Ka Nupepa Kuokoa, Volume XIX, Number 9, 28 February 1880 — Page 2
| This text was transcribed by: | Dee Olsen |
| This work is dedicated to: | Mary & Herbert Thompson |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kuoha.
Ke hoolaha ia a ku nei. o ka poe o k@k@l@ ana i na pa ma Kula okahua mai noho lakou a hoonee, a lawe i na pohaku a me na pou hoailona kihi.
Sam G. WILDER. Kuhina Kalaiaina
Keena Kalaiaina. Feb 24 1880 952 3tE
I MEA e kulike ai me ka olelo o ka pauku 231 o ke Kanawai Kivila, ua kukula ia kekahi pa kupono i wahi e hoopaa ia ai na holoholona komohewa ma kahi i kapa ia o Kalaikauhuhu ma Halawa Molokai.
SAM G. WILDER Kuhina Kalaiaina
Keena Kalaiaina Feb 24 1880 952 3t
I MEA e kulike ai me ka olelo o ka pauku 232 o ke Kanawai Kivila, ua hookohu aku au ia William Abr. Kiha i Luna pa aupuni no ka pa aupuni i hoike ia ae la maluna ma Halewa Molokai
JNO O. DOMINIS. Kiaaina o Maui.
Keena Kiaaina o Maui. Feb 24 1880. 952 3t
Kuai o na Aina Aupuni
Ma ka poaono, Maraki 27, 1880, ma ka hora 12 awakea ma ke alo mai o Aliiolaki Hale e kuai ia aku ai ma ke kudala na apana alua malalo iho e waiho ia ma Kolaokahua:
Helu 175, 176, ma ka $100 a pii aku, Helu 173, 174, ma ka $100 a pii aku. Helu 317, 318, 319, 320, ma ka $200 a pii aku.
Helu 325, 326, 327, 328, 3299, 330, ma ka $200 a pii aku.
Helu 335, 336, 337, 338, ma ka $100 a pii aku.
Helu 407, 408, 409, 410, 411, 412, ma ka $100 pakahi a pii aku.
Helu 404, 405, ma ka $200 pakahi a pii aku.
Helu 406 ma ka $100 a pii aku.
Helu 343, 345, ma ka $100 a pii aku.
Helu 347, 349, 351, ma ka $100 a pii aku.
Helu 371, 373, ma ka $100 a pii aku.
Helu 375, 377, ma ka $400 a pii aku.
Helu 368 ma ka $100 a pii aku.
Helu 270, 271, 288, 289, ma ka $200 a pii aku.
Helu 92, 93, 9, 99, ma ka $200 a pii aku.
Helu 217, 255, ma ka $200 a pii aku.
Helu 190, 191, 192, 201, 202, 203, ma ka $300 a pii aku.
O keia mau apana aina e kuai ia aku ana me ka hoomaopopo ana ua ka poe e lilo aku ai e hoomaemae ia mau wahi.
Aole i makemake ke aupuni e kuai aku me ka poe e hoopukapuka ana; aka, i ka poe hoomaema a hookuonoono.
Na uku ana. -- 1 hapa-ha ma ke kuike, 1 hapa-ha iloko o ka makahiki hookahi, 1 hapa-ha i na makahiki elua, a hookahi hapa-ha i na makahiki ekolu ma ka uku panee ma ka 9 pakeneta a me ka moraki ma ka waiwai. Na lilo o na pepa i ka mea e lilo aku ai.
SAM'L G. WILDER, Kuhina Kalaiaina.
Keena Kalaiaina, Feb 24, 1880 952-3t
UA hookohuia i keia la o G.W. Jones i Agena haawi Papapala Mare no ka Apana o Kau, Mokupuni o Hawaii. Ua hoomaka kona komisina i ka la 15 o Dekemaba 1879.
SAM'L G. WILDER, Kuhina Kalaiaina.
Keena Kalaiaina, Feb 13, 1880. 951-3t
MALALO o ka mana i waiho ia mai ia'u i hoomana ia e ka Mokuna 30 o na Kanawai o 1878, he kanawai e hooponopono ana i ka Pauku 1 o ke Kanawai i hoakaka ia, "He Kanawai e hoomana ana i ke Kuhina Kalaiaina e lawe ma kona lima i na aina me ka wai i manao ia no ka pono o ka Oihana Wai o Honolulu, i aponoia ma ka la 18 o Augate 1860, a hooponopono ia ma kekahi Kanawai i apono ia ma ka la 18 o Iulai 1874."
Ke hoike ia aku nei ka lohe i na haku aina a me na poe mea aina he nui wale o na aina a me na apana aina i hoakakaia ke ano ma keia palapala i kakau ia, ke hoike ia aku nei e hookaawale a e lawe ia aku ma kahi e mamua ae o ka pau ana o ka la 31 o Maraki ae nei; na pipi, na lio a me na holoholona e ae a pau e holo ana maluna o ua mau aina nei, a e hoomalu ia keia mau aina mai na pipi a me na holoholona e ae a pau. O ka wai maluna o keia mau aina i hoakakaia no ka pomaikai ia o ka Oihana Wai o Honolulu.
Na Aina i hoike ia maluna ae;
Ili o@ Opu -- Haumakaawe, Poloke, Maunalaha, a me ka aina o Ioane 11 oia hoi o Pawaa a i ole Kanaha paha; Kalawahune, Kaiwiokaihu, a me kekahi lihi o Kewalo e waiho ana ma ka aoao mauka o ke alanuii Beretania.
Kakau ia ma Honolulu, Feb 16, 1880.
951-3t SAM'L G. WILDER, Kuhina Kalaiaina.
UA hoopau ia aku o T. HOOMAHA i keia ia mai ka oihana aku no ka Agena haawi Palapala Mare no ka apana o Hamakualoa, Maui.
SAM'L G. WILDER, Kuhina Kalaiaina.
Keena Kalaiaina, Feb 9, 1880 950-3t
UA hookohu ia aku o Mr. P. @ALAKAI i Agena haawi Palapala Mare no ka apana o Hamakualoa, Maui; ua hoomaka kona Komisina ma ka la 20 aku o Augate, 1878.
SAM'L G. WILDER, Kuhina Kalaiaina.
Keena Kalaiaina, Feb 9, 1880 950-3t
MAKANA A KA
"Nupepa Kuokoa"
NO 1880.
Ke Kii Hanohano
-o-
Ka Makaainana Moi Kalani.
