Ka Nupepa Kuokoa, Volume XIX, Number 5, 31 January 1880 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

 

Hoolimalima o ka Aina Aupuni

MA ka Poakahi, Feb 23, 1880, ma ka hora 12 awakea, e kuai ia aku ana ma ke kudala akea, ma ke alo o Alliolani Hale, ka hoolimalima no umi makahiki kela apana Aina Aupuni e waiho ia ma ka apana o Hilo, Hawaii, a i ike ia he lihi ia no Kawainui.

     O ke kumukuai, $100 a pii aku no ka makahiki.  E hookaa mua ia ka uku hoolimalima i kela a me keia hapa makahiki.

SAM’L G WILDER, Kuhina Kalaiaina

Keena Kalaiaina, Honolulu Ian 24, 1880.

 

Kuai o ka Aina Aupuni

     MA ka Poakahi Feb 23 1880, ma ka hora 12 awakea, e kuai ia aku ana ma ke kudala akea ma ke alo a Aliiolani Hale, keia Pa o ke Aupuni e waiho la ma ke aianui Moi, Honolulu, e pili pu ia me ka pa o W. L. Moehonua.  No umi makahiki i ka hoolimalima.  E hookaa mua ia ka uku.

     No ka hoomaopopo ana i kea ano o ka aina maluna ae, e ike ia no ma keia Keena.

SAM’L G. WILDER, Kuhina Kalaiaina

Keena Kalaiaina, Honolulu, Ian 22, 1880

 

     UA hookohuia i keia la o Mr. Jas W Girvin i Komisina no na Ala Liilii a me na Pono Wai no ka apana o Wailuku, Maui, ma kahi o H W Daniels i make.  O na iaia o ka Papa Komisina C H Kuihelaai, N Kepoikai a ma Jas W. Girvin

SAM’L G. WILDER, Kuhina Kalaiaina

Keena Kalaiaina, Ian 22, 1880

 

     O KA Pa Aupuni no na holoholona hele hewa ma Hamakua, Hawaii, ua hoololila mai ka aoao mauka mai o ke alanui Aupuni ma Kukuihaele a i ka aoao makai.

LIKELIKE, Kiaaina o Hawaii

Keena Kiaaina o Hawaii, Hilo Aug 18, 1879

A ponoia:  SAM’L G. WILDER  Kuhina Kalaiaina

 

Kuai a Hoolimalima o ka Aina Aupuni.

     Ma ka Poakahi Feb 9, ma ke alo o Aliiolani Hale, hora 12 o ke awakea, e kuai ia aku ana ka hoolimalima no umi makahiki, kela apana aina Aupuni i ike ia o KAUNOLU, Lanai.  Kumukuai, $200 no ka makahiki.  E hookaa mua la ka uku i kela a me keia hapa makahiki.

SAM’L G. WILDER,

Keena Kalaiaina, Jan. 9, 1880

 

Kuai o na Apana Aina Aupuni.

     Ma ka Poaono, Feb. 14, ma ka hora 12 awakea, ma ke alo o Aliiolani Hale, e kuai ia aku ana ma ke Kudala akea, na apana aina ma Kulaokahua

Helu  125, 126, 167, 168.  Kumukuai $200 pakahi

    “   127, 128, 129, 164, 165, 166.  Kumukuai $200 pakahi.

     “   321, 322, 323, 324, 352.  Kumukuai $200 pakahi.

     “   363, 365.  Kumukuai $200 pakahi.

     “   301, 303, 302, 304.  Kumukuai $100 pakahi

     “   305, 307, 306, 308.            “             “        “

     “   309, 311, 310, 312.  Kumukuai $150 pakahi

     “   313, 315, 314, 316.  Kumukuai $100 pakahi.

     “   360, 362.  Kumukuai $200 pakahi.

     “   367, 369.              “        “        “

     “ 376, 378.  Kumukuai $100 pakahi.

     “   227, 228, 229, 230, 242, 243, 244, 245.  Kumukuai $200 pakahi.

 

     O ka apana aina huinakolu e waiho nei ma ka aoao o na Alanui Beritania, Makiki, a me ka pa o J S Lemon, kumukuai $200.

     Kela apana aina e waiho la ma ka aoao o na Alanui Beritania, Keaumoku, Kinau a me Makiki, kumukuai $500 a pii aku iluna.

     E kuai ia aku ana keia mau aina me ka hoomaopopo lea ia, na ka mea kuai e hoohana i keia mau aina.  O ka makemake o ke Aupuni, o ke kuai aku me ka poe e ake ana e kuai no ka hoowaiwai ana i ua mau apana aina nei.

     E hookaa ia ka hapaha o ka uku iloko o ka hapaha o ka makahiki, hookahi hapaha i ka lua o ka makahiki, a hookahi hapaha i ke kolu o ka makahiki, me ka ukupanee ma ka 9 keneta, a me ka moraki o ua apana aina la.

SAM’L G. WILDER

Kuhia Kalaiaina

Keena Kalaiaina, Jan. 7, 1880

 

     No ka malama ana i kahi koho ma ka la 4 o Feb., no na Lunamakaainana o ka Hale Ahaolelo, o keia poe malalo iho kai hookohu ia i keia ia e noho a nana i ke koho ana ma kela a me keia apana o na wahi koho papalua:

OAHU.

Kona C J H Brown, L Wilcox, Jno S Smithies.

Ewa me Waianae C H Kaaiholei, J L Richardson, John D Holt.

HAWAII.

Kau C Rev J Kauhane, Chas Wall, C K Apiki.

Hilo C D Kamai, J H Pahio, J K Naeole

Hamakua C R A Lyman, J K Kaunamano, Chas Williams.

MOLOGAI.

Kalaupapa C Rev J Hanaloa, H K Kapololi, Mr Kahaulelio

 

KA NUPEPA

Kuokoa me ke Au Okoa

I HUIIA.

No ka Makahiki, $2

Eono Mahina, $1

Dala Kuike ka Rula.

 

POANO, IANUARI 31, 1880.

Aloha wale o Irelani.

 

     MALOKO o ka pepa o keia la e ike ai na makamaka heluhelu i ka palapala a ke Komite kokua no ko Irelani poe pilikia.  Ua hiki mua mai na lono no ka pahola ia o ka wi nui maluna o ko laila lahui.  Aka, ma na pule hope mai nei o ka makahiki i hala ike ia ai ka manoanoa loa ana mai o na popolikia maluna o ia aina.  He kaumaha nui keia e kau nei maluna o ko kakou poe hoa kanaka ma ia wahi, a ua puka ae nei ko lakou leo kahia i ka poe lokomaikai o na aina e ae.  A ke hapai ia nei na hana e kokua ai i ke pale ana i ko lakou mau pilikia no keia wa, a hiki hou mai ka wa pono no lakou.

     O ka hua pono ole ana o na mea kanu ekahi kumu nui o keia poino.  Ua wi ka aina ua pololi na kanaka.  O ka pono ole ekahi o ka hooponopono ia o ka poe makaainana ilihune e ka poe waiwai, oia kekahi kumu o keia kaumaha nui.  Ua hookaumaha wale aku ka poe haku aina maluna o kanaka o ka aina.  A ua ulu ae na haunaele no ka pilikia maoli o kanaka.  He nui ko laila poe i holo i Amerika, aka o ka nui loa aku koe, a he lehulehu wale o lakou i hiki ole ke holo, no ka ilihune loa, aohe loaa na wahi mea e hiki ai ke hoolawa iho na lilo no ka hele ana.

