ma ka mea ana leo. Ma ke POHA ana—HE 7 degere oi i ke sila. Ma ke O ana--He 4 degere oi i ke sila. E mele aku ana oia i kekahi mau leo mele i hana mau ia a hookuku mau ia ma Amerika, a i kaahele ia hoi e ko Europa a puni ka honua, oia keia "The Valley of Chamouni," A ME "SCENES THAT ARE BRIGHTEST." Na wai la auanei ke eo, na ka ili keokeo paha ma ka Hawaii paha. Na na pepeiao e hooponopono. E hui pu mai ana ma ia Aha Mele kekahi poe puukani o Honolulu nei, a me ko Manoa mau kahuli kani kuamauna. E hemo ana na puka i ka hora 7 ahiahi, hoomaka na hana i ka hora 7 1-2. UKU KOMO—No lalo, $1.00; na aoao me luna, 50 keneta; na keiki, 25 keneta. Na Balota Komo e loaa no ma ke Keena Kuokoa, ko Hawaii Pae Aina, ma ka puka komo, a me na Komite. 908 2t

HE MAU MEA NANI LOA
MA KA HALEKUAI
" CALIFORNIA
ONE PRICE
BAZAR."

                Ua loaa mai nei ia makou na Lole Nani Loa i ike ole ia ka lua ma ke Aupuni Hawaii; no na kumukuai haahaa lua ole i ike ole ia i na kau i hala. Oiai ua loaa ia makou keia mau Lole no ke kumukuai haahaa loa, nolaila, oia ke kumu o ko makou kuai ana no ke kumukuai emi loa i ku i ka hoopomaikai i ka lehulehu, oia na Lole Kalakoa nani o na ano a pau : Na Aahu Paina maikai loa, Na Kihei Huluhulu maikai loa, Na Kukaenalo a me na Keokeo, Na Lole Komo he nui wale o na Kane, Na Palule Olona no $1.00 Na Miki-lima Lopi Lilina o na Wahine, Na Lole Silika Eleele me ka Veleveta, Na Uhi Bela Laula 1-4, 7-4, 8-4, 9-4, 10-4, Na Huluhulu Keokeo o na ano like ole, Na Palule Keokeo Alu Lilina no $1.50 Na Lolewawae Ahina 60 kene ta o ka paa Na Miki-lima ili o na Kane me na wahine, Na Uhi Moe, He maikai loa na Palemai no na Wahine a me na Kaikamahine. Na Paa Lole no na Keiki, Na Kamaa o na Keonimana a me na Lede, Na Lole Hinuhinu Mabela, Ka makou mau Lihilihi Silika Na Palemai Silika Marino o na Kane, Na Lole Wahine Keokeo me na hoonani. Ua hoemi loa ia ke Kumukuai o na Lihilihi a me na Papale Keiki. Na Zebera Berina maikai he 20 keneta wale no o ka Auneke. Na Kenila maikai loa he 15 Keneta o ka Auneke, Na Lina Lole maikai loa o na ano a pau, Na Pahi Koli Peni he nui wale. Na Papale Kane a me Wahine. Ua loaa mai ia makou na ano pahi he nui wale, aole mea like i ike ia mamua ma keia wahi. O ka poe kuai pahi e pomaikai ana lakou ke hele mua mai ma keia Halekuai a e wae no lakou iho. He lua ole ka maikai o na pahi a me ke emi o ko lakou kumukuai. O na waiwai a pau i loaa mai ia makou, ua kuai ia aku no ke kumukuai haahaa loa. E hele nui mai e nana a e wae, a e ike auanei oukou. O KA MAKOU OLELO MAKIA : E hoahu i na Waiwai Maikai, a e Kuai Emi Loa, Ma ka Halekuai California One Price Bazar. 905 3m 916 MELLIS & FISHEL.

Hoolaha Papa.

