Ka Nupepa Kuokoa, Volume XVIII, Number 23, 7 June 1879 — Page 3
E NA
Lede a me na Keonimana!
o ka
MAKANI APAAPAA O KOHOLA.
E Kipa, E Naue. E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALE KUAI MA KAIOPIHI! Malaila no e loaa ai ia oukou keia mau Waiwai Maikai malalo iho nei: NA PAPALE HULU NANI HOU LOA E PULELO AI I KA MAKANI. Ina no hoi e kau mai i ko poo, aohe e kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a "Kau ka Iwa he la makani," i ka ua mea o ka Nani Lua Ole, oia no oe la o ka HULU MAMO GULA LEHOLEHO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae, ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou. NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua. Halekuai na Lei A-i Silika o na ano waihooluu like ole he nui, e kau mai ai i ka A-i, aohe kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NA KALAKOA. Eia no hoi na Lole Kalakoa ke ahu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia mana na Moena Pake, oia no oe la o ka Pawehe o Niihau ka panio Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liiii, a me na waiwai e ae he nui wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi Kohala, Hawaii, Nov. 9, 1878. 885 tf
" CALIFORNIA
ONE P RICE
BA ZAR."
WAIWAI HOU! WAIWAI HOU ! MA ke ku ana mai nei o ka mokuahi Auseteralia, ua loaa mai i ka Halekuai 'CALIFORNIA O. P. BAZAR' Na Lole Hou maikai loa nona ka huina he $ 4543 Na Palemai Helu 1 no na Wahine a me na Kane, o ke ano maikai loa. 64 Kakini Palule Keokeo, $1.50 no ka palule hookahi i kupono no ka $3.50 52 Kakini Palule maikai eae, $2.00 no ka palule hookahi i kupono no ka $4.00 93 Kakini Palule Lahilahi, $1.00 no ka palule hookahi i kupono no ka $1.75 Na Kakini Keokeo maikai aeae me na Kakini Kalekoa, $1.50 no ke Doz. Na Palemai Inia Marino maikai o na Kane 152 Kakini Palemai Wahine maikai mai ke dala hookahi, ekolu a ka eha dala Na Lole Kakimea, Marino, Alapaea, a me na mea hoonani no na wahine. Na Kalakoa Farani mai ka 15 Keneta no ka I-a a maluna aku. O KA MAKOU OLELO MAKIA : E hoahu i na Waiwai Maikai, a e Kuai Emi Loa, Ma ka Halekuai California One Price Bazar. 965 8m 916 MELLIS & FISHEL.
Na Wa ti a me na Nani Hoohiluhilu.
KE hoike aku nei o CHUN G FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM. Na KAULA GULA, Na KAULA DALA. Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha. He 25 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co. $93 6ma.
KO
G. WEST
MAU
HALE HANA KAA HOLO LEALEA!
Kaa Lawe Ukana, Kapili Kapuai Hao, ME KA Hana Hou ana i na Kaa Nahaha. E LOAA no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko la no hoi na kauoha me ka eleu, a me ka hikiwawe. (878 3m)
WAHIE! WAHIE!!
Auhea ka poe
KAHU AI, a me ka poe PUHI PALAOA !
He mau PAILA WAHIE no ke kumukuai makepono ! E ninau ia E. S. Timoteo ma ka pa o ke Kula Kahunapule, ma Kawaiahao. 902 tf
PAPA KUHIKUHI MANAWA HOLO
O KA
MOKUMAHU HAWAII
"LIKELIKE,"
KAPENA. REYNOLD.
Poalua Iune 10, hora 5 pm............................. Hilo
Poalua Iune 17, ho ra 5 pm..............Kaapuni ia Hawaii
Poalua Iune 24 hora 5 pm.............................Hilo
AOLE AIE NO NA UKU OHUA ?
Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a ua makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio pipi a me ka hoki.
E hoailona ia me ka moakaka na Pahu Rama a me Waina. O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei ua ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WIL DER & CO.
OLELO HOOLAHA.
A. McWAYNE,
HALE KUAI LAAU LAPAAU A ME NA WAIALA o na ano a pau me na SOPA ALA o na ano he nui wale. Ma ke kihi o Alanui Papu me Kalepa. 842 1y
DR. RODGE RS,
OIA O
KAUKA LOKEKE.
UA hoonee ae nei i kona keena oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 891 tf
E. STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Ho tele, ma Monikahaae. (845 1y)
E. O. HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. 1y
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, NA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu Makepono Loa! MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c. A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU ! 827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KUAIIA MA KE KE KUMUKUAI HAAHAA LOA O keia Makeke.
