Ka Nupepa Kuokoa, Volume XIX, Number 2, 10 January 1880 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Kuokoa me ke Au-Okoa

I HUHA.

No ka Makahiki, @2. Eono Mahina, @1.

Dala Kuike ka Rula.

 

POAONO IANUARI 10. 1880.

HE MAKANA I KA MAKUA

REV. L. LAIANA.

 

NA KA AHAHUI KULA SABATI O KO

HAWAII PAE AINA.

 

He mea hoike i ke aloha ku i ka mahalo piha, ka hoomaikai nui, i ka Makua ahonui a me ka pa@aho ole, ma ka hoolele ana i ka malamalama, ka olelo a ke Akua, a me ka oholi o na mele iloko o na Kula Sabati, mai Hawaii a Kauai iloko o kona mau la hapawea. "Ua aloha oe i ko makou lahuikanaka."

Kula Sabati o Waimea, Hawaii, $201; Waihee, Maui, 120; S. Kohala, Hawaii, 80; Kaumakapili, Oahu, 60; Waipio, Hawaii, 56.25; N. Kohala Hawaii, 50; Wainee Maui, 50; Hilo Hawaii, 50; Wailuku Maui, 43.93; Hamakua-waena Hawaii, 40; Hamakua Hawaii, 30; Olowalu Maui, 25; Kawaiahao K., 25; Kookena Hawaii, 21.70; Keauhou Hawaii, 20; Kaanapali Maui, 20; Waiohinu Hawaii, 20; Kaala Hawaii, 15; Maunahoano Hawaii, 15; Haiku Maui, 15; Onomea Hawaii, 12; Lihue Kauai, 11; Waimea Kauai, 11; Peleula 10; Hauula 10, Ewa 10; Kalihi & Moa@ 10; Kailua 10; Kaneohe 10; Hakalau 10; Kolo@ 10; Laupahoehoe 10; Kekaha 10l Waikane 7; Keaiwa & Punaluu, Kau Hawaii, 10; Waikapu 6.62; Waimanu 5.75; Kahan@ 5; Keanae 5; Anahola 5; Kona-waena 5; Kapalilua 3; Keal@kekua 1.75. Huina $1,1146.00.

Ua mahalo makou no keia makana a na Kula Sabati ia Laiana Makua, a i mea hoi e lawa pono ai ka makana, he mea pono ke pakui pu ia mai me keia mau haawina waiwai na anoi ana a ka poe haawi e kauo ana ia lakou e hoolohe a e hooko oiaio i ua mau haawina nei o ka Makua. Ua oi aku ka waiwai o ka hoolohe ana i ka oiaio mamoa o na momi.

 

Hoike lubile o na Kula Sabati o Oahu.

E like me na mea i hoolaha moa ia no na mea e pili ana i ka Hoike lubile o na Kula Sabati o Oahu, ua hooko ia ia mau mea ma ka Posha lan. 1. M. H. 1880.

Ua akoakoa na Kula Sabati a pau ma ka lu@kini o Kawaiahao mamua ae a ka hora 10. a ma ka hiki pono ana aku i ka hora 10 a.m. ua hoomaka mai la ke kai ana o na Kula Sabati hoonohonoho ia ma ka huakai loihi, a i alakai ia e ke kani kapalulu ana a ka pahu a me kekani paiakuli a na ohe a na ui o Hauula. Ua hoomaka maila ka hele o ka huakai ma ke alanui Moi, a huli ma ke alanui Nuuanu, a huli hou ma ke alanui Beritania a hoolulu mawaho iho o ka luakini o Kaumakapili, ke kehua o na hana o ka la.

Mahope iho o ke kali ana no kekahi mau minute, ua pau pono aku la ka huakai iloko o ka hale a o ka panina o ka huakai oia no na puhi ohe "kanika wi" a me na hookani pahu kapalulu, na hua a Kaapu o "ka ua Mankua."

I ka pau pono ana aku o na Kula Sbati iloko, ua hele mai la ka halepule a lehau i na makaikai, ua piha pono o loko a kiei wale mai mawaho.

