Ka Nupepa Kuokoa, Volume XVIII, Number 20, 17 May 1879 — Page 4
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula.
MEI 17, 1879.
The Master is Waiting
Colonial Singer. No 150, p. 125.
1 E Lele a hana ma ka'u kihapai.
Pela i kena i la Ie su,
Lola i ka hua, a hoopulu ae
A noi i oo koke no.
Cho,—Ke kali no Iesu, kali, kali,
Kahea no oia, a kakali nou.
2 Kahea no Iesu e hele io.
I kahi pololei no nae ;
A kena e lawe i ai na lakou,
I mane e ola mau ai.
Cho.—Ke kali no Iesu, &c.
3 Kahea no Iesu a kahea hou.
E ku ae a hele kakou,
E imi a launa a kokua no
I koonei mau kini luuluu.
Cho.—Ke kali no Iesu, &c.
4 E ao i na hune, a hoolako pu ;
E ao i ka poe naaupo ;
Hoolu, hoona i ka poe kanikau,
E kuhi a mau ia Iesu.
Cho.—Ke kali no Iesu, &c.
HAWAII.
Haawina Kula Sabati.
HELU 9. SA BATI IUNE, 1, 1879.
KUMUHANA.
Ka Wanana no Turo. Pauku Baibala. Ezek. 26:7—14.
7 No ka mea, ke olelo mai nei o Iehova ka Haku, penei ; Eia hoi, e alakai ana au ia Nebukaneza, ke alii o Babulona, ke alii o na 'lii, e kue ia Turo, mai ke kukulu akau mai, me na lio, a me na kaa, a me na hooholoho. a me na anaina, a me na kanaka he nui wale.
8 E pepehi oia me ka pahikaua i kou mau kaikamahine ma ka aina ; a e hana oia i ka halokaua kue ia oe, a e hana hoi oia i puu kue ia oe, a kaikai i ka palekaua kue ia oe.
9 A e hoonoho kue oia i na mea kaua i kou mau pa, a e wawahi i kou mau halekuai me kona mau koi.
10 No ka nui o kona mau lio, e uhi mai ko lakou lepo maluna ou; i ke kamumu ana o na hoohololio, a me na huila, a me na kaa, e haalulu ai kou mau pa, i kona komo ana 'e iloko o kou mau ipuka, e like me ke komo ana o na kanaka i ke kulanakauhale i wahiia.
11 Me na maiuu o kona mau lio e hehi oia i kou mau alanui a pau, a e luku oia i kou poe kanaka me ka pahikaua, a o haule iho na kia o kou ikaika ilalo i ka lepo.
12 A e hao aku lakou i kou waiwai nui, a e kaili aku hoi i kou waiwai kalepa ; a e wawahi iho lakou i kou mau pa ilalo, a e hokai hoi i kou mau hale makemakeia ; a e waiho iho lakou i kou laau, a me kou mau pohaku, a me kou lepo iwaena konu o ka wai.
13 A e hooki au i ka leo o kau mau mele; aole hoi e lohe hou ia ke kani ana o kou mau kinora.
14 A e hoolilo au ia oe e like me ka po haku olohelohe; e lilo oe i wahi e hohola ai i na upena, aole e kukulu hou ia 'ku oe; no ka mea, na'u na Iehova i olelo, wahi a Iehova ka Haku.
Pauku Gula. Mat. 24:35. Hoopaanaau.
Manao Nui. Ka make ana o na aia. Na Pauku Heluhelu La.
Poakahi. Ezek. 26:7—14. Poalua, Ezek 28:1—10. Poakolu, Halelu 10:1—14. Poaha, Mat. 25:41—46, Poalima, Halelu 73: 1—20. Poaono, Mat. 3:1—12. Sabati, Isa. 55:7—13.
Mele. Him. 224,8—6. Hoolohe e ka poe kue, p 1 2 3.
Pule no ka poe hookiekie, hoomaloka, huli ole.
Ka Wehewehe me ka Ninau ana.
E zekiela, he buke wanana hou keia, aole kakou i kula malaila iloko o keia mau makahiki ehiku. Ezekiela ka mea nana ia i kakau. He kahuna oia, a he kaula hoi, 1:3. Oia hoi kekahi pio Iudaio ma Babulona. A malaila no i loaa ai na wanana ana i kakau ai no na lahuikanaka o Amona, o Moaba, o Edoma, o Pilisetia, o Asaria, o Aigupita. o Sidona, o Turo, o Goga me Magoga. Ke Kanaana hou.