     Iloko o ia kuhohonu o ka pilikia a lakou e noho nei, ke pae nei ko lakou leo kahea i na lahui e ae, a hiki loa mai nei hoi i keia welelau o ka honua, haki a kakou e noho nei me ka maalahi, a me ka oluolu loa no.  I na he poe puuwai aloha kakou, aole anei he mea pono ke maliu aku, aole ma na kamailio wale ana no, aka me kau wahi kokua iki e hiki ai ke hoopuipui ia ae na makana mahuahua o ko na aina nui a waiwai no hoi?  Pela hoi e lilo ai o Hawaii pokii o na lahui, i hoa kuilima me kona poe kaikuaana ma na hana a ke aloha.

 

HOOHIWAHIWA IA O KALANI

     UA olelo ia o ka hookipa ana a ke kulanakauhale o Piladelepia i haawi ai ia Kenela Kalani iloko o ka malama o Dekemaba i hala ae nei, oia ka helu akahi o na hana hoohiwahiwa i kukulu ia no ka hoohanohano ana i ke kanaka ma ke aupuni o Amerika Hui.  He umikumamalua mile ka loihi o ka huakai, ua olelo ia he kanaono tausani kanaka iloko o ka huakai, a no ka uluaoa ana o ka poe makaikai me ka hooke, ua pale ia na aoao o na alanui ma kau wahi me na kaula.

     Aia nae ma ka huina o kekahi alanui he makuakane e ku ana me kana wahi kaikamahine uuku nona na makahiki elima a eono paha, e ku kali ana no ka hiki ana mai o ke kaa o Kalani.  Ua moku ke kaula paku alanui ma keia wahi, a ua komo aku laua maloko o kahi i paku ia, i ka hookokoke ana mai o ke kaa o ua Alihikaua nei a i kahi e laua nei e ku ana, ku iho la ka huakai; hooke aku la ka poe mawaho no ka manao nui e ike i na helehelena o Kalani, hemo aku la kahi kaikamahine mai ka lima aku o kona makua a hoopili ia aku la maloko o ka huila o ke kaa me ka ike ole ia e ka lehulehu e hookeke ana.  Aka, o na maka koa kiai mau o Kalani kai ike, kulou iho la oia ilalo, a apo aku la i ke keiki, hapai ae la iluna o ka huila, a mai laila ae hoonoho ana iluna o kona poli, a liuliu iki hoihoi aku la ia ia iloko o ka lima o kona makuakane.  I ka ike maka ana o ka lehulehu i keia, hooho ae la lakou a nakulu ae la ka lewa lani me na huro mahalo.

 

He Leo Walohia

 

Honolulu, Jan. 1880.

 

Aloha oe:

     Mamuli o ke ano he mau lala no ke Komite Kokua, ke kono aku nei makou i kou noonoo ana no na poino a me na pilikia e kau nei maluna o ko kakou poe hoa kanaka ma Irelani, me ke noi pu aku i ko oukou aloha no ia lahui ilihune, a e make nei i ka wi.  No ka nele ana o ka hua o na mea ulu i alako aku i ka lahui kanaka i kaumaha mua, a hiki i ke kulana e make ai i ka pololi; a mailoko mai o ka hohonu o ko lakou poino ke hea mai nei ka leo walohia i ka poe aloha o na aina mamao aku.  Aole no hoi i makehewa ko lakou hea ana, ke kokua ia nei e ka poe aloha ma na wahi a pau o ka honua nei.  Ua kokua nui kanaka o ke Aupuni Hawaii me na lima aloha i na wa a pau no ka hoopale ana i na popilikia o ko na aina a pau.  Aole no i liuliu loa ka wa i hala, a ua kahea ia kakou e kokua i ka poe i pilikia i ka mai fiva o Memphis, a he mea kamahao no ko kakou pane ana i kela leo walohia; ano hoi, ke pae mai nei ka leo mai ka lahui ilihune a pololi o Irelani.  Ma o na rula laahia o ka Manawalea, ke Aloha a me ka Makamaka, aole hiki ia kakou ke noho a noonoo ole no keia poino o kanaka.

     Nolaila, ke noi aku nei makou ma ka inoa o ka mea nana i ao mai ke ano o ka Makamaka, ke Aloha, a me ka Manawalea i na mea a pau, i wahi kokua uuku no ka poe ilihune e make mai nei i ka pololi ma Irelani, i mea e kamau iki aku ai ko lakou ola a hiki aku i ka wa e loaa ai ka pono no lakou iho.

     He hiki ke haawi ia na kokua i ke Komite, oia o

GEO. LUCAS,

M. McINERNY,

P. DALTON

 

I ka Poe Koho o Honolulu.

    

     E NA MAKAAINANA: C Ua kono ia mai au e lilo i waha olelo no oukou iloko o ke Kau Ahaolelo e hiki mai ana, ke makemake mai oukou i ka # u mau lawelawe ana.  He mea ano nui ke koho balota ana; ina e koho ia ka poe hemahema i poe kau kanawai, maluna no o oukou ka hewa.  He mau haawina koikoi no hoi kai hookauia maluna o ka Lunamakaainana; aia no ma ona la kahi hoauiia ka pomaikai o ka lehulehu.  Ua makemake au e kokua ma ka hoomau ana i ke ola o ka lahui kanaka Hawaii.  Eia maluna nei o ke one oiwi ke kahua kaua o na alihikaua Hawaii; eia no hoi maanei kahi i waiho ai na iwi o na # lii Hawaii a me na makaainana.  Na ko Hawaii i hoomakaukau ke alanui no ka malamalama a me ka holomua ma ko lakou hoopau mua ana i na kapu a me na kii akua.  Ua hookahe ia ke koko o kanaka Hawaii a ua haawi ia ke ola no ka hoohui ana i na moku a pau iloko o ke aupuni hookahi, a ua paa ke aupuni a hiki i keia wa, a ua ae ia na pomaikai kaulike no na mea a pau.  Nolaila, mamua o na mea e ae, e pono i na lunamakaainana e kiai makaala no na pono o ka lahui kahiko; e hoomalu pono ia ko lakou waiwai; e pale ia na mai a me na hoowalewale e hewa ai mai ko lakou mau ohana aku.  He kuleana no ko ka lahui e malama ia ia iho; he pono no ke pane aku ia Kina, mai hookuu hou mai i ka oukou poe kane ke ole na ohana; he pono ke hookaulike ia ka heluna o na kane a me na wahine.

     He pono ke hooponopono ia na auhau a kau like; a na ka waiwai e hookaa ka hapa nui o ka auhau.  He mea kupono no hoi ke hookuuia na makuakane mea keiki lehulehu i kekahi hapa o na auhau, no ka mea, he poe hoopomaikai lakou i ka aina mamua o kekahi poe e ae.  Aohe pono i ke Aupuni ke aie dala.  O ka umi miliona aie he mea ia e molaki ia ai ka aina i na haole.  E malama kakou i ke Aupuni no ka lahui kanaka Hawaii, a e malama kakou i ka lahui Hawaii no ke aupuni; no ka mea, ina e make ka lahui e hoololi ia no ke Aupuni.

