Ka Nupepa Kuokoa, Volume XVIII, Number 29, 19 July 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Orisa.  Ma Inidia, e kokoke ana i ke kaikono o Benegala ma ke komohana akau.  3 miliona kanaka malaila a oi aku.  Malalo ae ia o Beritania, E lua hoomana ; Mahomeda, Pegana.  He poe Pegana ka nui.  He poe Pegana naauao kekahi.  He mau buke Pegana ka lakou, He mau buke mele maikai iki no.  Hoomana lakou i na akua kii.

He põe Pegana naaupo kekahi.  Aole a lakou buke.  Hoomana lakou i ka la.  Oia ke akua ma ko lakou manao.  Na moa keiki me na kao, oia na mohai nana, me kekahi pule ia ia.

Na uhane o na kupuna, oia kekahi mea hoomana.  Hoomana makahiki lakou i na bipi kauo i mea aloha i na bipi no ka halihali ana i ko lakou ukana, oiai e la ana.  Aohe kahuna maoli, aohe heiau maoli.  Ua noho naaupo lakou a loihi loa, e like me na kanaka o Hawaii nei.

A na na makahiki i hala iho nei, ua puka na misionari malaila no Beritania kekahi, a no Amerika Hui kekahi.  Aia ko Amerika poe ma ka aoao akau o Orisa.  Nolaila mai kekahi nuha hoohauoli.  Ma ka noho mua ana o na misionari, kuhi na kamaaina, he @@@@@ahiahi na misionari, e like paha me na haole e ae, aole paha e ae e hoolauna, e hookipa ia lakou.

Ua hele ka misionari i kauwahi i kekahi la, a hoi pu mai me kekahi kamaaina nana i hai mai, he mau ohana he umi kai makaukau e lilo i poe Karistiano ke ae na misionari, e apo a hookipa ia lakou.  Kupanaha!  Kainoa, ua hele makou a ku ma na alanui, ma na wahi kuai, e kahea ana a makahiki, a makahiki, e hele mai oukou io makou nei i loaa ka pomaikai.  No ke aha ko lakou hele ole mai?  Ua makaukau mua makou e hookipa ia lakou.  Heaha keia kanalua a lohi i ka hele ana mai?  Eia ka ke ano, aole na misionari i o aku i na lima a apo maoli, a hookipa maoli i na kamaaina.  Alaila, o aku la ka misionari i kona lima e apo i ua kamaaina nei, a o ka lele mai no ia on a aia ka poli o ka misionari me ka puliki ia ia me he keiki, aloha la.

O ka hoolaha ana no ia mai o a o, he poe hookipa no na misionari.  A, o ke ala koke no ia o na ohana a hele mai, he 10 ma kauwahi, a he 10 makauwahi, a he 20 ma kauwahi me kekahi luna hanohano.  Ninau aku la ka misionari, pehea la ka loihi o ko oukou ola ana a makemake e lilo i poe karistiano?  Pane mai oia, eha a elima paha makahiki mamua aku nei.  He Hinedu Karitiano kai hele mai a haawi mai i mau palapala karistiano, a ao iki ia makou.  He mau haneri ohana kai haulele i ka aoao hoomana naaupo.  Kanalua nae lakou i ka hele ana i o oukou nei, o hookipa ole ia.

I ke apo ana o na misionari ia lakou, piha loa lakou i ka hauoli.  Malama, ua pili ia mea keakea, i na misionari Hawaii.  Kuhi kekahi poe, he poe hookipa ole na misionari.  Ua kapu ko lakou au keena hookipa maikai no na haole wale no, a no ua alii, no ka poe hanohano paha.  Nolaila, kanalua paha kekahi poe kanaka Hawaii i ka launa mai me na misionari, a i ka huli ana i poe karistiano io.  Eia nae ka ninau, o ua poe alii nei, me ka poe hanohano i hookipa ia e na misionari, ua lilo anei lakou i poe karistiano io?

Ilinoi, ma Amerka Hui, 15,000 haumana Kula Sabati o laila kai komo iloko o ka ekalesia i keia makahiki i hala iho la.

Ka Baibala laikini Dakota.  Akahi no apai ia ka baibala okoa ma ka olelo Dakota.  Aia no ia poe Inikini ma ke komohana akau o Amerika hui.  Nui na Inikini Dakota i lilo i poe ekalesia.

