Ka Nupepa Kuokoa, Volume XIX, Number 6, 7 February 1880 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

            Poaono, Feberuari 7, 1880.

            Mary's Little Lamb

            Songs for Little Ones p 119.

                        1

He keiki hipa liilii e,

            A aiai me ka hau;

Hahai ia Mele io ia nei,

            I na wahi hoi a pau.

                        2

Hahai ia Mele i kahi la,

            I kahi e kula ai.

Haliu na keiki a nana,

            A aka lea mai.

                        3

Hoa ia'e iwaho no;

            Ku nae a kali e.

Ku a nana io io.

            A puka Mele nei.

                        4

Alaila holo a kau ke poo

            Ma kona luma e,

Me he la Mele kona koo,

            A nana e koo mai

                        5

A no keaha i hahai

            Ua hipa makalii

Ia Mele nei i o ia nei?

            No ke aloha e.

                        6

E hana aloha na pokii

            I na hipa liilii nei,

I na manu mele maikai e,

            A e hahai ia mai.

 

HElu 8. Sabati Feb. 22, 1880.

Kumuhana.

Ka Manawalea me ka Pule. Pauku Baibala. Mat 6:1-13.

 

E malama ia oukou, aole, e hana wale aku i ko oukou manawalea imua o na kanaka, no ka ikeia mai e lakou: o loaa ole ia oukou ka ukuia mai e ko oukou Makua i ka lani.

            2 A i kou manawalea ana aku, mai hookani i ka pu imua ou e like me ka hana ana a ka poe hookamani iloko o na halehalawai a ma na alanui, i hoomaikaiia mai ai e na kanaka: he oiaio ka'u e olelo aku nei ia oukou, Ua loaa ia lakou ko lakou uku.

            3 Aka o oe, i kou manawalea ana aku, mai hoike i kou lima hema i ka mea a kou lima akau e hana'i.

            4 I nalo hoi kou manawalea ana; a o kou Makua e nana mai ana i kahi nalo, oia ke uku mai ia oe ma ke akea.

            5 ¶ A i pule aku oe, ea, mai hoohalike me ka poe hookamani; makemake lakou e pule ku ana ma na halehalawai a me na huina alanui, i ikeia mai ai lakou e kanaka; he oiaio ka'u e olelo aku nei ia oukou. Ua loaa ia lakou ko lakou uku.

            6 Aka, i kau pule ana, e komo ae oe i kou keena mehameha, a papani oe i kou puka, e pule aku i kou Makua in a no ma kahi nalo, a o kou Makua e ike ana iloko o kahi nalo, oia ke uku mai ia oe ma ke akea.

            7 A i ka pule ana, mai kuawili wale aku oukou i ka olelo, e like me ka poe kanaka e; ke manao nei lakou, no ka nui o ka lakou olelo ana, e hooloheia mai ai lakou.

            8 Mai hoohalike ma lakou; no ka mea, ua ike no ko oukou Makua i na mea e pono ai oukou, mamua o ka oukou noi ana aku iaia.

            9 Penei oukou e pule aku ai; E ko makou Makua iloko o ka lani, e hoanoia kou inoa.                                                                      10 E hiki mai kou aupuni; e malamaia kou makemake ma ka honua nei, e like me ia i malamaia ma ka lani la;

           11 E haawi mai ia makou i keia la i ai na makou no neia la;

           12 E kala mai hoi ia makou i ka makou lawehala ana, me makou e kala nei i ka poe i lawehala i ka makou.

           13 Mai hookuu oe ia makou i ka hoowalewaleia mai; e hoopakele no nae ia makou i ka ino; no ka mea, nou ke aupuni, a me ka mana, a me ka hoonaniia, a mau loa aku. Amene.

            Pauku Gula, p 6 hoopaanaau.

            Mele Pule Hoomanao. Lei Alii p 76.

            Pule e aoia e pule ponoi

                        Ka Wehewehe me ka Ninau ana.

            O keia haawina he hapa no ia o ka haiolelo ma ka mauna, e pili ana i ka manawalea a me ka pule. Aia paha ma ia anaina ka poe Parisaio, ka poe heokamani e manao nui ana ma ko waho pono me ka hana pu ana ia pono i ike ia, a mahaloia e na kanaka. He poe manawalea no, a pule no a hookeai no lakou, aole nae i kupono ke ano oia mau hana i ko ke Akua makemake. Ma keia maawina, ke ao nei Iesu i kana poe haumana i ke ano oia mau hana a ke Akua i makemake ai a mahalo ai.

