Ka Nupepa Kuokoa, Volume XVIII, Number 19, 10 May 1879 — Page 4
KA NUPEPA
Kuokoa me ke Au Okoa
I HUIIA.
No ka Makahiki $2. Eono Mahina. $1. Dala Kuike ka Rula.
MEI 10, 1879.
Shall we know Each Other There?
Colonial Singer. No 200. p. 192.
1 Aia komo i ka lani,
A lohea na leo lai.
Leo lani, kani nani,
O na kini oluna'e,
A kuono ma ia home,
Ike lea anei kakou,
O kekahi i kekahi,
Ike a aloha no?
Cho. Ike a--------aloha,
Ikea--------aloha,
Ike a---------aloha,
Ike a aloha no?
2 Aia hui me na anela,
Ma ka home ma ke ao,
Ike anei i na hoa,
Na hiona o lakou ?
O kekahi me kekahi,
Me ka ike maanei no,
Ike lea a akaka,
Ike, apo honi pu ?
Cho. Ike &c.
3 Ike. Manao hauoli!
Bama ia no na luuluu !
Ike lea i na hoa,
Mai nei aku a i o,
Me na kini o ka lani,
Me he poe anela no,
Ike kahi i kekahi,
Hui, apo, honi pu.
Cho. Ike &c.
4 E na kumu, hoa hana,
Kahu, luna, hoahanau,
Mai pauaho, mai maule,
Lana oli ka manao,
Ane hui me na hoa,
I hala'e i kela no,
Ike lea a aloha,
Hui, apo, noho pu. Cho.
Ike &c.
HAWAII.
Haawina Kula Sabati.
HELU 8. SA BATI MEI, 25, 1879.
KUMUHANA.
Ka wanana no ka Uhane Hemolele. Pauku Baibala. Ioela 2 ; 28—32.
28 A i ka wa mahope, e ninini aku au i kuu Uhane maluna o na kanaka a pau:
A e wanana na keikikane a oukou, a me na kaikamahine a oukou,
A e moe ko oukou poe elemakule i na moe uhane,
E ike ko oukou poe kanaka opio i na hihio :
29 A maluna hoi o na kauwakane,
A maluna o na kauwawahine i kela mau la, e ninini aku au i-kuu Uhane.
30 A e hoike aku au i na mea kupanaha ma ka lani, a ma ka honua;
He koko, a me ke ahi, a me na kia ao uahi.
31 E lilo ka la i pouli, a o ka mahina i koko, mamua o ka hiki ana mai o ia la nui weliweli la o Iehova.
32 A o ka mea e kahea aku i ka inoa o Iehova, e hoopakeleia oia :
No ka mea, ma ka mauna Ziona, a ma Ierusalema, ka mea hoopakele, e like me ka Iehova i olelo mai ai,
A mawaena o ka poe i koe a Iehova e kahea aku ai.
Pauku Gula. Oih. 1 ; 8. Huli hoopaanaau.
Ka manao nui. Na pomaikai na ka uhane mai.
Na Pauku pili, a pono ke heluhelu ia ma na la noa.
Poakahi. Ioela 2; 28—32. Poalua. Oih. l ; 1—9. Poakolu Oih. 2 ; 1—11.
Poaha, Oih. 2; 14—21, 33. Poalima Ioane 16 ; 5—15. Poaono Rom. 8; 1—14.
Sa bati Rom. 8; 15—29.
Mele. Him. 182. 6—8, Ko makou Haku mau. p 1, 2, 3.
Pule. I hiki nui mai ka Uhane Hemolele.
Ka Wehewehe me ka Ninau ana,
He buke hou keia. Akahi no a kula ia. Ioela ka inoa. Ioela hoi ka mea nana ia i kakau. Nui na Ioela maloko o ka Baibala. E imi oukou i kekahi mau Ioela. O keia Ioela, he kaula maikai ia. He kaula kahiko hoi. O Iona nae mamua. Mahope Ioela. Mahope iho, o Amosa, Hosea, Isaia, Mika.
Kona wa i wanana'i, ke au o Uzia ke lii o Iuda. Nana, 2 Oih'Lii mokuna 26. Oia hoi 800 makahiki a oi paha mamua o Iesu.