Ka Wanana ma keia haawina no Turo ia Ka manawa i kakauia 'i B.C. 588 paha.
Kahi i kakauia'i, o Susiana paha, e pili ana i Babulona, o Nebukaneza ke 'lii ia wa o Babulona. Owai la ke 'lii o Turo ia wa ?
Turo, he kulanakauhale kahiko loa ia. Aia no ia ma ke komohana akau o Palesetine e pili ana i ke Kaiwaenahonua. Ua kakau mua ia ia inoa ma los. 19:29. Ua kapaia oia he kaikamahine na Sidona. Aia ia ma ka akau iki aku. Nolaila mai paha ka poe nana ia i kukulu.
He kulanakauhale nui Turo mamua. Ua kaulana no ka nui o kona waiwai, o kona mau moku kalepa, no kona mau mea kuai. He awa ia no na moku kalepa no kahi e mai. Nui ke dala, nui ke gula, nui ka lole nani. Nui na laau maikai. I kekahi manawa, ua oluolu no na lii i ka poe I seraela, noho kuikahi pu. Hurama, Davida, Solomona. Kokua nui Hurama ke lii o Turo ia Solomona. Haawi mai i na laau Kedara, &c. no ka luakini o Solomona. Hui pu hoi ma na moku i holo e imi i ke gula, &c.
Eia nae, ua haalele Turo, na ili, na kanaka, i ka hana maikai ana. Ua kakauia he mau wanana kue aku ia Turo. Nana Ioela 3:4—8. Amosi 1:9— 10. Isa. 23:1. 5—15. Zek. 9:2—4. Ezek. 26, 27, 28:1—17. Heluhelu a pau loa i maopopo.
He mau wanana koe keia ia Ture. Ua hoomaka ke ko ana mahope iki iho o ko Nebukaneza lawe pio ana i na Iudaio i Babulona, makahiki 587 B C a ua hoopau loa ia Turo ma ka makahiki A D 1291. Oia hoi 1878 makahiki i hala mai ka manawa i wananaia ai a hiki i ka manawa i hooko loi ia ai. Na na hoomanakii i hoomaka e hoopau a na na Mahomeda i hoopau loa ia Turo. He wahi kauhale iki kai ike ia i keia wa, o Suro ka inoa, he wahi lawaia a kalepa iki.
Heaha la na hana o Turo ? Nana a heluhelu Ioela 3:5 6. Amosa 1:9. Ezek. 26: 2.27:3.28:2 3 6 9. Ua akaka na hewa ma keia mau pauku.
Ezek. 26;7. Owai ka mea e olelo ana ? Owai ke lii a Iehova e alakai ana e kue ia Turo ? Nohea mai? Aia no Babulona ma ka hikina. Aka, i kona hele ana, mai ka hikina no ia a i ke komohana akau, a hiki i kahi e hele mai ai mai ka akau a Turo. Me ke aha kona hele ana ? He mau mea aha ia ? Heaha ke kumu o ko Ne bukanaza hele e kaua aku ia Turo ? No ka makemake paha e lilo Turo iaia. No ke kipi ana paha. No ke aha la ? No kona manao anei e hooko i ka wanana no Turo ! Nana Halelu 33: 16 17.
P 8—10. Heaha na hana a Nebukaneza e hana'i ia Turo ? Me ke aha hoi e hana ai ? Pehea na pa o Turo i ke komo ana o na hoohololio, na halekaa. na koa o Nebukaneza ? Na ke aha e hoohiolo i na lawehala? Sol. 13:6.
P. 11—14. Me ke aha e hiki ai i na alanui ? E luku ai i na kanaka ? Pehea hoi na kia o ka ikaika ? Heaha ia mau kia ? A e aha i ka waiwai nui? A e kaili i ke aha? A wawahi i ke aha ? A hookai i ke aha ? A e waiho i ke aha iwaena o ke kai ? A e hooki i ke aha ? A lohe hou ole ia ke aha ? Kinosa, na mea hookani. A e hoolilo ia Turo e like me ke aha ? A e lilo ia i wahi aha ? Aole oia e aha hou ia ? No ke aha ? E haule anei kekahi wanana a Iehova me ka hooko ole ia ? Pehea ka pauku gula ? E lilo e ke aha mamua o ke aha ? Heaha ka Iesu olelo ao ma Luka. 13; 2—5? Ka hewa me ka hoopai o wai kai oi mamua o ko Turo? Mat. 11; 21,22.
