Ka Nupepa Kuokoa, Volume XIX, Number 17, 24 April 1880 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XIX, HELU 17}

POAONO, APERILA 24, 1880

{NA HELU A PAU 960.

 

KA NUPEPA

Kuokoa me ke Au Okoa

I HUIIA.

 

NA OLELO HOOLAHA: - O na Olelo Hoolaha he 10 laina kakau lima, he Hookahi Dala no ka puka mua ana; elua puka ana, be $1.50; no hookah mahina, be $2.00.

NA KANIKAU A ME NA MELE:-He 10 Kenela ka uku no ka lalani hookah, ua like me $1.00 no 10 lalani.

 

HOOLAHA MAU: - E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pula ae.

 

E hoomanao e na lehulehu, aole e hoopuka i kekahi Olelo Hoolaha, Kanikau a me ke Mele ke ole a hookau mua ia mai ka uka.

 

E hoouna pololei mai i na lela i ka Nupepa Kuokoa.

 

MOOLELEO O NA LA

-O KA-

HAKU VISAKAUNA NELEKONA,

KEDUKE O BERONETI

 

KE KAUA ANA O NA AUMOKU KAUA

BERITANIA, - A ME KO ENELANI

MAU PAPU LAAU, Ae

 

[Mamua o ko kakou hoomaka ana ma keia wahi, ke noi mua aku mei au i ka lokomaikai o na poe heluhelu, e hoomaopopo pona ia keia mau wahi, no ka mea, he ano lauwili iki ka heluhelu ana ma keia mau helu, aia hoi a hala ae keio mau helu pokole, alaila, e helel hou no kakou ma ke kuamoo polalei.  No ka mea, he kaua ana keia ma kela a me kaia wahi, ma ke ano - he kaua huikau huliamahi.]

 

ILOKO o keia kaua ana a na puali kaua o ka Adimarala, aole i emi mai kona mau koa i make malalo o ka eono haneri; a o na puali kaua Farani hoi maloko o na Kakela, aole hoi i emi mai malalo o ka 2000. me ke Kakela hoi o Uovo i puhi ia e ka pauda.

 

Ma ke kakahiaka o ka la 3 o Maraki, 1799, ua lona mai la kekahi leta in Nelekona, i kakau pulima ponoi ia hoi e ka Moi Fadineda ma Paleme, a e hoi mai ana ua leto la penei:

 

Ma ke ahiahi o ka la 28 o Ianuari, ua loaa iho la ko'u mau ahi Mineva a me Puela, i ka hopu pio ia e na aumoku liilii Farani, oiai laua i hanlele aku ai i ke Kaikuono o Napela no Palemo nei.  Ua ike ia aku e kekahi o ko'u ainu ukali ke alakai o keia mau moku liilii powa, oia no kekahi o ko'u mau ohena alii, ma ka inoa, ke Keiki Ahi Italia Kasarioli, a me kekahi o na Adimarala Farani i kapa ia o Peri, a nona hoi ka hae a ko'u ukali i ike aku ai.  Oa kipoka ia mai la ko'u moku ahi Mineva, a ua make he 26 o ko'u mau koa a me na ukali eono. "

 

I ka ike ana o Nelekona i keia leta, ho mea kahaha loa ia i kona manao, no ka mea, ua haawi aku oia i ke kauoha i kona mau aumoku no ka heopuni ana ia Italiza me ke paniku ana i na Kaikuono nui.  Ina ua puni ka anemoku o Italia, alaila, mahea la hoi kahi i puka mai ai o keia mau waaapa liilii powa Farani; nolaila, me keia wahi, ua hoolaii oe la oia i kona manao e huli hoi no kona mau aumoku, no ka mea, he kumu ia e hooloihi loa aku ai i ke kaua.

 

O ke Kakela o St. Elamo a me Uovo aia na puali kaua Farani iloko a ke kulana pilikia.  Aohe e loaa hou ona kulana hou, no ka mea, aohe na pukaniahi ma ko lakou mau wahi.  O ke Kakela o Nuoro, sole i kii ia aku ia Kakela e kaua, aku, ua haawi pio wale mai no lakou i ke manawa i noi ia aku ai ka lanakila.

