Ka Nupepa Kuokoa, Volume XVIII, Number 22, 31 May 1879 — Page 3
E NA
Lede a me na Keonimana!
o ka
MAKANI APAAPAA O KOHALA.
E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Malaila no e loaa ai ia oukou keia mau Waiwai Maikai malalo iho nei : NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ko poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a " Kau ka Iwa he la makani," i ka ua mea o ka Nani Lua Ole, oia no oe la o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae, ma ko maua Halekuai wale no ; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NA KALAKOA. Eia no hoi na Lole Kalakoa ke ahu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio Na Pa, Bola., &c. A eia no hoi ma ko maua Halekuai nei na Pa, Bola, Ipukukni, o ke nui a me ka liiii, a me na waiwai e ae he nui wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, Nov. 9, 1878. 885 tf
MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Maria Ii Brown, no Hilo, Hawaii i make. Ua heluhelu ia a ua waiho ia ka palapala noi a L. Severance ka lunahooponopono o ka waiwai o Maria Ii Brown, no Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia'ku nei na kanaka a pau ke pili, o ka Poaono oia ka la 28 o Iune, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. LYMAN,
912 3t Lunakanawai Kaapuni Apana Ekolu HPA
MA ka waiwai o Naamau w o Waikiki, Honolulu, Oahu, i make kauoha, ke kauoha ia aku nei ka poe ana i aie ai, e hele mai imua o'u, a me ka poe i aie iaia e hookaa mai ia'u a e loaa no au ma Manoa, Honolulu, Oahu.
KAHUHU. 912 3t* Hooko kauoha ma ka Waiwai o Naamau.
HOIKE KULA O HALEIWA, WAIALUA.
E HOIKE ana ke Kula Hanai Kaikamahine o Waialua, ma ka Poaha, la 26 o Iune e hiki mai ana, ma ka luakini ma Waialua; nolaila ke konoia aku nei ka lehulehu e naue ae. Mahope o ka hoike ana, e hoomaha ana ke kula no hookahi mahina. 912 5t
Hoolaha a ka Lunahooponopono
Waiwai.
UA hookohuia ka mea nona ka inoa malalo e ka Hon. C. F. Hart, Lunakanawai Kaapuni o ka Apana Hookolokolo Ekolu o ko Hawaii Pae Aina i lunahooponopono no ka waiwai o Kela (pake), no Kukuihaele, Hamakua, Hawaii i make. Ke hoike ia aku nei ka poe a pau he koina ko lakou i ua waiwai la, e hoike koke mai iloko o na malama eono, o hoole mau loa ia aku lakou, a o ka poe a pau i aie i ka mea i make, e uku koke mai lakou ia'u.
D. S. KAHOOKANO.
Lunahooponopono o ka waiwai o Kela (pake) i make.
No rth Kohala, Hawaii, Apr. 24, 1879. 910 *t4
MA ke keena o ka Lunakanawai Kaapuni o ka Apana 2 o ko Hawaii Pae Aina. Ma ka waiwai o Kaimi k no Honopou, Hamakualoa, Maui. Ua heluheluia a ua waiho ia ka palapala noi a J. Keohokaua, ka lunahooponopono o ka waiwai o Kaimi k no Honopou, Hamakualoa, Maui, i make, e noi ana e hoapono ia kana moowaiwai, a e hookuu iaia mai ka oihana, a e hooholo i ka waiwai i na hooilina. Nolaila, ke kauoha ia aku nei na kanaka a pau ke pili, o ka Poakahi oia ka la 2 o Iune, 1879, ma ka hora 2 pm ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER,
Lunakanawai Kaapuni Apana 2 H P A. Lahaina, Mei 6, 1879. 911 3t
Hoolaha a ka Lunahooponopono
Waiwai.
KE hoike aku nei ka mea nona ka inoa malalo iho, ua hookohu pono ia mai oia i lunahooponopono no ka waiwai o S. L. Kapahukula k i make, a ke kahea aku nei i na mea a pau a ka mea i make i aie ai, e waiho mai i ka lakou mau koi, i hooiaio pono ia, iloko o na malama eono mai keia la aku, o hoole loa ia lakou, a o ka poe a pau i aie iaia e hookaa koke mai.
