Ka Nupepa Kuokoa, Volume XVIII, Number 18, 3 May 1879 — Page 4
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula,
MEI 3, 1879.
Battling for the Lord.
Colonial Singer. No 201, p. 193.
1 He paio pono ko kakou,
Paio no Ie su,
He paio no ke ola mau,
Paio no lesu.
Cho. E paio no a mau,
A hiki mai Ie su,
Alaila, maha no,
E maha ma ke ao.
2 Iesu ka Luna o kakou,
Paio no lesu,
He paio a loihi no.
Paio no Ie su.
Cho. E paio no a mau, &c.
3 E paio ae i ko ka po,
Paio no lesu ;
E paio ae i ko ke ao,
Paio no Iesu.
Cho. E paio no a mau, & c.
4 A pau ka paio ma ke ao,
Paio no Iesu,
Alaila, ole paio hou,
Paio no Iesu.
Cho. E paio no a mau, &c.
5 A pii au i ka home o'u,
Home ma ke ao,
A maha me na hoa pu,
Maha me Iesu.
Cho. E paio no a mau, &c.
Koda. Ka home ao,
Malaila no au la e maha a mau.
HAWAII.
Haawina Kula Sabati.
HELU 7. SABATI MEII 18, 1879.
KUMUHANA.
Ke aupuni o ka Mesia. Pauku Baibala. Mika 4; 1-8.
A I na la mahope e hookupaaia ka mauna o ka hale Iehova, maluna o na mauna, A e hookiekieia oia maluna o na puu ; a e holo na kanaka i ona la.
2 A e hele na lahuikanaka he nui, a e olelo aku,
E hele mai, a e pii aku kakou i ka mauna o leho va,
A i ka hale o ke Akua o Iako ba ;
A e ao mai ia ia kakou i kona mau aoao,
A e hele kakou ma kona mau alanui;
No ka mea, e hele ke kanawai mai Ziona aku,
A o ka olelo a leho va mai Ierusalema aku.
3 A o hooponopono no ia iwaena o na kanaka he nui,
A e ao aku i na lahuikanaka ikaika, loihi loa aku ;
A e kui lakou i ka lakou mau pahikaua i oopalau,
A i ka lakou mau ihe i pahipaipai:
Aole hapai ka lahuikanaka i ka pahikaua ku e i ka lahuikanaka,
Aole hoi e ao hou lakou i ke kaua.
4 A e noho kela kanaka keia kanaka malalo o kona kumuwaina. a malalo o kona laau fiku,
Aohe mea nana e hoomakau mai; No ka mea, o ka waha o Ieho va o na kaua, ka i olelo mai.
5 No ka mea, e hele na kanaka a pau, o kela kanaka keia kanaka ma ka inoa o kona akua,
A e hele kakou ma ka inoa o Ieho va ko kakou Akua, ia ao aku ia ao aku.
6 I kela la, wahi a Ieho va, e houluulu au i ka mea oopa,
Ae hoakoakoa i ka mea i hookukeia'ku, a i ka moa a'u i hookaumaha ai:
7 A e hoolilo au i ka mea oopa i koena, A i ka mea i hookuke loihi ia'ku, i lahuikanaka ikaika ;
A e noho alii o leho va maluna o lakou ma ka mauna o Ziona, mai ia manawa aku, a i ka wa mau loa aku no.
8 A o oe, e ka halekiai o ka poe holoholona,
Ka puu o ke kaikamahine a Ziona.
E hele mai no ia iou la,
O ke alii ana mamua ;
E hele mai ke aupuni i ke kaikamahine o Ie rusalema.
Pauku Gula. p. 2. hoopaanaau.
Manao nui. Ka lanakila ana o ka pono.
Mele. Him. 490, 7. E na kiai, &c. p 1, 3.
Pule i hooko ia keia wanana.
Ka Wehewehe me ka Ninau ana.
