Ka Nupepa Kuokoa, Volume XVIII, Number 20, 17 May 1879 — Page 2
Ma ke Kauoha
Ua hookohuia i keia la na poe nona na inoa malalo i mau Agena no ka haawi ana i na Palapala Ae Mare
David Kailua, no ka mokupuni o Molokai
R.W. Meyer, " "
D. Kapahee, Puna, Hawaii
D. Makaliu, Hanalei a me Koolau, Kauai.
Paul Puhiula, Lihue, Kauai.
SAM'L G. WILDER, Kuhina Kalaiaina
Keena Kalaiaina, Mei 8, 1879. 911 3t
Ma keia ke hoolaha ia'ku nei, mai ka la 1 aku o Iulai 1879 e lawe ia na laikini e ka poe kuai kamano, he laikini hoopukapuka ke ano, he mea e hiki ai i ka mea nona ka laikini ke kuai aku i na waiwai a pau e like me ka mea maa mau malalo oia ano laikini; oiai mamua, aole i koiia ka poe kuai kamanao e lawe i ka laikini, aka, no ka hana ino la o keia pomaikai, nolaila, e hookoia ana ka rula maluna ae.
SAM'L G. WILDER, Kuhina Kalaiaina.
Keena, Kalaiaina, Mei 8, 1879. 910 3t
Kuai o ka Aina Aupuni.
E KUAI ia aku ana ma ke kudala akea ma ke alo o Aliiolani Hale i ka hora 12, awakea o ka Poaono, Mei 31, 1879, kela apana aina i ikeia ka Uniona Hotele, ma alanui Kalepa, Kumukuai $7,000 a maluna aku.
O na kuhikuhi no na palena a me ka ili e loaa no ma keia Keena.
SAM'L G. WILDER,
909 3t Kuhina Kalaiaina.
Kuai o ka Aina Aupuni.
E KUAI ia aku ana ma ke kudala akea ma ke alo o Aliiolani Hale i ka hora 2, awakea o ka Poaono, Mei 31, 1879, i kela apana aina e waiho la ma Kaluahole, Leahi, nona na eka he 19. Kumukuai $250 no ka apana a maluna aku.
SAM'L G. WILDER,
909 3t Kuhina Kalaiaina
UA hookohu ia aku i keia la o Mr. Geo. Bell i Agena no ka hooiaio ana i na palapala aelike o na ano a pau ma ka apana o Waimea, mokupuni o Hawaii.
THOS. BROWN Luna Hooiaio Kope,
Keena Hooiaio, Aperila 24, 1879.
Aponoia; SAM'L G. WILDER,
909 3t Kuhina Kalaiaina.
UA hookohu ia aku i keia la o Mr. Geo. Bell i Agena Hooiaio no na palapala aelike paahana no ka apana o Kohala Hema, mokupuni o Hawaii, ma kahi o John Stapplebeen i waiho mai.
SAM'L G. WILDER, 909 3t
Kuhina Kalaiaina.
UA hookohu ia aku i keia la o Mr. D. S. Kahookano i Agena Hooiaio no na palapala aelike paahana ma ka apana o Kohala Akau, mokupuni o Hawaii, ma kahi o W. Merseburg i make.
SAM'L G. WILDER, Kuhina Kalaiaina.
Keena Kalaiaina, Aperila 28,1879. 909 3t
I KEIA la na hookohu aku wau ia N. P. Nuuhiwa i Luna PA Aupuni no ka apana o Wailuku, mokupuni o Maui, ma kahi o Mr. R. W. Kapohaku i make aku nei.
JNO. O. DOMINIS, Kiaaina o Maui.
Lahaina, Aperila 23, 1879. 909 1m
HOOLIMALIMA O NA AINA AUPUNI.
E KUAI ia aku ana ma ke ku dala akea, ma ke alo o Aliiolani HALE, i ka hora 12 awakea, Poaono, Mei 21 1879, na aina hoolimalima malalo iho :
Kela apana Aina e waiho la ma Manana, Ewa, Oahu, nona ia eka ekolu, no 10 makahiki. Uku hoolimalima $50 no ka makahiki a maluna aku.
Keia mau apana Aina waiwai nui i ike ia o Kihalani a me Papaaloa, e kokoke la i Laupahoehoe, ma ka apana o Hilo, mokupuni o Hawaii, nona na eka 600, no 15 makahiki. Uku hoolimalima $100 no ka makahiki a maluna aku. E uku la na uku hoolimalima i kela a me keia hapaha. O na kuhikuhi no na palena a me ka ili, e loaa no ma keia Keena.
SAM'L G. WILDER,
909 3 t Kuhina Kalaiaina.
Iu bile o na Katolika.
Ua heluhelu ia ae kekahi palapala e ka Haku Bihopa Alemany imua o na kahunapule a me na kanaka a pau e noho ana malalo o ka lakou alakai ana ma Kapalakiko, e hoike ana, ua hoolaha ae ka Pope Leo XIII imua o ke ao holookoa, he Iubile puni no na Katolika a pau, mamua ae o ka hiki ana i ka la 2 o Iune ae nei ; e haawi-ia ana na hoonani ana, na hoomaikai ana a me na kala ana i na hala ; ka akoakoa ana ma na luakini no ka haipule, hookeai, kokua ana i ka poe ilihune a me ka lawe ana i ke kino o ka Haku. Ua hoakaka pu ia no hoi, e malama na kahunapule i keia hana ma na luakini ponoi o lakou.
Na Lahuikanaka Waiwai o ka Ao nei.
