Ka Nupepa Kuokoa, Volume XIX, Number 16, 17 April 1880 — NA MEA HOU O HANAPEPA. [ARTICLE]

NA MEA HOU O HANAPEPE.

E KE KUOKOA. Aloha oe:Ua paa iho nei ka Wiliko o Eleele, ke hana nei oia i kana hana, ua holo pono na mea hana o keia hale wiliko, mahope o ke alakai noiau ana a kekahi ona, oia hoi o Mr. Kalaea. Ua make iho nei kekahi pake, iloko o ka muliwai o Hanapepe, ma ka la 26 o Maraki i kii i ka laau ma kela kapa o Mokupapa, a no ka hohonu loa o ka wai o ka muliwai ua palemo iho la oia a make o kekahi pake, ua kau aku la oia ma kela aoao o ka muliwai. Aloha wale. O Kaliko ka inoa o keia pake. Ke nui mai nei na wahine pake ma ke awawa o Hanapepe, na kekahi mau pake kane. Eia nae ka mea apiki, i ka la Sabati, oia ka la 28 o Maraki, ua hele aku la kekahi poe kanaka malaila, ua hopu aku la o Aiai k, i ka wawae o ka pake, e nana i kona mau kapuai no ka liilii; ua puoho ae la ka pake no ka makau, ua hele ke kane a keia pake ma kahi e Mahaoi no la. J. P. K. HALULU. Hikiula, Hanapepe, Kauai, Mar. 31, 1880