Ka Nupepa Kuokoa, Volume XIX, Number 38, 18 September 1880 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XIX.  HELU 381

POAONO, SEPATEMABA 18, 1880

NA HELU A PAU 981

 

KA NUPEPA

Kuokoa me ke Au Okoa

 

I HUIIA.

 

NA LELO HOOLAHA: C O na Olelo Hoolaha no 10 laina kakau lima, he Hookahi Dala no ka puka mua ana; elua puka ana, he $1.50; no hookahi mahina, he $2.00

 

NA KANIKAU A ME NA MELE: He 10 Keneta ka uku no ka lalani hookahi, ua like me $1.00 no 10 lalani.

 

     HOOLAHA MAU:  E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.

     E hoomanao e na lehulehu, aole e hoopuka i kekahi Olelo Hoolaha, Kanikau a me ke Mele ke ole e hookaa mua ia mai ka uku.

     E hoouna pololei mai i na leta i ka Nupepa Kuokoa.

 

MOOLELO O NA LA

O KA

Haku Visakauna Nelekona,

KE DUKE O BERONETI.

 

KE KAUA ANA O NA AUMOKU KAUA

BERITANIA, C A ME KO ENELANI

MAU PAPU LAAU, &c.

 

OIAI o Nelekona iloko o keia mau la pokole ma Enelani, aole he mau hana ano @ i hana ia iloko oia mau la.  O kona noho oluolu ana, ua hoi loa aku la oia a noho pu me Ema Hameletona, a ua hoolilo aku hoi oia iaia oia kane wahine iloko oia manawa a hiki i kona haulehia ana a nona hoi @ ui i olelo ia iloko oia mau la C ka Oi Kelakela o Europa.

     Mamua o ka pau ana o ia makahiki, kakau iho la ua Nelekona nei i kekahi leta ma ke ano hookelakela, me ka hai ana aku i ka Adimarala Kiekie ma ke Keena Kaua ma Enelani C “No kona huli hoi ana mai mai ke kahua kaua kaulana mai o ka Naile, a ua hookaukau hoi oia no kekahi mau kahua kaua hou aku i na wa a pau.”  Me ka hai nou ana aku a ua pukonakona nei i ka Adimarala C “Mai ka hookoe ia ana mai hookahi o # u maka a hookahi o # u lima, aole e hiki ia # u ke hoopau ae (kahua hookahe koko) i na hoololi ana o ko # u manao iloko o ko # u ola ana.”  A ma ka laina hope loa o ua leta nei, kakau inoa iho la ua Nelekona nei i kona inoa ma ke ano hookelakela, a penei iho ia ke ano o ke kakau ana a ua ana kaulana nei a kakou e heluhelu nei i kona moolelo.

@@@@@@@@@@@@

 

Ka lima kakau o Nelekona ma ka lima hema.

 

     Ua lawe mai au i keia lima kakau o Nelekona ii kakauia e kona lima hema mailoko mai o ka Buke Moolelo Kaua Moana o na Admarala i kapaia C “Ke Kaua ana o na Aumoku Beritania a me ko Enelani mau papu Laau,” &c., &c.  A mamuli o kekahi hana uuku ana, ua lawe mai au i kona lima kakau i mea e hoike aku ai i na poe heluhelu o keia moolelo, pela iho la keia kanaka koa nui wale e kakau ai i kona inoa.

     Mamua o ku kakou hoomaka ana ma keia wahi aku e na makamaka, ke noi aku nei ae i ka lokomaikai o na poe heluhelu o keia moolelo, e hoomaopopo lea ia keia mau wahi o ke koe kaulana mai kona haalele ana ia Enelani, kona hanu ana aku i ka meheu o na enemi, kona uhaki ana i ka mana o ke kaikapu o ka Bolatika a me kona hoonaueue ana i ka mana o na aupuni nui a me na aumoku ikaika o ka Akau.  No ka mea, ua olelo ia iloko o na moolelo kaua moana o na aumoku Beritania, o ke kahua kaua kaulana o ka Naile a me ka Nelekona mau huakai wiwo ole no ke kuokoa o Italia, aia lakou ma ka papa ekahi o na moolelo kaua moana o na ano a pau.  I ka manawa i ulu ae ai o ke kaua mawaena o ke aupuni Pelekane a me na aupuni o ka Akau, ua oi pakolu aku a pa-ha ka Nelekona mau hana @ a me ka wiwo ole mai waena mai o na Adimarala hiena o Enelani no na makahiki  @ 26, mai ka makahiki 1774 a hiki i ka makahiki 1800.  A ma keia wahi kakou e heluhelu ai i ko Nelekona hele ana aku e hoolei puupuu me na keiki uahoa o ka Akau.