E hoike ana ka nupepa Kalepa o Amerika Huipuia, ke aneane aku nei ke aupuni o Ame rika Huipuia e kau ma ka papa like o na aupuni waiwai o ke ao nei. Ke holomua nei ka ulu ana oia lahui, a e haalele ia ana ka heluna o na kanaka o Farani a me Enelani. Aole he aupuni i pakela aku kona waiwai ma ka holomua ana o kona mau loaa e like me Amerika Huipuia iloko o iwakalua makahiki i hala aku. Ma na helu kanaka ekolu o Amerika Huipuia mai ka 1850 a i ka 1870, o ka huina waiwai paa a me na waiwai lewa o na mokuaina a pau a me na Teritori, me ka helu pu ole ia o na aina aupuni ma kela a me keia wahi o kona mau palena, oia keia malalo iho:
O ka huina waiwai i ka makahiki 1850, he $7,135,780,228; 1860, $16,159,616.068; 1870, $30,068,518,507; nolaila, mai ka 1850 a hiki i ka 1860, ua oi palua aku na loaa o Ame rika Huipuia imua ; a ua oi loa aku hoi iloko oia kowa hookahi i ka 1870. Nolaila, ma keia helu ana i keia makahiki ae, e hala loa aku ana kona mau loaa imua o ko Farani, ina e helu pu oia i na loaa o kona mau aina aupuni; ka mea hoi i helu pu ole la iloko o ko Amerika mau huina loaa.
Nolaila, o ke koho mua i loaa ia makou no na loaa o keia aina no keia mua iho, e lilo ana oia ke alakai i ka 1880 e hiki mai ana. no ka mea, ua hoike mai na huina loaa o na makahiki i hala, i ka pakela a me ka holomua oia Repubalika iloko o iwakalua makahiki wale no; aka, ina aole e loaa iaia ia kulana i keia makahiki ae, alaila, aia no he wa nona e hiki ai i ke keehina panepoo o kona mau loaa a oi aku.
MOKU KA PEAHI LIMA.—Ma ka auina la o ka Poakolu iho nei o keia pule, ma ka hale olo papa o J A Hopper ma Ainahou ua moka ka peahi lima akau o kekahi keiki hana o Lono ka inoa, a koe wale ae no ka manamana nui, ua loaa keia pilikia i ua keiki ala mamuli o kona palaka me ke kalele hewa ana maluna o kahi a ka pahi e niniu ana. Ua lawe ia oia ma ka Haukipila, a ua oki ia kahi o ka peahi lima i pepe. He mea pono e hana me ka noonoo pono i mea e pilikia ole ai.
KE KII MAKANA.
No ka makemake nui ia o ke Kii a makou i haawi ai i makana no ka poe hookaa mua i na DALA ELUA NO KA NUPEPA KUOKOA no 1879, ua pau loa i ka lawe ia ua mau makana la, a ua koe kekahi poe aole i lawa. No ia kumu, a i kumu hoi e hiki a ke pahola ia aku keia pomaikai a lawa pono ka makemake o na mea a pau, ua kauoha hoo makou e hooili ia mai ona mau kii o ka MOIWAHINE o Enelani, e like ke ano me na mea i loaa mua mai nei. E hiki mai ane keia mau Makana iloko o keia mau pule ae. Ke manaolana nei makou mamua ae o ka la 30 o June e ike ia'i. Nolaila hoi, i kumu e loaa aku ai ka pomaikai i ko makou poe makamaka lawe i ke KUOKOA i nele i keia wa i ka Makana, e like me ko makou noi ia mai, ke hoakea ae nei makou i ka manawa e hookaa ai na dala elua no ka Makana, a o na mea a pau e hookaa ana i na DALA ELUA no KA NUPEPA KUOKOA no 1879 mamua ae o ka la 30 o June e loaa no ia lakou keia KII MAKANA MAIKAI.
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula.
MEI 17, 1879.
MA ke ahiahi Poaono o ka pule i hala, ua holo aku ka Moi a me ka Hooilina Moi maluna o ka mokuahi " Pele " no Ewa, ua ukali ia ka laua huakai e ke Kuhina o ko na aina e. A ma ke kakahiaka Poakahi iho nei i huli hoi mai ai no ke kaono nei.
O KEIA kaua e lawelawe ia nei mawaena o ka poe Zulu ma Aferika a me ke aupuni o Beritania Nui, oia paha kekahi o na hakaka weliweli loa i ike ia e ko Aferika poe ma ko lakou aina. Aole i emi ka heluna o ka lahui Zulu malalo o ka 300,000 kanaka. He lahui hopo ole a he minamina ole i ke ola ke hoala ia ka manao kaua, O ke kumu o keia kaua, oia kekahi mau koina a ka poe haole ma Natala no kekahi mau hana ino a ka poe Zulu, a me ke kokua ana a na haole i kekahi poe o ka lahui Zulu i mahuka mai loko aku o ko lakou lahui a holo i Natala i mea e pakele ai lakou mailoko aku o na lima hoomainoino. Ua kokua na haole ia poe a ua hoomalu i ko lakou ola. No ia mau kumu ua ala kue mai ka poe Zulu a hoouka i ke kaua. O Natala, oia ke kulanakauhale nui ma Aferika Hema i noho ia e na haole, a aia ma ia wahi kahi i noho ai ka mana aupuni Be ritania no ka hoomalu ana i na kuleana a me na pono o Enelani ma ia apana o Aferika.
O ka poe Zulu, he lahui oiwi maikai lakou, he loihi a he kino ano ikaika ko na kane, a ua lako lakou me na mea kaua o na lahui o Europa. O ko lakou ili, aole i eleele loa e like me ko ka poe negero a kakou e ike nei, he hauli i hui ia me ka ula ; o ka lauoho nae, he apiipii e like me ka poe negero.
O na hoouka kaua i hala iho nei, he weliweli loa, a he mea e ka nui o ka poe i make ma na aoao elua. Ma ka aoao o ko Enelani, he akamai me ka lako i na mea kaua o na lahui naauao malalo o ka hooponopono ana o na alakai makaukau ; a ma ka aoao o ka poe Zulu ka heluna nui o na kanaka i hui ia me ka wiwo ole, a me ka minamina ole i ke ola, aole nae he akamai. A ua maopopo e lanakila ana ke akamai maluna o ka hawawa.
