Ka Nupepa Kuokoa, Volume XIX, Number 3, 17 January 1880 — Page 4

This text was transcribed by:	Brenda Mendiola
This work is dedicated to:	Kiana & Ke'alohilani Mendiola

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

Kuokoa me ke Au Okoa

I HUIIA.

No ka Makahiki, $2. Eono Mahina, $1.

Dala Kuike ka Rula.

PO AO NO, IANUARI, 17, 1880.

Song of Faith.

Hymn Service. p. 26

I na @ke ae au me Abela ;

Ho mai ia like no'u ;

I na @ke ae au me Abela,

Pomaikai no au.

Ref. He alana maikai e

Ka ia la i kai ae,

A hoopono ia mai

A lanakila e.

I na like ae au me Enoka;

Ho mai ia like no'u;

I na like ae me Enoka,

Pomaikai no au.

Ref. Launa oia, Launa mau

Me Kona Akua e,

A pii eheu i ke ao,

A lanakila e,

I na like au me Aberama;

Ho mai ia like no'u;

I na like @u me Aberama,

Pomaikai no au.

Ref. Lohe ia a hele ae

Mai kona aina ae,

A hoopono ia mai,

A lanakila e.

I na no'u ka manao io ola,

Ho mai ia mea no'u,

I na no'u ka manao io ola,

Pomaikai no au.

Ref. Iesu, e haawi mai

Ia mea e ola'i,

Ke Aloha me ka hilinai,

A lanakila e.

HAWAII.

Kaawina Kula Sabati,

HELU 5. SABATI FEB. 1, 1880

KUMUHANA.

Na haumana oiaio. Pauku Baibala. Mat.

5, 1-16.

1 KE ae la o Iesu i ka nui o na kanaka, pii aku la ia i kekahi mauna; a noho iho la ia, hele aku la kana mau haumana io na la.

2 Oaka ae la kona waha ao mai la oia ia lakou, ia mai la.

3 Pomaikai ka põe i haahaa ka naau ; no ka mea, no lakou ke aupuni o ka lani.

4 Pomaikai ka põe e u ana ; no ka mea, e hooluoluia'ku lakou.

5 Pomaikai ka põe akahai ; no ka mea e lilo ka honua ia lakou.

6. Pomaikai ka põe pololi, a makewai no ka pono ; no ka mea e hoomaonaia lakou.

7 Pomaikai ka poe i aloha aku ; no ka mea, e alohaia mai lakou.

8 Pomaikai ka põe i maemae ma ka naau ; no ka mea, e ike lakou i ke Akua.

9 Pomaikai ka põe uwao ; no ka mea, e i ia lakou he poe keiki na ke Akua.

10 Pomaikai ka põe i hoomaauia mai no ka pono ; no ka mea, no lakou ke aupuni o ka lani.

11 E pomaikai ana no oukou, ke hoino mai kanaka ia oukou, ke hoomaau mai no hoi ; a no'u nei, e olelo wahahee mai ai ia oukou i na mea ino a pau.

12 E hauoli oukou, e olioli nui hoi ; no ka mea, he nui ka uku no oukou ma ka lani, pela lakou i hana ino aku ai i ka poe kaula mamua o oukou.

13 @ O oukou no paakai o ka honua ; aka, in a pau ka liu o ka paakai, pehea la ia e liu hou ai? Aohe ona mea e pono ai ma ia hope, e kiol@ wale ia iwaho e hehiia'i e na kanaka.

14 O oukou no ka malamalama o ke ao nei ; o ke kulanakauhale i ku ma kahi kiekie, aole ia a nalowale.

15 Aole i hoa ia ke kukui i mea e waiho ia'i malalo iho o ke poi, aka, ma kahi e kau ai o ke kukui, i malamalama no ka poe a iloko o ka hale.

16 Pela oukou e hooakaka aku ai i ko oukou malamalama imua o na kanaka, i ke mai ai lakou i ka oukou hana maikai ana, a i hoonani aku hoi lakou i ko oukou Makua i ka lani.

Pauku Gula. p 14. Hoopaanaau.

Mele. "Kau e ike ke ao." Lei Alii, p 43.

Pule e lilo kakou a apu i mau haumana io na Iesu. Ka wehewehe me ka ninau ana.