Ka Baibala ma Rusia.  He kanawai paa keia ma Rusia, e ike i ka heluhelu ka poe apau mamua o ka lilo ana i poe koa.  Nolaila, ua hiki i na koa Rusia i hele i ke kaua mamua aku nei ke heluhelu i na baibala i loaa ia lakou na ka aha Baibala Beritanie.  Na koa a pau i hoi i na home, na hoi me ka baibala pakahi.  A ma ka heluhelu ana ana, nui ka poe i huli ma ka pono.

Kiota.  Ke kulanakauhale alii kahiko ia o lapana.  300,000 kanaka oloko, 2000000 e noho kokoke mai ana.  Aia ilaila na misionari.  Nui ka hana.  Hapa ka poe paahana.  He Kula kahunapule malaila.  Ua puka iwaho kahi poe, a ua lilo i mau kahuna.

He palapala na kekahi poe kumu Iapena ma kahi loihi he 600 mile, e @@ mai ana i kahunapule e Lele aku, e noho pa, a eo, e bapetizo ia lakou, no ka mea, ua haalele lakou i hoomana kahiko, ua manao io ia Iesu.  Holo pono no ka oihana misionari ma Iapana.

Ausetoria ma Europe.  Oia ka la ma Hoikeana 16; S.  He a@@ hooma@u kahiko i na karistiano oiaio.  A ke mau la no kona hoomaau ana.  Ilaila no na misionari e ao ana, e hoohuli ana i na Katolika.  Ua huli mai no kekahi poe, a makemake no e komo iloko o ka ekalesia emanalio.  Ua komo no kekahi hapa, makau no nae kekahi hapa i ka hoomaau ia.     Aole i pau.

 

How should we Spend our Time?

Goodly Pearls p. 70.

1

He noho aha e

E noho ai kakou?

E noho pono a maikai.

He noho hana no.

Cho.    Ala 'e a e hana

E hana ano;

Ke pau ka manawa,

E wiki oukou.

E naue a paio,

Kauoha Iesu,

A nana e kokua ;

E paulele inau.

2

He momi aha e

E imi ai kakou ?

Ka naauao, ke akamai,

A me ka pono pu.

Cho.    Ala 'e, a e hana, Sec.

3

He waiwai aha e

E ahu ai kakou?

Ka waiwai nani maluna 'e,

Ka hale paa mau no.

Cho.    Ala 'e, a e hana, Sec.

4

Ke kalaunu aha e

E imi ai kakou ?

Ke kalaunu gula, lei alii

Ke ola mau loa no.

Cho.    Ala 'e, a e hana, Sec.

HAWAII.

 

Na Huewai Gula Wanana Ehiku.

HELU 5.

Ka Huewai Gula elua.  Hoikeana mok. 16;3.  Ninini aku la ka anela alua i kona hue iloko o ke kai; a lilo iho la ia i mea e like me ke koko o ke kanaka make, a make no na mea ola a pau maloko o ke kai.

Ka hoopai alua keia i hooili ia ma na wahi a ka holoholona i hana ino ai.

Kahoopai mua, maluna ia o na aina hoomana Pope, oia hoi o Farani me na aina e pili ana.  He hoopai kaua aina ia.

He hoopai kaua kai keia.  Nui ka make me ka poino ma na kaua aina.  Farani, Sepania, Enelani, Belegiuma, Geremania, Auseteria, Italia.

Keia hoopai elua, pili ia i na kaua o na moku ma na kai.

Mahope iho o na kaua aina, na kaua moku i hoopai ia ai na moku kaua he nui loa o Farani.

He kaua nui mawaena o Enelani me Farani, a hoomau ia he 20 makahiki, mai ka makahiki 1793 a, 1815.  He kaua moku ia.

Ma ia kaua, ua lanakila na moku o Berita ma, eia na kai kahi o na kaua.  Kaiwaenahonua, Kaikuono o Biseka, Besetania, Kasibiana.

Ma keia mau kaua, 900 moku kaua nui o Farani kai hoopau ia, me na moku liilii he nui wale.  Nui ka make, nui ke koko i hookahe ia, nui wale ka waiwai, ke dala, ke gula, ka ai, i hoopau wale ia, nui ka poino, ka pilikia, ka wi, ka ilihune, ke kanikau ana, ua hoopiha ia na opu o na kai i na kupapau Farani, a olo ka pihe awe a puni na aina o Farani.