                MAI keia la aku a mahope aku nei, ke papa loa ia aku nei na mea a pau e hookuu wale ana i ko lakou mau bipi, lio, miula, a me Iakake maluna o kuu aina hoolimalima o Waaloa, e waiho la ma Manoa, mokupuni o Oahu. A ina e loaa ia'u keia mau holoholona e komohewa ana maluna o kuu aina, e uku ka mea nona ia holoholona he hookahi dala no ke poo, a i na e hoopoino i na mea kanu, e uku oia e like me ka nui o ke poho. Eia kekahi, e kapu loa na kanaka a pau aole e hiki ke hele wale maluna o kuu aina me ke kuleana ole.
JAMES ARAISA.
Manoa, Aperila 21, 1879. 908 4t*

Hoolaha a ka A gena Kanikela Amerika.

                KE hoike aku nei keia hoolaha, o na kanaka a pau he kuleana ko lakou i ka waiwai o J S SMITH, M D, ua kauoha ia lakou e hoike mai i na hooiaio i ka mea nona ka inoa malalo iho, iloko o na malama eono, mai ka la aku o ka puka ana o keia hoolaha, o hoole mau loa ia aku lakou; a o ka poe a pau i aie i kela waiwai, ua kauoha ia lakou e uku koke mai me ka hakalia ole ia THOMAS SPENCER,
Hilo, Aperila 26, 1879 908 1m

Hoolaha Ku dala.

                MA ke kauoha a ka Agena Kanikela Amerika o Hilo, Hawaii, e kuai aku no au ma ke ku dala akea ana ma ka POAHA LA 1 O MEI, 1879. I na pono a me na waiwai a pau o Kauka James S Smith.
J WORTH, Luna Kudala.
Ape rila 26th, 1879. 908 1t

            MA ke keena o ka Lunakanawai Kaapuni, Apana Elua o ko Hawaii Pae Aina. Ma ka waiwai o Kaalae k, no Papaea, Hamakualoa, Maui, i make. Ua heluhelu ia a ua waiho ia ka palapala noi a Umi w, e noi ana e hoonoho iaia i Lunahooponopono no ka waiwai o Kaalae k, no Papaea, Hamakualoa, Maui, i make. Nolaila, ke kauoha ia aku nei na kanaka a pau i pili, o ka Poa lima oia ka la 30 o Mei, l879, ma ka hora 10 a m, ma ka Hale Hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2, H P A.
Lahaina, April 18, 1879.

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o S. Kipi, no Hilo Hawaii i make. Ua heluhelu ia a ua waihoia ka palapala noi a Moses Kipi, e noi ana e hoonoho ia o W. H. Reed i lunahooponopono no ka waiwai o Samuela Kipi k no Hilo, Hawaii i make. Nolaila ke kauoha ia aku nei na kanaka a pau ke pili, o ka Poaono oia ka la 17 o Mei 1879, ma ka hora umi o kakahiaka, ma ka hale hookolokolo ma Hilo, oia ka la me kahi i koho ia no ka hoolohe ana i ua noi la a me na mea kua ke hoike ia.
F. S. LYMAN, Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

HOOLAHA PAPA.

                E IKE auanei na kanaka a pau loa. Owau o ka mea nona ka inoa malalo iho, ma keia ke hookapu aku nei au, a ke papa nei i na kanaka a pau aole e komo hewa aole hoi e lawe aku i na puaa bipi a me na lio i kuni ia a i kuni ole ia paha; na manu o na ano a pau, aole hoi e oki i na laau o na aina i hoike ia malalo iho, a e waiho la ma Hamakua, mokupuni o Hawaii, oia hoi keia. Opihilala, Kaalaea, Hauola, Paauilo, Koholalele, Kainehe, Kaawikiwiki, Kaao, Kekualele, Kukaiau, a me Manowaikohao. O ka poe kue i keia olelo papa, e hoopii ia lakou ma ke kanawai.
CHAS. NOTTEY, 900 6m Mar. 1

OLELO HOOLAHA.

