Ka Nupepa Kuokoa, Volume XVIII, Number 20, 17 May 1879 — Page 3
E NA
Lede a me na Keonimana!
o ka
MAKAN I APAAPAA O KOHALA.
E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Malaila no e loaa ai ia oukou keia mau Waiwai Maikai malalo iho nei: NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ko poo. aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a " Kau ka Iwa he la makani," i ka ua mea o ka Nani Lua Ole, oia no oe la o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae, ma ko maua Halekuai wale no ; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ko Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ola me ko onaona. NA KALAKOA. Eia no hoi na Lole Kalakoa ke ahu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liiii, a me na waiwai e ae he nui wale. he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, Nov. 9, 1878. 885 tf
Kahikina Nui!
Helu 62 Alanui Papu.
Ua loaa mai nei ma na mokuahi a me na moku pea na waiwai he nui. Na Lole Kane Aulii maikai, Na Lole Keiki Aulii maikai, Na Lole Wahine a me na mea he nui wale. Na Kamaa Buti a me na Kamaa Hoahaa. Eia malalo iho ke Kumukuai o no Waiwai a pau. Na Kalakoa Farani, 15 keneta o ka I a Na Kalakoa Enelani, 12 keneta o ka I-a Na Kalakoa Amerika, 8 keneta o ka I-a Na Keokeo aeae, 10 keneta o ka I-a Na Keokeo laula mai ke 30 a hiki i ke 37 ½ keneta o ka I-a Na Tawele Lilina holoi lima. 75 keneta o ke kakini Na Uhi Bela Lilina, 100 iniha ka laula, $1 no ka I-a Na Uhi Bela Lilina, 90 iniha ka laula, 90 keneta no ka I-a Na Silika o na waihooluu like ole, ua oi ae ke emi mamua o na kumukuai kahiko Na Alapia maikai $4 no ka holoku, he eono dala ke kuai mamua A he nui wale na waiwai i hiki ole ke helu papa aku, e kuai ia ana ma ke kumukuai oluolu loa. Hele nui mai ? Hele pau loa mai a e ike no oukou iho E kuai ia aku ana keia mau waiwai me ka hakalia ole no ko'u kaawale ana aku no Europa i keia Kupulau ae nei 907 tf S. MAGNIN.
Honolulu, Apr 17, 1879
Na Wati a me na Nani HOOhiluhilu.
KE hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM. Na KAULA GULA, Na KAULA DALA. Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hona Wati a me na Mea Gula. He Maliu no oia i na kauoha. He 25 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co. 893 6ma.
E Kuai ia Ana,
He 1,000 Hipa a me 8,000 Kao o ka Hui Hanai Kao o Kaupulehu ma Kona, Hawaii. E ninau ia H. Cooper (Kupa) o Kailua. 858 tf A. S. CLEGHORN & CO.,
KO
G. WEST
MAUHALE HANA KAA HOLO LEALEA !
Kaa Lawe Ukana, Kapili Kapuai Hao, ME KA Hana Hou ana i na Kaa Nahaha. E LOAA no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe. (876 3m)
WAHIE! WAHIE!!
Auhea ka poe
KAHU AI, a me ka poe PUHI PALAOA !
He mau PAILA WAHIE no ke kumukuai makepono ! E ninau ia E. S. Timoteo ma ka pa o ke Kula Kahunapule, ma Kawaiahao. 902 tf
PAPA KUHIKUHI MANAWA HOLO
O KA
MOKUMAHU HAWAII
" LIKELIKE,"
KAPENA. REYNOLD.
Poalua Mei 20, hora 5 pm................Kaapuni ia Hawaii
Poalua Mei 27, ho ra 5 pm..............................Hilo
Poalua Iune 3, hora 5 pm................Kaapuni ia Hawaii
Poalua Iune 10, hora 5 pm.............................Hilo
Poalua Iune 17, ho ra 5 pm..............Kaapuni ia Hawaii
Poalua Iune 24 hora 5 pm...............................Hilo
AOLE AIE NO NA UKU OHUA ?
Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai
HE KUIKE KA UKU UKANA.
Ma na ukana a pau a na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no lakou na akana o keia ano e pono e hoailonaia me ka moakaka, a iole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na puki, ukana a puolo paha, ke ole e kakauia ka loaa ana mai. E hookaaia ka uku akana ka wa e noiia aku ai.
