Ka Nupepa Kuokoa, Volume XVIII, Number 47, 22 November 1879 — Page 1
| This text was transcribed by: | Geri Hicks |
| This work is dedicated to: | My sister-in-law, Serina Cuzon Mirafuentes |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XVIII. HELU 47. } POAONO, NOVEMABA 22, 1879. {NE HELU A PAU 938.
MOOLELO O NA LA
- O KA -
Haku Visakauna Nelesona,
KE DUKE O BERONETI.
-
KE KAUA ANA O NA AUMOKU KAUA BERITANIA, - A ME KO ENELANI MAU PAPU LAAU, & c.
-
HA ka la 3 o Augate, 1798, us hui ae la na Kapena o na aumoku Beritania maluna o ka moku kaua Oriana, malalo o ke alakai ana a Kapena Saumarez, a o ke alakai elua hoi malalo o Nelesona, no ka makana ana aku i ko lakou Adimarala me kekahi pahikaua gula, a hooholo iho la lakou i kekahi olelo hooholo, a heluhelu ia aku la e ke alakai elua o na aumoku imua o ko lakou Adimarala, a penei ua leta le i heluhelu ia aku ai:
“ O na Kapena o na aumoku kaua Beritania, malalo o ke alakai ana a Rear-Adimarala Sir Horatio Nelesona, i hoouka ia ai o ke kaua me na aumoku ikaika o Fara ni, ma ke kaikuono o Abokia, ma ka nuku muliwai o ka Naile, Augate 1, 1798, ke makana aku nei makou i kekahi pahikaua gula, i mea nau a hoomanao mau ai, mai kou mau kauwa haahaa aku a hoopono. “A e oluolu hoi ia oe, e ka u ia kou kii hooleleaka, ma ke noi a na keonimana o ke kulanakauhale o Alexandria, a e kau ia ua kii la maloko o ka rumi o ka Hui Aikupita, i kukulu ia ai no kela ia eehia a me ka hauoli.
“Kakau ia maluna o ko ka Moi Beritania moku kaua Oriana. Augate 3, 1798
“Jas. Saumarez, Sam. Hood, T. Troubridge, D. Gould, H: D. Darby, Thos. Foley, Jno. Louis, R. W. Miller, Jno. Peyton, T. M. Hardy, A. J. Ball, B. Hallowell.”
O na Kapena o na aumoku, na kaikuaana a me na pokii, wahi a Nelesona e kapa aku ai ia lakou, ua haawi mai la lakou i na makana a me na hoomaikai he lehulehu wale. Mailoko mai o keia heluna o Kapena Hallowell o ka moku kaua Swiftsure, ua kauoha ae la oia i ke kamana o kona moku, e hana ia kekahi pahu kupapau mai loko mai o na papa laau o ka moku Adimarala Farani L’Orient. A i ka pau ana o ka hana ana a ke kamana, ua hoouna ia mai la wa pahu kupapau nei i ka Vanguard me kekahi leta, he makana kiekie na keia Kapena ia Nelesona, a penei ua leta la:
“E kuu Haku – Ua hiki mai ka manawa ia’u e hoouna aku ai me ka makana ana aki ia oe i kekahi pahu kupapau nou, i ana ia mai loko mai o na papa maikai loa o na moku Adimarala Farani, ina e pau kou ola maloko o ka O@hana Kaua ma keia ao, e waiho ia kou kino maloko o keia makana, aka, he loihi loa ka makana e hiki mai ai ia mau la. Mai kou kauwu haahea aku.
Kapena Ben. Hallowell.”
I ka manawa i hiki mai ai o keia pahu iluna o ko Nelesona moku, ua puiwa na mea a pau, me ko lakou hooko ana no keia mea kamahao, a ua oluolu loa hoi ia Nelesona ka apo ana mai i keia makana kiekie mai kekahi mai o kona mau Kapena.
E hoomanao iho ko makou poe e heluhelu nei i keia moolelo no keia pahu. Ua malama ia keia pahu e Nelesona, a ua hoihoi ia ilalo o kona keena, a i ka manawa i loaa ai ke kuikahi me Farani, ua pau ke kaua ana, ua hoihoi ia keia pahu a hiki i Enelani me ka malama maikai loa ia, a ua waiho ia iloko o ko Nelesona mau hale hoahu. A i ka manawa i haule ai o Nelesona imua o na aumoku kaua nui o Farani me Sepania, ua malama ia kona kino, a waiho ia iloko o keia pahu.