UA minamina makou no ka hoao hou ana o na hoa lawe hana iloko o ka oihana kula Sabati e kahea i hoike nui no na kula Sabati a pau o Oahu ma Honolulu. Ua manao makou ua ike pono na makamaka iloko o kela hoao mua ana no kekahi hana e like me ia, a ua maopopo ka holopono ole o ia hana ; no ka mea, aole i hiki pono mai ka hapa nui o na kula Sabati ; aole no paha he hapaha o na kula i hiki mai iloko o ia hoike. A aole no hoi i poina ia na ulia poino i loaa mai maluna o kekahi poe haumana iloko o o kela hana mua ana, a poino aku la kekahi mau ola.
Ina no hoi he mea hiki ke hoakoakoa ia mai na haumana a pau a me na kumu o ka mokupuni o Oahu ma Honolulu no kekahi mau la ekolu a eha paha, alaila e ala mai auanei keia ninau, he mea maikai anei ka lawe ia mai o ko kakou poe opio a puni Oahu e noho iwaenakonu o keia kulanakauhale no ia mau la ? Aole anei e oi aku ka pono ke hoakoakoa ia ma kahi e, e like me Kaneohe a me Waialua paha ?
Ua mahalo makou i ka manao maikai o na hoa e hapai ikaika i ka oihana kula Sabati. A he ake ko makou e kahea ia i halawai nui o na makua, na elele, na kahunapule, a me ka lehulehu holookoa iloko o Iune, ma ka luakini o Kaumakapili, a e hapai ia kekahi mau hana e ulu ai ka makemake a me ka hoihoi iwaena o ka lehulehu no keia hana maikai, oia hoi ke ao ana a me ka hooulu ana i ua kula Sabati.
KAHEA LA.—Ua kaheia o Rev. Keliaukai no ka ekale sia o Laupahoehoe Hilo. Hawaii, a o Rev. J. Kekahuna o Kahuku, Oahu, ua kahea ia no ka ekalesia o Waianae Oahu.
MA ka ia 5 o Mei nei, ua hookohuia o Rev. J. B. Hanaike i kahu ekalesia no Lihue Kauai, ma kahi o Rev. G. Puuloa i make.
UA lohe mai makou, he nui na heihei kaa lio kiau e hoomakaukau ia nei, no ka ia o ka "Nai Aupuni" e hiki mai ani. A e malama ia ana ia mau lealea ma ke kahua heihei o Kapiolani Park.
E HELE NUI AE.—E hoomanao no keiki o ka makani apaapaa o Kohala. a e naue ae ma ka hale kuai lole o Goo Kim ma Honopueo, oiai, e kuai hoemi ana oia ma na Poaono a ma na Poakahi a pau, mai ka la 24, aku o keia mahina.
KULA KAIKAMAHINE O KAWAIAHAO.—O ka hoike makahiki o ke Kula Hanai Kaikamahine o Kawaiahao, e malama ia ana ma ka Luakini o Kawaiahao, ma ka Poakolu, June 4. 1879. mai ka hora 10 aku o kakahiaka a hiki i ka hora 12 awakea.
O na mea hana lima i hana ia e na kaikamahine o ke Kula, e kuai ia aku ana ma ka pa Kula, ma ke ahiahi Poalima, June 6, 1879. Uku komo 25 keneta. E hamama ana na puka i ka ho ra 5 pm. Me ka manaolana e hele mai ana na hoa'loha a me na makamaka o ke Kula me ke kanalua ole, na Hawaii a me na haole e ike a kuai i na mea i hana ia e na lima luhi lahilahi o na loaa a pau o na mea kuai, no ka pomaikai o ke Kula Kaikamahine.
OLELO HOOLAHA.
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o E.T. O'HALLORAN o Honolulu i make. Olelo kauoha e koho ana i la e hooiaio ai ka palapala, kauoha, a no ka hoolaha ana. No ka mea, ma ka la 12 o Mei, 1879, ua waiho ia mai imua o ka Aha kekahi palapala i olelo ia, OIA no ke kauoha hope loa o E.T. O'Halloran i make aku la; a me ka palapala hoopii e noi ana e hooiaioia kela palapala kauoha a e hoopuka hoi kapalapala luna hooko no F. S. Pratt ua waihoia mai e F. S. Pratt. Nolaila, ua kauoha ia o ka Poakolu oia ka la 28 o Mei, 1879, ma ka hora umi, ma ka Rumi Hookolokolo oia Aha ma Honolulu, ma Aliiolani Hale, oia ka la me ka hora e hooiaio la'i ia palapala kauoha, a e hoolohe hoi no ia noi ana mai, a me ka poe a pau i pili e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule elua, iloko o ka P. C. Advertiser a me ke Kuokoa he mau nupepa i pai ia a i hoolaha ia ma Honolulu.
Kakau ia ma Honolulu, ko Hawaii Pae Aina, Mei 12, 1879.
LAWRENCE McCULLY.
Ikea: Lunakanawai o ka Aha Kiekie.
JNO. E. Barnard, Kakauolelo. 911 2t
MA ke keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o Kaimi k no Honopou. Hamakualoa, Maui. Ua heluheluia a ua waiho ia ka palapala noi a J. Keohokaua, ka lunahooponopono o ka waiwai o Kaimi k no Honopou, Hamakualoa, Maui, i make, e noi ana e hoapono ia kana moowaiwai, a e hookau iaia mai ka oihana, a e hooholo i ka waiwai i na hooilina. Nolaila, ke kauoha ia aku nei na kanaka a pau ke pili, o ka Poakahi oia ka la 2 o Iune, 1879, ma ka ho ra 2 pm ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNAN DER,
Lunakanawai Kaapuni Apana 2 H P A.