WIL DER & CO.
OLELO HOOLAHA.
A. McWAYNE
HALE KUAI LAAU LAPAAU, A ME NA WAIALA o na ano a pau me na SOPA ALA o na ano he nui wale. Ma ke kihi o Alanui Papu me Kalepu 840 ly
DR. RODGERS,
OIA O
KAUKA LOKEKE.
Ua hoonee ae nei i kona keena oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881 tf
E. STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)
E. O. HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale. 840 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI o
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, KA MEA PIULA ! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu MakeponoLoa! A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU ! 827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KUAIIA MA KE KE KUMUKUAI HAAHAA LOA O keia Makeke.
ALLEN & ROBINSON
Honolulu, Ian. 1, 1878 840 3m
OLELO HOOLAHA.
Castle a me Hatch.
O KAKELA OPIO A ME F. M. HATCH, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Papu. 3 6ma
ALFRED S. HA RTWELL,
[HAKAWELA.]
LOIO a he KOKUA ma ke KANAWAI !
Aia kona Keena Oihana maluna ae o ka Hale Baneko Hou o Bihopa ma. 867 tf
CECIL BROWN.
LOIO A HE KOKuA MA KE KANAWAI
A HE AGENA no ka Hooiaio ana i na Palapala no ka Mokupuni o Oahu. Helu 8,. Alanui Kaahumanu Honolulu H. P. A. 2y
RICHARD F. BICKERTON,
[PEKE TONA.]
LOIO a he KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela a me keia ano. Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana. Helu 23 Alanui Kalepa, elua puka ma o aku o ka hale kauka o Kauka Minuteole. 840 ly
S.W.MAHELONA
HE LOIO! HE KOKUA A HE PALE
ma ke Kanawai.
UA makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m
JNO. LOTA KAULUKOU.
LOIO A HE KOKUA.
UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m
DAVID K. MALEKA.
Loio a he Kokua ma ke Kanawai.
UA makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka; hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 ly oc26
EDWARD KEKOA.
HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 ly oc2G
J. KAPOHAKIMOHEWA.
He Loio a he Kokua.
NO na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na w ahi e ae o ka mokupuni me ka eleu a me ka hikiwawe loa. 883 6m no2
S. M. P. KALEO.
He Loio, he Kokua, a he Pale ma ke Kanawai.
NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 ly no9
P. NUI.
LOIO! LOIO!!
O ka Ua Ukiukiu o Makawao, Maui.
UA makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16
HENRY KAHULU
Loio a he Kokua ma ke Kanawai.
UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16
ASA KAULIA.
Loio a he Kokua ma ke Kanawai.
UA makaukau au e lawelawe i na hana a pau ma keia Oihana imua o oa Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31 ; a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly no16
L.A THURSTON.
LOIO!
WAILUKU, MAUI
889 6m dec 14
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana, E loaa no au ma Anahola, a i ole ma. Waiakalua, Koolau, Kauai. E makaala no au i na kauoha me ka eleu loa. 895 l y Jan. 25.
J. W. M. POOHEA.
He Loio a he Kokua ma ke Kanawai.
No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kepa no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o "Kalauonaona," ma Wawaia, a i ole ia, ma ka Halehookolokolo ma Pukoo. 895 ly Jan 25
DR. F. LESLIE MINER
HE Kauka Lapaau a me ke kokua ana i na wahine hanau keiki. Aia kona keena hana ma ka Hale Kuai Laau Lapaau e E. Strehz ma ke kihi o na alanui Papu me Hotele. 881 ly
NA HUNAHUNA MEA HOU MA KOOLAU MAUI.
No ka Luakini. Ua paa pono iho nei ko makou Luakini, aka, eia ka mea apiki, kokoke e hala na mahina elima aohe hele iki ia aku o loko o ka Luakini i na la Sabati, aole hoi i na la e ae.
Hoao e lawe i ke ola. Ma ka la 11 o keia mahina, ua nakii kekahi keiki nona paha na makahiki i kokoke aku i ka iwakalua, a pau kona a-i me kekahi kaula e paa ana i ka pou o ka hale, a hoolewalewa i holo i lalo, e ole e ike ia pakele ai, o Kalani kona inoa.