Na ninau Makua. Turo, heaha ia ? Aia ia mahea ? Owai ka mea mamua ? Turo paha ? Sidona paha ? Ua ike ia anei ia i ka wa ia Josua? Owai kona alii oluolu i ka poe perada i ka wa ia Davida me Solomona ? Ma ke aha ko Hurama kokua ana ia Solomona? Heaha na hewa o Turo i na Iudaio, a i ke Akua ? Hoouna aku ke Akua ia wai e kaua aku ia Turo no keia mau hewa ? I ko Nebukaneza kaua ana'ku ia Turo, manao anei oia, e hooko ana oia i ko ke Akua makemake ? Ehia makahiki i kaua aku ai Nebukaneza ia Turo ? 13. Ua hoopau loa anei oia ia Turo ? Aole. Owai ke lii mahope iho i hele a kaua aku ia Turo ? Aleka nedero ka Nui. B, C, 332.
Nawai i hoopau loa aku ia ? I ka makahiki ehia A. D. ? Ehia makahiki mai ka wanana mua ana ? Heaha Turo i keia wa ? Owai kona moa ?
Hookiekie hoi Nebukaneza mahope iho, heaha kona hope me ka hope o Babulona ? Heaha hoi ka hope o ka poe hookiekie, a kaena, a hoaikola, a hoomaloka apau, ke mihi ole.
Na ninau Kamalii. Nana i ka palapala aina. Mahea Babulona, Ierusalema, Turo? Ekolu kulanakauhale nui a kaulana. Ua hoomauia anei ko lakou nui, nani kaulana ? Aole ea. No ke aha i hoopau ia'i ? Pehea hoi oukou ke hookiekie, hookuli, hana hewa i ke Akua, lilo i ka lealea? Heaha ka pono ? No wai ke aupuni o ka lani ? Ma t. 5, 3 Hai mai Luka. 13; 3. Me ka pauku gula. Owai, a heaha Ezekiela ?
Mele. Him. 227. 8. O keia wa he wa maikai p. 1, 2.
Pule i ala a huli a mihi ano.
Haawina no Iune 8. Ezek. 37; 1—10.
E Hauoli Piha !!
Ua hemo ka manu pio iwaho o ka hale paahao, kahi i paa ai mai Oketoba, 78 a Aperila; 79.
Pohihihi kou ! He manu aha keia ? He paa aha keia ? He hemo aha keia ? Ka Lei Alii ka manu, oia hoi. Ka Buke Mele Hou no na Kula Sabati Hawaii.
Kona paa ana ma ka hale paahao, oia kona paa ana iloko o ka Hale Dute ma Honolulu, no ke kaa ole o ka aie no ke pai ana.
Kona hemo ana, oia kona hookuu ia ana mawaho o ka Hale Dute iloko o Ape rila i paa iho nei.
Ma ke aha i hemo ai ? Ma ka ae oluolu o ka Hale i pai ia ai e hemo iwaho, me ke kaa e ole o ka aie. Ma ke kuai ana i na buke a loaa ke dala, malaila e hookaa ia'i ka aie.
Aia na buke ma ka Hale kuai buke o Wini me Robikana ma Honolulu.
Ua kakau ia mawaho o ka buke, na H. M. Wini, Honolu, Oahu i hoopuka. Eia ke ano: Na H. M. Wini i imi i ka hale nana e pai ia buke, a na Wini e uku no ke pai ana.
Ua paiia ma Nu Ioka e Bigelo me Maine. Ka nui o na dala i lilo, aneane $800.
Ua hookuu ia ka Lei Ahi. O na ekalesia me na Kula Sabati i haawi e i ke dala, ua loaa ko lakou mau buke. Ua loaa ko Waimea, me ko Hilo.
