Ka Nupepa Kuokoa, Volume XVIII, Number 50, 13 December 1879 — Page 1

This text was transcribed by:	Malialani Cabaniss
This work is dedicated to:	Hawaiinuiakea School of Hawaiian Knowledge

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XVIII. HELU 50. POAONO. DEKEMABA 13, 1879. NA HELU A PAU 941.

KA NUPEPA

Kuokoa me ke Au Okoa

I HUIIA.

NA OLELO HOOLAHA:--O na Olelo Hoolaha he 10 laina kakau lima, he Hookahi Dala no ka puka mua ana; elua puka ana, he $1.50; no hookahi mahina, he $2.00.

NA KANIKAU A ME NA MELE:--He 10 Keneta ka uku no ka lalani hookahi, ua like me $1.00 no 10 lalani.

HOOLAHA MAU:--E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.

E hoomanao e na lehulehu, aole e hoopukaia kekahi Olelo Hoolaha, Kanikau a me ke Mele, ke ole e hookaa mua ia mai ka uku.

MOOLELO O NA LA

O KA

Haku Visakauna Nelesona,

KE DUKE O BERONETI

KE KAUA ANA O NA AUMOKU KAUA BERITANIA,--A ME KO ENELANI MAU PAPAU LAAU, &c.

I ka manawa a ka Vanguard e holo nei ma ka Hikina-akau, me a paihiihi o kona mau kia me na pea, me kekahi wahi makani kolonahe e pa ana, ua ike koke ia mai la lakou e na aumoku Farani e kalewa nei, no ko lakou holo ana ae ma kekahi alahele, nolaila, ua kauoha koke ae la ke Komodoa Farani i kona mau moku, a ukali aku la mahope o ka Vanguard, e lawe ana hoi i ka hae o Adimarala Nelesona.

Oiai o Nelesona ma e holo nei i ka manawa i uhi mai ai o ka po, ua piu aku la ko lakou ike ana aku i keia mau moku e kalewa nei. Aka, ma ke kakahiaka nui, ua kalewa ae la ka Vanguard. He 5 mile mai na kahakai mai o Sadinia, aka, aole nae lakou i kokoke iki aku i kekahi o na awa o keia mokupuni, oiai na aumoku Farani ewalu ua kokoke loa ma ko lakou mau ao @@, ma kahi he mile hookahi a oi ke kaawale.

Mamuli o ke ano holo o na aumoku Farani mamua o ko Nelesona moku imua o ka makani, na ia mea i hookokoke loa mai ia lakou ma ka aoao o ka Vanguard, ma kahi he hapaha mile ke kaawale. Ua holo mai la keia mau moku me ko lakou holo pakahi ana ma ka laina hookahi; a mai ka moku mua loa a hiki i ka moku hope loa, he hapalua mile ko lakou kaawale.

No keia kumu a me ka holo lalani ana a na aumoku Farani, manao ae la o Nelesona, he manawa kupono loa ia nona e huli mai ai i hope, nolaila, kauoha koke ae la oia ia Kapena Haki, e huli hou ko lakou moku i hope, a ki poka ia aku la na wahi moku liilii Farani, he hookahi papa pu holookoa i ki ia aku, a loaa aku la na wahi moku liilii, ua lele liilii loa ko lakou mau wahi kia me ka pukapuka o na pea, me ko lakou mau waapa ua okaoka iloko o ke kai. Hoolana iho la o Nelesona malaila no kekahi mau minute me kona manao e holo aku ma ka aoao o na moku liilii Farani. Aka, ua ike koke ia akou la kekahi hae hoailona a ke Komodoa Farani e kau mai ana iluna o ke kia o kona moku kaua, a hoomaka mai la na aumoku Farani nunui e hoopuni i ka Vanguard ma kahi haiki loa i ka mokupuni.

No keia kumu, ua kaa aku la o Nelesona maloko o kekahi lae loihi o ka mokupuni, ma kahi hiki ole iaia ke holo hou mai iwaho, a iloko o ia manawa pokole, ua ike hou ia aku la kekahi hae hoailona a ke Komedoa Farani e kau mai ana, a hoomaka koke mai la na aumoku Farani e hooiho mai i ka Vanguard, me ko lakou manao, e holo imua a hoopuni koke ae me ka lawe pio ana iaia iloko o ka manawa pokole.