He kii keia i aneane like kona nui me ke kii o ka Moiwahine o Enelani, aka ua oi aku nae kona maikai, a ua kiekie ae kona kumukuai. O ke kulana o ua Alihikaua Kaulana nei iloko o keia Kii, he ihiihi a he ku i ka mahalo ia ma ka nana ana, e kau ana maluna o kona lio kaua. He kahiko waiwai loa keia no na Home Hawaii, a he kokoolua maikai no ke Kii makana i haawi ia iloko o 1879. E loaa ana keia makana waiwai me ka Alemanaka pu i ka poe a pau e lawe ana i ka NUPEPA KUOKOA no 1880 me ka hookaa mua mai i na DALA ELUA o ka uku pepa ma KELA KEENA mamua ae o ka la 31 o MARAKI 1880.
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1.
Dala kuike ka Rula.
POAONO, FEBERUARI 28, 1880
UA hilahila a kaumaha pu ka poe naauao o Honolulu nei no na mea i hoea mai mahope iho o ka la koho balota, e pili ana no kekahi mau mea i hana ia ma ia la. Aia mawaena o kekahi poe i hooikaika mamuli o ka balota aie miliona, ua ulu mai na ohumu ana no ka hookaa ole ia o ko lakou uku o ka hooikaika ana. Ua olelo aku kekahi mea e uku ia ka poe hooikaika me ke dala a e pakahi lakou a pau i ka omole gini. A i ka wa i hookaa ai ka uku o ka hana ana, ua lawa no ke gini, aka, ua emi ke dala. "I hookahi wale no ka wahi dala me ka hapalua, me akahi omole lapalapa, ka-ha-ha, poho loa." Ua pono no ia poho ana. Ua ike no ka hoi he hana kue i ke kanawai. Ua ike no he hana e hilahila ai ka inoa maikai o ka aina makuahine. Ua ike no hoi he hana e moraki ia ai ka ea o ke aupuni -- hana aku no nae. Ua pono no ia nele ana i ke dala, a ina i nele pu i kahi "omole lapalapa." ua maikai no.
Ka Ona e laha nei.
HE MEA ku i ka weliweli na lono e laha nei no ka ona ma na apana o Maui me Hawaii. Ma ka hoike a ka poe i ike maka i na noho ana o kanaka ma ia mau mokupuni he oiaio no keia mau lono. Ua lawe nui ia na waiona mai Honolulu aku a ua kuai ia i na Pake me kahi poe e ae, a na lakou e kuai aku i ka lehulehu. Ma kekahi mau pule i hala ae nei, ma kekahi apana o Molokai ua wehe ia he ahaaina lulu dala no kekahi luakini, nehe nui loa na dala i lulu ia ma ia la. Aka, ma kahi e kokoke ana i ua ahaaina la ua wehe ia he wahi kuai waiona e kekahi Pake; a he nui loa kanaka i hele aku a kuai ma ke akea. Ua olelo ia mai, o kekahi lunakanawai, a me na makai o ka apana, ua pau pu lakou iloko i ia huina hookahi, he kuai a he inu akea i ka waiona me ke kue i ke kanawai o ke aupuni. Ma Maui oia ano hookahi no. Me he mea ia, aohe mea nana e hoomalu ka aina; aohe poe nana e hooko ke kanawai. A hiki wale aku i Hawaii keia kai mimiki o ka ona e hele nei.
Heaha ka pono o na luna aupuni ona: Heaha ka pono o na makai a me na lunakanawai apana, ke hele aku lakou a haihai i na kanawai o ka aina? Auhea ka maluhia o ka aina i na pela na kahu kanawai e hana ai? Ea, ua noonoo pono anei ka poe e hana nei i keia mau mea no na hopena e hiki mai ana mahope o keia lulu ana i ka makana?
Heaha ka waiwai o na kahunapule a me na ekalesia he lehulehu wale a piha ka aina, ke pane ole ka waha, a lawelawe ole no hoi e kue a e kinai i keia mau hana ino? Heaha ka waiwai o na nupepa noho mamule a hapai ole i ko lakou leo e papa a e pale aku hoi i ka enemi nana e hoopoino ka lahui kanaka? Ua hopohopo anei? A ua kokua a ae wale aku anei na alakai e noho nei iwaena o keia lahui kanaka mamuli o keia mau hana pono ole? E ao kakou o ohi auanei mahope aku e like me ka mea a kakou i makemake ole ai. E like me ka lulu ana, pela no e ohi ai.
Na Pake
ME na olelo hoahewa he lehulehu wale e hooili ia nei e kekahi poe maluna o na Pake, aole hiki ke uumi ia na manao mahalo piha no ko lakou mikiala ma ka hana. E nana kakou i keia apana aina nui ma Kapalama i waiho wale ia no na makahiki he nui me ka hoowaiwai ole mai i ka mea nona kahi. Aka, i keia la ke haawi mai nei i ka hua no ka mea nona ka aina, a me ka poe nana e mahi. Pela no a puni o Oahu nei. Ma Waialua, Koolauloa a ma Koolaupoko, ke mahi nei na Pake i na aina i haalele ia no na makahiki he kanalima a oi. E ole na Pake loaa ka poe nana e mahi na aina wai ou, e Hawaii.
Ina o keia hele ana mai o na Pake he hele kane a wahine, a ina hoi e lawe ana lakou i ke kulana o na lahui naauao, e oki i ka lauoho, a komo hoi i ka lole o na lahui naauao, e like me kekahi poe o lakou e noho nei, aohe kanalua ana i koe. O ka lahui no ia e pono ai na aina waiho wale o Hawaii.
O ka poe Lelewa e lawe ia mai nei, aohe e pono ana ka aina ia lakou ma ka noonoo ana o kekahi poe naauao. He poe maikai no; aka, aole i maopopo ko lakou ola pono ma keia mau kaiaulu. Aole no hoi i maopopo ka hoomau ia o ko lakou hele ana mai. Aka, ina e ola pono ana lakou mawaena o o kakou ua pono no. Aole nae e loaa aku ka mikiala hana a ka Pake.
Ka Leta a Rev. E. Bona.
Maloko o ka nupepa haole Hawaiian Gazzette o keia pule i ike iho ai makou he leta na Rev. E. Bona o Kohala. He leta weliweli keia, e kamailio ana no ka nui o ka ona e laha nei ma kekahi mau apana o Hawaii. Me he mea la, ua pau pu na makai me na lunakanawai me kekahi mau apana iloko o ka ona. Ua kamailio pinepine ke KUOKOA no keia hana lapuwale e hoopoino nei i ka aina. Ua hoike aku makou o ka mea e pau ai keia, oia no ke ala lokahi ana mai o ka poe maikai mai o a o a hoahewa ikaika i keia ino, me ka ae ole aku i kekahi mea e noho i luna aupuni ina he ona ia. Aka, ina e ku mai na alakai o keia lahui kanaka a kokua mamuli o keia hewa a ka haawi ana i na waiona ia lakou, a meka inu pu ana me lakou, a hookahi ka ona pu ana, alaila, heaha ka pono i koe o keia poe alakai? E pono e haalele ia. Aole e hoolohe i ka lakou. Auwe kakou a pau ke hahai mahope o na alakai ona rama a hiki i ka haule pu ana iloko o ka auwaha hookahi!