 

O ka lanakila i nui ia aku ai, ua ae ia mai ia e na mana Farani maloko o ke Kakela o St. Elamo, no ka mea, aole e hiki ia lakou ke hoomau aku i ke kaua no na la hou elima.  O ka pololi o na puali kaua Farani ka mea nana i Kumukaia aku ia lakou, a e lawa ai no na popo palaoa uuku a me na kulina no na koa he kanakolu.  Aole wahi e loaa ai ia lakou o ke ai, no ka mea, na hoopuni ia o Italia holookoa e ua aumoku Beritania, a ma ko lakou mana ikaika ua paniku ia na kahakai o Genoa, aole maka e hiki ke puka mai iwaho no na kahakai o Italia.  Ua kau mai la ko lakou makau no na aumoku Beriania, a na la mea i hoohauhau loa aku i ke aupuni o Genoa, ma ke ano he aupuni repubalika.

 

O na kahakai o Legabone, ua paniku ia no ia e na aumoku a me ke kipoka ia ana o na alahele e noe ana i Napela a me ke kulanakauhale nui o Roma; a holopuni ae la ka wi nui iloko o Italia, a he pilikia nui hoi keia no na puali kaua Farani ma na kiekiena o Rome; a iloko o keia mau mahina o ke paniku ana a na aumoku, aole i emi mai ka make o na kanaka malalo o ke kanawalu iloko o ka la hookahi.

 

He mea mau iloko o Europa,  aole e hiki i kekahi puali kaua e hele i ke kahua hookahe koko, a i ole e paa i kahi i haawi ia aku ai o ke kauoha, ke ole oia i lako i na lako ai.  Ua olelo ia i kekahi manawa, he hiki loa i na puali kaua uuku i lako i na mea kaua ke lanakila maluna o na puali kaua oui i lako ole i na mea kaua; nolaila, i na o ka mea oi hookahi ia o ka ikaika o ka pauda, alaila, he mea hiki ole i ka ikaika o ka pauda ke ku aku imua o na lako ai.  No ka mea, he mea keia ua ike ia.  A i mea e hooiaio ai i kela, e wehewehe iki aku noe ka mea e kakau nei ma keia wahi no na leko ai.

 

"O ka noho polali ana o na puali kaua Farani iloko o ltalia, oia hookahi ka mea nona i hoohaahaa iho i ka ikaika o ke aupuni Emepera.  uo lilo mai ke kulanakauhale nui o Roma ma ka mana a me ka ikaika o na puali kaua Farani, malalo o ke alakai ana a ke Kenerala Napoliona Bonebati, ua nele aku lona lanakila nui a hiki i ka lilo ana o Italia holookoa malalo o na mana Farani, a ua waiwai hoi ko lakou mau koko i hookahe ia ai.  Ua lilo hou mai o Roma no ka manawa elua, malalo o ke alakai ana a ka Adimarala Beritania Nelekona, mamuli o ka pololi o na puali ka ua Farani a me ka wi o ka aina.  Iloko keia mau makahiki ehiku o ke kaua huliamahi ana o ke aupuni Farani, ala na aina a pau o Europa ma ka hoomakaukau kauo ona.  Ua haalele ia na oihana kalepa, na oihana mahiai, a ua haolele pu aku kela a me kaia i kona ohana ma kona home e noho me ka weliweli nui no ke kaua.  A i na o keia wale iho la no ka hana, olaila, e hua anei na hua o ka aina?  Aole! E loaa auanei ia aina ka wi a me ka ilihune.  Nolaila, o ka lilo ana o ke kulanakauhale o Roma malalo o ka mana o na aumoku Beritania, o kekahi ia o na moolelo kaulana loa o ke ao nei; a ma keia wahi hoi e hapai ne ai kakou i ka inoa o Nelekona, a e olelo iho, owai la ka Adimarala hookahi o ke ao nei i komo iloko o ka enaena ahi, a i lawe i kekahi o na kulanakauhale nui a kaulana hoi o Europa me ka hookahe ole ia o ke koko, a pela iho la i hooko ia ai ka wanana a kanaka Irelani kaulana Farenasikana i hai ai ma na alanui o Napela-He hiki ia Nelekona ke lawe mai i ke kulanakauhale nui o Roma, ma ka mana wale iho no o kona mau aumoku kaua".

 

Mamua o ko Nelekona haulele ana i na Kenerala Italia a me ko lakou mau puali kaua, ua kakau mua iho la oia i keia Kuikahi no na Kakela ekolu, a hoouna aku la oia i kekahi o na Keiki Ahi Italia me ka hae o ka lanakila imua o na mana Farani moloko o ke Kakela o St. Elamo, a e heluhelu ia keia mau pauku e like me keia:

 

"Pauku 1 - O na Kakela o St Elamo a me Uovo, e haewi pio ia aku ia i kealakai o na puali kaua Beritaoia, ma ka hapa o ko ka Moi Fadineda o na mokupuni Sisilia, a me na aupuni i komo pu iloko o ka hookahe koko, ka Moi o Enelani, ka Emepera o na Rukini a me ka Olomana Pope, e haawi ia aku na lako kaua o na ano a pau maloko o na Kakela.

 

"Pauku 2 - O na koa e paa ana i ka maluhia o na Kakela, e noho no lakou maloko o laila, a hiki i ka manawa e hai ia aku ai, ina a makaukau na moku i ka lawe ana ia lakou ma Toulana, kekahi o na awa ma na kahakai hema o Farani.

 

"Pauku 3 - E puka mai na puali kaua me ka hanohano o ka oihana kaua,- na pu kau poohiwa me na ekeeke, na pahu e kani ana, na hae o na regimana e welo ana, e waiho iho lakou i na mea kaua i ka honua, i ka manawa e hiki aku ai ma na kahakai o Napela.

 

"Pauku 4 - E noho keia mau puali kaua ina ke ano he pio, a e hoolawa ia lakou me oa lako ai mai na aumoku Beritania mai."

 

I ka manawa i hiki aku ai o keia leta i oa mana Farani, ua kakau inoa iho la ou alakai Farani i ko lakou mau inoa e like me keia - D. Cerillo, F. Pizelli, Moliterao, Della Torella, a me R. Romanoa.

 

Ma ke kakahiaka o ke la 7 o Maraki, ua makaukau ae la o Nelekona no ka huli hoi ana maluna o kona mau moku ma ke kaikuono o Napele, me kona manao paa, e hoopau aku i na hana powa hao wale a na waapa liilii Farani.  No ka mea, he mea hiki ole iaia ke hooloihi aku i ka manawa no keia mau hana, oiai o ka hilinai o na kaoaka o Italia, aia wale no maluna ana.

Aole i pau.

 

 

 

HE MOOLELO KAAO

-NO-

VONA KA WIWO OLE

-A ME-

FINITI KA UI

-O-

NOREWAI.

------

MAHELE VI

 

A i kona komo ana mai, ua oi loa ae ka hoohikilele ia o ko ka hale a pau.  Ua ninau ae la kela mea keia mea, owai la ka lede ma keia wahi e hiki ke hana ia e like me keia?  O keia anei ke Duke wahine o Noremana?  a i ole, o ka Moiwahine paha o Farani?

 

I ka ike ana mai o ke kuene, ka makai a me ka lunakoa, ua mae iho lakou.  Ua haulolu ae la ke kuane; ua mae iho la ka makai; a o ka luna koa hoi ua hele mai la a ola na paplina me na manao paweo.  O ka noho mumule ana o keia mau kanaka, oia ka mea nona i hoomahuahua loa aku i ke ano eehia o ko ka hale a pau.

 

Ua haka pono ae la na maka o na mea a pau maluna o Finiti me na manao pahaohao oiai o Finiti e noho ana me na manao aloha a ano lili hoi i kona ike ana aku i kana aloha (Vona) e noho pu mai ana ma ka aoao akau o ka barona; aka, ua kaomi malu iho la no oia i kona hoike lea ana aku ia mau mea a pau iloko o kona houpo me ka pana malie ana a kona puuwai.  O Vona hoi keia, oia nana mai no ia Finiti, aohe nae he maopopo, owai la keia.

 

E aloalo mau ana oia maluna o Finiti, a hawanawana aku la i kana lede lauoho nani oiai oia e nana mai ana me na helehelena waipahe.

 

Iloko o na manao lana poho, lalau iho la o Finiti i kana puupuu gula hope loa a unuhi ae la mailoko ae o kana wahi eke.  Oiai oia e kamailio ana me ka barona, lulu malie ae la oia i ua puupuu gula nei iloko o kona lima a hawanawana ae la oia me na huaolelo kalokalo:

 

"E ka puupuu gula, he waiwai makamae, E hoopakele mai ia'u, i na oia kou mea e olu ai."  Aia hoi ia manawa, ua mahuahua ka pii ana'e o kona (puupuu gula) nui a hiki i kona lilo ana i kiaha gula nani, a oia ke kiaha helu ekahi o ka nani i ike ia maluna o ka papaaina a ka barona.

 

Ninini iho la o Finiti i ka waina iloko o ua kiaha nei, a kahea aku la i ka lunakoa oiai oia e haalulu mai nei mahope ona; a pane aku la me na huaolelo waipahe; "E kuu luna koa maikai; ke noi aku nei au ia oe e hauwi aku oe i kaia kiaha i ka Haku Vone, e inu oia i mea e oluolu maikai ai, a ke manao nei au aole no oia e hoole mai ana ia'u no keia makana oluolu."

 

Lalau mai la o Vona i ke kiaha, i ko ka luna koa haawi ana aku maluna o kekahi pa gula nani, konou mai la imua o ka malihini, a mu ae la i ka waina a waiho iho la i ke kiaha manua o kona alo, huli ae la a nana aku la i ka lede lauoho nani oiai oia e noho mai ana me na manao a pau i paulele maluna o na manao o Vona.

 

O na hiona o ka lede nani la manawa me he la ua piha me na manao ukiuki a lili hoi Hawanawana aku la o Vona i kekahi mau huaolelo pokole i kona pepeiao i mea e hoolulu aku ai ia ia eiai, ua hele mai la kona mau maka a hulili pono ole, a hookuu hou iho la ua lede lauoho nani la i kona lima maluna o ko Vona.

 

La manawa, kulou hou iho la ko Finiti poo ilalo a haloiloi mai la Kona mau waimaka no ke aloha i kona hoa pili o ke kai loa, a ua pau ae la no pae.

 

E na kamalii, wahi a ka barona i kahea aku ai e ka leo nui me he hekili la ka halulu, e hoopiha i ka oukou mau kiaha me ka waina, E inu kakou a pau, a e haawi i na hoohanohano ana i ka lede malihini ka mea nana na hoohanohano ana i hiki mai nei imua o ko kakou alo oia hoi ka lede hanohano o ka hale gula.

 

Ia manawa, hoomaka ae la ne mea a pau e inu me ka hooho ana no ka hanoli.  Oiai ka hapa nui o lakou e awala nei i ko lakou mau kiaha, ua hapai ae la o Vona i kona kiaha a iliwai like me kona make me ka manao e inu ae, aia hoi ua loaa koke iho la ia ia kekahi halialia ano eehia.

 

Hamama ae la kona waha, haka pono aku la kona mau maka i ke kiaha me he kanaka la e hihio ana.  He hihio io anei?  Oiai oia e uana popo nei i ke kiaha, ike aku la oia iloko o ka hihio i oa la i hala o kona ola ana, me he mea la he aniaoi oana.  Ike aku la eia i ke kanaka nui e uhai mai ana ia ia; aia hoi o Finiti e alako ana ie ia: e holo ana laua maluna o la moku; ko laua kau ana aku maluna o ka aioa o Beritania; kona haulele ana ia Finiti no kekahi manawa pokole; ko Finiti uwe ana i ka wa a Vona i hele ai.  O na mea a pau a Vona a me Finiti i hana'i mahope iho o ko laua haulele ana ia Kahekili, ua hoiki ia mai la a pau imua o Vona mailoko mai o kela kiaha ana e haka pono nei.  Auhea o Finiti ia manawa?  Eia no oia ke pili nei ma ka aoao hema o ka barona me na maka e haloiloi nei i ka waimaka.

 

        Owai ae kekahi wahine ma ko Vona aoao.  O ka lede lauoho nani.  Huli ae la o Vona i ona la, a kahea aku la ia ia me he mea la ua loohia ia oia me na umii walania a ka moonihoawa, a hikaka aku me he mea ona rama la, a ala mai la iluna a nana ae la mao a maanei me na helehelena li-o.

 

        Apo ae la oia i kona mau lima imua o ke alo o Finiti, a alako aku la ia ia iho imua o Finiti, a haule iho la kona mau kuli ilalo, a kokuli aku la imua e Finiti a pane aku la me na huaolelo ano mihi.  E kala mai oe ia'u O ke kola ana i ko hela, oia ka piko o ka hauoli a me ka oluolu.

 

        Mamua o ka nalo ana aku o na kukuna malamalama o ka La, aia o Finiti e noho pu ana me kana aloha Vona mahope iho o ke kaawale ani no kekahi manawa; aka, i keia manawa, ua hoi hou ae nei laua a pili hou, e ume ana me na olelo hoalohaloha.

 

        A pehea iho la ka lede lauoho nani?  Aohe mea i ike ioia ia manawa pokole.  I ka wa a Vona i kahea'i, o kona manawa koke no ia i nalowale ai.  Aka, ua olelo ia ua ike ia oia e lele ana maluna o ka hale Kakela maluna o kekahi wahi burumi kahiko a e alualu ia ana e na ilio.

 

        O ka manao o ka poe o Kereva, o keia lede lauoho nani, oia no ka wahine kupua, ka makuahine hookama o Kahekili.  Aka, he mau mea wale no ia i manao wale ia aole i maopopo ka oiaio.

 

        I ke kakahiaka o kekahi la ae, ua naue aku la o Vona me Finiti i ke halepule a mare iho la laua.  Ua inu, hauoli a lealea lakou iloko o na hora he kanakolukumamaono mamua o ko laua mare ana.

 

        Ua kaumaha na lima o ke kuene nui, ua hualulu ka makai nui, a ua ano kaumaha ka lunakoa nui a o lakou a pau, ua hookaumaha ia ko lakou mau lunaikehala mahope iho o ko lakou ike pono a me na hoomanao ana i ka mea a lakou i hana i mua o ko Finiti alo; a ua ike lea ae nei lakou ua kau pono ae la o Finiti i ke aki, oia kona mare ana ia Vona ke keiki a ke barona hanohano o Kereva, a me kana mau hana kupanaha e ae i ike maka ia e ka lehulehu.  Aka, oia mau mea aole i nana iho o Finiti ia lakou oiai ua lilo loa kona mau noonoo ana ma na mea e hauoli oia i kana Vona.

 

        O keia ka pau ana o ka moolelo o Vona me Finiti, a mahope iho o kei, ua hana ia ke kii hoomanao no Finiti oia hoi he kii mahala me na puupuu gula elima me kona lima, a ua lilo keia i mea hoomanao ia iwaena o ko Beritanin poe i na la mahope iho o ko Finiti a me ko Vona ola ana.           Ka Hopena.

 

Ka Hoowaiwai ana

----

HELU 4

 

        I loko o ka hoonui waiwai ana, he ekolu wale no mea nui e pono'i i ke kanaka ke loaa.  Akahi-Ka Naauao.  Elua-Ka hana mau.  Ekolu-Ka malama pono i ka waiwai loaa.  O na mea nui loa keia e hiki ai i ke kanaka ke hoonui waiwai, ina aole e @ kekahi o keia mau mea i ke kanaka, aole e hiki iaia ke holomua ma ka hoonui waiwai ana.

 

        No ka mea, ina naauao kekahi kanaka ma ka hana, ma ka hooponopono aupunio paha a ma na hana e ae paha e waiwai ai oia, he makaala mau paha oia ma kana hana i na manawa a pau, a loaa ole nae iaia ke "malama pono i kona waiwai loaa."  uhauha wale paha, a hoolilo wale i kela mea keia mea keia mea waiwai ole paha, ua like ia me ka puka liu nan e ume i kona waiwai loaa a hakahaka.  Ina ua like oa mea i lilo aku me na mea i loaa mai, alaila, aohe mea i koe; aka, ina ua emi na loaa mai na lilo aku, alaila, ua komo ke kanaka iloko o ka aie; ina ua emi na lili i na loaa mai, alaila, ua hoomahuahua ia ka waihona o ke kaoaka; e like me ka napa o na lilo, pela ka mahuahua o ka waiwai.

 

        Ina hoi ua paa mau ka lima o ke kanaka i ka hana, a he malama pono i kona waiwai loaa, a he naaupo nae, alaila, ua lilo kaoa mau hana mau i mea ole, ua hiki i kekahi mea naauao ke haolilo i kona mikiala haua i mea hoopomaikai ia hai, aole iaia iho.

 

        Penei:  He mau kanaka mikiala hana kekahi hapa o kakou na kanaka hawaii, he hana mau, aka, hiki mai la ke kanaka @, a olelo mai la: "E kepa oe me a'u a e haawi no au ia oe i na dale uku mua maikai he 80, he oluolu ka'u hana, hoakahi ao la, loaa ia oe keia mau dale maopopo, loaa na paa lole nani i keia manawa pokole, a e haawi no au ia oe he $10.00 no ka mahios."  O ka puai aku la no ia o ua kanaka Hawaii nei, a o ka ae aku la ao ia.  Ina hookahi makahili ke kepa ana, alaila, he $10 wale no koe a ka haku hana e uku mai ai; i ka hana ana nae, ua pomaikai launa ole ka haku hana.  E hana mau ana i kela la keia la, a ina o kela hana ana a nona ponoi iho, ua kuonoono maoli kela kanaka; aka, o kona hana ana no hai, ua pau wale ka ikaika no ko hai pomaikai.  No ke aha keia?  Eia, no ka @.  Nolaila, he mea nui no ka naauao, mai minamina i ka kakou mau keiki i ka hoolei ana ia lakou i kahi e loaa'i ke naauao.  Aole o keia wale no ke ano e hoolilo ia ai no hana mau a ke kanaka i mea hoemi waiwai, he nui aku no.

 

Ina hoi e malama oia i kona waiwai loaa, a he naaupo oia, aole i ike i ke ano e hoohana aku ai i mea e hoopuipui ia'i kona waihona, aohe no e hiki ia ia ke hoonui waiwai.

 

Ina hoi ha naauao ke kanaka me ka malama ana i kona waiwai loaa, koe kona mikiala hana, alaila, he lohi no kona hoonuiwaiwai ana; no ka mea, ina e loaa i ke kanaka naauao ke ano palaualelo a molowa, alaila, ua hoohana ole ia ka naauao i loaa iaia, alaila, aohe no e mahuahua ana kona waiwai loaa.

 

Nolaila, me keia mau hoakaka pokole ana, ua maopopo, aia a hui ia keia mau mea ekolu, alaila, ua holo ka hana ma ka hoonui waiwai ana.

 

Aole au e hoole loa ana, aole e hiki i ke kanaka ke hoonui waiwai ke ole a loaa kekahi o keia mau mea ekolu; aka, o ku manaoio maoli, oia ka holomua ma ka hoonui waiwai, aole o ka hele a ka elemakule, o ke kupaoi i ke ala.

 

Ke kilohi ae kakou iwaena o ka poe kuonoono e noho mai nei iwaena o ka aina, ua malama lakou i keia mau mea ekolu.

 

Ma ke lawelawe ana i na hana, he ano annuao.  He pakiko ma ka hoolilo ana.  O ka hoopono ma ka lawelawe ana, oia kekahi mea mui loa e pono ai i ke kanaka ke loaa; ua apo mai oia i na mea nui ekolu i hoakaka mua io aku nei; no ka mea, ina aole e loaa ia, alaila, ua nele ka noonoo ana i kekahi o kela mau mea ekolu.  Ina aole e lawelawe ke kanaka i kana mau hana me ka hoopono, aole e hilinai nui ka poe nana e hoowaiwai aku iaia me ke kii ana mai i kana mau mea i hana'i.  Na ka pono o kana mau hana e kauo aku iaia iloko o ka nui o na hane a lilo kona inoa i mea aala

iwaena o ka lehulehu.

 

KE AKAMAI MA NA HANA

 

O ke akanoi ma na hana, oia no ke ano @ o ke kanaka ma na hana e waiwai ai.  he hui a he lehulehu wale na hana e waiwai ai ke kanaka.  Ka Oihana Mahiai, ke Oihana Kalepa, hooholo moku, na Oihan hanalima, na Oihana Hoonaauao, na Oihana Hooponopono Aupuni, na Oihana Akeakamai, no Oibana Hanai holoholona, a he nui wale aku na hana e hiki ai i ke kauaka ke hoonui waiwai, noiaila, he mea pono i ke kanaka ke akamai ma kekahi o keia mau oihana.