Ka Huewai Gula ekolu.  Hoikeana mok. 16;4-7/  A ninini aku la ka anela ekolu i kona hue ma na muliwai, a ma na punawai, a lilo lakou i koko, a pela aku.

Ka hoopai ekolu keia, a ano like me ka hoopai elua, he hoopai kaua kai ia, he hoopai kaua muliwai keia, oia hoi, he hoopai kaua ma na wahi e pili ana i na muliwai me na punawai.

No ka wa o Nupoliona Bonepate keia.  He luna koa kaulana loa oia, na kaua mua ana, ma Italia ia, he aina Pope ia, a piha i na muliwai, e nana ma ka Palapala Aina, aia ma Italia ka hoomaau a pepehi nui ana o na Katolika i ka poe haipule io, i ka poe hoole Pope mai ke kumu mai, nui loa ole ka pepehi ino ana o na Katolika i na Piedemona, na haipule io, na Karistiano oiaio, he hana satana loa, na satana i hookonokono i ka Pope, a na ka Pope ihookonokono i na kahuna pope, na haumana pope e hooili i na eha make mainoino loa ole maluna o ia poe haipule io.  Ua hookahe lakou i ke koko he nui wale o na haipule.  Nui loa na kausani haipule i pepehi ino ia, nolaila, ma na kaua ikaika o Bonepate ma Italia a ma na wahi e ae.

Ua haawi ke Akua i ke koko i mea ino no na Katolika.  Nui na kausani i make ma ia mau kaua ma na makahiki 1789-1815.  Mahalo ko ka lani poe a pau i ko ke Akua hoopai ana i ka poe hana ino i kona poe kanaka.

Ma ia mau kaua hoi a Bonepate, ua hoala ia ke kumu o ka mana e hoohiolo loa ia ai ka mana o ka Pope.  Aia nae i ke Akua ka manawa.  Ua emi liilii no ia mau Pope mai ka makahiki 1789 a hiki i keia manawa.

I keia manawa, ua piha o Italia i na ekalesia haole pope, me na kula hoole pope, oluolu no ke aupuni, a kokua no i ka aoao Karistiano io.

Inaina loa ka pope, a hooki no i ke alii o ka ia me kona aupuni a pau mai ka ekalesia Katolika aku, aole nae lakou i makau ia hooki ia ana, naaupo me kekahi poe, a makau no makau i ka mana o ka pope, makau i kona hoomainoino ana ia lakou.  aka, e kokoke mai ana ka manawa e pau loa ai ia makou, a e huli na miliona Katolika o Italia ma ka ekalesia oiaio.

 

Haawina Kula Sabati.

HELU 5, SABATI, AUG, 3, 1879   

KUMUHANA.

Ka oihana hoolaulea.  Pauku Baibala.

2 Ker. 5 ; 14-21.

14  Ke koi ikaika mai nei ke aloha o Kristo ia makou ; no ka mea, ua akaka i ko makou manao, in a i make kekahi no na mea a pau, in a ua make na mea a pau.

15  A make no ia no na mea a pau, i ole e noho hou ai ka poe e ola ana no lakou iho, aka, no ka mea i make a i ala hou mai no lakou.

16  Nolaila.  aole makou e ike hou aku i kekahi ma ke kino :  in a paha ua ike makou ia Kristo ma ke kino, aole makou e ike hou aku ia ia malaila.

17  No ia mea, in a iloko o Kristo kekahi kanaka, he mea hou oia ; ua hala aku la na mea kahiko ; aia hoi, ua ano hou ae la na mea a pau.

18 Na ke Akua mai no na mea a pau, nana makou i hoolaulea mai nona iho ma o Iesu Kristo la a haawi mai hoi na makou i ka oihana e hoolaulea aku ai.

19  Peneia, ke hoolaulea nei ke Akua i ko ke ao nei nona iho ma o Kristo la, aole no e hoopai ana i ko lakou hewa ia lakou ; a ua waiho mai la hoi makou i ka olelo e hoolaulea aku ai.

