Ka Nupepa Kuokoa, Volume XIX, Number 23, 5 June 1880 — Page 4
| This text was transcribed by: | L. A. Marchildon |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
I HUHA.
No ka Makahiki, $2. Eono Mahina, $1.
Da@a Kuike ka Eula.
KOMITE HOOPONOPONO.
Sam'l Kaaikaula,
Hezekia Aea.
POAONO, IUNE 5, 1880.
KA FEA MA HALEIWA.
E kukulu ia ana i Fea ma ka luakioi hoole pope ma Waialua, i ka la 30 o Iune, oia no ka Po@kolu, e kuai ia ana na mea a na haumana o Haleiwa i hana ai. E hoomaka ana i ke ahiahi, hora ehiku.
I ka la m@a o Iulai, oia no ka Poaha, e hoike ana ke Kula Hanai o Waialua ma ia luakini no. Hoomaka i ha hora eiwa. A e hoike hou ana ia po, hoomaka hora ehiku.
965 4t.
Too Late!
WRITTEN BY ALFORD TENNYSON.
1
Ua pau ka wa! Ua po a anu no.
Ua pau ka wa! E komo nae makou.
Ua pau ka wa! Ua pau ka wa!
E komo nae makou, e komo nae makou.
Hui. Ua pau ka wa! Ua paa ka puka e!
Ua pau ka wa! Ua komo ole nei!
2
Pouli e! A anu no ka po!
E komo nae i lama no makou.
E komo nae, e komo nae!
I lama no makou, i lama no makou!
Hui. Ua pau ka wa! Ua paa ka puka e!
Ua pau ka wa! Ua komo ole nei!
3
Aloha nae ke kane mare e
E komo ae a honi hoomaikai!
E komo ae, e komo ae,
A honi hoomaikai, a honi hoomaikai.
Hui. Ua pau ka wa! Ua paa ka puka e!
Ua pau ka wa! Ua komo ole nei!
I UNUHIIA E HAWAII.
Ua Ala Hou Iesu.
CHRIST THE LORD IS RISEN TO DAY.
Welcome Tidings, p. 128.
1
Girls. Ua ala Iesu Kristo no.
Boys. Ua ala io no.
Girls. Iesu Kristo no.
Boys. Ua ala io no.
All. I Kai pio ia i ko ka po,
Me ko ka make mana no,
A lanakila mau,
A lanakila mau.
Cho||: Haleluia, haleluia, haleluia, Amen :||
2
E pau, e pau ke kanikau,
Hauoli a mele like no,
Ua ala hou Iesu,
Ua ala hou Iesu.
Cho. Haleluia &c.
3
Ua pau ka hana kamahao,
Ka hani e ela'i ke ao;
Hosana ia Iesu,
Hosana ia Iesu.
Cho. Haleluia &c.
4
Hooho ko na ao a pau
la mele mana kamahao,
Ke Ola ia Iesu,
Ke Ola ia Iesu.
Cho ||: Haleluia, haleluia, haleluia, Amen :||
HAWAII.
Haawina Kula Sabati.
HELU 12. SABATI, IUNE 20, 1880.
KUMUHANA.
Hoi hou i hope. Pauku Baibala. Mat.
mai ka mok. 8, a pau Mataio.
Pauku Gula. O Iesu Kristo, he oia mau no ia, inehinei, a i keia la no, a i ka wa pau ole, Heb. 13; 8.
Mele. "Iesu kuu waiwai." Lei Alii, p. 22. Pule i paa mau ha manao ia Iesu.
(Na ke kahu e hoopuka i na ninau.)
Na makua. Helu 1. Ke ano aha o Iesu ka i hoike ia ma ka helu 1? Kona mana maluna o na mea hea? makani, wai, makau, daimonia, puaa, kanaka.
Na Ui. Aia mahea Iesu ia ia e hoike ana i kona mana maluna o keia mau mea? Ma ka moku kekahi, a ma ka aina kekahi, owai ka inoa o ka Loko? Ehia ona inoa? Aia ia mahea? Owai ka inoa o ka aina? Aia ia mahea.
Na keiki. Kena Iesu i ka makani ino e aha? A i na ale ino o ka Loko wai e aha? Hoolohe anei laua? Ua aha oia i na makau o na haumana? Ua hoahewa, a ua hoopau, Heaha kana i na daimonio? Heaha kana i na puaa? Heaha kana i na kanaka nona na daimonio? Heaha kana i na ona o na puaa? Ua kaohi i ko lakou huhu i ole lakou e pepehi iaia.