E like me ka hoohanohano ia o Nelesona mai kona mau aumoku mai, ua kauoha ae la oia ia Alekanedero Davisekona e hana ia ona mau mahana n kona mau koa a me na alii, mai loko mai o kelu puu dala nui. i makana ia mai ai e ka Hui Inia Hikina, a penei ke ano o ua mau makana la: Ua makana aku la o Nelesona i kona mau Kapena i na medala gula, ma ke alo hoi o ua medala la, ke Kalaunu oBeritania. e hoomanao ana no keia kaua nui ma ka po o ka la 1 o Augate. No na Lutanela Kiekie, na medala dala. No na alii haahaa, na medala wai gula. No na koa, na medala kepau, me na kaekae wai dala. O keia iho la na ano makana iloko o ia manawa mahope mai o ke kahua kaua o ka Naile, a ua hoololi ia hoi keia ano medala iloko o ka moolelo o k@ Enelani mau aumoku kaua i ka makahiki 1848, a oia hoi ka mea i kapa ia iloko o keia manawa, - na “Medala Dala Kaua Moana,” (Silver Naval Medal.)
(Aole i pau.)
KA MOOLELO O
BERIANA KA WIWO OLE
-A ME-
MAHONE KE KOA
MOKUNA XIV.
Ua hoopiha ia ke koa Mahene a me Donala me ka olioli nui no ke ko ana o ka laua mea i iini nui ai, aka, hoakaka aku la ka moneka ia laua, e hakilo pauaho ole laua uo ka enemi a hiki i ka hoopio ia a ana o ke alii Powa a me na alii Denemaka, a lilo mai hoi ka lei gula a loaa ia Beriana.
Wahi ana, heaha ka pomaikai ke lilo keia pakaua; e kaua mai no ke alii Powa me na puali kaua o na kanaka o Linster, ka poe i mokomoko aku imua o ka Moi Beriana he alo a he alo? Aole loa a loaa iwaena o Irelani a me kona mau kupa kekahi poe kanaka i lako i na mea kaua e ala kue aku i ka Moi maikai; ina e hapai kekahi manao o Irelani alaila e kanikau auanei oia nona iho ma ka hopena. Nolaila, e hakilo aku ano ae Mahone ma na paia o ka pakaua no ka hiki mai o ka enemi. He mea maopopo e hiki koke mai ana lakou me ke kaulua ole.
Pinana koke aku la ka kakou koa a me Donala ma na paia o ka pakaua, oiai hoi ua moneka nei e hoonohonoho ana i na kanaka Delakasiana ma ka ponaha waho o ka pakaua, i hiki ai ia lakou ke lele kaua aku maluna o ka enemi me ka hakalia a me ke keakea ole ia.
I keia manawa i hoopaa ia aku ai na paahao iloko o na keena paa o ka pakaua, malalo o ka malumalu o na kua hao a me na kupee hao.
I ka hala ana ae o na minute elima o ka hakilo ana o ka kakou hiwahiwa maluna o na paia mania o ka pakaua, haule aku la kona ike maluna o kekahi kaoo lio nui e holo ae ana ma ke ala mai ke awawa ae.
Eia nui ae ! eia nui ae ! e ka makua, wahi a ke koa. He nui loa o lakou. Ua ike aku nei au e hookee ae ana lakou ma ke ala mauna, a ua koho aku au i ko lakou heluna, ma kahi o ka haneri a oi aku na hooholo li@.
Oia ka’u i hopohopo ai, wahi a ka moneka i pane mai ai. O kekahi o na kanaka o Linster, ua hookaulua iki lakou maanei no ko lakou alahele o Clontarf Nolaila, ano, he mea’ pono ia kakou ke liuliu we ka makaukau me ka huna i ko kakou mau ano, i mea e loaa ai ia kakou ka lei gula.
E hiki no ia kakou ke pale aku i kekahi puali kaua ma ke ala malalo o ka pakaua, wahi a Donala, ia’u i lele mai ai mai luna mai o ka a aoao o ka pakaua me ka ukali ia ana e Mahone.
A oia anei ka mea e loaa ai ka lei gula ia kakou? wabi a ka moneka. Aole – aole loa ! E lawe pu aku auanei na Denemaka ia lei me lakou no Dubelina, ke ike lakou eia ma keia awawa ko lakou mau enemi kahi i hakilo ai ia lakou, a waiho iho i ko lakou alakai me na kanaka o Leinster e paio mai ia kakou maanei; nolaila, e pono kakou e imi i mea e paa ai na Denemaka e like me ka ke koa Mahone i hoike mai nei, na ke alii Kale i lawe aku i ka lei gula maluna o kona waapa.