Mika ka inoa o keia buke. Mika hoi ka inoa o ka mea i kakau. He kaula oia no Moreseta, 1; 1. ma ke komohana hema o Iuda. I ke au o Iotama, o Ahaza, a o Hezekia, na'lii o Iuda, koaa ola ana. Isaia kekahi kaula ma ia manawa. Ma ka nana'na, he manawa hewa ka manawa i hoopuka ia'i keia wanana a Mika. He alii hewa loa Ahaza. 2 Na Lii mok. 16. Hewa pu na kanaka me ia. Lilo i ka hoomana kii, a i na hewa he nui wale. Hewa loa hoi na'lii o ka Isaraela me na kanaka pu, a lawe pio ia lakou i Asuria. 2 Na Lii mok. 17. E wanana'na no Mika ia wa. A o kekahi wanana ana aia no ia ma Mika 3; 12. E hoopalau ia Ziona me he kihapai la, a e lilo Ierusalema i mau puu, a o ka mauna o ka hale, e like me ua wahi kiekie o ka ulu laau. Ua hooko ia wanana e Nabukaneza.
Ua waiho neoneo ia Ziona me Ie rusalema a loihi loa,
Kaumaha ka naau o Mika a o ka poe haipule io ia wa. I mea nae e lana ai ka manao ana, o na haipule io, a o kakou hoi ua hoike mai ka uhane o ke Akua iaia, he manawa maikai e hiki mai ana i na la mahope. Heaha ia manawa? Ka manawa anei i hoihoi ia'i na pio Iudaio e Kuro i Ierusalema, a kukulu hou lakou i ka luakini ma Ierusalema? Pili iki no ia manawa. Aka, aole pili piha. Aole hoi i loaa ka manawa pili piha malaila a hiki i keia wa. Ua loaa nae ka hoomaka ana o ia manawa. Oia hoi ka wa i hiki mai ai Iesu, ka Mesia, a hana i kana hana, a make, a ala hou a pii ae i ka lani, a hoouna mai i ka Uhane Hemolele ma ka la Penetekota. Malaila ka hoomaka ana o keia wa maikai piha. Aole nae e loaa ana ka maikai piha, a hiki mai ka milenio, ka manawa e pau loa'i na kaua a pau, a piha ka honua i ka pono me ka maluhia.
Mok. 4; p. 1. Na la aha, na la mahope ? Na la o ka Mesia. Ka mauna o ka hale o Ieho va. Ka luakini o Solomona, ua kukulu ia maluna o ka mauna o Moria. Ua hui ia me ka mauna o Ziona. Ka luakini, Ziona. Ierusalema, hookahi no ano ma ke kauwahi. He mea hoohalike ma keia pauku. Iesu ka mauna. Ka ekalekia ka hale o Iehova, oia hoi ke aupuni o ka Mesia. E kukulu ia ana, e hookupaa ia'na e hookiekie ia'na ka ekalesia oiaio, ke aupuni o ka Mesia maluna o na puu, o na mauna, o na wahi kiekie, o na aupuni o keia ao. E aha ana hoi na kanaka? Aia kekahi mau olelo like ma ka mok. elua o Isaia. Ua hai paha ka Uhane i keia mau mea like ia laua elua. Aole nae i like loa na huaolelo.
P. 2. Pehea hoi na lahuikanaka he aui ? A e olelo pehea ? Ka mauna o lehova, ka hale o ke Akua, hookahi no ano, ka ekalesia, ke aupuni o Iesu, ke aupuni o ka lani. Na aoao, na alanui o leho va, kana mau olelo, kauoha, kanawai no ia, Ziona, Ierusalema, ua like pu. E hele ke kanawai, ka olelo a Iesu mai Ierusalema aku. Ua hooko maoli ia ma Luk. 24 ; 49. E noho oukou ma lerusalema a hoolako ia i ka mana mailuna mai. Noho lakou pela. Oih. 1 ; 12-14. A hiki mai ka Uhane Hemolele ma ka la Penetekota. Mahope iho, hele lakou mai lerusalema aku a i na wahi a pau, e hai aku ana i ka euanelio e ola'i. Nui nae na Ierusalema ma ka hoohalike ana. Anetioka, Roma, Beritania, Amerika Hui, Hawaii nei, &c. No ka mea, ua hele ke kanawai, ka olelo a Iesu mai ia mau wahi aku, a i na wahi e, Anetioka a Roma ; mai Roma a Beritania ; ma Beritania a Amerika Hui, mai Amerika Hui a Hawaii nei ; mai Hawaii nei aku a Patuhiwa a Maikonisia a Iapana, &c.