E pono e hoolaha ia na inoa o keia poe hoohilahila i na oihana a e hoopii ia lakou imua o na poo oihana me na hoike kupono, a e hoopau ia lakou.
O ko kakou pilikia nui i keia wa, oia ka hopo wale o ka poe maikai, a ua noho mumule lakou. Ke noke nei i ke kamailio no na hewa o na keiki a Iseraela o ka wa kahiko loa; ke kue ikaika nei i na hewa o na wahi mamao, elike me ko Maikonisia; aka, o na ino e aai nei i ke ola o ka lahui ponoi o Hawaii, ke hamohamo wale ia nei mawaho me na huaolelo "malie, malie, malie." Ahea pau keia hiamoe ana? Aia anei a hala ka wa e pono ai!
Kenela Ulesia S. Kalani.
Oiai he mea maopopo e holo ia mai ana o KENELA KALANI e makaikai i ko kakou nei aupuni, elike me kona makaikai ana i na aupuni nui o ka honua iloko o na makahiki i hala ae nei, elilo ana ia mea i mea e papalua ai ka waiwai o ka Makana e loaa ana i ka poe heluhelu KUOKOA no keia makahiki. He makana na ka nupepa, a he mea hoomanao no ka makahiki i hehi ai na kapuai wawae o ka Alihikaua kaulana o ka honua nei maluna o ke one ou e Hawaii. He kumu no hoi keia e makaala ai na makamaka mamua ae o ka pau ana o ka manawa, i lako lakou a pau me keia kii makana waiwai.
Eia kekahi mea hilu loa i ike ia iloko o na nupepa haole, e pili ana no KENELA KALANI. Ma na hoohanohano ana a pau, a me na ahaaina ana i haawi ia nona iloko o keia kaahele ana i ka honua, ua hoole aku oia i ka inu ana i ka waina a me na waiona apau. Oiai aole paha no kona pono wale iho no kona lawe ana mai i keia rula nona iho aka no ka pomaikai a me ke ola o na tausani e nana'ku ana ia ia, a e hakilo ana i kana mau hana, he hoike hou keia o ke koni ana o na aa aloha o kona puuwai no ka lehulehu, a ma kona kokua pu ana me lakou e moku aku na kaulahao o na waiona.
Na'u na kekahi HAWAII HOOLE WAIONA.
Feberuari 23, 1880.
KA MIHI NO KA HEWA.
He hiona ao pouli eleele ke kulana o ke kanaka i noho iloko o ka hewa, a he pomaikai no ka lehulehu ina aole ia i hanau ia, a lilo he kokua no ka hewa; aka, ke ike oia i kona hewa a mihi me ka naau oiaio, ke huli ae ke keehi ana a kona mau kapuai mai ke ala hewa a i ke ala o ka pono; ke kupaa kona mau noonoo ana a me kona mau hana maluna o ke kahua nani o ka maemae; alaila, ua loaa ia ia ka kuleana a me ka mana e ola a e lilo he lala no ka poai o ka pono a me ka hoopomaikai. Owai la ke hoole ana me ka moakaka, -- o ka luku a me ka hoopilikia a ke kanaka koa; o ka lili a me ka makahelo i ke gula a me na lealea pilikino; ka Moi me kona naau kiekie no kona aahu nani a me ke kalaunu gula; a o ke kanaka pi e kiai mau ana i kana pahu dala -- aole ia he laipila i keia ola ana a he hewa hoi imua o ke Akua? Aka, o ke kanaka i mihi i kona lawehala ana; i komo poo iloko i ka hana hewa a hoao iho e hoopololei a hoopono iaia iho mamuli o ka hooiaio ana a kukulu ae i ka malamalama ma kahi o ka pouli, a hoolilo i ka inea i hauoli -- e loaa ana no ia ia ka hopena kalahala, ina aole ma keia ao, aia no ma o. E puka mai ana kona mau aponoia a e hoohauoli i kona manao a me kana mau hana; a e hoike mai ana ke aloha o ke Akua iaia iho ma ka hookokoke ana aku i kana hipa ma kona mau wawae.
Elike me ka make hikiwawe ana o ka poe pono -- he mau kumu ia na kakou e manaoio aku ai no ke ola hou mahope -- pela no kakou e manaoio ai ma ka mihi ana o ke kanaka nona iho i kona hewa -- e lanakila ana ka pono maluna o ka hewa i ka la mahope.
He mea mae wale iho no keia ola kino; o ka waiwai a me ka mana ua like me ke kuluhau, he hehee wale; aka o ke ola o ke kanaka i hoolilo ia ia iho i hoike no ka ikaika, ka oiaio a me ka hemolele o ka pono maluna o ka hewa; o ke ola ana i kumu hoikeike imua o kona mau hoakanaka he puuhonua io ia no ko ke kanaka i hookaumaha ia e ka ukana a na hoowalewale hewa, -- he mea nui ia, he mea mae ole, a he waiwai ka hoomanao ana'e nona a hoohalike aku, ma ka imi ana i ka kekua nana e kaikai aku i na koikoi a me na pilihua o ka hewa, a hoolilo mai i ka pouli o na la i hala i mau ao malamalama iloko o ke au e hoea mai ana. He mea pono ia kakou ke hiipoi ia mau kuhikuhi ana; no ka mea, aole no he mea e, aka, he hoike maoli ana mai no ke Akua i kona mana a me kona aloha lokomaikai -- me kekahi ano -- ia kakou nei a he kumu noonoo a alakai e hewa ole ai ke kanaka ke ukali aku. Pomaikai ke kanaka i noi aku i ke Akua me ke aloha iaia a loaa ka maha iloko o ka hanau hou ia ana ma kona naau.
Menemene Wale.
E KE KUOKOA. Aloha oe: --
Ma ka la kulaia Feb. 12, ua malama ia he uhaaina ma ka hale paikau e ka puali a ka Moi; ma ka hiki pono ana i ka hora 12, ua akoakoa ae na hoa o ka puali me na 'lii me na kahiko piha i ku i ka hanohano, i hele a "kiikiki pua hau o ka lena,"
Mahope iki iho, ua hiki kino ae ka Moi e hauoli pu me na koa. I ka wa a ka Moi i pii aku ma ke alapii, ua hookani ia mai la ke mele Lahui.