Ma ha helu 4 ua ike ia ko Iesu lanakila ana maluna o Satana. A o ka haalele no ia o Satana ia ia no kekahi manawa. A hele mai na anela e lawelawe no Iesu.

Ma ia manawa, aole i koho ia na haumana a Iesu. Hoi aku la oia mai ka mauna kahi i hai ia ko 'ku ai oia e Satana, a hoomaka koke e hai aku i ka euanelio, e olelo ana, e mihi oukou, no ka mea, no kokoke mai nei ke aupunui o ka lani. Owai ka i olelo pela mamua Ke aupuni o ka lani, heaha ke ano? Ke aupuni o ka Mesia, he aupuni uhane. No ka uhane ia, aole no ke kino. No ka @@@ hou. ao ka poe i hoohana hou ia e ka Uhane Hemolele ma keia ao, a ma keia au ma ka lani a hiki ke hui pu me ko ka lani poe a pau. @@ iloko o oukou ke aupuni o ka lani, w@hi a Iesu. Mahea ka l@@ kai @@ ana i ka eusoelio? Mahea ke ko@@ @@ a@@ i na haumana? Uwai na ha@@a @ ua? Heaha ka lakou oihana? Heahe kaIesu olelo ia lakou? Ae anei lakou i kana paipai ana? Mat. 4; 18-22.

Ia ia i k@@hele ai ma Galiaia, heaha ka na mau hana, me ka hana a kanaka? 4; 23-25.

Mok. 5; P. 1,2. Nui anei na kanaka i hahai ia Iesu? No keaha: I ko Iesu ike ana, ua nui loa na kanaka e hahai ana, pii ae la oia ihea? Owai la ia mauna? Aole i hai ia mai ka inoa. Aia no nae ia ma Galilaia. Ka inoa i haawi ia e kekahi poe. Ka mauna o na Pomaikai. Owai ka i pii pu ae? Noho iho ia Iesu. Pela ka poe haiolelo ma ia aina, a ma ia manawa, noho ilalo aole ku iluna. Oaka ka waha e aha? Mahea kekahi akoakoa ana o ka poe Iseraela mamua i ka manawa ia Elia? Owai a mahea ia mauna? No keaha hoi ia akoakoa ana? 2 Na Lii. 18; 19-21. Owai ka i halawai pu ma Mauna Sinai? Owai ma na Mauna o Gerisima me Ebala? Iosua 8; 30-25. No keaha?

No keaha keia halawai ana ma ka Mauna o na Pomaikai? Owai ka luna haiolelo? O keia luna, me ka mea i kamailio pu me Mose ma Mauna Sinai, hookahi anei laua? Mahea ka like ole o na olelo ma Sinai me na olelo ma ka mauna o na Pomaikai? Nana a heluhelu Ioane 1; 17.

P 3. Heaha ka pomaikai mua? Nowai hoi ia? He poe haahaa lakou ma ka lani. A o ka poe haahaa ma ka naau ma keia ao, lakou ke komo aku iloko o ka lani a hui pu me na anela me Iesu, &c; Nana a heluhelu. Hal. 51; 17. Sol. 16; 19, 29; 23. Is. 57; 15, 66; 2. Elua nae ano o ka naau haahaa, he haahaa oiaio, he haahaa hookamani, a mahalo ola ia e ke Akua.

P. 4. Heaha ka pomaikai elua? Nowai ia pomaikai? He u aha keia? He u mihi no ka hewa @ekahi. He u ae i ka hookaumaha ia kekahi me ke noi aku i ke Akua e hooluolu mai a e hoolilo ia kaumaha a kanikau i mea e pono ai, &c. Is. 61; 2, 3, 40; 1, 2. Mat. 11; 28. Elua no nae ano o ka u ana, he u kupono i ka hooluolu ia, a he u kupono ole, he u no ka hewa, a he u no ke kino e pili ana i keia ao, a e hoahewa ana i ka ke Akua mau hana.

P. 5 . Heaha ka ha o na pomaikai? Nowai hoi ia? Ane like ia me ka p. 3. Ka haahaa, ke akahai he mau hua lana na ka Uhane Hemolele. He akahai malalo ae o na olelo ino na hana ino, ka huhu ka inaina, ka hooluhi ia, ka hoomaau ia. No lakuu ka honua. E loaa no ia lakou na pono o ka honua nei a o ke Kanaana hou ma ka lani. E imi nae i ke akahai a ke Akua e makemake ai, aole o ke akahai kupono ole i ka mahalo ia.