E pau koke ana ko Waimea. Pono i na ekale sia me na Kula Sabati e hoolako i na Kula Sabati i keia mau buke mele maikai. Ua loihi ke kali ana no keia buke. Ua hiki mai me kona nani no. Aole i helelei ka nani ma keia kali loihi ana. Aia maloko kekahi mau leo maikai kahiko no loko o Ka Hae Hoonani me Ka Leo Hoomau. Aole nae he nui. He mau leo hou ka nui noloko o kela a o keia buke mele haole. I akaka ka oiaio, e wiki oukou i ka imi ana ia buke. Hiki no ke kuai pakahi, a lilo loa ao oukou. Hiki hoi i na ekalesia me na Kula Sabati ke hui a lulu dala. A me ia puu dala e kuai ai i mau buke no na Kula Sabati. Na na kahu e malama.
Na na kumu himeni e ao i na leo i na haumana. A i ka wa kula, e himeni no na haumana me na kumu.
Aia ma ka hale kuai buke o Wini me Robikana ma Honolulu e loaa ai ia buke.
Hookahi paha dala ka uku no ka buke hookahi. A loaa na dala ia Wini ma na laua e hoihoi aku i Nu Ioku i ka hale nana i pai i mea e kaa ai ke koena aie.
L. LAIANA.
Waimea Hawaii, Mei 5, 1879.
Ko Honuaula mau Anoai.
No ka La. Ua nui ka la i keia mau makahiki ekolu, aole wahi mea ua iho, owela ke kula ke nana aku.
No ka Wi. Ma Honuaula nei, he nui ka wi, aia no ke ola i Wailuku, o ka poe mea lio hiki i Wailuku, o ka mea lio ole aole e loaa kahi pai ai, o ka uala no ko Honuaula nei ai mau a i keia manawa hoi neo.
No ka la. O ka ia ka mea e loaa ai o ke pai, ekolu no manini hapalua.
No ke Kula Sabati. Ekolu Kula Sabati o Honuaula nei, ma Kanaio, Ulupalakua a me Keawakapu, o ka mea e kakau nei oia ke Kahu Kula Sabati, aole no he nui o na haumana.
No ka Ekalesia. O Rev. S. K. Kauwe ke Kahu o keia Ekalesia. he ikaika na hoahanau i ka huli dala e pau ai ko lakou pilikia, ua hiki no i keia Ekalesia ke malama iaia iho, me ke kaukai ole aku ia waho mai, ua lulu dala no ka luakini e paa ai, a ua kuai ia i ke pili laau, a ua lulu dala hou iho nei no, no ka hale noho o ke kahu, a ua loaa $200. aia i Honolulu he hiki mai koe o ka laau.
No ka Mahina Hou. Ke malama nei no keia Ekalesia i ka lulu mahina hou, ekolu dala e lulu ai ka apana hookahi, eono apana, ua like me $18.00 i ka mahina hookahi, alaila mahele, i ka hanai kahu kekahi hapa, a i ka mahina hou kekahi hapa, pela aku a pau ka makahiki he uuku na hoahanau e auamo nei i keia mau haawina, eia nae, he mama wale no ia lakou, aole kaniuhu o ko lakou manao i hookahi puuwai.
D. H. AUKAI.
Honuaula, Maui, Aper. 25, 1879.
MOOLELO O KA AHAHUI KULA
SABATI O KA MOKUPUNI
O OAHU.
Halawai ka Ahahui Kula Sabati o ka mokupuni o Oahu ma Moanalua, Aperila 9, hora 1 p m. M H 1879.
Hoomaka ia na hana me ka pule a J Kamana.
Koho ia o Rev M Kuaea, i Lunahoomalu, D Waiwaiole Kakauolelo.
Na lala i hiki mai.
Kula Sabati Kahukula Sabati Elele
Kawaiahao S K Poikaohu
Kaumakapili C M Hyde D Waiwaiole
Kalihi & Moanalua Kuaki Mose
Ewa T Kaehuaea, oia no ka elele
Waianae Maikai
Waialua
Kahuku J Kekahuna Niau
Hauula G B Koekoe, oia no ka elele
Kahana J L Naili Nainoelua
Waikane J N Paikuli Kailaa
Kaneohe J Kamana S K Pokea
Waimanalo Naholowaa
Na hoike o na Kula Sabati.