Ma ka nana'ku, he kaula ia no ka Iuda. No ka mea, no Ziona, a no Ierusalema kana mau olelo. Na mea nui ma Ioela.
L Ka hana ino ana a na uhane. Pau na aina i ka hooneoneo ia. Paa na mea ulu, na lau me ka ili o na laau, na mea ai, ka weuweu, malawaina. Pilikia loa na kanaka, na holoholona, na pipi, na hipa. Ia manawa kokoke no paha ka lele ana mai o na puali uhini. He mau hoailona paha ia no na enemi e hiki mai ana no Asuria, a no Ba-balona, e hoopilikia i ka Iuda, e lawe pio aku ke hoomau lakou ma ka hewa.
11. Na olelo paipai. E ala oukou, e na mea ona, e uwe oukou. Me he la ka ona ka hewa nui me ona mau lala. E hilahila oukou, e mihi e kanikau na kahuna. E hooke ai E noho me ke kapa inoino. E hea aku ia Iehova.
III. Ka hoi hou ana mai o ka pomaikai ke hoolohe lakou i ka paipai ana, ke mihi, ke uwe, ke hookeai, a kahea'ku ia Iehova me ka malama ia ia. E haawi ia mai no ka ua mua, ka ua hope, a piha hou na aina i na mea ulu, i na mea ai.
IV He wanana no ka hiki ana mai o ke- kahi ua ano e, oia hoi ka Uhane Hemolele. me kekahi mau hoopai mahope iho e pili ana i ka pau ana o Ierusalema, i ka pau ana o na enemi o ka ekalesia , a kukulu ia o Ie- rusalema hou, &c.
Mok. 2. Pauku 28. I ka wa mahope. Ma ka nana ana i ka Oihana, mokuna elua ua maopopo ke ano o ka wa mahope oia hoi ka la Penetekoka. 833 makahiki mahope iho o Ioela. Ua hiki mai Iesu. Ua make, ua ala hou, a ike ia e na haumana a ia ia e makaukau ani e pii ae i ka lani, kauoha oia ia lakou e kali ma Ierusalema a hoolako ia i ka mana noluna mai, oia hoi ka mana o ka Uhane Hemolele. Luka 24 : 49. A kali lakou ma Ierusama he mau la wale no, ma ka pule ana a na kane me na wahine Oih. 1 ; 12—14. A hiki io ma la ka la Penete-koka, ua akoakoa pu lakou a pau me ka manao lokahi, Oih. 2; 1. Nana, a heluhelu. p. 1, 2, 3, 4. Ua haule mai ka ua mana o j ka Uhane Hemolele.
Owai ka poe e noho ana ma Ierusalema ma ia manawa ? p. 5. A i ko lakou lohe ana i ka olelo a Iesu ma ka waha o na haumana, pehea ka lehulehu ? Pili pu no keaha ? p- 6. Pilihua no keaha ? p. 7. A ninau pehea ? p. 8. Ehia lahui okoa malaila? p. 9—11. Kahaha, a ninau pehea? p, 12. Ua aha nae kekahi poe ? p. 13. Kuhihewa ea. !
Nawai i hoopau i ko lakou kuhihewa, a hai maopopo i ke ano o keia mau mea kupanaha ? p. 14—16. Ma ko lakou wehewehe ana, ka wanana awai ka i hooko ia? Nawai i kuhikuhi ia Petero ma, ke ko ana keia oia wanana a Ioela ? Na ka Uhana Hemolele paha.
Ioela 2; 28. I ka wa mahope, oia hoi ka Penetekoka, ka wa mua ia. E aha ana ke | Akua i kona Uhane ? Maluna owai ? O na Iudaio me na kanaka. A e aha na keiki kane me na kaikamahine ? Wanana, hai i ka Iesu olelo, paipai, haipule, ao aku. E aha na elemakule ? Moeuhane. Ao ia ma na moeuhane. Loaa na olelo wanana, a hai aku i na kanaka no Iesu, no ke ola. E aha na kanaka opio ? Na hihio maikai no ka ka pono, no Iesu, no ke ola, he mau wanana paha kekahi, e like me ko Korineto poe.