 

MOKUNA VI.

KE KAHUA KAUA MA KOPENAHEGENA.

     O ke kulana o na aumoku Beritania ma ka moana iloko o keia au o Keoki III, ua hoomahuahua pinepine ia iloko o na makahiki ehiku o ke kaua huliamahi mua loa ana o ke aupuni Farani.  No ka mea, iloko o ke au o Kale III., ua lehulehu na moku liilii i kapili ia no na kaua pale, a he kakaikahi na kaua nui i hoouka ia mawaena o ke aupuni Pelekane a me na aina e.  I ke au o Keoki I a me II., ua lehulehu no na kaua i hoouka ia me na enemi, aka, aole no i ike ia ka pii hikiwawe ana o na papu holo moana.  Hoko o ke au o Keoki III. ua ike ia ka pii ino loa ana o ke kapili ia o na aumoku no ka moana.  No ka mea, iloko o ke au o ka nohoalii apa o keia Moi, ua nui na aupuni i kue mai ia Enelani, ua nui na moku ikaika i kapili o hoouna ia aku ma ko lakou mau wahi me ka hikiwawe.  Nui ke kaua ia mai e na enemi, hikiwawe ke kapili ana i na moku ka hoomakaukau ana i na lako kaua.  Nui ka aie o ke aupuni i ka make o na kanaka, nui no hoi ka waiwai o ke aupuni i na aina e lilo mai ana maloko o ke kaua, a loaa no hoi ka waiwai a me ka hanohano o ke kanaka i pakele mahunehune mai mai ke kahua o ka hookahe koko.

     E like me ka olelo hooholo i hooholo ia e na Hale Ahaolelo o ke aupuni Hui o Beritania Nui a me Irelani, ma ka la 1 o Ianuari 1801, e hoomahuahua aku i na haawina o ka Oihana Kaua no ia makahiki, a e ohi hou mai ke aupuni i mau moku hou, i mau alakai keikei, na allimoku a me na koa, ke hoike nei keia papakuhikuhi i ke kulana o na koa o na aumoku Beritania no ka makahiki 1801 penei.

 

Kulana o ke Aupuni o Enelani ma ka

Moana, M. H. 1801

 

Adimarala a me ka Alihikaua Kiekie Earl St. Vincent.  (E hoomanao ko makou poe heluhelu, o ka Haku mua keia o Nelekona iloko o ke kaua huliamahi Farani ma ke Kaiwaenahonua, a ua hoolilo ia aku oia i keia manawa, he Alihikaua Noho ma Enelani no ka moana.)

 

Na Admirala                 46

Na Vice-Adimarala       39

Na Rear-Admarala        59

     Na Rear-Adimarala i hoomaha no ka manawa   29

Na Kapena Kiekie         516

     Na Kapena Kiekie i hoomaha no ka manawa          18

Na Kapena                    391

Na Lutanela              2,135

     Na Lutanela i hoomaha me na hookohu Kapena          48

Na Alakai moku liilii     517

Na Koa i koho ia no na mahina mua ekolu o ka makahiki          120,000

Na Koa i koho ia no ka mahina he umi i koe o ka makahiki       135,000

 

Huina pau o na Alii a me Koa o ke aupuni o Enelani

     ma ka moana                                                                          258,798

 

     O keia iho la ka papa kuhikuhi e hoike ana i ka heluna nui o na haneri tausani elua o na koa a ke aupuni o Enelani i hoomakaukau ai mamua o ka mana wa e ulu mai ai na hooenene kaua ana o na aupuni nui o Europa.  Nolaila, ma keia wahi, e hai pokole aku no au i ke kumu o ke kaua ana o keia mau aupuni i maopopo ai i kela a me keia.