Ke kula a pau. Hai mai i kekahi mau mea e ae e hoike ana i ka mana o Iesu. Io. @; 3. Heb. 1; 2, 3. Pehea kona mana no ka hoola i ka poe mihi? 2 Tes. 1; 7—9.
Helu II. Na makua. Ke ano aha o Iesu ka ihoike ia ma ka helu 2? Hoahewa, Haku, Aloha. Owai na kulanakauhale ana i hoahewa aku ai? No ke aha? Heaha ke ano o ia hoahewa ana? Iloko o ke aha e hooko ia'i? Iloko o ke ahi malalo ae o Sodoma ma.
Na Ui. Ko Iesu ano Haku. Nawai i haawi i na mea a pau iaia? Ehia Haku nui? Hiki anei ia oukou ke mala i na Haku elua? Hai mai Mat. 6; 24. Owai ko oukou Haku Iesu anei? Ke ao nei me Satana paha?
Na keiki. Ko Iesu ano aloha. Aloha oia ia wai ma ke ia helu ka poe maha ole, luhi, kaumaha, luuluu, kanikau, e imi ana i ka maha, ole nae i loaa. Heaha na olelo aloha, a hooluolu ia lakou? Hai mai Mat. 11; 28—30. E hele oukou io wai la i loaa ka maha? Ahea? Me ke aha?
Ke kula a pau. Mahea Iesu iaia e hoopuka ana i keia mau olelo hoahewa, aloha &c? Pili na olelo hoahewa ia wai i keia wa? Nui anei ka hoomaloko ma Hawaii nei? A hoomana ia mahea ko lakou wahi ma Gehena? Malalo ae o Beteraida ma. Heaha ka pono? Heaha hoi ka pono o ka poe e im@ ana i ka maha, i na auamo oluolu, na ukana mama?
Helu III. Na makua. Ke ano aha o Iesue kai hoike ia ma ka helu 3? Ano ao ma na olelo nane, ano ike e i na hana ma ka la hope.
Na Ui. Hai mai i @ kekahi mau olelo nane, a Iesu, no ka mea lulu hua, ma ka pa alanui; no ka mea lulu hua, maika ma kona mahinaai, a mahope, he mea enemi ka i hele a lulu i ka hua ino. Heaha ka mahinaai? Owai na mea lulu elua? Owai ka mea lulu i ka hua maikai, i ka olelo a ke Akua? Owai ka mea lulu i ka hua ino, i ka hewa, i ka wahahee?
Na keiki. Heaha ka mahina ai nui? Heaha kekahi mahinaai nuku? Ke Kula Sabati. Owai ka poe lulu hua? Na kumu. Heaha ka mahinaai uuku loa? Ka naau o ka haumana. Ke lulu ia nei ka olelo a ke Akua iloko o ko oukou naau. Pehea e hiki ai ke kupu a ulu, a hoohua i ka hua maikai?
Ke kula a pau. Ko Iesu ike e ana i na hana mahope. Hai like mai Mat. 13; 40—43.
Mele. "Lei Maikai." Lei Alii. p. 75.
Helu IV. Na makua. Heaha ka ninau nui o Iesu me ka haina ma keia helu? Hai mai Mat. 16; 13—18. Owai ka Pohaku? Iesu.
Na Ui. Owai ka Mesia? Nohea mai oia? Heaha kana oihana nui? Pehea e hiki ai iaia ke hoola? 16; 21. Pehea e hiki ai ke ola ma o na la? 16; 24, 25. Ke hoole nei anei oukou ia oukou iho, a hahai ia Iesu me ka makau ole i na mea keakea mai?
Na Keiki. Ke ae nei anei oukou, o Iesu ka Mesia, a ua make oia no oukou, a ala hou mai i ola oukou? Ina pela, heaha ko oukou pono? Heaha ka hope ke lawe ole oukou ia Iesu i mea e ola'i'
Ke kula a pau. Ka waiwai o keia ao, hiki anei ia ke hoola i ka uhane? Hai like Mat. 16; 26, 27, me Mat. 6; 19, 20.
Helu V. Ka nani o Iesu.
Na makua. Mahea kahi i hoike ia'i ka nani o Iesu ma keia helu? Owai na ike maka? Owai na hoa no ka lani mai?
Na Ui. O Mose kekahi hoa, owai ia? Heaha kana i ike ai ma Mauna o Sinai? Hai ma i kahi i make ai, a nalo ai oia.
Na keiki. Elia kekahi hoa, ua make anei oia mamua? Pehea kona hele ana mai keia ao aku? Owai kekahi i pii i ka lani me ka make ole?