Ua makakau ka paina, ua hoolako ia ka papa aina me na ono a pau i hui pu ia mai me ka wai ula o lakou nei ae, ua ai, ua inu, a ua malule i ka wai a ka naulu. Ua hookuu ia na hana o ka la ma ke mele ana o ka bana i ke mele Kamehameha, ia wa i ku ai ka Moi e hoi i ka Hale Alii, oiai ua hiki mai ke kaa Alii, a oiai hoi i ka Moi i puka mai ai iwaho, ua piha ka lanai me na koa e hi-o ana i o a ia nei, ua o@okea na pu ma kela me keia aoao o ke alapii, o keia poe a pau, aole i ike o ka Moi keia e hoi mai nei, e kulai ana kela me keia me ka ike ole i ka mea e hana'i.
Na ka Moi maoli no i hopu aku i kekahi koa e paa ana me ka pu a pele ae, a o ke koa hoi ma ka aoao akau, ua hapai ae la oia i kana pu iluna, a ia wa i pana ae ai ka el@u a pa i ka poohiwi o ka Moi, aka, aole nae he poino i loaa.
Ma keia la, ua ike ia na lala a pau o ka puali e inu ana i na omole wai ikaika me ka lanakila. O keia ka'u i manao ai e kamailio ae iwaena o kakou e Hawaii, no ke aha la e hiki ole ai ia kakou e malama i ka hanohano?
O ka inu ana o na alii koa i ka rama, oia ke kumu e hoolohe ole ai na koa i na kauoha a ko lakou mau haku, me mea ia i mau mau iwaena o kela me keia mea inu rama, he pakike, he hoole, a pela aku.
O na lako aahu o na koa me na 'lii, oia hoi na lole wawae, kuka, papale, pahi, pu, na ke Aupuni keia mau mea a pau i hoolako mai loko ae o na dala a kela a me keia kanaka Hawaii i uku ai, a i hookaawale ia hoi he mau tausani dala, eia ka mea i ike ia, ua palaha, luupoo, pakika, a oki loa i ka lepo, kohu holoholona ke ike aku i na hana hoohilahila.
Oia ka mea a'u i manao ai ma keia kumu manao "Menemene Wale," oia hoi ka makehewa o keia hapai ana i na hana o keia ano.
Nolaila, ina he mea hiki i keia kau kanawai ke hoopau loa i keia pualii kona ku ana, alaila ua oi loa ka maikai a koe he puu dala no ka waihona waiwai.
O ke kumu o ka holomoku nui ana o na kanaka e komo i ke koa, oia paha ka makau i na dala auhau elima o ka makahiki, i na pela, alaila, ua pono e noonoo e na Lunamakaainana i keia, oiai aole he wiwai iki o keia mau hoolilo.
E hooki au iu ko'u kamailio ana ma keia, me ka welina i na hoa o ka papa pai.
J.M.P.K.
Wilkahalulu, Feb. 18, 1880.
Halawai Makaainana.
I na makaainana Kuokoa o ka Apana o Hamakua, Hawaii. Aloha oukou: --
Ua haioli nui au i ko oukou lokahi ana me na manao paa kuokoa, nolaila, ua eo ia oukou ka inoa hanohano o ka lanakila. i ku like ai me ka mea i palapala ia ma ke poo o ka balota a oukou i hilinai ai IMUA E HAMAKUA A LANAKILA.
I ko kakou hiki ana i ka pahu hopu hope loa o ka lanakila ka hana laahia a oukou i moe uhane ole ai, ua haaheo iho oukou me na leo hooho o ka lanakila. Kuokoa a na ia mea i hoike mai, ua koho pono oukou ia'u i Lunamakaaainana no oukou no ke Kau Ahaolelo o ka M. H. 1880.
Nolaila, ua oluolu ia'u e poloai aku ia oukou e halawai pu kakou me na kukakuka pu ana no na hana e pili ai i ko kakou mau poino, e like me keia mau wahi malalo nei.
Ma ka Poakahi Mar. 22, Kapulena, Eleio, Waimanu, halawai ma Waipio, ma ka luakini o Sana Paulo hora 10 A, M,
Poaha Mar. 25, Kaala, Maunahoano, Paauhau, Kaniela, Honokaa, halawai ma ka hale hookolokolo o Honokaa hora 10 A.M.
Ma ia mau halawai kuka e lawe mai ai oukou i na mea a oukou i manao ai e hanaia. A e wae pu kakou i na mea waiwai wale no, a kiloi ia na mea ano ole. He mea maikai loa ia oukou ke halawai mua a noonoo e i na kumuhana oiaio. A ke manao nei au pela e holo mua ai na hana me ka hoopau manawa ole.
Owau no o
J. K. KAUNAMANO.
Ko oukou Lunamakaainana.
Paauhau, Hamakua, Haw. Feb 11 1880.
Na mea hou o Papaikou.
E KA NUPEPA KUOKOA. Aloha oe:--
Ke noi nei au i ka oluolu o kou Kapena e kau iho ma kahi kaawale o kou kino i keia mau wahi mea hou.
MAU LIMA HANA HOU.
Ua hiki mai nei he 24 kanaka hou maanei he Pukiki, a ke lawelawe nei i ka hana i keia mau la.
WILI KE KO.
I keia la la hoomaka ana e wili ke ko, ae ai hoi ka nau, kana puni he ko, ma ka nana ana i ka mea e luai mai ai, he ano like me ke okaoka laau o ka pahi-olo oloko o ke ko. O ka nui o na tona ana e mama ai o ka la, he 10, oia ka avarika, na ka mahu keia hana i na mea a pau, o ka ka wai hana, o ka lawe mai i ke ko a hiki i ka wili.
AHAAINA ME KA HOOMAIKAI ANA.
Feb. 10. Ua wehe ae na Hitchcock he ahaaina, ua konoia na mea a pau e hele e paina; a ua ai i na luau palupalu o ka wao, a me na io pipi a puaa momona no hoi i awili pu ia, na anae momona o Waiakea. pau ka paina, olo kaa ia na mea oloko o ka mahu e hana ai, a e ka nana ana he ku i ka hihiu, mahope oia makaikai ana, he lealea na na Pukiki, a pau na lealea oloko o ka hale, hooluolu mawaho i ke ahe kolonahe mai a ka makani. Himeni kekahi mau keiki o kei Hui.
Pau keia mea, haule aku nana i ka heenalu a D. H. Hitchcock jr. i ka nalu o Haia, he nalu holo i ka muku kuu i ka lala. pau ka nana ana i ka heenalu. Ma ka hale wiliko na hana makaikai i koe, a i ka ike ana i na hana a ke kue, pauaka ka hana a na hao. Aole haunaele i loaa ma keia la, a hiki i ka haule ana mai a na paka ua koikoi, a na ia mau paka ua i hookuu i na hana o ka la.