                AHA Hookolokolo Kiekie ko Hawaii Pae Aina, ma ka hooponopono waiwai. Ma ka hana o ka waiwai o Wm. H. Wright o Koloa, Kauai i make. Ma ke keena imua o ka Lunakanawai Kiekie Harris. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike a John N. Wright, luna hooko kauoha o ka palapala kauoha o William H. Wright no Koloa, Kauai i make, e noi ana e apono ia na hoolilo he $21,276.33, a e hoike ana o na mea i loaa mai iaia he $16,637.09, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia, o ka Poakahi ka la 19 o Mei, 1879, ma ka hora umi o kakahiaka imua o ua Lunakanawai la ma ke keena, ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i olelo ia, a o ka poe a pau i pili malaila e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Beritania a me Hawaii, e paiia maloko o ka P. C. Advertiser a me ke Kuokoa he mau nupepa i pai a hoolahaia ma Honolulu i ekolu pule mamua ae o ka manawa i olelo ia no ka hoolohe ana.
Kakauia ma Honolulu ko Hawaii Pae Aina i keia la 12 o Aperila 1879.
CHAS C. HARRIS, Ikea : Lunakanawai Nui o ka Aha Kiekie.
937 3t A. Rosa, Hope Kakauolelo o ka Aha Kiekie.

            AHA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai A. Kalama k o Manoa, Oahu, i make kauoha ole. Imua o ka Lunakanawai Hon. A. F. Judd. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a David Malo ke keiki ponoi, no Manoa, Oahu, e hoike mai ana o A. Kalama k, no Manoa, Oahu, ua make kauoha ole ma Manoa, Oahu, ma ka la 12 o Feberuari 1879, a e noi ana e haawi ia ka palapala hookohu lunahooponopono waiwai ia David Malo. Ua kauoha ia o ka Poalua ka la 29 o Aperila, 1879, oia ka manawa i koho ia no ka hoolohe ana i ua noi la, imua o ua Lunakanawai la ma ke keena hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ka Nupepa Kuokoa he nupepa ma Honolulu.
Kakauia ma Honolulu, ko Hawaii Pae Aina, Apr 8, 1879.
A. F RANCIS JUDD, Ikea : Lunakanawai o ka Aha Kiekie.
A. Rosa, Hope Kakauolelo. 906 3t
Kakela a me Haki, no David Malo.

                MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Umiumi k no Opea, Hilo, Hawaii i make. Ua heluhelu ia a ua waiho ia ka palapala noi a Kala k ka lunahooponopono o ka waiwai o Umiumi k no Opea, Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879 ma ka hora umi o kakahiaka, ma ka hale hookolokolo ma Hilo oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. LYMAN, Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Honolulu w no Laupahoehoe, Hilo, Hawaii i make. Ua heluheluia a ua waihoia ka palapala noi a Puniawa, ka lunahooponopono o ka waiwai o Honolulu w no Laupahoehoe, Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua noi la a me na mea kue ke hoike ia.
F. S. L YMAN, Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o I (pake), no Puueo, Hilo, Hawaii i make. Ua heluheluia a ua waihoia ka palapala noi a G. W. Akao Hapai, ka lunahooponopono o ka waiwai o I (pake), no Puueo, Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholoia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. LYMAN, Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

            E IKE auanei na kanaka a pau ke nana iho, o makou ka Poe Hui ma Kailua, Koolaupoko, Oahu, ua lilo ia makou na apana kula e pili ana ma na aoao a pau o ka loko o Kaelepulu a me ka apana okoa o Makawao mauka o Kailua, ua kapu na mea a pau maluna o ua mau aina la no makou. Aole e kii wale ka poe kuluena ole, i na mea a pau o luna o ua mau aina la, aole no hoi e hele wale na holoholona o ka poe mea aina ole ma ua mau kula la. Ina e loaa kekahi kanaka a mau kanaka paha, a me na holoholona i ko makou luna ia Samu a i kona hope paha, e uku no e like me ke kanawai o ka aina 905 4t* Na PUHI me ka POE HUI o Kailua.