P. 29. Pehea hoi na kauwakane, na kauwawahine? E loaa like ana ia lakou, na pono, na pomaikai, na hua maikai o ka Uhane, me na hua ma Galatia 5 ; 22, 23. Heluhelu. Ua hookoia anei keia wanana ma ka la Penetekoka ? Pela io no ma ka nana'ku. Malaila ke ko mua nui ana. Ua loaa no ka uhane mamua, mai ia Ada-mu mai. Ua loaa i na kaula, i ka poe e ae. i na haumana a Iesu i ka wa e ola pu ana Iesu me lakou. Aole nae i loaa nui me ia ina ka la Penetekoka. A mai ia la no i keia manuwa, ua haule pinepine ka ua o ka uhane ma kela wahi ma keia wahi. Ma keia Pae Aina no kekahi. Nolaila ka huli nui ana o na kanaka Hawaii mamua aku nei. Nolaila hoi ka huli ana o ko na moku e ae, me ko na aina nui.
Ka mana hope hoi ka Uhane e huli ai ka poe hewa me ko na aina e ma keia hope aku. Malaila wale no ko kakou hilinai nui ana i mea e ola'i kakou me ko keia ao.
P. 30, 31, 32. Heluhelu ia mau pauku. Heaha hoi ke ano ? Eia paha ka haina pokole. Ua. haawi ia mai na oihana mana e ola'i kanaka, oihana kanawai, oihana mohai, oihana kaula, oihana Mesia. Ua hoao ia ia mau oihana. Aole ola nui na kanaka. He kakaikahi wale no. Ua pepehi lakou i na kahuna, i na kaula, i ka Mesia. Hookahi oihana mana i koe, oia ka oihana mana o ka Uhane Hemolele. Ua haawi ia mai ia ma ka la Pene tekoka. Oia ka oihana mana hope loa e ola'i na kanaka. Ina hoole ia, a kinai ia keia oihana, aohe mea i koe e ola'i. Ka hoopai wale no e koe ana, Nana Hebera 10 ; 26—31.
Ma ka la Penetekoka, ua ae na Iudaio i ka uhane ua huli nui me kekahi poe o na lahui e. Mahope iho, ua kinai lakou i ka uhane. A ua hoomaka ka hoopai ana ma ka hoopau ia'na o lerusalema, me ka luakini me na Iudaio he lehulehu loa. A ikeia na mea kupanaha, he koko, he ahi, kiaao uahi. a pouli ka la, a ula ka mahina. He mau kaua nui, haunaele nui, hiolo nui o na aupuni, &c. He mau hoailona hoi ia no ka hiki ana mai o ka la nui e pau ai ka honua i ke ahi.
E ao o kinai oukou i ka Uhane—a make iho, &c.
Mele. Him. 183.8—7. E ka Uhane Hemolele, p, 1,2.
Pule i komo nui ka Uhane iloko o na kula Sabati, &c.
Haawina no June 1, Ezek. 26; 7—14.
Ka Moolelo o ka Ahahui Euanelio o Hawaii Komohana.
Lahana. 1. Poakolu 5. Ma raki A. D. 1879.
Halawai ka Ahahui Euanelio o Hawaii Komohana, ma ka halepule hoolepope ma Pukaana Hookena Kona Hema Hawaii, i ka la 5, 6, 7, o Maraki A. D. 1879. i Ho ra 11 me hapa- Eia na lala i hiki mai.
Ekalesia. Kahu. Elele.
Hamakua Hikina. Waiohinu.
Hamakua Waena. Kamalimali.
Hamakua Komohana.
Kohala Akau.
Kohala Komohana. Kahaaheo.
Kohala Hema.
Waimea.
Kekaha. G P Kaonohimaka. Kaiakoili.
Kailua & Helani. J Waiamau, Simeona.
Konawaena. S W Makaike, Kaiwi.
Kealakekua, S. W. Papaula, Kaholona.
Pukaana. G W Waiau, Haiolelo. Palea.
Kapalilua. Maele.
Waiohinu. J Kauhane Kahu kuikawa.