KALUNA w
Lunahooponopono Waiwai o S. L. Kapahukula i make.
Honolulu, Mei 16, 1879. 911 4t
E IKE auanei na kanaka ma keia hoolaha, o maua o na mea nona na inoa malalo iho nei, ke papa a ke hookapu loa ia aku nei na kanaka, aole lakou e hookuu wale i ko lakou mau holoholona e hele wale maluna o keia mau apana kuleana aina elua, nona na eka he 16 e waiho ia ma Kaunolu i Lanai, ili aina o Apua a me ka ili aina o Namaokahai, ka lio, pipi, hoki, hipa a me ke kao, he hookahi dala o ke poo, a no ka pelehu ai Ulei a me ka moa, he hapaha dala. Ke hookohu aku nei maua ia Kaai i hope nana e malama a hopu i na holoholona. E lilo keia i kanawai, a e hoolohe ka pono.
KAPIKA KAUPE,
KAPIKA KAHOONANINANI.
Ukumehame, Maui, Mei 4, 1879. 910 4t*
Na Wati a me na Nani Hoo-
hiluhilu.
KE hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM, Na KAULA GULA, Na KAULA DALA. Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha. He 25 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co. 893 6ma.
KO
G. WEST
MAU
HALE HANA KAA HOLO LEALEA!
Kaa Lawe Ukana, Kapili Kapuai Hao, ME KA Hana Hou ana i na Kaa Nahaha. E LOAA no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe. (876 3m)
WAHIE! WAHIE!!
Auhea ka poe
KAHU AI, a me ka poe PUHI PALAOA!
He mau PAILA WAHIE no ke kumukuai makepono! E ninau ia E. S. Timoteo ma ka pa o ke Kula Kahunapule, ma Kawaiahao. 902 tf
PAPA KUHIKUHI MANAWA HOLO
O KA
MOKUMAHU HAWAII
"LIKELIKE,"
KAPENA. REYNOLD.
Poalua Mei 27, hora 5 pm....................................Hilo
Poalua Iune 3, hora 5 pm...............Kaapuni ia Hawaii
Poalua Iune 10, hora 5 pm...................................Hilo
Poalua Iune 17, hora 5 pm.............Kaapuni ia Hawaii
Poalua Iune 24, hora 5 pm...................................Hilo
AOLE AIE NO NA UKU OHUA?
Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a na makamaka, e pono e uku mua ia.
A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WILDER & CO.
OLELO HOOLAHA.
A. M cWAYNE,
HALE KUAI LAAU LAPAAU, A ME NA WAIALA o na ano a pau, me na SOPA ALA o na ano he nui wale. Ma ke kihi o Alanui Papu me Kalepa. 840 ly
DR. RODGERS,
OIA O
KAUKA LOKEKE.
UA hoonee ae nei i kona oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881 tf
E. ST REHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 1 y)
E. O. HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, NA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu Makepono Loa ! A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &C A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU! 827 3M 839
PAPA! PAPA!
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KUAIIA MA KE KE KUMUKUAI HAAHAA LOA O keia Makeke.
ALLEN & ROBINSON
Honolulu, Ian. 1, 1879 849 3m
Nuhou o ko na Aina e
KA WI NUI MA MOROKO, AFERIKA.
Ke Kaua ma Amerika Hema.
Ka wi nui ma Moroko.
Ma Tangiers mai ke 30 a 40 mai fiva o ka la, a ma Moroko, o ka huina o na mai i loohia i ka typhus (fiva) i ka la, mai ka 100 a i ka 250; ke make nei me ka hakalia ole, ua puni ka aina mai o a o i ka wi a ka ai ole, nolaila, ua ai aku na makua i ka lakou mau keiki, a ua ai aku ka poe Arabia i ko lakou poe make.
Ke kaua ma Ame rika Hema.