Lahaina, Mei 6, 1879. 911 3 t
Hoolaha a ka Lunahooponopono Waiwai.
KE hoike aku nei ka mea nona ka inoa malalo iho, ua hookohu pono ia mai oia i lunahooponopono no ka waiwai o S.L. Kapahukula k i make, a ke kahea aku nei i na mea a pau a ka mea i make i aie ai, e waiho mai i ka lakou mau koi, i hooiaio pono ia, iloko o na malama eono mai keia la aku, o hoole loa ia lakou, a o ka poe a pau i ale iaia e hookaa koke mai. KALUNA w Lunahooponopono Waiwai o s. L. Kapahukula i make. Honolulu, Mei 16,1879. 911 4t
HOEMI NUI!
UA HOOEMI IA KE KUMUKUAI O NA HUILA HUMUHUMU LOLE, MAI ke Kanalima Dala a hiki i ke Kanakolukumamalima Dala, nolaila, e wiki mai oukou o pau e auanei. E loaa pu no ma ko makou HALEKUAI na mea hao o na ano a pau. O-O, KOPALA, KOI, PALAU, KOPE, PAHI, IPUKUKUI, PENA AILA, &c. &c. &c. &c. A me na Liko Kukulu Hale o kela a me keio Ano. E kipi mai ma ko makou Halekuai Hou ma Alanui Papu. Helu 37 DILINAHAMA MA. 911 3m 922
KUAI EMI ! KUAI MANUAHI!
UA loaa mai nei ia'u maluna mai o ka mokuahi Kaleponi, na lole nuhou o kela a me keia ano, nolaila, ke kau leo aku nei au i na keonimana a me na lele o ka makani Apaapaa o Kohala, a me ko ka ua Kipuupuu alo hau anu o Waimea, e naue, a e kipu ae ma ko'u halekuai ma Honopueo, Kohala, Hawaii. A malaila e loaa ai ia oukou na lole aulii o kela a me keia ano e wehiwehi ai ke kino. E hoomaka ia aua ke kuai hoemi ma ka Poaono Mei 24, 1879. A e hoomau ia aku ana pela ma na Poaono a me na Poakahi a pau o kela a me keia pule. E hele nui ae i ike pono. GOO KIM. 911 3m 922
MAKEMAKEIA!
I MAU POE KAMANA,
NA POE KAPILI UINIHEPA, NA POE KAWILI PUNA, me NA POE OKI POHAKU.
E haawiia ana ka uku kiekie i na poe akamai ma keia mau Oihana. E ninau ma ke Keena Hana o ka mea nona ka inoa malalo:
THEO. H, DAVIES.
Alanui Kaahumanu, Mei 16, 1879. 911 2t
MA ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kaimi k no Hamakualoa, Maui i make. Ua heluheluia a ua waihoia ka palapala noi a Kaualililehua w a me Kauhi k e noi ana e hoonoho ia o S. W. Kapule i lunahooponopono no ka waiwai o Kaimi k no Hamakualoa, Maui i make aku nei. Nolaila, ke kauoha ia aku nei na kanaka a pau ke pili, o ka Poakahi oia ka la 2 o Iune 1879, ma ka hora 2 pm ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2 H P A.
Lahaina, Mei 5, 1879 910 3t
E IKE auanei na kanaka ma keia hoolaha, o maua o na mea nona na inoa malalo iho nei, ke papa a ke hookapu loa ia aku nei na kanaka, aole lakou e hookuu wale i ko lakou mau holoholona e hele wale maluna o keia mau apana kuleana aina elua, nona na eka he 16 e waiho la ma Kaunolu i Lanai, ili aina o Apua a me ka ili aina o Namaokahai, ka lio, pipi, hoki, hipa a me ke kao, he hookahi dala o ke poo, a no ka pelehu ai Ulei a me ka moa, he hapaha dala. Ke hookohu aku nei maua ia Kaai i hope nana e malama a hopu i na holoholona. E lilo keia i kanawai, a e hoolohe ka pono.
KAPIKA KAUPE,
KAPIKA KAHOONANINANI.
Ukumehame, Maui. Mei 4. 1879. 910 4t*
HOOKAPU AINA.
OWAU o Kaui, ke kaikuahine ponoi o Kahawai o Laupahoehoe i make aku nei,o ka aina kuleana o kuu kaikunane e waiho la ma Laupahoehoe, Hilo, mokupuni o Hawaii, ke papa ia aku nei na kanaka a pau, aole e komo wale ma ua apana aina la, no ka mea, ua kapu loa, no'u ia aina no kona kaikuahine ponoi, e like me ke kanawai.
MRS. KAUI KAIKUAHINE.
Honomakau, N . Kohala, Hawaii, Mar, 7, 1879. 910 3t*
Hoolaha a ka Lunahooponopono Waiwai.
UA hookohuia ka mea nona ka inoa malalo e ka Hon. C. F. Hart, Lunakanawai Kaapuni o ka Apana Hookolokolo Ekolu o ko Hawaii Pae Aina i lunahooponopono no ka waiwai o Kela (pake) no Kukuihaele, Hamakua, Hawaii i make. Ke hoike ia aku nei ka poe a pau he koina ko lakou i na waiwai la, e hoike koke mai iloko o na malama eono, o hoole mau loa ia aku lakou, a e ka poe a pau i ale i ka mea i make, e uku kuke mai lakou ia'u.
D. S. KAHOOKANO.
Lunahooponopono o ka waiwai o Kela (pake) i make.
North Kohala, Hawaii, Apr. 24, 1879. 910 4t*
Hoolaha a ka Lunahooponopono Waiwai.