     E na makaainana Hawaii!  O ke au keia o na makaainana.  O ke alii o keia wa, oia ke kanaka naauao, o ke kanaka hopo ole, ke kanaka hana pololei.  O na makaainana ka poe nana e hooponopono nei ke aupuni i keia wa, a e ohi nei na pomaikai.  Na ko oukou mau balota e haawi i ka mana i kahi poe e hana i na kanawai.  E nana pono oukou i koho ia he poe nana e hana i na kanawai i kupono i ka hoomau aku i ke ola o ke aupuni a me ka lahui.

S.B. DOLE

Honolulu, Jan. 30, 1880.

 

 

KENELA KALANI

     Oiai ka mokuaina o Mesiko e noho ana iloko o kauluku o ke kaua hanana, ua hookamaaina ke koa opio Kalani i na kahua kaua o ia wahi ma ke ano he Kapena no kekahi puali koa; a i ka malama o July, 1854, mahope iho o ka uhi hou ana o ka maluhia maluna o ka aina, ua waiho aku la i ka honua hookahe koko, a hoi mai la i St. Louis, Amerika Huipuia.  Ilaila oia i mare ai i ke kahi kaikamahine ui o Miss Julia Dent kona inoa, he kaikamahine no kekahi o kona mau hoa alo make.  Ilaila oia i noho ai a hiki i ka m. h. 1859, he oki wahie a kuai aku kana hana nui.  Mahope mai ua nee aku oia a noho i Galena, mokuaina o Ilinoi; a ilaila kona home a hiki i ka la e hoomanao mau ia # i, oia hoi ka la 12 o Aperila, 1861, oia ka la nana i lawe ae ka lono uwila maloko o na uwea telegarapa a puni ka aina, no ke ki ia ana i ka pu e na kipi, ka hae Amerika kahiko kaulana i welo haaheo no na makahiki loihi e kau ana maluna o ka papu Sunter.  I ka lohe ia ana o keia mea, ua holo aku la ke anui maeele o ka lili iloko o na puuwai oiaio o na mamo o ka lepo Amerika; a ua ala lokahi mai la lakou me ka makaukau e hoihoi hou aku i ka hanohano o ka hae o ko lakou aina makuahine i hoohaumia ia e na kipi.

     Mawaena o ka poe mua loa i hoopuanuanu ia e keia lono, oia no ke koa kaulana, ka makaainana moi, Kenela Kalani o keia mau la.  E luana ana oia me kekahi o kona mau hoa # loha maloko o kona wahi keena hooipa, a haawi ia mai la ka lono ia laua.  Kau ae la ia i kona lima ma kona lae, alawa # e la kona mau onohi koa i kahi a kana pahikaua a me ka pu e kau ana ma ka paia, ku ae la iluna, a pane aku la i kona hoa:  “Ina e hele ia mai a hai ia mai ia # u e kau mai ana maluna o kuu kino kekahi pilikia nui, aole loa au e auwi ae mai ka lawe ana mai ia lono me ka malie; aka o ka lono i loaa mai ia # u ano, ua hiki ole ia # u ke umi iho i ke koni ana a na koii o ka lili aloha aina.  A oiai ua haawi mai ke aupuni ia # u i ka hoomakaukau ana no ke kahua kaua, ua aie au ia # u holookoa a pau i kuu aina makuahine.  Ua huli aku kuu alo imua o na waha o kona mau enemi ma kela kaua nui ana # ku nei no kona pono; a a@no, ke ola a ke make, nona au a pau i keia kue ana # ku i ka poe e enemi a e kipi mai ana iaia.”  Hoomaka koke iho la ia e kukulu i puali koa, a he eha wale no la mahope iho, ua maki aku la ia a hiki i ke kulanakauhale o Springfield, ke kapitala o ia mokuaina, a haawi aku la iaia iho a me kona mau ukali no ka hae nani a me ka maluhia o ka aina kulaiwi.  Mamuli o kana mau hana a me kona ano, ua hookohu koke ia iho la ia e ke Kiaaina i Akukana-Kenela no ka mokuaina o Ilinoi; oa o kona hoomaka ana aku ia e nee imua o ke kahua o ka lei lanakila.

 

NU HOU KULOKO

 

     Ma ka ouluolu o Miss Zoe Gayton, ua kono ia makou e hele e ike i kana mau hana.

 

     PIHA E. C He mau olelo hoolaha kai kali iki ia a keia pule ae puka aku, no ka piha e ana o ka pepa.

 

     NA PAKA UA. C Ke haule mau mai nei no na pakaua eloelo ma ke kulanakauhale nei, ma na po a pau, a he mau hoohoihoi ana mai keia i ka poe mahiai.

 

     IANEI iho nei ke keiki o ka Paia Ala o Puna S. K. Mahoe, a ma ka Poalua nei i huli hoi aku ai me kona ohana; ohaha maikai kona ola a ikaika pono.

 

     UA hiki mai ma ke keena o keia pepa he palapala e hoike ana no kekahi mau hookaumaha ana i hana ia maluna o kekahi poe o ka paeaina Kilipati, a e puka aku no ma keia pule ae.

 

     HALAWAI MAKAAINANA. C Ua lohe pono mai makou, e malama ia ana he halawai nui makaainana ma ka luakini o Kaumakapili ke hiki aku i ka Poalua ae nei Feb. 3, ma ka hora 9 o ke kakahiaka.

 

     HOOKAHAKAHA OIHANA KINAI AHI. C O ka Poalua e hiki mai ana, Feb. 3, oia ka la haaheo o na keiki o ka Oihana Kinai Ahi, a e puka ae ana lakou ma ia la me ko lahou mau kahiko o ka oihana a hookahakaha ae ma ko lakou mau alanui.

 

     HOOHUIA. C Ma ka po Poakahi nei, ua hipuu ia iho la ma ka berita o ka mare e ka Rev. M. Kauea, kekahi o ko makou hoa o ka Oihana Pai, a ulele hua hoi o ke Kilohana, Mr. Keakaokalani Ailau me Miss Mary A. Pitman.  Ma ka auina la Poalua nei i kau aku ai na paa mare ma ka Likelike no ka aina ua kaulana o Hilo no ka hoohala ana i kekahi mau la.

 

     PILI KINO. C Ma ka mokuahi Kaleponi o ka Poakahi iho nei i kau mai o C.A. Low, ka haole a luna nui o kekahi hui hoomaemae ko o Kapalakiko.  O Geo. C. Williams kekahi o ka mahiko o Kohala ua hoi mai, mahope iho o kona kaawale ana i ko na aina e no kekahi wa loihi.  O F. Sinclair o Niihau a me kana wahine kekahi i hoi mai,, a me Mrs. J. A. Hopper o keia kulanakauhale.

 

     HOOHILAHILA. C He mea ehaeha no ko makou manao ka ike kumaka ana i na wahine Hawaii opio, e kuulala ana ia lakou iho imua o ke akea ma ka auina la Poalua iho nei, makai o Ainahou, ma ka hoohilahila ana i ka inoa makamae o Hawaii; aia ua poe kaikamahine la e kuikui lima nui ana, a e hilala hele ana lakou i o a ianei imua o ka aha kanaka e nana ana.  Ahea pau ae keia mau hana kohu ole au e Hawaii, a hilahila iho hoi i ka hoolaha ia ma na nupepa.