Ia Nelesona e holoholo ana ma ka oneki me ka ohenana ma kona lima, a e nana ana hoi oia mawaho a ka palekai i ke kulana o kona mau enemi, ua haawi hou ae la oia i kekahi kauoha, a ki papalike aku la na pukuniahi o kona moku, a ku aku la na aoao o na moku kaua Farani, me ka weluwelu o ko lakou mau palekai, a iloko hoi o ia manawa, ua kukai koke mai la na moku Farani eha i ko lakou mau papapu, me ka hihio ana maluna o ko Nelesona moku, me ka hakihaki ana o kekahi o kona mau kia, a o kona hae hoi, ua ku aku la a haule iloko o ke kai, aka, ua kauoha hou ae la o Nelesona, a huki hou ia ae la kona hae ma ke kia waepa o kona moku.

Oiai ko Nelesona moku iloko o kekahi kulana pilikia mai na moku kaua Farani mai, a ua makau hoi kona mau alii moku no keia kulana a ko lakou Adimarala, aka, he mea hoi ia no Nelesona e okalakala loa ai kona manao. Nolaila, ua hooholo ae la oia i kona manao, aole oia e haawi pio aku no ka nui ana o keia mau aumoku i kona, nolaila, kauoha hou ae la oia ia Kapena Haki, a hookele ia aku la ka Vanguard iloko o na kuanalu e poi mau ana, i kumu hoi no lakou e pakele mai ai mai na aumoku Farani mai.

O keia kuanalu i komo aku ai o ko Nelesona moku, ma ka aoao hema no ia o ka mokupuni o Sadinia, a e holo ana kekahi puu one nui e ku ana, he kanahiku anana ke kaawale mai ka lae pohaku mai, me ka hoopuni ia ana e na nalu e poi mau ana, me ka hakahaka hoi o kekahi aoao a i kekahi. A he wahi hoi keia na Nelesona i holoholo mau ai iloko o na makahiki elima, oiai oia maluna o ka moku kaua Agemona i kona manawa he kulana Kapena, a ma kahi kokoke loa i keia lae i hoouka ai oia i kekahi kaua me ka moku Farani Milepomina, oiai oia ma kona alahele ma ka hikina loa o ke Kaiwaenahonua. A no kona ike ana i kona pilikia mai na aumoku Farani mai, ma ka hoopuni ia ana o kona moku me ka hiki ole hoi iaia ke hoopuka hou aku iwaho, nolaila, ua holo koke aku la oia mawaena o ka puu one me ka lae pohaku, mawaena o na nalu, a kuu aku la kona heleuma maloko o ka puu one, ma kahi he elima wale no anana ka hohonu. A ua lilo hoi keia komo ana a ko Nelesona moku i mea e hoohoka ia ai ke Komodoa Farani, oiai, ua makau oia ke alualu aku ia Nelesona maluna aku o na nalu e poi ana iluna o na lae pohaku.

No keia holo ana o ko Nelesona moku maloko o keia lae, ma kahi hiki ole hoi i ke Komodoa Farani ke alualu aku i kona enemi, he mea hooukiuki loa ia iaia me ka wela o kona manao, nolaila, ua kauoha koke ae la oia i kona mau aumoku ewalu, a kuu iho la ko lakou mau heleuma ma ka aoao mawaho o ka puu one, ma kahi he hapalua mile mai ko Nelesona moku mai.

Oiai na aumoku Farani e kiai nei ia Nelesona, ma kahi haiki loa. Ua manao paa ke Komodoa Farani, he mea hiki loa iaia ke lawe pio mai ia Nelesona, mai ka mana aku o kona mau waapa kaua, nolaila, ua kauoha koke ae la oia i kona mau aumoku, e hookuu na waapa nunui iloko o ke kai me ka makaukau, a i hoopiha ia hoi e na koa he 300, me na pukuniahi liilii he 15, a ua kaa hoi ke alakai ana o keia mau waapa malalo o kekahi mau Kapena o keia mau aumoku a ua lako hoi kela a me keia koa Farani, i na lako kaua pakahi. Ma ka hora 3 o ua la nei, ua kauoha koke ae la ke Komodoa Farani i na waapa kaua, a haalele koke aku la lakou i ko lakou mau aumoku, a hoe aku la mawaena o na nalu e poi mau ana, a i ko lakou kaapono ana maloko o ka puu one, ua ike koke aku la no lakou i ka hae o Adimarala Nelesona, e kau mai ana ma ke kia waena o kona moku.