I ka hookele o ke "Kilohana" ke aloha; a i na keiki paahana o ka papa pai ko'u welina palena ole.
Owau no me ka haahaa, JOHN KUPA.
Kealii, Papaikou Mill. Feb. 12 1880
KUAI A KA ILAMUKU
MAMULI o kekahi olelo hooholo i hoopuka ia e ka Aha Kiekie o ko Hawaii Pae Aina, no ka pono o S. Maikai e kue ana ia Uulukou, no na dala he $1,245,25, ua hoomalu au a e kuai ana ma ke alo iho o Ahiiolani Hale, ma ka Puaono, ka 3 o Aperila, 1880, ma ka hora 12 o ke awakea, na kuleana a me na pomaikai a pau o ma Ulukoa nei i olelo ia iloko o ka aina ke ahupuaa o Haneoo. e waiho la ma ka Mokupuni o Maui, ke o@ e hooko mua ia ka olelo hoohole i oleloia me ka uku panee a me ua lilo a pau.
E kuai ia ka aina i olelo ia maluna malalo o kekahi Moraki ia A. Una no $1000, a me kekahi palapala hoolimalima ia na A. Una nei i oleloia no 10 makahiki mai ka la @ aku o Okatoba, 1876 ma ka $150 uku hoolimalima o ka makahiki. He kuai keia ma ke kuike, a o na @o o na palapala na @ mea e kuai mai ana W.C. PARKER, Ilamoku.
Honolulu, Feb. 27, 1880 9@
KUAI MORAKI.
O KA waiwai paa e waiho ia ma Hilo, Hawaii. Oiai mamuli o kekahi ma@a kuai i hoike ia iloko o kekahi palapala moraki i hana ia i ka la 16 o Feberuari 1879, i hana ia mawaena o S. Kipi o ka aoao mua a me Rev. K. Bond e ka aoao elua, a i kakau kope ia ma ka buke 54 ma na aoao 141, 142 a me 143, a i hoolilo ua aku ia C. R. Smith, ua ka@oha ia e C. B. Bartow e kuai aku ma ke kadala ma kona keena, ma Honolulu, i ka Poaono, Maraki 20, ma ka hora 12 awakea, kela apana kalana hale a pau ma Pal@, Hilo, me na hale me no pomaikai e pili ana
A me keia mau apana aina e waiho ia ma Wainaiu, ma Hilo i olelo la, i hoakaka ia ma na Palapala Sila Nui 2505 a me @663, me na hale a pau e ku ana a me na mea i hana ia, a me ke ko e u@ ana, me na pomaikai a pau e pili ana. No na mea i kue, e alana na R. F. BICKERTON, loio o ka mea nana i kuai ka Moraki. Ai o@e ia C.S. BARTOW.
96@ L@a Kudala.
OLELO HOOLAHA.
OLELO HOOLAHA.
E IKE auanei ka mea nona keia no kane kuokeo i kuni la i ka hao ano e. ma ka aha hope ma ka akau me ka noho pu @o. E kii koke mai me ka lohi ole me ka makaukau pono i @ e kala na la he umikumamalima lilo loa ia'u, ua loaa keia @ i ka la 12 o Feb. 1880. G R> KAILIULAULA
Kalauao, Ewa 95t-@
OLELO HOOLAHA
E IKE auanei na kanaka a pau, ke papa loa aku nei au, aole bipi. lio, koki, kekake, puaa, hipa, kao, e hele wale maluna o kua mau apana aina e waiho ia ma Kula, Maui, a me ke kanaka hele wale me ka kuleana ole e hopu no au. a me ku'u mau hope i ka pee kue i keia.
GEORGE K. KAAUWAU
Ko'u mau hope O.M. NAHOLOWAA
953t-2t* NAPAHA NAHOLOWAA
KUAI A KA LUNA HOOPONOPONO
I KA WAIWAI PAA.
MA ka waiwai o C. Kanaina i make kauoha ole. Ma ka mana o kekahi kauoha kuai a ka Hon C. C. Harris, Lunakanawai o ka Aha Kiekie, e noho ana ma ke ano he aha hooponopono waiwai ma ka la 6 o Ianuari 1880, owau o ka mea nona ka inoa malalo iho nei, e kuai aku ana au ma ke kudala ke hiki aku i na Poaono Aperila 3, 1880 e hiki mai ana, ma ka hora 12 o ke awakea, ma ke alo mai o Alii@ Hale, i ka pono a pau a me na mahele a pau e C. Kanaina i make, i olelo ia iloko ona apana aina malalo iho:
Apana 1 -- "Kaieie" ma Kalihi, Oahu. nona ka ili he 26 eka a oi aku a emi mai paha.
Apana 2 -- "Leaha" ma Kalihi. i olelo ia nona na eka he 65 45-100 a oi aku a emi mai paha
O keia mau apana aina elua ke pili pu nei laua, a he mau aina hanai holoholona maikai. Ua paa iloko o ka Palapala Sila Nui.
Apana 4-- O ka apana aina ma ke kihi o na alanui Moi a me Puoina, me na hale maluna ona nona ka iki he 17-100 o ka eka. E kuai ia keia apana me ka hoomaupopo ia o ke kuleana no ke ola o Mrs. Kaehu, nona na makahiki he 70 i keia wa, e hoakaka ia ke kuleana no ke ola ma ka aa e kuai ia'i.
Apana 5-- O ka apana aina ma Waikiki ma ka inoa o Kaialii nona ka ili 5 62-100 eka.
Apana 6--Apana aina iloko o Ili o Pau, Waikiki, nona ka ili he 92-100 eka. He loi hookahi keia, a ua kupono i ke kanu kalo a me ka laiki.
Apana 7--He apana aina ma Manoa, he 14 eka. Ke hoolimalima ia nei kela aina no ka $235 o ka makahiki, a e uku ia i kela a me keia hapa makahiki. E pau ana ka hoolimalima i ka la 30 Sept 1891.
Apana 8--O ke ahupuaa o Hakipuu ma Koolaupoko, Oahu, e makaukau nei no ke ana aku. He aina waiwai nui keia, oia iloko o laila he mau aina hanai holoholona a me ke kanu laiki a me na loko ia, a e kuai ia aku ana malalo o kahoohoolimalima ma ka $150 no ka makahiki e pau ana i ka la 31 o Dec. 1884, a o ka hoolimalima elua no $150 o ka makahiki e pau ana i ka la 31 o Oct. 1886.