     Ma ka la 25 o Iulai, 1800, ma ka hora 6 ahiahi, hui iho la ke ekolu mau moku Beritania malalo o Kapena Thomas Baker me na aumoku eono o Denemaka malalo o Kapena Krabbe, nona ka hae e kau ana maluna o ka moku Freya, a e lawe a na hoi keia mau moku eono i kekahi Elele Denemaka no ka pono o ia aupuni ma ke Kaiwaenahonua.

     Oiai keia puulu moku i halawai ai i ka manawa hookahi, ua loaa i ke Kapena Beritania he mana e hiki ai ke ninau aku i kahi e holo nei o keia mau moku, a no ka lohe ana o ke Kapena Beritania he Elele kekahi maluna o keia mau moku, ua kauoha koke aku la keia Kapena e like me ke kauoha i haawi ia aku e malama i ka maluhia o ke Kai Akau, e lawe ia mai kela Elele maluna o ka waapa, a e @ @ pono ia kana huakai.

     Ua hooku ia iho la hookahi waapa a holo aku la ma ka aoao o na moku Denemaka, aka i ko lakou wa i ike mai ai, ua ki koke ia mai la keia waapa e na moku Denemaka, a piholo iho la ka waapa Beritania iloko o na poka wale no ekolu.

     No ke kipoka ia ana o ka waapa Beritania me ke kukala kaua ole ia mawaena o na aupuni a elua, nolaila, ua haawi ae la ke Kapena Beritania i ke kauoha i kona mau aumoku, a ua hoomaka ia keia kaua ana mahope koke iho o ka hora 6 or ke ahiahi, a i ka manawa i uhi mai ai o ka po, ua mahuka aku la na aumoku Denemaka, a hoi hou aku la iloko o ke kulanakauhale o Kopenahegena.

     Lawe ia aku nei keia lono a hiki i Enelani no ka uhaki kanawai ana o na aumoku Denemaka a me ke kipoka ia ana o ka waapa Beritania me ke kukala kaua ole o ke aupuni Pelekane, nolaila hoouna aku ae ke aupuni o Enelani ia Lord Whitworth ma ke ano Elelo imua o ke aloalii o Denemaka ma Kopenahegena e hana ia kela hihia mawaena o na aupuni elua me ka maluhia.  Ua lawe ia aku la keia Elele malalo o ke alakai ana a Vice-Admirala Archibald Dickson, a iloko o na la pokole ua ulu hou ae la no kekahi hoopaapaa mawaena o ka Elele Berinatia a me na Kuhina Kaua o Denemaka, no kekahi apana aina ma Alegiria, a oia ke kumu i hoouna ia mai ai ua Elele Denemaka nei e nana i na pomaikai o ke aupuni Denemaka, a no ia mea, aole i holo na manao o na aoao elua e hana ia keia mau kumu hoopaapaa aupuni me ka maluhiai aka,-- “He  Kaua!”  “Ke Kaua Nui e hiki mai ana;” nolaila, huli hoi mai la ka Elele Beritania me ka holo ole o ke kumu hoopaapaa i hoouna ia aku ai e ke aupuni o Enelani.

     O na aupuni kaua hui o ka Akau C O Denemaka, Suedana a me Rusia, hui ae la keia mau aupuni nui a kue mai la ia Enelani malalo o keia mau kumu hoopaapaa.  “E hoemi iho ke aupuni o Enelani i kona mana kuokoa a hooponopono maluna o kela apana aina; a e hoihoi aku o Enelani i ke poho o na moku Denemaka i kaua ai me na Beritania ma ke Kai Akau.”  O Dekemaka, aia oia malalo o na kauoha a ke aupuni Farani no keia manawa.  O Suedena, aia oia malalo o na hooponopono ana a ke aupuni o Denemaka.  O ke aupuni o Enelani, he wahi enemi kahiko ia no ke aupuni o Rusia.

     O ka huma pau o na aumoku kaua o Rukini, ua olelo ia e na mea kakau he lehulehu wale, aole i emi mai malalo o 92 moku mai ke nui o ka liilii.  Mai loko mai o keia heluna nui o na moku, he 61 moku Rukini ma ke Kai Elele, ke Kai o Mamora, a me ke Kaiwaenahonua, a ua paa ka maluhia o ko Rusia mau kahakai hema malalo o keia mau moku.  He 31 ka huina pau o na moku rukini ma ke Kaikapu o ka Bolatika, a ua mahele ia keia mau moku no na awa Rukini penei:  Na moku kiai awa o ke kulanakauhale o Peterobolo, na awa o Archangel a me Cronstadt, a me ka Ipuka o ke Kaikuono o Rusia ma Revela.