Oiai ka waapa o na powa e pakika ana maluna o ka iliwai o ka muliwai ua paa ae la oia i ua lei gula nei me kona lima olohelohe iluna, a haawi mai la i na olelo kaena, aole e kaawale mai iaia aku ia lei a hiki i ka hooko ia ana o ke kaua ma ke kahua o Clontarf ; wahi a Mahone i pane aku ai. A ke kanalua ole nei au aia nome ia kahi i lolii ai a hiki i keia wa.
Ma keia po, e kaawale no mai iaia mai ia lei, a e hilahila auanei kona poe kauaka no kana mau olelo kaena, wahi a ka moneka me ka maka hulili o ka i@aina. E ku oukou a pau ma ku’u aoao e like me na mamo oiaio a Erina, a e ike iloko o ia hora popilikia, e alakai hou aku no au i na koa i ka lanakila e like me na la i kinohi a’u i komo kukonukonu ai iloko o ke kaua ana.
Ke kanalua ole nei au no ia mea e ka makua, wahi a Mahone. O kau mau alakai ana, oia ka makou e hoolohi pauaho ole. Owai o oukou ka mea lio nolo loa ? i ainau aku ai ua moneka nei, iaia i nana aku ai i na ko o lakou a pau.
Aole lio i oi aku kona mama a me ka holo ma Irelani nei, e loaa aku o Fiona ; ua haawi manawalea ia mai oia ia’u e ke alii Mukada, wahi a Mahone i pane aku ai.
Ina oia kekahi maanei e kau ai maluna oia lio ; wahi a ua kaeaea la iaia iho. Alaila haliu mai la oia ia Mahone, a pane mai la:
Ua halawai a paio aku nei oe me na kanaka e hali ana me na laau ihe loloa ? E hiki anei ia oe ke hookele i kou lio imua o na enemi e kipa mai ana ianei ?
Aole i pau.
MA KE KAUOHA.
Kaena Aina, Oihana Kalaiaina, Honolulu. Novemaba 10, 1879.
Ke hoolaha hou ia aku nei ke koena o na Palapala Sila Nui e waiho nei ma ke Keena Kalaiaina, o na Aiua malalo nei:
O A H U.
Palapala Sila Nui Inoa Aina
4521 Kanekuapuu Honolulu
6508 Keoni “
5695 C Kanaina no Lunalilo “
5656 Keo “
5723 Malihini “
6763 Kama “
5715 Piikoi “
2262 Koloa “
1915 Mahana “
2696 Kaiahua “
1638 Mauna “
5698 Kamaile “
5705 Honokaupu “
5600 Kaaumoana “
5669 Ehu “
1651 M Kamakahonu “
5620 Kaiakuaina Kahehuna “
6950 Keliiokahonua Kualoa “
6952 Kamakai “
5724 Naeole Waikiki “
2834 Kana “ “
3004 Haole “ “
6648 Nakai “ “
3501 Pali Kalihi “
5959 Kapakai Koolaupoko
3627 Papa “
3626 Naono “
3622 Kahunanui “
943 Kaluahinenui “
6481 Mahoe Koolauloa
6247 Kuapuhu “
334 Lokea “
2899 Kaeuuhe Waialua
2883 Kaoo Waianae
6615 Kalou Ewa
6557 Piikoi “
6494 Kupihea “
6428 Kupihea Kalauao “
6240 Kapoe “
4502 Namabana “
2862 Ope “
818 Humehume “
802 Puou no Kapawa “
HAWAII .