20  No ia hoi, he mau ell make no Kristo, ua like hoi ke Akua me ka mea nonoi aku ma o makou nei, ke noi aku nei makou no Kristo, i hoolauleaia mai oukou i ke Akua.

21  No ka mea, ua hoolilo mai la oia ia ia, ka mea hala ole, i mohaihala no kakou, i lilo ai kakou i poe pono i ke Akua ma on a la.

Pauku Gula p. 20.       Hoopaanaau.

Mele.  Iesu wale no.  Lei Alii aoao.  19.

Pule i hoolaulea ia na haumana i ke Akua ma o Iesu la.

Ka Wehewehe me ka Ninau ana.  Elua palapala a Paulo i ka ekalesia ma Korineto.  Ma ka palapala mua ua paipai oia i na hoahanau e hoomaemae i ka ekalesia, e hoopau i na mokuahana, e oki aku i ka hoahanau moekolohe, e hoopau i na hana pono ole ma na halawai, a ma ka ahaaina a ka Haku. a e hoomau ma na hana maikai, ma ka pule, a ma ke kokua aloha ana &c.

Kali oia i lohe i ka hope o ua palapala mua nei, e ae ana paha lakou i kana paipai ana; e huhu a hookuli ana paha.  I ka lohe ana, ua ae lakou, a ua hana, e like me kana paipai ana, piha oia i ka olioli, a palapala hou aku oia ia lakou, e hai aku ana i kona olioli, me na manao nui e ae.  Nana oukou, a heluhelu i maopopo ia mau manao, mok. 1,2,3,4,5.

Ka mok. 5 he mokuna ano nui loa ia.

1  Ke ano o ke kino me ka noho ana iloko.  He hale kino lepo, he halelewa e wawahi ia ana, oia hoi ka make.  He luhi, he ehaeha, he kenakena, he kaumaha ka noho ana iloko.  He mea keakea i ka launa maka me ka Haku.  Ma ka manaoio wale no ka launa ana.  Ka makemake nui, e waiho ia keia kino lepo, keia halelewa, a e hookomo ia iloko o ka hale hou, ke kino hou ma ka lani.  He kino uhane ia, he kino make ole, luhi ole, kaumaha ole, mau loa maluna.  Me ia kino e ike maka'i i ka Haku.  Oiai nae e noho ana Paulo ma keia kino lepo, paa kona manao e hana no ka Haku a no na hoahanau, a no na kanaka a pau hoi, i mea e pono ai lakou, e hoike ana i ka la nui e hiki mai ana.  Heluhelu p. 10.  E paipai ana, e hooweliweli ana, e hoohuli ana me ka ikaika, no ke Akua, a no lakou.

P. 14, 15.  Ikaika loa Paulo i ka hana.  Na ke aha e koi ikaika ana?  Ke aloha o Kristo.  Elua ano, ko Paulo, a i na kanaka.  Ua akaka ko Kristo aloha ma kona make ana no na kanaka a pau.  Loa ua make oia no na mea a pau, pehea na mea a pau?  Ua hewa, ua hoahewa ia e make mau loa na kanaka a pau, ke loaa ole ke pani hakahaka.  Ua lilo Iesu Kristo i pani.  Ua lawe oia i na hewa me ka make o kanaka maluna iho ona.  Ua make oia no lakou i ole lakou e aha?  I noho lakou no wai?  no ka mea i aha?

P. 16  Pohihihi keia pauku.  Eia paha ke ano.  He kino maoli ko Kristo ia ia ma ka honua nei.  Nui ka poe i ike maka ia kino, Paulo no kekahi.  Aole nae ma ka ike maka ana ia Kristo ka lilo ana i poe haumana io nana.  Pela hoi o Paulo, ua ike maka oia i kekahi poe ma Korineto, a ma na wahi e ae.  Ua ike maka ole nae i ka nui.  Ua ike maka lakou ia ia.  Ua hui he kino, he kino, he wahe, he waha, he maka he maka.  Aole nae malaila i maopopo ai he poe hoahanau io he poe haumana ia lakou na Kristo, he poe ano hou, he poe makaukau no ka la hookolokolo.