 

     NA PUKIKI. C He 328 pukiki lima hana i hiki mai nei mai ka makupuni o Sana Mikaela mai, a eia lakou ma kahi i hookaawale ia e ke aupuni.  O keia poe, iloko lakou o ka pilikia a me ka hune i ka ai ole ma ko lakou aina, a ua ake nui lakou e holo mai no keia mau Pae Aina, a pela me ka poe i koe aku.

 

     ZAMLOCH KA LIMA HEI. C Ua hiki mai nei ka haole o na hana kupua a lima hei, mahope iho o kona hoonanea ana i na makamaka o na mokupuni o Hawaii a me Maui me kana mau hana akamai; a e wehe ana oia i ka Buffum’s Hall, ma ke alanui Hotele ma kekahi mau la o keia pule ae, ma kana hana hoikeike, ke makaukau a maemae pono ka hale.

 

     KE KUHINA O KO NA AINA E. C Ua loaa mai ia makou kekahi lono mai ka Ehukai mai o Lalo, no ka loohia ana o ke Kuhina o na Aina a me kekahi ulia, oiai oia e ku ana ma ka oneki o ka moku poino Kamaile; a i ka wa a na aui nalu i paialewa ai i ka moku, ua haule aku la ke Kuhina iloko o ka lua o ka moku, a ma ke kokua ana a kekahi o na luina ua pakele, a iaia i kau ai iluna o ka waapa, ua hihia ae la kekahi kaula ma kekahi wahi o kona kino a paa loa, e ole ke oki ia ana o ke kaula pakele ai; he mea hauoli hoi no makou no ka poino ole ana o ke ola.

 

     HOOLAHA BUKE HIMENI. C Ua ae mai ka Papa o ka Ahahui Euanelio Hawaii e hoemi loa i ke kumukuai o na buke “Himeni Hawaii” i kuai ia aku ai no hookahi dala pakahi.  Eia ke kumukuai mahope aku, 50 KENETA WALE NO.  Hiki i na hoahanau a pau o na ekalesia o Hawaii nei e hoolako i ko lakou nele, a e kokua i ka hoolea ana i ka inoa e ko kakou Haku o Iesu Kristo ma na luakini a pau o keia pae aina ma kela Sabati keia Sabati.

H BINAMU

Kakauleta o ka Papa Hawaii.

 

     AHA Kiekie o ko Hawaii pae Aina, ma ka hooponopono waiwai.  Mokupuni o Oahu, Hawaii Pae Aina ss.  Ma ka waiwai o IKEOLE k. i make.  Olelo kauoha e koho ana i la e hooiaio ai ka Palapala Kauoha, a no ka hoolaha ana.  No ka mea, ma ka la 21 o Ianuari 1880, ua waihoia mai imua o ka Aha kekahi palapala i oleloia, oia no ke kauoha hope loa a Ikeole i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooke no Pelani w, wahine kane make a Ikeole i oleloia, ua waihoia mai e Pelani i olelo ia.  Nolaila, ua kauoha ia o ka Poakahi oia ka la 16 o Feberuari 1880, ma ka hora 10am, ma ka Rumi hookolokolo oia Aha ma Aliiolani Hale, ma Honolulu, oia ka la me ka hora e hooiaio ia ai ia palapala kauoha, a e hoolohe @ @ ana mai, a me ka poe a pau i pili e kue ana ia palapala kauoha, a me ka hoopuka ana i ka palapala luna hooko.  A ua kauoha hou ia e hoolaha no ia mea no na pule ekolu iloko o ka Nupepa Kuokoa, he nupepa i palia a i hoolaha ia ma Honolulu.

     Kaukauia ma Honolulu, ko Hawaii Paie Aina, Ian 23., 1880.

CHAS C. HARRIS

Ikea:  Lunakanawai Nui o ka Aha Kiekie

     A. Rosa, Hope Kakauolelo

 

AHA Kiekie o ko Hawaii Pae Aina, ma ka hooponopono waiwai.  Mokupuni o Oahu, Hawaii Pae Aina ss.  Ma ka waiwai o ROMELIA WHITING no Honolulu, Oahu i make.  Olelo kauoha e koho ana i la e hooiaia ai ka Palapala Kauoha, a no ka hoolaha ana.  No ka mea, ma ka la * o Ianuari 1880, ua waihoia mai imua o ka Aha kekahi palapala i olelo ia, oia no ke kauoha hope loa o Romelia Whiting i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Wm. B. Wright o Honolulu, ua waihoia mai e Wm. B. Wright i oleloia.  Nolaila, ua kauohaia o ka Poakolu oia ka la 18 o Feb 1880, ma ka hora 10 am ma ka Rumi hookolokolo oia Aha ma Aliiolani Hale, ma Honolulu, Oahu, oia ka ia me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili e kue ana ia palapala kauoha, a me ka hoopuka ana i ka palapala luna hooko.  A ua kauoha hou ia, e hoolaha no ia mea no na pule ekolu iloko o ka Nupepa Kuokoa he nupepa i paiia a i hoolaha ia ma Honolulu.

     Kaukauia ma Honolulu, ko Hawaii Pae Aina, Ian 27, 1880.

LAWRENCE McCULLY

Ikea:  Lunakanawai o ka Aha Kiekie.

     A Rosa, Hope Kakauolelo

 

     AHA Hookolokolo Kiekie o ko Hawaii Pae Aina, ma ka hooponopono waiwai.  Ma ke noi e koho i kahu no ka waiwai o Paulo a me Solomona he mau keiki oo ole o Honolulu.  Lunakanawai L McCully.  Olelo kauoha e hoolaha # ku no ke noi ana mai e koho i lunahooponopono waiwai.  Ma ka heluhelu a me ka waiho ana mai o ka palapala noi a Kaonohi w a me Keola kana kane no Honolulu, Oahu.  e hoike mai ana o Paulo a me Solonoa no Honolulu, Oahu, he mau keiki oo ole, he waiwai ko laua iloko o ka mana hookolokolo o keia Aha a e noi ana e haawi ia ka palapala hookohu kahu malama waiwai no ua mau keiki la ia Kaonohi w.  Ua kauohaia o ka Poakolu ka la 11 o Feberuari 1880 ma ka hora umi oia la, oia ka manawa i koho ia no ka hoolohe ana i ua noi la, imua o una Lunakanawai la, ma ke keena hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike make i ke kumu, ina he kumu oiaio ko lakou e ae ole ia ai ua noi la.  A o keia olelo kauoha e hoolahaia ma ke olelo Hawaii i elua pule ma ka Nupepa Kuokoa he nupepa ma Honolulu.

     Kakauia ma Honolulu, ko Hawaii Pae Aina, Ian 23, 1880.

LAWRENCE McCULLY

Ikea:  Lunakanawai o ka Aha Kiekie

     A Rosa, Hope Kakauolelo

 

HOOLAHA KUAI MORAKI.