6622 Kaaloa (Martin) Kino Kau
6568 Wahine Kekeekai “
6570 Kauwila “ “
6617 Poaene Waiopua “
6619 Kapule “ “
6663 Kalua Ninole “
6591 Paahao Keaiwa “
6782 Kaahui Wiliwilinui “
3151 Kahanu Hionoa “
6670 Helehewa Hilea “
6657 Kepewa “ “
6080 Manienie “
6081 Kamauaiema “
6084 Kaleohano Kaohe Kona
6227 Kumuhea Kalema 2 “
6236 Kupo Kalama 1 “
3730 Poka “ “
4351 Kaikuahine Hokukano “
5226 Kuahuia Hokukano 2 “
3022 Kalua “
6180 Manini Keei 1 “
6014 Kaheananui Pahoehoe 1 “
6011 Kenwa “ “
6012 Kaikaina Pahoehoe 2 “
5241 Mihaka Waiea “
6106 Kanea Puaa 2 “
6319 Panee Honokua “
3325 Kumukahi Honaunau “
3889 Kaaumoana Okoe “
1360 Kupuna Hianaloli “
5478 Ioba Kaawaloa “
5236 Aupuni Honokohaunui “
5076 Kuula Honoino “
3677 Kama Kapua “
4349 Kapa “ “
3968 Ualoko Hokukano “
6655 Haumea Kukuiopai 1 “
6621 Kanapi Onouli “
6590 Kalamaia Keekee “
6588 Kahinalua Alika “
6502 H Neki Manoa “
6812 Keohokuma Honuapo “
6323 Meheula Hamakua
6309 Kamalo “
5101 Kaanaana “
6174 Kahulanui Waipio “
6666 Kaulumano “ “
5098 Kaui Kawaihae Kohala
MAUI .
3102 Kanenui Kipahulu
5965 Keawe “
5707 Apai Lahaina
5702 Peke “
5699 Kanaina no W C Lunalilo “
2910@ Holoua “
5660 Kalaipaihala “
4398 B Mamakaeha “
4377 Kaekae “
4561 Kapu Lahaina
3534 Kaweawea “
1569 B Kaai “
6511 Pohakunui Oluwalu
5005 Kalaipaihala “
6618 Kahula Honuaula
6601 Kamaka “
6581 Uluehoo “
6572 Kanakahou “
6556 Kekaulu “
6533 Anehe “
3930 Nakilu “
6575 Pupuka Kula
6571 Kahinu “
4091 Kanakaloa Waikapu
4937 Kahinu Waihee
6196 Kuauea “
3110 Poiuhane Hamakualoa
3355 Kamauu “
3660 Namokuelua “
5394 Piilali Kaanapali
4633 Nahinu “
5969 Kahula “
MOLAKAI.
6527 Kula Mapulehu
6036 Luaaka Monowai
6062 Kaneheana Kumueli
5549 Pihi Pelekunu
2970 Waimea Mapulehu
4139 Kauhanui Kumimi
3944 Lawelawe Honouliwai
6113 Kaleo Honoulimaloo
6160 Piapia Puaahala
6039 Kekuhi Pukoo
3870 Kahueia “
6038 Pua “ 2
6257 Kalino Kalamaula
6274 Kahapuu Kawela
LANAI .
6474 Haole Kaunolu
6492 Kanohohookahi Nihokela “
6512 Kawaihoa “
6669 Kaiwi “
KAUAI .
4838 Kualulo Pilaa Koolau
6288 Kaukiai Moloaa “
6307 Kuapiko Moolalaole Haena
6224 Moe “
6280 Lii Mahaulepu
6548 Hailau Niumalu Puna
Na Kanawai o ke Ola Kino.
Hoomakaukau ia Mamuli o ke Kanoha a ka Ahaolelo o 1878, ma o ko lakou Komite la ka Hon. W. M. Gibson, Hon. W. R. Castle, a me His Ex. J. M. Kapena.
Mokuna II – Helu 27
Aka, mai ku iho kakou ma kahi a na ili ulaula o Amerika me ka manao no lakou mai ka hoomaka a na o keia mai, he oiaio no paha, ua like no ke kahiko o keia mai me ke kahiko o ka hewa o ke kanaka. Ua hai mai ka Olelo Hemolele no ka mihi ia ana o keia mai maloko o kekahi hale alii a imua hoi o kekahi Moi, he elua tausani a oi makahiki i hala’e nei.
E heluhelu i na olelo a ke kanaka iloko o a ehaeha ma ka Halelu 38: “Ua pilau ko’u mau eha, ua palahe, no ko’u naaupo ana.” *** “Ua paapu ko’u mau puhaka i ka wela, aohe wahi ola iloko o ko’u io.” O keia, me na olelo a ae ma ka Halelu, ua maopopo lea ke ano o keia mai, a ma kahi o ua kanaka ehaeha la e olelo ana: “Aohe maha o Ko’u mau iwi no ko”u hewa.” me he la ua kau aku ka ehaeha a puu i ike ia a ke kanaka Hawaii o keia mau la. ka mea hoi e imi ana a kau iho i ka laau nana e lapaau a pale ae i ka ehaeha o ka hopena o kona hewa a me kona lealea lapuwale.