     I ka pau ana o keia makahiki, o ka huina pau o na aumoku o Suedena, he 18 mau aumoku ikaika o ka laina hookahi.  He 11 o keia mau moku e hoolulu ana iloko o ke awa o Carlsorona me ka makaukau.  O na aumoku o Denemaka iloko o ka malama o Ianuari, 1801, he 23 aumoku ikaika o ka laina hookahi, he 30 mau moku malalo iho a me na moku liilii loa, aka, he mau moku pale kahakai a me na moku kia ole ka hapa nui o keia mau aumoku.  He 18 o keia mau moku o Denemaka ua makaukau no ka hui ana aku me na enemi.

     Maluna o keia mau aumoku a pau o keia mau aupuni nui ekolu o ka Akau, ina kakou e lawe mai ma na aumoku o keia mau aupuni i makaukau, alaila, e loaa no ka huahelu kiekie o lakou C “He 42 mau aumoku e malama nei i ka maluhia o keia mau aupuni me ka makaukau, a na lakou hoi e holo haaheo ala ke Kaikapu o ka Bolatika.”  Aka, ke waiho aku nei au i ka inoa o ke Pukonakona Haku Nelekona, ke Keiki Kaeaea o ka moana Atelanika a me ke Kaiwaenahonua, ka mea nana i wawahi aku ka mana o ke Kaikapu o ka Bolatika me na moku wale no he 15, a ku keia mau aupuni me kona mau aumoku ikaika me ka eehia a me ka weliweli nui i keia kanaka koa nui wai, C i keia mau helu pokole iho.                  Aole i pau.

 

HE KANAWAI

E PONI ANA I NA MOI O HAWAII,

 

     No ka mea, he mea maa mai ka wa kahiko loa he Poni ia na Alii o Hawaii nei, a he mea no hoi e hoomaopopo ana i ha ihiihi hoano a eehia o ka Noho Alii a

     No ka mea ua hemahema ke Kumukanawai i ka hoomaopopo ana no ia mea, a i kupono ai ka lawelaweia ana oia Oihana Hoolaa ma ka hoakakaia ana ma na Kanawai o keia Aupuni.  Nolaila.

     E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kauawai o ke Aupuni.

     Pauku 1.  Na ka Moi no iloko o kona Ahakukamalu e hoomaopopo a e kukala no ka hoolaha aku ma ke akea, i kona wa a me ka manawa e Poni ia ai Oia ia nana no iloko o kona Ahakukamain e hana i mau rula a me na loina o ka lawelawe ia ana o ia mau Oihana, a o na lilo a pau no ia Oihana e uku ia no ia mailoko ae o na dala o ka waihona dala o ke Aupuni i hoomaopopo ole ia e ka Bila Haawina, aole hoi e oi aku mamua o ka Umi Tausani Dala.

     Pauku 2.  E lilo keia i Kanawai mai kona la e hoolahaia ai.

     Aponoia i keia la 9 o Augate M H 1880.

KALAKAUA R.

 

HE KANAWAI

     E hoololi ai i na Pauku 1 a me 3 o kekahi Kanawai, oia ka Mokuna 56 o na Kanawai o ka M. H. 1774, i kapaia “He Kanawai e hoohaiki ana i ka lawe ana mai a me ke kuai ana i ka Opiuma.” i hoololiia ma ke ke Kanawai i apono ia ma ka la 29 o Sepatemaba 1876.

     E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni.

     Pauku 1.  E hoololiia a ma keia ua hoololiia no ka Pauku 1 o ke Kanawai i olelo mua ia, a penei e heluheluia # i ua pauku la:

     “Pauku 1.  Ua kapu loa ka lawe ana mai o ka Opiuma a mea paha i hanaia me ka Opiuma maloko o keia Aupuni, koe wale no na mea i hoakakaia ma ka Pauku 2 o keia Kanawai; a o la mea nana e hoopae mai, kuai aku, haawi a hoolako aku paha i ka Opiuma a mea paha i hanaia me ka Opiuma i kekahi kanaka maloko o keia Aupuni, koe wale no na mea i olelo ia ma ka Pauku 2 i oleloia maluna, e hoopaiia oia aole e emi malalo o hookahi haneri, aole e oi oku i na dala he elmia haneri, a hoopaahao ia ma ka hana oolea, aole e oi aku mamua o na makahiki elua, a o ka hapalua o ka hoopai dala i oleloia, e haawiia i ka mea i waiho mai i ka hoike i hoohewa ia ai ka mea i hana hewa.”