P. 6. Heaha ka lima o na pomaikai? Nowai hoi ia? Pololi, makewai, heaha ke ano? Ka ii@i nui ana e loaa ka pono nui, ka hemolele, ke ano like me ko ke Akua, ka pono o ka ke Akua olelo, ka pono uahane, ka pono lani. E loaa ana no a nui, maanei kekahi, ma ka lani ka lawa loa.

P. 7. Heaha ke ano o na pomaikai? Nowai hoi ia? No ke aloha io keia i hoike ia ma 1 Kor.13. E aloha ia ia poe, a e hookipa ia me ke aloha io iloko o ka lani.

P. 8 Heaha ke hiku o na pomaikai? Nowai hoi ia? He maemae naau aha keia? Ka maemae no ka Uhane Hemolele mai. Aole o ka maemae a ke kanaka i mahalo ai. Aohe naau maemae hookahi iwaena o na kanaka. Ua paumaele na naau a pau. Aia a holoi ia e ke koko o Iesu, a hoomaemae ia e ka Uhane Hemolele, ailaila, ua maemae ka naau, ua makaukau e ike i ke Akua a noho pu me ia ma ka lani.

P. 9. Heaha ka walu o no pomaikai? Nowai hoi ia? Ka poe uwao e imi e hoopau i na kue, i ka enemi, i ka huhu, i ka hoomauhala, i ka hoomau i ka makua hana a e hoolaulea, e hookuikahi. Lakou ke kapaia he mau keiki na ke Akua. No ke aha? No ka hoohalike ana me ke Akua ka mea @ imi e hoopau ke kue ana o na kanaka ia ia ma ka haawi ana mai i ka Uwao nui oia hoi Iesu kana keiki hiwahiwa. Ke ano ia o ka uwao io. E hoole oe i kekahi mau pono ou i mea a pau ai ka enemi o kekahi a kuikahi oia me kona hoa.

P. 10. Heaha ka 9 o ka pomaikai? Nowai hoi ia? Ka poe i hoomaau ia no ka hana pono, no ka malama i ke Akua a ia Iesu a ahonui lakou, a hoomanawanui, a hoomaau ole aku aka, hana maikai aku, hanai aku ke pololi, hoohainu i ka wai ke makewai, hoa@hu ke nele i ka lole ole, hoomauhala ole, oluolu, &c. Lakou ke komo ana me ka poe haahaa iloko o ka lani.

P. 11, 12. Hai paanaau mai i keia mau pauku. Ua loaa anei kekahi poe i hana ia pele mamua, a i neia manawa hoi? A ua ahonui, hoomanawanui anei amlalo ae o ia mau hana ino, me ka hauoli nui hoi? A ua nui wale. A pehea lakou ma ka lani? Pela anei oukou ke hoohalike ia me lakou?

P. 13. Owai ka paakai o ka honua? Pehea ke pau ka liu o ka paakai?

P. 14. Owai ka malamalama o ke ao nei? He kulanakauhale aha hoi? Owai n@@ ka malamalama nui o ke ao nei? Nohea mai ko kakou malamalama?

P. 15, 16. He mea aha ke kui? He mea aha hoi ko oukou malamalama? Ke hana nei anei oukou pela? Ke hoike aku nei anei i ka pono, i ka olelo a Iesu, i ola mao Iesu la, maanei, o kakou i ka hoolaha aku i ko na aina e? Hai like mai i ka pau@u g@la.

Mele. "Kani na bele." Lei Alii, p. 46.

Pule i hoolaha ia ka euanelio a lohe ko na aina a pau.

H@@wina no Feb. 8. Mat 5; 17-26.

@@lelo o ka Ahahui Euanelio o Hawaii Hikina.

Halawai ka aha hui euanelio o Hawaii Hikina ma Haili, Hilo i ka la 31 o Dec. M. H. 1879 hora 10 a.m. e like me ka hoopanee i ka halawai i hala. O ka lunahoomalu mua ma ka noho. Eia na kahu a me na elele i hiki mai.

Ekalesia Kahu Elele Hakalau & Laupahoehoe.