Apana 9--O ka apana aina i ike pono ia, Haimoeipo e waiho ia ma ke alahele Palace Walk nona ka ili 78-100 eka.
Apana 10--O na hale maluna o ka apana i hai ia ae ia maluna, e kuai okoa ia aku ana, a e lawe ia aku no lakou iloko o na la he -- mahope iho o ka lilo ana aku.
O ka apana o Haimoeipo (ap 9 & 10) e kuai ia aku no ma ua wahi la mahope koke iho o ka lilo ana aku o na apana e ae. O ke ano o ke kuai ana ma ke kuike a o na palapala ma na lilo no ia o ka mea kuai malalo o ka hooponopono ana o ka Aha.
O na palapala, na kii, a me na hoike e ae, e ninau ma ke keena o W.C. PARKE,
Lunahooponopono o ka waiwai o C. KANAINA.
Honolulu, Feb 24, 1880 952-6t
AHA Kaapuni Apana Eha ko Hawaii Pai Aina, ma ka hooponopono waiwai. Mokupuni o Kauai, Hawaii Pae Aina @. Ma ka waiwai o NUANUA (k) no Hanapepe, Kauai, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 27 o Dekemaba 1879, ua waiho ia mai imua o ka Aha, kekahi palapala, i olelo ia, oia no ke kauoha hope loa a Nuanua (k), i make aku la; a me ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no Paukanani (k) ua waiho ia mai e Lakana (w) Nolaila, ua kauoha ia o ka Poalua oia ka la 16 o Maraki, 1880, ma ka hora 10 kakahiaka ma ka Rumi Hookolokolo o ia Aha, ma Koloa, ma Kauai, oia ka la me ka hora e hoolalo ia'i ia palapala kauoha, a e hoolohe hoi no ia noi ana mai, @ me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, ma Hawaii nei e hele mai a e kue i kela palapala kauoha i ka wa i olelo ia.
Kakauia ma Koloa, Kauai, ko Hawaii Pae Aina, Feb, 11, 1880. JACOB HARDY,
951-3t Lunakanawai Kaapuni Apana Eha.
AHA Kaapuni Apana Eha ko Hawaii Pae Aina, ma ka hooponopono waiwai. Mokupuni o Kauai, Hawaii Pae Aina @. Ma ka waiwai o MRS. LEPEKA RICHMOND, no Waimea, Kauai, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 2 o Dekemaba 1879, ua waiho ia mai imua o ka Aha, kekahi palapala i olelo ia, oia no ke kauoha hope loa a Lepeka Richmond i make aku la; a me ka palapala hoopii e noi ana e hooiaio ia keia palapala kauoha a e hoopuka hoi ka palapala luna hooko no -------- ------------ ua waihoia mai e Peter Richmond. No laila, ua kauoha ia o ka Poalua oia ka la 16 o Maraki 1880, ma ka hora 10 kakahiaka ma ka Rumi Hookolokolo o ia Aha, ma Koloa, ma Kauai, oia ka la me ka hora e hooiaio ia'i ia palapala kauoha, a e hoolohe hoi no ia noi ana mai, a me ka poe a pau i pili, e koe ana ia palapala kauoha, a me ka hoopuka ana ia palapala luna hooko. A ua kauoha hou ia, e hoolaha no la mea no na pule 3 iloko o ke Kuokoa he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, ma Hawaii nei e hele mai a e kue i kela palapala kauohe i ka wa i olelo ia.
Kakauia ma Koloa, Kauai ko Hawaii Pae Aina, Feb 11, 1880.
JACOB HARDY
951-3t Lunakanawai Kaapuni Apana Eha
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Jakobo Kaonohi no Keaiwa, Kau, Hawaii i make. Ua heluhelu ia a ua waiho ia ka palapala noi a Niihoa Kipi, kekahi mea i pili, e noi ana e hoonoho ia o J. Kauhane i lunahooponopono no ka waiwai o Jakobo Kaonohi no Keaiwa, Kau, Hawaii i make. Nolaila, ke kauoha ia aku nei na kanaka a pau ke pili, o ka Poakolu oia ka la 17 o Maraki, 1880, ma ka hora 10 kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua nei la a me na mea kue ke hoike ia.
F.S. LYMAN,
Lunakanai Kaapuni Apana 3.
Hilo, Hawai, Feb 7, 1880. 951-3t
OLELO HOOLAHA
E IKE auanei na ano kanaka a pau loa ke nana mai, o maua o na mea nona na inoa malalo iho nei na keiki ponoi a Nahinai me Kahinalani, ke kaikaina ponoi o Nahiona i make mua, nona ke Kuleana Helu 10421 ma ka Palapala Sila Nui Helu 7421 e waiho nei me maua, aia ma ka apana o Hamakua, Mokupuni o Hawaii, nona na eka 8 i hoike ia ma ke kii he aina momona no ke kanu ko, a ke kauoha aku nei maua i ka poe e makemake ana e kuai a hoolimalima paha, e hele mai e hui pu ma maua e kamailio ai, e loaa no maua ma Honokaupu, Alanui Kalepa, pa helu 42 ma Honolulu, Oahu. A ke papa pu ia aku nei na ano holoholona a pau loa, aole e hele wale maluna o ua aina la. a pela pu no na ano kanaka e komo hewa ana, a ke hoole nei maua i na ua hoolimalima ia e kekahi mea e ae aole mai a mana aku, aole mana oia hoolimilima ana, o maua wale no ke kupono loa.
JOHN KAPU,
R@TA KAPEHE
Honolulu, Feb 19, 1880. 951-2t
MAKEMAKE
UA MAKEMAKE IA NA
ILI BIBI MIKO HOU
A ME NA
ILI KAO
E haawiia ke kumukuai kiekie ma ke dala kuike e
HUGH MACKAY.
Luna o ka Hale hana Ili ma Kaholalua, Honolulu.
E kuai ia aku ua Huluhipa he nui wale ma ke kumukuai makepono no ke dala kuike.
Honolulu, Feb. 16 1880 951-t@
OLELO HOOLAHA
E IKE auanei na kanaka a pau, owau o ka mea nona ka inoa malalo nei, ke hai ia aku nei ka lohe, ua lilo loa ia'u ka hui mahi laiki o C. Y. Aoina e waiho ana ma Waipio, Hamakua, Hawaii, na eka aina, na bipi, na hoki, na lio, na hale, a me na lako apau e pili ana, aole kuleana i koe oia hui
Owai no AKANA UNUHOWAI.
Waipio, Hamakua, Hawaii, Feb. 10, 1880.
OLELO HOOLAHA.