P. 3-5. Owai ka mea hooponopono ? Ka Me sia, oia ka luakanawai nui, ka Moi nui. Ma keaha kona hooponopono ana ? Ma o na haumana ana, na kahunapule, na misiona, ma ka lakou hai ana, ao ana i ka ke Akua olelo, me ke kokua ia mai e ka Uhane Hemolele ma kela wahi, ma keia wahi a puni ka honua. A hele mai na kanaka, na ohana, na lahui, a lilo i poe kanaka no ke Akua, i poe aloha kekahi i kekahi. A pela e pau ai ua enemi, na kuko, na hakaka, na mokuahana na kaua ; a lilo na pahikaua i mau mea aha ? a me na ihe, i mau aha ?
A noho pehea kela, me keia kanaka? me ka hoomaau ole ia e a. A noho like o kela, o keia aoao hoomana me ke kue ole ia. A ia ao aku, ia ao aku. Me he la, e loaa ana ia wa maikai ma keia ao mau, a mai nei aku a i ke ao mau loa,
P. 6, 7. Ua like ke ano o keia mau pauku me ko na pauku maluna. I na la o Iesu, e kokua ia'na ka poe oopa ma ke kino, ma ka uhane, ka palupalu, ka poe i hookaumaha ia, hookuke ia a noho pio e like me na pio ma Babulona, a ma na wahi e ae, ke kaena o na Iudaio, o na kanaka ma na aina naaupo, ma Hawaii nei. Noho lakou malalo ae o ke Lii hookahi, o ka Mesia. Aia kona noho alii ma ka mauna o Ziona maluna, ma ka lani. Noho lakou, ka poe i ae ia ia malalo ae o kona malu ma keia ao, a hiki aku i ke ao mau loa.
P. 8. Pohihihi keia pauku. Eia nae paha ke ano, Na holoholona, ka ohana hipa ka pololei, oia hoi ka poe Iseraela, ka poe Iudaio, na kanaka o ke Akua. Ka hale kiai, ka puu o ke kaikamahine a Ziona, ka Mesia no ia, e hele mai ana ka Mesia i ou la, i ka ohana hipa, i ua Iudaio. O ke alii ana mamua, ke alii mua ana i ke au ia Davida, a hoopau ia. E hoi hou ana ma ka mamo a Davida, ma o Iesu la, e hoi ana ke aupuni i ke kaikamahine o Ierusalema oia hoi ka ekalesia, ke aupuni o ka Mesia. Nana Oih. 15; 14-17. E hiki mai ana ka manawa e alii ai Iesu ka mamo a Davida maluna o na Iudaio me na lahuikanaka a pau. He alii uhane nae, aole he alii kino, he alii maoli ma ka honua nei.
Mele. Him. 488. 8-7. "Auhea la ka mana hiki. p 1, 2, 3.
Pule i mahuahua na mea e hiki mai ai ka milenio.
Haawina no Mei 25, Ioela 2 ; 28-32.
Ke Ano o ka Hana ia'na o na Mea i ike maka ia ma keia ao, a ma na ao e ae i ike maka ia.
HELU 4
Pehea? Ua akaka anei na mea i pai ia no na mea ulu, mai ka hua a i ka laau okoa i paapu i na lau, i na muo, i na pua, me na hua ai?
Ua paanaau anei na inoa o na mea e pili ana i ka pua, ke Kaleka, ke Ka rola, ka petala, ke kamena, ka pisetila, ka hua? I na aole, e nana hou oukou a hoopaa pono, me ke ano, me ka oihana o kela a o keia. Ua wehewehe ia ma ka helu 3. O Botani ka inoa nui oia lala o ka naauao. Nai na mea pohihihi, a akaka ole ke wehewehe ia.
Ma keia helu, e hai aku ana au i ke ano o ke Kele tona kanaka. (Skeleton.) Ina uhukiia ka laau e ulu ana, me ka paapu o na lau, a waiho wale ia ka mole, ua aa, ke kamu, ke kino, na lala a maloo, owai ka inoa oia laau ? Ke keletona laau paha.
I na ua wehe ia ka uhi o ka hale, ka papa, ke pili, ka lauhala, ka la-o, a koe na pou, ka pouhana, na kukana, na oi, na kaola, na ilio, ka lohelau, ke kua, ke kuaiole a kaupaku, na aho, na kaula, kui, pine e paa ai, owai ka inoa oia ano hale ? Ke keletona hale paha.