     Pauku 2.  E hoololiia a ma keia ua hoololiia no ka Pauku 3 o ke Kanawai i olelo mua ia, a penei e heluheluia # i ua pauku la:

     “Pauku 3.  O ka mea iaia kekahi Opiuma a mea paha i hanaia me ka Opiuma, i loaa ole iaia mai ka Papa Ola mai, a mai kekahi Kauka Lapaau a Kauka Oki paha i loaa iaia ka Laikini, e like me ka mea i oleloia ma ka Pauku 2 o keia Kanawai, e lilo ua Opiuma nei i ke Aupuni Hawaii, a e hopuia ua Opiuma nei a haawi ia aku i ka Papa Ola, a e hoopaiia ua kanaka nei, aole e emi malalo o na dala he kanalima, aole hoi e oi aku i na dala he elua haneri me kanalima, a e hoopaahaoia ma ka hana oolea aole e oi aku mamua o hookahi makahiki, a o ka hapalua o ka hoopai dala i oleloia, e haawiia i ka mea i waiho mai i ka hoike e haa hewaia ai ka mea hana hewa.

     Aponoia i keia la 13 o Augate M H 1880.

KALAKAUA R.

 

HE KANAWAI

     E haawi ana i ka mana no ka hoopuka ana i ka Palapala Sila Nui no na kula a me na kahua kula a ka Papa Hoonaauao e kuai aku ai.  No ka mea ma ka Pauku 1 o ke kanawai i kapaia, he kanawai e pono ai na kula o ke aupuni i hooholoia i ka la 9 o Iulai M. H. 1850, ua olelo ia penei:

1.  E hookaawale ia kekahi mau aina e like ka nui me ka hapa Iwakalua o na aina a pau o ke aupuni i kaawale i keia wa, me ke ana ole nae i keia mau aina ma ka hookaawale ana, a e haawiia ia mau aina e kokua i ka naauao.  A no ka mea, ma ka Pauku 2 o ua kanawai la ua oleloia penei:

     Pauku 2.  Na ke Kuhina Aopalapala e kuka pu me ke Kuhina Kalaiaina, no keia mau aina, a ina e aponoia e ka Moi iloko o aku i mea e hoonaauao aku # i i na kanaka ma kaawale ana.  A no ka mea, ma ka Pauku 3 o ia kanawai ua oleloia penei:

     Pauku 3.  Na ke Kuhina Aopalapala e kuai aku a e hoolimalima aku paha i keia mau aina i mea e pono ai na kula, e like me kona manao, a me ko ka Aha Kuhina o ka Moi i manao ai he mea e pono ai ka naauao o keia Paeaina.  A aia hoi ma ka Pauku 32 o ke kanawai i kapaia “He Kanawai e hoopau ai i ka mokuna 10 o ke Kanawai Kivila, a e hooponopono ai i ka Oihana Aopalapala o ke Aupuni ua oleloia penei:

     Pauku 32.  He mana ko ka Papa Hoonaauao e hoolilo aku ia hai i na aina i hooliloia, a e haawi ia ana paha ma keia hope Kona Ahakukamalu, o ka paa no ia oia hooke kuai maoli, ma ka hoolimalima, a ma ke ano e ae paha.”  A no ka mea mamuli o na kuhikuhi ana o na Pauku 1 a me 2 i hai mua ia aenei o ke kanawai o ka la 9 o Iulai M H 1850 i olelo ia mahope o ke kukakuka pu ana o ke Kuhina Aopalapala me ke Kuhina Kalaiaina, ua wae ia a hookaawale ia kekahi mau aina a me ke kahua kula no ka pono o ka Oihana Hoonaauao, a ua aponoia ia mau aina a me kahua kula e ka Ahakukamalu i ka la 23 o Dekemaba M H 1850.  Ma keia olelo hooholo i hooholoia penei:

     Hooholoia.  I kulike me ka Pauku 1 o ka kanawai i hooholoia iho nei no ka pono o na kula aupuni, ma keia, ke wae a ke hookaawaleia nei keia mau aina malalo nei no ka pono o a pomaikai o ka Oihana Hoonaauao ma keia Paeaina a e lawelaweia lakou malalo o ua kuhikuhi ana o ua kanawai la a me na aina a pau, kahi e noho nei na kula aupuni, i ikeia ua hookaawaleia no na kula e like kela me keia.  E na alii a e ke Aupuni paha.”