ALLEN & ROBINSON
Honolulu, Ian. 1878 840 3m
OLELO HOOLAHA.
AHA MELE NUI!
NA KA
PAPA HIMENI O KAWAIAHAO
E HAAWI ana keia Papa Himeni Kaulana, malao o ke alakai ana a ka Mea Kiekie ke Kama Aliiwahine LILIUOKALANI, I AHA MELE NUI! E unuia ai na Leo Kani, na Leo Nahenahe me na Leo Kani Oeoe, maloko o ka LUAKINI O KAWAIAHAO, Ke hiki aku i ka Hora 7 1/2 o ke Ahiahi POAONO, IUNE 7, 1879. A o na pomaikai e loaa mai ana, e haawiia ana no ko ko ka Papa Himeni Haawina o ke kapili hou ana i ka Luakini o Kawaiahao. Nolaila, ma keia, ua konoia na mea a pau e alu like i keia hana maikai, ka hoomaikai ana i ko ke Akua wahi hoano. UKU KOMO Na Noho Mamua o lalo, $1.00 Na noho ma ua Aoao me Luna 50 Keneta. 912 3t
AHA Hookolokolo Kiekie o ko Hawaii Pae Aina, ma ka hooponopono waiwai. .Ma ka waiwai o D. KUKAHIKO o Honouliuli i make kauoha ole. Imua o ka Lunakanawai Nui C C Harris. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me waiho ana mai o ka palapala noi a Kalalema keiki hanauna a D Kukahiko e hoike mai ana o D Kukahiko no Honouliuli, ua make kauoha ole ma Honouliuli, Oahu, ma ka la 8 o Mei 1879, a e noi ana e haawiia ka palapala hookohu lunahooponopono waiwai i ka mea Loi. Ua kauohaia o ka Poakahi ka la 16 o Iune 1879, oia ka manawa i kohoia no ka hoolohe ana i ua noi ia imua o ua Lunakanawai la, ma ke keena hookolokolo o keia Aha ma Honolului a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai na noi la. A o keia olelo kauoha e hoolaha ia ma ka olelo Hawaii i ekolu pule ma ka Nupepa Kuokoa he nupepa ma Honolulu. Kakauia ma Honolulu, ko Hawaii Pae Aina, Mei 29 1879.
CHA S C. HARRIS.
Ikea: Lunakanawai Nui o ka Aha Kiekie.
A Rosa, Hope Kakauolelo. 913 3t
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o Kualawa k, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 26 o Mei M H 1879, ua waihoia mai imua o ka Aha, kekahi palapala, i olelo ia, oia no ke kauoha hope loa o Kualawa k, i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala Luna Hooko ia Kahea w, ua waihoia mai e Kahea w. Nolaila, ua kauoha ia o ka Poakolu oia ka la 18 June M H 1879, ma ka hora 11----ma ka Rumi Hookolokolo o ia Aha, ma Aliiolani Hale ma Honolulu oia ka la me ka hora, e hooiaio ia'i ia palapala kauoha, a e hoolohe hoi no la noi ana mai, a me ka poe a pau ke pili, e kue ana ia palapala kauoha, a me ka hoopuka ana i ka palapala Luna Hooko. A ua kauoha hou ia, e hoolaha no ia mea no na pule ekolu iloko o ka "Nupepa Kuokoa " he nupepa i pai ia a i hoolaha ia ma Honolulu. Kakauia ma Honolulu, ko Hawaii Pae Aina, Mei 26 1879.
LAWREN CE McCULLY.
Ikea : Lunakanawai o ka Aha Kiekie.
A. Rosa, Hope Kakauolelo 913 3 ts.
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o THO S. GARDNER o Honolulu i make, ma ke keena, imua o ka Hon. A F Judd, Lunakanawai o ka Aha Kiekie. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike e J P Green luna hooko kauoha o ka waiwai o Thomas Gardner no Honolulu i make, e noi ana e aponoia na hoolilo he $96.25, a e hoike ana o na mea i loaa mai iaia he $257.05, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poalua, ka la 17 o Iulai 1879, ma ka hora 10 o kakahiaka, imua o ua Lunakanawai la ma ke keena, ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ka Nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ko Hawaii Pae Aina, i keia la 29 o Mei, 1879.
A. FRANCI S JUDD,
Ikea: Lunakanawai o ka Aha Kiekie.