Hoike mai o S K Poikaohu no ke Kula Sabati o Kawaiahao, D Waiwaiole no ke Kula Sabati o Kaumakapili, Mose no ke Kula Sabati o Kalihi a me Moanalua, T Kaehuaea no ke Kula Saba ti o Ewa, Maikai ka hoike no ke Kula Sabati o Waianae, J Kekahuna no ke Kula Sabati o Kahuku, G B Koekoe no ke Kula Sabati o Hauula, J L Naili no ke Kula Sabati o Kahana, J N Paikuli no ke Kula Sabati o Waikane, J Kamana.no ke Kula Sabati o Kaneohe, Naholowaa no ke Kula Sabati o Waimanalo,
Waiho mai o S Waiwaiole i ke kumuhana, pono anei e hoike hui hou na Kula Sabati o ka mokupuni o Oahu nei i ka malama o Iune e hiki mai ana ma Honolulu ?
I ka noonoo ana o ka Aha, ua hooholo ia e hoike hui hou na Kula Sabati a pau o ka mokupuni o Oahu nei. Koho ia o C M Hyde i Peresidena no ka la hoike.
Ma ke noi a ka Aha, ua koho ia i komi te hooponopono no na hana o ka la e hoike ai, a me ka hoouna ana i na himeni hui i kela a me keia Kula Sabati. Eia na lala. C M Hyde, Henry Waterhouse, M Kuaea.
Waiho mai o M Kuaea i kumuhana hou, oia keia. He mea pono anei ke hoohui ia keia Ahahui Kula Sabati me ka Ahahui Euanelio, mokupuni o Oahu, ke ae mai ia Aha ?
Ma ke noi a D K Pa, ua hoopanee ia ka noonoo ana.
Hoopanee ka halawai a noho hou i ka la apopo, mahope o ka pau ana o ka Ahahui Euanelio.
La hana elua.
Halawai ka Aha i ka manawa i hoopanee ia.
Lunahoomalu ma ka noho. Heluhelu ia ka moolelo o ka halawai i hala, apono ia.
Hapai ia ke kumuhana i hoopanee ia. I ka noonoo ana o ka Aha, ua hooholo ia e hoohui i keia Aha me ka Aha Euanelio ke ae mai ia Aha.
Koho ka Aha i ke kakauolelo i mea nana e hoike aku i keia kumuhana i hooholo ia ai e ka Ahahui Euanelio. o ka malama o Okatoba ma Kaneohe.
Ma ke noi a S K Poikaohu, ua koho ia i komi te imi kumuhana no ka halawai o ka malama o Okatoba ma Kaneohe. Eia na lala, M Kuaea. D Waiwaiole. S K Poikaohu.
Ma ke noi a ka Aha, ua hooholo ia e hoike hui na Kula Sabati ekolu o ka apana o Koolaupoko ma Kaneohe i ka wa e halawai ai ka Ahahui.
Hoopanee keia Aha a halawai hou ma ka malama o Okatoba ma Kaneohe.
Heluhelu ia ka moolelo o ka Aha a hoapono ia.
Hookuu ka Aha me ka haiolelo a ka Lunahoomalu a me kahi mau lala o ka Aha a me ka pule hookuu a ka Lunahoomalu.
D WAIWAIOLE. Kakauolelo.
Moolelo o ka Ahahui Euanelio o Hawaii Hikina.
Halawai ka Ahahui Euanelio o Hawaii Hikina ma Haili, Hilo, i ka Poalua la 8 o Aper. M. H. 1879, hora 1 pm. Noho o Rev. J.H Pahio i lunahoomalu kuikawa. Eia na kahu a me na elele i hiki mai.
Ekale sia. Kahu, Elele,
Laupahoehoe } D. Kaawa
Hakalau }
Onomea Rev. J H Pahio
Haili " T Coan M Puaa,
Puula " JN Kamoku WR Naia,
Kalapana }
Opihikao } J Paakaula
Kapaliiuka, Kau.
Na lala mau Rev. A O Forbes, Rev. D B Lyman a me J Paakaula, Keiki a ka aha, B Manoa. Ma ka balota, ua koho ia o Rev. J H Pahio i lunahoomalu, a o J N Kamoku, i kakauolelo. Noi mai o Forbes e lilo o Rev. J S Kalana, J K Iosepa, a me K Paulo i mau hoa kuka no keia aha, apono ia. Na ka lunahoomalu e koho i komi te imi hana.
