Ka Nupepa Kuokoa, Volume XX, Number 8, 19 February 1881 — NA ANOAI O LELE. [ARTICLE]

NA ANOAI O LELE.

Akahi. Ua ike aua maa na kupa o ka lai nei o Lele mai kahiko mai, o ka wela o ka ia ka mea mau, aka, i keia makahiki ke koou mau nei i ka noke mau a na paka ua a haule mau ana i ka po me ke ao no hookahi mahina, no ka mea, o ka ua he malihini ia mea maanei, a ma keia ua loihi ana, ua hoonele ua na paahana o ka Paionia Mill i kahi okeni ole o ka pakeke, no ka hoomaha o ka wili no ka nui i ka ua. Alua. Kekahi mea hou maanei i ike ole ia mamua, a ua like me ke kulanakauhale o Honolulu, oia hoi o na pakeke piula, he ha--paha ko ia ke piha i ka poi wali, o ko Honolulu hoi ma na umeke pohue, o ka mea maa mau maanei o na eke a me na kihene lauhala a me ka la-i, a ke mahalo piha nei na keiki o ua malu ulu nei no keia mea. Akolu. O ka nui o na i-a ma keia mau la, oia hoi na kawakawa a me na opelu, me ka oluolu o ke kumu kuai, 1 kawakawa 12 1/2 keneta, o na opelu hoi 10 a pii aku iluna 12 1/2 keneta. Oia ae la na mea o keia mau la o ka Malu Ulu. Jno Puheekai. Kopili, Lahaina, Maui.