     A no ka mea, mamuli o ka loli nui ana i keia manawa o na wahi noho lehulehu ia e ka lahui, a me @ wahi o na hana akamai a me na mahinaaina oloko nei o ke Paeaina, ua ikeia ka pono i kahi manawa o ka hoolilo, e panai ana aku i kekahi o na kahua hale kule mua, no kekahi mau kahua hou ma na wahi e pono ai ia oihana i keia wa.  Ano no ka mea hoi:  ma ke kauwahi o na kahua kula mua i hoolilo panaiia aku no kekahi mau kahua hou, ua pili ka pono o ua mau kahua la i ka pono o na aina e pili pu ana, a e lawelaweia ana papa no ka hapaiia ana o kekahi mau hana nui, a nolaila, aa maopopo lea, o ka mea e pono ai na hoolilo a panai ana aku paha o na kahua kula, oia no ka loaa ana ona Sila Nui lakou.  Nolaila

     E hooholoia e ka Moi a me Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni.

     Pauku 1.  Ma keia ke haawi ia nei ka mana i ka Papa Hoonauao e kauoha aku i ke Kuhina Kalaiaina e hoopuka i Palapala Sila Nui i ka Papa Hoonaauao, a i ka mea paha a ka Papa e waiho aku ai iaia ka inoa, no na aina kula, kahua kula, a apana aina e ae paha i hookaawale ia no na kula, a ua Papa # la e kuai a hoolilo aku ai paha, i kela me keia manawa, mamuli o na kuhikuhi ana a na kanawai e pili ana ia mea.

     Pauku 2.  E hoopukaia na Palapala Sila Nui i kakau inoa e ka Moi me ka hooiaio ia e ke Kuhina Kalaiaina, a e kuniia i ke Sila Nui o ke Aupuni i ka Papa Hoonaauao a i ka mea paha a ka Papa e waiho aku a i ka inoa i ke Kuhina Kalaiaina no na aina kula, a ua papa la e kuai a hoolilo aku ai paha, i kela me keia manawa a i hookaawaleia no ia oihana ma ka olelo hooholo o ka Aha Kukamalu i hooholo ai i ka la 23 o Dekemaba M H 1850, a i hookaawale ia paha mamuli o kekahi kauoha a mana e ae paha e pili ana.  A pela no hoi no na kahua kula kahiko a apana aina kula e ae i hookaawaleia no na kula, a i ana ia a i aponoia e ke Kuhina Aopalapala me ke Kuhina Kalaiaina mamuli o na kuhikuhi ana o na kanawai e pili ana i na kula, i hooholoia i ka la 9 o Iulai M H 1850, i olelo mua ia, a o kekahi kauoha a mana e ae paha e pili ana.

     Pauku 3.  E lilo keia i kanawai mai kona la e aponoia ai.

     Aponoia i keia la 13 ^th o Augate, M. M. 1880.

KALAKAUA R.

 

Huakumu o na Alii o Enelani

 

     No ka maa mau o ka Ohana Alii o Enelani i ke kau ana i ka huaolelo A, ma ka hoomaka ana o ka inoa o kela a me keia o lakou, e like me K, ma ka hoomaka ana o ka inoa ia Hawaii nei, nolaila, ua lilo ia i mea kamahao a i mea kamailio nui ia; a ma na inoa o na # lii malalo iho e ike ai kakou:

     Ka Mea Kiekei ka Moiwahine Vitoria Alekanederina, ke Keiki Alii consort Francis Alabeta Augusate, ke kaikamahine hiapo Victoria Adelaide, ke keikikane hiapo Albert Edward, ke Keiki Alii i mare ai i ka Alekanedera o Denemaka, a iwaena o ka laua mau keiki, ua ikea no ka lawe ia ana mai o ka mea i maa mau ia, oia keia C Elabeta Victoa Keoki Ferederika Ernest Alabeta, Louise Victoria Alekanedera, Victoria Alekanedera, Maude, (aole ona huakumu A), ke Kama Aliiwahine i make Alice, Alfred, ke Keiki Alii i mare ai ia Marie Alekanedera a me ka laua mau keiki elua, o Alfred Alexander Ernest Albert a me Mary Alexandra Victoria.