E hoike ana na nupepa Hoku a me He rald o Panama, ua hoopioloke ia ae ke kulanakauhale no na lono o ke kaua kuloko no kekahi mau la. O na negero mawaho o ke kulanakauhale ua makaukau pono i na mea kaua, a e kali wale ana no lakou no na hoailona e hoike ia aku ana.
O ka Peresidena o Bolivia, ua hoike ae oia e hoohele aku ana oia he 10,000 koa e hoopakele ia Anatafagota.
O ka mokuahi Ame rika Lakawana ua hiki ae i Calao, a o ka Pensacola mai na kapakai mai o Valaparaiso.
Kulanakauhale Peru i hoopahu ia.
E hoike ana kekahi lono malu, o ke kulanakauhale Pisa Gua o Peru, ua hoopahu ia me na mea hoopahu. O na wahi hoahu lepo manu ua hoopoino ia. Ke mau nei no ke pani ia ana o ke awa o Iquique, a ua haalele mai na moku pea ia wahi. Ua auhee aku na kanaka hana, a o na hale oihana aupuni ua hoopaa ia na ipuka. Hakaka mawaena o na Puali koa Aigupita a me ka poe Kalepa Kuapaa.
E hoike ana na lono mai Aigupita Luna mai, he hakaka ana mawaena o na puali koa Aigupita a me na poe kuai kauwa kuapaa, a o ka hopena, oia ke pio ana o na kalepa kuapaa, me 6,000 i make, eha a lawe pio ia ; o ko na Aigupita poino he 200.
Na Emepera Elua.
Ma ka la 8 o Mei nei i huli hoi mai ai ka Emepe ra o Geremania mai kana huakai mai.
O ke Czar a Emepera hoi o Rusia, e kipa ae ana oia i Geremania, e ike i ka Emepera Wiliama, a ma ka la 18 o Iune oia e huli hoi ai no Rusia.
Ke kuee mawaena o Kina a me Rusia.
Ua ae o Rusia e haawi pio aku ia Kuidja no Kina, i pani no ka hoike ana i ka launa hoa'loha ana o ke kuikahi no kona mau palena a me kekahi mau wahi e ae i haawi ia.
Makani Ikaika ma Zegedina.
Ma ka la mua iho nei o keia mahina, ua hoopoino ia ke kulanakauhale o Zegedina e ka makani ikaika, o na hana i hoomakaukau ia no ka hoala hou ana i ke ala kaa hao a me ka hoopiha ana i na wahi poino o ka muliwai, na kao i hoopiha ia me na lako laau a me ka lepo, ua kaiehu pu ia ae e ka makani a aneane e pau loa i ke poholo. Mao keia makani, ua nui ka poino o ke ala kaa hao a me na paahana.
Ka mai Kolera me ka Wi ma Inia.
E hoike ana kekahi nupepa mai Kalakuta ae a i La dana o ka la 4 o keia malama, ua kokoke e piha ka miliona, ka nui o na malihini i akoakoa ae ma ka fea ma Hurdwar, ua lawe pu aku lakou i ka mai kolera ma kela a me keia, wahi; ua hoike ia mai ka hoea ana ae o ka mai ma Delhi, Wrumitzar, Rawalpende a me kekahi mau wahi e ae. Ua loohia aku kekahi mau puali koa Europa me keia mai. Mai waena ae o 80,000 kanaka i hele aku i ka bea mai Kalakuta aku, he hapaha o lakou i nalowale.
O ke kumu o keia, mamuli no ia o ka hookikina ana a na makai ia lakou e hele ma na wahi oneanea waoakua. O ke aupuni o Bombay e hoike ana i ka poino nui i loaa aku mamuli o ke poho ana o na aina mahiai. He elima tausani ohana i hoonele ia i ka ai ole mai Kuttywar mai, i holo aku no Bombay e noho ai, i loaa ia lakou ka ma-na ai, a pakele ae mai ka make mauwele ana.
Na Hana ma Sana Peteroboro.