913 3t Jno E Barnard, Kakauolelo o ka Aha Kiekie.
AHA Hookolokolo Kaapuni Apana Eha ko Hawaii Pae Aina, ma ka hooponopono waiwai ma ka waiwai o Lilia Elia w o Wailua, Kauai i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Iosua Manoha k o Wailua, e hoike mai ana o Lilia Elia w no Wailua, Kauai, ua make kauoha ole ma Oahu ma ka la 24 o Novemaba 1878, a e noi ana e haawi ia ka palapala hookohu lunahooponopono waiwai iaia. Ua kauoha ia o ka Poaono oia ka la 21 o Iune l878, i ka hora 10 kakahiaka oia ka manawa i koho ia no ka hoolohe ana i ua noi la imua o ua Lunakanawai la, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa, he nupepa ma Honolulu.
Kakau ia ma Koloa, ko Hawaii Pae Aina, Mei 12, 1879.
JACOB HARDY,
912 3t Lunakanawai Kaapuni Apana Eha.
MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Maria Ii Brown, no Hilo, Hawaii i make. Ua he uhelu ia a ua waiho ia ka palapala noi a L. Severance ka lunahooponopono o ka waiwai o Maria Ii Brown, no Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia'ku nei na kanaka a pau ke pili, o ka Poaono oia ka la 28 o Iune, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. LYMAN, 912 3t
Lunakanawai Kaapuni Apana Ekolu HPA
Hoolaha a ka Lunahooponopono Waiwai.
KE hoike aku nei ka mea nona ka inoa malalo iho, ua hookohu pono ia mai oia i lunahooponopono no ka waiwai o S. L. Kapahukula k i make, a ke kahea aku nei i na mea a pau a ka mea i make i aie ai, e waiho mai i ka lakou laau koi, i hooiaio pono ia, iloko o na malama eono mai keia ma ku, o hoole loa ia lakou, a o ka poe a pau i aie iaia e hookaa koke mai. KALUNA w Lunahooponopono Waiwai o S. L. Kapahukula i make Honolulu, Mei 16,1879. 911 4t
MA ka waiwai o Naamau w o Waikiki, Honolulu, Oahu, i make kauoha, ke kauoha ia aku nei ka poe ana i aie ai, e hele mai imua o'u, a me ka poe i aie iaia e hookaa mai ia'u a e loaa no au ma Manoa, Honolulu, Oahu. KAHUHU. 912 3t* Hooko kauoha ma ka Waiwai o Naamau.
KAHIKIHA NUI!
Helu 62 Alanui Papu.
Ua loaa mai ma keia mokuahi iho nei na waiwai hou he nui. Na Lole Kane a me na Lole Kamalii maikai loa. Na Lole Wahine a me na mea he nui wale. Na Huluhulu Farani maikai loa. Na Iliwai, Na Kihei Uhibela Lilina, Na Keokeo Paina maikai loa, Na Silika Eleele, Na Alapia a me na Kalepa Eleele maikai, Na Kakini o na Kane, Wahine a me na Ka malii, Na Hainaka Silika o na ano a pau. Na Kihei Huluhulu Paina o na Kane a me na Wahine, Na Lilina Mauu maikai loa, a me na waiwai e he nui i hiki ole ke helu papa. Na Kalakoa Farani, $1 1-2 o ka Holoku. Na Kalakoa Enelani, $1 no ka Holoku. Na Kalakoa Amerika, 87 1-2 keneta no ka Holoku. Nolaila, e na makamaka ma keia mokukupuni a mai Hawaii a Niihau, e kipa nui mai i o'u nei a e loaa no ia oukou na mea kuai me ka oluolu loa. O kahi keia e lawa pono ai o kou makemake, aohe e ohumu. E kuai ia aku ana no keia mau waiwai me ka hakalia ole no ko'u kaawale ana aku no Europa i keia Kupulau ae. No ko'u poho ana iho nei i ka heihei, nolaila, ua makemake au e kuai hoemi i hoi mai ko'u poho. He nui ka mea kuai, o ka hoi o kuu lilo i ka heihei o ko'u ola ia.
907 S. MAGNIN.
Honolulu, Mei 22, 1879
KE KANAWAI.
HELU 32.
O ka wa kupono keia e hai aku i ka poe heluhelu "Nupepa Kuokoa," i ka manao o ka mea kakau kanawai no na ninau i hoike ia ma ka Helu 31.