Mau make kupanaha. Ma kekahi o na la i kaa hope ae nei, ua make elua wahine no ka manawa like ole nae, ua make o Oniula he luahine ia, aole i ike ia kona ho ra i make ai, oiai, he luahine kamaole ia, a hala he mau hora loihi, hele aku kekahi kanaka e waiho mai ana, ua ano e kona kino. Oiai no hoi oia wale no i kona hale. A o ka lua ua make no, a hala paha na hora elima, a ola hou maiai.
No na moku. Eia ma ko makou mau kapakahakai nei na moku kuna elua, ma ka lohe mai i holo mai nei no na pai kalo o Koolau nei, a lawe hele aku i kahi e pololi ana, he hoailima ia o ka neenee hou ana mai o na pomaikai i koonei mau keiki kamaaina. A e kapa iho ai hoi, ke hu nei ke gula ma Koolau Maui.
Ma Waialuanui. I ka pule i hala iho nei, ua pau iho la i ke ahi ka hale waiho ukana o Kaulia, a eia na mea i pau pu me ka hale, 2 waa lawaia, 2 pahu kopa, a me kekahi mau pono e ae, Malaila no. ua ulu ae he hakaka mawaena o H Kahoohei a me Hoaai, Akula, Kaihuku, a me Paaoao, o ke kumu o keia hakaka ana, o ka waiona ki, aohe nae he mea o lakou i eha.
No Keanae. I kela pule aku nei i hala ua huli hoi aku nei na haole mahiai ko o Keanae nei, a o ke ko, a me na hale, eia ke ku nei aohe kanaka, a o ka mala ko. ke malama ia nei no e na keiki, a Maikai loa ma laua o Kauahi.
Malaila no, i ke ahiahi Sabati la 4 o Mei, ua akoakoa ae na kanaka he nui ma kahi o J W Kahuhu a me Isaaka Kuluhiwa no ka hoopiha ana i ka opu me na kiaha ki waionu, a piha ka opu hewa ae ka waha eia ka uku la he hula. Ma ia ahiahi no, ua ulu ae he lealea Hawaii, he hula mawaena o John Kuehu, a me Kini, o keia ahiahi, he ahiahi Sabati. Ahu no hoi kupanaha a ka la i Mana.
Ma Honomanu. He nui no ka hoomahui o kekahi poe i ka inu waiona ki. Ua lawa au maanei.
D. W. KALUA. Honomanu, Mei 5, M. H. 1879.
Na mea hou o Hamakua.
E KA NUPEPA KUOKOA E ; Aloha oe:—
Aia ma ka la 31 o Maraki i hala, ma ke koho balota ana o na makua, a me na kahu malama o na keiki e hele mau ana i na Kula Aupuni, i malama ia ma ka Hale Hookolokolo o Waipio. Ua koho pono ia o Joel Welewele i hoa ekolu no ka Papa kula o ka Apana o Hamakua Hawaii.
HE ULIA POINO MA KE ALANUI.
Aia ma ka la e 5 o Mei nei, mawaena o ka mahiko o Honokaa a me Kawela, ua loaa iho maluna o Peter Hueu, kekahi ulia poino oia hoi keia.
He wahi keiki maa o Peter Hueu i ka hele mau i ke kalewa i-a, aka i kona hele ana mai, mai Waimea a i Honokaa, a i kona hoi ana mai mailaila mai. He 18 i-a maluna o kona lio hoounauna, aiaia e hele ana ma ke ala, hui mai la me ia kekahi kanaka kolohe, o ka lele iho la no ia o ua kanaka nei mailuna iho o kona lio a hoomaka mai la e hopu iaia nei a paa kela iaia, lawe ia na ia he 18 a keia keiki, he wahi mehameha loa kela.
A ia manawa noke aku la ua wahi keiki nei i ke kahea e hoihoi mai, he ole nae ka lohe mai o ka mea kolohe. He keu no hoi ke aloha ole o keia kanaka, ka mea nona ka puuwai i kahakaha ia me na huaolelo hilahila ole. " E ike ia kakou hookanaka o kipa hewa ke aloha i ka ilio. " Owau iho no.
THOS. S. K. NAKANELUA. J R.
Kapuulena Hamakua, Mei, 9, 1879.
Ko Kalaupapa mau nea Hon.
