Ka Nupepa Kuokoa, Volume XIX, Number 16, 17 April 1880 — NA MEA HOU KOHALA. [ARTICLE]

NA MEA HOU KOHALA.

No kuu hilinai mau maluna ou, nolaila, ke manao nei au, aole e nele kou hookomo iho i keia mau wahi mea hou. Hai ka wawae. Ua hai pu ka wawae o Makaena k, i pii ia e ka huila o ke kaa bipi, oiai na bipi e huki ana i ke kaa me ka piha i ke ko, o keia Makaena, aia oia ma kahi o ke ki kahi i kau ai, a i ka aneane ana o ke kaa e huli, ia manawa oia i haalele ai i ke ki, a lele aku la, aka, mahope iho, ike hou mai la oia, aole i huli ke kaa, holo hou mai la ia me ka manao e kau hou iluna, aka, ma kahi o ka manao ana pela, ua loaa e mai la kona wawae i ka huila, a poino aku la ia. No ka ona. He oia mau no ka ona ma ka apana o Kohala nei, ua lilo ka la o ka Haku i mea ole loa, he la ona ia a he la lealea, he hula ana a me ke oli, aka, i ka manao o ka poe haakei- he mea liilii loa ia, aka, ke kiei mai la no ko luna mana lani e nana ana i ka poe oia ano. Luahine kahiko. Eia ma Honopueo nei kekahi luahine kahiko nona na makahiki i hiki aku ka huina i ke 97, a ke ola nei oia me ka ikaika kupono o kona ola kino, oia paha ke ola na ke Akua i olelo ia. Me ka mahalo. JOHN A-I. N. Kohala, Hawaii. Aper. 1. 1880.