Haina. Wawahi Hale. 1. Ma Pelekane kahi i hana ia ai keia hihia, a no ka mea, ma ko laila kanawai aole he feloni ka lawe ana ma ke ano aihue i ka waiwai i haawi ia i ke kauwa e malama, oia ka hewa mua o ke kauwa, nolaila o kona komo ana i keia hale i mea e lawe ai i ka waiwai ana i aihue mua ai, aole ia he wawahi hale, aka he komo hewa wale no. Pela no na Lunakanawai Pelekane e hooholo ai.
I na ma Hawaii, i na o ka nui o ka waiwai i aihue mua ia he oi i ka iwakalua, a laila he feloni ia he wawahi hale ka hewa ; i na malalo mai, aole feloni, aole hoi he wawahi hale ka hewa.
Haina no ka Ninau 2. Aole he wawahi hale noho, no ka mea, aole he puka e hele ai ke kanaka mai na hale noho a i ka hale hana. Me he mea la, i na he puka, alaila hookahi ano o na hale a pau a wawahi hale noho no ka hewa.
Haina no ka Ninau 3. I na no he kauwa oiaio keia i hoomoe ia ma ka hale ukana a malaila no oia e moe mau ai, ku no ka hewa wawahi hale noho. Aka i na he kanaka i hoolimalima ia no ia hana hookahi wale no e kiai no na aihue, aole pela, aka he wawahi hale ukana.
No ka Ninau 4. Na A i wawahi, a nana no i aihue ma o ke keiki liilii. Ua ku no ka hewa ia ia.
POWA.
No ka ninau 1 . He powa no. No ka mea na ke kauwa no ke dala, ana i ohi ai no kona haku.
No ka ninau 2. Aole he powa. No ka mea aole i lilo ka e ke dala i ke kanaka kolohe, ua haule i ka honua, aole i aihue ia. Oio ko Lord Coke manao.
No ka ninau 3. Aole he powa. Aole i lilo ka pela moe i ka powa ; aole i aihue ia, no ka mea ua paa e oia i ka makai.
No ka ninau 4. Aole no he powa ma ke kanawai, no ka mea, aole waiwai i aihue ia. Hookaa ke kanaka i kona aie oiaio, mamuli nae o ka hooweliweli. He hoeha paha keia.
No ka ninau 5. Ua ku no ka hewa powa. No ka mea, no ka manawa pokole aia ke kula pepeiao ma ka lima o ka powa, a lilo hou iloko o ka lauoho o ka wahine. Iloko nae oia manawa pokole ua aihue oia i ke kula pepeiao, a ua ku ka hewa ia ia. Pela na Lunakanawai Pelekane. Ma Nu Ioka iloko o keia makahiki, ua hana kekahi powa pela a lilo iaia hookahi i daimana waiwai nui. Ua hoopai ia keia powa no na makahiki 20 ma ka hoopaahao hana oolea.
No ka ninau 6. He powa no. Mamuli o ka makau i ka powa ua kiloi ke kanaka i kona eke, a ua lilo ke eke i ka aihue. Ua piha no ka hewa, no ka mea imua o kona alo ka aihue ana.
No ka ninau 7. Ae he powa no. Ma ka ikaika ka hoopaa ana i ke kaa, mamuli o ka hoopunipuni ka haalele ana o ke kahukaa i kona kaa, ua hewa like keia poe a pau, ka mea i hele pu me ke kahukaa i ka Lunakanawai, a me kona hoa i aihue ai i ka waiwai no loko mai o ke kaa.
Ke haawi nei ka mea kakau kanawai i na poe a pau i kakau mai i ka lakou mau haina i ke " Kuokoa. " He mea keia e nui ai ka ike, ka heluhelu noonoo pono a kakau aku. Aole i pau.
KA LA 11 O IUNE.—O keia Poakolu ae e hiki mai ana Iune 11, oia ka la i malama ia no ka hoomanao ana i ka la hanau o ka Na-i aupuni o Hawaii nei. E pani ia na puka o na Hale Oihana Aupuni a pau e like me ka mea maa mau. Ma ke kahua heihei o Kapiolani Park e malama ia'i na lealea kulaia o ka la. Aohe no he hewa i na Hawaii Ponoi o ka aina ke haawi ia lakou iho ma na lealea kupono, a mai hooi aku mawaho aku o na palena kupono.