Onomea Rev. J. H. Pahio M. Nawaahelu Haili

" T Coan M. Puaa

" J. S. Kalana Poula

" J. N. Kamoku D. Kapahee Opihikao & Kalapana J. W. Kealo Kapaliuka, Kau

Na lala mau Rev. D. B. Lyman, Rev. A O. Forbes, Rev. P. Barenaba, J. paakaula, a me Dr. C. h. Wetemore.

Ma ka pa lote, ua koho ia o Rev. T. Coan i lunahoomalu a o J. N. Kamoku i kakauolelo.

Koho ka lunahoomalu i ke komite imi hana. Eia no lala, A. O Forbes, J. H. Pahio, a me J. S. Kaiana.

I ka wa i kaawale ai ke komite, ua malama ka aha i wa haipule. Ma ke noi a Kamoku e lilo o K. Paulo a me J. W: Kipi i mau hoa kuk@, ua ae ia.

Heluhelu mai o Forbes ka lunahomalu o ke komite i na kumuhana elima, ua apono ka aha.

1 Hapalua hoa haipule i ka hoomaka ana o ka hana i kela a me keia la, malama ka aha i ka wa haipule.

2 Na mea pili i ka oihana kahu ekalesia ma na kihapai o keia aha, na Pahio i hoakaka mai i na hana a ka haku ma na ekalesia kahu ole o Hakalau a me Laupahoehoe ua makaala ia mau kihapai i ka hana a ka Haku, ua ulu na hana o ka pono i ko lakou wa e noho kahu ole nei, aole mea kanalua i na e loaa ana ko lakou kahu e malama pono ia ana kona ola, a ua makaala ke komite i ka malama i kela mau kihapai.

Hoike mai o Paakaula i na hana a ka Haku ma ka ekalesia hui o Kalapana me Opipikao, waiho nui o Kealo he palapala kahea na ka ekalesia hui o Kalapena a me Opihikao ia Rev. J. S. Kalana i kahu no lakou, ua kuka nui ka aha a @a ke noi a Forbes e waiho aku i keia palapala ma ka lima o kamea i kahea ia , a nana no e noonoo a hoike mai i keia aha i ka mea kupno i kona manao, ae ia.

Hoike mai o Kamoku no ke kihapai o Puula, noi mai o Forbes e hoomau aku i ko Pahio noho komite ana no na kihapai o Hakalau a me Laupahoehoe, ua apono ia.

Noi mai o Paakaula e koho ia o S. K. Mahoe, A. Kaleopaa, J. W. Kahuluna a me Piihoonua i mau hoa kuka, ua kokua ia, noi mai o Forbes e hoopanee ka halawai a ka horn 1:1.2 p. m. ne ia, ua hoopanee ia me ka pule a Kalama.

Hui hou ka aha, pule o Pahio, noi mai o Paakaula e lilo o Ed. Kekoa i hoa kuka, apono ia.

3 Na hana kula Sabati.

Noi mai o Kekoa e hoakaka mai ke komite i ke ano o keia kumuhana, ua hoakaka piha mai o Forbes, ua kuka nui ku aha a hoomoe ia, noi mai o Forbes e hoolohe ka aha i ka manao o Mr. Kalana no ka palapala kahea a ka ekalesia hui o Kalapana a me Opihikao, hoike mai la o Mr. Kalana i kena manao, (@) ua minamina nui au i kela leo kahea o ka ekalesia (hu@ia) aka, ua hoopaa mua ia au me ka ekalesia makua o Haili. (e) Ao'e he ae mai o ka'u wahine e hele hou aku ma kahi e, a ke waiho aku nei au na ka aha e noonoo mai no keia mea, ma ke noi a Forbes e koho ka aha i komite e kuka pu aku me Mr. a me Mrs. Kalana a pono ia.

Eia na lala oia komite, Forbes, Pahio a me Kamoku.

Noi o Forbes e hoopanee ka halawai a ka Poalima i ka hora 9 a.m. ae ia, heluhelu ia ka moolelo a apono ia, hoopanee ka halawai me ka pule a ka lunahoomalu.

La hana elua, Poalima, Jan. 2,

M. H. 1880

Halawai ka aha i ka hora 9 a. m. kahea ia n@ moa, malama ia ka hapa hora haipule me ke mele ana i ka himeni 182.