Aole i pau.

Na Kanawai o ke Ola Kino.

Hoomakaukau Ia Mamuli o ke Kauoha a ka Ahaolelo o 1878, ma o ko lakou Komite la ka Hon. W.M. Gibson, Hon. W.R. Castle, a me His Ex. J.M. Kapena

MOKUNA II--HELU 31.

Nolaila, e nana a e hoomaopopo i keia mau Rula, i mea e pale aku ai i na mai ino:

Rula 1--E auau kela a me keia kane a wahine maloko o ke tabu, a pakeke a umeke paha i piha me ka wai maemae hou me ke sopa (castile) i hookahi auau ana o ka la, a maikai loa nae i elua auau ana o ka la, i ke kakahiaka, mahope o ke ala ana ʻ e, a mamua o ka hoi ana e moe ma ka po.

Rula 2.--Mai hele ino oe. e hookapu ioa. E pale ae i na waiona a pau. Aole o na waiona wale no i lawe ia mai e na haole, aka, o na wai awaawa kekahi i hana ia e kanaka mailoko mai o ke ki, uala, panini wai ko ipu a ano e ae. Mai ai nui loa i ka puaa momona, aole hoi ai ui i na momona o kela me keia ano. Ke ulu mai na hiona lapuwale iloko ou, no ka momona mai ia, nana e hoowela i ke koko. a hoonioni i na manao makemake. He mea pono ka noho oluolu ana i maikai ai ke ola a loihi na la.

Rula 3.--Mai hiamoe me ke kapa ole. Mai hiamoe me ka paa o ka malo a paupau paha ma ka puhaka. He hoopaa ana ia a hoowela hoi ia mau wahi. a lilo i mea hoano e i ka hoomaha ana. E hiamoe mau me ka lole moe po lilina a keokeo maoli paha, me ka poholoholo a oluolu no ke kino.

I na me ka malama ana i neia mau rula oia kino ae la, a e loaa ana no nae ka mai ino i kekahi Hawaii mamuli o ka paakiki naaupo, alaila, e nana pono i ka

Rula 4.--E hoao i na laau penei: E inu i apu, i hookahi piha puna nui paakai naha, i hookahi a oi aku manawa, a hiki i ka hemo oluolu ana o na lepo o loko o ka opu; a ia manawa pu no, e holoi akahele i kahi o ka eha, a e pale loa i ka ai ana i na ia hoinoino a me na mea inu hoolauwili, e like me na mea i hai ia ma ua Rula 2 a me 3. He mea keia e kue aku ana, aole no ke ola ana; aka, e hooi aku ka malama ana i ka

Rula 5.--Mai kaukai i kau lapaau ponoi ana, a i ka ko hoalauna paha, ka mea i ike ole mamua o kou no ka lapaau ana. Ua manao oukou, ka poe Hawaii, he mau mai haole na ano mai kaokao. Nolaila e pono e kaukai aku i na kauka haole no ka lapaau ana a ola pono.

O kekahi oe o oukou. ua maa me na laau haole, a ua lapaau no hoi a ola kekahi mau mai ma ko lakou mau kino ponoi iho a me kekahi poe e aku. Aka, aole loa nae e maopopo pono ka ola loa a me ka hemo ana ʻ ku mailoko aku o ke kino. He maikai no na nanaina, ua ola na puha a me na eha, aka, aia no ka mai iloko o ke koko, kahi i waiho ai, a e hu mai ana mahope akuy ma kahi wahi o ke kino, a e hala ole ana ke kau ana aku o ka mai ino a me ka make maluna o na mamo a oukou. Ua ike no ke kauka haole akamai i ka wa e pau loa ai ka mai mai ke kino aku.

Nolaila, i ka wa o keia mai weliweli e kau aku ai maluna o oukou, e na kane a wahine paha, e hele koke i na he mea hiki no ke kokua a me na ao ia mai ma ka Halemai Moiwahine. A ina aole hiki ke hele ilaila, mai nele i ka hele aku i ke kauka haole naauao e noho ana ma ia apana a mokupuni paha, a kuka pu, a hai aku i na mea a pau iaia. Mai huna i kekahi mea, i loaa ai ke kokua a ola oe.