P. 17.  Pehea la e maopopo ai, he poe iloko o Kristo kekahi, he poe haumana io nana?  1  He mea hou oia.  2  Ua hala na mea kahiko.  3  Ua ano hou na mea a pau.  Ua ano hou ka noho ana, ka olelo ana, ka hana ana, ka manao ana, ka moe ana ke ala ana, ka hele ana, ke kuai ana, ka pule ana, ka himeni ana, ka noho ana ma ka luahkini,  ma ke Kula Sabati.  Ua pau na hana lealea, na hana lapuwale, na olelo lapuwale.  He la i makemake nui ia ka la Sabati.  Nui ka hauoli no ka Sabati, no ka luakini, no ke Kula Sabati, no ka halwai haipule.

P.18. 19.  Ka oihana hoolaulea.  Pohihihi hoi keia.  Ma ka hoolaulea maoli, elua no aoao ku@, ku@ ak@ ku@ mai.  Komo ke kolu imaena, he mea ku i wa, awao oia, imi e hoopau i ke kue o na aoao elua. e noho laulea, noho oluolu, kuikahi kekahi me kekahi.  I kekahi manawa, hui pu no na aoao kue elua, a imi p@ e hoolaulea kekahi i kekahi me ke komo ole o ka aoao ekolu, a pau no ka enemi, a noho like no laua.  Na ke Akua mai no na mea a pau e pono ai kanaka.  Ua ku@ na kanaka i ke Akua.  Ua kipi.  A pono ke make mau loa ke loaa ole ka mea hoolaulea.  Aloha no ke Akua.  Makemake no e kala i ke kipi ana.  He mea keakea nae.  Oia kona kanawai hemolele.  Ma ia kanawai pono ka mea kipi ke make.  Pehea?  Pono anei ke Akua ke kala wale?  Ina pela, pehea kona kanawai?  Haule paha ia ilalo a lilo i mea ole, a lilo ke Akua i mea hoopunipuni.  Pehea la oe, e ka mea kipi i ke Akua, e pono ai, e kala ia ai?  Hiki anei ia olua pu me ke Akua ma kou mihi ana ia ia?  Aole.  Ma ke aha la?  Ma ke komo ana o ka aoao ekolu.  Nana lo. 3; 16,  Ka Logou ka aoao ekolu.  Lilo ka Logou i kanaka.  lo. 1; 14.  Lawe oia i kino kanaka, lilo i pani nou.  Kau ka make maluna on a.  Malaila i hooko ia'i ke kanawai.  Make Iesu no kou hewa i pakele oe i ka make, ke manaoio oe iaia.  Ma ko Iesu make ana, aohe mea keakea i ko ke Akua kala ana i ka hewa o ka mea e mihi ana.  Ma ko Paulo mihi ana ua hoolaulea ia oia i ke Akua ma o Iesu la, a loaa ia ia ka oihana hoolaulea ia hai.

P. 20-21.  He mau aha Paulo ma?  Ke Akua ka Moi nui.  He mau elele na Kahunapule no ka Moi nui.  Na lakou e e hai i ka manao, i ke kauoha, i ka makemake o ka Moi o ke Akua.  Ko lakou noi ana i na kanaka e hoolaulea ia i ke Akua, e mihi, e manaoio, e haalele i ka hewa, e hahai ia Iesu, i kala ia, i ola, ko ke Akua nonoi like ana no ia.  Owai ka mea hala ole?  A lilo oia i aha?  Mohai ia oia ma ke kea, make oia no ka poe hewa, i kala ia ke mihi, a kapaia he poe pono, a loaa na pono, me he la, aole lakou i hewa mamua.

Ma ka hoopili ana.  He poe hoolaulea na kahu, na kumu Kula Sabati.  E hooikaika kakou, e hoohuli, e hoolaulea i na haumana i ke Akua ma o Iesu la.

Mele.  "He Aloha ke Akua."  Lei Alii aoao 20.

Pule i ae na haumana e huli, e mihi, e manaoio, e hoolaulea ia i ke Akua.

Haawina no Aug. 10,  Gal. 5; 22-26.

 

Ua hala o Mrs. Moakeawe Aseu.

 

Mamuli o ko makou nonoi ia mai, nolaila, ke hoolaha aku nei makou he wahi moolelo pokole no Mrs. Moakeawe Aseu mai kona hanau ana mai a hiki i kona make ana.