I na hoohemoia ka io o ke kanaka, a o na iwi wale no ka i koe, he keletona laau, keletona hale, keletona kanaka, keletona holoholona, pipi, manu, i-a, keletona haiolelo, (iwi haiolelo.) Anatomia ka inoa nui o keia lala o ka naauao.
Ma ka nana'na i ke keletona kanaka, e ike ia'na ke akamai, ka noeau, ka lokomaikai o ka mea nana ia i hana. He mau mea keia mau iwi a pau e pono ai ke kanaka. He mau kumu ana, kekahi mau lala. O ka lima, mai ke kuekue lima a i ka welau o ka manamana waena, he kubita ia i kekahi mau lahui kanaka. He hailima ia i na kanaka Hawaii, oia hoi he hapalua iwilei, (ia.) Ka loihi mai ka manamana nui a i ka welau o ka lima kuhi, he ana ia, he kikoo, he hapalua kapuai. O ka loihi o ka lima mai na manamana a i ka poohiwi, he ana ia he iwilei, he i-a, oia hoi, 3 kapuai. A o ka loihi mai na manamana o kekahi lima, a i na manamana o kekahi lima, ke hui me ka umauma, he ana'na ia, he fatoma, he ano kapuai. He ana paha ke kapuai wawae. Ane like ke kapuai loihi me na iniha he 12.
O ke poo o ke kanaka ma ke alo, eha mau mahele. 1. Mai ka piko a i ke kumu o ka lauoho. 2. Mai ke kumu o ka lauoho a i ke kumu o ka ihu. 3. Ka ihu. 4, mai ka hapalalo o ka ihu a i ka auwae.
Ua like ke kiekie o ke keletona kanaka me 8 poo. 1. Mai ke piko poo a i ka auwae. 2. Mai ka auwae a i ka umauma. 3. Mai ka umauma a i ka piko opu. 4. Mai ka piko opu a i ka hala luna o ka uha. 5. Mailaila a waena konu o ka uha. 6. Mailaila a i ke kuli. 7. Mailaila a i ka oloolo wawae. 8. Mailaila a i ke kuekue wawae.
Oia hoi, ua mahele ia ke kino kanaka i elua mahele like. 1. Mai ke poo a i ka papakole. 2. Mai ka papakole a i ke kuekue wawae. Ua like hoi ia me ka loihi o na lima elua ke kikooia, a hui ia me ka umauma. He anana.
He mea makau ke keletona kanaka. He kapapau maloo ia. Makau ka maka ke nana'ku. Nolaila, pono ke uhi ia ia i ka io me ka ili, a nana, a noonoo pono i ke ano o na apana, lala, mahele a pau.
Ke kuamoo, oia ka mea nui, a malaila i kui ia'i na iwi e pono ai, ae kulou ai, e oni ai, e kaa ai, e nauwe ai ke kanaka.
Na iwi o ke kuamoo, he mau iwi o io kekahi, iwi oolea; a he mau iwi io ole, palupalu me ka io kekahi.
Na iwi io, ua mahele hou ia, na iwi a-i, na iwi kua, na iwi puhaka. Ehiku iwi a-i.
Ka mua, atelata ka inoa. he mea e koo ai i ke poo. Ka lua, he ano niho ia, e huli ai ke poo. Ua 12 iwi kua, he mau mea e paa ai, e ku pololei ai ke kua.
Elima na iwi puhaka. Mawaena o na iwi he mea ano kumumu, ano kaula olona, ano laholio. (India rubber) i mea e hiki ai ke kulou, a ku pololei, a huli i hope &c. Ua uhi ia na iwi i ka io lahilahi. Aia hoi iloko o na hai ka lolo. kekahi mea e pono ai.
Nani ka hana akamai, a lokomaikai a ke Akua.
Aole i pau.
Na Wepa Wanana Ehiku.
Helu 6.