Ma Januari a me Feberuari o keia makahiki 1879. Akahi au a ike i ka makahiki hana nui, ke hana nei ka ua i kana hana, ke hehi nei i ka ili o ka honua, ke hiolo mai nei ka wai o na pali, hiolo pu mai no me na pohaku, ke hana nei ka makani i kana hana, ke lawe nei i ka ea ino o ka aina, ke hana nei ke kai i kana hana.
A o keia mau mea ekolu he mau kiai ikaika loa ia o na pali Koolau o makoa nei, nana i pani aku na kahawai ai aohe wahi ai hiki mai ia makou, e ole ka ai malihini ka ai kupanaha o Kina, a na kupuna i ike ole ai, wehe ia ko makou pilikia, hoopau ia na la makaponioniu, mahalo piha ko'u i ka Papa Ola, i ka malama ana i na ai elau, ai kupa Hawaii, ai a ka malihini. Aole no hoi au i poina i ko ke Akua lokomaikai, oiai. "Ke hoike mai nei na lani i ka nani o ke Akua, ke hai mai nei ke aouli i kana hana io, " a ke hoopuka liilii mai nei la i kona aloha maluna o keia lahui, oia keia, akolu o makou Kauka, hookahi Kauka kanaka, elua Kauka haole. Owau iho no. KANAKAOLE.
MAI LILO KE OLA.—Ma ka Poaha o ka pule i hala, ma Heeia, Koolaupoko, Oahu, i ka wa a kekahi pake e uwi walu bipi ana, ua hihia ae la kona mau wawae i ke kaula o ka bipi keiki, a kauo hele ia aku la ua pake la, a ma ia hana ana i loio ai i ua pake la ka poino kaumaha ma ka haki ana o kona wawae akau.
NU HOU KULOKO.
MOKU POINO.—Ma ka la 14 o Aperila i hala ae nei, ua ili a nahaha ka moku Kalepa hao "Crosby" ma Fanning Island, aole nae he mau ola i poino
KA MOKUAHI KULANAKAUHALE O NU IOKA. —Ma ka po Poakahi iho nei i ku mai ai ka mokuahi "Kulanakauhale o Nu Ioka" mai Sidane a me Au ckland mai, a ma ka hora 4 o ke ahiahi Poalua i holo aku ai no Kapalakiko.
HALE NAHAHA I KA HEKILI.—Ma ka la 2 o keia mahina, ma Lihue, Kauai, ua nahaha ka hale o kekahi kanaka hana o W. H. Rice i ka hekili; o ka mea laki loa aole he kanaka maloko o ka hale i ka wa i nahaha ai. Pela mai nei ka leta a H. Kahele, o Nawiliwili, Kauai, ia makou.
HE PAA MA RE.—Ma ke ahiahi Poakahi iho nei o keia pule, ma ka hale noho o W. J. Noa ma Honokaupu, Honolulu nei, ua mare ia e ka Rev. M. Kuaea o Hon. J. A. Kaukau o ka pali hinahina me Mrs. Poaimoku Kaaihue. He mea maikai ka mare no na puuwai elua i hoohui ia ina hookahi pana ana.
KA HEIHEI KAA LIO KIAU.—O ka heihei kaa lio kiauau i malama ia ma Kapiolani Park i ka auina la Poakolu iho nei o keia pule, ua huli ke au o ka lanakila ma ka aoao o ko H. J. Agnew lio, a haule poho iho la na manaolana o kona hoa heihei S. Magnin. O ka nui o na dala i pili ia ma na aoao elua no keia heihei he $200, pakahi.
KAIKOO.—Ma ka Poaono, oia ka la 26 o Ape rila i hala, he kaikoo puni ma na apana o Hilo a me Puna, a ma ia kaikoo ana i hiolo ai kekahi wahi o ka palekai o Kaipalaoa ma Hilo, a ma ia kaikoo ana no hoi i komo ia ai e ke kai kekahi mau punawai o Puna i maa ole i ke komo ia e ke kai mamua.
PILI KINO.—Ma ka holo ana aku nei a ka mokuahi " Kulanakauhale o Nu Ioka" i ke ahiahi Poalua iho nei, no Kapalakiko, ua hau aku la maluna ona ka Hon. C. R. Bishop, H. A. Wideman, J. H. Coney, W. R. Cas tle, J. P. Cooke. S. L. Austin, J. G. Dickson, Col. C. Spreckels, S. L. Lewis, Mrs. S. G. Wilder, Mrs. C. H. Judd, Mrs. A. Haalelea, a me kekahi poe e ae.