Ua oleloia, o ka mai kaokao i hoopalaleha ia, e huli ana i ka mai lepera ka hopena Me ke akaka ole o ia mea, ua maopopo no nae, o na mai ino i ulu mai mamuli o na lealea haumia wale, ua pili no ia i ka mai ino i hoowahawaha nui ia a i hookaawale ia mai ka pili pu ana me na kanaka e ae o ke ao nei.

Ua makemake anei oukou na Hawaii e pale ae i keia lua mimilo o ka honua nei? Alaila e malama i ko oukou mau kino, a e hoomaemae a e akahele ma na mea a pau i na manawa a pau.

Aole i pau.

MA KE KAUOHA.

Keena Aina, Oihana Kalaiaina, Honolulu, Novemaba 10, 1879.

Ke hoolaha hou ia aku nei ke koena o na Palapala Sila Nui e waiho nei ma ke Keena Kalaiaina o na Aina malalo nei:

OAHU.

Palapala Sila Nui Inoa Aina

4521 Kanekuapuu Honolulu

6508 Keoni "

5695 C Kanaina no Lunalilo "

5656 Keo "

5723 Malihini "

6763 Kama "

5715 Piikoi "

2262 Koloa "

1915 Mahana "

2696 Kaiahua "

1638 Mauna "

5698 Kamaile "

5705 Honokaupu "

5600 Kaaumoana "

5669 Ehu "

1651 M Kamakahonu "

5620 Kaiakuaina Kahehuna "

6950 Keliiokahonua Kualoa "

6952 Kamakai "

5724 Naeole Waikiki "

2834 Kana " "

3004 Haole " "

6648 Nakai " "

3501 Pali Kalihi "

5959 Kapakai Koolaupoko

3627 Papa "

3626 Naono "

3622 Kahunanui "

943 Kaluahinenui "

6481 Mahoe Koolauloa

6247 Kuapuhi "

334 Lokea "

2899 Kaeuuhe Waialua

2863 Kaoo Waianae

6615 Kalou Ewa

6557 Piikoi "

6494 Kupihea "

6428 Kupihea Kalauao "

6240 Kapoe "

4502 Namahana "

2862 Ope "

818 Humehume "

802 Puou no Kapawa "

HAWAII.

6622 Kaaloa (Martin) Kiao Kau

6568 Wahine Kekeekai "

6570 Kauwila " "

6617 Poaeae Waiopua "

6619 Kapule " "

6663 Kalua Ninole "

6591 Paahao Keaiwa "

6782 Kaahui Wiliwilinui "

3151 Kahanu Hionoa "

6670 Helehewa Hilea "

6657 Kepewa " "

6080 Manienie "

6081 Kamaualena "

6084 Kaleohano Kaohe Kona

6227 Kumuhea Kalema 2 "

6236 Kupo Kalama 1

3730 Poka " "

4351 Kaikuahine Hokukano "

5226 Kuahuia Hokukano 2 "

3022 Kalua "

6180 Manini Keei 1 "

6014 Kaheananui Pahoehoe 1 "

6011 Keawa " "

6012 Kaikaina Pahoehoe 2 "

5241 Mihaka Waiea "

6106 Kanea Puaa 2 "

6319 Panee Honokua "

3325 Kumukahi Honaunau "

3889 Kaaumoana Okoe "

1360 Kupuna Hianaloli "

5478 Ioba Kaawaloa "

5236 Aupuni Honokohaunui "

5076 Kuula Honoino "

3677 Kama Kapua "

4349 Kapa " "

3968 Ualoko Hokukano "

6655 Haumea Kukuiopae 1 "

6621 Kanapi Onouli "

6590 Kalamaia Keekee "

6588 Kahinalua Alika "

6502 H Neki Manoa "

6812 Keohokuma Honuapo "

6323 Meheula Hamakua

6309 Kamalo "

5101 Kaanaana "

6174 Kahulanui Waipio "

6666 Kaulumano " "

5098 Kaui Kawaihae Kohala

MAUI.

3102 Kanenui Kipahulu

5965 Keawe "

5707 Apai Lahaina

5702 Peke "

5699 Kanaina no W C Lunalilo "

2910 1/2 Holoua "

5660 Kalaipaihala "

4398 B Mamakaeha "

4377 Kaekae "

4561 Kapu Lahaina

3534 Kaweawea "

1869 B Kaai "

6611 Pohakunui Olowalu

5005 Kalaipaihala "

6618 Kahula Honuaula

6601 Kamaka "

6581 Uluehoo "

6572 Kanakahou "

6556 Kekaulu "

6533 Anehe "

3930 Nakilu "

6575 Pupuka Kula

6571 Kahinu "

4091 Kanakaloa Waikapu

4937 Kahinu Waihee

6196 Kuauea "

3110 Poiuhane Hamakualoa

3355 Kamauu "

3660 Namokuelua "

5394 Piilali Kaanapali

4633 Nahinu "

5969 Kahula "

MOLOKAI.

6527 Kula Mapulehu

6036 Luaaka Monowai

6062 Kaneheana Kumueli

5549 Pihi Pelekunu

2970 Waimea Mapulehu

4139 Kauhanui Kumimi

3944 Lawelawe Honouliwai

6113 Kaleo Honoulimaloo

6160 Piapia Puaahala

6039 Kekuhi Pukoo

3870 Kahoeia "

6038 Pua " 2

6257 Kalino Kalamaula

6274 Kahapuu Kawela

LANAI.

6474 Haole Kaunolu

6492 Kanohohookahi Nihokela "

6512 Kawaihoa "

6669 Kaiwi "

KAUAI.

4838 Kualulo Pilaa Koolau

6288 Kaukini Moloaa "

6307 Kuapiko Moolalaole Haena

6224 Moe "

6280 Lii Mahaulepu

6548 Hailau Niumalu Puna

938 4t

OLELO HOOLAHA.

E.O HALL & SON

(E.O. HOLO MA.)

NA MEA KUAI I NA MEA MAHIAI

Na Lole, Na Pena, Na Aila, a me

Na ano Lako e ae a pau he lehulehu wale.

846 K@@ i o Alanui Papu me Moi. 1y

He Nui Anei Kou Makemake i na

Mekini Humuhumu Lole?

Ina pela, alaila, e kipa mai no ma ka Halekuai

KAKELA A ME KUKE.

A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.

Ka MEKINI a SINGER,

ma ke $50 pakahi, a me ke ano

MEKINI a WILCOX me GIBBS, ma ke $30 a hiki i ke $50 ke kumukuai.

I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho.

862 tf

Kauka O.S. Cummings, M.D.

HOMEOPATIKA.

Oia ke Kauka i kamaaina mua ia oukou e na kanaka Hawaii ma ka inoa,

"KULU WAI LIILII"

Ua hoi mai nei oia, a e pahole hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano.

888 tf

ANO NO I LOAA MAI NEI!

NA KAA LIO HOLO LEALEA!

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kua mai o ka Hui o Cortland ma Nu Ioka.

DILLINGHAM & CO.

876 tf Na Agena kuai ma Hawaii nei.

OLELO HOOLAHA.

Ua papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Puuloa aku a hiki i Waimanalo, ma ka mokupuni o Oahu, apana o Ewa. Ua hookohuia o AARONA HATTON i luna malama no na kai lawaia o Honouliuli, aohe mea e ae.

Kakauia ma Honouliuli, Oct 9, 1879.

933 tf JAMES CAMPBELL.

AINA KUAI A HOOLIMALIMA.

He Kanalima Kumamaono o ka aina ma Iwilei. (Makai iho o ka Halepaahao) He Loko I-a, Aina Kalo, Aina kau Paakai, aina kula a me ke kai. A me kekahi mau eka aina ma Peleula. He aina kalo, aina kula a me ke kai. He oluolu ke kuai ana. E ninau ia J.H. CONEY, (Koni).

Honolulu 883 tf

Amara.

Owau o Akamu pake, ua makaukau au e hana ma na mea hao a pau loa. Na Mekini Humuhumu, na Laka Pahu i poloke, na Pu, na Kepa Bele a me na kapuai ho me ka uku oluolu loa. He 75 keneka ka uku no na wawae mua a he $1.50 no na wawae a pau. E hana no au me ka eleu a me ka mikioi loa, a he oluolu loa no hoi ka uku hana. E loaa no koʻu hale hana ma alanui Maunakea helu 10 makai iho o ka uapo a Kamika ma ka aoao ma Ewa. 923 6m

KO BIHOPA MA BANAKO MALAMA DALA!

E malama no maua i ke dala o na kanaka maloko o ka Banako, penei:

Ina hoomau mai ke kanak hookahi i na dala $700 a emi mai paha, alaila, e uku maua i eono hapahaneri ukupanee makahiki, mai ka ia o ka lawe ana mai a hiki i ka la o kona ohi ana, ke waihoia ke dala hoomoe i ekolu malama e keu paha. Aole ukupanee e helu ia no ka hakina o ke dala hookahi. aole no hoi no ka hapa malama.

Ina ohi koke oia i kana dala, aole i hala na malama ekolu aole ukupanee.

Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

Ma ke kikoo wale no a ka mea dala e haa@i ai i kana, a o ka Buke kekahi ke laweia mai.

Ma ka la mua o Sepatemaba i keia makahiki a i keia, e houluulu ai i ke dala, a e haipoi ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa a loaa i ka ukupanee.

Ina oi aku ke dala hoomoe mamua o $300 alaila, hooholo pu ka olelo

E weheia ka Hale Banako i na la hana a pau.

851 tf BISHOP & CO.

DR. RODGERS,

OIA O

KAUKA LOKEKE.

Ua hoonee ae nei i kona keena oihana mai ka hale ae o Ailaene ma Monikahaae i loko o ka Hale Mu. Helu 84 Alanui Papu.

Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai

O kona Hale noho, aia no ma ka pa o ka Hotele Hawaii, ma kahi i eono mua ai.

581 tf

LIO KUAI.

He Lio Kua he lio maikai keia a ua maa i ke kano @@@@@@@ a he kupono loa no na kaa @@@ @@@@ E ninau ia ma ke Keena Loio o KAKELA. 920 tf

S.B. DOLE.

LOIO! LOIO!

Huina o na Alanui Kalepa me Papu.

924 1y

P. NUI.

LOIO! LOIO!!

O ka Ua Ukiukiu o Makawao, Maui

Ua makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku.

885 1y no16

MAIKAI KA HOI KA PAPA!

A ME

KALAAU O KOU HALE!

NO HEA LA?

KAI NO HOI NO KAHI O

WAILA MA!

Nana aku no hoi ia la

Ohi ka lo o ka Laau o Makawao

I ka ua mea hoi o ka nani o

Na PAPA! Na PAPA!!

A ME

NA PONO KUKULU HALE

O NA ANO NO A PAU.

Aia ma ke kihi o na

ALANUI PAPU me MOIWAHINE

HONOLULU

MALAILA E LOAA AI

E LIKE me ka MAKEMAKE

NO KE

KUMUKUAI MAKEPONO LOA!

PAPA, PAPA, PAPA,

Na Papa Huluhulu, Na Papa Manoanoa, Na Papa i kahiia, Na Papa Kepa, Papa Hole Keokeo, Papa Hole Ulaula.

NA LAAU, NA LAAU

Na Kua, Na Kaola, Na Aaho, Na Moli, Na Peapea, Pine Huluhulu. Pine i kahiia

NA Papa a me na Laau Ulaula!

Pili ulaula, Pili Keokeo, Pani Puka, Pani Puka Aniani, Ipuka Aniani, Puka Olepelepe.

PENA O NA ANO A PAU

Hulu Pena mai ka Liilii a ke Nui, Aila Pena, Aina Hoomaloo, Waniti, Pate.

NA LAKO O KELA A ME KEIA ANO!

Na Ami Puka Hale, Na Ami Puka Pa

ANIANI!

Pepa Hale a me na Lihilihi

E LOAA NO MALAILA.

PAAKAI HELU 1 O KAKAAKO me PUULOA

No ke DALA KUIKE. e loaa no na mea a pau i haiia ae la, no ke Kumukuai Emi loa, O na kauoha a pau mai Hawaii a Niihau e loaaʻku ana ia lakou, e hooko koke ia no ia ma ka lawa pono.

E Kipa Nui Ilaila, i ike ka Oiaioi,

904 tf