Ka wepa eono. Ua akaa ia ka wepa eono, a lohe Ioane ma ka hihio, he olai nui loa, a ike ma ke ano o na mea i kaha ia ma ka pepa, i ka la i hooeleele ia me he lauoho, i ka mahina i hooulaula ia me he koko la i na hoku e haule ana, i na lani e hookaawale ia ana, i na mauna me na moku e hooneenee ia ana, i na lii na hoku na luna ka poe waiwai ka poe ikaika na kauwa e pee aku ana, a lohe ia lakou e hea aku ana ia an kuahiwi me na pohaku e haule mai e uhi ia lakou mai ka maka o ka mea e noho la ma ka noho alii, a me ka inaina o ke Keikihipa, no ka mea, ua hiki mai ka la nui o kona inaina, owai hoi ka mea i hiki ke ku iluna.
He wanana keia no na mea e hiki mai ana maluna o ke aupuni o Roma ma ka wa eono, oia hoi ka wa mahope iho o ka wa hoomaau ma ka wepa elima i wehewehe ia ma ka helu 5. Ua hoomaka ia keia wa ma ka makahiki A.D. 365, a hoopau ia ma ka makahiki 408, 43 makahiki ka loihi. Maloko oia mau makahiki ka hooko ia ana o na mea i wanana ia ma ka wepa eono.
Ma ka nana aku i keia wanana, e kuhi ana kanaka, ua hiki io mai ka la nui, ka la hookolokolo weliweli a lakou i lohe ai.
A pela no ke kuhi ana o kekahi poe mailaila mai a hiki i keia la. He kuhihewa nae ia. Nui na wa i koe, a pono ke hiki e mai mamua o ka la hookolokolo nui a weliweli loa. Aia no ka wepa wanana ehiku, na pu wanana ehiku, ka deragona ulaula wanana, ka holoholona kupanaha wanana, na huewai gula inaina ehiku, ka milenio.
Pono ke hooko e ia na mea i wanana ia ma ia mau mea, mamua o ka hiki ana mai o ka la hookolokolo nui e pau ai ka honua i ke ahi.
Ua lohe oukou, o ka pu mua, no ka wa ia e hoomaka ana ma ka makahiki A.D. 410. Nolaila, o ka wepa eono, he wa ia mamua aku o ka mak. 410.
Gibona ka haku moolelo no Roma. ma kona moolelo i kakau ia ai na mea e pili ana i keia wa eono. Aole oia i kakau ia mau mea me ka manao, oia na mea i hooko ia ai ka wepa wanana eono. He kanaka hoomaloka oia, aole ona manao ma na wanana ma ka baibala. Kona manao, e kakau me ka oiaio, i na mea i hana ia ma ke aupuni o Roma.
A na ka poe imi i ke ano o na wanana i hoopili ia mau mea i na wanana, me ka manao ma ia mau mea, ua hooko ia ka wanana. Ma ia mau mea, ua lilo ka poe hoomaloka me ko lakou ike ole nae, i poe wehewehe i ka ke Akua olelo.
Ka wehewehe ana i ka wepa eono. Ke olai nui loa i lohe ia. i ka wa e alii ana o Valentiana me Valena ma Roma, makahiki 364, he olai nui loa, e hoonaueue nui ana i ka hapa nui o ke aupuni o Roma.
Hoonaueue ia ke Kaiwaenahonua, hoi ke kai i waho, a maloo ke kahakai, paapu na ia ma kahi maloo, paa na moku i ka lepo.
Aole nae i liuliu a hoi hou mai ke kai iloko, a hoopae aku i na waa, na moku, na hale, na kanaka i uka loa, (e like me ke kai mimiki, hoee, ma Hilo mamua aku nei,) a pau na hale i ka nahaha liilii, a pau kanaka i ka make. Ma ke kulanakauhale o Alekanederia, 50,000 kanaka i make ma ia olai. No ka nui weliweli o ka poino ma keia olai, kuhi na kanaka he hoailona paha ia no ka pau koke ana o ka honoa, oiai nae. he hoailona ia no ka hiolo ana o ke aupuni o Roma.
Ua loaa he olai maoli e pili ana i ka wepa eono. Aka, na olai maoli, he mau hoailona ia no ka hoonaueue ia ana o na aupuni, no na haunaele, na kipi, na kaua, na kaua kuloko, na kaua kuwaho.