Ua hanau ia oia ma Kohala Akau, Hawaii, ma ka la 5 o Iulai, o ka M H 1854, a i kona mau la opio ua noho oluolu oia me ke akahai malalo o kona mau makua.

Ma ka la 31 o Augate, o ka M H 1871, ua mare ia oia me Mr. L. Aseu e ka Rev. W. Frear ma Honolulu nei, iloko o ka 17 a oi ae o kona mau makahiki, a iloko o na makahiki a laua i noho pu ai me kana kane iloko o ka berita o ka mare, he oluolu a maikai ko laua noho ana.

Aka, ma ka Poaono hope o lane ma ka la 28 oia mahina.  na loohia ia oia me ka mai i kapa ia he Typhoid Fiva, a mai ia la mai a hiki i ka la 5 o Iulai, oia ka Poaono, ua hanau mai he kaikamahine na laua, aka, ua lawe koke ia aku no na kaikamahine la e ka Makua Lani ma ia po no.

Aka, mahope mai ua ano maikai kona kino, a hiki ma ka hora 3 pm, o ka Poalua o ka pule i hala ae nei, loaa hou no oia i ka fiva, a iloko oia mau hora pilikia, ua nonoi aku oia i ke Akua e kala mai i kona mau hewa a pau mai kona wa i hanau ai a hiki ia wa, me ka nonoi pu aku no hoi e lawe aku i kona uhane, no ka mea, ua makaukau oia no ka hele aku me ka makau ole i ka make, a ma ka hora 2 am, o ka la 9 iho nei o keia mahina, ua hookuu malie aku la oia i kona uhane a waiho iho la ke kino lepo me he mea la e hiamoe ana.  O ka nui o na makahiki a laua i noho pu ai iloko o ka berita mare me kana kane, ua kokoke ewalu.  O ka nui hoi o kona mau makahiki mai ka hanau ana mai he 25, a oi ae.

Ma ka Poaha o ka pule i hala i manele ia aku ai kona kino lepo ma ka ilina ma Makiki, a he nui na makamaka a me na hoaaloha i ukali pu aku no kana huakai hope loa ma keia ao.

A o makou ma ko makou ano he mau hoaaloha no ke kane a ka mea i make, ke komo pu aku nei makou iloko o ia kaumaha hookahi, a na ke Akua e hoomaha mai ia ia.

NA LEPERA.-- Ma ka auina la Poakolu o ka pule i hala i lawe hou ia ai kekahi poe lepera i kahi i hookaawale ia no ia poe poino ma Kalawao i Molokai.  O kekahi kumu o ka pio ole o keia mai nana e aai nei i ke ola o ka lahui, oia no ka hana ana o na makamaka i ko lakou poe mai.  Eia no iloko o keia kulanakauhale a me na apana mawaho iho na mai lepera i hana ia no na mahina loihi.  Aia no hoi ma Ewa kekahi poe e noho nei, ua loohia i keia mai, aole nae i loaa i na agena o ka Papa Oia.  Ua holo iloko o ke kuahiwi e noho ai a ua makahiki paha a oi ka noho ana i ka nahelehele; a i ole he mau mahina paha, me ko lakou iho mai no nae i na po i kauhale o kamaaina.  Me he mea la e halihali ana no lakou i ka mai  ma na wahi a lakou e hele ai, a e hoolaha aku ana ma i waena o ka poe ola.  He mea pono ole ia.  A oia no paha kekahi kumu o ka ulu mau ana o ka mai i waena o kakou.

OLELO HOOLAHA.

KAKELA a me HAKI.

O KAKELA OPIO A ME F. M. HATCH.

@ @@@ @@@@ ma ka @@@@@@@ @@@ i ka oihana @@@@ Ua @@@@ @@ @@@@ @@ ka @@@@ a @@ @@@ a pau. mai ka @@@ ka hooponopono @@@@ @@ ka imi ana i na P@@@@@@@ @@@ @@@@. ka hana ana @ @@ @@@@@@@@ @@@@ @@@@@@@@. a mw ka @@@@ @@@@@.

W.@. CASTLE @@@@ @@@@@ Kope.  @@@@ @@@@ @@@@@ @@ o ka @@@@@@@ @ D@@nfham k Co.  @@@@@ @@@@ @@@@.