Kaelemakule. Lala mau Rev. J D Pa ris.
Ma ka balota ana, ua koho ia o J Waia-mau i luna hoomalu, pule ka luna hoomalu.
Ma ka balota ana, ua koho ia o S. W. Papaula i Kakauolelo.
Kohoia i mau komi te imi hana, oia ka -Rev. J D Paris, Kaonohimaka, Waiohinu, kaawale na komite imi hana. Heluhelu mai ka luna hoomalu. ma Oihana 1 : Noho iho la ka Aha ma ka haipule a paipai manao,
Hoi mai ke komi te imi hana, a hoike mai i na kumu manao penei.
1. Hapalua ho ra haipule, mamua o ka hoomaka ana o ka halawai 2. Palapala hoo-pii, 3. Hoike kihapai, 4. Heluhelu haawina. 5. Na Kula Sabati, 6. Kula hanai kaikamahine, 7. Kula Kahunapule. 8. He Misionali no na ekalesia kahu ole, 9. Hooponopono ekalesia, 10. Na hale kahu me na halepule, 11. Keola o na kahu. 12. Na Elele no ka Ahahui euanalio o ka Pae Aina Hawaii ma Honolulu i ka malama o Iune, aponoia ka hoike a ke komite. Apopo ka hoomaka ana o ka hapalua hora haipule.
Noi ia mai e hoomaha ka Aha hora, 1. aponoia ; pule o Maele.
Hoi mai ka Aha i ka pau ana o ka hora hoomaha, pule o Kaiakoili.
Hapai ia na palapala hoopii.
Heluhelu mai ke Kakauolelo i ka palapala kahea Kahu o Pukaana ia J Waiamau. Noi ia mai e waiho ma ka lima o ka mea i kahea ia aponoia.
Hapai ia ka hoike kihapai.
Na S W Papaula i heluhelu mai no ke kihapai o Kealakekua.
Na S W Makaike i heluhelu mai no ke kihapai o Konawaena.
Heluhelu mai ke kakauolelo i ka hoike kihapai o Waimea.
Hapai ia ka heluhelu haawina.
Na S W Papaula i heluhelu mai i kona haawina. Ka mea wawahi pa o nahu mai me he nahesa 'la.
Na S W Makaike i heluhelu mai i kona haawina, ka Milenio.
Na J D Paris i heluhelu mai i kona haa-wina. Ke ala pu ana me Kristo.
Noi ia mai e pai ia ma na nupepa elua KUOKOA me Ko Hawaii Pae Aina apono ia.
Noi ia mai e hoopanee keia Aha a halawai hou i ka la apopo hora 9, apono ia.
Pule o S W Makaike.
Lahana 2 Poaha 6 o Maraki A D 1879.
Halawai hou ka Aha i ka hora i hoopanee ia. Haipule ka Aha hapalua hora kahea ia na lala o ka Aha heluhelu ia ka moolelo a apono ia. Noi ia mai e lilo o J Kauhane i hoa kuka a me ka elele i hiki mai apono ia.
Hapai ia ke koena o na hoike kihapai na J Kauhane i heluhelu mai no ke kihapai o Waiohinu Kau.
Na J W Maele i heluhelu mai no ke kihapai o Kapalilua.
Na G W Waiau i heluhelu mai no ke kihapai o Pukaana.
Na J Waiamau i heluhelu mai no ke kihapai o Kailua me Helani.
Na G P Kaonohimaka i heluhelu mai no ke kihapai o Kekaha.
Noi ia mai e hoomaha i 1 hora a hui mai ka Aha, alaila., o ka hana mua o ka hoolohe i ka Hoike Kula Sabati o keia ekalesia apono ia.
Noi ia mai e hoike mai ke Kahu i kahea ia e ka palapala o Pukaana.
Ma ka manao o ke Kahu i manawa akea nona e noonoo ai a hoike mai
Noi ia mai e koho i mau komi te e noonoo pono ai i kela mea mawaena o ke Kahu o Kekaha me ka ekalesia, oia o Paris, Kauhane, a me Waiau apono ia.