A o ka poeleele ana o ka la, ka ulaula ana o ka mahina, ka haule ana o na hoku, ka hookaawale ia ana o na lani, ka hooneenee ia ana o na mauna me na moku, he mau hoailona ia no na popilikia, no ka haule ana o na lii, na luna, na koa, na kanaka, no ka weliweli loa e kau mai ana, no ka neenee ana mai o na enemi he lehulehu, na Nana, na Gota, na Visegota, na lahui hihiu, naaupo, maa i ke kaua, mai ka hikina akau, a no ka akau mai, e kaua ana, e hooweliweli ana, e hui a hoomakaukau ana, e hoohiolo i ke aupuni o Kona. I kekahi manawa, ua lele mai lakou iloko o ke aupuni o Roma, a kaua, a hoopuni ia Roma me ka hana ikaika e lawe pio ia kulanakauhale.
Kipakuia nae lakou e na koa o Roma, a makana'ku i ke dala, i ka waiwai e ae, i mea e haalele ai lakou ia Roma. A hoopanee ke kaua hou ana no ka manawa.
A i kekahi manawa, no ka ikaika loa o na Gota e hui, a noho lokahi me na kanaka o Roma, ae no na lii o Roma i ko lakou makemake, ke ae nae na Gota e haawi mai i ka lakou mau wahine, i mau wahine hookamakama na na kane alii, kane koa, kane e ae o Roma. Ka ae koke no ia o na Gota. A noho lokahi no na lahui elua no kekahi manawa.
Aka, he poe hookamani no na lahui elua. Ala kue loa na Gota a lehulehu wale, a hooweliweli loa i ko Roma mau kini, e hoao hou e hookahuli i ke aupuni o Roma. Weliweli ke kipi, ka haunaele, ke kaua, ka wela ana o na kauhale, na kula, na ululaau i ke ahi. Kaheawai ke koko, punohu ka uwahi o na wahi e wela ana, e hoopoeleele ana i na lani, a olo na uwe o na kanaka ma na puu, mauna, mo na awawa, a pee lakou iloko o na lua, iloko o na ana, me ka manao paha, ka la nui o ko ke Akua inaina, ua hiki mai; Owai ke hiki e ku iluna ?
He manawa weliweli no, a he hoailona paha ia no ka la hope, aka, aole oia ka la hope loa.
Aole i pau.
AHAAINA LULU DALA LUAKINI MA KAPAA, KAUAI. -
E malama ia ana ma Kapaa he ahaaina lulu dala no ke kukulu ana i luakini Hoole Pope ma ia apana ekalesia, ke hiki aku i ka la 17 o Mei ae nei. Nolaila, ke kau leo ia aku nei na mea a pau e noho ana i Waimea, Koloa, Lihue, Anahola, a me Hanalei a hala loa aku i na pali kui o Kalalau, e naue like mai kakou e kokua i ke kukulu ana i luakini ma Kapaa Kauai nei. Me na lau oliva pu mai no a ke aloha e like me ka mea oluolu i ko oukou mau puuwai aloha. Nolaila, e uleu mai kakou e na kini o ka mokupuni o Manokalanipo, a e kui lima pu kakou me ke aloha e hapai like i ka mea e mau ai ka malahia o ko kakou Aupuni, oia ka mea i olelo ia. "Ua mau ke ea o ka Aina i ka pono." A ma ka po oia la, e malama ia ana he Aha Mele na na keiki ponoi o Kapaa, a me ka Hui o Kawaihau, malalo o ke alakai ana a D. Keaweamahi.
J. M. KEALOHA.
Kapaa, Kauai. Kahu E.
HOIKE KULA SABATI O PUKAANA, S. KONA.
Ma ka hora 2 pm o ka Poalima, March la 7 mamuli o ka ae ana mai o ka Ahahui Euanelio o Hawaii Komohana, e lilo ka hora elua, no ka hoike Kula Sabati.
Ua akoakoa mai na keiki me na makua, mai Kalahiki a Kealia, a ua piha ka Luakini.
Wehe ia na hana me ka Himeni, KUU AINA HANAU E.
Pau ia, pule o Rev. J. Waiamau, na ke Kahukula Sabati i ninau i na makua, ua ku i ka eleu, Himeni hui 347 ninau i na pokii o Pukaana, D. H. Nahinu ke kumu, pau ia Himeni, ninau ia na pokii o Kalahiki. Kanae ke kumu. pau ia, na elemakule me na luahine ma ka Piapa ia lakou, hui ka Aha, mele ia ka Himeni. " E oli e oli ei ae ka Milenio." Pau ia ninau hou ia na pokii, pau ia Himeni. "Iesu e ke Kahuhipa." Pau ia, Himeni Puhiohe me ka pahu, pau ia, he wahi keiki haiolelo, no ka pua rose, pau ia, Himeni. "Iesu ka moku holo."