Ke kula a pau. Mahea Iesu mamua? A heaha ka hoike nona ma lo. 1; 14, Mat. 3; 17? Ka nani aha ka i hoike ia ma Hal. 19; 1, 2? Owai ka poe e ike maka ana i ko Iesu nani ma ka lani?
Helu VI. Ko Iesu hoomaikai ana i na kamalii, me ke kuhikuhi ana i kekahi ui i ka mea ola'i ka uhane.
Na makua. Heluhelu Mat. 19; 13—15.
Na Ui. Heluhelu Mat. 19; 21, 22.
Na keiki. Hai mai i na kanawai ma Mat. 19; 18, 19.
Ke kula a pau. Hai mai Luk. 10; 41, 42. Heaha ia mea hookahi e pono ai?
Mele. "He aloha ko Iesu." Lei Alii p. 121.
Helu VII me ka VIII. Ka ahaaina mare me ka hookolokolo nui ka la hope.
Na makua. Ke ano nui o keia ahaaina mare, ke aupuni ia o ke Akua ma keia ao. Owai ka poe ihea mua ia e komo iloko o keia aupuni? Ko lakou ano, heaha? Ko lakou hope, heaha?
Na Ui. Owai na pani o na Iudaio ihea @a e komo iloko o ko Iesu aupuni? Ko Hawaii nei poe anei kekahi? O oukou anei kekahi?
Na keiki. Ua hea ia anei oukou e hele i keia ahaaina maikai? Oia hoi ke aupuni o Iesu? Ae. A pehea? Ua hele, ua komo anei oukou?
Ke kula a pau. Heaha ke kahiko kupono no na hoaai o keia ahaaina? A loaa ole ia kahiko, heaha ka hope? Mat. 22; 12, 13. No ka la hookolokolo nui ia. Heaha kekahi hana nui ma ia la? Heluhelu. Mat. 25; 31—34. 41, 46. No ke aha ka like ole o na uku?
Helu. IX me ka X. Iesu ma Geteremane, imua o na aha hookolokolo, ma ke kea ma Kalevari maloko o ka lua kupapau.
Na makua. Hai mai i kekahi mau mea i hana ia ma ka mala o Geteremane? Mahea ia mala? Heaha ka Iesu pule malaila? Owai ka i hiki ilaila e hopu iaia?
Na Ui. Imua o na aha ehia i hookolokolo ia'i Iesu? Ua loaa anei ka hewa? No ke aha oia i hoahewa ia'i e make ina ua loaa ole kona hewa?
Na keiki. Hai mai i ke ano o ko Iesu make ana. Mahea? Maluna o ke aha? Me wai? Heaha kana pule hope?
Ke kula a pau. Heaha na hana kupanaha ia Iesu ma ke kea? No keaha ia make mainoino? Mahea i kanu ia'i oia? E wai? Ua aha ia ka puka o ka lua? No keaha?
Helu XI. Ke ala hou ana o Iesu me na mea mahope iho.
Na makua. Hai mai i ke ano o ko Iesu ala hou ana, ka la, ana ike maka mua, na ike maka hope, ke kauoha hope.
Na ui. Noho Iesu i ehia la mahope o ke ala hou ana a pii i ka lani?
Na keiki. Hai mai. Luk. 24; 50, 51.
Ke Kula a pau. Heluhelu Oi@. 1; 3, 4, 10, 11. Ahea Iesu e hoi hou mai? Mat. 24; 42, 44.
Mele. "Ka Inoa o Iesu." Lei Alii p. 59.
Pule i ola mau loa ma o Iesu la.
Haawina no Iune 27. Ka Ceneturi Kula Sabati.
Ka Moolelo o ka Ahahui Lunakahiko o na Mokupani o Maui.
Halawai ka ahahui lunakahiko o na mokupuni o Maui ma ka luakini o Kaahumanu, Wailuku, Maui, Mei 4 1880, hora 10. Koho ia J K Iosepa i lunahoomalu. Wehe ia ka halawai me ka himeni 357, a me ka pule a ka lunahoomalu. Kahea ia na inoa me na lala o keia aha.
Ekalesia Kahu Lunakahiko.
Haiku S Kamakahiki
Huelo P Keaupuni Kahuhu
Keanae Lono
Hana J K Iosepa Kekahawalu
Kipahulu D Puhi Pamaiaulu
Kaupo Kawaiaea opio
Honuaula S Kauwe
Waikapu Naonohielua
Wailuku W P Kahale W K Makakoa
Waihee O Nawahine J S Lono
Honokohau S L Kalaola
Kaanapali Honene
Lahaina A Pali
Lahainaluna
Olowalu S Kaalawa
Lanai
Kaluaaha Kauku
Halawa S Paulo
Pelekunu & Wailau
Siloama
Na lala mau. E Helekunihi. Koho ia o W P Kahale, A Pali, J S Lono i komite hoonohonoho kumuhana, a ia P Keaupuni, S Paulo i komite imi haawina.