 

ALFED S. HARTWELL,

HAKAWELA

LOIO a he KOKUA ma ke KANAWAI !  Aia kona Keena Oihana maluna ae o ka Hale Baneko Hou o Bihopa ma.  867 tf

CECIL BROWN.

LOIO A HE KOKUA MA KE KANAWAI

ARE AGENA no ka H@@@@@@@ @@@ P@@@@@@@ no ka Mokupuni o Oahu.

Helu @. @@@@@ Haahumanu.  Honolulu. H.P.A. By

JNO. LOTA KAULUKOU.

LOIO A HE KOKUA.

Ua @@@@@@@@ ae e lawelawe i na hihia a pau o kela a me ka @ @@@ iloko o na @ha Hookolokolo a pau o keia Aupuni.  Ua hiki no hoi ke hana i na palapala a pau e pili ana i ka Oihana Loio me ka @@@.  E loaa no au ma Heeia Koolaupoko, a ma Honolulu no hoi i kekahi manawa.

 

EDWARD KEKOA.

He Loio no na Aha Kakau ole ma Hawaii.  Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa.  E loaa no ma ke Keena mawaena o ka hora S am a me ka hora 4 pm., ke ole he pilikioa e ae.

 

S. M. P. KALEO.

He Loio, he Kokua, a he Pale ma ke Kanawai.

NO KA AHA APANA A ME KA AHA HOOMALU O KA APANA O WAILUKU, MAUI.  F. loaa no au ma Waiehu, Waihee, a i ole ma ka Hale Hookolokolo ma Wailuku.

 

RICHARD F. BICKERTON.

[PEKETONA]

LOIO a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, in a paha ma Oahu nei, a ma na Mokupuni e ae.

Ua makaukau mau oia i ka hana ana i na Palapala pili kanawai o kela a me keia ano.

Ua hiki no hoi iaia ke hoale @ala aku ma ka moraki ana in a aina, ma ka ukupanee haahaa loa.

E hanaia na hana me ka hikiwawe a me ka uku haahaa.

Keena hana, Helu 25 Alanui Kalepa. elua puka ma o aku o ka hale kauka o Kauka Minuteole.

 

WILLIAM O SMITH

LOIO!             LOIO!!

Alanui Kaahumanu, Honolulu, Oahu.

S.W. MAHELONA

HE LOIO !  HE KOKUA A HE PALE

ma ke Kanawai.

UA makaukau au e lawelawe me ka mikioi a e ka eleu loa ole i na hihia a pau o kela a me keia ano imua o na Aha Hookolokolo a pau o keia aupuni.  Ua hiki no hoi ke kakau i na palapala a pau e pili ana i ka Oihana Loio, E loaa no au ma ko'u hale noho mauka iho o Kawaihao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei.  O ka poe makemake e ale dala, he oluolu ka ukupanee.

 

P.  NUI.

LOIO!             LOIO!!

O ka Ua Ukiukiu o Makawao, Maui.

UA makaukau oia e kokua i na mea a pau e hele aku ana i on a la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui.  E loaa no au ma ka Hale Hookolokolo o Makawao, a i ole ma Haiku.

885 ly no10

 

HENRY N. KAHULU

UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu.  E loaa no au ma ko makou Keena Oihana ma alanui Papa, Helu 31.  E hookoia na kauoha mai na wahi a pau o ka mokupuni me ka eleu a me ka hakalia ole.

885 ly no16

 

ASA KAULIA.

Loio a he Kokua ma ke Kanawai.

 

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu.  E loaa no au ma ke Keena Oihana ma alanui Papa, Helu 31; a e hooko ia na kauoha mai na wahi a pau o ka mokupuni me ka eleu a me ka hikiwawe.

885 ly no16

 

L.A. THRUSTON.

LOIO!

WAILUKU, MAUI.

 

 

TIMOTHY KALAEONE.

He Loio a he Pale ma ke Kanawai.

IMUA o ka Aha Hookolokolo Apana o Kawaihau, Mokupuni o Kauai.  A he Agena hoi no ka hooiaio ana i na Palapala Kepa no ia Apana.  E loaa no au ma Anahola, a i ole ma Waiakalua, Koolau, Kauai.  E makaala no au i na kauoha me ka eleu loa.

895 ly Jan. 25.

 

J.W.M. POOHEA.