Aia maluna o ka Awai o ka luakini, ua boomahuahua ia kona nui a palahalaha, maluna olaila na makua o ka pono a me kekahi poe e ae, oia keia malalo iho: Kauka Hai, Binamu, S.E. Bihora, Henry Water house, Paikuli, Waiwaiole, Kaapu, P. Kanoa, Rev. L. Kamikana, Rev. Daimana, Paaluhi, a me Rev. Kekahuna.

Ua hoomaka na hana ma ka hora 10:30. Ua wehe ia na hana o ka la me ka himeni ma ka aoao 64 o ka Lei Alii, a pau ia, pule mai o Kauka Hai.

Hora 11 ponoi, na hoike ia ke Kula Sabati Hoi o Kalihi me Moanalua o Joe ke kumu, ua maikai no na ninau a nanahe na himeni.

Hora 11:5, ua kahea mai ke Kahu Kula Sabati Nui i ke Kula Sabati o Ewa, ua neo, aole i hiki mai.

Ia manawa no, ua kahea ia ke Kula Sabati o Waianae. Ua himeni mai la ia kula "Nani ke Alii Kiekie" ma ke alakai ana a Aarona maikai. Ninau ia na wahine e ke kumu wahine; a na Kaawaloa i ninau na kane uwila na ninau me na haina.

Hora 11:15. Kahea ia ke Kula Sabati o Waialua u@ neo, aole i hiki mai. Ia wa no na ku mai la ke anaina holookoa a himeni i ka himeni ma ka aoao @6 o ka Lei Alii.

Hora 11:20 he haiolelo na S. B. Dole ua pili i ka Hape Nuia; e mahalo ana i na Hawaii ma ko lakou mau manao ponoi iho, na puehu aku na akua kii; a o ka mea @no nui ana i hoike mai ai. O ka malama i na home, alaila pau ke kanalua ana no ka pilikia no ke komo nui ana mai o na lahui e ma Hawaii nei.

Hora 11:25, he haiolelo na Kiwini, (hope Kahu Kula Sabati @ Kawaiahao) e pili ana i na Home Hawaii, ke ano o ka noho ana o na kanaka, manao ano nui, "e aloha Akua, aloha Ohana a me ke aloha lahui na kumu e oni paa'i na Home Hawaii." Ua maikai kona mau manao i haku ai, ano kanakamakua, uwila maka hai ana i ka olelo a eleu na lima ma ka lawelawe ana.

Hora 11:35. Ua hoike ia ke Kula Sabati o Kawaiahao, ua ku mai la na opio a himeni me kekahi himeni haole, ko ke ano o ka leo o na opio liilii. Ua haawi iana ninau e D K Pa, a ua puana like mai la na opio i @a haina me ka maikai, a pau na ninau, he himeni Hawaii ka panina. Ua eleu ke kumu ma ka ninau ana. Hora 11:40, ua ku mai la ke Kula Sabati Hui o Haula ine Kahana, oia na hua ohaha maikai a Kaapu i paeli ai ma kona kihapai.

Ua alakai i@ keia Kula Sabati e G. P. Koekoe; mamua o kona haawi ana aku i na ninau, ua pahola ae la oia he mau kipona olelo hoakaka imua o ka lehulehu no na mea e pili ana ia kula a me ka lakou mau hana a me ke kuhikuhi ana ae i ko lakou hae i kakau ia penei; "Kula Sabati o ka Hoka Hikina." Ua mahalo ka mea kakau i ka pahee o ko lakou alakai me he aila la, ua nui kela papa eleu na haawina a ua nani na himeni.

Ua himeni mai la lakou i kekahi himeni e pili ana no ka Moi. Hora 11:55, ua kahea ia ke Kula Sabati o Waikane, hookahi no wabi haumana i hiki mai ma ke alakai ana a Aikue, Paa pono na haina o na ninau mahalo.

Hora 12 ponoi, he himeni hui na ke anaina holookoa, Lei Alii, aoao 71.

Hora 12:5 ua komo mai la ka Hooilina Moi me kona mau ukali.

Ia manawa no, ua ku mai o Rev. Damon a haiolelo mai la ma ka olelo Beritania i unuhi ia e Rev. S. E. Bihopa; ua hoike mai ma na mea pili i ka pohaku kihi i hanaia ma ka Hale Alii Hou ma ka la mua iho, a au hoohalike mai oia i ka Baibala ka pohaku kihi maikai a na Misionari i lawe mai ai a hookahua ma Hawaii nei.

Hora 12:12. He haiolelo na His Ex. J. M. Kapena. Ua hoike mai oia i na mea pili Kula Sabati, a ua hoike mai oia i kekahi mau olelo ano nui, he olelo kaulana na Kaahumanu "Na luakini ka pa kaua," eia hoi kana, "Na Kula Sabati na pou ha-na o na luakini." Aohe aupuni ke ole na kula Sabati; "Aia iloko o na kula Sabati e mau ai he wahi mana kuokoa o Hawaii nei."

He nui aku na huaolelo momona ana i luai mai ai a na ka poe i hiki aku malaila i omo aku me ka ono. O ka huaolelo hope lo@ ana i pahola mai ai imua o ka lehulehu oia keia, "Hape Nuia oukou a pau loa" -- A ua piha hauoli ae la ke anaina, --Uwila kana olelo.

Hora 12:21 hoike ke kula Sabati o Kaumakapili a me konn mau panalaau, ua maikai no.

Hora 12:30 oia ka manawa no ke kula Sabati o Kaneohe -- nahenahe na leo mele, paanaau na haawina.

Hora 12:35 ua komo mai la ka mea Hanohano Keelikolani, a ia manawa no, ua himeni mai la ke anaina i ka himeni hui "Hawaii Ponoi."

Hora 12:40 ua kahea ia ke kula Sabati o Waimanalo a ua ku mai ekolu mau haumana aoo a na Rev. Waiwaiole i ninau na haawina, ua ku i ka eleu na haina, piha hauoli ke anaina.

Hora 12:45 he haiolelo na Rev. Kamikana no Amerik mai i unuhi ia ma ka olelo Hawaii e Rev. S. E. Bihopa.

Ua hoike mai oia i ke kulana like ole o ka noho ana o keia lahui ana e ike maka nei, me ka mea ana i ike ai ma ka moolelo o Kapena. Kuke a me Opukahaia.

Ua hoopuka mai oia he mau ninau imua o ka lehulehu, a ua makemake nui oia e loaa aku na haina mai ka lehulehu aku; a eia kekahi mau ninau ma ke ano nui.

O ka hapa aha o keia lahui i ike i ka heluhelu me ke kakaulima ma ka awalika ana? Ua pane ia aku ka haina e J. M. Kapena; "Ua pau loa i ka ike i ke kakau me ka heluhelu."

I ka wa hea i loaa ai i na misionari ka mahalo ia? haina. Mai mua loa mai no.

O ka pomaikai i loaa i keia lahui mai na misionari mai anei ia? Ae.

Ua hoopuka hou mai la kela i kekahi ninau ano pili i ka lilo nui ana o na Amerika no ka hoouna ana mai i na misionari ma Hawaii nei, oia hoi, ua like me na lilo no ka hana ana i ke ala hao he 50 mile ka loa.

Ua panai ia aku ka olelo ma ia ninau; He mea pono ole ka ohikihiki ana mai i na manao pela ke ano; oiai ua loaa i ke kamahele mai na wahi mai a pau o ka honua he uluna e hoomaha ai kona poo ma na ipuka hale o na @li@ o Hawaii nei, oia ka loaa ana o ka maluhia i na malihini kamahele ma keia mau mokupuni.

O kana olelo hope loa "E hoi ana oia a hai aku i kona lahui i na haina oia mau ninau a me na hiona ana i ike ai no keia lahui." A he mahalo piha kona no hana o ka la.

Hora 1:5 he olelo puipai na Rev. Paikuli "O ka pono o na mea a pau oia ka mea e kuikahi ai na lahui a pau."

Hora 1:7 kokua mai o Kaapu i na mea mua.-- manao paipai, "E kukulu i na home ma ke aupuni Hawaii."

Hora 1:8 kokua mai o Rev. Waiwaiole i ka J. M. Kapena no na mea pili kula Sabati.

Hora 1:12 ua noi mai o J. Iwa i ka Peresidena o ka la, "E oluolu ia e himeni hou mai ke kula Sabati hui o Hauula me Kahana i ka himeni e pili ana i ka moi me ka Hooilina Moi." Ua himeni hou ia mai la ku i ka eehia.

Hora 1:15 he olelo paipai na Kauka Hai.

Hora 1:20 na Henry Waterhouse "E komo iloko o ka halelana" a mahope iho oia, hehimeni hui me ka pule hookuu.

Ma ka hora 1:25, ua hoomaka na kula Sabati a pau e kai aku ma ka lanai paina kuhi e hoopiha ia ai ko lakou mau houpo lewalewa--Ua luluu na papa aina me na mea ai ono.

O ka pau @na ia o na hana o ka Hoike lubile o na Kula Sabati a pau o ka mokupuni o Oahu.

MEA KAKAU.

 

HE MAHALO A ME KA HOOMAIKAI.

O makou o ka Ekalesia makuahine o Kaumakapili, mamuli o ka lokomaikai o ka lehulehu i pahola mai ia makou, ma ka makou lulu luakini o ke Sabati i hala ae nei. Nolaila, ke haawi ar nei makou i ka hoomaikai nui i ka Makua Lani, ka mea nana i olelo mai. "aole mea iki e hiki ia oukou ke hana ke ole au." "Owau pu no me oukou a hiki i ka hopena o keia ao." Ke haawi pu aku nei hoi makou i ke aloha i ke Alii ka Hooilina Moi, no kona naue ana mai e ike i ka hana a kana poe keiki, ke haawi aku nei makou i ka mahalo i ko makou poe komite, nana i lele aku me he manu nunu la, a hoi mai me na lau oliwa. Ke haawi aku nei hoi makou i ka mahalo i ma mea a pau i pahola mai i ko lakou mau puuwai aloha i keia hana nui no ka pono o ke aupuni o ko kakou Haku. Ke kalokalo ae nei makou i ka Makua Mana Loa, e hoopomaikai a e hoomaikai mai i ka poe a pau i hoohui mai me makou i na koni a me na pan@ ana o ko lakou mau puuwai no keia heiau o ko kakou Akua. A ke noi ae nei makou i ka Makua Lani, e kala mai i ka poe lili a kue a hoino a keakea mai i ka hana a ka Haku, a makou e lawelawe nei me na lima nawwaliwali, no ka pono o na uhane he nui. O ke aloha o ka Haku o lesu Kristo me oukou a pau. Amene.

M. KUAEA.

Kahu Ekalesia o Kaumakapili.

 

He walohia Aloha no Ainini Makaole.

Hoko o na la hope o ka makahiki i aui hope ae nei, ua lawe ia aku mai waena aku o keia noho ola ana a i ka noho ola mau loa ana ma kelu aoao o AININI MAKAOLE. O kona wahi noho, aia no ia mawaho ae nei o Kawaiahao, e pili pu ana me ka pa o P. Naone. He hoahanau ia no na makahiki loihi ma ka ekalesia ma Kawaiahao.

Oia kekahi o ka poe i hookomo hope loa ia iloko o ka ekalesia e Binamu Makua, mamua ae o kona hoi ana aku i Amerika. Mai kona wa i komo ai a hiki i kona la hope, ua ike ia oia he wahine haipule. Aole haule na halawai o ka hale o ke Akua ia ia, ke ole ka mai, a kumu e ae paha; aole no hoi au i ike ua hookolokolo ia oia no kekahi hihia imua o ka ekalesia. He wahine aloha ia i kana kane, a ma ona la i hooko ia ai ka olelo, " na ka make wale no e hookaawale."

O ka nui o na makahiki o ko Ainini ola ana ma ka honua nei, ua aaeane piha ke kanawalu makahiki. Mamua nae o kona lawe ia ana aku, au moe oia i ka mai he aneane umikumamalima makahiki, Iloko o ia mau makahiki loihi o kona waiho ana i ka mai na kana kane aloha i hanai ia ia i ka ai, a nana no e hooponopono kona wahi moe.

A iloko o ka makahiki hope loa o kona ola ana, aohe huaolelo i puka ma kona waha, no ka mea, he lolo kona mai; a au hoopilikia ia na kileo o kona puu e ka mai.