Rev. T Coan }
" J S Kalana } Komite.
J K Iosepa }
I ka wa i kaawale ai ke komite, noho ka aha e haipule. Heluhelu mai o Coan ka lunahoomalu o ke komite i na kumuhana he 15. Ua apono ka aha.
I, Hapaha hora haipule i ka hoomaka ana a me ka hookuu ana. Ua malama ia ka hapa mua.
II. Hoike kihapai.
Heluhelu mai o J Paakaula i ka hoike kihapai o Kalapani (Hui ia.) Ke holopono nei ka hana a ka Haku ma ka ekale sia hui ia a ua kahea makou ia Iosepa i haiolelo no makou. Heluhelu mai o Kamoku i ka hoike kihapai o Puula.
Heluhelu mai o Rev. T Coan i ka hoike kihapai o ka ekalesia makua o Haili, a o Rev. J H. Pahio i ko Onomea, ke nee nei na hana imua. Hoike waha mai o Pahio ke komi te no ka ekalesia hui o Hakalau a me Laupahoehoe. Ua makemake nui lakou e loaa ko lakou kahu. Ma na hoike kihapai a pau, ua kokua nui mai ka Haku nona ke kihapai ma ka hana a kona poe kauwa, he nee imua na hana : a he ikaika ka hana ana a na kahu ma ko lakou mau ekalesia iho. Koho ka aha ia Namakaimaui, Manuia i mau hoa kuka.
III. Komi te imi haawina. Na ka lunahoomalu i koho.
Rev. A O Forbes }
J N Kamoku } Komi te
J K Iosepa }
IV. Na palapala hoopii. Heluhelu mai o Kamoku i ka hoike o na hana o ke kula kaikamahine o Kohala i ka makahiki i hala ae nei. Me ka hoike papa helu dala o na loaa a me na lilo o ua kula 'la. Ma ke kuka ana, ua apono ka aha i ka hoike a ke poo o ke kula Rev. E Bond.
Heluhelu mai o Kamoku i ka palapala hoopii a ka ekalesia hui o Kalapana, e noi ana ia J. K. Iosepa i kahu no lakou ; kuka nui ka aha, noi mai o Forbes e koho ka aha i komi te e nana i keia palapala hoopii. Eia ke komite Rev. T Coan, Rev. A O Forbes, J Paakaula.
Na Coan i noi mai e heluhelu ia ka moolelo a apono ia. Hoopanee ka halawai me ka malama ana i ka wa haipule. Noi mai o Coan e hoopanee a hui hou i ka hora 9 am o ka la apopo, ua kokua ia.
LA HANA ELUA, POAKOLU, APER. 9.
Halawai ka aha i ka ho ra 9 am. ka lunahoomalu ma ka noho kahea ia na inoa, malama ia ka wa haipule.
V. Heluhelu haawina.
Heluhelu mai o Pahio i ke Kanawai VII Puk. 20 ; 13. Heluhelu mai o Coan i kana. Pehea la ka loihi o ka make ana ma Gehena. Noi mai o Iosepa, e hoouna ia keia haawina, e pai ma ke KUOKOA apono ia.
Heluhelu mai o Lyman i kana wehewehe ia Rom. 10; 4. Noi mai o Kalana, e hoouna ia keia kumumanao e pai i ke KUOKOA kokua ia. Heluhelu mai o Paakaula i kana. 2 Kor. 6 ; 2. O Kamoku ma 2 Kor 15; 54. Noi o Kalana e hoopanee a hui hou ma ka hora 1 1/2 pm. hoopanee ia me ka pule a Forbes, hui hou ka aha, heluhelu mai o Coan ka lunahoomalu i ka manao o ke komite no ka nana ana i ka palapala hoopii a ka ekalesia hui o Kalapana. Ua nana akahele ko oukou komite; a eia ka manao.
1 Ua hemahema ka palapala hoopii. 2 No ka hoike ole ia o ka uku e ola ai Io sepa, a no ka pokole o ka manawa i noho ai ka haiolelo; nolaila e hoihoi hou ia keia palapala hoopii i ka ekalesia hui; a hui hou ka aha i ka malama o Oct. 1879. Apono ia ka hoike a ke komite.