Sana Peteroboro—Mei 1, He mau hoailona anoano na ouli e hohola nei i ike ia. Ke hakilo nei me ka makaala loa na makai i na kauhale a me na poe e hele ana mai kekahi wahi a i kekahi wahi i ke ao, a ma ka po, ua huli ia na kamahele e na makai, a kauoha ia e hoi ma ko lakou mau home; ua ikaika loa ka hoopai maluna o ka poe e malama ole ana i na kauoha a na makai, a ua manaoia, o lakou kekahi poe e hoala ana i na manao kipi.
Mahope iho o ka hora 9 o ka po, aole e ike ia kekahi kanaka e hele ana ma ke alanui, ke ole e loaa iaia kekahi palapala ae, i kakau ia e na poo o ka oihana makai a makai paha, e hoike ana i kona wahi i hele mai ai a me kona wahi e hele aku ana ; aole oia e hoolalau wale ma o a maanei, aka, e like me kuhikuhi o ka palapala, pela oia e hooko ai me ka pololei. No Kenela Gouka, ke Kiaaina i waiho mai i kekahi mau rula, e ae ia ke kuikui e a mamua aku o ka hapalua o ka hora 9, e hoi kela a me keia i kona home iho ma ka hora 9 ponoi, a mahope iho o ka hora 10, e like me na hale o ka oihana koa, e pio na kukui a pau loa o ke kulanakauhale. Mamuli o ka hookoia ana o keia mau kanawai, ua ike ia ka pii mau ana o ka maluhia o ke kulanakauhale me ka ike ole ia o na haunaele ana i kela a me keia la.
Ma ka po, ua kiola malu ia e ka poe manao kolohe a hoala kipi, na popo poha i hoopihaia me ka pauda ma na alanui; ua manao wale ia, o keia hana a keia poe, i mea e hoopiha ia ai na makai e kiai ana me ka hopohopo, a makaala mau lakou me ka hiamoe ole me ka manao ana, ke mau nei no ke ala ana o ka haunaele. Ma kekahi po, ua hoomau ia na hana lealea maloko o kekahi hale lealea, a ua pai ia ae na hoolaha ma na aoao o ke alanui o kekahi mau alahele i akoakoa nui ia e na kanaka, aka, ua hiki aku la na makai a me na kokua me ka awiwi nui a haehae iho la i na pepa hoolaha i paiia. Ma keia po hookahi, ua hopu ia 150 kanaka a hoopaa ia aka, mawaena o ka poe i koe aku, ua koe i na makai ka loaa ana o kekahi mau owili pepa i pili i na hana o ka olelo kuahaua, nolaila, ua kapili hele aku la ka mea iaia ia mau pepa ma o a maanei me kona ike ole ia a loaa hoi i na makai. Aka, ua hoea mai la na lono a mahuahua mahope mai, he elua mau mahele koa malalo o Konela Deberega, i hiki ae ma ia wahi iwaena o na kauhale he lehulehu wale malaila a ma na alahele e hoomalu i keia hana; a i ka wa i kauoha ia ai na koa e hele ma ka akau a haehae i na hoolaha i i pai ia, ua pai ia aku la e ka poe kolohe ma ka aoao hema, a mahope o ka hiki ana mai o na koa a haehae iho la i na me i pai ia ma ka aoao hema, ua nalo aku la ka poe manao kolohe, a hoi aku la na puali koa me ka maluhia o keia mau wahi. Mai ka wa i hoao ia ai ke ola o ke Czar, ua hoomakaumau ia na puali koa me ka lako i ka po a me ke ao. Mai kela a me keia Regimana, he elua komepane e paikau mau ana, i hoolako ia me na popo poka e kiai mau ana. O na kaa pu kuniahi ua ku me ka makaukau, me na lio i hoopaa ia i na ili me na kanaka e kau ana me ka makaukau no ka olelo kauoha, e hele ana iloko o ka pa o ka oihana koa. E ku makaukau ana he mahele o kela a me keia Regimana koa lio me ke kanaka ma ka aoao o kela a me keia lio, a e kiu hele ana he mau mokuna koa Kosaka ma na alanui i ka po a me ke ao.