He Loio a he Kokua ma ke Kanawai.

No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooaio Palapala Kepa no hoi no ia Apana.  E hookoia na koi-i a ka makemake me ka eleu loa.  E loaa no au ma ko'u home ponoi oia o "Kalauonaona, " ma Wawaia, a i ole ia, ma ka Halehookolokolo ma Pukoo.

895 ly Jan 25.

 

E. LILILEHUA.

Loio a he Kokua ma ke Kanawai !

IMUA o na Aha Apana a Hoomalu o ka mokupuni o Oahu.  E hanaia me ka eleu loa.  E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu.

 

S. AUKAI.

LOIO!             LOIO!!

UA ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu.

 

PAPA, PAPA

AIA MA KAHI O

LEWERS & DICKSON

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA Papa Nouaiki!

o kela a me keia ano.

Na Papa Nani a Paa no ke Kukalu

ana I na Hale!

Na Pani Puka, Na Puka Aniani,

Na Olepelepe, Na Pou, Na O@a

Na Papa Hele, Na Papa Ku@

A me na Papa Moe nui @@@

 

NA @@LI O KA HALE O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ka Makalii,

Na Ami Puka, Na Ami Puka Aniani

Na Ami o na ano a pau

Na Aila Pena, o kela me keia @@@

Na Aila Hoomaloo.  he lehulehu wale.

Na Aila e ao o na ano a pau.

 

NA WAI VANIKI

A ME NA

WAI HOOHINUHINU NANI

o na ano a pau loa.

NA BALAKI ANO NUI WALE

A ke hai ia aku nei ka lono i na makanaka a pan. na makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

 

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai!                  E na Makamaka!!

A e lawa no hoi ko oukou makemake me ka oluolu a me ka maikai

845 tf

 

A VALUABLE Medical Discovery

Reater's Life Syrup

LAAU LAPAAU

WAIWAI LOA!

 

KA WAI OLA A REUTERA.

He laau keia i imi ia a loaa e kekahi kahu mai kaulana, o Bertrand kona inoa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou ke mea i hanaia noloko ae o na Lae NAHELOHE. Le a me na aa o na laau ulu o ka pahele i huiia, he ono ma ka ai ana, he ala ma ka honi ana, a he pumehana kona ano.  He laau hoonoha ikaika keia, me ka hoeha ole ana i ka opu a me ka hoopalloa ole.  Aohe nawaliwali ka mai mahope o ka ai ana i keia laau, e like me ka naha ino ana o kekahi mau laau e ae, he kupono no ke ai na keiki liilii a me ka poe nawaliwali loa me ka hopo ole.  He laau hoola maopopo keia i ka opu paa, a me ka inoino o ka opu waiho ai, a me na mai apau e pili ana i ka opu.  He laau hooikaika no hoi keia i ke AKE PAA, a he mea e no hoi ka hikiwawe o kona hoomaemae ana i kekoko, a me na mai a pau o ke kino.  No ka mea, ma@ keia laau ia i hookuke ia aku ai na haumia a pau iloko o ke koko.  He like ole me keia na laau e ae, oia! e ai ana ka mai me na h@@ale hoonaha me ia mau laau, aole hoi penera

 

Ka Wai Ola a Rentera,

Aka, ua lawa iloko on a na hoo!aha ana a me na hoomaemae ana i ke koko a pau.

 

KO BARRY LAAU HOOLA EHA.

HE LAAU HAMO A HE LAAU AI.

He laau hoola keia iloko o ka minute hookahi, E HOAO!

 

A.W. RICHARDSON,

Oia o LIKIKINI Opio, ka Agena no keia mau laau no ke aupuni Hawaii.

 

KALE KULIKA, LUNA HOOIAIO PALAPALA KUAI,

Molaki, a me na palapala oia ano.

LUNA HOOIAIO PALAPALA

Aelike mawaena o na Haku me na Kauwa.

Huna Haawi Palapala Ae Mare

Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina.

 

HOOLAHA.

UA makaukau ka mea nona ka inoa malalo iho, e kokua i ka poe e manao ana e Kuai, Hoolimalima a Moraki Aina,

A no ka

Hoaie Dala Ana.

WILLIAM O. SMITH, Loio.

Honolulu, June 16, 1879