PAKE KAAWE IA IA IHO.—He le ta kai loaa mai ia makou mai a E. Helekunihi mai o Hana, Maui, i kakau ia ma Haiku, e hai mai ana, penei. "Ma ka wanaao Poaha Mei 28, ua make kekahi pake ma ke kaawe ana ia ia iho maloko o ka hale hoopau pilikia. Ua uleu koke ae na lima lawelawe o ke aupuni e hooko i na mea i kauoha ia e ke kanawai o ka aina. Ma ka nana ana i ke kino o ka mea i make he puka ma ka maha hema a ma ke kua kekahi. A i ka noho ana o ke kiure Koronero e noonoo i na kumu o ka make, ua hooholo lakou, i make no oia mamuli o kona kaawe ana ia ia iho."
KAHE KA WAI—mauu ka puu—lalau ka lima—hapai ma ka waha—komo maloko— pupule ka hope—hakaka a pehu na maka— oia ka hoike a na keiki uwi waiu o Waikakalaua i Waialua ia lauia e paio olelo ana me kekahi ma ko laua alahele i lohe ia e Ukali, ka mea holi mea hou o ko makou Keena. Ia Ukali i ninau ai, wai aha? eia ka pane, waiona — mahea — malalo Waialua, nuinui rama loaa kanaka—aole iloko o ke kiaha—haule aku ilalo kapululu kela— F. hooki ka pono o eha auanei ia KANAWAI.
HOIKE KULA KAIKAMAHINE O KAWAIAHAO. —Ma ka Poakolu iho nei o keia pule, mawaena o ka hora 10 a me 12 awakea, ua hoike ia ke Kula Hanai Kaikamahine o Kawaiahao malalo o ka noho kumu luna ana o E. Binamu. Mawaena o na mea a makou i ike ai, aole e poina ia makou ka hoike ana ae i ko makou mahalo no ka paanau o na haawina i hoike ia, a me ka eleu a me ka hopo ole o na pokii opio oia Kula ma ka pane ana i na ninau. O ka makou wale no e kauleo aku nei. E hooikaika oukou e lilo i mau makuahine maikai no ka Lahui Hawaii, a i mau koo hoi no ke aupuni.
NA KAPENA SHEPHERD A ME REYNOLD.— Na ka mai pilikia o ke Kapena Bates ka mea i manao ia i Kapena a i alii moku kiekie no ka mokuahi " Lehua" nolaila, ua lilo aku nei ia Kapena Shepherd ka hookele ana i ka mokuahi " Likelike " a o Kapena Reynold hoi no ka mokuahi "Lehua. "
HOOPUIWA IA—Ma ke ahiahi Poalima o ka pule i hala, ua hoopuiwaia e ka lehulehu e ke kanike ana mai a ka Bele pau ahi, e hoike mai ana eia la he ahi he enemi ana ole aka, mamua o ka hiki ana aku o na kaawai i kahi poino, ua pio e no ke ahi i ke kinai ia e kekahi poe. O kahi o ke ahi i a ai he wahi hale e pili pu ana me ka hale a Col. W. F. Allen e noho nei ma Alanui Hotele.
HE MAU LIO MAHOE.— Ma ka po o ka la Sabati i hala mauka o Kalihi ua hanau mai la kekahi lio wahine elua mau keiki lio, he anolike loa ko laua mau helehelena a me na hoailona maluna o ko laua mau kino, eia nae, ua make kekahi a ke ola nei kekahi. Manomano no na mea a Iehova i hana'i.
NA HAE HAWAII.—O ka Poakolu e hiki mai ana ka la 11 o keia malama, oia KA LA o KAMEHAMEHA, e malama ia ana i La Kulaia Aupuni, oiai, e makemake ana na Hawaii aloha aina a pau i mau Hae Hawaii no ka hoonani ana i na lio, na kaa, me na hale. Ua hoomanao o Wini me Robikana no lakou, a e makaukau ana na hae kuai makepono loa ma keia Poakahi ae. He pono i ka poe makemake hae e waiho mua ae i na kauoha.
MAKANA NA KA EKALESIA O PUULA.—Ua haawi makana mai nei ka ekale sia o Puula, ma Puna Hawaii, i ka ekalesia o Butaritari ma ka Paeaina o Gilibati ma o J. W. Kanoa la, he wati no ko lakou hale pule, a o ua wati la he wati ki pule. He hana maikai ka oukou, a he pono ke hoomau aku pela no ka mea, he ekalesia oukou ma ka hikina a ka la.