Pela no hoi, ma ka noonoo ana i na ano a me ka moolelo o keia ano mai, ua hoike ia a ka poe lapaau naauao loa, he mea loaa wale no na kumu ino o ka hoomaka ana iloko o ke kanaka me ka lauua ole me kekahi me a aku ma ka hana mau ana i na hana haumia a me ka hoomau ana i ke kulana lepo a pelapela o ke kino.
Nolaila, mamuli o ka laha nui ana o keia ano mai ino a hilahila a puoi na aupuni o ke ao nei – mawaena o ka poe pegana a me ka poe i hoonaauao ia, - a no ka ike na ana hoi i na manawa okoa he lehulehu wale mawaena o n lahui kanaka – a me ka hoomaopopo ana hoi i ka laha nui ana mamuli o na kumu hana ino a me ka pelapela –mai imi aku ka Hawaii i kumu a pale ae ai iaia iho, a mai ae aku ia hai e hana pela, me ke kau ana aku maluna o Kapena Kuke a me kona mau ukali ka hiki mua ana mai o keia mau mai ino, a me ka emi ana o ka lahui, oiai, oia no ke kumu o ko Hawaii nei, a me ko na wahi a ae a pau, o ka naaupo a me ke kaohi ole mai i na lealea haumia.
(Aole i pau.)
-
Hanac.-Ma ka la 5 o keia mahina, ua hanau na ka wahine o Kawailemi, ma Honolulu nei, be kaikamahine.
OLELO HOOLAHA.
E. O. HALL & SON.
(E.O. HOLO MA.)
-
NA MEA KUAI I NA MEA MAHIAI.
Na Lole, Na Pena, Na Aila, a me
Na ano Lako a me a pau he lehulehu wale. 846 Kihi o Alanui Papu me Moi. ly
He Nui Anei Kou Makemake i na Mekini Humuhumu Lole? Ina pela, alaila, e kipa mai no ma ka Halekuai
-:o:-
KAKELA A ME KUKE.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
ma ke $50 pakahi. a me ka ano MEKINI a WILCOX me GIBBS, ma ke $30 a hiki i ke $50 ke kumukuai.
I mea a pau ai ko oukou kanalua a me Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf
Kauka O. S. Cummings, M.D.
HOMEOPATIKA.
Oia ke Kauka i kamaaina mua ia oukou e na kanaka Hawaii ma ke inoa.
“KULU WAI LIILII”
Ua hoi mai nei oia, a e pahola hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretaina, ma keia aoao aku o ka luakini o kaukeano. 888 tf
ANO NO I LOAA MAI NEI !
Na Kaa Lio Holo Lealea !
Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu loka.
DILLINGHAM & CO.. 867 tf Na Agena kuai ma Hawaii nei.
OLELO HOOLAHA.
Ua papa ia na mea a pau, aole e komo hewa a lawaia me lawaia ma ua kai o ke Ahupuaa o Honoulluli, mai Pualoa aku a hiki i Waimanalo, ma ka mokupuni o Oahu, apana o Ewa. Ua hookohuia o AARONA HATTON i luna malama no na kai lawaia o Honoaliali, aohe me e ae.
Kakauia ma Honoaliali, Oct 9, 1879.
933 tf JAMES CAMPBELL
AINA KU AI A HOOLIMALIMA.
HE Kanalima Kumamaono eka aina ma Iwilei. (Makai iho o na Halepaahao) He Loko I-a. Aiaa Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J. H. CONEY, (Kuni). Honolulu. 865 ft
Amara.
OWAU o A kamu pake, ua makaukau au e hana ma na mea hao a pau loa. Na Mekini Humuhumu, na Laka Pahu i poloke, na I’u, na Kepa Bela a me na kapuni @o me ka uku olaola loa. He 75 kenela ka uku no na wawae mea a he $1.50 no na wawae a pau. E hana no a u me ka eleu a me ka mikioi loa, a he oluolu loa na kui ka uku hana. Eloaa no ko’u hale hana ma aianui Maunakea, helu 10, makai iho o ka aapo a Kapika ma ka @@@@ ma Ewa. 933 6m
KO BIHOPA MA
BANAKO MALAMA DALA !