Ma keia ke hoike ia aku nei, o ka mea nona ka inoa malalo iho, na hookohu ia mai i lunahooponopono no ka waiwai o W.D. Pao Honolulu i make, ke hoike ia aku nei i na kanaka a pau, e waiho mai i ko lakou koina ina ma ka moraki a kumu e ae paha ma ke keena o Kikila Baraunu, Loio a he kokua ma ke Kanawai, alanui Kaahumanu, Honolulu, iloko o na malama eono mai keia la aku, o hoole mau loa ia aku lakou: a o ka poe a pau i aie, ka waiwai o ka mea i make, e uku koke mai ia Kikikia Baraunu.
KANAKAOLE
Lunahooponopono waiwai o ka waiwai o W. D. Pao i make Aperila 22, 1879. 909 4t
OLELO HOOLAHA.
KA LA O KAMEHAMEHA,
KAPIOLANI PAKA.
Papa Kuhikuhi Hana- Iune 11, 1879.
NA KOMITE HOOMAKAUKAU— Ka Ex Jno O Dominis, Franklyn S Pratt, Esq. Allen Herbert, Esq.
PUUKU & KAKAUOLELO— Henry J Agnew.
NA LUNAKANAWAI— Ad Mailliard, W C Wilder, Jas S Lemon.
MANAWA— D W Clark, M. Eckart.
HOOPONOPONO KAHUA— W R Buchanan.
HOLO ANA— J T Chayter.
KA LOIHI— Jas i Dowsett, Jr.
ANA KAUMAHA— A W Bush.
NA KOMITE HOOHANOHANO- Na Ex S G Wilder, J M Kapena, E Preston, S Kaai; na Hons C R Bishop, A S Cleghorn, H A Widemann, J I Dowsett, H N Kahanu, G Rhodes; na Esquires- A J Carwright, F Spencer, F Banning, M McInerny, J Perry, Col W F Allen. J A Hassinger, J Hoting, J M Davidson, Capt T Spencer, C Long, M Pico, Dr O S Cummins, G W Macfarlane, S Damon, E T O'Halloran, Sam'l Parker, F A Schaefer, Dr T Tisdale, C Afong, H. Macfarlane, W G Irwin, H L Sheldon, Col Z S Spaulding, Cecil Brown, B F Bolles, A Jaeger, J C Glade, Jas Campbell, H Cornwell, J Moanauli, H Turton, J Cummins, J S Walker, T C McDowell, G West, C T Gullick, R F Bickerton, J Makee, Dr F H Enders, Col C Spreckles, J H Paty, M P Robinson, Dr. J S McGrew, Capt John Ross, J H Black, Dr F Hutchinson, H Schmidt, A McWayne.
NA HEIHEI.
EKE A KAMEHAMEHA. $200
Heihei kaa lio holo kiau, noa i na lio a pau, hookahi mile. O ka mea 2 oi ana iloko o 3. Uku hookomo, $15, e hoihoi ia ka uku hookomo a ka lio elua aku.
EKE A KA MOIWAHINE, $100
Heihei holo no na lio a pau, hookahi mile. Uku hookomo, $15, e hoihoi ia ka uku hookomo a ka lio elua.
HEIHEI KUKINI, $35
Noa i na mea a pau, 400 iwilei, ekolu a oi aku poe hookomo, $25 makana i ka mea eo mua, $10 i ka mea elua i Ulu hookomo $1.
EKE A KA POE MEKANIKA, $100
Heihei kaa lio holo kiau, no na lio wale no a pau o Hawaii nei, hookahi mile, o ka mea 2 oi ana iloko o 3. Uku hookomo, $5, e hoihoi ia ka uku hookomo a ka lio elua aku.
KIAHA O HONOLULU, $250
(Haawi makana ia e Mr. McInerny). o ke kumukuai he $50 me $200 mawaho ae i hui ia aku. Heihei holo no na lio a pau, 2 mile ka pahu hopu. Uku hookomo, $15, e hoihoi ia ka uku hookomo a ke kaa elua.
HEIHEI MIULA, $50
Heihei holo, noa i na miula a pau, 1 mile ka pahpu hopu. Uku hookomo, $5, e hoihoi ia ka uku hookomo a aka miula 2.
EKE A KA LEHULEHU, $50
Heihei o na kaa hoolimalima. 1 mile ka pahu hopu, noa i na lio a pau i komo ole i na hana o ka la, a i lo a ole he makana iloko o kekahi o na heihei. Uku hookomo, $2, e hoihoi ia ka uku hookomo a ka lio elua aku. E Hoike ae ka poe Heihei ma na Aahu o ka poe Heihei. O na rula o ka Hui Lahui o ko Amerika kahua heihei, e alakai ia ai na Lunakanawai i ka lakou mau olelo hooholo. O na hookomo ana no na heihei maluna ae, e hoike ia ma ke kakau ana me ka uku hookomo, ka inoa o ka lio, ka mea nona ka lio a me ke kahiko o ka mea nana e holo. E waiho ia aku me ke kakauolelo na hookomo ana mamua o ka hora 2 pm o ka la 2 o Iune, 1879, mahope aku o ia manawa, aole e lawe ia na hookomo ana.
909 tf H. J. AGNEW, Kakauolelo.
HOIKE HUI KULA SABATI
O KA
MOKUPUNI O OAHU, IUNE 7. 1879,
NA HIMENI HUI.
1 KAHUHIPA MAIKAI—Hae Hoonani, Aoao I
2 LEI ROSE—Leo Hoohana, Aoao 13
3 MILENiO— Himeni 499
4 MAHA MAU—
NA HIMENI KAI HUAKAI.
1 HAMAU E NA KOA —
2 KAI POLOLEI—Hae Hoonani Aoao 23
3 KAI A MAU —Hae Hoonani. Aoao 18
4 KAI A NAUE I KA NANI—Hae H. Aoao 21
5 IU BILE —
NA HANA MA KA LUAKINI.
Himeni IU BILE Manawa 3 Minute
PULE 2 "
Himeni Hui LEI ROSE 3 "
HAAWINA BAIBALA.
Kula Sabati o Kawaiahao 5 "
Kula Sabati o Kaumakapili 5 "
Kula Sabati o Kalihi 5 "
Kula Sabati o Ewa 5 "
Haiolelo—Rev. T. Coan 5 "
Himeni Hui MAHA MAU 3 "
HAAWINA BAIBALA.
Kula Sabati o Waianae 5 "
Kula Sabati o Waialua 5 "
Kula Saba ti o Kahuku 5 "
Kula Sabati o Hauula 5 "
Haiolelo—Rev H. H. Paleka 5 "
Himeni Hui KAHUHIPA MAIKAI 3 "
(He mau Ninau e pili ana i keia Kahuhipa)
Haiolelo—Rev. W. P. Kahale 5 Minute
HAAWINA BAIBALA.
Kula Sabati o Kahana 5 "
Kula Sabati o Waikane 5 "
Kula Sabati o Kaneohe 5 "
Kula Sabati o Waimanalo 5 "
Haiolelo— 5 "
Himeni Hui MILENIO 3 "
PULE HOOKUU 2 "
C. M. HYDE
H. WATERHOUSE Komite
M. KUAEA
910 3t
MA ke keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o Kikele k no Kahakuloa, Maui i make. Ua heluhelu ia a ua waiho ia ka palapala noi a Kekaha k ka lunahooponopono o ka waiwai o Kikele k no Kahakuloa, Maui i make, e noi ana e hoapono ia kana moowaiwai a e hookuu iaia mai ka oihana, a e hooholo ia ka waiwai i na hooiaina. Nolaila, ke kauoha ia aku nei na kanaka a pau ke pili, o ka Poakahi oia ka la 3 o Iune l879, ma ka hora 3 o ke ahiahi, ma ka hale hookolokolo o Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2 H P A.
Lahaina, Mei 5, 1879. 910 3t
E IKE auanei na kanaka a pau, ke papa a ke hookapu loa aku nei au i na kane, wahine, keiki, aole e hele wale ma ka po a me ke ao ma na puuone a me na auwaha, mai ka auwaha o Kapaeli, a i ka auwaha o Hanamakapula, e kuu i ka pua I-a, pela no me na uapo o na papohaku o Mapunapuna. Awawaloa, Kalo'alo'a a me kona auwaha, Ua kapa loa ka maunu papai ana maloko o keia palena, mai ka auwaha o Kapaeli a loaa ke kaha pololei e kupono ana i ka lae papa akea ma ka hema o Awawaloa, a mawaho aku o keia mau palena ua kue ia. O ka mea a mau mea paha e kue i keia, a loaa aku ia'u a i ko'u hope paha ia Piopio, e hoouku ia oia he umi ($10) dala. D. MANAKU. Moanalua Oahu, Mei 8, 1879. 910 2t*
HOOLAHA A NA LUNAHOOPONPONO WAIWAI.
MA ka waiwai o J Hoaka n oWaiohinu i make kauoha ole. E ike auanei na mea a pau, o maua o na mea nona na inoa malalo iho nei, ke hoolaha aku nei i ke akea i na mea a pau ma ka la 16 o Aperila i hala aku la. Ua hoonoho mai ka mea hanohano F. S. Lyman, kekahi o na Lunakanawai Kaapuni o ka Apana 3 o ko H P A ia maua i lunahooponopono no ka waiwai a pau o J. Hoaka no Waiohinu Kau i make me ke kauoha ole ma ka la 20 o Dek, 1878, i hala aku nei, nolaila, ke hai ia aku nei ka lole i na mea a pau i aie mai ia J. Poaka e hookaa koke mai, a o na mea hoi a J. Honaka i aie aku ai e hoike koke mai i ko lakou mau bila kupono, iloko o na malama eono o hoole loa ia auanei, ina he mau mea e paa ana i kekahi waiwai o J. Hoaka ma ko lakou lima e hoihoi koke mai lakou ia mau waiwai ma ko mana lima.
AB. KALAULI, KEALALAINA K. HOAKA.
Waiohinu Kau, Aperila 18, 1879. 909 1m
UA HOONEE IA.
Ke hoike aku nei ka mea nona ka inoa malalo iho imua o ka lehulehu, ua hoonee aku au i ko'u mau waiwai, mauka iho o ka Halekuai Kukaa o Theo. H. Davies, Alanui Kaahumanu, Malaila hoi au e hoahu ai i na Waiwai Gula Nani Loa he nui, na mea hoonani i Kinohinohi ia, na mea Dala io maoli. & c. Na Daimana, na Wati Gula a me Dala, na Wati kau Hale, na Pine Omau Kukui, a me na Komo, na Maka Aniani, &c, &c. Na Lako Daimana He Nui Wale. Na Wati Hou a me na Wati Kau Hale, Hele no 2 Makahiki. Ua hana no hoi au he olelo hoopaa me Mr. E. Weller, mea hana wati, ka mea i hana pu me a'u iloko o ka hale hana hookahi, a ua ae mai oia, o na wati pakeke a pau, na wati kau hale a me na carometa i waiho la aku e hana, e hooko ia me ka hakalia ole. Ua noho loihi au ma keia mau Pae Aina no kekahi mau makahiki, a ua paulele nui no, e hoolawa aku i ka lini oka mea anoi. O na Kauoha mai na Kuaaina, e Hookoia me ka Hikiwawe.
Nui ka mahalo no na lokomaikai i loaa ia'u i ka wa i hala, a ke manaolana nei au, ma ka hooko pono ana ma ka'u hana, he mea ia e hilinai mai ai oukou maluna o'u ma keia mua aku.
MAX ECKART, Mea Hana Gula.
Kahuna mua o D. N. Flitner, Alanui Kaahumanu, Honolulu.