VI Koho ana i mau elele no ka ahahui euanelio ma Honolulu i ka malama o Iune. J Paakaula no Puna, a o kona hope, B Manoa. No Hilo D Kaawa, a o Manuia kona hope.
VII. Komite hoike o keia aha i ka aha euanelio i Honolulu. J N Kamoku.
VIII. Koho ana i komite hoike o na ekalesia o keia aha i ka aha nui ma Honolulu Rev. J H Pahio.
IX. Na kula Sabati. Hoike mai o Pahio ke kahu kula Sabati nui o keia aha. I kona makaikai ana i na kula Sabati, ua maopopo ke hele pono nei na kula Sabati a kakou imua, ua ulu na hana, a e hoi na lala o ka aha a hana ma ko lakou mau kihapai iho, i alakai ia na keiki a kakou ma ka pono oiaio o Kristo Iesu.
X. Kula kaikamahine o Kohala. Ua nui na manao i kuka ia no keia kula, a ma ke noi a Kamoku, e hoopanee ka halawai, a hui hou i ka Poalima. hora 9 am. heluhelu mai ke kakauolelo i ka moolelo, a apono ia, Malama ia ka wa haipule, a hookuu ia.
LA HANA EKOLU, POALIMA, APER. 11.
Halawai ka aha i ka ho ra 9 am. Ka lunahoomalu ma ka noho. Kahea ia na inoa. Malama ia ka wa haipule. Kuka hou na hoa no ke kula o Kohala, heluhelu mai o Coan he olelo hooholo. A ma ka heluhelu pakahi ana i na pauku ua aponoia.
(1) E paipai nui keia aha i na ekalesia a pau malalo ona e pule nui na haipule a pau no ke kula kaikamahine o Kohala, a me na kula e ae o Hawaii nei. (2) E imi nui hoi i mau kaikamahine kupono a hookomo aku i kela kula. (3) E imi nui na ekalesia o keia aha i dala ma ka mea kupono, i mea e kokua ai i ke kula. (4) E hoonoho keia aha i mau luna paipai ma ia mea ma kela a me keia ekalesia. Eia na luna i koho ia.
Hakalau, D Kaawa ; Laupahoehoe, J K Naeole ; Onomea, J H Pahio ; Haili, J S Kalana, a me K Paulo; Puula, W R Naia, a me J N Kamoku ; Kalapana, J Paakaula; Opihikao, B Manoa, a me J K Iosepa.
Noi mai o Iosepa e lilo o John K Naeole me Josia M Naeole i mau hoa kuka ae ia.
XI Kula Kahuna. Ma ke kuka ana o na hoa. Eia na mea i apono ia. (1) E noi keia aha i ke Akua me kona mau ekalesia, e kokua ia kela kula. (2) Na kela a me keia kahu e imi i mau haumana kupono o hookomo aku i kela kuia. (3) Na kela a me keia ekalesia e kokua i ola no ia kula.
XII. Na hana kuloko. Ua kuka akahele na hoa, eia ka mea i hooholo ia. E koho keia aha i komite kaahele ma na ekalesia o keia aha.
Rev. J H Pahio a me Rev. J S Kalana. E kaapuni laua ma na ekalesia o Puna.
J K Iosepa a me J N Kamoku. E kaahele ma na ekalesia o Hilo. Hoike mai o Forbes i na haawina.
1. Heaha ko ke kanaka hemahema i hiki ole ai iaia ke malama i na kanawai o ke Akua ! Rom. 7 ; 18, 19. Rev. T Coan.
2. Ma ke ano hea i lilo mai ai o K risto i panihakahaka no kanaka? Rev. J N Kamoku.
3. O ke ala mua ana o ka poe make, heaha ke ano oia ala ana ! Elua anei ala ana o ka poe make ? Hoik. 20 ; 5, 6. Rev. J S Kalana.