E MALAMA NO MAUA I KE DALA O na kanaka @ loko o ka Bahako, penei: loa hoomae @ai ke kanaka hookahi i na dala $100 a emi mai paha, alaila, e uka maua: eono hapahaneri ukupanee makahiki, wai ka ia o ka lawe ana mai a hiki i ka la o koaa ohi ana, ke waimaka ke dala hoomoe i ekolu malama a keu paha. Aole ukupanee e helu ia ua ka hakina o ke dala hookahi, aole no nui no ka hapa malama.
Ina ohi koke ma I kana dala, aole i hala na malama ekolu aole ukupanee.
Ina i mau@oke kanaka e ohi i kana kala, e penee ke hoike e mai ia ma ka Banaka i kona manao ohi, i kanakolu la mamua o kona ohi ana, a o kana Ba@e kekahi ke laweia mai.
Ma ke kikoo wale no a ke mea dala a haneri ai i kana, a o ka Ba@@ kekahi ke laweia mei.
Ma ka la mua o @epatemeba i kela makahiki a i keia, e houlaulu ai i ke dala, a e hoipaia ka ukupane me ke kumupaa o na dala i hoomueia no na malama eko’u a keu. mahuahua, ke kumupaa e loaa i ka ukupanee.
Ina oi aku ke dala hoomoe mamua o $300. alaila, hooholo pu ka olelo.
E weheia @a Hale Banako i na ia hana a pau.
831 tf BISHOP & Co.
DR. RODGERS,
-OIA U-
KAUKA LOKEKE.
Ua ho@@ee ae nei i ke ae keena oihana mai ka hale ne o Anuenue ma Moaikah@ae a @oko @ ka Uale Ma. bela @@ Alanai Papa.
Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.
O koaa hale noho, ua no ma ka pa a ka Hotele Hawaii, ma kahi i noho mua ai. @@1 tf
LIO KUAI.
He Lio Kuai, he Ho maikai keia a ua ma@ i ke ka@o kaa, e ikaika, a he kupono loa ao na kaa hoo’ima@@mi. E o@@a@ ia ma ke Keena Lo’o o KAKELA. 930 tf
S. B. DOLE.
LOIO ! LOIO !
Huina o na Alanui Kalepa me Papu 924 ly
P. NUI.
LOIO ! LOIO!
O ka Ua Ukiukiu o Makawao, Maui.
Ua makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aba Keena a ka Lanakanawai Kaapuni o Maui. Eloaa no au ma ka Hale Hookolokolo o Makawao, a i ole ma Haiku.
885 ly no16
MAIKAI KA HOI KA PAPA;
-A ME-
KA LAAU O KOU HALE !
NO HEA LA ?
KAI NO HOI NO KAHI O
WAILA MA !
Nana aku no hoi ia la
Ohi ka lo o ka Laau o Makawao
I ka ua mea hoi o ka nani o
Na PAPA ! Na PAPA !!
-A ME-
NA PONO KUKULU HALE
O NA ANO NO A PAU.
Aia ma ke kihi o na
ALANUI PAPU me MOIWAHINE
HONOLULU
MALAILA E LOAA AI
E LIKE me ka MAKEMAKE
-NO KE-
KUMUKUAI MAKEPONO LOA !
-
PAPA, PAPA, PAPA,
Na Papa Huluhulu,
Na Papa Manoanoa.
Na Papa i kahiia,
Na Papa Kepa,
Papa Hole Keokeo,
Papa Hole Ulaula.
-
NA LAAU, NA LAAU
Na Kua,
Na kaola,
Na Aa@o
Ne Moli
Na Peapea,
Pine Huluhulu,
Pine i kahua
NA Papa a me na Laau Ulaula !
Pili ulaula,
Pili Keokeo,
Pani Puka,
Pani Puka Aniani.
Ipuka Aniani,
Puka Olapelepe.
-
PENA O NA ANO A PAU
Hulu Pena mai ka Liilii a ke Nui.
Aila Pena,
Aila Hoomaloo,
Waniti, Pate.
NA LAKO O KELA A ME KEIA ANO !
Na Ami Puka Hale,
Na Ami Puka P@.
ANIANI !
Pepa Hale a me na Lihilihi
E LOAA NO MALAILA.
PAAKAI HELU I O KAKAAKO me PUULOA
No ke DALA KUIKE. e loaa no na mea a pau i haiia ae la, no ke Kumukuai Emi loa, O na kauoha a pau mai Hawaii a Niihau e loa a’ku ana ia lakou, e hooko koke ia no ia me ka lawa pono.
E Kipa Nui Ilaila, i ike i ka Olalo 906 tf