NA HAIOLELO MAKAHIKI.—Ma ka hora 10 1/2 a. m. o ka la apopo maloko o ka luakini o Kaumakapili e haiolelo ana o Rev. M. Kuaea no ka oihana misionari kuwaho. Aohe halawai ma Kawaiahao ma ia wa. A ma ka hora 7 me hapa, o ka po ana iho e haiolelo ai o Rev. J. S. Kalana maloko o ka luakini o Kawaiahao no ka oihana misionari kuloko. Mahope o keia mau haiolelo he mau lulu kekahi i mea e pono ai ko ke Akua aupuni ma Hawaii nei, a ma na aina e, e makaukau ka pono.
NA OLELO HOOLAHA.—Ke hoike ia aku nei ka lohe i na mea a pau. O ka poe a pau e hoouna mai ana i na olelo hoolaha e pai ia ma ka nupepa " Kuokoa, " he mea pono e hoouna pu mai me ka uku, no ka mea, aole makou e pai ana a hoolaha hoi i na olelo hoolaha i hookaa ole ia mai ka auhau o ka pepa, koe wale no na olelo hoolaha a ka poe a makou i ike ai a i hlinai ai hoi.
O ke kumu o keia kaupale ana, oia no ka hookaa pono ole ana mai o kekahi poe, nolaila, he mea pono i ka lehulehu ke makaala i keia i mea e pilikia ole ai.
OPU KE KOALI.—Aia ma ka Lai o Lalo. ua ike ia ke komohia ana o kekahi poe ma ka lele kowali; aia i ka wa a kekahi e lele ana, oiai oia e apa a e uilani ana i ka lewa ua hoike mai na hoailona maluna ona, ua piha oia me na uhane hehena o ke kiaha, a i ka wa i pane ia aku ai oia e hoopau i kana lele ana, ua haliu mai la oia i ke anaina e nana aku ana, a haawi mai la i kona hope, me ka olelo mai, " Eia mai ka oukou." aka, aole i liuliu iho mahope, ua hooko ia he haawina maluna ona, oia kona kiolo ia ana ae mai kahi ana e apakau ana a hoomoe ia iho la iloko o kekahi loi kalo he mau anana ke kaawale mai kahi lealea aku ; a olo ae la ka pihe, " Opu ke kowali. " ke lapuu ala iloko o ka hale. Eia ka makou, he ao ana kela a ka lima aloha iaia a me ka poe a pau e punihei ana iloko oia lealea e hoopau koke, nolaila, " o ka lohe ke ola o ke kuli ka make. "
MAI KOHALA MAI.—Mai ka peni mai a Jno Piula o Niuhi, Kohala Akau, Hawaii, i loaa mai ai ia makou na mea hou malalo nei.
1—Ma ka Poaono, oia ka la 3 o keia mahina, ua poino ka puka uwahi o ka hale wili ko o Hon C F Han, a no ia pilikia aole wili ia o ke ko i hoomakaukau ia no ia wili, aka, ke hana ia nei nae me ka eleu loa.
2—Ma ka 12 no hoi o keia mahina, ua hoao ia ke kaa mahu huki ko o ka mahi ko o Halaula, aole ka he holo pono o na hana.
3—Ua hookohu pono ia ka Hon K Kamauoha o " Kona kai Opua i ka lai " i Lunamakai no ka apana o Kohala ma kahi o Mr. Williams i make.
AHA MELE NUI.—Ma keia po e haawi ia ana he Aha Mele Nui maloko o ka luakini o Kawaiahao, malalo o ke alakai a me ka hooponopono ana a ka Hooilina Moi Liliuokalani. E mele ia mai ana na himeni me ka uhene, a me ka nahenahe, a e kuupau ia mai ana no hoi ka nunulu a me ke oeoe. O ke o o na leo e oi aku ana ia i ko ke Kila, o ke kikoni ana o na manamanalima maluna o ka Piano, e oi aku ana ia mamua o ke kapalili o ka leo o ke kahuli leo lea hoala hiamoe o ke kulu aumoe, a o na kaina wawae o ka poe himeni elike ana ia me he haki ana la a ka nalu i ka pueone. O ka poe kaulana o Honolulu nei ma ke mele o lakou kekahi e komo pu mai ana ma keia hana, nolaila mai poina ka lehulehu i ka hele e ike kumaka no lakou iho, o lohe pepeiao auanei. A o na pomaikai a pau e loaa mai ana e hoolilo ia ana no ka hoomaemae hou ana i ka luakini o Kawaiahao, e hele ilaila ke nui me ka liilii, kakau no a pau. " E alu ka pule ia Hakalau," pela hoi. " E kue ka mama i loaa o Kaohele."