     MA ke kauoha a H.A. Wideman a me J. L. Richardson na mea nona kekahi Palapala Moraki i hana ia i ka la 16 o Sepatemaba 1877 i hana ia e Debora Haakulou (w) a me Kaahaaina kana kane ia C. S. Bartow, ka Luna Hoomalu o ka papa kahu waiwai o ka Hawaiian Lodge No 21 F. a me A. M. i hoolilo ia # ku e ia ia H. A. Widemann a me J. L. Richardson, a i hooiaio ia i ka la 27 o Mei 187@.  Ua kauoha ia au e kuai aku ma ke kudala akea ke hiki aku i ka Poaono, Feberuari 7, 1880, e hiki mai ana ma ka hora 12 awakea, ma ko # u keena kudala ma Honolulu.  O ka waiwai i olelo ia ma ua Palapala Moraki ia i hoikeia, aia no ia ke waiho la ma Waianae, Oahu, a aia kekahi ma Leleo, Honolulu, Oahu, no na mea i koe e ninau ia                 E. P. ADAMS,

mea kudala, a i ole ia CECIL BROWN.

Loio o ka mea nona ke Moraki.

 

Oihana Kinaiahi o Honolulu

Ka La Hookahakaha Mau

     Ke kauoha ia aku nei na Hui Kaawai a pau o ka Oihana Kinaiahi, e akoakoa ae mamua iho o ka Hale Kaawai Helu 2, ke hiki aku i ka POALUA, FEB. 3, HORA, 9:30.  O ke kakahiaka, me na aahu piha, no ke kukulu ana i ka Huakai Hookahakaha mau.  O ka akoakoa nui ae ka mea i makemake ia.

Ma ke Kauoha

CHAS T. GULICK

Kakauolelo o ka Oihana Kinai

Honolulu, Feb 3, 1880

 

 

HOOLAHA HOOKO MORAKI.

MA keia ke hoolaha ia aku nei, mamuli o ka mana kuai i ike ia iloko o kekahi Palapala Moraki i kakau ia ma ka la 16 o Feberuari 1878, i hanaia e S. Kipi a me Nihoa kana wahine no Hilo, Mokupuni o Hawaii ia K. Bond o Kohala Mokupuni o Hawaii, a i kakau kope ia ma ka buke 64 ma na aoao 141, 142 a me 143 a i hooliloia ia C. R. Smith ma ka palapala hoolilo i kakau ia i ka la 26 o Augate 1879 a no ka uhai ia o na oiaio aelike i hoike ia ma ua Palapala Moraki la, o na aina a pau a me na waiwai e ae a pau i hoike ia iloko o ua Palapala Moraki la, mahope iho o na ia i ae ia ma ke kanawai, o kuai ia aku no ma ke kudala akea, no ka uhai ia ana o na olelo aelike i hoike mua ia ae ia.  O na waiwai iloko o ka Palapala Moraki i hoakaka ia # u nei, aia no ia ke waiho ia ma ka Mokupuni o Oahu.                                     C.R. SMITH

     K. F. Bickerton, loio o ka mea nona ka moraki

Hanaia ma Honolulu, Ian. 24, 1880

 

HE LIO KOMOHEWA.

     Ua loaa ma ka aina hui o Keanae, kekahi lio wahine ukuia, kiko kuokoa ma ka lae, hao kuai H, ma ka aha hope A K.  Ke kauoha ia aku nei ka mea a mau mea paha nona keia lio, e kii koke mai me ka aku @ Dala, a me ka aku o ka hoolaha ana.  E loaa no au ma Keanae, Koolau, a i ole e kii ia mai a hala na ia he 21, alaila, e lilo loa keia @ ia # u.

J.K. HURO

Keanae, Hoolau, Jan 13, 1860

 

OLELO HOOLAHA

MA ke keena o ka Lunakanawai Kaapuni Apapa 2 o ko Hawaii Pae Aina.  Ma ka waiwai o Kahuana k. ao Waihee, Maui, i make.  Ua heluhelu ia a na waiho ia ka palapala noi a Mrs. Kamoewai Kaina, e noi ana e hooponopono ia ka waiwai o Kahaana k, no Waihee, Maui, i make, a e hooholo ia i na hooilina.

     Nolaila ke kauoha ia # ku nei na kanaka a pau, ke pili, o ka Poaha, oia ka la 26 o Feberuari 1880, ma ka hora 9 am ma ka Halehookolokolo ma Wailuku, oia ia ia me kahi i koho ia no ka hoolohe ana i na @ la a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina, Jan. 13, 1880

 

MA ke keena o ka Lunakanawai Kaapuni Apana Elua o ko Hawaii Pae Aina.  Ma ka waiwai o Kekuanoni k. no Honokohau, Maui, i make.  Ua heluhelu ia a ua waiho la ka palapala noi a Sam. Kamoahakaa, ka Lunahooponopono o ka waiwai o Kekuanoni k. no Honokohau, Maui, i make e noi ana e ae aku ka aha i @ kuai ana i ka waiwai @ @ ua Kekuanoni ia, ke waiho ia i Honokahaa, i mea e hookaa ia ae ka aie o ua make ia.  Nolaila ke kauoha ia # ku nei na kanaka a pau, ke p@, o ka Poakahi, oia ka ia 16 o Feberuari 1880 ma ka hora 11 am ma ka hale hookolokolo ma Lahaina, oia ka ia me kahi i koho ia no ka hoolohe i ua nonoi la a me ua mea kue ke hoike ia.

ABR. FORNANDER

Lunakakawai Kaapuni Apapa 2 H P A

Lahaina Jan. 13, 1880.

 

MA ke keena o ka Lunakanawai Kaapuni Apana 2 o ko Hawaii Pae Aina.  Ma ka waiwai o Kanakahou k. no Hoouauia, Maui, i make.  Ua heluhelu ia a ua waiho ia ka palapala a M Kealoha, Lunahooponopono o ka waiwai o Kanakahou k, no Honouauia, Maui, i make, e noi ana e hoopono ia kana moo waiwai, a e hookuu ia mai ka oihana, a e hooili ia ka waiwai i na hooilina.

     Nolaila ke kauoha ia aku nei na kanaka a pau ke pili, o ka Poaha, oia ka la 26 o Feb. 1880, ma ka hora 11 a m, ma ka Halehookolokolo ma Wailuku, oia ka ia a me kahi i koho ia no ka hoolohe i ua nonoi ia a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina, Oct. 3, 1879

 

MA ke keena o ka Lunakanawai Kaapuni Apana 2 o ko Hawaii Pae Aina.  Ma ka waiwai o Charles Anney, no Waihee, Maui, i make.  Ua heluhelu ia a ua waiho ia ka palapala noi a Keala w, e noi ana e hoonoho ia o Thos W Everett, i Luna Hooponopono no ka Waiwai o Chas Anney, kona kane i make ma Waihee, Maui.

     Nolaila ke kauoha ia aku nei na kanaka a pau ke pili, o ka Poaha, oia ka la 26 o Feb, 1880, ma ka hora 1 p m, ma ka Halehookolokolo ma Wailuku, oia ka ia a me kahi i koho ia no ka hoolohe ano i ua nonoi la, a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina, Jan 1@, 1880

 

MA ke keena o ka Lunakanawai Kaapuni Apana 2 o ko Hawaii Pae Aina.  Ma ka waiwai o Kaahu o Waihee, Maui, i make.  Ua heluhelu ia a ua waiho ia ka palapala noi a Kalani k, e noi ana e hooponopono ia ka waiwai o Kaahu k, no Waihee, Maui, i make, a e hooholo ia i na hooilina.