NU HOU KULOKO.
AHA HUI EUANELIO.—Ma keia Poalua ae Iune 3, oia ka la e halawai ai ka Aha Hui Euanelio o Ka Pae Aina Hawaii, ma ko lakou wahi halawai mau ma Honolulu nei.
KOHO MAU LUNA HOU.—O keia Poakahi ae e hiki mai ana Iune 2, oia ka la e koho ai ka oihana Kinaiahi o Honolulu nei i kekahi mau luna nui no ko lakou oihana, nawai la auanei ke eo ?
LOIO WM. O. SMITH.— Ua hoi hou mai nei o William O. Smith i Honolulu nei, a e lawelawe ana oia ma ka oihana Loio, nolaila, e hele io na la e ka poe i loohia ia me na ehaeha a ke kanawai. Aia kona keena hana ma alanui Kaahumanu.
AHAAINA MA PELEULA.—Ma ke ahiahi Poaha iho nei o keia pule, ua wehe ia ka ahaaina Fea ma Peleula, a ua lohe pono mai makou, ua piha pono i na haole, a ua maikai no hoi na hana a o na loaa a pau, ua hiki aku ka huina maluna o $700.
NA KAPENA BATE A ME DOANE.—Ua lohe mai makou, o ke Kapena Bate o ka mokuahi " Mokolii, " e lilo ana oia i alii kiekie a hookele hoi no ka mokuahi "Lehua, " a o Kapena B. Doane hoi e lilo ana oia i Kapena no ka mokuahi " Mokolii " oia na lono a me na aui o ka manawa i loaa mai ia makou.
MA KE APO O KA MA RE.—Ma ka Poaha o keia pule ae Iune 5, e mare ia'i o Miss. Emmeline Agatha Marie Afong me Henry Giles, ma ka hale noho o na makua o ka wahine ma ke alanui Nuuanu e malama ia'i keia oihana laa. " E mahalo ia ka mare no na mea a pau, a e hoopaumaele ole ia hoi kahi moe."
MAI KA LAULA MAI O KAPAA.—He le ta ka loaa mai nei ia makou, mai a Rev. J. M. Kealoha mai o " Ka laula o Kapaa, " Kauai, e hai mai ana. O ka nui o na dala i loaa ia lakou no ko lakou ahaaina lulu dala luakini, ua hiki aku ka huina i ka $260. O ka pono ia i nui ke aho i paa ke kahua o ka ea o ko kakou aina.
HOONEEIA.—Ua hoonee ae nei o Kauka F. L. Miner i kona keena oihana mai ka Hale Kauka mai o E. Strehz ma Monikahae, a i ka Hale Kauka o E. Hof fmann ma alanui Kalepa e pili pu la me ka Hale Baneko o Bihopa ma, a malaila oia e haawi ai i na lapaau ana i ka poe a pau i loohia ia me na palapu a ka nawaliwali.
PILIWAIWAI.—Mahope iki iho o ka hora 8, ua lohe aku la makou i kekahi halulu ano e, a i ko makou holo ana aku e nana, aia hoi, e uwe ana kekahi pake maluna o kekahi puuwahie. Haki wawae aikane la-pake auwana no wau la. Ua lele mai keia pake mailuna mai o ka hale pohaku kahiko mahope ae o ka Halekuai o Ah Lo, ma kahi he 20 kapuai a oi aku ke kiekie, no ka loaa ana aku i na makai o ke aupuni e pepa piliwaiwai ana.
PAKE MAKE I KA WAI.—Ma ka la 17 iho nei o keia mahina, ma Hamakualoa, Maui, ua lilo i ka wai a make loa kekahi pake ma ke kahawai o Kakipi, o Aiana ka inoa o ua pake la, ua huli ia oia ma kekahi la ae, aole nae i loaa, a ma ka lua o ka la, ua loaa aku ke kino kupapau ma kekahi kawa o ua kahawai la, he pake paahana keia no ka mahiko o Huelo. O keia ka lono i loaa mai ia makou mai a Wm. P. Haia mai oia wahi no.
