Ka Nupepa Kuokoa, Volume XX, Number 7, 12 February 1881 — KA MAKANI MA PUNA. [ARTICLE]

KA MAKANI MA PUNA.

E KE KUOKOA ; -- Aloha oe : Ma ka la 27 o Ianuari i hala, ua paio ae la ka welau o na ale o ka moana a puoho ae la iluna e like me ka nalu i pa aku i ke kumu pali, a e like me ke Kohala e puhi ana i ke kai iluna, a ku ae la ka e'a i ka hokua o ka ale, a hele lalani aku la ia kai iluna o ka aina e like me ke ahi makawela e ai ana i ka aina. Ina paha he waapa a i ole he waa maoli ma ka moana ia la, alaila, ke manaoio nei au, aole e ole ka piholo o wahi o laua, pela i ikeia ai mai ka hora 11 a hiki i ka hora o ke ahiahi. Mai kuu la i naauao ai a hiki ia nei, akahi no au a ike i keia hana nuhou. Owau iho no me ke aloha. Z. M. NAAHUMAKUA. Keahialaka, Puna. Ian. 27, 1881.