     Nolaila ke kauoha ia aku nei na kanaka a pau ke pili, o ka Poaha, oia ka la 26 o Feb, 1880, ma ka hora 2 p m, ma ka Hale Hookolokolo ma Wailuku, oia ka ia a me kahi i koho ia no ka hoolohe ana i ua nonoi la a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina, Jan 13, 1880

 

MA ke keena o ka Lunakanawai Kaapuni Apana 2 o ko Hawaii Pae Aina.  Ma ka waiwai o Kapuipui k, no Waihee, Maui i make.  Ua heluhelu ia a ua waiho ia ka palapala noi a Kealohaaukai w, e noi ana e hooponopono ia ka waiwai o Kapuipui k, no Waihee, Maui, i make, a e hooholo ia i na hooilina.

     Nolaila ke kauoha ia aku nei na kanaka a pau ke pili, o ka Poaha, oia ka la 26 o Feberuari 1880, ma ka hora 10 am, ma ka Halehookolokolo ma Wailuku, oia ka la a me kahi i kohoia no ka hoolohe ana i ua nonoi ia a me na mea kue ke hoika ia.

ABR. FORNANDER

Lunakanawai Kaapuni Apana 2 H P A

Lahaina, Jan. 13, 1880.

 

MA ke keena o ka Lunakanawai Kaapuni Apana 2 o ko Hawaii Pae Aina,  Ma ka waiwai o Keoili, no Waihee, Maui, i make.  Ua heluhelu ia a ua waiho ia ka palapala noi a Kane w, e noi ana e hooponopono ia ka waiwai o Keoili k, no Waihee Maui i make, a e hooholo ia i na hooilina.  Nolaila, ke kauoha ia aku nei na kanaka a pau, ke pili, o ka Poalima, oia ka la 27 o Feberuari 1880, ma ka hora 1 pm, ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi ia a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina Jan. 15, 1880.

 

MA ke keena o ka Lunakanawai Kaapuni Apana 2 o ko Hawaii Pae Aina.  Ma ka waiwai o Kekua k, o Lanai, i make.  Ua heluhelu ia a ua waiho ia ka palapala noi a D. Kahaulelio, ka Lunahooponopono i ka waiwai o Kekua k, no Lanai, i make, e noi ana e hoapono ia kona Moo-waiwai, a e hookuu ia mai ka oihana a e hooholo ka waiwai i na hooilina.

     Nolaila ke kauoha ia # ku nei na kanaka a pau, ke pili, o ka Poakahi, oia ka la 16 o Feberuari 1880, ma ka hora 10 am, ma ka Halehookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue ke hoike ia.

ABR. FORNANDER

Lunakanawai Kaapuni Apana 2 H P A

Lahaina, Jan. 13, 1880

 

OLELO HOOLAHA.

KE papa aku nei au i na kanaka a pau, aole e hookuu wale i ko lakou mau holoholona, ka bipi, lio, hoki, piula, puaa a me kekahi mau holoholona e ae, ma kuu apana aina e waiho la ma Kolowalu, Manoa, Oahu; ina aole oukou e hooko i keia olelo papa, e hopu ia no ko oukou mau holoholona e like me ke Kanawai.

N. PERRY, (Palakiko).

Manoa, Oahu, Jan 23, 1880

 

OLELO HOOLAHA

E IKE mai na kanaka a pau ma keia palapala, owau o A. Kaoliko ka Luna Hooiaio Palapala o ka apana o Waianae, mokupuni o Oahu, ke hoike nei.  O na palapala mahele aina o Keauhulihia k, a me Kamaka w, a me H Puahiki k, o ka waiwai o Meaai w, i make no Kawela Waianae Oahu, a # u i hana ai ma ka la 25 o Aug 1879.  Ke hai aku nei au, a ke hoolaha nei ma ke akea aole he oiaio oia mau palapala a pau, no keia mau kumu malalo nei.  1.  Ua hana ia ua mau palapala ala me ke paewaewa a hoopunipuni mai ia # u o H Puahiki mahope iho o ka lilo ana o na palapala ma ko lakou lima, nolaila, ua noi aku au ia lakou e hoihoi ia mai ia mau palapala a pau, ua hoihoi ia mai kekahi a koe aku ka H Puahiki ka mea nona na kumu hewa me ke paewaewa, no laila, ke hoolaha nei au, aole he mana a oiaio oia palapala a H Puahiki a maluna o ka poe nana i lawe i ua palapala nei ka poino ma ia hana ana.  2.  Aole i haawi ia mai ko # u uku o ka hana ana i na palapala a pau oia hana a # u i hana ai a me ka uku o ka hooiaio ana i na inoa nona ua palapala ala.

A. KAOLIKO

Lunahooiaio o ka apana o Waianae.

Waianae, Januari, 19, 1880.

 

Hoolaha a ka Luna Hooponopono Waiwai.

MA keia, ke hoolaha ia aku nei, o ka mea nona ka inoa malalo iho nei, ua hookohu pono ia mai i Luna Hooponopono waiwai ma ka waiwai o C H Rose o Honolulu i make ma keia ke kauoha ia aku nei, o ka poe a pau he mau koina ko lakou, a ua hoopaa ia paha ma ka moraki, e hele ae ma kona keena oihana ma ke kihi o na alanui Papu me Moiwahine ma Honolulu iloko o na mahina eono mai keia ia aku, a i ole, e hoole mau loa ia aku no.  A o ka poe a pau i aie ia ia e hoike koke mai.                                                                   S. G. WILDER

Lunahooponopono ma ka waiwai o C H Rose i make.  Hana la ma Honolulu Jan. 24 1880

 

$20 MAKANA.

E haawi ia aku no ka makana e kau ae ia maluna, i ka mea nana e hoike pololei mai i ka hoike e ahewa ia ai ma ke Kanawai, i kekahi keiki haole nona paha na makahiki mawaena o ka 16 a me ka 17, ka mea nana i hanaino aku maluna o ke kino o kekahi keiki Pake ma ka pa o ka Hotele Hawaii, oiai ua keiki Pake ia e hoolohe ana i ke kani o ka Bana, ma ka po l # oakahi, Jan 19 iho nei.

W.C. PARKE, Ilamuku

Honolulu, Jan 20, 1880.

 

KUAI A KA LUNAHOOPONOPONO WAIWAI.

MA ke kauoha a Hon. C. C. harris, ka Lunakanawai Kiekie o ka Aha Hookolokolo Kiekie i hanaia ia ka la 12 o Ianuari, A. D. 1880, o ka mea nona ka inoa malaio iho, e kuai aku ana oia ma ke kudala akea, ma ka hale kudala o E. P. Adams ma Honolulu, ma ka Poaono, i ka la 10 o Aperila A. D. 1880 ma ka hora 12 oia ia, i na apana aina i hoike ia malalo iho, oia kekahi hapa o ka waiwai paa o Hon. W. H. Moehonua i make i mea e hookaa ia # i ka aie o ka waiwai i hoike mua ia ae nei, a penei:

     1  O ka mahele aina mauka o ke Ahupuaa o Pulehunui, e waiho la ma ka mokupuni o Maui, L. C. A. 6230, nona ka ili 11,550 eka; o ke Ahupuaa i olelo ia, aia no ia ke moe la mai ka mauna a hiki i kahakai; a o kona palena ma kahakai, ua ua aneane 1,000 kapuai.  O ke kii o ua aina ia i olelo ia, e ike la no ia ma ke Keena hana o Kakela me Haki.

     2  O na apana aina ma Palolo, Mokupuni o Oahu.  O kela apana aina apau i hookakaia iloko o ka Palapala Sila Nui, kelu 2539 nona ka ili, 1 eka me 1 20-100 kauahao kuea.

     O kela mau pa hale apau i hoakakaia iloko o ka Palapala Sila nui, helu 25@3, nona ka ili 10 18-100 kaulahao kuea.

     O kela mau pa hale i hai ia ae ia maluna, oia no na pa hale i hoolilo ia aku ia Moehonua, i olelo ia ma ka palapala hoolilo oa Kinopu i kakau kope ia iloko o ka buke 21, aoao 178.

     3  O na pa hale ma Manoa Mokupuni o Oahu.  Ke Ahupuaa o Puulena, Palapala Sila Nui, helu 12@, nona ka ili 3@ 4-10 eka.

     Koe nae na apana aina malalo iho i hoolilo ia a Moehonua i olelo ia, oia hoi; @ eka i kuai ia aku ia Apeo i kakau kope la ma ka buke 6, aoaoi 26.

     Ka apana aina i kuai ia ia Haui i kakau kope ia ma ka buke 21 aoao 266.

     Ka apana aina i kuai ia ia Kaiwi i kakau, kope ia ma ka buke 21 aoao 3@.

     Ka apana aina i kuai ia ia Puaiole i kakau kope ia ma ka buke 27 aoao @.

CHARLES T. GULICK

Lunahooponopono waiwai o Moehonua i make.

 

HOOLAHA HOOKO MORAKI.

 

MA keia ke hoopaha ia aku nei, mamuli o kekahi mana kuai i koike ia iloko o kekahi Palapala Moraki i kakau a e Mary Kamalu Maikai (w) me J. Maikai kana kane, a me Kaehu @ (w) me Joseph P. Kamai kana kane, ia W. C. @, mea hooko kauoha o ka hooilina hope loa a Nicholas George i make, a i hanaia i ka la 6 o Aperila 1878, a i kakau kope ia ma ka buke 64 ma na aoao @, @ a me ka aoao @, ko manao nei o W. C. Jones, ka @ hooko kauoha i olelo mui ia, e hoopaa i ka moraki i olelo ia, no ka uhai ia o @ a oleleo aelike i hoike ia iloko o ua Palapala Moraki la, oia hoi, ke uku @ ia o ka uku @ i no like ia, a mamuli oia hoopau ana, e haawi aku i ka aina ma ke kudala akea ma ka Poano la 21 o Feberuari 1880 ma ke keena hana o W. C. Jones, luna hooko kauoha i olelo ia, ma ka helu 66 alanui Papu, Honolulu, ma ka hora 12 awakea.  Oia ka aina apau i olelo ia iloko o ka moraki i olelo ia, a i ole ia kekahi hapa o ua aina la e lawai # i na koina o ka moraki i oleloia a me na lilo e pili ana, ke ole e hookaa mua ia mamua ae e ka la i oleloia.

     O ka aina i oleloia, eia no ka pa hale me na hale e ku ana, e waiho ia ma Keonouia Kapalama, Honolulu, Oahu, nona ka @ @ apana kuea, e pili pu ana me ka pa hale o Hon. J. L. Dowsett.

W. O. JONES

Luna Hooko Kauoha o ka waiwai o Nicholas George i make.

 

OLELO HOOLAHA.

E ike auanei na mea a pau ma keia, o maua o na mea nona na inoa malalo iho nei, na Luna Hooponopono Waiwai, ma ka waiwai o LEVI KALIIPIO o Honolulu, i make kauoha ole.  I kulike ai me ka mana i haawi ia mai ia maua e ka mea Hanohano Chas. C. Harris, Lunakanawai Nui o ka Aha Kiekie o ko Hawaii Pae Aina, ma ka la 29 o Dekemaba, @ @ 1879, e pili ana i ka waiwai o Levi Keliipio i olelo ia maluna, nolaila, ke hoike ia aku nei ka lohe i na mea a pau, e kuai aku ana maua ma ke Kudala akea i na apana aina a pau loa o Levi Keliipio i olelo ia, ma ke alo iho o ka Hale Hookolokolo ma Lahaina, Maui, ke hiki aku ma ka Poaha, Feb. 12, ma ka hora 10 a m a penei na hoakaka ana e pili ana i ua mau apana aina la i olelo ia maluna.

     1 C Ka apana 2 i hoike ia ma ka Palapala Sila Nui Helu 3@@@, ma ka ino o Pupuka.

     2 C Ka apana aina i hooko ia ma ka inoa o Hanemo, ma ka Palapala Sila Nui @@@@, e wiaho la ma Puunoa, Lahaina.

     3 C Ka apana aina i hoike ia ma ka inoa o Kaumauma, e waiho ia ma Nakalepo nona ke kuleana Helu @@@.

     4 C Ka apana aina i hooko pono ia ma ka inoa o Keahilaweiki, kuleana Helu 1165 e waiho ia ma Moaili.

     5 C Ka apana aina e waiho ia ma Hanakaoo, kuleana Helu 3425.

     6 C Ka apana aina i hooko ia ma ka inoa o Levi Keliipio, ma ka Palapala Sila Nui Helu 1@@@, kuleana 477, e waiho ia ma Puanoa.

     O na apana aina elima i hoike ia maluna, ua paa malalo o ka hoolimalima ia e Hale T@ no ekolu makahiki i koe, a ua pau na aku hoolimalima a pau i ka @ ia, a e hoomaka ana ke koho kiekie ana o ia mau apana aina @ mai ka $@.00 aku, alaila, pii aku.  O na lilo a pau loa o ka hana ana o na palapala a pau loa, na ka mea e lilo ai e aku ia mau lilo a pau loa.  E hoolohe i keia.

PAKEKE KELIIPIO

J. L. KAULUKOU

Na Luna Hooponopono Waiwai o Levi Keliipio

 

Olelo Hoolaha

No ka mea, ua noi ia mai ka mea nona ka inoa malalo iho nei e Kukahi w, e hoomaopopo ia a e hooiaio ia na palena o ka @ o ke ahupuaa o Ahainoiki, ma Kona, mokupuni o Molokai, ko Hawaii Pae Aina.  Nolaila, ke hoike ia aku nei i ka poe a pau i pili, o ka Poaha, oia ka la 12 o Feb, ma ka hora 10 a m, ma ka Hale Hookolokolo ma Lahaina, Maui, kahi e hana ai.

L. AHOLO

Komisina P. A. ma Maui

Lahaina, Jan. 10, 1880

 

Olelo Hoolaha

No ka mea, ua noi ia mai ka mea nona ka inoa malalo iho nei, e Wm. H. Tell, e hoomaopopo hou ia, a hooiaio ia na palena a me ka ona nona ke ahupuaa o Makolelau, ma Kona, mokupuni o Molokai.  Nolaila, ke hoike ia aku nei i ka poe a pau i pili, o ka Poaha, oia ka la 12 o Feb, ma ka hora 10 o ke kakahiaka, ma ka Hale Hookolokolo ma Lahaina, Maui, kahi e hana ia ai.

L. AHOLO

Komisina P. A. ma Maui

Lahaina, Jan 10, 1880

 

OLELO HOOLAHA

Ma ka waiwai o Nika w no Waimea, Kauai i make.  O na mea a pau he kuleana ko lakou e hoi ai i ka waiwai i hoike ia maluna, ke kauoha ia aku nei lakou e waiho mai ia mau mea imua o ka lunahooponopono waiawai, ma Waimea, Kauai, no ka hooponopono ana ia mau mea iloko o na mahina eha mai keia ia aku, a i ole e hoo@ele mau loa ia aku lakou, a o ka poe a pau i aie mai i kela waiwai, he hookaa koke mai lakou ia # u.

J. KAUAI

Lunahooponoponopono Waiwai o Nika w.

Waimea, Kauai, Dec. 5, 1879

 

OLELO HOOLAHA

MAI ka la 1 aku o Iuanari, 1880. he

 

ELUA DALA

ka uku o na ohua oneki maluna o ka mokuahi JAMES MAKEE mawaena o na awa o Oahu a me na awa o Kauai.

T. R. FOSTER & Co. (Poka Ma.)

 

OLELO HOOLAHA.

KE kauoha ia aku nei na mea a pau i loaa na kuleana iloko o ka PA ILINA MA KAWAIAHAO e hele koke mai a e hoomaemae i ko lakou mau ua, malalo o na kuhikuhi ana a D Manuia, ka luna nana e kiai nei ia wahi.  O ka poe hoolohe ole i keia, mahope o ke kali ana no ka wa kupono, e manao ia aohe o lakou kuleana; a e lawelawe ka poe nona kahi e like me ka lakou i ike ai he pono.

 

AINA KUAI A HOOLIMALIMA.

HE Kanalima Kumamaono eka aina ma Iwilei.  (Makai iho o ka Halepaahao.)  He Loko I-a, Aina Kalo, Aina kau Paakai, aina kula a me ke kai.  A me kekahi mau eka aina ma Peleula, he aina kalo, aina kula a me ke kai.  He olouolu ke kuai ana.  E ninau ia          J. H. coney, (Koni).

Honolulu

 

OLELO HOOLAHA.

UA papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Puuloa aku a hiki i Waimanalo, ma ka mokupuni o Oahu, apana o Ewa.  Ua hookoouia o AARONA HATTON i luna malama no na kai lawaia o Honouliuli, aohe mea e ae.

     Kakauia ma Honouliuli, Oct 9, 1879

JAMES CAMPBELL

 

O ka poe a pau i aie ma ka halekuai White House e ku nei ma ke alanui Nuuanu, malalo o ka malama ana a S. L. Lewis i make iho nei, e oluolu lakou e hookau koke mai ma ke keena hana o M Phillips & Co, ma ke alanui Kaahumanu, Helu 11, a o na aie i uku ole ia mai iloko o na ia kanakolu, e waiho ia aku no ma ka lima o ko makou loio nana e ohi mai ia mau mea.

M PHILLIPS & Co.

 

ASA KAULIA,

Loio a Kokua ma ke Kanawai

 

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu.  E loaa no au ma Koolaupoko, Heeia, a ma Honolulu i kekahi wa Hooko ia na kauoha mai na wahi a pau o ka mokupuni me ka eleu a me ka hikiwawe.

 

Olelo Papa.

     OWAU o ka mea nona ka inoa malalo iho nei, i ka wa e hemo mai ai kuu wahine mare Kekela Kamaipelekane mai Kawa mai, ke papa aku nei au i na poe a pau e noho ana ma ka pa Ainaimi, mamua mai o Haukipila ma Honolulu, a me ka poe e ae aole maloko o ia pa, aole loa e hookipa a hanai iaia ma ko oukou mau wahi he ole au e ae aku; a o ka poe e kue ana i keia, e lilo no lakou i poe kokua hewa; a ke kauoha pu ia aku nei no hoi ka poe a kuu wahine i haawi wale aku a i kekahi o ko maua mau waiwai pili kino, e hoihoi koke mai ma kuu wahi ma Kamanuwai; a o ka mea a mau mea e kue i keia, e hoopii no au ma ke Kanawai.

P. KAMAIPELEKANE

Honolulu, Jan 20, 1880.

 

Hoolaha Hooko Moraki.

KE hoike ia aku nei ka lohe, mamuli o kekahi mana kuai i hoakaka ia maloko o ka waiwai i moraki ia, i kakau ia ma ka la 26 o Aperila, 1879, a hooiaio ia ma ke Keena Kaku Kope o ke Aupuni, ma ka Buke 59, ma na aoao 438, 439 a me 440, i hana ia e Laea w. a me Haula k. ia Chung Waa, a mai iaia aku i oleioia ia J Hyman i ua waiwai la, i kakau ia ma ka la 3 o Ianuari, 1800, a hooiaio ia ma ka Buke 59 aoao 43@, a no ka uhaki ia ana o na olelo o ka moraki, nolaila, o ka aina a me na pono, na lako a pau i hoike ia ma ka moraki, mahope aku o na pule ekolu mai keia la aku, e hoolaha ia a e kuai ia ma ke kudala akea.  O keia aina i hoike ia, aia ma ke alanui papu, Honolulu, malalo aku o kahi o Mr. Lewisson.            J HYMAN

S.B. DOLE, Loio

Honolulu, Jan 14, 1880

 

Hoolaha Hooko Moraki

MA keia ke hoolaha ia aku nei, oiai mamuli o kekahi mana kuai i hoike ia maloko o kekahi palapala moraki i kakau ia ma ka la 7 o Feberuari 1878 i hana ia e William Johnson o Honolulu, Oahu, ia James Campbell oia wale no, a i kakau hope ia ma ka buke hoopaa helu @4 ma na aoao 49, 50 a me 51, a mamuli o ka uhai ia ana o na olelo ae like maloko o ua palapala moraki nei, o na aina, na kuleana a me na pono a pau i olelo ia maloko o ua palapala moraki nei, e kuai ia, mahope o ka hala ana o ka manawa i ae ia e ke kanawai, ma ke kuai kudala akea, no ka uhai ia ana o na olelo ae like, e like me ka mea i hai mua ia ae la.  O ka waiwai i hoike ia maloko o na moraki la, ke waiho la ma ke komohana akau o alanui Kaahumanu ma Honolulu. 

JAMES CAMPBELL

CECIL BROWN, loio o ka mea nona ka moraki.

Hanaia ma Honolulu Jan 24, 1880.

 

JAMES M .MONSARRAT

[MAUNAKEA.]

He Loio o he Kokua ma ke Kanawai.

 

IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponoono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

     Keena hana maluna ae o ka halekuai buke o o Wini me Robikana, Alanui Kalepa, Honolulu.

Jan. 3, 1880

 

Amara.

     OWAU o Akamu pake, ua makaukau au e hana ma na mea hao a pau loa.  Na Mekini Humuhumu, na Laka Pahi i poloke, na Pu, Na Kepa Bele a me na kapuai ho me ka uku oluolu loa.  He 75 keneta ka aku no na wawae mua a he $1.50 no na wawae a pau.  E hana no au me ka eleu a me ka mikini loa, a he oluolu loa no hoi ka uku hana.  E loaa no ko # u hale hana ma alanaui Maunakea, helu 10, makai iho o ka uapo a Kamika ma ka aoao ma Ewa.

 

S. AUKAI.

LOIO!    LOIO!

UA ae ia mai oia e lawelawe ma ka Oihana Loio imua o na Aha Kakau Olelo o ka mokupuni o Oahu.