Hoike mai ke komite hoonohonoho kumuhana. 1 Hapalua hora haipule, ma ka mua o ka halawai ana. 2 Hoike kihapai. 3 Heluhelu haawina. 4 Hoike komite. 5 Na palapala hoopii. 6 Na elele no Honolulu, i Iune aenei. 7 I komite hoike kihapai i Honolulu. 8 I komite hoike moolelo i ka ahahui nui. 9 No ka mahina hou. 10 No na lunakahiko. 11 Kulakahunapule. 12 E hoopii keia aha imua o ka Ah@olelo Kaukanawai o keia aupuni; e hoomauloa ia ke kapu ana o ka rama i na kanaka Hawaii. 13 Na ekalesia kahu ole. 14 Ke kulana o ka ahahui lunakahiko. 15 Ke kula o Makawao. 16 Ke ola o a kahu.
W P Kahale, A Pali, J S Lono, na komite.
Walaau mai o A Pali, e lilo na lala o ka hui kula Sabati, i mau hoa kuka no keia aha, hooholoia.
Waiho mai o A Pali he olelo @olo. Olelo hooholo: hooholo ia @ manao nei keia aha, e lilo ka mauawa ma@ e iho o ka hoi ana mai o ka aha mai ka @aina awakea ana, i manawa e hui ai ka @ahui kula Sabati o Maui a me na moku e pili ana.
Lawelawe ia ke kumuhana elua 2. Na hoike kihapai. Na S Kamakahiki i hoike mai no Haiku, Hamakuapoko, Paia, a me Paliuli. Ua ulu nui ka pono o ke Akua ma ia mau wahi.
Na P Keaupuni i hoike mai no Hu@o, na ke kakauolelo i heluhelu no Kipahula a me Kaupo. Haukai ia mau mokupuni o ke kai.
Na Naonohielua i hoike mai no Waikapu na O Nawahine i hoike mai no Waihea.
Noi mai o W P Kahale, e hoopane keia aha halawai, a halawai hou mai na @a la a popo hora 9 hooholoia.
Hoopanee ma ka himeni hoonani a me ka pule hook@u a W P Kahale.
La @ana 2, Mei 5, 1880
Halawai hoa ka aha e like me ka hoopanee ana.
Hoomaka ia ke kumuhana @ palua hora haipule, @a ka wehe ana i ka @meni 183. Kahea inoa ia na hoa o ka ana.
Heluhelu ia ka moolelo o ka ana a @ apono loa ia. Koena hoike kih@
Na A Pali i hoike mai no Lahaina, na Rev Kauwe i hoike mai no Honuaula, na Kalaola i hoike mai no Honokohau, na Kauku i hoike mai no Kaluaaha, na S Paulo no ka ekalesia o Halawa, Molokai, @ na S Paulo no Pelekunu a me Wailau, na S Kamakahiki i hoike mai no ka ek-Koolau, na Honene i hoike mai no Kaanapali, na S Kaalawa i hoike mai no Olawalu, na J K Iosepa i hoike mai no ka ek-Hana, na W P Kahale i hoike mai no Wailuku.
Ma keia hoike k@hapai, ua malama ia na hoahanau i hele mau mai i ka pule, i hele hapa mai, a i noho loihi a hele mai, a i noho loihi i kokua nui, kokua mau kokua ole, a pela aku. Ua akaka no ma keia hoike, he pono i na kahu e hele i ka poe i nalowale ma ke Sabati, e ninau i ke kumu emi o ka haalele i na Sabati, no ka mai paha, a pela aku.
Aka, waiho mai o Rev A Pali h@ olelo hooholo, olelo hooholo; hooholoia. E lilo ka hoike kihapai o ka ekalesia o Wailuku i rula no na kahu ekalesia o keia aha, e hana ai ma keia hope aku.
Lawelawe ia ke kumuhana 3, Heluhelu haawina, na S Paulo i heluhelu mai i kona haawina. E noho hemolele loa anei me ke kina ole na karisiano i ka wa e hiki mai ai ka milenio.
Noi mai o E Helekunihi e hoihoi keia haawina ia S Paulo, e noonoo nui a hoike hou mai i kela hui hou ana o keia aha, hooholo ia.
Na D Puhi i heluhelu mai i kona haawina. Ua makemake o Iesu i kona poe kanaka e hoohua lakou i na hua he nui.
Noi mai o W P Kahale e hoopanee ka halawai a hui hou mai i ka hora 1 1 2 awakea, hooholo ia. Hoopanee me ka pule a Rev A Pali.
Noho hoo ka aha ma ka wa i oleloia, me ka pule S Kaalawa.
Na A Pali i heluhelu mai i kona kumumanao. Ke al@kai ana o ka Haku i kona poe kanaka. Pehea la ia alakai ana?
Noi ia mai e hoihoi hou aku oia i kona kumumanao, a keia aha aku lawe hou mai, apono ia.
Na S K Kauwe i heluhelu mai i kona kumumanao. O ka maikai o ka enanelio, heaha ia maikai?
Na J K Iosepa i heluhelu i knoa haawina. Heaha la na kumu keakea i ka oihana kahunapule?
Noi mai o A Pali, e hookomo aku ia kumumanao iloko o ka "Nupepa Kuokoa," apono ia.
Noi mai o A Pali e hoopanee keia aha, a hui hou mai ma ka la apopo hora 9, apono ia.
La hana 3, Mei 6, 1880.
Halawai hou ka aha e like me ka hoopanee ana. E hoomaka ana i ke kumuhana 1. Hapa hora haipule me ka wehe i ka himeni 356.
Kahea inoa ia na lala o ka aha, a heluhelu ia ka moolelo, a apono loa ia mai@
Ua hooholo ia, e lawelawe ia ke kumuhana 4, no na hoike komite, na ke komite J S Lono i hoike mai i ka hana a ke komite kaahele, a @a noi ia mai, e hoomoe loa ia ka noonoo no ia hoike, no ka mea, hookahi i naauao, a hookahi i naaupo o na hoa komite, aponoia.
Hoike a ke komite hoonoho kahu o Huelo, ia P Keaupuni i kahu no lakou. Ua hele makou i Huelo, a hoonoho paa ia Rev P Keaupuni i kahu no @a ekalesia, i ka la 4 o Maraki i hala ae nei. W P Kahale, A Pali, S Kamakahiki, komite.
Hoike a na komite malama i na ekalesia kahu ole.
Ua malama ko oukou komite ia Olowalu a me Kaanapali, ma ka papa ahaaina a ka Haku ma keia mau ekalesia, ma na hapaha i hala ae nei mai Nov 1879, a Mei 1880, ua oluolu no na hana i hana ia ma ia mau ekalesia, ua maluhia no. Ua kokua mai keia mau ekalesia ia'u. No Kaanapali, $19.25@ no Olowalu $11.37, eia nae, ua nuae no ko Wainee Lahaina, me ka olelo ana, aole e koho hou ia ko makou kahu i komite malama i na ekalesia kahu ole, no ka mea, he kahu nawaliwali oia. A Pali, komite.
Hoike no Honokohau, a me Kahakuloa. Ma ka malama o Ianuari 1880, ua malama ia ka papa ahaaina a ka Haku ma Honokohau, ua kokua mai kela ekalesia ina dala 7.25 i ke kahu malama, a ma ka malama o Aperila iho nei, $3.00. O Nawahine komite. Ua apono ia na hoike a na komite.
Hoike mai ke komite hookohu a hoonoho ia J K Iosepa i kahu no Hana Maui.
Ua hele makou ko oukou komite e hookohu a hoonoho ia Iosepa i kahu ekalesia no Hana, e like me ka olelo hooholo a ka aha lunakahiko, ma ke noi a na hoahanau o ia ekalesia ma o na komite la. Ua hoopau ia ia hana @a ka la 18 o Aperila 1880, penei na lawelawe ana. Ia O Nawahine ka haiolelo, Isaia 53:8, A owai auanei e hai aku i ka haumana? D Puhi ka pule hoolaa a hookohu hoi, ia Rev S K Kauwe ka lima akau aloha me ke ao pu aku i ke kahu hou me na olelo hoalohaloha ia O Nawahine ka olelo ao i ka ekalesia, ua mare ia oukou a ua paa, a ua noho o Iosepa i kahu no oukou, a i ke kahu hou ka pule hookuu, o ka pau no ia o na hana.
O Nawahine
D Puhi Komite.
S K Kauwe
Ua apono ia ka hoike a ke komite hookahi. Hoike a ke komite imi haawina.
1 Heaha la kekahi mau lealea e ilihune ai kanaka i olelo ia ma Solomona 21:17? Rev S Kauwe.
2 Heaha la ka mea e launa pu ole mai ai ka Uhane Hemolele me na ekalesia o kakou? Rev J K Iosepa.
O ka oihana lapaau ma ke ano kahiko e like me ka mea e hana ia nei e kahuna, o kekahi kumu anei ia e emi nei o keia lahui? Rev D Puhi.
Pehea @a e pau ai ka ona ana? E Helekunihi.
E hoomau ia ka poe i heluhelu ole i ko lakou haawine.
P Keaupuni
S Kamakahiki Komite.
S. Paulo
Hoike komite no Kaluaaha, Pelekunu a me Wailau, ua malama no ko oukou komite i keia mau ekalesia kahu ole iloko o keia makahiki, a ua kukulu ia ka papa ahaaina a ka Haku, a ua kokua hooluolu mai no keia mau ekalesia i ke kahu ku i ka wa, i na dala he 40, S Paulo, komite.
No na palapala hopii, kumuhana 5, heluhelu mai ke kakauolelo i ka palapala hoopii a ka ekalesia o Olowalu, ia Rev Kauwe, e noho nei i Honuala i kahu no lakou.
Noi ia mai e waiho ma ka lima o kekahi komite, oia o W P Kahale, S Kamakahiki, P Keaupuni, hooholo ia.
Heluhelu hou mai no ke kakauolelo i ka palapala kahea o ka ekalesia o Keanae ia Rev P Keaupuni i kahu no lakou, i elua pule no leko o ka mahina hookahi i elua dala me ka hapalua no ka pule hookahi. Noi mai ke kakauolelo e hoomoe ma ka papa, hooholo ia, no kekahi mau kumu no.
Na ke kakauolelo i heluhelu hou mai i ka palapala hoopii a J Kaahaihanu, e hoopii mai ana i keia aha, e noonoo nui, no ka ekalesia o Siloama, no ko lakou au@ ana i kona uku hana, i na dala he $57.00, no ko lakou hoohana ana ia'u, e ike pu no ma keia na hoike o ka hana a J Kaahaihanu, noi ia mai e lawe ka hale a noonoo i keia hoopii na aponoia e noonoo, ma ka noonoo nui ana o keia aha, ua maopopo no he kuleana ko keia aha e hooholo i kekahi mea, ke ike lakou he kuleana kona iloko o ka ekalesia; oiai hoi, no keia ahahui ka ekalesia o Siloama, a ua pono no e nana keia aha i kana mau hoopii. Ua hiki pu mai ka moolelo o kana mau hana imua o keia aha, ua lawelawe ia no oia, a nui wale, a ua hiki pu mai no na kope a me na dala, i hooholoia, a me ka mea nana i hana, mai kekahi luna mai o ka ekalesia o Siloama, eia ka olelo hooholo, e hoihoi ae ka ekalesia o Siloama ina dala he 57 ia J Kaahaihanu.
Noi ia mai e hoomaka ka halawai, a hui hou mai i ka hora 1 1 2 hoomaha me ka pule a Kaukau.
Noho hou ka aha e like me ka hoomaha ana, me ka pule a P Keaupuni
Hoike mai ke komite o ka palapala kahea o Olowalu, a me Ukumehame ia Rev S K Kauwe.
Ua kupono ka palapala kahea o ka ekalesia o Olowalu, a me Ukumehame; i na rula o ko kakou buke lawe lima, nolaila, e haawi i keia palapala i ka lima o ka mea i hea ia, a e hoike mai i kona ae a me ka ole imua o keia aha. W P Kahale, S Kamakahiki, P Keaupuni, komite.
Kumuhana 6, na elele o keia aha, a i ka aha nui i Honolulu, o Kekahawalu no ka ekalesia o Hana Maui, o Kauku no Kaluaaha Molokai, o Kakaelua no Waikapu, o S Kaalawa no Olowalu, apono ia.
Kumuhana 7, i komite hoike ina hoike kihapai o na ekalesia o keia aha, i ka ahahui euanelio i Honolulu, ua koho ia o A Pali.
Kumuhana 8, i komite hoike moolelo no keia aha i ka ahahui nui, koho ia o O Nawahine, aponoia.
Kumuhana 9, no ka mahina hou;@ ua kuka nui na hoa no keia, a ua loaa no keia olelo hoohoho, hooholoia, ke manao nei keia aha, o ka oihana mahina hou, he oihana nui ia, a he kupaianaha hoi, no ka mea, ua hoihoi ia mai ko ke kanaka ano maoli mai kinohi mai a ke Akua i haawi mai ai, ka ike i ka pono, a me@ka hewa e make ai, a oia no hoi ka mea e holo pono ai ko ke Akua aupuni, o ka nui o na dala i loaa mai no keia oihana, oia auanei ka mea e holo mama ai kona euanelio, ma na welelau @ a puni ke ao holookoa i noho ia e @na uhane a ka Haku i haawi mai ai Iaia iho e make ma ka laaukea; i ole e make ka mea lohe a manaoio hoi.
Nolaila ke kauoha ikaika ia aku nei na hoa kahu a pau, a me na lunakahiko a piu o keia aha, e hoi aku, e hana koke me ka eleu loa, iwaena o na ekalesia o kakou, no ka oiaio o Iesu Kristo. A e hoike io mai i ka lakou hana, ma ka aha o Novemaba e hiki mai ana.
Kumuhana 10, no na lunakahiko, ua kuka no ka aha no na lunakahiko, o na@ lunakahiko oia ka poe i-wae ia ae noloko o na hoahanau i mau luna no ia ekalesia, i waha olelo, ma ka aoao o na hoahanau, e pono i na lunakahiko @e noho maemae, aole e pono e like me kekahi mau lunakahiko inu awa, a piha i ka hookamani, he mea ia e make ai ka ekalesia a Iesu i kukulu ai ma ka ho nua nei, i aupuni iloko o ka @au o na lahui a puni keia ao, eia hou, o kela ekalesia keia ekalesia kahu ole, e hoouna mai lakou i mau lunakahiko me na palapala hookohu wale no e noho ai iloko o keia aha.
Kumuhana 11, no ke kula kahunapule, ua ninau ia na ekalesia i loaa na keiki no keia aha, ua loaa elua keiki, hookahi no Kipahulu, hookahi no Kaupo, oia o Kelehua a me Kawainea opio.
Noi ia mai e hoopanee a apopo ninau, a koho keia hale i komite ninau, A Pali, S Paulo, W P Kahale, hooholoia.
Kumuhana 12, e hoopii keia aha i ka Ahaolelo Kaukanawai o ke aupuni, e hoomau ia ke kapu o ka rama, aole e inu akea na kanaka Hawaii.
Koho ia o W P Kahale i komite e haku i olelo hoopii a kakau inoa aku na hoa o keia aha, ke maikai na olelo, hooholoioa.
Kumuhana 13, na ekalesia kahu na P Keaupuni e malama i ka ekalesia o Keanae, a e hoomau aku na komite mua ma ko lakou mau ekalesia i haawi ia.
Noi ia mai e hoopau keia aha i ke komite kaahele mua, a e koho hou no ia A Pali a me O Nawahine i komite kaahele e like me ka laua hana mua, hooholoia.
Noi mai kekahi e hoopanee keia halawai a hui hou mai ma ka la apopo hora 9, hoopanee keia halawai me ka hoonani ana i ke Akua ma ka himeni 285, me ka pule hookuu a ka lunahoomalu.
La hana 4, Mei 7, 1880.
Halawai hou ka aha e like me ka hoopanee ana. malama ia ka hapa hora haipule ma ka hoonani pu i ke Akua, himeni 129. Kahea ia na inoa o na hoa. Heluhelu ia ka moolelo a aponoia.
Hoolohe ka aha i ka ninau ia ana o na keiki i manao ia na keia aha. Mahope iho o ka ninau ia ana, ua noi o D. Puhi, e lilo keia mau keiki, i keiki na keia aha, a e ae aku keia aha, e hoouna loa aku i ke kula kahunapule o Honolulu. A na ke kakauolelo e haawi aku aku i palapala a keia aha i ka Peresidena o ke kula, hooholoia.
Noi mai o A. Pali. E pono ia D. Puhi e noi aku i ke Akua ma ka leo pule hoa'loha'loha e pili ana no na keiki a keia aha, i hoomau ia ko laua makemake a hiki i ko laua hele ana; hooholoia.
Noi mai ke kakauolelo, e hoohanohano ia ko kakou kaikuaana W. P. Kahale ma ko kakou kahea ana i kona inoa i kekahi manawa "makua" e like me ke kahea ana ia W. P. Alexander &c makua; hooholoia.
Hoike mai o Rev. S. K. Kauwe i kona ae i ka palapala kahea o Olowalu iaia i kahu no lakou. Kohoia o A. Pali, O. Nawahine, J. K. Iosepa i komite hoonoho ia Rev. Kauwe i kahu na Olewalu; hooholoia.
Kumuhana 14. Ke kulana o ka ahahui lunakahiko, o ke kulana mua o keia aha, he lewa, e ku ana oia e like me ka hooholo ana o ka aha, ia wahi aku a ia wahi aku. Aka, i keia wa ua nai paa ia ma Wailuku wale no. O ke kumu no ka makua Alexander i pii i na pali o Aalaloloa, nolaila ua hoonipaa ia ma Wailuku wale no.
Noi o A. Pali e hoolewa hou keia aha mai ka hookumu paa ana no Wailuku a i Haiku i keia hui ana ne ma ka mahina o Novemaba hooholoia ke ae mai ka makua i kona oluolu e hiki ilaila. A e lilo ke kakauolelo i elele e hoolawa pu aku n@ keia manao hoolawa hou ana; hooholoia.
Kumuhana 15. Kula o Makawao. Olelo hooholoia. E lilo na kahu a me na lunakahiko i poe paipai, hoeueu i na makua me keiki e honuna ae i ke kula kaikamahine o Makawao.
Hoomalu ka aha, a hui hou mai ma ka hora 1 hoomaha me ka pule a P. Keaupuni. Hoomaka h@u na hana ma ka manawa i olelo ia me ka pule a S. Kaalawa.
Hoike a ke komite kakau i ka palapala hoopii a keia aha, a i ka ahaolelo kaukau@wai o keia aupuni e papa ana i na kanaka Hawaii mai inu akea i ka rama. Ua nana ia ka hoike a ke komite kakau, a ua nani ua iliwai like ia ka maikai. Ka hemolele oia palapala, a ua kakau inoa na anela o ka aha, Kohoia i komite nana e lawe a haawi aku @ ka Peresidena o ka hale ahaolelo, oia o Rev. J. K. Iosepa, aponoia.
Kumuhana 16. Ke ola o na kahu. Ua oaoaka no na waha o na hoa no keia kumuhana, ka nui o ka pilikia o na kahu ekalesia, e aho ka oihana kumakahiki he $20.00 no ka mahina, o na kahu hoi, he $5.00 wale no puni ka makahiki, mau ka nele, ola ka uhane, i nui ke aho, a inu, a ni i ka Mana Lani, Iesu Kristo ka berena e ola'i, eia ka olelo hooholo, hooholoia. E hoi aku na lunakahiko, a hana penei. E hele aku na lunakahiko me na pepa i kakau ia ma ka poo Heaha kau haawi i ke kahunapule no @ makahiki hookahi? A na ka mea aloha e kakau i kana haawina, no ke ola kahu i ka makahiki.
Waiho mai o S. Kaa@wa, he elelo hooholo ke waiho aku nei keia aha i ko lakou mahalo nui i na ekalesia o na Waieha, no ko lakou malama ana mai i na lala o keia aha i na mea e oluolu ai ke kino, ua ai, a kena ka puu i na kohi kelekele a ka puukolu. Heluhelu ia ka moolelo, a apono loa i.
Noi ia mai e hoopanee keia halawai a hui hou ma Haiku ma ka Poalua mua o Novemaba 1880.
E hookomo i keia moolelo ma ka Nupepa KUOKOA hooholoia.
Hookuu ia ka halawai me ka hoonani i ke Akua, a me ka pule hookuu a ka luna@ hoomalu. Me ka mahalo.
O. NAWAHINE.
Kakauolelo o ka Aha.
CHRISTIAN GERTZ
Mea Hana Buti
--ME—
KAMAA MAOLI!
Alanui Papu, makai o ke Keena o Lui & Dickson!
KE HAI AKU NEI OIA I NA MEA A PAU,
Ua hoi mai oia mai Kapalakiko mai,
Ilaila Oia i ohi kino mai nei i na waiwai nani a paa o kana oihana, a ke waiho ia aku nei no ke kuai ana no na kumukuai o ka manawa
HE MAU WAIWAI PHA O NA BUTI
Na KAMAA HAAHAA a me na ano kamaa no na Lede. Na Buti, na Kamaa Haahaa a me na ano kamaa e ae a pau no na Keonimana.
NA BUTI & KAMAA HAAHA!
A ME NA ANO KAMAA E AE A PAU
NO NA KAMALII!
NA KAMAA O NA ANO HE NUI
O NA KAMAIKI OPIOPIO.
O neia mau mea a pau ua hanaia me ke akamai loa a me @ paa o na ano hou loa, a ke hoola ia aku nei ia mau mea @ me ka mea i olelo la.
@ E lawela no na kanoha mai na Mokapuni me ka ma@ me ka eleu. 3m 9@2
He Nui Anei Kou Makemake i na
Mekini Humuhumu Lole?
Ina p@la, alaila, e kipa mai no ma ka Halekuai
--:o:--
KAKELA A ME KUKE.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
ma ke $50 pakahi, a me ke ano
MEKINI a WILCOX me GIBBS, ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, a nane mai no me ke kuihe ole, a e ike no oukou iho. 862 tf