KE KAAO HOU.—Ma ka aoao mua o ka pepa o keia la, ke hoopuka aku nei makou i kekahi nanea hou no ko makou poe heluhelu, nolaila, i ka wa e kuilima pu ai oukou me keia nanaea hou, e haawi i ko oukou mau mino aka malie no kahi kupono e haawi ia na hauoli piha. A oiai hoi ua loaa hou mai ia makou na rula e pili ana i na Kanawai o Ke ola Kino, nolaila., ua kapae iki ae makou no ka manawa i ka lua o na Kaao a ka manawa e loaa ai ke kowa kupono o ko kakou waa nupepa.
AHA MELE NUI.—Mai poina ka lehulehu i ka hele ae e ike kumaka i ka Aha Mele nui e wehe ia ana i keia po ma ka luakini o Kaumakapili, i lohe i na leo kani ewalu e mele ia mai ana e ke Kula Sabati o Peleula, a i ike no hoi i ka manu leo kohakoha o ka ua tuahine, a me ke kileo kani o Keoni Beka, eleu nui ae.
LA HANAU O VICTORIA.—O ka Poaono iho nei o ka pule i hala Mei 24, oia ka la hanau o ka Moiwahine Kaulana o Beritania Nui, a o ka puni ana hoi o na makahiki he kanaono mai kona hanau ana mai. Ua hoomanao ia ka la hanau ma ka welo ana o na hae mai na i-a ae o na moku a me ko ka aina nei, a ua pahola ia ae no hoi he papaaina nani ma ka Hotele Hawaii. Malaila ae ke alii Ka Moi a me kekahi poe maka hanohano e ae o ke kaona nei.
AUAU WAHI KAI O KAMAALAEA.—Ma ke ahiahi o ka la 17 o keia mahina, ma Kamaalaea, Maui, i ka wa a ka mokuahi " Likelike " e makaukau ana e haalele ia wahi no Lahaina, aia hoi, ua lele aku la kekahi kanaka opiopio i kahiko ia me ka aahu o na keiki puhi ohe o ke aupuni mailuna aku o ka mokuahi " Likelike," a au ana i ke kai. Ua hai ia mai makou, o ke kumu o kona hana ana pela, ua hoehaeha ia kona puuwai no kekahi kino kanaka e ae. E na opio Hawaii, mai hana naaupo kakou e like me keia makamaka.
KA MOKUAHI " LEHUA. "—Ma ka auina la Poakahi iho nei i ku mai ai ka mokuahi " Lehua" i Honolulu nei iloko o na la holo he 11 1/2 mai Kapalakiko mai, malalo o ka hookele ana a kona Kapena opio G. Beckley (Mooheau.) He hoike ana keia i ka hiki ke hilinai ia, ua hiki no ia ia ke hookele ma na wahi mamao maluna aku o 2,000 mile ke kaawale, no ka mea o ka loihi o kahi ana i hookele mai nei i ka mokuahi " Lehua " mai Kapaliko mai a hiki i Honolulu nei, he 2,100 mile no ia. Nolaila, imua e na Hawaii ma keia hana i hoopalahalaha ia aku ko kakou ike hookele moku mawaho aku o na palena o ko kakou mau pukoa.
KA MAKE ANA O A. HUTCHINSON.—Ma kekahi la o keia mau pule i hala ae nei, ua make ma Naalehu, Kau, Hawaii o Alexander Hutchinson, he ona oia no ka mahiko o Naalehu, a ua kamaaina oia me ka lehulehu o kolaila poe, aka, ua hala aku la oia a ua kuu kona luhi ma keia ao. O kela ulia poi_ no no i loaa mua ia ia ma ke kahuli ana o ka waapa ke kumu o kona make. He kamaaina oia no Penesilevania i Amerika Huipuia, a make aku la iloko o ke 50 o na maka hiki o kona ola ana. Ke komo pu aku nei makou me ka ohana i nele i ka makua ole e kaana like i na ehaeha walania no ka mea i make.
KA MAI PUUPUU ULALII.-- Ua pahola ae kekahi mau lono hoopuiwa iloko o ke kulanakauhale nei iloko o keia mau la, a ua ike maka maoli no hoi kekahi poe aia ma kekahi hale ma alanui Papu a ma kai o Apua, ke noho nei kekahi poe haole malihini ua loohia ia me ka mai puupuu ulalii (Measles) a ke kiai ia nei nae e na makai. O keia mai oia kekahi mai nana i pulumi i kekahi mau ola makamae o keia lahui, a mohai ia'ku no ka luakupapau me ka hikiwawe loa i ka A. D. 1848. Pehea la i komo mai ai keia enemi e hooneoneo hou i ka aina ? A no keaha hoi i hiki ole ai i na kauka o ke awa ke makaala i keia mea nui e kau ia'ku ai ko ka lehulehu apono ole ana maluna o lakou, aka e kali malie kakou i ka ke aupuni mau hoomalu ana. Aka aohe no e hewa makou ke ekemu ae, he mea pono e makaala ia keia mea e poino ai ke ola o ka lehulehu.
Papa no na Halawai o ka Ahahui Euanelio Hawaii.
Ua nonoi ia mai makou e hoolaha aku i ka Papa Kuhikuhi Hana o ka Ahahui Euanelio o ka Pae Aina Hawa ii,a oia ka makou e hoolaha aku nei malalo iho nei.
Iune 1, Sabati Ho ra 7 1-2 Kaukeano, Haiolelo Kuwaho na Kauka Haida.
Iune 2 Poakahi Hora 7 Kawaiahao, Halawai o ka Papa Hawaii. Iune 2 Poakahi Hora 7 1-2 Mahina Hou.
Iune 3 Poalua Ho ra 10 Hoomaka ana o ka Ahahui Euanelio. Iune 3 Poalua Hora 1 Heluhelu ana i na Papa Hoike Helu. Iune 3 Poalua Hora 7 Halawai o ka Papa Hawaii.
Iune 4 Poakolu Hora 9 Kawaiahao, Heluhelu ana i na Papa Hoike Helu. Ho ra 10 Kawaiahao. Hoike o ke Kula Hanai Kaikamahine. Hora 1 Kawaiahao. Heluhelu ana i na Papa Hoike Helu. Hora 7 1-2 Kawaiahao. Na Halawai Haipule
Iune 5 Poaha Hora 9 Kawaiahao. Na hoike o ka Papa Hawaii. Hora l Kawaiahao. Koho ana i na luna a me na lala o ka Papa Helu. Hora 7 Kaukeano. Ahaaina no ka Aha misiona wahine.
Iune 6 Poalima Ho ra 9 Kawaiahao. Hoike Kula Kahunapule. Hora 5 Kawaiahao. Ahaaina o ke Kula Kaikamahine. Hora 7 Kawaiahao. Halawai o ka Papa Hawaii.
Iune 7 Poaono Ho ra 9 Kawaiahao. Hoike Kula Sabati. Hora 1 Kawaiahao. Hora 7 1-2 Kaukeano. Ahahui keiki mionari.
Iune 8 Sabati Hora 11 Kaumakapili. Haiolelo Kuwaho na Rev M Kuaea. Hora 2 Kaumakapili. Hoonoho ana o ka ekalesia Pake. Hora 3 1-2 Kaumakapili. Ahaaina a ka Haku Hora 7 1-2 Kawaiahao Haiolelo Kuloko na Rev J S Kalana Hora 7 1-2 Kaukeano Haiolelo Kuloko na Rev. S C Damon
Iune 9 Poakahi Hora 9 Kawaiahao Halawai o ka Ahahui Euanelio, Ho ra 1 Kawaiahao, Halawai o ka Aha Kula Sabati, Hora 7 1-2 Kawaiahao
Iune 10 Poalua 9 Kawaiahao Halawai o ka Ahahui Euanelio, Ho ra 1 Holo ana o Hoku Ao.