P. S. E hoomanao, o na Daimana maikai a anapa wale no ka'u i malama, oiai, o na kumukuai o kekahi mau Daimana e ae ke emi nei, a o na pohaku makamae, aole ma ko lakou mau kumukua mau, aka, ke nee mua nei ma na kumukuai hou. 909 3m
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina. ss. MA ka waiwai o WILLIAM MERSEBURGH i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 29 o Aperila M. H. 1879, ua waihoia mai imua o ka Aha kekahi palapala, i olelo ia, oia no ke kauoha hope loa o William Merseburgh i make aku la ; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia George C. Williams & Kanoanoa Merseburgh ua waihoia mai e W. C. Parke. Nolaila, ua kauoha ia o ka Poalua oia ka la 27 o Mei M. H. 1879, ma ka hora 10 am ma ka rumi hookolokolo o ia Aha, ma Aliiolani Hale ma Honolulu oia ka la me ka hora, e hooiaio ia'i la palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke "Kuokoa" he nupepa i pai ia a i hoolaha, ia ma Honolulu.
A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make. ma ko Hawaii Pae Aina e hele mai a e kue i kela palapala kauoha i ka wa i oleloia.
Kakauia ma Honolulu, ko Hawaii Pae Aina, Ape rila 29, 1879.
A. FRANCIS JUDD. Ikea: Lunakanawai o ka Aha Kiekie.
A. Ross. Hope Kakauolelo. 909 3t
AINA KUAI A HOOLIMALIMA.
HE Kanalima Kumamaono eka aina ma Iwilei. (Makai iho o ka Halepaahao.) He Loko I-a. Aina Kalo, Aina kau Paakai, aina kula a me ke kai. A me kekahi mau eka aina ma Peleuia, he aina kalo, aina kula a me ke kai. He oluolu ke kuai ana. E ninau ia J. H. CONEY,(Koni). Honolulu, 865 tf
Hoolaha a na Hope Hooponopono Waiwai.
O NA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Ai o Wailuku, he mea i Banekerupa. Ma keia ke hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T. W. Everett ma Wailuku, Maui.
M. GREEN, T. C. ACHONG.
Na Hope Hooponopono Waiwai o ka waiwai o C. Ai he Banekerupa. 895 tf
HE MAU MEA NANI LOA
MA KA HALEKUAI
"CALIFORNIA
ONE PRICE
BAZAR."
Ua loaa mai nei ia makou na Lole Nani Loa i ike ole ia ka lua ma ke Aupuni Hawaii; no na kumukuai haahaa lua ole i ike ole ia i na kau i hala. Oiai ua loaa ia makou keia mau Lole no ke kumukuai haahaa loa, nolaila, oia ke kumu o ko makou kuai ana no ke kumukuai emi loa i ku i ka hoopomakai i ka lehulehu, oia na Lole Kalakoa nani o na ano a pau : Na Aahu Paina maikai loa, Na Kihei Huluhulu maikai loa, Na Kukaenalo a me na Keokeo, Na Lole Komo he nui wale o na Kane, Na Palule Olona no S1.00 Na Miki-lima Lopi Lilina o na Wahine, Na Lole Silika Eleele me ka Vele veta, Na Uhi Bela Laula 1-4, 7-4, 8-4, 9-4, 10-4, Na Huluhulu Keokeo o na ano like ole, Na Palule Keokeo Alu Lilina no $1.50 Na Lolewawae Ahina 60 keneta o ka paa Na Miki-lima ili o na Kane me na wahine. Na Uhi Moe, He maikai loa na Palemai no na Wahine a me na Kaikamahine. Na Paa Lole no na Keiki, Na Kamaa o na Keonimana a me na Lede, Na Lole Hinuhinu Mabela, Ka makou mau Lihilihi Silika Na Palemai Silika Marino o na Kane, Na Lole Wahine Keokeo me na hoonani, Ua hoemi loa ia ke Kumukuai o na Lihilihi a me na Papale Keiki. Na Zebera Berina maikai he 20 keneta wale no o ka Auneke. Na Kenila maikai loa he 15 Keneta o ka Auneke, Na Lina Lole maikai loa o na ano a pau, Na Pahi Koli Peni he nui wale. Na Papale Kane a me Wahine. Ua loaa mai ia makou na ano pahi he nui wale, aole mea like i ike ia mamua ma keia wahi. O ka poe kuai pahi e pomaikai ana lakou ke hele mua mai ma keia Halekuai a e wae no lakou iho. He lua ole ka maikai o na pahi a me ke emi o ko lakou kumukuai. O na waiwai a pau i loaa mai ia makou, ua kuai ia aku no ke kumukuai haahaa loa. E hele nui mai e nana a e wae, a e ike auanei oukou. O KA MAKOU OLELO MAKIA : E hoahu i na Waiwai Maikai, a e Kuai Emi Loa, Ma ka Halekuai California One Price Bazar, 905 3m 916 MELLIS & FISHEL.
Ka LEI ALII.
O keia ka inoa o ka Buke Mele Hou no na
KULA SABATI
o
HAWAII NEI.
UA hoomakaukau ia e ka Makua Rev. L. Laiana o Waimea, Hawaii, ka Haku Mele Kaulani. He 156 himeni me na leo mele nani o loko. Hoolaha ia e H. M. Wini, Honolulu. O ke kumukuai o keia Buke mele hoa he 75 keneta. 909 4t
Hoolaha Papa.
MAI keia la aku a mahope aku nei, ke papa loa ia aku nei. na mea a pau e hookuu wale ana i ko lakou mau bipi, lio, miula, a me lakake maluna o kuu aina hoolimalima o Waaloa, e waiho ia ma Manoa, mokupuni o Oahu. A ina e loaa ia'u keia mau holoholona e komohewa ana maluna o kuu aina, e uku ka mea nona ia holoholona he hookahi dala no ke poo, a iina e hoopoino i na mea kanu, e uku oia e like me ka nui o ke poho. Kia kekahi, e kapu loa na kanaka a pau aole e hiki ke hele wale maluna o kuu aina me ke kuleana ole.
JOS. A RAISA.