Hapai ia ke kumuhana 4 hoeueu ekalesia. Ua kuka nui ka aha a hoomoeia. Heluhelu mai o Forbes i ke koena o na kumuhana a a ponoia.

Heluhelu mai o Forbes i ka hoike a ke komite i hui ai me Mr a me Mrs Kalana.

Ua hana ko oukou komite e like me ka mea i kauohaia, ua hui ka hapu nui o ke komite me Rev. J S Kalana a me kana wahine, a ua kuku pu, a ma ia kuka ana, ua maopopo ke kumu keakea nui i ka hooko ana ia leo hea, oia no ka hoole loa ana mai o Mrs Kalana aole e hoi a noho ma ia ekalesia.

Nolaila, he hana i koe mailaila, a ke minamina pu nei makou me kela ekalesia i ka haule pu hou ana o ka manaolana, e loaa koke ke kahu no ia kihapai nei, a ke paipai aku ne makou ia lakou e hoomanawanui a e noi pu aki kakou i ka Haku i loaa mai ke kahu kupono no lakou ma keia hope aku.

A. O. Forbes,

Komite

J. H. Pahio,

Noi mai o Forbes e koko ia o J. N. Kamoku e malama i na kihapai kahuole o Puna, a pono ia. Koho hou ka aha @ J. Paakauia i komite e kaahele ma na ekalesia o Hilo, a o Rev. J. S. Kalana no Puna, ua apono ia.

5 Heluhelu Haawina,

Heluhelu mai o Pahio i kana haawina Kan. 32:39 hapa hope, heluhelu mai o Kalana i kana II Kor 7:10, heluhelu mai o Kamoku i kana: Owai na mea kupono ke bapekikoia. A ua kuka nui ia keia kumumanao a ua loaa na manao waiwai nui.

Noi mai o Kalana e hoopanee ka halawai a ka hora 1:1 2 p.m. hoopanee ia me ka pule a Paakaula.

Hui hou ka aha; kahea ia na moa, noi mai o Forbes e kuho ka aha i komite imi haawina, koho ka lunahoomalu ia Forbes Pahia, a me Kalana.

6 Na oihana Hoolaha euanelio.

Ua kuka nui ka aha, a mahope oia kuka ana, ua heluhelu mai o Forbes i ka olelo hooholo. Hooholo ia.

E hooikaika na kahu o keia aha e imi i mau mea kupono e lilo i mau keiki na keia aha, a e lawe mai ia lakou i ka halawai o Aperila e hiki mai ana.

7 Kahi a me ka manawa e hui hou ka aha. E hoopanee ka aha a hui hou ma Haili, Hilo, i ka Poaha ekolu o Aperila M. H. 1880 hora 10 a. m. Heluhelu ia ka moolelo a apono ia. malama ka aha i ka hapalua hora haipule a hookuu aku la.

J. N. KAMOKU, Kakauolelo,

Waiakea, Hilo, Jan. 9, M. H. 1880

Na La Haipule o ka Makahiki hou.

Ua pau na la pule hui o keia makahiki ma ka Poaono i hala ae nei. Oia na la i hookaawale ia e kekahi poe haumana a ka Haku he lehulehu wale ma na aina malamalama i wa e haipule hui ai, me ka hoolokahi ana i ka manao pule maluna o na kumu hookahi. Ua hoolaha ia ia mau kumu pule a ua ike ka poe heluhelu a puni ko kakou mau moku. Ua lokahi anei ka manao o ka poe i ike i @a kumu hana o ka pule mua o keia makahiki? ua lokahi anei ma ke noi ana 'ku i ka Hoku a me ka haawi ana i na mahalo ana no kona lokomaikai piha i hoike ia mai maluna o ko kakou aina iloko o na au i halu, a hiki wale i keia wa? Uaike mapopo ia, iwaena o na haumana @ ka wa kahiko loa, ua loaa na pomaikai nui ia lakou i ka wa a lakou i noho ai me ka manao lokahi. Akoakoa ae la na haumaua i ka la Penetekoka me ka manao lokahi, a i ko lakou wa e noi ana, hiki koke mai la ka hoopomaikai ana maluna o lakou ia wa no. A ua ao nui ka Haku in a haumana e lokahi ma ka pule. Ina he ake ko na haumana Hawaii e loaa na pomaikai nui iloko o keia makahiki, a e ola lanakila ke kihapai o Kristo, me ka ike ia o na hoopomaikai nui ana iwaena o na uhane o kanaka, e pono e hana lokahi, a e pule lokahi, a e kokua nui mai no ka Haku o ka pawaina.