     O ka elima o na kieki a ka Moiwahine, oia o Helena Victoria Augusta, ke ono Louisa Carolin Alberta, ka hiku, Arthur William Patrika Alabeta, a o ka ewalu, Leopolo Duncan Alabeta, a o ka hope loa oia o Beatrice, ka lua aku o na hua o ka piapa, oia wale no ka mea inoa ole me ka A.  Ua pahola loa aku no keia maa a i kekahi mau lala e ae o ka ohana alii o Europa; o ke Duke o Cumberland, he Alekanedero a me Auguseto iwaena o kona mau ino, ke Duke o Cambridge, o Adolphus Feredarika, o kana wahine o Auguseta Wilihelemina, a o ka laua mau keiki o Keoki Feredericka, [aole A i kona inoa]; Auguseta Carolina a me Mere Adelaide, ke Duke wahine hoi o Teka.  Ua kapaia o Hanorera e Feredarika Alekanedero Kale Ernest Auguseta, a me kana aliiwahine Alekanederina Mere, oiai ka laua mau keiki o Ernest Auguseta Wiliama Adolphus, Federarika Sophia Mere Henerieta Amelia a me Mere Alekanedera.

 

     E HOOMANAO ko makou mau tausani poe heluhelu, e nana ae i ka olelo hoolaha a ka Lunakanawai Kaupuni o ka apana 2, no na hihia a me na noi ana a oukou i hoopaneeia mai lune i hala; e hooloheia ana e ua Lunakanawai la ma ka la 28 o keia malama ma Wailuku.  E makaala i keia o haule ka oulou mau noi.

 

MAIKAI KA HOI KA PAPA

C A ME C

KA LAAU O KOU HALE!

 

NO HEA LA?

 

KAI NO HOI NO KAHI O

 

WAILA MA!

 

Nana aku no hoi ia la

Ohia ka lo o ka Laau o Makawao

I ka ua mea hoi o ka nani o

 

Na PAPA!  Na PAPA!!

C A ME C

 

NA PONO KUKULU HALE

 

O NA ANO NO A PAU

 

Aia ma ke kihi o na

 

ALANUI PAPU me MOIWAHINE

 

Honolulu

 

MALAILA E LOAA AI

 

E LIKE me ka MAKEMAKE

 

C NO KE C

 

KUMUKUAi MAKEPONO LOA

 

PAPA, PAPA, PAPA,

     Na Papa Huluhulu,

          Na Papa Manoanoa,

              Na Papa i kahiia

              Na papa Kepa,

          Papa Hole Keokeo

          Papa Hole Ulaula

 

NA LAAU, NA LAAU

     Na Kua

          Na Kaola,

              Na Aaho,

                   Na Molina

                        Na Peapea

Pine Huluhulu,

          Pine i kahiia

 

NA Papa a me na Laau Aulaula!

     Pili ulaula,

     Pili Keokeo

     Pani Puka

 

          Pani Puka Aniani,

 

          Ipuka Aniani,

          Puka Olepelepe.

 

PENA O NA ANO A PAU

 

Hulu Pena mai ka Liilii a ke Nui,

     Aila Pena,

          Aila Hoomaloo,

              Wahiti, Pate.

 

NA LAKO O KELA A ME KEIA ANO!

 

     Na Ami Puka Hale

          Na Ami Puka Pu.

 

                   ANIANI!

 

Pepa Hale a me na Lihilihi

 

     E LOAA NO MALAILA

 

PAAKAI HELU I O KAKAAKO me PUULOA

 

     No ke Dala Kuike, e loaa no na mea ai pau i hai ia ae la, no ke Kumukuai Eme loa.  O na kauhoa mai Hawaii a Niihau, o loaa aku ano ia lakou, e hooko koke ia ai la me ka lawa pono.  E kipa nui ilaila, ka i ike oiaio.