Pau ia, he haiolelo na Rev. S Paaluhi a me Rev. Kauhane, mahope o laila, 1 lu dala, he $17.00, pau ia Himeni hui a hookuu ia na hana.
Nui kuu mahalo i na keiki, W. A. Mio.
PAPA, PAPA
AIA MA KAHI O
LEWERS & DI CKSON !
(O LUI MA.)
MA KE KAHUA KAHIKO MA
Alanui Papu a me Moi !
E LOAA AI NA Papa Nouaiki ! O kela a me keia ano. Na Papa Nani a Paa no ke Kukulu ana i na Hale ! Na Pani Puka, Na Puka Aniani, Na Olepelepe, Na Pou, Na O-a, Na Papa Hele. Na Papa Ku, A me na Papa Moe nui loa. NA PILI O KA HALE O NA ANO A PAU. Na Pepa Hoonani, Na Pena o na Wai a pau, Na Kui mai ke Nui a ka Makalii, Na Ami Puka, Na Ami Puka Aniani. Na Ami o na ano a pau. Na Aila Pena, o kela me keia ano, Na Aila Hoomaloo, he lehulehu wale. Na Aila e ae o na ano a pau. NA WAI VANIKI A ME NA NA WAI HOOHINUHINU NANI ! o na ano a pau loa. NA BALAKI ANO NUI WALE ! A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA ! E like me ka mea e holo ana mawaena o LAUA a me ka MEA KUAI. E hele mai ! E na Makamaka ! ! A e lawa no hoi ko oukou makemake me ka oluolu a me ka maikai ! 845 tf
KOPA KUKAEPELE
A
GLENN !
AOLE LUA NO KA HOOMAEMAE I KA ILI !
He mea hoopau i na eha, Na Ili Puupuu, A he hoomaemae i na mea ino, A he hoopau Lumatika, A he kopa auau no ho O keia hapa ka oi aku o ka mea maikai I waihoia mai imua o kanaka. Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai. O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana ame na poe makaikai, ina e hoolako lakou i keia KOPA HOOMAEMAE LUA OLE ! ALAILA, UA LANAKILA LAKOU. He hoopau ika lehu o ke poo, A he Kopa no hoi e kaohi mai ai I ka lauoho mai ka hina ana. Ua hooia nui mai na Kauka no ka maikai o keia Kopa ! E loaa no ma kahi o M. McINERNY. Kihi o na Alanui Papu me Kalepa.
OLELO HOOLAHA.
A. McWAYNE,
HALE KUAI LAAU LAPAAU A ME NA WAIALA o na ano a pau, me na SOPA ALA o na ano he nui wale. Ma ke kihi o Alanui Papu me Kalepa. 840 ly
DR. RODGERS,
OIA O
KAUKA LOKEKE.
UA hoonee ae nei kona keena oihana mai ka hale ae o Aliuene ma Monikahaae a iloko o ka Hale Ma, helu 54 Alanui Papu. Ma keia hope e hoomakaukau ana ke Kauka i kona mau Laau ponoi e puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881 tf
E STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)
E. O. HALL & SON.
(E. O. HOLO MA.)
NA MEA KUAI I NA MEA MAHIAI. Na Lole, Na Pena, Na Aila, a me Na ano Lako e ae a pau he lehulehu wale. 845 Kihi o Alanui Papu me Moi.
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE !
E LAA NA Ahinahina, Kalakoa, Keokeo, Leponalo, Pena, Aila, Aniani, NA MEA PIULA ! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi, A HE AGENA NO HOI NO NA MOKUPUNI O HAWAII NEI NO NA Lamakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu Makepono Loa ! Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c. Ahe Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikala, Huaale, A ME NA LAAU HAMO, A PELA'KU !
827 3m 839
PAPA ! PAPA !
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU ! E KUAIIA MA KE KE KUMUKUAI HAAHAA LOA O keia Makeke.
ALLEN & ROBINSON
Honolulu, Ian. 1, 1878 840 3m