Ka Nupepa Kuokoa, Volume XIX, Number 3, 17 January 1880 — Na "A" ke Eo. [ARTICLE]

Na "A" ke Eo.

E like me ka mea i hoolaha ia i ka pule i hala no ka heihei waapa mawaena o '• Kapiolam "ame " A," ua hooko ia ma ke ahiahi Poaono mawaena o ka hora 4 me ka hora 5, a ua lilo aku la ke eo ia •« A " malalo o ka hookele ana a na keiki aukai o ka Lakawana. Ua nui ka hnuwawa ana o na kanaka no ka pono ole o keia heihei ana. Ua hilinai ka hapanui o na kanaka ma o " Kapiolam '' la nana ke eo, a ua kanalua ole lakou i ka hoolei ana i ka lakou mau okeni i oi palua mamua o ka mea a kekahi aoao e haawi mai ai ma ke ano pili; aka, i ka wa i hooko ia'i ka hana, ua liiu aku la ke eo ma kela aoao, a loaa iho la ka papui he " alamihi " ma keia aoao; a ua lohe nui ia aku la na leo haloiloi uwe ma na uwapo a maluna o na kia o na moku, Piliwai! Piliwai!! oke ano oia, ua kapili ia na maka o ka poe hoe o " Kapiolani " me ka poepoe o ke dala, ana ia mea, e hoonawaliwali i ko lakou kino, a loaa ole ia lakou ke kulana mua he mahalo ia e like me ka heihei mua ana. Ua piha hauoli o Huaa ma ka hoohoka nui ia ana o ko lehulehu mamuli o ka ume ia ana aku o kahi kenikeni mai ko lakou mau pakeke aku m:>muli o keia hana pili, malia, oia mau lilo ana, e lilo ia i kekahi poe i kumu ao e paipai ana e ike lea i ka hewa oia hana, a haalele. No ka mea, \ na e komo ka iini īloko o kekahi poe e lawelawe i keia hana, aole loa e nele ana ka hahai mai o ka poino mahope o kekahi o lakou; he mea keia ua okaka lea, nolaila, eia ka Huaa e puana ae nei, " e ike lea ka lehulehu o na hana pela ke ano, aole loa e hoonele ia ka pomo ma kekahi o na aoao pili, " a o ka oi aku o ka waiwai; e hoolei aku i na kenikeni ma kekahi hana e ike ia ai e hoomahuahua mai »na i ka pomaikai, a e hoowaiWai like ana hoi i na aoao elua, aole hoi o ka hoopomaikai i kekahi noao, a hoopoino loa ia kekahi. Ua lohe nui ia mai kekahi mau inakamaka mai, e olelo ana, ua hoonele ia kekahi mau ohana me na pono ai aia mahope iho oka pau ana o keia mau hana. Inn he oiaio keia, alaila, ua hoopoino maoli keia hana i ke ola o ka lahui, a he mea pono ke nana akahele ia.