Manoa. Aperila 21, 1879. 908 4 t*
Hoolaha a ka Agena Kanikela Ame rika.
KE hoike aku nei keia hoolaha, o na kanaka a pau he kuleana ko lakou i ka waiwai o J S SMITH, M D, ua kauoha ia lakou e hoike mai i na hooiaio i ka mea nona ka inoa malalo iho, iloko o na malama eono, mai ka la aku o ka puka ana o keia hoolaha, o hoole mau loa ia aku lakou, a o ka poe a pau i aie i kela waiwai, na kauoha ia lakou e uku koke mai me ka hakalia ole ia THOMAS SPENCER,
A gena Kanikela Amerika.
Hilo. Aperila 26,1879. 908 1m
HOOLAHA PAPA.
E IKE auanei na kanaka a pau loa. OWAU o ka mea nona ka inoa malalo iho, ma keia ke hookapu aku nei au, a ke papa nei i na kanaka a pau aole e komo Lewa aole hoi e lawe aku i na puaa bipi a me na lio i kuni ia a i kuni ole ia paha ; na manu o na ano a pau, aole hoi e oki i na laau o na aina i hoike ia malalo iho. a e waiho la ma Hamakua, mokupuni o Hawaii, oia hoi keia. Opihilala. Kaalaea, Hauola, Paauilo, Koholalele, Kainehe, Kaawikiwiki, Kaao, Kekualele. Kukaiau, a me Manowaikohao. O ka poe kue i keia olelo papa, e hoopii ia lakou ma ke kanawai.
CHAS. NOTTEY. 900 6m Mar. 1,
KE papa ia aku nei kanaka a pau e noho ana ma Waialae, Nui Waialae-iki, Wailupe, a me na wahi e pili ana, a me na kanaka e ae no a pau loa o kela a me keia ano. Ua kapu loa ke ki pu ana i na puaa ahiu na palahu, a me na kao e holo ana ma na wahi a pau o Maunalua. O ka mea kue a hoolohe ole i keia olelo papa, e hoopii ia no ma ke kanawai, Nolaila, e hoolohe o pilikia auanei.
Owau no ME TUSALA MAHUKA,
Honolulu, Oahu, Mar. 24.1879. 903 4t*
KE papa ia aku nei na kanaka a pau aole e komohewa a lawe wale a hoopoi no i na mea ulu, a kukulu wale a hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe oa ka pono o pilikia auanei.
JAMES MAKEE & CO. Waihee, Maui, Sept. 7, 1878. 876 6m
OLELO HOOLAHA.
UA lilo ia Airine Haalou Kahalelaukoa Li ka loko i-a o "Hanaloa" a me ke kuia i pili pu, ma Waipio, Ewa, a ke hookapu nei ia mau wahi, a o Sam. Kiwaha ka luna nana e malama.
A. F. JUDD,. Kahu no Airine
Honolulu, Sept. 9, 1878. 876 6m
OLELO HOOLAHA.
E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i oia ia ma ka heluna o na kapuai loa o ka auwai i elila; ke noi ia 'ku nei kakou e ninau ia H. Schussler ma Haiku, Maui, a i ole la William G. Irwin & Co., ma Honolulu, a e loaa ia lakou no hoakaka kupono.
CLAUS SPRECKLES, 883 tf H. SCHUSSLER.
O WAU o ka mea nona ka inoa malalo Iho, ke hookapu loa aku nei au i kuu aina hoolimalima i loaa mai ia'u mai ka Papa Hoonaauao mai, oia ke Ahupuaa o Makawao, ma ka mokupuni o Maui. aole e hookuu wale i na lio, pipi, hoki, kekake, hipa, kao a me ka puaa, maluna oia Ahupuaa o Makawao, ua kapu loa, aole e hookuu wale i na holoholona i olelo ia maluna. Ina o ka mea hookuu wale i kana mau holoholona me ke kuleana ole, e hopu ia no a e lawe i ka pa aupuni no ke komohewa. A peia no na ano kanaka a pau, aole e kii wale i na mea a pau maluna o ua Ahupuaa la i oleloia maluna, a o ka mea hoolohe ole i keia mau olelo, e hana ia e like me ke kanawai o ka aina. E hoolohe i keia olelo hoolaha o pilikia auanei. T. AKANA LIILII.
Makawao, Maui, Oct. 1 1878. 881 tf
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina, ss. Ma ka waiwai o NAAMAU w, o Waikiki Oahu i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 28 o Aperila M.H. 1879, ua waihoia mai imua o ka Aha, kekahi palapala, i olelo ia, oia no ke kauoha hope loa o Naamau w, Waikiki Honolulu Oahu i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko no Kahuhu k, ua wainoia mai e Kahuhu k. Nolaila, ua kauoha ia o ka Poakolu oia ka la 21 o Mei M. H. 1879, ma ka hora 10 am ma ka rumi hookolokolo o ia Aha, ma Aliiolani Hale, Honolulu oia ka la me ka hora, e hooiaio ia'i ia palapala kauoha a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa he nupepa i pai ia a hoolaha ia ma Honolulu.
Kakauia ma Honolulu, ko Hawaii Pae Aina, Aperila 29, 1879
LAWRENCE McCULLY,
Ikea: Lunakanawai o ka Aha Kiekie.
A. Rosa, Hope Kakauolelo. 909 3t
KALE KULIKA,
LUNA HOOIAIO PALAPALA KUAI, Molaki, a me na palapala oia ano. LUNA HOOIAIO PALAPALA Aelike mawaena o na Haku me na Kauwa. Luna Haawi Palapala Ae Mare Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina 906 tf
C. C. Coleman.
Amara a he Mea Hana Mekini, Kapili Kapuai Hao Lio A ME KA Hana ana i na Kaa Lio, , &c., Hale Hana ma Alanui Alii, e kokoke la i 891 ke Alanui Papu. 3m