Ma ka nana ana i ke kahua o na hana pono iwaena o kakou ka lahui Hawaii i keia wa, ua nui na mea keakea i ka holo pono ana o ke aupuni o ka Pono iwaena o ka lehulehu. Ua nui ka lealea i keia wa. Ua ulu ka puniwaiwai a piha ka manao o kanaka no ka waiwai. Ua mahuahua mai na hoowalewale e ae. Ua komo nui mai, a ke komo mai nei na lahui o ko na aina e iwaena o kakou; a he poe pegana kekahi hapa o lakou. A pehea, me keia mau uha ano hou e kau mai nei, aole anei i huipu ia ka nawaliwali o na paahana.

Ua makaala anei na koa, a ua ku mau anei na kiai maluna o na pa kaua o ke aupuni a ka Haku?

Ke pahola aku nei au i ko'u leo aloha i na hoalawehana a pau iloko o ka pawaina a ka Haku, a imua hoi o ka poe a pau i aloha i nei mea he pono, a ke ninau aku nei au i ua poe hoa aloha nei, aole anei he mea pono ke hoonui ia aku ka pule a me ka hana ana no ua pono nei na@@ @ hapai ia Hawaii iluna, a hiki i ka pau ane o keia makahiki? He keiki oe e Hawaii, i haalele ia ; aohe oumakua ; aohe pono. Aka, ua imi ia oe e ka Pono, a ua loaa. Ua hapai ia oe iluna. Ua hele kau poe keiki na aina e, e lawe ai i ka malamalama. He hua oe no ka Pono iwaena o na lahui. Ua kau oe iluna ; mai nohe a iho hou ilalo.

Ua kakau au i keia mau manao i mea hoeueu a hooikaika i ka puuwai o ko'u poe hoa lawehana aloha iloko o ua pawaina nei o Hawaii. E hooikaika kakou i keia makahiki me ka manao lokahi. I akahai ka manao, e malama pono ana i ka manawa. E kupa maluna o ke kahua o ka olelo. Mai kukulu maluna e k mea aiaio ole. Mai hoi ihope. E pale i na hewa a pau. E hele kakou me he poe keiki ia no ka malamalama. Pela e piha ai i keia makahiki me na hua e hauoli ai. PALEKA,

Kawaiahao Januari 12, 1880.

KA HOIKE KULA SABATI IUBILE

MA WAIKAPU.

E KA NUPEPA KUOKOA E; Aloha oe:

I ka hiki ana mai o ka makahiki hou, ka 1880, a i ka piha ana ne hoi o ka 10 hora o kona alii ana maluna iho o ka makuahine honua, ua kai mai la ka huakai kula Sabati malalo o elua puali - ka puali a na wahine i kapain, "Ka Ahahui a ka Wahine kui pua" mai kahi o Mrs T W Everett, ke poo oia hui; a o ka puali hoi o na kane mai kahi mai o Antone Sylva, ko lakou poo malalo o ka inoa, "Ka Hui Pookela o Nawaieha" E kai like ana keia mau puali no ko lakou halepule.

Mahope koke iho no o ka akoakoa ana mai, ua malama ia ne lulu dala ma ka ipuka o ka luukini, pau ia, weheia na hana o ka la ma ka mele holookoa ana mai o ke kula Sabati i ka himeni 541 a me ka pule a ko lakou kahu Rev W P Alexander.

Mahope o keia, ua hookoia ka hoike kula Sabati malalo o ke alakai ana a ko lakou kahukula Sabati Mr Zakaio,

Mahope iho o keia, he mau manao paipai na ka Rev. W. P. Alexander, P. Kuihelani Esq. me Moses Kealoha Esq. o Honuaula. Pau keia he haiolelo no ka makahiki hou ia R. W. Wilcox.

I ka pau ana o keia, ua hapai hou ia ka lulu dala a hiki i ke kani ana o ka hora 12, ua kai aku ka huakai no ka papa aina i houmakaukau ia e ka Hui Pookela o Nawaieha, malaila makou i nuu ai i kapono o ka puukoiu. O ka nui o na dala i lulu ia ma keia la hoike he $80.00 a oi; a o ka nui o ka poe i akoakoa mai he 100 a oi.