            E IKE auanei na kanaka a pau ke nana mai i keia, owau o ka mea nona ka inoa malalo nei, ke hooki a hoopau loa aku nei au i ke kuai ana a Kalawaianui me Kimo Pelekane i ka apana aina o Luana, oia o Kaluamoo ili o Niukee, a me ke kahua hale o Kamaipipipi, nona ka Palapala Sila Nui Helu 4162, Kuleana Helu 907, me ke kau ole aku o ko'u pulima ma keia kuai ana. Nolaila, o ua apana aina la i haiia ae la maluna, ke lawe nei au ma ka poho o ko'u lima, e like me ka mana i loaa mai ia'u ma keia Sila mai ke aupuni mai, ke hoole a hoopau aku nei au i ka mana o ke Sila mua a me ke kuai ana, e lilo keia i olelo paa a oiaio mai keia la aku.
Owau no D. H. KEKUKAHIKO.
Honouliuli, Ewa, Oahu, Mar. 25, 1879. 904 4t*

OLELO HOOLAHA.

                O NA poe a pau ke ike ia ua komohewa ma ka aina o HONOULIULI, ma ka Apana o Ewa, mokupuni o Oahu, no ka lawe ana mailuna aku o ka aina i na Bipi, Lio, Puaa, Pelehu, a me na hua o na ano a pau, a me ke ki manu ana, e hoopii ia ana lakou ma ke kanawai. O na bipi, lio, hoki a me na holoholona e ae ke ike ia ua komohewa ma ia aina, e kaki ia lakou he hapalua dala no ke poo hookahi no ka pule no ka ai ana i ka mauu, a e hookomo ia no hoi iloko o ka Pa Aupuni. A e pepehi ia na ilio a pau loa.
Kakauia i keia la 28 o Mar. 1879.
JAMES CAMPBELL, Konohiki.
Na kona Loio E. T. O'Halloran. 905 4t

Hoolaha a na Hope Hooponopono Waiwai.

                O NA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Ai o Wailuku, he mea i Banekerupa. Ma keia ke hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T. W. Everett ma Wailuku, Maui.
M. GREEN. T. C. ACHONG.
Na Hope Hooponopono Waiwai o ka waiwai o C. Ai he Banekerupa. 895 tf

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Makahuhu w, no Kihalani, Hilo, Hawaii i make. Ua heluheluia a ua waihoia ka palapala noi a Kaloa k, ka lunahooponopono o ka waiwai o Makahuhu w, no Kihalani, Hilo, Hawaii i make e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. L YMAN, Lunakanawai Kaapuni Anana Ekolu H P A.
Hilo, Hawaii, April 8, 1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Apiipii k, no Honomu, Hilo, Hawaii i make. Ua heluheluia a ua waiho ia ka palapala noi a M. Kirchhoff, e noi ana e hooholo ia na hooilina o ka waiwai o Apiipii k no Honomu, Hilo, Hawaii i make, a e hoonoho ia kekahi mea kupono i lunahooponopono no ia waiwai. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua noi la a me na mea kue ke hoike ia.
F. S. LYMAN, Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

Hoolaha a ke Kahu Malama Waiwai.

                UA hookohu pono ia mai ka mea nona ka inoa malalo i kahu malama no na waiwai a pau o Mr. Kahananui he mea pupule, no Hana, Maui, a ua loaa pu mai ia'u he mana hoolimalima aku i na aina, mai ka mea hanohano Abr. Fornander ka Lunakanawai Kaapuni Apana Elua o ko Hawaii Pae Aina. Nolaila, ke hoike ia aku nei ka lohe i ka poe a pau i aie i ka mea pupule e hookaa koke mai, a o ka poe a pau a ka mea pupule i aie aku ai, e waiho mai me ka bila ana i kakau inoa ai, iloko o na malama eono mai keia la aku, o nele auanei lakou; a o na waiwai hoi a pau o ka mea pupule e paa nei ma ka poho lima o kekahi poe e ae, e hoihoi koke ia mai i ka mea nona ka inoa malalo.
JOSEPH ANAKALEA. Kahu Malama Waiwai o M. Kahananui.
Halehaku, Maui, Aperila 11, 1879. 907 4t*