            P 1-4 Ka manawalea ana. E malama, e ao o hana wale i ko oukou manawalea, i ko oukou mau makana aloha, mau kokua i ka poe ilihune, i ko na aina e imua owai? A i mea aha hoi?  O loaa ole ke aha?

            P2 Mai hookani i ke aha imua ou? Me he la he ipu keleawe paha kahi i hoolei@a'i ke dala kokua a kani mai me he pu la i ka haule ana iloko. Me ia ka hana ana awai? a mahea? i aha ia hoi? A loaa ke aha ia lakou? Ka uku a lakou i makemake ai, oia hoi ka mahaloia e kanaka. Loaa pu nei me ia kahi uku ma ka lani?

            P3 Pehea oe ka haumana ia a Iesu, e hana'i i kou manawalea ana? Huna ea. Mai hoike i kou lima hema i ke aha? E hana malu. Mai makemake e ike ia, e hoolaha ia koukakua aloha, i mea e kaena ai. Mai kaena hoi oe iloko ou iho no kau mau hana pono, no kau mau makana dala kokua, hana kokua. Ke ano nui keia. E kokua malu no i kekahi manawa me ka hai ole i kou inoa i kou wahi. A in a kokua oe imua o na kanaka ma kahi akea e like me ke kokua ana ma na mahinahou no ko na aina e, a no na luakini, mai hana oe ia mau kokua i mea e kaena ai, i mea e hookaulana ia ai. O mea kai oi ma ke kokua ana.

            P4 A i nalo kou manawalea ana, e nele ana anei oe i kou uku? Owai ka mea ma kahi nalo e nana ana i kou kokua malu ana? A e aha oia ia oe ma kahi akea? ahea ia wahi akea? Ma keia ao paha kekahi. E lilo ana kou kokua mali i mea e pono nui ai kekahi poe ma keia ao, me kou ike maka ana, a lohe pono ana, a houoli nui oe. He wahi uku ia ma kahi akea. Aka, aia ma ka lani ka nui o ka uku. Nana Mat 25:34-40.

            Aole i papa ia na kokua ma kahi akea. Ua kokua ka ekalesia ma Korineto, a ua mahalo a kaena Paulo ia kokua. II Kor 9:1-6.

            Hiki no ia hai ke mahalo i kou kokua ana a kaena no ia; aka, o oe ka mea e kokua ana, mai mahalo oe ia oe iho, mai kaena ia oe iho. Mai imi i ka mahaloia e kanaka.

            P 5-13 Ka pule ana. Nui ka poe pule, nui hoi na pule Pule na kupuna, na Lunakanawai, na kaula, na lii, na Parisaio, na hookamani, Ioane Bapatite me kana mau haumana. Pule hoi Iesu, a lohe no na haumana. Pule hoi Iesu, a lohe no na haumana i ka Iesu pule, a noi aku iaia e ao ia lakou i ka pule kupono iloko o ke au hou, ke aupuni o ka lani e kokoke mai ana. Luka 11:1. ua maa lakou i ka pule ma ke ano ludaio. Pehea ka pule kupono i keia wa hou? Ma keia mau pauku ua haawi mai Iesu i ke kumu pule, i na kumu, i na poo o ka pule.

            P3 A i pule oe, mai hoohalike me wai? Me he la, ua maa lakou i ka pule, ua lohe i na pule a na Parisaio, a na hookamani. Mai hoohalike me lakou. Pule lakou mahea? i mea aha? Heaha ko lakou uku? Ka mahaloia ea. He uku waiwai ia anei? Loaa anei ke ola mau?

            P6 Pehea oe e ka haipule io e pule ai? Mahea? Ia wai? A nana e aha ia oe ma kahi akea?

            P7 Heaha kai papaia? Owai ka poe kaawale? Na kanaka e, na Parisaio, ka poe hoomanakii. I Na Lii 18:26-29. Nui hoi ia poe i keia wa. Pule loihi, kuawili. No ke aha? Me he la, ua kuli ke Akua, ua naaupo, ua ike ole i na hemahema.

            P8 mai pule loihi a kuawili no ke aha? Ike ole anei ka Makua? Hiki anei ke hoonaauao i ke Akua? Ua ike e oia i ke aha?

            P9-13 Eia ka pule a ka Haku. Ua paanaau i na mea he lehulehu loa, mai na keiki liilii a na lii, na Moi. Ke hoopuka mau ia nei ma na wahi Karistiano a puni ka honua. Ka pule hookahi wale no keia a kekahi poe i ka moe ana, i ke ala ana, me ka manao, ua lawa ia. Aole e nele ana i ka uku ma ka lani. Kuhihewa nae. Lalau. Nui ka lalau, ka hoopuka naaupo ana i keia pule Penei, me keia oukou e pule ai. He kumu alakai keia pule, e haawi mai ana Iesu i na kumu, i na poo o ka pule.

            1 Ka inoa kupono ke pule, Makua.

            2 Kahi noho o ka makua, ka lani.

            3 E hoano ia, makau ia, mahalo ia, hoomaikai ia, hoonani ia kou inoa.

            Ka Makua mau loa kekahi inoa o Iesu. Isa. 9:6. Aole manao Iesu, e hoopuka ia inoa, Makua wale no ma na pule apau. Aole akaka ua pule Petero ma i keia pule. Olelo Iesu mahope, e hiki mai ana ka manawa e pule ai e noi ai ma ko'u inoa. Io. 16:24. Hiki ke pule e ka mamo a Davida e aloha mai ia'u. E ke Akua, e Iehova, e ka Haku &c, e aloha mai &c.

            4 Ke aupuni o ke Akua, e pule no ia, e aha?

            5 Ka makemake o ke Akua, e aha ia ma ka honua nei, me ia mahea?

            6 Na mea e pono ai ke kino, e aha mai? No ka manawa hea?

            7 Na lawehala, e aha mai? Me makou e aha ai?

            8 Ka hoowalewale ia mai, mai aha? mai hookuu wale ia makou e haule iloko o ka hoowalewale ia.

            9 Ke ino ka hewa, ka diabolo, e aha?

            10 Kekahi hopena kupono o ka pule. No ka mea. no ke aha? Amene, pela io no, e hooko ia ia pule.

            Na kumu pule keia. Aole manao Iesu e hoopuka mau i keia mau kumu pule a pau ma ka pule hookahi ana, a e hoopuka i keia mau kumu wale no. E hoopuka i kekahi i kekahi manawa. a i kekahi i kekahi manawa, a i mau mea hou i kekahi manawa. Aole makemake Iesu, e pule kakou ma ka buke, i na pule i pai ia, a oia wale no. Aole loa.

            Mele, pule kahi no kekahi, Lei Alii p 95.

            Pule no na kula Sabati &c.

            Haawina no Feb. 29.   Mat. 6;24-34

                       

                        No Maikonisia.

            Apaiang, Sept. 29, 1879.

                        Rev. H. Binau, Aloha oe.

            ua ku mai ma ko makou nei awa ka moku Misionari, Iulai 6, oia ko makou Sabati, a i ka Poalua ae, Iulai 8; ua haalele i keia awa a holo aku no Tarawa, a ia ka la 9 ae no ke awa o Butaritari.

            Maluna o ka moku na hoa paahana o'u no ka holo ana i ka hui Misiona o ka Pae-aina Kilibati, aole nae au a me kuu ohana i kau pu aku ma ka moku, no ka hoonoho ia ana o ka'u wahine; aole no hoi i holo pu o G. Haina a me kona ohana no ka haunaele o ka aina. I ka la 2 o Augat ua ike hou ia na pea keo keo o "Hoku Ao" ma na kapakai olino o ko makou mokupuni haahaa; a ua kii mai ka waapa ia Te Kaure a me kana wahine, a i ko'u mau wahi leta no Honolulu; i ka hoi ana nae o ka waapa i ka moku ua kau pu aku la au no ka'u huakai holo i Tarawa a moe ma ka moku me Kanoho ma elua po mawaho o ke awa, no ka mea. aole komo ka moku iloko. Lohe au mai a Rev. D. Kanoho i na hana o ka lakou hui a me ka hoonohonoho hou ana i na paahana. Aia o I. Teraoi i Maiana ua hoonoho ia me Lono, a o Te Kabure ma Marakei, o A. Tekea ua hoi hou mai ia mei. I ka Poakahi ae, Augate 4, ua haalele au i ka moku, a holo iuka i kahi o G. Haina ma ka waapa no o ka moku ka holo ana, a ua holo pu me ka Elele o ka "Papa Hawaii;" i ka hiki ana aku iuka ua lohe au i kekahi mea hou, a oia keia: Ua hai mai kekahi poe ia'u ua pepehi kekahi haole kuai niu i ke kanaka a make loa, i hahau ia i kela laau i kalai opaka ia (batiraku) penei ke kumu; ua hakaka kekahi mau kanaka on a, ma kahi kokoke i ka hale o ka haole, a ia laua e hakaka ana ua kipu kekahi o laua i kona hoa paio, aka, i ke kani ana o ka pu, aole i ku ka hoa paio. no ka mea, ua alo ae kela kanaka, nolaila, ua lele ka poka a ku ma ka lima o ka palule o ka haole, nolaila, manao ka haole i ki aku ke kanaka iaia, nolaila, hahau aku la ka haole i ke kanaka a make loa iho la. Nolaila, ike na kanaka i ka make ana o ke kanaka i ka haole, manao na kanaka e pepehi i ka haole, aka nae, holo ka haole, a i ka ike ana o na kanaka ua holo ka haole, alaila, hao ia ka waiwai o ka haole a pau loa. Pela kuu lohe mai i na kanaka, a ke olelo nei ka haole aole i pepehi, eia maanei ua haole nei i keia wa. I ka Poalua ae, Augate 5, ua hoi mai au ma ka waapa o G. Haina, a i ke ahiahi Poaono ae ua powa ia kekahi kanaka, a ua pepeki ia a make loa, o kona inoa o Te Tokamaitarawa, mawaena o Koiwana a me Bareaka kahi i pepehi ia'i, ma kahi i kapaia Buariki, na na keiki a Takirua i pepehi, a ua holo i Tarawa me ka poe kipi. I ka po Sabati ae, ua ki ia kekahi kanaka i ka pu, a ua oki ia i ka o-o, a ua make iho nei; o ka inoa o ka mea i make o Ten Teaba, he kanaka hailona (kaiua), a o ka mea nana i pepehi o Te Kanoua Kale (opio.) I ka Poakahi ae, Augate 11, ua holo au i Marakei.

            I ka la 7 o keia malama ua hoi ai o Te Kurioaba a me na kaikaina o Te Kabunare a me kekahi poe e ae mai Tarawa mai a ua noho ma Manndra; aka i ka ike ana o ke alii a me na kanaka ua hiki mai ua poe nei. alaila ua hoouna ia kekahi wa e kii e kahea ia Te Kuribaba e hele mai e kamailio pu, aole nae i hele mai; na hoouna hou @@ o Mrs. Tikau, aole no i hele mai, nolaila manao iho na kanaka he manao kaua ko lakou, no laila ua holo aku na waa kaua i ka la 17 iho nei o keia malama, a ua kaua ma Anariki, a ua make 4 kane a me 2 wahine o ka poe me Tekuibaba, a ua lilo pio mai kekahi mau pu a me kekahi mau ukana e ae, a me kahi mau waa 7 a ua au aku ke koena a hiki i Mannra no ka mea malaila kekahi hapa o ka poe me Kuribaba, ao ka hapa ma Anariki kai hoauhee ia. I ka la 18 ae ua holo aku na waa o ua poe nei me ka manao paha e hoi hou i Tarawa, aku ua nui loa ka makani, a ua kau liilii na waa, o kekahi ua loaa o Teirio, ao kekahi i Nuataea, a he elua waa i lilo i ka moana. I ka la 19 ae ua hooholo ia ka olelo, e noho mai o Te Kuribaba a me kekahi poe e a ne kipaku loaia o Te Neneia, Te Kirimaua, Te Kamaie, Ten Takirua a me Tikobia a me kahi poe e ae. Ua pau ke kaua ma Marakei, Tarawa ame Apaiang nei aka aole nae i akaka ka maluhia.

            I ka po Poalime iho nei, ua pepehi hou ia no kekahi a make loa. ma Evena kahi i make ai; o kona inoa Teu Kaumai; a o ka inoa o ka mea nana i pepehi o Te Anabeia. Ke emi hope nei kahi poe hoahanau o ka ekalesia a ua kapae ea, no ka inu ana i ka wai niu awaawa. ua oi aku ka hana lapuwale ana o na pegana ma ka la Sabati, aohe maluhia iki. He wahi kula ko makou me na haumana i emi mai malalo o ka uni, oia no ka poe maloko nei o ka p@ o kakou, aole hele iki mai o ka poe e ae.

            Aloha nui oukou apau loa. Owau no kekahi noa paahana ou i ko na aina e.

                                                                                                            G Leleo

                        Mejuro, Nov, 5 1879.

            H Binanu, Aloha oe; - Loaa mai no ia'u kau leka ma ke ku ana mai nei o ka Hoke Ao, a eia no ia imua o'u.

            Oluolu ko'u lohe ana in a mea ana nuhou maikai. oiai he kaumaha ka lohe ana i na mea keakea i ka pono o ke Akua, pela no paha oe, he nui ko'u hauoli i ka lohe ana ua holo lanakila ka pono ma kekahi kihapai; a he kaumaha ka lohe ana, he oia mau no na mea keakea i ka pono me kekahi kihapai.

            He oia mau no na manao kaua o keia wa. Ua lilo na olelo ao i mea ole ia lakou. No keia mau mea keakea oui i ka kakou hana ma keia aioa, aole makemake na ihi i ke ao; pau pu me na kanaka aole no hoi he makemake e hoouna mai i na keiki i ke kula. Aole no hoi he hele mai i na halawai.

            Ma ka nana ana aku i keia aole makemake na kanaka i ke ao i keia wa, ua nui loa ko lakou makemake i ke kaua. Nui ko lakou kuai i na mea kaua; I ko lakou i na pu lehulehu o na kani ana, a malaila ko lakou olioli. Aole nae he hule i ka mea e ola'i ko lakou mau uhane, aole hoi he makemake e apo mai a puliki iho. O ka mea e make ai ka uhane ka lakou e hooikaika nei e imi. He elua mahele o na lii ma keia aina a pela no na kanaka. A me he mea la, elua kumu e pono ai ma keia aina, hookahi maanei, a hookahi ma keia aoao o ka aina, me he mea la, pele paha e hoomalu ia'i ka aina nei mai ko lakou mau manao kaua mai. A i ole, e waiho aku keia aina a pau ko lakou kaua ana. alaila noho hou ke kumu, aole no ka makau i ka pepehi ia mai, aka, no ka makemake e hana, oiai, ke ao mai nei ka Hake, a i hoolohe ole mai i keia kulanakauhale a hale paha-pono e hele aku ma kekahi.

            No makou iho, he oluolu no ko'u ohana, a me a'u pu no hoi. Me ke aloha o makou ia oukou iloko o ka Haku Pokii.

                        S.W. Kekuewa.

                                                He Momi.

            Ua loaa ia'u he momi, aole keia ka momi pohaku o luia, aka ua oi kona waiwai mamua o kela. Heaha la keia momi? Mawaena o na kauhale e hoopuni ana mawaho mai o Honolulu, e ku ana he wahi hale laau, aohe haahea o kona kulana a me kona kii, me kahi mau hale e kukulu ia nei e na alii o ka aina, no ka mea he hale keia o ka mea ilihune. Elua rumi iloko o keia wahi hale, a he wahi lanai ma ke alo. He kane a me kana wahine na mea e noho ana, a o ko laua hale ponoi no keia. aohe a laua keiki ponoi. aka ua loaa he keiki hanai na laua. O ka wahine, he hoa ia no ka pahipa i haawi ia mai na'u e kiai a e hanai; o ke kane nae, he kanaka ia mamuli o ko ke ao nei pono wale nei no, a he wahi kane puni wale no hoi keia i ka poe hoowalwale, aole nae oia he enemi, he hoaaola maikai no.

            Ma kekahi la ua loohia ka wahine i ka mai fiva. Hiki aku la au i ko laua hale mahope iho o kona waiho ana he mau la i ka mai. Mahope o na aloha ana a me kekahi mau kamailio ana a makou, i mai la ka wahine: "He wahi mea hou ka'u." Heaha kau wahi mea hou? I mai la kela: Maanei o ---------inehinei, i hele mai e hoohuli ia'u e komo i kona hoomana, a i na ka aole au e ae, e make ana au, a e poino mau loa ana ko'u uhane; pela ka olelo ana mai, a he nui kana hooweliweli ana mai ia'u." Ninau akua la au, pehea kou manao? I mai la kela: "Aole au i ae aku, aole no au e ae ana; na pane aku au ia--------he hoomana no ko'u; eia no me a'u ka Olelo a ka Haku; ua hana au i berita me Iesu Kristo me Ia au a hiki i ka hopena a mau loa; eia no kuu haku me a'u, aole au i haalele ia, aole no hoi au i nele. Maluna au o kuu manao io iloko o Kristo a me ka manao lana no ke ola ma kona inoa, a hiki i ka hopena." Oia ke ano o kana mau olelo.

            Ua elua a ekolu paha hele ana aku o kela makamaka e hoowalewale i keia hoahanau e uhai i kona berita. A ma ka hele hope ana, ua papa ia oia aole e hele hou aku e hoopilikia i ka mea mai.

            Ia'u i ike ai i keia, ua piha au me ka mahalo, a i iho la au, he momi keia iloko o ka leialii o Iesu Kristo. Me he mea la, lohe iho la au he leo ma ia hope iho e like me ke aheahe malie o ka makani, e i ana: "O ka mea lanakila e haawi aku au ia ia e ai i ka hua o ka laau o ke Ola."

            A ua kakau au i keia i mea hooikaika i ka manaoio o kahi poe ae no ka hoopal ana i na hoowalewale o keia au e hele nei. Mai ae aku kakou i ka hoowalewale.

                                    Paleka.

            Kawaiahao, Feb. 2, 1880.

            Hoolaha Buke Himeni.-- ua ae mai ka Papa o ka Aha hui Euanelio hawaii e hoemi loa i ke kumukuai o na buke "Himeni Hawaii" i kuai ia aku ai no hookahi dala pakahi. Eia ke kumukuai mahope aku, 50 keneta wale no. Hiki i na hoahanau a pau o na ekalesia o Hawaii nei e hoolako i ko lakou nele, a e kokua i ka hoolea ana i ka inoa o ko kakou Haku o Iesu Kristo ma na luakini a pau o keia pae aena ma kela Sabati keia Sabati.                          H Binamu,

            948 3t  Kakauleta o ka Papa Hawaii.

NU HOU! NU HOU   MAHOPE AKU O KA LA 1 O IANUARI, 1880, E HOOmaka ana makou malalo o na rula DALA KUIKE, I Ka Loaa ana aku o ka waiwai i ka mea kuai E hookahua ana makou i ka makou oihana malulo o ke DALA KUIKE, e kuai ia aku ana na lakou waiwai a pau no ke Kumu kuai malalo iho o ka MEA I IKE IA MAMUA E LIKE ME KA LILO. He Huina nui ko makou o na Oo, Kopala, Ho. &c.,&c. i kuai ia mamua ae o ka hoopii ia ana o ka auhau o ka poe nana i hana. HE MAU LAKO NUI KO MAKOU O NA PALAU A makou e kuai aku ai no ka $7 a hiki i ka $7.50 Malalo iho o ke Kumukuai mua no kela a me keia PALAU. Ano ko oukou manawa kupono e looa ai na waiwai makepono loa. E hele mai Hookahi, E hele mai a pau loa. DILINAHAMA MA. 942 tf   37 Alanui Papu. S.B. Dole Loio! Loio! Huina o na Alanui Kalepa me Papu. 924 ly PAPA, PAPA AIA MA KAHI O LEWERS & DICKSON! (O LUI MA.) MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano. Na Papa Nani a Pua no ke Kukulu ana i na Hale! Na Pani Puka, Na puka aniani. Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa NA PILI O KA HALE O NA ANO A PAU. Na Pepa Hoonani, Na Pena o na Wai a pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o ka ano a pau, Na Aila Pena, o kela me keia ano, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau. NA WAI VANIKI A ME NA WAI HOOHINUHINU NANI! o na ano a pau loa. NA BALAKI ANO NUI WALE A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LCAI E like me ka mea e holo ana mawaena o aLAUA a me ka MEA KUAI. E hele mai! E na Makamaka!! A e lawa no hoi ko oukou makemakes me ka oluolu a me ka maikai! 845tf RICHARD F. BICKERTON, [PEKETONA.] LOIO  a he KOKUA ma ke KANAWAI! E HELE ANA OIA MUA O NA AHAHOOKOLOKOLO a pau o keia Aupuni ma na ano hibia a pau, in a paha ma Oahu nei, a ma na Moupuni e ae. Ua makaukau mau ola i ka hana ana i ua Palapala pili kanawai o kela a me keia ano. Ua hiki no hoi iaia ke hoaie dala dala aku ma ka moraki ana in a aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. KALE KULIKA, LUNA HOOIAIO PALAPALA KUAI, Molaki, a me na palapala oia ano. Luna Hooiaio Palapala Aelike mawaena o na Haku me na Kauwa. Luna Haawi Palapala Ae Mare Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina.906tf C.C. Coleman. Amara a he Mea Hana Mekini, Kapili Kapuai Hao Lio a me ka Hana ana i na Kaa Lio, &c., Hale Hana ma Alanui Alii, e kokoke la i 905ke Alanui Papu tf Christian Gert Mea Hana Buti me Kamaa maoli! Alanni Papu, maai o ke keena o lui & Dickson ke hai aku nei oia i na mea apau, ua hoi mai oia mai kapala kiko mai, Ilaila Oia i ohi kino mai nei i na waiwai nan a paa o kana oihana, a ke waiho ia aku nei no ke kuai ana no na kumukuai o ka manawa He mau waiwai piha o na buti! na kamaa haahaa a me na ano kamaa no na lede. Na buti, na kamaa haahaa a me na ano kamaa e ae a pau no na keonimana. na buti & Kamaa haaha! A me na ano kamaa e ae a pau no na kamalii! na kamaa o na ano he nui o na kamaiki opiopio. o neia mau mea a pau ua hanaia me ke akamai loa a me ka paa o na ano hou loa, a ke hioia la aku nei ia mau mea e like me ka mea i olalo ia. E kawela no na kauoha mai na Makapuni a me ka maiau a me ka eleu. 948 Maikai ka hoi ka papa a me ka laau o kou hale! no hea la? kai no hoi no kahi o Waila ma! Nana aku no hoi ia la Ohi ka lo o ka laau o Makawao I ka ua mea hoi o ka nani o Na papa! Na Papa!! a me na pono kukulu hale o na ano no a pau. Aia ma ke kihi o na alanui papu me moiwahine Honolulu Malaila e loaa ai e like me ka makemake no ke kumukuai makepono loa! Papa, papa,papa, na papa huluhulu, na papa manoanoa, Na papa i kahiia, Na papa epa, papa hole keokeo, Papa hole ulaula. Na laau, na laau na kua, na kaola, Na aaho, na moli, na peapea. Pine huluhulu. Pine kahiia Na papa a me na laau ulaula! Pili ulaula, pili keokeo, pNi puka, pani puka aniani, ipuka aniani puka olepelepe. Pena o na ano a pau Hulu pena mai ka lii a ke nui, aila pena, aila hoomaloo waniti, pate. Na lako o kela a me keia ano! Na Ami pua hale, Na ami puka pI aniani! Peoa hale a me na Lihilihi E loaa no malaila. Paakai helu i o Kakaako me puuloa No ke Dala kuike, e loaa no na mea a pau i hai ia ae la, no ke Kumukuai Emi loa. O na kauoha mai Hawaii a Niihau, e loaa aku ano ia lakou, e hooko koke ia no ia me ka lawa pono E kipa nui ilaila, i ike i ka oiaio. 905tf He nui anei kou makemake i na makini humuhumu lole? Ina pela, alaila, e kipa mai no ma ka Halekuai Kakela a me kuke. a malaila oukou e ike ai a makaikai i na ano makini a wheeler a me wilson, mai ke $40 a hiki ke $ ke kumukuai o ka mea hookahi. Ka mekini a singer, ma ko $50 pakahi, a me ke ano mekini a wilcox me gibbs, ma ke $30 a hiki ke $50 ke kumukuai. I mea e pau ai ko oukou kanalua o na Makamaka no ke kupono o keia mau ano Mekuni, e naue mai no me ke kuihe ole, a o ike no oukou iho. 862tf.