KE papa aku nei au i na kanaka a pau o kela a me keia ano, aole lakou e komo hewa maluna o ko'u mau mala awa elua e waiho ia ma Waiawa uka, oia ka mala o Puuohuiu a me kuu mala iloko o Lanilea, a i na e komo hewa ana kekahi, e hoopii no au e like me na kanawai. MAIALOHA.
Waiawa uka, Feb 17, 1880 951-4t
KUAI A KA LUNAHOOPONOPONO
WAIWAI.
MA ke kauoha a Hon. C.C. Harris, ka Lunakanawai Kiekie o ka Aha Hookolokolo Kiekie i hanaia i ka la 12 o Ianuari, A.D. 1880, o ka mea nona ka inoa malalo iho, e kuai aku ana oia ma ke k@lala akea, ma ka hale kudala o K. P. Adams ma Honolulu, ma ka Poaono i ka la 10 o Aperila A.D. 1880 ma ka hora 12 oka la, i na apana aina i hoike ia malalo iho, oia kekahi hapa o ka waiwai paa o Hon. W.L. Moehonua i make i mea e hookaa ia'i la ale o ka waiwai i hoike mua la ae nei, a penei:
1 O ka mahele aina mauka o ke Ahupaaa o Pulehu@ai, e waiho ia ma ka mokupuni o Maui, L.C.A. 5@30, nona ka ili 11,550 eka; o ke Ahupuaa i olelo ia, aia no ia ke moe ia mai ka mauna a hiki i kahakai; a o kona palena ma kahakai, ua @ @ 1,000 kapuai. O ke kii o ua aina ia i olelo ia, e ike ia no ia ma ke Koena hana o Kakela me Haki.
2 O na apana aina ma Palolo, Mokupuni o Oahu. O keia apana aina apau i hoakakaia iloko o ka Palapapa Sila Nui, keia @39 nona ka ili, 1 eka me 1 20-100 kauiahao kuea.
O keia mau pa hale apau i hoakakaia iloko o ka Palapala Sila nei, keia 25@ nona ka ili 10 48-100 kaulahao kuea.
O keia ma pa hale i hai ia ae la maluna, oia no na pa hale i hoolilo ia aku ia Moehunua, i olelo ia ma ka palapala hoolilo o Kie@pu i kakau kope ia Moko o ka buke 21, aoao 178.
3 O na pa hale ma Manoa Mokupuni o Oahu. Ke Ahupuaa o Puulena, Palapala Sila Nui, @ T263, nona ka ili 35 4-10 eka.
Koe @ na apana aina malalo iho i hoolilo ia e Moehonea i olelo ia, oia hoi 71 eka i kuai ia aku ia Apeo i kakau kope ia ma ka buke 6, aoao 26.
Ka apana aina i kuai ia ia Maui i kakau kope ia ma ka buke 21 aoao 206.
Ka apana aina i kuai ia ia Kaiwi i kakau kope ia ma ka buke 21, aoao 234.
Ka apana aina i kuai ia ia Puaiole i kakau kope ia ma ka buke 27 aoao 81.
CHARLES T. GULICK,
Lunahooponopono waiwai o Moehonea i make.
943 2@ 947
OLELO HOOLAHA
MA ke keena o ka Lunakanawai Kaapuni Apana elua o ke Hawaii Pae Aina. Ma ka waiwai o Hiehie Pahoa (w) no Wailuku, Maui i make. Ua heluhelu ia a ua waiho ia ka palapala noi a Nakiewai (w) e noi ana e hooponopono ia ka waiwai o Hiehie Pahea (w) no Wailuku, Maui i make, a e hooholo ia i na hooi@. Nolaila ke kauoha ia'ku nei na kanaka a pau ke pili, o ka Poaono, oia ka la 28 o Feberuari 1880, ma ka hora 10 A.M. ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi ia, a me na mea kue ke hoike ia.
ABR.FORNANDER.
Lunakanawai Kaapuni Apana 2 H.P.A.
Lahaina, Feb. 2, 1880. 960-3t
OLELO HOOLAHA
Ka papa ia aku nei na mea a pau, aole e hele a hookuu wale i ko lakoou mau holoholona bipi, lio, hoki a pela aku, maluna o ka aina 1 kapa ia Pia ma Kaheiwai, Manoa, Oahu. O na holoholona a pau e loaa ana maluna o ka aina hai ia maluna, e hopu ia no e like me ke kanawai, ua haawi au i ka mana hooponopono o keia aina ia Puamana, a nana e hoouku i na holoholona e loaa ana, i ka auhau kupono.
CURTIS P. IAUKEA.
Honolulu, Feb 12, 1880 960-4t
HOOKAPU AINA.
O KA mea nona ka inoa malalo iho nei, ke papa loa aku nei au i kuu mau apana aina e waiho ia ma Manoa, mokupuni o Oahu, no lakou na inoa i ike ia penei: A@amaiki, Haukula, Waialani, Luaalaea, Kahuaiki, a me Mauluapo Aohe e hookuu wake kekahi mea a mau mea paha i ko lakou mau holoholona ma ua mau aina la. Bipi, lio, miula, kekake, e aku no au i $1 no ke poo. Ke loaa ia'u a me ko'u mau luna aina e hele hewa ana, a ina e hoopau ana i na mea ulu, e uku mai ka mea a mau mea paha no lakou ka holoholona e like me ka nui o ke poho. E ki pu no au i ka puaa, hipa, kao, moa, pelehu, ke loaa ia'u e hele hewa ana maluna o kuu mau apana aina. A o kela kanaka keia kanaka ma papa loa ia lakou aole e kii wale i na mea e u@ ana, e moe ana, a e hele ana maluna o keia mau apana aina me ke kuleana ole. O ka mea h@uli i na olelo o keia hoolaha ana a'u alaila, e hoopii no au ia ia ma ke kanawai.
F. SILRY, Manoa, Oahu
Feb. 10, 1880 950-4t
HOOLAHA KUAI MORAKI.
MA ke kauoha a A.J. Cartwright ka mea nona kekahi moraki i hana ia i ka la 24 o Dekemaba, 1877, e W.P. Lumaheihei a me Kaolu kana wahine, a me kekahi ia Thomas Cummings, a mai iaia aku ia A.J. Cartwright. Ua kauoha ia au e kuai aku ana ke kudala akea no ka uhaki ia ana o ka aelike ma ka moraki i oleloia, e hoomaka ana ma ka Poaono, ka la 13 o Maraki 1880, hora 12 awakea ma ko'u keena kudala ma Honolulu, keia mau apana aina e waiho ia ma Kona, mokupuni o Hawaii, a i ike ia o ke ahupuaa o Maihi a me Kalahiki, a me kela apana aina ma Kona Akau, i hoakakaia ma ke Sila Nui 1866, nona na eka 4 50-100; a me keia apana e waiho ia ma Honokaa, Hamakua, Hawaii, i hoakakaia ma ka Palapala Sila Nui 1965, nona na eke 39@; a me keia mau apana aina e waiho ia ma Honolulu, mokupuni o Oahu; a oia na apana 2 a me 3 o ka Palapala Sila Nui 1602 a me na apana 4 and me 7 o ka Palapala Sila Nui 1604.