Ua ike au i keia wahine mai ka wa i hoomaka ai ka mai maluna ona a hiki i ka hopena o ke kino. He nui no hoi na poe mai e ae a'u i ike ai iloko o na makahiki a'u i noho Kahu ekalesia ai; aka, aole i loaa ia'u ka lua o Ainini ma ka hoomanawanui, ke akahai a me ke kupaa o ka manaoio.

Ma ka la Sabati hope loa o kona ola ana, oiai au puha ka makahiki a oi o kona ekemu ole ana i kekahi huaolelo, haalele mai la oia i ka ai me ka luliluli ana o kona poo ke haawi ia aku.

Kulou aku la ke kane, a ninau aku la, "Pehea oe e Ainini?" Owaka ae la kona waha, a pane mai la oia me na huaolelo maopopo loa: "Ua makaukau."

O kona pane hope loa ia; aole i ekemu hou. A iloko o ia la ua hookuu mai la oia i ko ke kino opala, a hoi aku la ia i ka poli o ka Makua. Lanakila! Pomaikai.

Ua kakau au i keia moolelo pokole no Ainini, a no na hoahanau a pau iwaena o ka lahuikanaka Hawaii.

He hanohano kilakila ko Kenela Kalani. He lei alii i hulali me na momi ko ka Moiwahine Victoria; aka, o ka hulali nani o ka malumalama e hoopuni ana i ka holoku keokeo o ko Ainini uhane ma ke ao lani, aohe hiki i ko ka honua nei nani ke launa lihi aku. Ua loaa ia ia ka mah@ a me ke ola maloko o ka poai o na puali o ka lani. Ke hauoli nei au i na la mua o ka makahiki hou no ka loaa ana he heluna hou mai loko aku o ka pahipa o lalo nei a e noho ana iloko o ka pa maluna. He hua keia o ka laau o ke Ola i kanu ia ma ke one Hawaii. A wia iho no iwaena o kakou ma na mokupuni a pau, he mau hua no, aole e pau ana.

PALEKA.

Kawaiahao, Jan. 5, 1880.

 

NO KE KULA HANAI O HALEIWA.

E KA NUPEPA KUOKOA. Aloha oe:--

E oluolu oe a me kou hookele e hookomo iho i keia mau wahi mau mamala olelo a makou i imi nui ai na kou oluolu hoi e lawa hele aku i ike mai ai hoi na makua o makou, na pohii, na kupuna, na kaikunane, na kaikuaana, na hoahanau, a me na hoa aloha o makou a pau e noho mai la i Hawaii o Keawe; o oe hoi e Maui o Kama hapai pu, e Kauai o Mano e kui like mai kakou i lawa keia lei nani o Hawaii nei. Oia hoi keia o ka home a makou e noho nei ua ano kahiko hoi kona kulana ke nana aku ia hona i ka hinuhinu o ke pena, nolaila ke poloai ia aku nei ko oukou oluolu e na makamaka a pau e lulu lima pu kakou iloko o ka nupepa, a e lu iho hoi i ka hua a ke aloha ma ka poho lima o ko oukou oluolu, i na ua haohao oukou i keia ke hai aku nei no makou i kona inoa o Haleiwa no ia; nolaila hoi o makou no hoi o na opio a oukou i hoouna mai ai e noho iloko o kona malu ua ike makou i ka hemahema o kekahi mau rumi ona, nolaila. eia ka ninau, he oluolu anei oukou e noho makou iloko o na wahi hakahaka? Ke puana like mai no oukou aole. Nolaila hoi makou e poloai aku nei ia oukou e haawi iho i makana, i mau wahi apana dala e like me ko oukou aloha.

Oiai hoi, ua ike iho makou i loko o ka nupepa o ka la 6 o kela mahina i hala, i ka makana a ko Amerika i keia Halekula hanai o na kaikamahine $1000. Pehea hoi o Hawaii ponoi, e pono e ku a e hoala hou i neia home nani, kahi hoi i alakai pu ia ai ka pono, a me ke ola o na uhane o kakou e na Hawaii mai kanalua oukou, oiai o makou naaupo no keia e noi aku nei ia oukou, aohe hoi kahi mea i maa i ka noonooana o neia hana he hoola me keia, o ka mua keia o ko makou olelo pu ana me ka Nupepa Kuokoa, no ka nui o ke aloha i kahi e hoonaauao ia ai.