Hoomaha ka Aha pule o Kaiwipuakea noho iho la ka Aha i ka pau ana o ka Hoike Kula Sabati.
Noi ia mai e Hoopanee keia Aha a hala-wai hou ma ka la apopo hora 9 pule o Maele.
Lahana 3 Poalima 7 o Maraki A D 1879.
Halawai hou ka Aha i ka hora i hoo-panee ia. Haipule ka Aha hapalua ho ra kahea ia ka inoa o na lala o ka Aha, heluhelu ia ka moolelo a apono ia.
Hapai ia ke koena o na hoike kihapai, heluhelu mai ke kakauolelo i ka hoike kihapai o Hamakua Hikina, a me Kohala Komohana.
Hapai ia ka heluhelu haawina. Na ke kakauolelo i heluhelu mai i ka haawina a L Laiana. Noi ia mai e pai ia ma na nupepa Hawaii elua apono ia.
Na J Waiamau i heluhelu mai i kona haawina, noi ia mai e haawi ia ma ka lima o kekahi komi te oia o J D Paris apono ia.
Na G P Kaonohimaka i heluhelu mai i kona haawina.
Heluhelu mai ke Kakauolelo, he palapala hookuu loa ma o na komi te la, na ka ekale-sia o Kohala Hema ia S Aiwohi mai kona noho kahu ekalesia ana no ia Kihapai. I ka hoolohe pono ana o ka Aha i na kumu pono o ka hookuu ana. Ua mahalo aku ka Aha ia palapala hookuu. A ke hookuu aku nei ka Aha ia S. Aiwohi mai kona noho ka-hu ekalesia ana. Aole oia he Kahu no Ko-hala Hema. Apono ia, heluhelu mai ke Kakauolelo, he mau palapala na E. Bond ; no kona hiki ole mai.
Hoolaha mai ka luna hoomalu, he palapa-la na Kekuewa mai, mai Mikelo Maikoni- sia mai. E hoike aku i mua o na hoahanau, hoike Kula Sabati, alaila heluhelu ia keia palapala apono ia.
Hoike mai ke Kahu Kula Sa bati. Nui Hawaii Komohana. He hoike Kula Sabati ma Hookena nei i ka hora 2 ahiahi ninau ia a aponoia..
Hapai ia ke kumu manao no ke Kula-kahunapule a na ninau ia mai kela kihi a keia lihi o na ekale sia i na keiki aole he mea i loaa a ma ke kuka pu ana ua loaa ae a he mau keiki kahiko na ka Aha o Hawaii Akau oia o Waiohinu me Kanealai. a hoike ia mai he olelo hooholo. Hooholo ia.
No ka loaa ana mai imua o keia Aha kekahi mau keiki no keia Aha o Waiohinu a me Kanealii, nolaila, e hooholo ia e hoomaopopo no keia Aha ia laua a hiki i ke-kahi halawai hou ana me ka loaa maopopo mai i keia Aha kekahi hoike maopopo no laua.
Hapai ia ke kuma manao ka misionari no -na ekalesia Kahu ole kuka iki a noi ia mai i e hoomaha ka Aha. Hapalua hora apono; ia. pule o Waiohinu.
Hoi mai ka Aha i ka pau ana o ka ho ra hoomaha, pule o Palea. Hapai hou ia kela kumumanao, a me ke kuka ana me na manao momona a ikaika a e ia ka manao maopopo o ka Aha, e koho ia i komite mau no keia aoao, eia ka papa komite mau Rev E Bond, Bikanele, Luhiau no Kohala me Hamakua, Paris Papaula, Makaike no Kona me Kau, apono ia.
I mea e pono ai na ekalesia malalo o keia Aha, ua pono e koho ia kekahi komite a e ; kapaia ke komite kiai mau.
Na hana o keia Komi te.
1. E nana a e kuka pu no na hemahema a pau, e pili ana i na ekalesia malalo o keia i Aha.
2. E kuka pu me na ekalesia kahuole, i ka imi ana a hoonoho i mau Kahu no lakou no ka manawa.
3. E kuka pu me na paahana, a me na ekalesia i na mea e pili ana i ke ola o na Kahu, a i na aole e lawa e noi aku i ka Pa- pa Hawaii e haawi mai i kekahi kokua e pono ai.