KA MOKU STORM BIRD.—Ma ka Poalima o ka pule i hala ae nei i ku mai ai ka moku Storm Bird mai kana huakai kii kanaka aku nei i na mokupuni o ka hema, ua haohao ia keia moku me ka manao ia ua poino, aka, ua pae maalahi mai nei oia me ka lawe pu mai i na kane wahine a me na keiki i mau paahana no na mahiko.
HE HAUNAELE.—I ke ahiahi Poaono i hala Mei 3, ua ulu ae he haunaele nui ma ke keaka a Ruproil, ma Kohala Akau, Hawaii, mamuli o ka hoohana ole ia ana o kekahi hana i makemake nui ia e ka lehulehu makaikai i akoakoa uku, a ma ia haunaele ana i pakele ai ke ola o Madame Pauline mai poino. O keia ka lono i loaa mai ia makou mai Jos. Poepoe mai o ka makani apaapaa.
HE NANE HAWAII.—He nane kahiko keia no Hawaii nei, ua pili ia i na iwi a make kekahi poe no ka loaa ole o ka haina. Ke waiho aku nei au na ka lehulehu e koho mai, penei ka nane. 1—No ke kai ka hele. 2.—Naue ka puna a komo i ka lua. 3.—No ka puna ka hele. 4.—Naue ke kai a komo i ke eke. E hai mai oukou e loaa, e huna iho au e nalo.
D. H. NAMAILOU.
Wailuku, Maui.
HE HAU PAA MA RE.—Ma ka Poaono o ka pule i hala Mei 3, ma ka hale o E. P. Kamaipelekane ma Honolulu nei, ua mare ia ko makou makamaka oiaio Kaleikumuhoa k me Lahela w ka wahine mare a Kekauohanui i make,
— Ma ka Poakahi o ka pule i hala Mei 5 ua mare ia o Abela Nakea me Susana Miner.
—Ma ka Poakolu Mei 7 ua mare ia o Nahakuelua k me Sera Kanekake. Na ka Rev. H. H. Paleka i mare i keia mau paa mare a pau.
ALOHA WALE.—Ma kekahi la o keia pule, ua halawai mai me makou kekahi lono mai kekahi mai o ko makou makamaka oiaio, e hai mai ana i kona halawai pu ana me kekahi wahine ma kekahi o na alanui o keia kaona, e hele pu ana oia me kana mau keiki elima. O keia wahine ua mare oia i ke kane haole, a na laua mai keia mau keiki, aka mahope iho o ka loaa ana ia laua keia mau keiki ; haalele iho la ke kane, elima ae nei makahiki ka loihi o kana haalele ana i kana wahine me na keiki a laua, a no ia mea, ua ake nui ua wahine la e ike a e halawai pu me kekahio ko kakou mau Lunakanawai i mea e hiki ai ke hooponopono ia keia pilikia, oiai oia e noho ana me ka ohana lehulehu, aole hoi he makua nana e kokua mai ia lakou, o ka makamaka no nana i hai mai keia lono, oia kai hookele i kahi e pono ai ua wahine la.
NA LULU MAHINAHOU O KA EKALE SIA O KAWAIAHAO NO MEI 1879.—Apana 1 $24,05. apana 2, 31.60, 3, Waikiki-kai 4,60,4, Moiliili,7,20, 5. Palolo, 1,75,6, Manoa, 8,10, 7, Makiki, 2.00, 8, Maunakiekie, 3,75, 9, Kaakopua, 2,00, 10, Pauoa, 8,20, 11, Maemae, 2,25, 12, Kunawai, 2,75 13, Kapalama, 2,50,14, Luakini, 1,50, Malihini. 1,50. Huina pau o na dala 103,75, ua ai ae keia lulu ana mamua o ka malama i hala. O ka'u wale no e pahola aku nei i ka poe i kuleana i keia hana maikai, e hoomau aku i ka pakeu pali ana a hiki i ka lanakila ana, e puipui pono ai ka waihona, i hoopau pono ia na hemahema o ka Luaui makua Ekalesia o Kawaiahao.
S. ANAPU.
Kakauolelo o ka Ekale sia o Kawaiahao.