 

KE KOHO ANA I KA OIHANA

 

I waena o keia lahui, aole i malama ia ke koho ana o ke keiki I ka oihana ana e makemake ai e lawelawe; aka, ma na aina @ ua koho mua ke keiki i kana oihana i makemake loa'i oiai oia me ke kula, alaila, e hooikaika loa auanei oia e hoopaa pono i na haawina e pili ana ilaila a lilo oia ke pookela ma ia haawina, ua lewa na mea a pau e pili ana ilaila; i kona hemo ana mai ke kula aku, hoomaka koke a lawelawe ma ia hana, alaila, aole oia e hemahema loa, ua mae, a hooholo koke i na hana imua.

 

Aka, ina aole e koho ana ke keiki i kaua oihana oia oia ma ke kola, alaile, ua hoopapau like oia i ka huli ana ma kela a me kei heawina, a kauliilii kona manawa ma kela a me keia haawina a hope ka mea i loaa iaia, aole e lilo oia ke pookela ma kekahi haawioa.  I kona hemo aoa aku, a lawelawe me ke hana i loaa iaia, he ano hakalia iki.  Nolaila, he mea pono ke koho mua ke keiki i ka oihana oiai oia a noho ana me ke kula, pela na aina nauao i hana'i.

                     Aole i pau.

 

SILA AINA VS KAAHOWALU - Ma ka po Poaono Aperila 10, ma Kaumakapili, oiai e waiho ana o Pohaku i ka hopena o kona ola ana, ua hala ka uhane mai kona kino aku, ua homo aku la o Kaahuwalu iloko o ke keena o ka mea i make pani mai la i ka puka o ke keena a pau, alaila, wawahi aku la ia i ka pahu o ka mea i make, a lawe mai la he mau Sila Aina a me kekahi mau dala; ma ka lohe ana o na pake i ka nakeke, ua hookolo ia a loaa aku la ke kolohe, a lawe ia i ka hale kakela o Kewiki a mai laila loa aku i ka Hotele de Fyle.  O keia kanaka, he kakauolelo oia na la mea i make.

 

MAIKAI KA HOI KA PAPA!

 

-A ME-

 

KA LAAU O KOU HALE!

 

NO HEA LA?

 

KAI NO HOI NO KAHI O

 

WAILA NA!

 

                              Nana aku no hoi ia la

                                 Ohi ka Io o ka Laau O Makawao

                                     I ka ua mea hoi o ka nani o

 

NA PAPA!  NA PAPA!!

 

-A ME-

 

NA PONO KUKULU HALE

 

O NA ANO NO A PAC.

 

-----

 

Aia ma ke kihi o na

 

ALANUI PAPU me MOIWAHINE

 

HONOLULU

MALAILA E LOAA AI

 

E LIKE me ka MAKEMAKE

 

-NO KE-

 

KUMUKUAI MAKEPONO LOA!

 

----

 

PAPA, PAPA, PAPA,

 

Na Pap Huluhulu,

Na Papa Manoanoa,

Na Papa I kahiia,

Na Papa Kepa,

Papa Hole Keokeo,

Papa Hole Ulaula.

 

---

NA LAAU, NA LAAU

 

Na Kua,

Na Kaola,

Na Aaho,

Na Molina

Na Peapea,

Pine Huluhulu,

Pine i kahua

 

NA Papa a me na Laau Ulaula


 Pili ulaula,

Pili Keokeo,

Pani Puka,


 Pani Poke Aniani

Ipuka Aniani

Puka Olepelepe

 

---

PENA O NA ANO A PAU

 

Hulu Pena mai ka Liilii a ke Nui,

Aila Pena,

Aila Hoomaloo,

Waniti, Pate,

 

NA LAKO O KELA A ME KEIA ANOI

Na Ami Puka Hale,

Na Ami Puka Pa,

 

ANIANI!

 

Pepa Hale a me na Lihilihi

 

E LOAA NO MALAILA.

 

PAAKAI HELU I O KAKAAKO me PUULOA

 

No ke Dale Kuike, e loaa no na mea a

 pau i hai ia ae la, no ke Kumukuai Emi

loa.  O na kauoha mai Hawaii a Niihau a

loaa aku ano ia lakou, e hooko keke ia no

ia me ka lawa pono.  E kipa nui ilaila, I

ike i ka oiaio.       905 tf