No na mea i koe e ninau ia
E.P. ADAMS mea kudala.
A i ole ia CECIL BROWN, LOIO o ka mea nona ka moraki.
930-5t
HOOLAHA KUAI MORAKI
MAMULI o ke kauoha a Stephen Spencer a me H A Widemann na mea nona ka moraki i hoike ia iloko o na olelo aelike ekolu iloko o kekahi palapala moraki i hanaia i ka la 25 o Novemaba 1876, Aperila 20, 1877 a me ka la 23 o Sepatemaba 1897, i hanaia e Keano R Eldredge me David P., Elidredge kaua kane ia H A Widemann me Stephen Spencer. Ua kauoha ia au e kuai aku ma ke kudala akea ke hiki aku i ka Poaono Maraki la 6, 1880, ma ka hora 12 awakea, ma ko'u hale kudala ma Honolulu i keia apana aina e waiho ia ma ke ahupuaa o Kula, mokupuni o Maui, oia ke ahupuaa o Kaonaulu i ike ia, nona ka ili aina i oleloia, ua 10,000 eka a oi aku a emi mai paha, a oia ka apana aina i hoolaha ia Hewahewa e Kukana, Helu 3237. O na mea i koe e ninau ia
E P ADAMS, Mea Kudala.
A i ole ia CECIL BROWN, Loio o ka mea nona ka moraki.
949-4t
HOOLAHA A KA LUNAHOOPONOPONO WAIWAI
O ka mea nona ka inoa malalo iho nei, ua hookohu ponoia mai i lunahooponopono no ka manawa, ma ka waiwai o Charles C Anney o Waiehu, ahupuaa o Wailuku, mokupuni o Maui H P A i make, ano ke kauoha ia aku nei ka poe a pau i ale mai iaia e uku koke mai, a o ka poe a pau he mau koina ko lakou ma ua waiwai ia i oleloia ana ma ka moraki a kumu e ae paua, e hoike mai ana me ka oiaio, e hoike mai lakou me na hoike kupono i ka mea nona ka inoa malalo iho, ma Wailuku, Maui, iloko o na mahina eono mai ka la e puka aku ai o keia hoolaha a ka nupepa, a i ole, e hoole mau loa ia aku no.
MR W EVERETT.
Lunahooponoponbo no ka manawa ma ka waiwai o Chales C Anney 940 4t
MA ke keena o ka Lunakanwai Kaapuni Apana 2 o ko Hawaii Pae Aina. Ma ka waiwai o Keoili, no Waihee, Maui, i make. Ua heluhelu ia a ua waiho ia ka palapala no a Kanae w, e noi ana e hooponopono ia ka waiwai o Keoili k, no Waihee Maui i make, a e hooholo ia i na hooilina. Nolaila, ke kauoha ia aku nei na kanaka a pau, ke pili, o ka Poalima, oia ka la 27 Feberuari 1880, ma ka hora 1 pm@, ma ka hale hookolokolo ma Wailuku, oia ka ka a me kahi i koho ia no ka hoolohe ana i ua nonoi ia a me na mea kue ke hoike ia.
ABR. FORNANDER.
Lunakanawai Kaapuni apana 2 H P A.
Lahaina Jan 15, 1880. 947 3t
OLELO HOOLAHA
E@ @ kekahi lio (k) ahinahina lae kiko akahi wawae keokeo mua @, @ @ @ Malaila, o ka mea a mau mea nona keia lio, e kii koke mai, me ka hookaa pu i na dala o keia hoolaha ana, a me ka uku aina. Ina aole e kii mai a hala na la he 15 mai kona la aku e puka ai me ka nupepa, Kuokoa, e lilo loa ia'u.
J.W.H. ISAAC KIRK
951-1t Luna aina o Kalaoa, N Kona, Feb 6, 1880.
OLELO HOOLAHA
O NA Keena Oihana Loio o ka poe malalo iho, e pani ia ana ma na Poaono a pau ma ka hora 1 P.M. ma keia mua aku, e hoomaka ana ma ka Poaono Feb. 7 1880.
EDWARD PRESTON,
CASTLE & HATCH,
R.F. BICKERSON
W.C. JONES
CECIL BROWN
949-tf J.M. MONSARRATT.
OLELO HOOLAHA.
I NA kanaka a pau ike ana i keia, aole oukou e hoaie mai i ka'u wahine mare ia Elizabeka Cockett me ko'u ae ole aku. CHARLES COCKETT.
Lahaina, Jan 24, 1880 949 4t
OLELO HOOLAHA
KE kauoha ia aku nei na mea a pau i loaa na kuleana iloko o ka PA ILINA MA KAWAIAHAO e hele koke mai a e hoomaemae i ko lakou mau pa, malalo o na kuhikuhi ana a D Manuia, ka luna nana e kiai nei ia wahi. O ka eo hoolohe ole i keia, mahope o ke kali ana no ka wa kupono, e manao ia aohe o lakou kuleana; a e lawelawe ka poe nona kahi e like me ka lakou i ike ai he pono.
941 tf
AINA KUAI A HOOLIMALIMA
HA Kanalima Kumamaono eka aina ma Iwilei (Makai iho o ka Halepaahao.) He Loko i'a, Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninai ia J.H. CONEY, (Koni)- Honolulu. 946 tf
OLELO HOOLAHA.
UA papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Puuloa aku a hiki i Waimanalo, me ka mokupuni o Oahu, apana o Ewa. Ua hookohuia o AARONA HATTON i luna malama no na kai lawaia o Honouliuli, aohe mea e ae.
Kakauia ma Honouliuli, Oct 9, 1879.
933 tf JAMES CAMPBELL
E. O. HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale.
846 Kihi o alanui Papu me Moi. 1y
JAMES M. MONSARRAT.
[MAUNAKEA.]
He Loio a he Kokua ma ke Kanawai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
Keena hana maluna ae o ka halkuai buke o Wini me Robikana, Alanui Kalepa, Honolulu.
Jan. 3, 1880, 944 1v
He Nui Anei Kou Makamake i na
Mekini Humuhumu Lole?
Ina pela, alaila, e kipa mai no ma ka Halekuai
-:o:-
KAKELA A ME KUKE
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
me ke $50 pakahi, a me ke ano
MEKINI a WILCOX me GIBBS,
ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf