Ka Nupepa Kuokoa, Volume XIX, Number 49, 4 December 1880 — Page 2
| This text was transcribed by: | Wendy Munar |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Make Kauoha.
O na keonimana malalo iho, ua hookohu ia aku i mau Agena @ no na palapala @ ke paa@ p@
G B @ W@, Maui.
T @ H@ Hamakua, Hawaii.
HA@RTER Ka@ K@
Keena Kalaiaina Nov 22, 1880
O ka hoomaha Karisimaka i na Kula Aupuni, e hoomaha ana i ka Poalima la 24 o Dekemaba a hiki i ka Poalima Ianuari 10. 1881, a ma ia la @ Ianuari 10 @ e hoomaka hou ai ka makahiki kula hou. W J SMITH. Kakauolelo
Keena Hoonaauao, Nov 30 1880
Na Pauku o ke Kanawai Kivila e pili ana i ka O ana.
PAUKU 309. E hooholo ke Kuhina Kalaiaina, mamuli o ke kuhikuhi ana o ka Papa Ola, i kekahi kanake, kupono i Luna olima ma kela Moku Kiaaina koa moku Kiaaina o ke Aupuni, a e loaa i ua Luna la ka uku i hookaawaleia nana e ka Ahaolelo, i kela manawa keia manawa, a e hiki no i ke Kuhina Kalaiaina e hoopau aku i ua Luna la ke manao oia pela.
PAUKU 310. E koho hela luna keia luna olima, i ekolu wahi kopono ma kela Apana kula keia Apana kula, maloko o kona moku, no ka hana ana i ka ohina; a e hoolaha aku oia, i kela manawa keia manawa, i kona manawa e hiki aku ai ma ua mau wahi la, e olima i na mea a pau i hele mai imua ona, na mea hoi i olima ole ia mamua; a i kona manawa hoi e hele hou ai malaila, e nana i ka pala a me ka pala ole o ua lima o ka poe ana i o ai.
PAUKU 311. Na ka makuakane a makuahine paha o ke keiki, maloko o na malama eono, mahope iho o kona hanau ana; a ina ua make a ua mai, a ua hele ma kahi e paha, ka makuakane me ka makuahine, alaila, na ke kahu, kahuhanai, a mea nana e malama paha i ke keiki, e lawe aku iaia i ka luna olima e o ia, maloko o ua malama eono mahope o kona hanau ana, a i ole ia, ma ka manawa e hiki mua ai ke lawe.
PAUKU 312. Ma ka walu o na la mahope iho o ka olima ana o kekahi keiki, e lawe hou ka makuakane, makuahine, kahu, a mea nana e malama paha, i ua keiki la imua o ka luna, i hiki iaia ke nana a maopopo ke ko a me ko ole o kana hana.
PAUKU 313. Ina ua maopopo i ka luna ua ke ka olima ana, alaila, e haawi aku oia i ka makuakane, makuahine, a mea e ae paha nana o mahama i ke keiki, me ka uku ole, i palapala hoike no ka olima ana, a e kakau hoi oia maloko o ka buke hoomanao ana e malama ai no ia mea.
PAUKU 314. Ina rua kekahi manawa ua manao ka luna olima, aole i makaukau ke kino o ke keiki i laweia mai imua ona e olima ai ia manawa, alaila e hiki no iaia ke hoopanee aku i ka o ana a i kekahi manawa mahope, a olelo aku oia i na makua, a i ka mea nana e malama paha, e lawe mai i ke keiki ma kekahi manawa hou e o ia.
PAUKU 315. E hele na luna ma na wahi a lakou i koho ai no ka hana, ma kela hapalua keia hapalua makahiki, a i na manawa e ae ke kauohaia aku e ke Kuhina Kalaiaina, a e ka Papa Ola.
PAUKU 316. O ka makua, o ke kahu, a mea e ae paha, nana e malama i ke keiki, i hana ole e like me ka olelo o ke kanawai e pili ana i ka olima, e hoopaiia oia ma ka uku hoopai i elima dala; a na ka mea nana i hoike mai ka hapalua o ia dala.
PAUKU 317. E malama na luna olima i buke pololei no ka lakou mau hana a e hooili aku aku lakou pakahi i ka palapala hoike i ke Kuhina Kalaiaina, i kela makahiki keia makahiki.
H. A. CARTER,
992-lu Kuhina Kalaiaina.
HOOLAHA I NA KAMANA.
Ua makemake ia na poe kukulu hale no ka hoala ana i Halepaahao ma Nawiliwili, mokupuni o Kauai. E ikeia no ke Kii o ke kahua hale ma ke Keena o ka Luna o na Hana Hou mahope iho o ka Poakahi ka la 29 i hala; o ka poe kukulu hale e noi mai ana, e hoike ae lakou ma ke kau ana iho i ka lakou mau noi “Mea Kukulu Halepaahao” imua o ke Kuhina Kalaiaina mamua ae o ke auina la o ka Poakolu, ka la 8 o keia mahina.
Aole ke Kuhina Kalaiaina e hoohui ana iaia iho i ka mea aoi haahaa o ka poe e noi mai ana.
Keena Kalaiaina, Nov. 25, 1880.
992-lt
Hoolaha Papa Ola.
E wehe aua ka Papa Ola i Hale Lapaau ma Honolulu nei, no na mea ilihune i loaa i ka mai. Malaila e hiki ai i ka poe i oleloia ke lapaau ia, a e loaa no na laau kupono me ka uku ole.
Ua koho ka Papa Ola ia Kauka Emekona i Kauka no ka Papa Ola, no Honolulu a no Oahu nei; a e noho ana o Kauka Emekona ma ua hale nei mai ka hora 11 o ke kakahiaka a hiki i ka hora 12 o ke awakea, ma na la a pau mai ka Poakahi a hiki i ka Poaono, a ma ka la pule, mai ka hora 10 a hiki i ka hora 11 o ke kakahiaka.
O ka Hale Lapaau i oleloia, aia ina Kikihale, ma ka aoao mauka o ke alanui e komo ana i Lepekahole, ma ka hale o Kamuela Kanoe.
E hele nui mai na Kanaka, na Wahine a me na Keiki ma, a e loaa no ka oluolu.
H. A. P. CARTER.
990 4t Peresidena o ka Papa Ola.
Ua hoopuka ae ka Luna Leta Nui o Nu Ioka he kauoha, o na leta, na papa o kela a me keia ane e hoouna ia aku ana iaia i lawa ole ka uku leta, e haawi ia aku ana i na halemai o ka poe ilihune a puni o Wasinetona ma keia mua aku.
KA NUPEPA
Kuokoa me ke Au Okoa
I HUIIA.
No Ka Makahiki, §2. Eono Mahina, §1.
Dala Kuike ka Rula.
KOMITE HOOPONOPONO.
Sam’l Kaaikaula, Hezekia Aea.
POAONO, DEKEMABA 4, 1880
MALUNA aku o ka Likelike i ka Poalua nei a me ke kani hoohakui ana o na pu i kau aku ai ke ‘Lii ka Moi no na kua aku nei o kakou, a makaikai loa aku paha i ke ahi a ka whahine o ka lua; e hala ana kekahi mau pule elua a oi aku Iaia ma keia huakai hele. E ukaliia ka huakai a ke Alii e ka maluhia a me ke ola maikai.
O KA wehe ana ae ne o ka Papa Ola i Hale Haawi Laau hou iloko o keia kulanakaohale, me ka hoonoho ana aku ia Kauka Emekona i kahu no ia hale nana e haawi wale na laau no ka poe mai, he hoike hou ana ia o ka makemake o ka Papa Ola e imi ma na ano kupono a pau e malama i ke ola o ka lahui. O ka pomaikai io o ka lehulehu iloko o keia hale hou, a me ka hale lapaau o ka Moiwahine e ku mai nei, he mea hiki ole ia i ka Papa Ola a me na Kauka ke hooko aku, ke ole ka nana ana mai o kanaka i ua mau hale nei, me ka hoolohe pono i na loina o ka lapaau ana i haawi wale ia aku imua o lakou. I keia wa, a iloko o na makahiki i hala ae nei, ua lawa pono na kumu hoola i hoomakaukau ia no ke ola kino o ka lahui, aka, o ka lawe ole ia o keia mau pomaikai ka hewa. Ua puni kekahi poe he lehulehu wale i na olelo a ka poe ike ole. Ua make wale kahi poe me ka lapaau ole ia, a he oi aku ka poe make i lapaau naaupo ia. Nolaila, uoki ia hana ana pela; aohe kumu e make wale ai. Ua hoomakaukau mua ia na mea e ola ai, a ua lako. E ike auanei na makamake, ke hele ae i ka Hale haawi laau ma Kikihale, he hoa aloha maikai o Emekona, e haawi mai ana oia i na laau me na olelo ao kupono.
Na Ouli o Irelani.
KE okuku mai nei na hana haunaele ma Irelani. Ke hele aku nei ka hiohiona o na hana, me he mea la, he kuee ana mawaena o na makaainana a me ka Aupuni o Beritania. Ua ulu mai keia ino noloko mai o ka noho pilikia ana o na makaainana malalo o na hakuaina hookaumaha wale, a me na alakai hewa ana a kahi poe kolohe e hoalala ai i na manao ino i ka poe naaue. Ua ike mua ka poe heluhelu i ke KUOKOA no ka wi nui ma Irelani iloko o ka makahiki i hala ae nei, oia kekahi kumu o ka pilikia. Aohe loaa na wahi auhau a na hoaaina e haawi aku ai i na manao ino i ka poe naaue. Ua ike mua ka poe heluhelu i ke KUOKOA no ka wi nui ma Irelani iloko o ka makahiki i hala ae nei, oia kekahi kumu o ka pilika. Aohe loaa na wahi auhau a na hooaina e haawi aku ai i na haku; a ua kaumaha maoli na auhau ana a kahi poe haku aina; iloko oia nele a me ke ilihune, ua kipaku ia kekahi poe hoaaina mai na home aku i noho ia e lakou no na makahiki loihi. Nolaila, ua ino ka aina. Ua ala mai na hoaaina ma kekahi mau wahi a ua hoao e kipaku i na hakuaina, a e lawe i ka aina no lakou iho. Ma kekahi apana e noho ana he hakuaina, a he $500 dala kana i auhau ai maluna o kona mau hoaaina no ka makahiki. No kona ike nae i ka pilikia, ua hoolei oia he 10 keneka o ke dala, aole nae i manao mai na kanaka no keia, aka, ua ala mai la lakou a pepehi a make loa ku mea nona ka aina.
O na ninau no Irelani kekahi mea e hoonioni nui nei i ka noono o ko Enelani poe naauao i keia mau la. Aia me Enelani ka hapanui o na hakuaina nui o Irelani kahi e noho ai; a ke hele kino nei kahi poe o lakou i Irelani no ka hoao ana e hooponopono i na hihia o ia mokupuni. Ua ala mai kekahi poe alakai hewa ma ka aoao o na makaainana hoaaina, a na lakou e hoala nei i ka ino iwaena o ka lehulehu.
Pomaikai kakou ma Hawaii no ka pumehana o ke ea, a no ka lako i ka ai. O ka poe hoala i na manao ino, o lakou na enemi o ka lehulehu; ina ma Irelani, a ina no ma Hawaii. Mai hoolohe aku i ka lakou.
KA PANE HOPE A HAWAII OIAIO.
Owai ka pakaawili a me ka lauwili a me ka hoohenehene iaia iho imua o kekahi anaina haipule? E haiolelo ana me ka leo moakaka imua o ua anaiua la malalo o ke kumuhana “oole Waiona.” O Hawaii Oiao anei? A o Kahi, hikaka kikiwi anei ki-na,—loaa ke kee,—Kele, hakukele i ka mea o ka naku i ke kio lepo o ke alanui,—Konakona wale hoi ka ikena ana aku i ua hoa kuilima nei e kaialupe ia ae ana a hoohiki i kauhale. Pakaawili paha ia la o Hawaii Oiaio iloko o na loi o Kaakopua? a ka olopala Demorara a oukou e akaaka la. He akaaka kuhihewa nae paha kona [ina hoi oia ua olopala nei], me kona manao o na olelo a me na kalai ana a ka mea nona ka pu a me ka o-le, ke kolopa, he mea ia e waiwai ai a e ola ai ka nupepa ana. U! aloha no ua olopala la! Umia ka hanu, a ku ana imua o ua kii au e ku la i kai o Pakaka.
A i puhi hou mai ko ole me ka leo palale e kani hewa ana i o a ia nei, aole maluna o ke kahua i kamailio ia, alaila, he mea makehewa ke pane hou aku, oiai ua ike ia ka olohaka a me ka huhewa o ua kolopa nei, he pololei ka mea i olelo ia aku, “Hoopau Koalaala.” Aloha nui oe ea! Pinaea loa iho la no oe ia la ea? HAWAII OIAIO.
Honolulu, Dek. 1, 1880.
MA kakahiaka Poaha nei ma Kamoiliili, ua make aku la o Kaluakini w no ka mai f@, malalo o ua lawelawe hawawa ana me ka puni wale i na kahuna hoopunipuni.
Mau Manao Mahalo.
LUNAHOOPONOPONO O KE KUOKOA: Aloha oe.
Ke noi aku nei au i kou lokomaikai e ae oluolu mai oe ma ka’u nonoi, e hoike mai oe ia’u i ka iaoa o ka Mea Kaku Moolelo o BERIANA ka WIWO OLE a me MAHONE KE KOA. Ua oluolu loa ia a u ina e loaa ana ia’u kona inoa, alaila, e haawi makana aku no au iaia i hookahi Eke kopaa helu akahi o Kekaha Plantation, mahope iki iho o ka wili ana o keia wiliko. Aole keia he apuhi wale, aka, he iini iloko o ko’u naau ka mea nana i hapai mai e makana manawalea aku i ka heku moolelo, no ka aui hope ana aku o ko’u hoa kaunu, oia ka wiwo ole Beriana, ke koa Mahone a me ko laua moolelo onohia, ka Violaumi kaohi puuwai nanea. Me ke aloha i ke Kuokoa. Kou oiaio. BENJ REED.
Kekaha Sugar Co., Nov. 26, 1880.
[Ua hauoli ka mea unuhi moolelo i ka lawe ana mai i ka lokomaikai i pahola ia mai e oe, a pela ia e haawi nei i ka lulu lima akau o ke aloha me oe, a no kona inoa ma ka leta oe e ike ai. L H.]
I ka mea unuhi moolelo o Beriana ka wiwo ole a me Mahone ke koa; ALOHA OE:—
Oiai ua hookuu mai la oe i ka pahu hope loa o kona ikeia ana e na kaukani poe heluhelu i ke Kilohana Pookela o ka Lahui Hawaii, pela ae e hoike au i ko’u manao mahalo nou e ka koaaloha, a ke puana ae nei au, he oi ka maikai o ka lilo o na Dala Elua i koa makuhiki no ke Kuokoa, no ka mea, e hoike ia ana ke ano o kela lahui keia lahui o ka honua. Ke hooki nei ka makamaka maanei, me ka welina ia oe.
J. L. H. KONAAIHELE.
Puehuehu, N. Kohala, Nov. 26, 1880.
[Me ka lima akau aloha ka mea kakau aloha ka mea kakau moolelo e launa nei me oe e ka makamaka maikai. L. H.]
HOOLOHE!
Ma ka makahiki 1SS1 ae nei, o na moolelo o na Ahahui Lunakahiko o na Ekalesia a pau o ka Paemoku a me na moolelo Kula Sabati o ia mau Aha, e hoopokole mai i ka HOOKAHI KOLAMU o kela a me keia; a ina hoi i hooko ole ia keia e na Kakauolelo, alaila, na makou no e poke iho a i ka mea kupono.
Nolaila, e hoolohe oukou i keia Rula a makou e hoolaha nei e na Ahahui o kela a me keia ano i hoolahaia ka oukou a loaa noi ka pomaikai kaul ke i kela a me keia mea heluhlu i ke KUOKOA. tf
HOOLAHA I KA POE HOOKAA AUHAU.
E halawai ana ka Papa Hoopii Auhau ma ke Keena o ka Aha Hoomalu ma Honolulu ma ka hora 10 A.M. o keia Poakahi ae Dekemaba 6, 1880, no ka hoolohe ana i na hoopii mai ka poe hoohalahala mai i ka lakou uku auhau o ka Apana o Honolulu, Oahu. RICHA@ BROKERTON.
Lunakanawai Hoomalu, a Lunahoomalu o ka Papa Hoopii Auhau.
992-lt
HAULE A NALOWALE.
MA ka la 20 o Novemaba, olai au maloko o ka Banako, a ma kekahi wahi e pili ana i ka Banako, ua haule aku he Hila Dala, o ka Waihona Aupuni, nona ka waiwai he $100.00, hookahi haneri dala, o ka mea a mau mea paha e loaa ai keia mea, e uku pono ia no ia ke hoihoi ae ia D Balawina, a i ole ia Sam Damon.
Honolulu, Dec 2, 1880. 992 2t
PUOLO HAULE.
Eia ma ko’u lima keia Puolo haule, ma ka oneki o ke Kilauea hou, o ka Poalua Nov 9 1880, nona keia waiwai me ka hoihoi mai i ko’u mau lilo a paul. E loaa no wau ma Paihiihi, Hamakuapoko, Maui. B KALAWAIA.
Hamakuapoko, Maui, Nov 19, 1880. 992 lt*
D H A KINIAKUA.
Ua makaukau oia e hana i na ano palapala pili kanawai a pau: Palapala kuai, Hoolimalima, Aelike, Oki mare, a me na ano palapala hoopu kipaku aina, no ka uku haahaa E loaa no wau ma ka Hale Kula ma Pulehu, kula apana o Makawao. 992 1y.
HOOLAHA A KA LUNAHOOPONOPONO WAIWAI.
NO ka mea, ua hookohu pono ia mai au e ka mea Hanohano C C Harris Lunakanawai Nui o ka Aha Kiekie o ko Hawaii Paeaina, i luuahooponopono no ka waiwai o Makakoa k, o Waiahole Koolaupoko Oahu i make kauoha ole, nolaila, o ka poe a pau he mau koina ko lakou i ka wawai o ka mea i make i olelo ia maluna, e hoike koke mai iloko o na malama eono, a i oie pe la, e hoole mau looa ia aku no, a o na poe a pau e paa ana i na waiwai o ka mea i make, a i aie paha ia ia. e hoihoi koke mai lakou ia’u. J L KAULUKOU.
Lunahooponopono Waiwai o Makakoa k, i make. Honolulu, Nov 29 1880. 992 4t
OLELO HOOLAHA.
EIKE auanei na kanaka a pau ke nana mai lakou, me kela palapala, o makou o ka poe nona na inoa malalo nei, ke papa loa aku nei makou i ka poe mea holoholona e hele wale ana ma ke kula o Kamoolou he aina no P Kanoa, i lilo i ka hoolimalima ia e makou a me ko makou mau kuleana e waiho ana ma ia wahi hookahi no, nona na inoa Kaohai, Manana, Hiiakalalo, Hiiakaluna a me ke kula o Ea, ua kapu loa keia mau wahi a pau loa, o ka poe mea holoholona e hele ana maluna o keia mau aina, e kii koke mai lakou iloko o na la he umi., i na e hookuli, e uku no kela poo keia holoholona elua dala, ke loaa i ko makou luna S Kipi, a e hoopaa i ka Pa Aupuni, e like me ke kanawai.
Solomona, Kelama,
Kainana, Makani,
Mrs A Kawaimaka, John,
Kaanaana,
992 4t.
$10.00 MAKANA.
E haawi ia no keia makana maluna ae i ka mea e hoihoi mai ana i ka bipi wahine e hele wale nei. @i keokeo a puni na wawae a pau, a i oki ia ka pepeiao hema, i like me keia V; na auwana aku keia bipi mai ka pa bipi aku o Pawaa. E ninau ma ko makou nei Keena.
992 2t.
HOOLAHA HUI.
O Ah Chew e me Wo Chung he mau mea e noho ana ma Kapalakiko Kaleponi, a me Ah Sing, Ah Young, Ah Chung o Hamakauapoko, mokupuni o Maui, o lakou ka poe e laweiawe nei ma ka oihana kalepa ma Hamakuapoko malalo o ka hui e
QUONG TUNG & CO.
Honolulu, Nov 22, 1880. 991 3t*
HOOLAHA HUI.
O mau Ou a me Chu Kim, he mau mea e noho ana ma Hamakua, Hawai, a me Quan Sam Kee, o Honolulu. o lakou ka poe e lawelawe nei i ka oihana kalepa ma Hamakua, malalo o ka hui o SEESAM K@ & Co.
Honolulu Nov 22, 1880. 991 2t*
Ke hoolaha aku nei au i ka wahine mare e noho la mea Waikakahalulu, e ike auanei na mea a pua loa, o Kukana kua wahine mare, ke papa loa ia aku nei na mea a paa loa, haole pake, pakiki a me ke kanaka, aole e hoaie iaia.
KUMAHIAI.
Honolulu Nov 27, 1880. 991 2t
HOOLAHA I KA POE AIE.
O ka poe a pau i ale i ka mea nona ka inoa malalo iho, ke heike ia aku nei e hookaa koke mai iloko o na malama elua mai keia ia aku, o waiho ia aku ko lakou mau aie iloko o ka lima o ka mea ohi.
H A HEEN.
Makawao, Nov 19, 18880 990 3m 997
NO KE KUAI!
He mau paa bipi ohi laka hou, mawaena o 4 a me 5 makahiki, a me na bipi waiu a me na puaa liilii hou i kupono no ke koaha ana. Eninau ia J H WOOD.
Honolulu, Nov 16, 1880 @
KA
NEPEPA KUOKOA,
NO 1881!
“Iluna no ka ua wehe e ke pulu o lalo.”
“Aole kali ke au a me ka manawa no ke kanaka, o ka makaukau mua ka pono.”
Nolaila, e na makamaka o
“Ke Kilohana Pookela o ka Lahui Hawaii,”
E hoomakaukau mua mai oukou no na pomaikai a ke
KUOKOA
e aha i aku ai a waiho imua o oukou no ka makahiki hou e hiki mai ana.
No ka poe a pau e lawe ana i ke
KUOKOA
no 1881, me ka hookaa mai i ka
UKU PEPA HE $2.00.
mamua ae o ka la 31 o Maraki, e haawi ana makou ma ke ano Makana i ke Kii maikai loa o ka
MOIWAHINE KANEMAKE
EMMA KALELEONALANI.
O ke Kii keia i hana hope ia iho nei e Mr. Montano, ma ke Alanai Papu, a i lawe ia i Nu Ieka kahi i hoolele hou ia ai iloko o na waihooluu nani loa. He Kii waiwai keia, a he Kahiko Kilakila no na Home Hawaii.
Eia hou no—He waiwai na ke
KUOKOA
i imi no kona poe heluhelu.
E hoopuka ia ana ma keia makahiki ae he mau Helu Manao e pili ana i ke Kanawai, a me na hana pili Kanawai.
Ua imi makou, a ua loaa he mau mea noiau i ae e haawi i kau wahi hapa o ko lakou manawa no keia hana.
He pomaikai keia no la Lunakanawai Apana, a he waiwai no na mea a pau e ao nei ma ke Kanawai, a e lawelawe nei hoi ma ka oihana loio, a no ka poe ake naauao a pau.
E hoomau ia na Haawina Kuia Sabati ma ka lima o ka Makua Laiana, a me na waiwai e ae ana e puai mai ai mailoko ae o kona waihona makaukau.
O na mea hou o na Aina E kekahi e hoomakaukau nui ia ana no ka makahiki hou. Na ouli o ka manawa iwaena o ko na Aina E; na Palapala mai na Aina E mai; na Manao Hoolana a me na alakai ana no ka Lahui Hawaii e hiki ai ke pii ae iluna ma ka noho ana maemae ma ke kahua malemalame; oia kekahi mau meheu kahi a ke KUOKOA e ko ai i na noonoo ana o kona lehulehu o ka poe heluhelu, no ka makahiki hou.
A he hiki i na mea a pau ke hilinai mai, he
KUOKOA
keia no ke Kuokoa o Hawaii.
Eia kekahi, a awiwi mai na makamaka no na wahi koena i koe o ka uku pepa no keia makahiki, i pau loa mai mamua ae o ka la hope o keia mahina, i maemae hoi ka hana, oiai he kauoha paa i ko makou poe Luna, aole e haawi i ka pepa i ka poe e noho aie nei.
E HOOLOHE I KEIA E PONO AI!
982 4t
NA LOLE O NA WAHINE.
HALEKUAI HOU
A. M. MELLIS.
NA WEHI O KE KINO
MAU WAIWAI HOU
A. M.
O NA KAUOHA A PAU
MELLIS
Mai na Mokupuni e mai
104 ALANUI
E awiwi ia e hooko aku,
PAPU
I Loaa Pono aku ai.
EMI LOA KE KUMUKUAI
NA WAIWAI NANI LOA
RULA HOU NO KE KUAI ANA
104 Alanui Papu.
LOLE O NA KANE.
989 tf
NA LOLE O NA KANE
MA ka Aha Hookolokolo Kiekie o ke Aupuni Hawaii. KALAKAUA, ma ka lokomaikai o ku Akua, o ko Hawaii Pae Aina, Moi: Ia WILLIAM C PARKE, Esquire, Ilamuku o ke Aupuni a me kona Hope—Aloha: Ke kauoha ia aku nei oe e kii aku ia HENRY GILES ka mea kue, ke hoike mai oia ma ka pane ana mai ma ka palapala iloko o na la he iwakalua mahope iho o ka hooko ia ana o keia: e hele mai oia imua o ka Aha Hookolokolo Kiekie ma ke Kau o Okatoba i oleloia, e malama ia ana ma ke Keena Hookolokolo o keia Aha ma Honolulu, ma ka mokupuni o Oahu, ma ka Poakahi ka la 4 o Okatoba e hiki mai ana, ma ka hora 10 AM, e hoike mai i ke kumu mamuli o o ke noi a ERMELINEA M GILES ka mea hoopii. @ ae oleia ai kana hoohalahala no kana noi e waihoia aku nei. E paa pu oe i keia palapala, me ka hoike piha ana mai i na mea i hanaia e oe no keia hihia
Ikea, Hon. Charles C Harris, Lunakanawai Nui o komakou Aha Hookolokolo Kiekie ma Honolulu. i keia la 2 o Okatoba. 1880.
(Kakau Inoia) A ROSA. Hope Kakauolelo
Aole he mea i hanaia o keia palapala hoopii i oleloia, oiai, o ka mea nona ka inoa o H Giles, ua haalele mai oia i keia Aupuni ma ka la 13 o Augate. 1879, maluna o ke Kalepa Geremania “Malavina,” no Hong Kong.
(kKkau Inoaia) W C PARKE, Ilamuku.
Honolulu, Oahu, ss
Ke hoike nei au me ka oiaio, o na olelo maluna ae, oia no ke kope oiaio a poloiei o ka palapala hoopii i hoopukaia ma ka hihia Oki mare o Emmeline A M Giles kue ia Henry Giles, a me ka hoike a ka Ilamuku i oleloia; a mamuli o ka hoike a ka Ilamuku, ua kauoha ka Aha i keia hihia ma ke Kau o Okatoba, 1880 i oleloia; e hoomauia aku no ke Kau o Ianuari, 1881, a no ia mea, e paiia i kope o keia, e hoike ana i keia palapala hoopii e like me ka mea i hoakakaia ma na olelo maluna ae no ka hoike ana ma ke Kau o Ianuari.
No ka oiaio o keia, ke kau nei au i ko’u pulima i keia la 27 o Okatoba, 1880. JNO. E BARNARD.
987 6t Kakauolelo o ka Aha Kiekie.
Ma ka Aha Hookolokolo Kiekie o ke Aupuni Hawaii KALAKAUA, ma ka lokomaikai o ke Akua o ko Hawaii Pai Aina, Moi : Ia WILLIAM c PARKE, Esquire, Ilamuku o ke Aupuni a me kona Hope - Aloha, Ke kauoha ia aku nei oe e kii aku ia CHARLES ALEXANDE GIMON o Kikane, Waie Hema Hou, ka mea kue, ke hoike mai oia ma ka pane mai mai ma ka palapala iloko o na ia he iwakalua mahope iho o ka hooko ia ana o keia, e hele mai oia Imua o ka Aha Hookolokolo Kiekie ma ke Kau o Okatoba i oleloia, e malama ia ana ma ke Keena Hookolokolo o keia Aha ma Honolulu, ma ka mokupuni o Oahu, ma ka Poakahi, ka ia 4 o Okatoba e hiki ma mai ana ma ka hora 10 A M , e hoike mai i ke kumu mamuli o ke noi a JULIA FLETCHER GIHON o Honolulu, mokupuni o Oahu, ka mea hoopii, i ae oleia ai kana hoohalahala no kana noi e waiho pu ia aku nei.
E pau pu e i keia palapala me ka hoike piha ana mai i na mea i hanaia e oe no kela hihia.
Ikea, Hon Charles C Harris, Lunakanawai Nui o ko mai Aha Hooko okolo Kiekie ma Honolulu i keia la 12 o Iulai 1880
(Kakau Inoaia) A ROSA, Hope Kakauolelo
O ka inoa i oleloia, C A Gihon, aole oia iloko keia Aupuni Ua hoouna aku au ma ka ia 12 o Iulai, ma ka mokuahi, Kulanakauhale o Kikane malalo o ka Inoa o C A Gibon ma kikane Wale Hema Hou, ha hope oiaio a pololei o ka palapala hoopii aka, a hiki i keia la, aole he pane i loaa mai laila mai
(Kakau Inoaia) W C PARKE, Ilamuku
Honolulu, Augate 31, 1880.
Honolulu, Oahu,ss
Ke hoike aku nei au me ka oiaio, o na olelo maluna ae, oia no ke kope oiaio a pololei o ka palapala hoipii i hoopukaia ma ka hihia Oki Mare o Julia Fletcher Gihon kue ia Charles Alexander Gihon, a me ka hoike a ka Ilamuku i oleloia : a mamua o ka hoike a ka Ilamuku, na kauoha ka Aha i keia hihia ma ke kau o Okatoba, 1880 i oleloia ; e hoomau ia aku a hiki i ke Kau o Iuanuari, 1881, a no ia mea, e paiia i kope o keia, e like ana i keia palapala hoopii e like me ka mea i hoakaka ia ma na olelo maluna ae no ka hoike ana ma ke Kau o Ianuari.
No ka oiaio o keia, ke kau nei au i ko'u pulima i keia la., o Okatoba, 1880. JNO. E BARNARD
987 6T Kakauolelo o ka Aha Kiekie
A HA Hookolokolo Kiekie o ko Hawaii Paeaina, ma ka hooponopono waiwai. Ma ka hana o ka waiwai o Ikeole o Punaluu Oahu, i make, ma ke Keena imua o ka Lunakanawai Harris. Kauoha e hoolalaha i ke noi e apono i na Papa Hoike, hookuu ana, a e mahele i ka waiwai. Ma ka heluhelu a me ka waiho ana mai o ka Palapala Noi a me ka Papa Hoike o W. C. Lane, Lunahooponopono o ka waiwai o Ikeole no Punaluu, i make ae noi ana e aponoia na hoolilo he $273.0 a e hoike ana o na mea i loaa mai iaia he $358.75, a e noi ana e nana a aponoia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka Poakahi, ka la 20 o Dekemaba, M H 1880, ma ka hora 10 o kakahiaka, imua o ua Lunakanawai la, ma ke Keena ma ka Haleohookolokolo ma Honolulu, oia kahi a me ka manawa i kohoia no ka hoolohe ana i ua noi ia, a me ka papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakouo e ae oie ia ai ua noi ia, a malaila e hoike mai ai na hoike o ua mea i kuleana maloko o ka waiwai i olelo ia. A o keia kauoha ma ka olelo Hawaii, e palia maloko o ka nupepa “Kuokoa,” he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Paeaina, i keia la 19 o Novemaba, M H 1880. C C HARRIS.
Ikea: Lunakanawai nui o ka Aha Kiekie
Jno. E Barnard, Kakauolelo o ka Aha Kieke. 991 3t
HOOLAHA HUI.
Ke hoike aku nei o J K Smith e noho ana ma Koloa, Kauai, a me A H Smith e noho ana ma Makawao Maui, ua hoohui ae laua e laweiawe me ke kanu ko ana ma Koloa Kauai, malolo o ka inoa hui o A H SMITH & Co,
Koloa Nov 19, 1880. 991 2t
HOOLALA LUNA HOOPONOPONO WAIWAI.
Ma ka la 26 o Okatoba 1880, ma Kohala Akau Hawaii, ua hoonoho ia ka mea nona ka inoa malalo nei i lunahooponopono no ka waiwai o Lono k, no Kohala Hema, e Hon C F Hart, Lunakanawai Kaapuni, nolaila, o ka poe a ka mea i make i aie ai, e hoike mai maloko o na mahina eono mai keia la aku, a me ka waiwai e paa ia ana e kekaho poe, e hoihoi koke mai ia’u, a i na he aie kekahi mea i ka mea i make, e uku koke mai. NAHEA k,
Lunahooponopono waiwai o Lono k.
Kohala Akau, Nov 1880. 991 4t*
HOOLAHA HUI.
O H Hackfeld, J C Pfluger, J C Glade, a me H W Schmidt, o lakou ka poe e lawelawe nei ma ke ano kalepa waiwai malalo o ka hui o HACKFELD & Co.
Honolulu, Nov 22, 1880. 991 2t.
KAUKA EMEKONA.
E LOAA O MAUKA EMEKONA MA KOna Keena Hana ma ka Hale Kauka o Dr Hoffman. (Kauka Hopemana) ma ka Hela 24 Alanui Kalepa, mai ka hora 9 a 11 o ke kakahiaka, a mai ka hora 2 a 4 o ke ahiahi.
He keiki keia o ka aina o Hawaii nei, a ua noho oia he mau makahiki me Nu Ioka, a ua makaukau i ke pale keiki, a i ka lapaau ana i na mea mai fiva, na mai maoli a me na mai haole o na ano a pau. Ua akamai oia ma na olelo elua. 981 6m
JAMES M. MONSARRAT.
[MAUNAKEA.]
He Loio o he Kokua ma ke Kanawai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
Keena hana maluna ae o ka halekuai buke o Wini me Robikana, Alanui Kalepa, Honolulu
Jan. 3, 1880, 944 1y
Kuai o ka Waiwai Paa ma
ke Kudala.
Ma ke kauoha a na Luna Hooko Kauoha o ka waiwai o
Lunalilo, ma ka
POAKAHI, DEKEMABA 6, 1880.
Ma ka hora 12 awakea, ma ko'u Keena Kudala ma Honolulu, e kuai aku no au ma ke kudala i ka
Aina o LALAKEA !
nona ka ili ha 2944 eka, a me ke
Ahupuaa o Waikoekoe,
nona ka ili he 4776 eka, Mahele B., Apana 2.
E hui like pu ana kekahi me kekahi, e waiho ia ma Hamakua mokupuai o Hawaii. nona ka aina momona i ke
Ko, he Ululaau a me ka Aina Kula,
A ME KA
Lako Wai Kupono!
A ME NA
AINA MA KONA, HAWAII.
AHUPUAA HONUAINONUI, ili 3644 eka,
Mahele 8559 B. Apana 7.
AHUPUAA o LEHUULANUI, ili eka, Palapala
Sila Nui 7455.
AUPUAA o KAWAINUI. ili 3.80 eka, Palapala
Sila Nui 7454.
AHUPUAA o LANIHAUNUI, ili 302 eka Palapala Sila Nui 7456
AHUPUAA o PUAPUANUI, ili 394 eka Mahele
8550 B, Apana 8.
He nui ke Kope, ka Mauu a ma ka Aina Wahie.
A ME NA
AINA MA WAIHEE, MAUI!
Ka Aina (ola ka Ili Aina) o AHIKULI, e pili kokela me
ka Mahiko o Waihee, Maui, nona ka ili 1324 eka, pii aku a emi mai paha ; he wahi uuku i kupono no ke kanu ko, a ua kanu ia i keia wa, a pela hoi me ka lako wai kupono maikai. Malalo keia o ka Mahele 8650 B, Apana 21.
Ma kahi kudala e loaa ai ke Kumukuai.
E.P. ADAMS.
LUNA KUDALA.
988 5t
Kuai a ka Lunahooponopono
Waiwai.
Ma ka waiwai o C. Kanaina i make kauoha
ole
MAMULI o ka mana mai ka Mea Hanohano C C Harris mai, ka Lunakanawai Nui o ka Aha Kiekie, ma ke ano Aha Hooponopono Waiwai ma ka la 6 o Ianuari. M. H. 1880, e kuai kudala akea ia aku ana e ka mea nona ka inoa malalo, ma ka
POAONO, LA 18 0 DEKEMABA, 1880.
MA KA HORA 12 O KE AWAKEA
Ma ke alo iho o Aliiolani Hale, i na pono ke kuleana me na pomaikai a pau o C Kanaina i make, maloko o na aina e hoakaka la nei malalo iho penei:
Apana 1 - Kaieie ma Kalihi, Oahu, he 26 a oi aku a emi paha na eka.
Apana 2 - Leaha ma Kalihi i olelo mua ia, he 65 54-100 a oi aku a emi mai paha na eka.
Ua pili pa kela mau apana aina ma kahi hookahi, a he kupono loa no ka hanai holoholona.
Apana 3 - He apana aina ka ka Pamoo, Honolulu nei, ma, hope iho o kahi noho o Rev. Mr. Damon, ma ke Alanui Hotele kahi e komo aku ai, nona ka nui he 35-100 eka. Ala keia apana malalo o ka hoolimalima he $60 no ka makahiki, a e pau ana ka manawa i Iune 30, 1884.
Apana 4 - Keia apana ma ke kihi o na ainnui Moi me Puoina me na hale maluna iho, no na eka he 17-100. E kualia keia aina me ka hanaia o ko Mrs Kaahu kuleana no kona ola. E hoike ia aku no la mea ma ka la e kudala ai.
Apana 5 - He apana aina ma Waikiki ( Kailalii) nona na oka he 3 61-100.
Apana 6 - He apana aina iloko o ka Ili o Pau, Waikiki, nona na eka 9 2-100. he loi hookahi keia i kupono no ke kanu kalo a raiki paha.
Apana 7 - He apana aina ma Manoa he l4 eka ka nui. Aia keia aina malalo o ka hoolimalima no na $236 no ka makahiki, e hookaa hapalua makahiki ana, a e pau ana ka manawa i Sepatemaba 30, 18@1.
Apana 8 - Ke Ahupuaa o Hakipuu ma Koolaapoko, Oahu, a ke hoomakaukau ia nei e ana aku. He aina momona keia, i kepono i ka hanai holoholona a me ke kana raiki, me na loko i-a momona, a e kuai ia aku ana me ka hoolimalima no ka $150 o ka makahiki, a e pau ana ka manawa i Dekemaba 31, 1884, me hookahi hoolimalima hou na $189 a ka makahiki a e pau i Oct.31, 1886.
Apana 9 - Ka pa o Himoeipo Alanui Halealii nona na eka he 78-100 eka.
Apana 10 - E kuai kuokoaia ana na hale e ka ia ma keia apana maluna a e lawe ia maloko o na la he - mahope o ke kuai ana.
Apana 11 - 1 Loi kalo nui ma Kamoku 2, Waikiki, he 1/2 eka ka nui.
O ka apana o Halemanipa (Apana 9 me10) ia wahi no e kudala ia, mahope iho o ka pau ana i ke kudala ia o na apana e ae. He kuike he dala, a i ka poe nana o kuai mai ka lilo no na palapala, e like me ka apono ana mai a ka Aha Hooponopono Waiwai.
O na apana aina a pau maluna, na paa iloko o ka Palapala Sila Nui.
E ikeia no ka kii me na mea a pau e pili ana ma ke keena o
W. C. PARKE.
Lunahooponopono Waiwai o C Kanaina.
Honolulu, Oct. 29 1880. 9@6 6t
E ike auanei na kanaka a pau, owau o Kealoha Harbottle, ka mea i hoolimalima i ka aina o Makalawena, ma Kona Akua mokupuni o Hawaii, ke hai aku nei au, ina e hookaa ole mai kekahi kanaka e noho ana maluna o ua aina la i ka uku auhau a kuu kanaka o Kauaonuuanu e auhau aku ai ma ka malama o Augate, o keia a me keia makahiki a hiki i ka wa e pau ai, e hookaawale ia ia mai ka aina aku, aole ona kuleana i koe, a ina e hookaa ole, alaila, e hoopii ia e like me ke kanawai. KEALOHA HARBOTTLE.
Kapalama, Honolulu, Nov 16 1880. 990 4t