4. Wehewehe i ka olelo nane o ka ulu pu ana o ke kikania me ka huika. Mat. 13:24—30. J K Iosepa.
5. Heaha ke ano o kela olelo. " O ke aloha ka mea e uhi ai i na hewa he nui loa?" ! Pet. 4;8 J. Paakaula.
6. Wehewehe i na olelo ma ka hapahope o Kanawailua 32; 39. Rev. J H Pahio.
7. He mea hewa anei ke hoopalau na keiki e mare, me ka ae ole mai o na makua ? Rev. D B Lyman.
8. Heaha na manaopaa o ke Akua! Daniela, 4 ; 24. Rev. A O Forbes.
A O Forbes }
J S Kalana } V Komite
J N Kamoku }
Ma ke noi a Kalana e hoopanee ka halawai a ka hora 1 1-2 pm. Pule o Lyman ; hui hou ka aha pule o Kalana, kuka hou ka aha no na hana kuloko.
XIII. Na hana kuwaho. Ma ke kuka ana o na hoa ; ua hooholo ia, e lilo ka Poakolu elua o Mei, i la haipule no na ekalesia o keia aha, e noi nui aku i ke Akua, e kokua mai i na hana kuloko a me na hana kuwaho, a malama iho la ka aha i mau pule.
XIV. Pehea la e na waliwali ai ka hewa, a e ikaika ai ka pono iwaena o na ekalesia o Hawaii nei?
I ke kuka ana o na hoa. Ua hooholo ia, e hoi na kahu a me na elele, a hana ma ko lakou mau kihapai iho, e waele i ka opala, a e kanu iho i ka anoano o ka pono o Kristo iloko o ka naau o kanaka.
XV. Kahi a me ka manawa e hui hou ai ka aha. E hoopanee ka aha a halawai hou ma ka luakini o Maunakea ma Kalapana, (hui ia): ka Poaha elua o Oct. M H 1879, hora 9 am.
Paipai nui mai o Lyman, e nana keia aha i ke kula hanai, a e imi nui kakou i na mea e ulu ai ka pono, a e mau loa ai kela kula ma keia mua aku.
Heluhelu mai o Iosepa he olelo hooholo, hooholoia. Ke mahalo nui aku nei keia aha i ka ekalekia makua o Haili, no ko lakou kokua ana mai i na mea e pono ai ke kino i keia mau la ; a me ka mea nana e lawelawe ko makou pono M Puaa, ka makou mau hoomaikai piha. Heluhelu ia ka moolelo a apono ia noi mai o Coan e hoouna ia ka moolelo e pai ma ke KUOKOA, apono ia, o na kuka ana iloko o keia mau la ekolu, he oluolu, a ua hui pu ke aloha me ka makemake e hapai na hoa a pau i na hana e pono nui ai na kino a me na uhane.
Malama ka aha i ka wa haipule a hookuu ia.
J N KAMOKU. Kakauolelo.
Waiakea, Hilo, Aper. 18, 1879.
PAPA, PAPA
AIA MA KAHI O
LEWERS & DICKSON!
(O LUI MA.)
MA KE KAHUA KAHIKO MA
Alanui Papu a me Moi!
E LOAA AI NA Papa Nouaiki! o kela a me keia ano. Na Papa Nani a Paa no ke Kukulu ana i na Hale! Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa. NA PILI O KA HALE O NA ANO A PAU. Na Pepa Hoonani, Na Pena o na Wai a pau. Na Kui mai ke Nui a ka Makalii, Na Ami Puka, Na Ami Puka Aniani. Na Ami o na ano a pau, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau. NA WAI VANIKI A ME NA WAI HOOHINUHlNU NANI! o na ano a pau loa. NA BALAKI ANO NUI WALE! A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA! E like me ka mea e holo ana mawaena o LAUA a me ka MEA KUAI. E hele mai! E na Makamaka !! A e lawa no hoi ko oukou makemake me ka oluolu a me ka maikai! 845 tf
KOPA KUKAEPELE
A
GLENN!
AOLE LUA NO KA HOOMAEMAE I KA ILI !
He mea hoopau i na eha, Na ili Puupuu, A he hoomaemae i na mea ino, A he hoopau Luma tika, A he kopa auau no ho O keia Kopa ka oi aku o ka mea maikai I waihoia mai imua o kanaka. Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai. O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana ame na poe makaikai, ina e hoolako lakou i keia KOPA HOOMAEMAE LUA OLE ! ALAILA. UA LANAKILA LAKOU. He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana. Ua hooia nei mai na kauka no ka maikai keia Kopa ! E loaa no ma kahi o M. McINERNY.
Kihi o na Alanui Papu me Kalepa