Mahope koke iho no o ka hora 1 pm, ua kai aku la ka huakai, ka Hui Pookela o Nawaieha, me ka Hui a ka Wahine Kuipua maluna o na ho no Waihee. I ka nana aku, ua malu pu ka Hekuawa, ua lilo ke kahun i na keiki o ka makani haukoloilio o Waikapu. Owau iho no.

MAKAIKAI

KA BUKE KUHIKUHI

NO KA PAPA HELU

A ME

NA MEA PILI KALEPA

OKJE AUPUNI HAWAII

A HE

ALAKAI NO NA HUAKAI KAAHELE.

E loaa no maloko o keia BUKE KUHIKUHI e hoolaha ia aku ana na wehewehe ana i kahi, ka oihana a me kahi noho o na kanaka mea oihana e noho ana ma keia mau mokupuni i na he kanaka Hawaii, a kanaka o na aina e mai paha.

E hoike pu ia aku ana no hoi maloko o keia Buke ka papa inoa piha o na mahiko, na mahina ai me na aina hanai holoholona, ko lakou kahua, na agena, na mea lawelawe, na Hale leta, a me ke kaawale mai ke Kulanakauhale Alii mai.

Ka papa inoa o na moku malalo o ka Have Hawaii a me kekahi mau mea waiwai e ae.

O keia BUKE KUHIKUHI e hoowaiwai mai ana ia i ke kanaka mea oihana e like me na hoike ana iloko o ua Buke la ma na mea pili i ko keia aupuni.

Eia maloko o keia BUKE KUHIKUHI na hoakaka waiwai ana i ke kulana o na kanaka Kalepa, na kanaka paahana hana ike, na kanaka lawelawe waiwai paa na kanaka lawelawe mahi, na loio, na mea malama Hotele, na poe kaahele, a me hemea la, e pau loa ana i ka hoike ia na kanaka mea oihana ma ko lakou mau kulana pakahi.

A e komo ana no hoi iloko oia Buke na kanaka mea oihana a pau loa o na mokupuni a pau i hoonohonoho papa ia ma kela taona keia taona, a kauhale paha, a e hoike ana i ka inoa o na malihini i hoonohonoho pololei ia.

E hoike aku ana i na hoakaka piha ana no na mahiko, na mahi raiki, na mahina ai, me na aina hanai holoholona, ka inoa o na ona, na mea lawelawe a agena paha, ke kaawale o na mahiko mai ke Kulanakauhale Alii aku (Honolulu) a mai na kulanakauhale e ae paha, ka inoa o na alanui, a pela aku.

Kahi kupono i ka noho ia ma kela me keia mokupuni a me na lilo o ke kamahele, a e hoowaiwai nui ana keia Buke i ka malahini kaahele.

I ka wa e pau pono ai na hemahema o keia Buke, e komo aku ana ma na lima o na poe lawelawe oihana mahi ma na mokupuni a me ka poe i ake nui ia e loaa na hoolaha ana iwaena o lakou.

He mea hou loa keia Buke, a o na mea i hoakaka ia maloko, he hiki ke hilinai ia.

He Buke keia no Hawaii nei, a he pono ke hoolaha. Uku no na Olelo Hoolaha: - no

ka aoao hookahi, $20.00

Hapalua aoao, $13.00

Hapaha aoao, $7.50

Kumu k@@ o ka Buke ke paa, $3.00

GEORGE BOWSER,

MEA HOOLAHA,

941 6M 967

C.C. Coleman.

Amara a he Mea Hana Mekini,

Kapili Kapuai Hao Lio

A ME KA

Hana ana i na Kaa Lio, &c.,

Hale Hana ma Alanui Alii, e kokoke la i

905 ke Alanui Papu. tf

CHRISTIAN CERTZ

Mea Hana Buti

KAMAA MAOLI !

Alanui Papu, makal o ke Keena o Lui & Dickson :

KE HAI AKU NEI OIA I NA MEA A PAU,

Ua hoi mai oia mai Kapalakiko mai,

Ilaila Oia i ohi kino mai nei i na waiwai

nani a paa o kana oihana, a ke

waiho ia aku nei no ke ku-

ai ana no na kumukuai

o ka manawa

HE MAU WAIWAI PIHA O NA BUTI

Na KAMAA HAAHAA a me na ano kamaa

no na Lede, Na Buti, na Kamaa Haa-

haa a me na ano kamaa e ae a pau

no na Keoni@ana.

NA BUTI & KAMAA HAAHA !

A ME NA ANO KAMAA E AE A PAU

NO NA KAMALII !

NA KAMAA O NA ANO HE NUI

O NA KAMAIKI OPIOPIO.

O neia mau mea a pau ua hanaia me ke akamai loa a me ka paa o na ano hou loa, a ke h@@ia ia aku nei la mau mea e like me ka mea i olelo ia.

E laweia no na kauoha mai na Mokupuni e me ka malau a me ka eleu. 942 3m

ALFRED S. HARTWELL,

[HAKAWELA.]

LOIO a he KOKUA ma ke KANAWAI !

Aia kono Keena Oihana maluna ae o ka

Hale Kuai Buke o Wini me Robikana.

867 tf

JNO. LOTA KAULUKOU.

LOIO A HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookoi kolo a pau o keia Aopuni. Ua hhiki no hoi ke hana i na palapala a pau e pili ana i ka Oihana Loio me ka elect. K loaa ao a@ @s Heeia Koolaupoko, a ma Honolulu no hoi i kekahi manawa. 901 tf

PAPA, PAPA

AIA MA KAHI@

LEWERS & DICKSON !

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu

ana i na Hale !

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aila e ae o na ano a pau.

NA WAIVANIKI

A ME NA

WAI HOOHINUHINU NANI !

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA !

E like me ka mea e holo ana mawaena o

LAUA a me ka MEA KUAI.

E hele mai ! E na Makamaka !!

A e lawa no hoi ko oukou makemake

me ka oluolu a me ka maikai !

845 tf

NU HOU ! NU HOU !

MAHOPE AKU O KA LA 1 O IANUARI, 1880, E HOO-

maka ana makou malalo o na rala

DALA KUIKE

I ka Loaa ana aku o ka Waiwai !

ka Mea Kuai.

E hookahua ana makou i ka makou oihana

malalo o ke DALA KUIKE, e

kuai ia aku ana na loko wai-

wai a pau no ke Kumu-

kuai malalo iho o ka

MEA I IKE IA MAMUA

E LIKE ME KA LILO.

He Huina nui ko makou o na Oo, Kopala,

Ho, &c., &c. i kuai ia mamua ae o ka

hoopii ia ana o ka auhau o ka poe

nanai hapa.

HE MAU LAKO NUI KO MAKOU

O NA

P A L A U

A makou e kuai aku ai no ka $7 a hiki !

ka $7.50 Malulo iho o ke Kumukuai

mua no kela a me keia PALAU.

Ano ko oukou manawa kupono e looa ai na waiwai makepono loa.

E hele mai Hookahi, E hele mai pau loa.

DILINAHAMA MA.

942 tf 37 Alanui Papu.

RICHARD F. BICKERTON,

[PEKETONA.]

LOIO a he KOKUA ma ke KANAWAI !

E HELE ANA UIA IMUA O NA AHAHOOKOLOKOLO a pau o keia Aupuni ma na ano hihia a pau, in a paha ma Oahu nei, a ma na Mokupuui e ae.

Ua makaukau mau oia i ka hana ana i na Palapala pili kanawai o keia a me keia ano.

Ua hiki no hoi iaia ke hoale dala aku ma ka moraki ana in a alna, ma ka ukupanee haahaa loa.

E hanaia na hana me ka hikiwawe a ma ka uku haahaa.

Keena hana, Helu 23 Alanui Kalepa, elua paka ma o aku o ka hale kauka o Kauka Minuteole. 840 ly

S. AUKAI.

LOIO ! LOIO !!

UA ae ia mai oia e lawelawe ma ka Oihana Loio imua o na Aha Kakau Olelo o ka mokupuni o Oahu. 898 ly

KALE KULIKA,

LUNA HOOIAIO PALAPALA KUAI,

Molaki, a me na @@@ he.

LUNA HOOIAIO P@@PALA

Aelike mawaena o na H@@@ auwa.

Luna Haawi P@@ are

Ma ke kihi o ke alanui @@@@ @ Kaahumanu, Kulanakauhale @ @@ o Hawaii Pae Aina. @06 tf