Eia ke noi i ko oukou oluolu, i na ua hewa kahi o ka makou mau olelo, e kala mai i ko makou hemahema oiai he ao hou. A i na hoi ua hoao pono aku oukou, hauoli pu ae kakou iloko o ka Haku i hoopomaikai ia kakou ma ka inoa o Iesu Kristo.

O ka piha ana keia o ko makou manao me oe e ka Nupepa Kuokoa. A wia ko makou mau inoa malalo iho.

Hattie Kawaiku

Esther N. Kaiaikawaha

Michel M. Keone

Annie Cooper

Anna Solomon

Clarissa Kahawaii

Ruth Kamakee

Mary Harry

Mary Beers

Emeline Gordon

Annie Gleaner

Fanny Chesebro

Waialua, Oahu.

 

NA LETA A NA MAKAMAKA.-- Ua loaa mai ka A P Kalaukoa, o Kohala Akau, Hawaii, he manao paipai i na makaainana e koho aku ia ia i Lunamakaainana, e puka aku ana no.

--Ua hai ia mai ke kokua aloha ana o Mr. & Mrs. Kaiue, i ke kahu o Kapaa, Kauai, me ko lakou haawi nui ana. He hana mahalo ia keia.

--Eia me makou ka manao paipai holo Lunamakaainana o Charles Henry Pulaa, o Honomakau, Kohala, Hawaii. E puka aku ana no.

--Ua loaa mai ka E. P. o Kohala, e hai mai ana i ka nui o ke kaumaha o Rev S C Luhiau i ka make ana o kana moopuna i ka la 10 iho nei o Dekemaba, Wailehua Kauialolea.

--He lono mai a J. Haole mai, no ke kuana ae ma Kahului, Maui, he moku, a he ohana okoa kai hiki aku me na lako mahiai ana ma ke kula o Kamaomao, malalo o C. Spreckles.

--Ua loaa mai nei na "Papahi" a ka hui Kawaluna, o ka panalaau eehia o Kalawao, e umi iki ke aho a oili aku i ka aui ana ar o keia hebedoma e naue nei.

 

NU HOU! NU HOU!

MAHOPE AKU O KA LA 1 0 IANUARI, 1880, E HOOmaka ana makou malalo o na rula

DALA KUIKE

I ka Loaa ana aku o ka Waiwai i ka Mea Kuai.

E hookahua ana makou i ka makou oihana

 malalo o ke DALA KUIKE, e

kuai iu aku anu na lako wai-

wai a pau no ke Kumu-

kuai malalo iho o ka

MEA I IKE IA MAMUA

E LIKE ME KA LILO

He Huina nui ko makou o na Oo, Kopala,

Ho, &c., &c. i kuai ia mamua ae o ka

hoopii ia ana o ka auhau o ka poe

nana i hana.

HE MAU LAKO NUI KO MAKOU

-O NA-

PALAU

A makou e kuai aku ai no ka @7 a hiki i

ka $7.50 Malalo iho o ke Kumukuai

mua no kela a me keia PALAU.

 

Ano ko oukou manawa kupono e looa ai na waiwai makepono loa.

E hele mai Hookahi, E hele mai a pau loa.

DILINAHAMA MA.

942tf

37 Alanui Papu.

 

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

Aia kona Keena Oihana maluna ae o ka Hale Kuai Buke o Wini me Robikana.

867 tf

 

RICHARD F. BICKERTON,

[PEKETONA.]

LOIO  a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

Ua makaukau mau oia i ka hana ana i au Palapala pili kanawai o kela a me keia ano.

Ua hiki no hoi iaiai ke hoaie dala aku ma ka moraki ana ina aina, ma ka ukupanee haahaa loa.

E hanaia na hana me ka hikiwawe a ma ka uku haahaa.

Keena hana, Helu 23 Alanui Kalepa, elua puka ma o aku o ka hale kauka o Kauka Minuteole.

840ly

 

TIMOTHY KALAEONE.

He Loio a he Pale ma ke Kanawai.

IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa.

895 ly Jan. 25.

 

INO. LOTA KAULUKOU.

LOIO A HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. Eloaa no au ma Heeia Koolaupoko, a ma Honolulu no hoi i kekahi manawa.

901tf

 

PAPA, PAPA

AIA MA KAHI O

LEWERS & DICKSON!

(O LUI MA.)

 

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa

 

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aila e ae o na ano a pau.

 

NA WAIVANIKI

A ME NA

WAI HOOHINUHINU NANI!

on a ano a pau loa.

NA BALAKI ANO NUI WALE

A ke hai ia aku nei ka lono i na makamaka a

pau, ua makaukau keia mau makamaka

 o oukou e hoolawa aku ma

na mea a pau e pili ana

ma ka laua oihana

NO KA

 

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai! E na Makamaka!!

A e lawa no hoi ko oukou makemake

me ka oluolu a me ka maikai !

845 tf

 

A valuable

Medical Discovery

Reuter's

Life

Syrup

(NUR@@ BERTRAND.)

LAAU LAPAAU

WAIWAI LOA!

Oia

KA WAI OLA A REUTERA.

He laau keia i imi ia a loaa e kekahi kahu mai kaulana, o Bertrand kona inoa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou ke mea i hanaia noloko ae o na LAU NAHELEHELE a me na aa o na laau ulu o ka nahele i huiia, he ono ma ke ai ana, he ala ma ka honi ana, a he pumehana kona ano. He laau hoonoha ikaika kela me ka hoeha ole ana i ka opu a ma ka hoopaliua ole. Aohe nawaliwali ka mai mahope o ka a ana i keia laau, e like me ka naha ino ana o kekahi mau laau e ae, he kupono no ke ai na keiki liilii a me ka poe nawaliwali loa me ka hopo ole. He laau hoola maopopo keia i ka opu paa, a me ka inoino o ka opu waiho ai, a me na mai a pau-@ pili ana i ka opu. He laau hooikaika no hoi keia i ke AKEPAA, a he mea e no hoi ka hikiwawe o kona hoomaemae ana i ke koko, a me na mai a pau o ke kino. No ka mea, mao kwia laau la i hookuke ia aku ai na haumia a pau iloko o ke koko. He like ole me keia na laau e ae, oiai e ai ana ka ma me na huaale hoonaha me ia mau laau, aole hoi peneia.

 

Ka Wai Oia a Reutera,

Aka, ua lawa iloko on a na hoonaha ana a me na hoomaemae ana i ke koko a pau.

A ME

 

KO BARRY LAAU HOOLA EHA.

HE LAAU HAMO A HE LAAU AI.

He laau hoola keia iloko o ka minute hookahi, E HOAO!

o

A. W. RICHARDSON,

Oia o LIKIKINI Opio, ka Agena no keia mau laau no ke aupuni Hawaii.

931 3m 943

 

S. AUKAI.

LOIO! LOIO!!

UA ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu.

898ly

 

WILLIAM O SMITH.

LOIO! LOIO!!

Alanui Kaahumanu, Honolulu, Oahu.

391yl

 

KALE KULIKA,

LUNU HOOIAIO PALAPALA KUAI,

Molaki, a me na palapala oia ano.

LUNA HOOIAIO PALAPALA

Aelike mawaena o na Haku me na Kauwa.

Luna Haawi Palapala Ae Mare

Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina.

906 tf

 

KA BUKE KUHIKUHI

NO KA PAPA HELU

A ME

NA MEA PILI KALEPA

O KE

AUPUNI HAWAII

A HE

ALAKAI NO NA HUAKAI KAAHELE.

E loaa no maloko o keia BUKE KUHIKUHI e hoolaha la aku ana na wehewehe ana i kahi, ka oihana a me kahi noho o na kanaka mea oihana e noho ana ma keia mau mokupuni i na he kanaka Hawaii, a kanaka o na aina e mai paha.

E hoike pu ia aku ana no hoi maloko o keia Buke ka papa inoa piha o na mahiko, na mahina ai me na aina hanai holoholona, ko lakou kahua, na agena, na mea lawelawe, na Hale leta, a me ke kaawale mai ke Kulanakauhale Alii mai.

Ka papa inoa o na moku malalo o ka Hae Hawaii a me kekahi mau mea waiwai e ae.

O keia BUKE KUHIKUHI e hhoowaiwai mai ana ia i ke kanaka mea oihana e like me na hoike ana iloko o au Buke la ma na mea pili i ko kwia aupuni.

Eia maloko o keia BUKE KUHIKUHI na hoakaka waiwai ana i ke kulana o na kanaka Kalepa, na kanaka paahana hana ike, na kanaka lawelawe waiwai paa, na kanaka lawelawe mahi, na loio, na mea malama Hotele, napoe kaahele, a me he mea la, e pau lo ana i ka hoike ia na kanaka mea oihana ma ko lakou mau kulana pakahi.

A e komo ana no hoi iloko oia Buke na kanaka mea oihana a pau loa o na mokupuni a pau i hoonohonoho papa ia ma kela taona keia taona, a kauhale paha, a e hoike ana i ka inoa o na malihini i hoonohonoho pololei ia.

E hoike aku ana i na hoakaka piha ana no na mahiko, na mahi raiki, na mahina ai. me na aina hanai holoholona, ka inoa o na ona, na mea lawelawe a agena paha, ke kaawale o na mahiko mai ke Kulanakauhale Alii aku (Honololo) a mai na kulanakauhale e ae paha, ka inoa o na alanui, a pela aku.

Kahi kupono i ka noho ia ma kela me keia mokupuni a me na lilo o ke kamahele, a e hoowaiwai nui ana keia Buke i ka malihini kaahele.

I ka wa e pau pono ai na hemahema o keia Buke, e komo aku ana ma na lima o na poe lawelawe oihana mahi ma na mokupuni a me ka poe i ake nui ia e loaa na hoolaha ana iwaena o lakou.

He mea hou loa keia Buke, a o na mea i hoakaka ia maloko, he hiki ke hilinai ia.

He Buke keia no Hawaii nei, a he pono ke lawe nui ia.

E hookomo pu ana me kekahi mau olelo hoolaha. Uku no na Olelo Hoolaha:--no

ka aoao hookahi, $20.00

Hapalua aoao, $13.00

Hapaha aoao, $7.50

Kumu kuai o ka Buke ke pa@, #3.00.

GEORGE BOWSER,

MEA HOOLAHA.

941 6M 967

 

C. C. Coleman.

Amara a he Mea Hana Mekini,

Kapili Kapuai Hao Lio

A ME KA

Hana ana i na Kaa Lio, &c.,

Hale Hana ma Alanui Alii. e kokoke la i

905 ke Alanui Papu. tf

 

CHRISTIAN GERTZ

Mea Hana Buti

ME

KAMAA MAOLI!

Alanui Papu, makai o ke Keena o Lui & Dickson !

KE HAI AKU NEI OIA I NA MEA A PAU,

Ua hoi mai oia mai Kapalakiko mai,

Ilaila Oia i hoi kino mai nei i na waiwai

nani a pau o kanu oihana, a ke

waiho ia aku nei no ke ku-

ai ana no na kumukuai o ka manawa

HE MAU WAIWAI PIHA O NA BUTI!

 

Na KAMAA HAAHAA a me na ano kamaa

no na Lede. Na Buti, na Kamaa Haa-

haa a me na ano kamaa e ae a pau

no na Keonimana.

NA BUTI & KAMAA HAAHA!

AME NA ANO KAMAA E AE A PAU

NO NA KAMALII!

NA KAMAA O NA ANO HE NUI

O NA KAMAIKI OPIOPIO.

O neia mau mea a pau ua hanaia me ke akamai loa a me ka paa o na ano hou loa, a ke hooia ia aku nei ia mau mea e like me ka mea i olelo ia.

E laweis no na kauoha mai na Mokupuni e me ka maiau a me ka eleu.

942 3m

DR. RODGERS,

OIA O

KAUKA LOKEKE.

UA hoonww ae nei i kona keena oihana mai ka hale ae o Ailwene ma Monikahaae a iloko o ka ilale M@, helu 54 Alanui Papu.

Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.

O kona hale noho, aia no ma ka pa o ka Hotele Hawaii, ma kahi i noho mua ai.

881tf

 

LIO KUAI.

HE Lio Kuai, he lio maikai kela a ua maa i ke kauo kaa, he ikaika, a he kupono loa no na kaa hoo'imalima. E ninau ia ma ke K@en@ Lolo o KAKELA

830 tf