4. E imi i Misionari kaahele, no na Ki-hapai maialo o keia Aha, me ka noonoo ana i ke ola kupono nona.
5. E hoike keia komi te i ka lakou hana. imua o kela me keia halawai ana o ka Aha.
6. O na lala o keia komi te, oia o Rev. E. Bond, J Bikanele, S C Luhiau, J D Paris, S W Papaula, S W Makaike.
7 E mahele ia keia komi te i na apana elua penei, o Rev E Bond J Bikanele S C Lu-hiau. No Kohala me Hamakua. O Rev J D Paris S W Papaula S W Makaike. No Kona me Kau.
Noi ia mai e hoomau aku ia Rev J Kau-hane i Kahu kuikawa no ka ekalesia o Waiohinu apono ia.
O S W Papaula i komi te malama no na Ahaaina a ka Haku no Pukaana me Kapalilua apono i .
O S C Luhiau i komi te malama i ka Ahaaina a ka Haku no Kohala Hema apono ia.
E hoomau aku ia G W Waiau i haiolelo no Pukaana a hiki i ka wa e loaa ai ke Kahu apono ia.
Hapai ia ke kumu manao no ka hooponopono ekalesia a eia ka mea i hooholo ia Hooholo ia.
Ke paipai aku nei keia Aha i na Ahaluna o na ekalesia Kahu ole ke hoomaopopo koke i na hihia iwaena o na ekalesia e imi ikaika i na mea e kinai ai ia mau hewa e poino ai ke aupuni o ko kakou Haku apono ia.
Hapai ia ke kumu manao. Na halepule a me na hale noho o na Kahu, a hoakaka ia mai no ka halepule o W aiohinu. E makaukau ana ia, ua lako na mea a pau aia i ke kahua hana, e paa ana ia mamua o ka halawai ana o keia Aha.
Hapai ia ke ola o na Kahu, a ua kuka nui ka Aha no keia kumu manao, a ua hoihoi ia i kela komi te kiai mau, apono ia.
Hapai ia i mau Elele e hele ai i ka Ahahui Nui Euanelio o ka Pae Aina Hawaii, i ka malama o Juce, oia o Kaiwi, Maele, no Kona, Waiohinu, Kahaaheo, no Kohala, me Hamakua. A e kokua like na ekalesia he 15, i $3,00 pakahi. Ua like me $45,00, a e mahele no na Elele 4, ua like me $11,25, apono ia. Na Puuku dala, oBikanele, no Hamakua, o Bona no Kohala, o Papaula mai Waiohinu, a Kealakekua, o Waiamau, mai Kona-waena, a Kekaha, apono ia.
E loaa kela mau dala i ka malama o Ape rila, e paipai aku na Elele, aponoia. Ke ola hoi o na Kahu, ma ka lima o na ekalesia, e paipai aku na lala, aponoia. Na hope o na Elele, Palea, Simeona, Kamali-mali, Kaiakoili, aponoia. Komite hoike no na kihapai imua o ka Ahahui Nui ma Honolulu. Papaula komite hoike no na hana a ka Aha imua o ka Aha-hui Nui ma Honolulu, Makaike. Hapai ia kahi e halawai ai keia Aha, ma ke kuka ana ua maopopo aia ma Waiohinu kahi e halawai ai i ka Poakolu mua o Sepatemaba, ho ra 10 o kekakahiaka A. D. 1879. No ka mea e paa ana ka luakini, mamua o ke kukulu ana o ka Aha, aponoia. Heluhelu ia mai he palapala na Mr. Kekuewa mai Mike-lo Maikonisia mai.
Noi ia mai e heluhelu ia ka moolelo o ka Aha a apono ia. Na kumu hana i koe e waiho ma ka lima o ke komite mau aponoia. Olelo Hooholo, Hooholoia. Ke mahalo aku nei keia Aha i ka ekalesia o Pukaana, i ko lakou aloha i ke kokua hooluolu ana i na lala o keia Aha ma na mea o ke kino, aponoia.
Na kokua o na ekale sia i ka Ahahui ma Waiohinu, e palima no na dala mai Kekaha a Waiohinu, aponoia. Noi ia mai e hoopanee keia Aha, a halawai ma Waiohinu, Kau, i ka malama o Sepatemaba. Poakolu mua oia no ka la 3, hora 10 o ke kakahiaka A. D. 1879, aponoia. Hookuu ia me ka himeni a me ka pule a ka Luna Hoomalu.
S. W. PAPAULA. K. K. O.
Napoopo S. Kona, Aperila 1. 1879.
OLELO HOOLAHA.
A. M cWAYNE,
HALE. KUAI LAAU LAPAAU- A ME NA WAIALA o na ano a pau, me na SOPA ALA o na ano he nui wale. Ma ke kihi o Alanui Papu me Kalepa. 840 ly
DR. RODGERS,
OIA O
KAUKA LOKEKE.
UA hoonee ae nei i kona keena oihana mai ka hale o na Aikene ma Monikahaae a iloko o ka Hale Mu, helu 54 Alanui Papu. Ma Keia hope e hoomakaukau ana ke, Kauka i kona mau Laau ponoi e puunaue aku i ka poe kii mai. O kona hale noho, aia no ma ka pa o ka Hotele Hawaii. ma kahu. i noho mua ai. 881tf
E. ST REHZ,
(AILUENE.)
MALAILA E LOAA Al NA ANO LAAU A pau: a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)
E. O. HALL & SON.
(E. O. HOLO MA.)
NA MEA KUAI I NA MEA MAHIAI. Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, KA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE A GENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu Makepono Loa! Ka Palaoa, Kopaa, Raiki. Pia. Hoohu, Paakai. Huaala, Pia Kulina, &c A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU; HAMO, A PELA'KU ! 827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KU AHA MA KE KE KUMUKUAI HAAHAA LOA O keia Makeke.
ALLEN & ROBINSON
Honolulu, Ian 1, 187g 840 3m.
AIA MA KAHI O
LEWERS & DI CKSON!
(O LUI MA.)
MA KE KAHUA KAHIKO MA
Alanui Papu a me Moi !
E LOAA AI NA Papa Nouaiki ! a kela a me keia ano. Na Papa Nani a Paa no ke Kukulu ana i na Hale! NA Pani Puka. Na Puka Aniani. Na Olepelpe. Na Pou, Na O-a. Na Papa Hele, Na Papa Ku, A me na Papa Moe nui loa NA PILI O KA HALE O NA ANO A PAU. Na Pepa Hoonani, Na Pena o na Wai a pau. Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau. Na Aila Pena, o kela me keia ano. Na Aila Hoomaloo, he lehulehu wale. Na Aila e ae o na ano a pau. NA WAI VANIKI A ME NA WAI HOOHINUHINU NANI! o na ano a pau loa. NA BALAKI ANO NUI WALE! A ke hai ia aku nei ka lono i na makmaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA E like me ka mea e holo ana mawaena o LAUA a me ka MEA KUAI. E hele mai! E na Makamaka !! A e lawa no hoi ko oukou makemake, me ka oluolu a me ka maikai ! 845 tf
KOPA KUKAEPELE
A
GLENN
AOLE LUA NO KA HOOMAEMAE I KA ILI !
He mea hoopau i na eha, Na Ili Puupuu, A he hoomaemae i na mea ino, A he hoopau Luma tika, A he kopa auau no ho O kela hapa ka oi aku o ka mea maikai I waihoia mai imua o kanaka. Aole wale no ka Hoopau ana i ka Huehue Ili Poha; Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka ili, a keia Laau Hoomaemae lua ole e hana ai. O ka hoemi ana iho i na mai o ka ili, a o ke pale aku i ka mai mai na lole e na Mai Lele, oia kekahi. O na ohana ame na poe makaikai, ina e hoolako lakou i keia KOPA HOOMAEMAE LUA OLE ! ALAILA, UA LANAKILA LAKOU. He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana. Ua hooia nui mai na Kauka no ka maikai o keia Kopa ! E loaa no ma kahi o M. McINERNY. Kihi o na Alanui Papu ma Kalepa.