            AHA Hookolokolo Kaapuni Apana Eha ko Hawaii Pae Aina, ma ka hooponopono waiwai. Ma ka waiwai o Pohakahi k o Wahiawa, Kauai, i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Nahalemahiki k, e hoike mai ana o Pohakahi no Wahiawa, Kauai, ua make kauoha ole ma Wahiawa, ma ka la 5 o Mar. 1856, a e noi ana e haawi ia ka palapala hookohu lunahooponopono waiwai i ka mea hoopii. Ua kauoha ia o ka Poaono, oia ka la 10 o Mei 1879, i ka hora 10 kakahiaka oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Koloa, Kauai, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu.
Kakauia ma Koloa, Kauai, ko Hawaii Pae Aina, Aperila 1, 1879.
JACOB HARDY, 906 3t Lunakanawai Kaapuni Apana Eha H P A.

C. C. Coleman.

                Ama ra a he Mea Hana Mekini, Kapili Kapuai Hao Lio A ME KA Hana ana i na Kaa Lio, &c., Hale Hana ma Alanui Alii, e kokoke la i 894 ke Alanui Papu. 3m

E Kuai ia Ana.

                HE 1,000 Hipa a me 8,000 Kao o ka Hui Hanai Kao o Kaupulehu ma Kona, Hawaii. E ninau ia H. Cooper (Kupa) o Kailua. 858 tf A. S. CLEGHORN & CO.

OLELO HOOLAHA.

Castle a me Ha tch.

                O KAKELA OPIO A ME F. M. HATCH. ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope,
Keena Hana, maluna ae o ka Halekuai o Dillingham & Co.
Helu 37, Alanui Papu. 3 6ms

ALFRED S. HARTWELL,
[HAKAWELA.]
LOIO a he KOKUA ma ke KANAWAI !

                Aia kona Keena Oihana maluna ae o ka Hale Baneko Hou o Bihopa ma. 867 tf

CECIL BROWN.
LOIO A HE KOKUA MA KE KANAWAI

                A HE A GENA no ka Hooiaio ana i na Palapala no ka Mokupuni o Oahu. Helu 8, Alanui Kaahumanu. Honolulu, H. P. A. 2y

RICHARD F. BICKERTON,
[PEKETONA.]
LOIO a he KOKUA ma ke KANAWAI !

                E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela a me keia ano. Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 ly

S.W.MAHELONA
HE LOIO! HE KOKUA A HE PALE
ma ke Kanawai.

                UA makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m

JNO. LOTA KAULUKOU.
LOIO A HE KOKUA.

                Ua makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m

DAVID K. MALEKA.
Loio a he Kokua ma ke Kanawai.

                UA makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 ly oc26

EDWARD KEKOA.

                HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka ho ra 8 am a me ka hora 4 pm., ke ole he pilikia e ae. 882 ly oc26

J. KAPOHAKIMOHEWA.
He Loio a he Kokua.

                NO na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa 883 6m no2

S. M. P. KALEO.
He Loio, he Kokua, a he Pale ma ke Kanawai.

                NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 l y no9

P. NUI.
LOIO ! LOIO!!
O ka Ua Ukiukiu o Makawao, Maui.

                UA makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16

HENRY N. KAHULU
Loio a he Kokua ma ke Kanawai.

                UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly nol6

ASA KAULIA.
Loio a he Kokua ma ke Kanawai.

                UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31 ; a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly no16

L. A. THURSTON.
LOIO!
WAILUKU, MAUI.
 889 6m dec 14

TIMOTHY KALAEONE.
He Loio a he Pale ma ke Kanawai.

                IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa. 895 1y Jan. 25.

J. W. M. POOHEA.
He Loio a he Kokua ma ke Kanawai.

                No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kepa no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o " Kalauonaona, " ma Wawaia, a i ole ia, ma ka Halehookolokolo ma Pukoo. 895 1y Jan 25

DR. F. LESLIE MINER.

                HE Kauka Lapaau a me ke kokua ana i na wahine hanau keiki. Aia kona keena hana ma ka Hale Kuai Laau Lapaau o E. Strehz, ma ke kihi o na alanui Papu me Hotele. 881 1y